PANGEN NGAW...LAST( RAUTHLA TE CHAWLHNA!?)
PANGEN NGAW.....9..( LAST)
(RAUTHLA TE CHAWLHNA!?)
M.Lusei Palian
......... ........ ............
Kan buk chhakah mai chuan Sazuk var chu a lo ding reng chu niin....
Kan ṭhian dun chuan mak kan ti lutuk chu kah mai nachang pawh kan hre lo hial a ni . Kan han in eng he haw a, mit mei chuan kap turin kan inti ve ve a. Chu Sazuk var chu tlanchhiat reng a tum lo, a mak zawk hial a ni.Kan en reng lai chuan chu Sazuk var mit meng mawi em em mai chu a mit tui a tla nia. A mak ngei mai! Kha chen kan zawng kual a, kan chau em em a, chutih laiin hetah mai a rawn kal leh si chu mak tak a ni.Tin, he Sazuk hi mak na tak a nei ve tlat a, a mit meng nula mit meng mawi tak ang te, a ki zar thui em em mai te, min hlau hauh lo te hi a mak a ni.Tunah lah a mittui a far zawih zawih mai a ni si a le...!
Ka rilru chuan thlarau ten an rawn um chhuak a ni mai ang a, ka ti deuh a, theih hram se pehhel dan awm se ka ti tak zet a ni.
Rina chu ka va melh leh a, alo chechang bik hauh lo, a kap hreh ve hle ni chuan ka hria a, kan in melh leh ha a. Nang kap zawk rawh tih melh hian kan in melh a.Chutah ka silai chu ka darah ka chhuang a, Sazuk var mitmenga en duh lo chuan ka tin ta a, chutah Rina pawh chuan a silai chu a lek kang ve ta a, ngaihtuah duh tawh loh chuan ka kap ta ṭhuai mai a, ka silai a rik zawh chiah chuan Rina silai pawh chu a ri zui ve nghal zat a.Chutah le...Sazuk var chu a zuang zawt a...nula aw nalh tak hian " Awi...ka nu...." a tih ri hi kan hre chhawm nghal mai a. Chutih lai tak chuan thli hi a rawn thaw chiam mai a, hlau hman leh muang chang hman kan ni lo tih ka hria a.
" A thisen dawhna tur rawn ngaihtuah rawh" tih leh Sazuk var tlukna lama chempui nena tlan chhoh ka rual ta a.
Thli chuan hnah ro chu a chhem leng nasa mai a, ka inti paukhauh lui ve tlat a. Ka tlan chho zel a, ka thu vawn reng ṭhin chu hmui phunin ka sawi a..chu thu chu hei hi a ni " Hlauhna hi inhneh tir ngai suh ang che, bei let la i hneh thei" tih hi..!
Sazuk var tlukna ka thleng chho ta, a mit meng en loh hram hi ka tum viau na a, a loh theih loh, a mittui a lo la luang zawih zawih a, a nghawngah chempui a zai a, a thisen dawh a ngai si a. Chutah mak tak mai hian ka rilruah he thu hi a rawn lut ta tlat mai!
" Zalenna an neih theih nan nun hlan a ṭul si maw!?" tih hi a ni. Mak ka ti hle mai, ngaihtuahna a kal thui duh ang reng hle a, mahse hmabak hlen chhuah tur kan la nei si!Rina pawh a rawn thleng chho ve nghal a, a thisen dawhna tur mauthei lian deuh a rawn keng chhova. Phur lo leh hreh tak chung chuan ka chem chu ka lek a, sazuk tlu tawh nghawngah chuan ka zai ta a. Chutah Rina chuan a thisen chhuak chu alo dawh ve ta thung a. Engvang teh khera chu Sazuk var thisen ber kher chu ngai ni maw! Chu Sazuk chu kan bel chiang a, alo thianghlim em em mai a, keini pawh chuan a ruh pakhat mah kan lo kap chhe lova. Khawi laiah tak nge kan kah tih hriat ka tum a, e khai aw...a nakah ve ve a ruh chhe hauh si lo chuan kan lo kap alo ni! Thil mak tak ava ni teh lul em! Thil tam tak min ngaihtuah chhuah tir a, ka nunkawng pawh a khawih tel hial a ni. A thisen kan duhtawk kan dawh hnu chuan kan in en a, sawi tur kan hre lo dun hle mai!
Buk lamah kan chhuk san leh phawt a, kan buk bul lei nem lai chu thingtuai suih zum leh chempui hmang chuan kan ṭhian dun chuan Sazuk var phumna tur chu kan lai dun ta a.Lei alo nem phian a, kan lai chak kher mai, leivung kan peihna lamah kan kut te chu a paw vuk tawh a.Kan inbe tlem hle a, kan tihtur chu kan ti mawp mawp mai a. Khua lah chu a tlai chak nasa mai si! Chutah a mawi tawk kan laih hnu chuan changel hnah ka sat a, ka phah vek a, Sazuk chu kan han zawnthla dawn ta a, a rit hle mai! Mahse a hlat lem loh avang chuan kan hnuk thla titih a, kan han dah rem a, changel hnah chuan ka khuh leh thlap a, kan vur leh ta a! Hun kan lo hmang rei viau a lo ni, khua a thim lek lek ta mai! Kan han inphum fel ta a, hmanhmawh a ngai tih kan hrechiang hle tawh a, kan hmanrua chu Sazuk var thisen ka hnawih zung zung a. Thingtuai chu kan suih a, fei anga siam in kan buatsaih zung zung a, kan silaimu chu a ni buaithlak ni! A pumin kan chiah ngam si lo, khawl thun deuh vek kan pai si! Silaimu siam chawp tur tlem ka pai a, chung chu a suan a zawk chu thisenah chuan ka chiah vek a, mu li siam turin ka buatsaih a.
Rina chuan zanriah tur a buatsaih ve zung zung a, thil harsa a ni hran lo, mau bur leh kan bel te kan hmang ṭangkai a.Tin, zan lama kan mamawh ringin thingro a fawm chiam a, rei loteah a vum thur ta mai. Chutih chhung chuan Silai mu ka lo siam mawlh mawlh thung a, hmanrua a awm sa chuan Silai mu siamin a har hran lova, ka inpeih deuh thuak a ni mai.Sazuk thisena tah ngat silai mu chu kan insem ta a. Khua chuan min thimhnan ta mai renga...Chuah kan sa chhum te, kan Sakhi chek la neihte nen chuan zanriah kan han kil ve leh ta a. Kan chaw chhun barna ala rei lutuk lova,mahse a ei theih ngang mai! Dul hmul khat phuar chuan kan ei ta thova. Kan hun tawn zir loh vang nge ni, kan inbe tlem kher mai! Sawi tur kan hre rih lo a ni mahna! Kuhva tlem kan la nei a, kan han ṭhial dun leh a, rilruah zawhna alo lut a, chu zawhna chu hei hi a ni " Khawiah nge Rulpui kha kan hmuh ang le!?"
" Lawmpa....engtia hma han lak chi nge ni ta ang le, kan lo sakuh ser nghah tawp mai dawn em ni ?" Rina chuan a rawn ti chhuak ta phawng mai a.
" Ni e..lawmpa, a tih dan tur hriat ava har ngai ve le!? Kei pawh ka bo takzet a ni!"
Zan thim hnuaia Rulpui lian tak zawng chunga ngaw chhung luh chu a chakawm miah loh! Kan hmu ngei a ngem? Hmu pawh ni ila, min lo hmu hmasa ta se kan chan han chhiat tur zia chu..(h). Rulpui satliah a ni hauh lo lehnghal a. Ngaihtuah thui poh leh buaina a tam ni mai hian a lang lehnghal a. Zan lama ngaw chhunga vah chhuah chu tih loh loh a ni.
Chu zan thla eng, ngaw kara rawn zam lut raih mai te chuan kan ralmuan lohzia hi min hrilh nawn chhen ni mai hian ka hria a. A eng emaw zawnga thlir chuan a ṭihbai awm zawk hial a ni. Thawklehkhatah thli hi a rawn thawk chiam mai a, kan mei si te chu a chhem leng sup sup mai a, hnah ro chu a ri sung sung a. Men hleihtheih a ni lo, chhin reng thu a awm si lo, hnah ro te chu a len hian a leng suau suau a ni ber mai! Thei leh thei lo chuan kan meng a, kan buk leh a chhehvel ah chauh chuan thli a thaw tih ka hre thei a, buk han tlanchhiat san ngawt chu a ni meuh si lo.Kan sepui ruah tuar tlawk tlawk mai a, uipui tui lian thlir mai chu kan theihtawk a ni. Thawk leh khatah a reh leh ta vek mai a, thli a tleh lo emaw tih mai tur a ni leh ta, mak tih loh rual a ni lo.
Zam hman kan ni lova, zam thiang kan ni tawh lo, hei leh chen hi kan kal tawh, ka rilru chu ka fuih mawlh mawlh a. Rina ka va en a, changel hnah chungah alo bawk zar mai a, eng helh nei lo hmel zet hian zial a lo pak tual tual a, thla a timuang tak zet a ni.
" Lawmpa...Hei kan ṭhiana te chu fiamthu an duh dawn viau niin alang" a rawn tichhuak phawng mai a. Kan en chiang a, ka fei siam chawp chu alo hum ru reng mai!
" A nih dawn hi.....min rawn pan dawn niin alang!" Kan ti a. Ka ngaih dan pawh a ni reng a ni. Ka sawi zawh rual deuh thaw chuan thli chu a rawn thawk leh ta...mit men ngaihna a awm lo. Thei leh thei lo chuan Sazuk var kan phumna chu ka pan phei a,eng in nge min mawlh pawh ka hre lo, ka thleng phei thei ta hram a, chu Sazuk var kan phumna chungah chuan thli in min nuai ve hauh lo! Ka ṭhiana chu kan thlir a, a ni pa luhlul lui eltiang chuan fei a hum a, a lu a khuh a, a mu tlat nia. Kan au a, a hre thei hauh lo, neltlang ka la a, ka vawm ta a, thli na tak a tleh bawk si nen vawm dik a har phian mai.... A hnu deuh chuan ka va vawm fuh ta hram a. A rawn hawi chhuak chu Silai leh fei nen a inring kher mai, ka lo hui ta a. Thli na tak hnuaiah chuan a rawn phei lui ve ta a. Ka bul a rawn thlen chuan mak a tih hmel kher mai, a mak bawk lah taka chu kan awmna chu thli chuan a nuai ve hauh lo atin ni! Kan inmelh leh ngawt a. Khawvar lah chu kan la hlat si a, zan chanve pawh kan la hmang lo chu a nia le....!
Thawk leh khatah a reh ta vek a, a reh tlawk tlawk a, zan lama hram chi rannung hram takngial pawh a awm lo, thli pawh tleh lo ang mai a ni leh tawh a. Chutah Sih lam aṭang chuan " Kak" tih ri a rawn thum chhuak a, a ring hle mai! A rawn " Kak" apiang chuan lei chu a thum huk a, a nghawr dat dat thei a. Ngaih ti ṭha lo zual turin chhum leivak a rawn inzam leh ta..! He chhum leivak zet hi zawng a mi deh dan a dang zar nia, ngaia neih a har tlat! Keini ṭhian dun chu kan inring ngang mai,kan in nghahna neih chhun kan hmanrua te kan en fel thuai thuai a, kan sarepte pawh ka khuh ṭha leh vek tawh a. Sarep hi changel hnaha khuh chuan eng thil mah hian a khawih miah lo hi a mak a ni. Kan khuh tel loh nghalchang lu erawh kan chan thung si a.Chhum leivak karah chuan palian pui pui hi an vei thuak thuak ni mai hian a hriat a. A ni reng a, vei tawn thuak thuak hi an awm ngei a ni. A khat tawkin eng emaw chu a rawn "kak" leh ṭhin si nen, thaw a pik ngei mai.
Thawk leh khatah kan bul vela thing chu a rawn che hluai mai a, chulam hawi chuan kan inher rem nghal thuai a, mahse chhum leivak tam nen eng thil mah kan hmu chuang lo. Sazuk var kan phumna chungah chuan inring fe hian kan ding dun ta ran mai a. A nihna takah chuan Rulpui lian kan lo nghak a ni mah a, kan sihdet chuan Chhum leivak chu han chhun mah ila thui kan hmu thei chuang lo! Chung chhum leivak kar a mite lah chu an inhawr khawm ang tiam tiam hian a hriat a, Mahse kan zam hauh lo! Chutah le...kan buk bulah chuan pa pakhat dum zun mai, palian tak chu a rawn ding ta hluai a, chu veleh a sir tuak tuakah a aia te deuh te an rawn lang nghal sup sup mai a.Sihdet chuan kan chhun a, mit meng sen rum hian min lo melh tur ngun mai a. Ring fe, thum pui hian a rawn nui ta mai a, a bula mi zawng zawng pawh chu an nui ta vek a,min nuihsawh a ni deuh ber mai! Chutia an ni in min rawn nuih ngawt chu ka ngaih dan a ni thei ta ngang lo, kut vei lamin fei ka keng a, ding lamin chempui ( sazuk thisena chiah ngei kha) an lam pan chuan ka tlan phei nghal a....! Chem chu kan vai fua a, fei chuan kan hawl bawk a, an darh chum chum mai! Rina pawh rawn tlan phei ve nghalin ka tih ang chuan a rawn ti chhunzawm ve nghal a.An ṭe teng tung a,eng tin phei chuan min ti let lem lo, An thum huk a, an bo diak mai! Min hlau nge ni kan hmanrua an hlau zawk ni aw....Ngah nge min rawn nuih ngawt ni! Thawm bengchheng a awm leh ta rih lo.Mei chu ka tuah ṭha ṭan a, thli pui, thli bingin min rawn nuai tawh em lovang chu maw! A rawn thawh ṭhin dan hi a mak em a ni.
A hma a kan lo inrin lawk avangin tuah tur kan ngah a, mei chu hmun thumah ka chhep ta hluai a, a eng ṭha tawh viau mai, chhum leivak erawh a chhah telh telh ni mai hian alang a. Ka rilru erawh thinrimna leh chhan let duhna hlir chuan min luah thung a. Chhum leivakah te chuan va tlan luh a chempui nena va in vai fua fua a, nih tur ang ang nih chu ka duh tawh zawk takzet a ni.
Chutah thawk leh khatah kan bul hnai mai aṭang chuan a rawn "kak" leh ta ale,kan nghing lawih hian a hriat a,kan ṭhian dun chuan kan hawi chhuak rang kher mai, kan sir vel kan thlek a, kan inring hle mai! Chhum leivak awmna chin velah chuan a thum pup pup mai a, eng mah lah chu a hmuh fiah theih der si lo. Chutah nel tlang lian pui pui mai chu kan lamah chuan a rawn thlawk phei ta fua fua mai le..mak deuh mai chu a rawn thlawh phei tam tehreng nen pakhat mah chuan min fuh hauh lo, min fuh tum ni se min fuh nasat dawn tehreng nen hian aw ...Pikna hian min hualvel a ni ber mai! Ka ṭhianpa pawh chuan a ngaihna a hre bik lo ni ngei hian alang ve tho, hmuh theih hmelma hi chu kan bei thei, hmuh theih loh hi a ni buaithlak ni!!!
Chutah ring fe hian a rawn "Kak " thum leh ta a, lei hi a nghawr ni mai hian kan hria a. Chu thil a rik zawh chuan le, a ri suau a, a reh ta a, kan en reng lai chuan chhum leivak pawh chuan min kiansan ta hret hret a, kan en reng lai chuan an liam ta duak a. Mak hlir hian min bawm a ni ber mai hi a awihawm loh zawk hial a ni. Chutah le, thla eng te pawh ngaw kara rawn zam lut chu a hmuh theih leh ta a, chhum leivak rawn zing lo ang mai a ni. Mei chu ka chhawm ṭha mawlh mawlh a, ka ṭhiana pawh chuan min rawn pui ve nghal a, mei kan chhehna lai takah chuan kan awm a. Khawi lam aṭang pawhin thil rawn thleng thut awm ta se kan lo hmu thei dawn a ni. Chu chu kan innghahna a ni deuh ber mai. An rawn thawh leh hun chuan an rawn thawk rip viau tawh ang le!
Kan chheh vel chu a reh leh ta, eng kak ri mah a awm ta lo.Chungte hlei hlei chuan min ti ralṭi thung si! Kan han nghak deuh vang vang tak na a, boruak dang min rawn tlakbuaktu a awm ta der lo. A khaw har thlak angreng phian zawk a ni. Kei ni lah kan inring hle reng a, inthlah dul thiang hi kan ni lo. A ralmuan rei a leiah mut lam lam te pawh a chhuak ṭan ta. Zan hi kan mu mumal lo ṭhin nen mutchhuak chuan min rawn zem ta chiai chiai a, hahdam deuh chuan kan ṭhu ta a. Sawitur pawh kan hre tawh lova, kan hmanrua kan bula chhawp chung chuan kan tluzal vel ta mai mai a! Kan lo chhing sek a niang, thawk leh khatah kan meichhem chu thli in a rawn nuai leh ta phut mai le. A ṭek chuai chuai mai, kan harh rual nghal a. Chutah kan thlang lamah chuan thil eng emaw liam vuai hi kan hmu ta mai le!
" Lawmpa....chet a hun e" ka ti a, thil liam vuai chu sihdet nen kan chhui ta a. Sih lam chu a pan zel niin kan hria a, kan hmanrua nen chuan kan fimkhur hle a. Muang hauh si lo chuan kan chhui tak na a, a liam tur chiah kan hmu hman zel a. Rem lo taka han kah chu ni thei hian kan hre meuh si lo. Kan um chak tawlh tawlh a, kan nang hman chuang lo. Kan um thui hle tawh a, eng thil mah kan la hmu chuang lova, chutah le kan thil um hlir ngaihtuah a hma ka hruai lai chuan ka luah chuan thil eng emaw hian min rawn hem ṭhuai mai a. A ṭek chuai ni mai hian ka hria a, mi ṭhenkhatin arsi de chuai an tih ang hi ani, ka thal chiang ngang mai, ka mit sulh mai a. Rina'n " E khai a!" a tih ri hi ka hre vuai vuai a....
Ka harh leh meuh chuan Rina chuan theihtawp hian chempui hi alo vai fua fua a,
" Thlawk bo rang rawh u" alo ti a. Eng emaw thil dum hian an lo hual luai luai alo ni! Kan inbeng kang a, ka lu a hai ngei mai! Chutah din chhuah ka tum a, ka ding thei ta, ka din veleh chuan thil ri fua hi ka hria a, ka hriat rual chuan Rina chu a ṭe thawt a, aleng nghal lawp mai a, kan hawi phei chu le...hman zana ka Rulpui hmuh ngei khan alo hem chu a lo ni. Chutah Silai kan chuh a, a rawn ri leh fua a, ka kap hman bik lo, ka lo bawkkhup thlawrh a, ka ding leh dawn chiah a a rawn ri lehnghal! Rulpui khan a mei lamin min rawn hlap a lo ni. Sihdet hmeh ṭhat theih loh nen ka che buai chu a ni ta. Kan fei siam chawp pawh kan lo keng der si lo...Kan bul velah chuan eng emaw ho hi an phun bul bul a, eng emaw kan tih chhan pawh hi ka hmuh theih loh vang a ni. Ka ding thut a, ka chempui chu ka vai fua a, eng mah ka vai fuh lo. Kan hawi phei a le...Rulpui chu alo ang sen huam mai a, Silai ka dap fuh thei tawh si lo....Rina chu a lo melh run mai a, Rina lah thingbul rin chhanin a lo ṭhu hram hram a, Chempui pawh a hum tawh lo.
Hmanhmawh tawkin ka tlan phei a, " Sihhuai he lamah" ka ti a. Chempui chu Rulpui lamah chuan kan vai vak a, boruak mai a ni ka sah ni. A lo che rang em em mai chu niin, alo insiam rem zung zung mai a. Lian in hlauhawm hle mah se hlau thei dinhmunah ka ding tawh lo, ṭe chiam chung chuan ka um ve zel a, ka sat fuih thei hauh lo. Mahse Rina ka va chhan hrim hrim alawm. Chutah le ...Rulpui a rawn thinrim ve ta, min rawn hem leh ṭan ta. Thing lian pui pui te chu a hem thlu miah miah mai a, ka bul hnai a rawn hem thluk te chuan min delh teuh ngei mai, vanneih a siamin min delh lo hlauh zel a,vawm sawn zel chu a ni mai, invenna dang a awm der si lo. Vawi leh khatah Rina Silai chu a rawn puak dur a, chumi rual chiah chuan Kan bul vela mi te an chiau chel chul mai a. Rulpui pawh chu a ding dawt mai nia, chutah ka hawi phei a, Rina chu thil dum lian pui pui hian an lo hual tuau tuau a, ka silai ka hmu der si lo, ka tlan phei nghal ringawt a. Tlan pah chuan chem chu ka vai a, eng mah phei chu ka vai fuh chuang lova, chutah le, ka tukhum chu a ri leh bur mai a. Duh lo chung chung chuan ka tlu leh ta, ka thleng phei chiang hman lo a ni ber mai. Rina rawn tlan phei ve nghalin a chempui a rawn vai ve leh thung a, ka indawm ṭhu ve leh hram hram a. Eng dang a ni lo, Rulpui chauh hi min chhaih buaitu a ni tlat lo. Eng emaw hmuh theih loh ho hian min hual ve reng a lo ni. Ka tukhum chu alum pup pup a, kan dap a, a thi tih ka hrethiam mai, ka sihdet kan dap leh a, ka hmu lawk lo, Rina pawh eng emaw hi a vai let hram hram a. Chutah Rina kah tawh Rulpui hliam chuan min hnungchhawn a tum hauh lo, thawk leh khatah a mei lam chuan min rawn hem leh ta a le,arsi hi a leng chuai mai a, kei ni ṭhian dun chu kan per ta nawlh mai le....ka khaw hmuh a fiah thei ta lo. Rina bawihsawm tur pawn chakna reng ka nei tawh lo! Ka rilru luh lul na chuan min tur nasa ngang mai, mahse ka ri hriatna pawh a hla tual tual ta mai a.
Ka mumanga ka hmuh ṭhin nula kha ka hmaah a rawn ding a, a hmel te chu a eng phat mai hian ka hria a. Ka luah min rawn dawm a,
" Harh rawh, i intih harh a ngai" min rawn ti a. Ka harh deuh sawt a, chutah ka meng thei ta a, ka silai chu ka bul maiah a lo awm a, ka dap fuh nghal a. Mahse Rulpui kha ka hmu ta hauh lo, Rina pawh ka hmu chuang lo.A lo thim mup mai a, ka sihdet kan dap a ka dap fuh thei hauh lo. Thil ri hruap hruap hi ka hria a, chutah ka veilam sir kan hawi a, karei le....Rulpui khan Rina lu chu alo liak hlup hlup mai a, thinrimna chuan min tuam nghal a, silai chuan Rulpui lu chu kan tin a ka hmet per ta... A bik a silaimu ka siam Rulpui kah nana uluk taka ka ruahman thun tling ṭha tawk tak a ni bawk a, a ri a ring ngang mai! A fuh chiang e, a kiu ruai ruai mai a, Silaimu kan dap a, ka thun lehnghal a, Rulpui tal nasa lutuk chu a lu chu kan rin kah leh ta a, ka fuh ngeiin ka hria. Chutah an chalchang tak tak mai chu le...thing a tlu rum rum a, thing chuan min delh leh ta... tunah zawng ka hun tawp a ni tawh a niang....a thim ta mup a, thlangra tia tia chuan thim chu a rawn tla thla ta mup mup mai a.
......... ........
Pa ngen ngaw ah ka lo ding vang mai a, chutah le, mak tak mai hian a hmaa ka mumanga ka lo hmuh tawh pasalṭha thangchhuah diar khim Thangvela te nen khan kan lo ding khawm reng mai a.
" Tlangval, in huaisen a zarah kan zalen ta..malsawmin awm la, khuanun a veng ang che u..." a ti dam raih mai a.
Ka thi ve ta nge ni...ka hrethiam lo ang reng hle mai! Chutah ka hmuh lai ngei chuan hlim takin an kal a, min entu apiang chuan hlim takin a ni min melh ni!
"I zarah kan zalen ta, pialral ah faisa ringin hlim takin kan va cheng ve tawh a nge!" tiin min nuih sak a.
Chutah ka bula nula ding chuan, " Le in lawmman va la rawh le" a rawn ti ta mai a.
" Lawmman duh leh beisei a thil ti kan ni lo asin!" Ka ti a, mahse min melh tlat a.
Ka hrethiam lo hle mai, ka en ha a.
" Lungphun tlar zinga a laia lung sang ber saw va sawi la, chuan i hmu mai ang, va kal rawh, a thamral mai mai dawn asin " min ti a.
Ka va kal ta a,lungphun sang ber chu kan sawi chhin a, a lo nghing nghal a, chutah a pil ta ruai ruai mai a, a lai thleng vel a pil chuan ipte ṭha tak hi a rawn chhuak ta zawk a, ka la a kan enchhin a...karei leh lunghlu ṭha mi pasarih lai hi alo awm chu niin!!!
Chutah lungphun sangber a pil takah chuan lung dang te pawh chu a pil ta vek mai a, a mak hle mai! Ngaw pangngai ang a ni ta!!!
Nula bulah chuan ka phei leh a, ka ṭhu ta a.
" In zarah ka ṭhiante thlarau a zalen ta, he ngaw a lut a, eng mah ti ngam lo chu Sih huaite khan an um a an tihlum zel a, chuvang chuan pa ngen ngaw an tih phah ta a ni, tunah chuan harh tawh la, i ṭhianpa pawh a ṭha tawh e, rawn zawngtu che u an awm a nia!" a ti ta a. A sawi zawh rual chuan a ral ta riai riai a.
..... ...... ....
Ka darah chuan Pu Kaptluanga chuan alo sawi ngat ngat chu ni in,
" I harh thei em?" Min lo ti a, ka harh vak mai a, ka piah chiahah chuan Rina pawh a rawn tho chhuak a, a lu a tuai vut vut a. Kan inmelh ralh ralh ringawt a.
Kan hawi kual a, Pu Kaptluanga,U Zasiama leh tlangval pakhat an lo ding reng chu niin, eng ti ziaa heng lai vela rawn lut thla chu ni maw...
Chutah Pu Kaptluanga chu a hawi kual vang vang a,
" Zan thum chiah kan riak ang kha in ti si a, zan li a ral pawhin in lo let ta si lo, hei Zasiama leh Kaphleia ka sawm a kan rawn zawng ta mai che u a ni e, nang ni lah helai thing pe vek vuk hnuaiah tui deuhin in lo muhil mai mai a....( min melh ralh a) in bukah lah chuan sarep a tam a, sanghal leh sakhi rep kan hmu a, mahse sakhi lu chiah kan hmu thung a, fei thisen kai kan hmu nual bawk a! " a ti ta mai a.
Kan hawi kual a, chhun hun vel a lo ni tawh a, Rina nen chuan kan in melh ralh ringawt a.Zan thum chiah kan riak si a, zan khat hi khawiah nge kan hman ral tak ang le? Kan tho chu na em em pawh ka nei lo, ka tukhum erawh thi kharin ka sam a char a. Ka ipte pui chu a ri rak a, chhungah chuan lung man tam chi tle sat sat chu ka lo ak reng chu niin..E khai aw.....!!! Mang satliah a ni hauh lo.
Buk lam chu kan pan dawn ta a. Thil awmzia hrilh ila, an hrethiam a ngem le?
A TAWP TA...
He thawnthu chhiar a ngainatute in chungah ka lawm hle a.LUNGRENG NGAW rawn dah leh ka tum dawn nia. Tin, keima chhiar ngei ngaithla duh tan pawh ngaihthlak tur Youtube ah a awm dawn e. Ka Youtube channel a ka thawnthu chhiar ( thawnthu dangte) min lo ngaihtlak sak ṭheuh ula, min lo share sakin min lo like sak dawn nia.
Youtube- M.Lusei Palian Thu leh hlate
Blog- M.Lusei Palian blogspot.com
(RAUTHLA TE CHAWLHNA!?)
M.Lusei Palian
......... ........ ............
Kan buk chhakah mai chuan Sazuk var chu a lo ding reng chu niin....
Kan ṭhian dun chuan mak kan ti lutuk chu kah mai nachang pawh kan hre lo hial a ni . Kan han in eng he haw a, mit mei chuan kap turin kan inti ve ve a. Chu Sazuk var chu tlanchhiat reng a tum lo, a mak zawk hial a ni.Kan en reng lai chuan chu Sazuk var mit meng mawi em em mai chu a mit tui a tla nia. A mak ngei mai! Kha chen kan zawng kual a, kan chau em em a, chutih laiin hetah mai a rawn kal leh si chu mak tak a ni.Tin, he Sazuk hi mak na tak a nei ve tlat a, a mit meng nula mit meng mawi tak ang te, a ki zar thui em em mai te, min hlau hauh lo te hi a mak a ni.Tunah lah a mittui a far zawih zawih mai a ni si a le...!
Ka rilru chuan thlarau ten an rawn um chhuak a ni mai ang a, ka ti deuh a, theih hram se pehhel dan awm se ka ti tak zet a ni.
Rina chu ka va melh leh a, alo chechang bik hauh lo, a kap hreh ve hle ni chuan ka hria a, kan in melh leh ha a. Nang kap zawk rawh tih melh hian kan in melh a.Chutah ka silai chu ka darah ka chhuang a, Sazuk var mitmenga en duh lo chuan ka tin ta a, chutah Rina pawh chuan a silai chu a lek kang ve ta a, ngaihtuah duh tawh loh chuan ka kap ta ṭhuai mai a, ka silai a rik zawh chiah chuan Rina silai pawh chu a ri zui ve nghal zat a.Chutah le...Sazuk var chu a zuang zawt a...nula aw nalh tak hian " Awi...ka nu...." a tih ri hi kan hre chhawm nghal mai a. Chutih lai tak chuan thli hi a rawn thaw chiam mai a, hlau hman leh muang chang hman kan ni lo tih ka hria a.
" A thisen dawhna tur rawn ngaihtuah rawh" tih leh Sazuk var tlukna lama chempui nena tlan chhoh ka rual ta a.
Thli chuan hnah ro chu a chhem leng nasa mai a, ka inti paukhauh lui ve tlat a. Ka tlan chho zel a, ka thu vawn reng ṭhin chu hmui phunin ka sawi a..chu thu chu hei hi a ni " Hlauhna hi inhneh tir ngai suh ang che, bei let la i hneh thei" tih hi..!
Sazuk var tlukna ka thleng chho ta, a mit meng en loh hram hi ka tum viau na a, a loh theih loh, a mittui a lo la luang zawih zawih a, a nghawngah chempui a zai a, a thisen dawh a ngai si a. Chutah mak tak mai hian ka rilruah he thu hi a rawn lut ta tlat mai!
" Zalenna an neih theih nan nun hlan a ṭul si maw!?" tih hi a ni. Mak ka ti hle mai, ngaihtuahna a kal thui duh ang reng hle a, mahse hmabak hlen chhuah tur kan la nei si!Rina pawh a rawn thleng chho ve nghal a, a thisen dawhna tur mauthei lian deuh a rawn keng chhova. Phur lo leh hreh tak chung chuan ka chem chu ka lek a, sazuk tlu tawh nghawngah chuan ka zai ta a. Chutah Rina chuan a thisen chhuak chu alo dawh ve ta thung a. Engvang teh khera chu Sazuk var thisen ber kher chu ngai ni maw! Chu Sazuk chu kan bel chiang a, alo thianghlim em em mai a, keini pawh chuan a ruh pakhat mah kan lo kap chhe lova. Khawi laiah tak nge kan kah tih hriat ka tum a, e khai aw...a nakah ve ve a ruh chhe hauh si lo chuan kan lo kap alo ni! Thil mak tak ava ni teh lul em! Thil tam tak min ngaihtuah chhuah tir a, ka nunkawng pawh a khawih tel hial a ni. A thisen kan duhtawk kan dawh hnu chuan kan in en a, sawi tur kan hre lo dun hle mai!
Buk lamah kan chhuk san leh phawt a, kan buk bul lei nem lai chu thingtuai suih zum leh chempui hmang chuan kan ṭhian dun chuan Sazuk var phumna tur chu kan lai dun ta a.Lei alo nem phian a, kan lai chak kher mai, leivung kan peihna lamah kan kut te chu a paw vuk tawh a.Kan inbe tlem hle a, kan tihtur chu kan ti mawp mawp mai a. Khua lah chu a tlai chak nasa mai si! Chutah a mawi tawk kan laih hnu chuan changel hnah ka sat a, ka phah vek a, Sazuk chu kan han zawnthla dawn ta a, a rit hle mai! Mahse a hlat lem loh avang chuan kan hnuk thla titih a, kan han dah rem a, changel hnah chuan ka khuh leh thlap a, kan vur leh ta a! Hun kan lo hmang rei viau a lo ni, khua a thim lek lek ta mai! Kan han inphum fel ta a, hmanhmawh a ngai tih kan hrechiang hle tawh a, kan hmanrua chu Sazuk var thisen ka hnawih zung zung a. Thingtuai chu kan suih a, fei anga siam in kan buatsaih zung zung a, kan silaimu chu a ni buaithlak ni! A pumin kan chiah ngam si lo, khawl thun deuh vek kan pai si! Silaimu siam chawp tur tlem ka pai a, chung chu a suan a zawk chu thisenah chuan ka chiah vek a, mu li siam turin ka buatsaih a.
Rina chuan zanriah tur a buatsaih ve zung zung a, thil harsa a ni hran lo, mau bur leh kan bel te kan hmang ṭangkai a.Tin, zan lama kan mamawh ringin thingro a fawm chiam a, rei loteah a vum thur ta mai. Chutih chhung chuan Silai mu ka lo siam mawlh mawlh thung a, hmanrua a awm sa chuan Silai mu siamin a har hran lova, ka inpeih deuh thuak a ni mai.Sazuk thisena tah ngat silai mu chu kan insem ta a. Khua chuan min thimhnan ta mai renga...Chuah kan sa chhum te, kan Sakhi chek la neihte nen chuan zanriah kan han kil ve leh ta a. Kan chaw chhun barna ala rei lutuk lova,mahse a ei theih ngang mai! Dul hmul khat phuar chuan kan ei ta thova. Kan hun tawn zir loh vang nge ni, kan inbe tlem kher mai! Sawi tur kan hre rih lo a ni mahna! Kuhva tlem kan la nei a, kan han ṭhial dun leh a, rilruah zawhna alo lut a, chu zawhna chu hei hi a ni " Khawiah nge Rulpui kha kan hmuh ang le!?"
" Lawmpa....engtia hma han lak chi nge ni ta ang le, kan lo sakuh ser nghah tawp mai dawn em ni ?" Rina chuan a rawn ti chhuak ta phawng mai a.
" Ni e..lawmpa, a tih dan tur hriat ava har ngai ve le!? Kei pawh ka bo takzet a ni!"
Zan thim hnuaia Rulpui lian tak zawng chunga ngaw chhung luh chu a chakawm miah loh! Kan hmu ngei a ngem? Hmu pawh ni ila, min lo hmu hmasa ta se kan chan han chhiat tur zia chu..(h). Rulpui satliah a ni hauh lo lehnghal a. Ngaihtuah thui poh leh buaina a tam ni mai hian a lang lehnghal a. Zan lama ngaw chhunga vah chhuah chu tih loh loh a ni.
Chu zan thla eng, ngaw kara rawn zam lut raih mai te chuan kan ralmuan lohzia hi min hrilh nawn chhen ni mai hian ka hria a. A eng emaw zawnga thlir chuan a ṭihbai awm zawk hial a ni. Thawklehkhatah thli hi a rawn thawk chiam mai a, kan mei si te chu a chhem leng sup sup mai a, hnah ro chu a ri sung sung a. Men hleihtheih a ni lo, chhin reng thu a awm si lo, hnah ro te chu a len hian a leng suau suau a ni ber mai! Thei leh thei lo chuan kan meng a, kan buk leh a chhehvel ah chauh chuan thli a thaw tih ka hre thei a, buk han tlanchhiat san ngawt chu a ni meuh si lo.Kan sepui ruah tuar tlawk tlawk mai a, uipui tui lian thlir mai chu kan theihtawk a ni. Thawk leh khatah a reh leh ta vek mai a, thli a tleh lo emaw tih mai tur a ni leh ta, mak tih loh rual a ni lo.
Zam hman kan ni lova, zam thiang kan ni tawh lo, hei leh chen hi kan kal tawh, ka rilru chu ka fuih mawlh mawlh a. Rina ka va en a, changel hnah chungah alo bawk zar mai a, eng helh nei lo hmel zet hian zial a lo pak tual tual a, thla a timuang tak zet a ni.
" Lawmpa...Hei kan ṭhiana te chu fiamthu an duh dawn viau niin alang" a rawn tichhuak phawng mai a. Kan en chiang a, ka fei siam chawp chu alo hum ru reng mai!
" A nih dawn hi.....min rawn pan dawn niin alang!" Kan ti a. Ka ngaih dan pawh a ni reng a ni. Ka sawi zawh rual deuh thaw chuan thli chu a rawn thawk leh ta...mit men ngaihna a awm lo. Thei leh thei lo chuan Sazuk var kan phumna chu ka pan phei a,eng in nge min mawlh pawh ka hre lo, ka thleng phei thei ta hram a, chu Sazuk var kan phumna chungah chuan thli in min nuai ve hauh lo! Ka ṭhiana chu kan thlir a, a ni pa luhlul lui eltiang chuan fei a hum a, a lu a khuh a, a mu tlat nia. Kan au a, a hre thei hauh lo, neltlang ka la a, ka vawm ta a, thli na tak a tleh bawk si nen vawm dik a har phian mai.... A hnu deuh chuan ka va vawm fuh ta hram a. A rawn hawi chhuak chu Silai leh fei nen a inring kher mai, ka lo hui ta a. Thli na tak hnuaiah chuan a rawn phei lui ve ta a. Ka bul a rawn thlen chuan mak a tih hmel kher mai, a mak bawk lah taka chu kan awmna chu thli chuan a nuai ve hauh lo atin ni! Kan inmelh leh ngawt a. Khawvar lah chu kan la hlat si a, zan chanve pawh kan la hmang lo chu a nia le....!
Thawk leh khatah a reh ta vek a, a reh tlawk tlawk a, zan lama hram chi rannung hram takngial pawh a awm lo, thli pawh tleh lo ang mai a ni leh tawh a. Chutah Sih lam aṭang chuan " Kak" tih ri a rawn thum chhuak a, a ring hle mai! A rawn " Kak" apiang chuan lei chu a thum huk a, a nghawr dat dat thei a. Ngaih ti ṭha lo zual turin chhum leivak a rawn inzam leh ta..! He chhum leivak zet hi zawng a mi deh dan a dang zar nia, ngaia neih a har tlat! Keini ṭhian dun chu kan inring ngang mai,kan in nghahna neih chhun kan hmanrua te kan en fel thuai thuai a, kan sarepte pawh ka khuh ṭha leh vek tawh a. Sarep hi changel hnaha khuh chuan eng thil mah hian a khawih miah lo hi a mak a ni. Kan khuh tel loh nghalchang lu erawh kan chan thung si a.Chhum leivak karah chuan palian pui pui hi an vei thuak thuak ni mai hian a hriat a. A ni reng a, vei tawn thuak thuak hi an awm ngei a ni. A khat tawkin eng emaw chu a rawn "kak" leh ṭhin si nen, thaw a pik ngei mai.
Thawk leh khatah kan bul vela thing chu a rawn che hluai mai a, chulam hawi chuan kan inher rem nghal thuai a, mahse chhum leivak tam nen eng thil mah kan hmu chuang lo. Sazuk var kan phumna chungah chuan inring fe hian kan ding dun ta ran mai a. A nihna takah chuan Rulpui lian kan lo nghak a ni mah a, kan sihdet chuan Chhum leivak chu han chhun mah ila thui kan hmu thei chuang lo! Chung chhum leivak kar a mite lah chu an inhawr khawm ang tiam tiam hian a hriat a, Mahse kan zam hauh lo! Chutah le...kan buk bulah chuan pa pakhat dum zun mai, palian tak chu a rawn ding ta hluai a, chu veleh a sir tuak tuakah a aia te deuh te an rawn lang nghal sup sup mai a.Sihdet chuan kan chhun a, mit meng sen rum hian min lo melh tur ngun mai a. Ring fe, thum pui hian a rawn nui ta mai a, a bula mi zawng zawng pawh chu an nui ta vek a,min nuihsawh a ni deuh ber mai! Chutia an ni in min rawn nuih ngawt chu ka ngaih dan a ni thei ta ngang lo, kut vei lamin fei ka keng a, ding lamin chempui ( sazuk thisena chiah ngei kha) an lam pan chuan ka tlan phei nghal a....! Chem chu kan vai fua a, fei chuan kan hawl bawk a, an darh chum chum mai! Rina pawh rawn tlan phei ve nghalin ka tih ang chuan a rawn ti chhunzawm ve nghal a.An ṭe teng tung a,eng tin phei chuan min ti let lem lo, An thum huk a, an bo diak mai! Min hlau nge ni kan hmanrua an hlau zawk ni aw....Ngah nge min rawn nuih ngawt ni! Thawm bengchheng a awm leh ta rih lo.Mei chu ka tuah ṭha ṭan a, thli pui, thli bingin min rawn nuai tawh em lovang chu maw! A rawn thawh ṭhin dan hi a mak em a ni.
A hma a kan lo inrin lawk avangin tuah tur kan ngah a, mei chu hmun thumah ka chhep ta hluai a, a eng ṭha tawh viau mai, chhum leivak erawh a chhah telh telh ni mai hian alang a. Ka rilru erawh thinrimna leh chhan let duhna hlir chuan min luah thung a. Chhum leivakah te chuan va tlan luh a chempui nena va in vai fua fua a, nih tur ang ang nih chu ka duh tawh zawk takzet a ni.
Chutah thawk leh khatah kan bul hnai mai aṭang chuan a rawn "kak" leh ta ale,kan nghing lawih hian a hriat a,kan ṭhian dun chuan kan hawi chhuak rang kher mai, kan sir vel kan thlek a, kan inring hle mai! Chhum leivak awmna chin velah chuan a thum pup pup mai a, eng mah lah chu a hmuh fiah theih der si lo. Chutah nel tlang lian pui pui mai chu kan lamah chuan a rawn thlawk phei ta fua fua mai le..mak deuh mai chu a rawn thlawh phei tam tehreng nen pakhat mah chuan min fuh hauh lo, min fuh tum ni se min fuh nasat dawn tehreng nen hian aw ...Pikna hian min hualvel a ni ber mai! Ka ṭhianpa pawh chuan a ngaihna a hre bik lo ni ngei hian alang ve tho, hmuh theih hmelma hi chu kan bei thei, hmuh theih loh hi a ni buaithlak ni!!!
Chutah ring fe hian a rawn "Kak " thum leh ta a, lei hi a nghawr ni mai hian kan hria a. Chu thil a rik zawh chuan le, a ri suau a, a reh ta a, kan en reng lai chuan chhum leivak pawh chuan min kiansan ta hret hret a, kan en reng lai chuan an liam ta duak a. Mak hlir hian min bawm a ni ber mai hi a awihawm loh zawk hial a ni. Chutah le, thla eng te pawh ngaw kara rawn zam lut chu a hmuh theih leh ta a, chhum leivak rawn zing lo ang mai a ni. Mei chu ka chhawm ṭha mawlh mawlh a, ka ṭhiana pawh chuan min rawn pui ve nghal a, mei kan chhehna lai takah chuan kan awm a. Khawi lam aṭang pawhin thil rawn thleng thut awm ta se kan lo hmu thei dawn a ni. Chu chu kan innghahna a ni deuh ber mai. An rawn thawh leh hun chuan an rawn thawk rip viau tawh ang le!
Kan chheh vel chu a reh leh ta, eng kak ri mah a awm ta lo.Chungte hlei hlei chuan min ti ralṭi thung si! Kan han nghak deuh vang vang tak na a, boruak dang min rawn tlakbuaktu a awm ta der lo. A khaw har thlak angreng phian zawk a ni. Kei ni lah kan inring hle reng a, inthlah dul thiang hi kan ni lo. A ralmuan rei a leiah mut lam lam te pawh a chhuak ṭan ta. Zan hi kan mu mumal lo ṭhin nen mutchhuak chuan min rawn zem ta chiai chiai a, hahdam deuh chuan kan ṭhu ta a. Sawitur pawh kan hre tawh lova, kan hmanrua kan bula chhawp chung chuan kan tluzal vel ta mai mai a! Kan lo chhing sek a niang, thawk leh khatah kan meichhem chu thli in a rawn nuai leh ta phut mai le. A ṭek chuai chuai mai, kan harh rual nghal a. Chutah kan thlang lamah chuan thil eng emaw liam vuai hi kan hmu ta mai le!
" Lawmpa....chet a hun e" ka ti a, thil liam vuai chu sihdet nen kan chhui ta a. Sih lam chu a pan zel niin kan hria a, kan hmanrua nen chuan kan fimkhur hle a. Muang hauh si lo chuan kan chhui tak na a, a liam tur chiah kan hmu hman zel a. Rem lo taka han kah chu ni thei hian kan hre meuh si lo. Kan um chak tawlh tawlh a, kan nang hman chuang lo. Kan um thui hle tawh a, eng thil mah kan la hmu chuang lova, chutah le kan thil um hlir ngaihtuah a hma ka hruai lai chuan ka luah chuan thil eng emaw hian min rawn hem ṭhuai mai a. A ṭek chuai ni mai hian ka hria a, mi ṭhenkhatin arsi de chuai an tih ang hi ani, ka thal chiang ngang mai, ka mit sulh mai a. Rina'n " E khai a!" a tih ri hi ka hre vuai vuai a....
Ka harh leh meuh chuan Rina chuan theihtawp hian chempui hi alo vai fua fua a,
" Thlawk bo rang rawh u" alo ti a. Eng emaw thil dum hian an lo hual luai luai alo ni! Kan inbeng kang a, ka lu a hai ngei mai! Chutah din chhuah ka tum a, ka ding thei ta, ka din veleh chuan thil ri fua hi ka hria a, ka hriat rual chuan Rina chu a ṭe thawt a, aleng nghal lawp mai a, kan hawi phei chu le...hman zana ka Rulpui hmuh ngei khan alo hem chu a lo ni. Chutah Silai kan chuh a, a rawn ri leh fua a, ka kap hman bik lo, ka lo bawkkhup thlawrh a, ka ding leh dawn chiah a a rawn ri lehnghal! Rulpui khan a mei lamin min rawn hlap a lo ni. Sihdet hmeh ṭhat theih loh nen ka che buai chu a ni ta. Kan fei siam chawp pawh kan lo keng der si lo...Kan bul velah chuan eng emaw ho hi an phun bul bul a, eng emaw kan tih chhan pawh hi ka hmuh theih loh vang a ni. Ka ding thut a, ka chempui chu ka vai fua a, eng mah ka vai fuh lo. Kan hawi phei a le...Rulpui chu alo ang sen huam mai a, Silai ka dap fuh thei tawh si lo....Rina chu a lo melh run mai a, Rina lah thingbul rin chhanin a lo ṭhu hram hram a, Chempui pawh a hum tawh lo.
Hmanhmawh tawkin ka tlan phei a, " Sihhuai he lamah" ka ti a. Chempui chu Rulpui lamah chuan kan vai vak a, boruak mai a ni ka sah ni. A lo che rang em em mai chu niin, alo insiam rem zung zung mai a. Lian in hlauhawm hle mah se hlau thei dinhmunah ka ding tawh lo, ṭe chiam chung chuan ka um ve zel a, ka sat fuih thei hauh lo. Mahse Rina ka va chhan hrim hrim alawm. Chutah le ...Rulpui a rawn thinrim ve ta, min rawn hem leh ṭan ta. Thing lian pui pui te chu a hem thlu miah miah mai a, ka bul hnai a rawn hem thluk te chuan min delh teuh ngei mai, vanneih a siamin min delh lo hlauh zel a,vawm sawn zel chu a ni mai, invenna dang a awm der si lo. Vawi leh khatah Rina Silai chu a rawn puak dur a, chumi rual chiah chuan Kan bul vela mi te an chiau chel chul mai a. Rulpui pawh chu a ding dawt mai nia, chutah ka hawi phei a, Rina chu thil dum lian pui pui hian an lo hual tuau tuau a, ka silai ka hmu der si lo, ka tlan phei nghal ringawt a. Tlan pah chuan chem chu ka vai a, eng mah phei chu ka vai fuh chuang lova, chutah le, ka tukhum chu a ri leh bur mai a. Duh lo chung chung chuan ka tlu leh ta, ka thleng phei chiang hman lo a ni ber mai. Rina rawn tlan phei ve nghalin a chempui a rawn vai ve leh thung a, ka indawm ṭhu ve leh hram hram a. Eng dang a ni lo, Rulpui chauh hi min chhaih buaitu a ni tlat lo. Eng emaw hmuh theih loh ho hian min hual ve reng a lo ni. Ka tukhum chu alum pup pup a, kan dap a, a thi tih ka hrethiam mai, ka sihdet kan dap leh a, ka hmu lawk lo, Rina pawh eng emaw hi a vai let hram hram a. Chutah Rina kah tawh Rulpui hliam chuan min hnungchhawn a tum hauh lo, thawk leh khatah a mei lam chuan min rawn hem leh ta a le,arsi hi a leng chuai mai a, kei ni ṭhian dun chu kan per ta nawlh mai le....ka khaw hmuh a fiah thei ta lo. Rina bawihsawm tur pawn chakna reng ka nei tawh lo! Ka rilru luh lul na chuan min tur nasa ngang mai, mahse ka ri hriatna pawh a hla tual tual ta mai a.
Ka mumanga ka hmuh ṭhin nula kha ka hmaah a rawn ding a, a hmel te chu a eng phat mai hian ka hria a. Ka luah min rawn dawm a,
" Harh rawh, i intih harh a ngai" min rawn ti a. Ka harh deuh sawt a, chutah ka meng thei ta a, ka silai chu ka bul maiah a lo awm a, ka dap fuh nghal a. Mahse Rulpui kha ka hmu ta hauh lo, Rina pawh ka hmu chuang lo.A lo thim mup mai a, ka sihdet kan dap a ka dap fuh thei hauh lo. Thil ri hruap hruap hi ka hria a, chutah ka veilam sir kan hawi a, karei le....Rulpui khan Rina lu chu alo liak hlup hlup mai a, thinrimna chuan min tuam nghal a, silai chuan Rulpui lu chu kan tin a ka hmet per ta... A bik a silaimu ka siam Rulpui kah nana uluk taka ka ruahman thun tling ṭha tawk tak a ni bawk a, a ri a ring ngang mai! A fuh chiang e, a kiu ruai ruai mai a, Silaimu kan dap a, ka thun lehnghal a, Rulpui tal nasa lutuk chu a lu chu kan rin kah leh ta a, ka fuh ngeiin ka hria. Chutah an chalchang tak tak mai chu le...thing a tlu rum rum a, thing chuan min delh leh ta... tunah zawng ka hun tawp a ni tawh a niang....a thim ta mup a, thlangra tia tia chuan thim chu a rawn tla thla ta mup mup mai a.
......... ........
Pa ngen ngaw ah ka lo ding vang mai a, chutah le, mak tak mai hian a hmaa ka mumanga ka lo hmuh tawh pasalṭha thangchhuah diar khim Thangvela te nen khan kan lo ding khawm reng mai a.
" Tlangval, in huaisen a zarah kan zalen ta..malsawmin awm la, khuanun a veng ang che u..." a ti dam raih mai a.
Ka thi ve ta nge ni...ka hrethiam lo ang reng hle mai! Chutah ka hmuh lai ngei chuan hlim takin an kal a, min entu apiang chuan hlim takin a ni min melh ni!
"I zarah kan zalen ta, pialral ah faisa ringin hlim takin kan va cheng ve tawh a nge!" tiin min nuih sak a.
Chutah ka bula nula ding chuan, " Le in lawmman va la rawh le" a rawn ti ta mai a.
" Lawmman duh leh beisei a thil ti kan ni lo asin!" Ka ti a, mahse min melh tlat a.
Ka hrethiam lo hle mai, ka en ha a.
" Lungphun tlar zinga a laia lung sang ber saw va sawi la, chuan i hmu mai ang, va kal rawh, a thamral mai mai dawn asin " min ti a.
Ka va kal ta a,lungphun sang ber chu kan sawi chhin a, a lo nghing nghal a, chutah a pil ta ruai ruai mai a, a lai thleng vel a pil chuan ipte ṭha tak hi a rawn chhuak ta zawk a, ka la a kan enchhin a...karei leh lunghlu ṭha mi pasarih lai hi alo awm chu niin!!!
Chutah lungphun sangber a pil takah chuan lung dang te pawh chu a pil ta vek mai a, a mak hle mai! Ngaw pangngai ang a ni ta!!!
Nula bulah chuan ka phei leh a, ka ṭhu ta a.
" In zarah ka ṭhiante thlarau a zalen ta, he ngaw a lut a, eng mah ti ngam lo chu Sih huaite khan an um a an tihlum zel a, chuvang chuan pa ngen ngaw an tih phah ta a ni, tunah chuan harh tawh la, i ṭhianpa pawh a ṭha tawh e, rawn zawngtu che u an awm a nia!" a ti ta a. A sawi zawh rual chuan a ral ta riai riai a.
..... ...... ....
Ka darah chuan Pu Kaptluanga chuan alo sawi ngat ngat chu ni in,
" I harh thei em?" Min lo ti a, ka harh vak mai a, ka piah chiahah chuan Rina pawh a rawn tho chhuak a, a lu a tuai vut vut a. Kan inmelh ralh ralh ringawt a.
Kan hawi kual a, Pu Kaptluanga,U Zasiama leh tlangval pakhat an lo ding reng chu niin, eng ti ziaa heng lai vela rawn lut thla chu ni maw...
Chutah Pu Kaptluanga chu a hawi kual vang vang a,
" Zan thum chiah kan riak ang kha in ti si a, zan li a ral pawhin in lo let ta si lo, hei Zasiama leh Kaphleia ka sawm a kan rawn zawng ta mai che u a ni e, nang ni lah helai thing pe vek vuk hnuaiah tui deuhin in lo muhil mai mai a....( min melh ralh a) in bukah lah chuan sarep a tam a, sanghal leh sakhi rep kan hmu a, mahse sakhi lu chiah kan hmu thung a, fei thisen kai kan hmu nual bawk a! " a ti ta mai a.
Kan hawi kual a, chhun hun vel a lo ni tawh a, Rina nen chuan kan in melh ralh ringawt a.Zan thum chiah kan riak si a, zan khat hi khawiah nge kan hman ral tak ang le? Kan tho chu na em em pawh ka nei lo, ka tukhum erawh thi kharin ka sam a char a. Ka ipte pui chu a ri rak a, chhungah chuan lung man tam chi tle sat sat chu ka lo ak reng chu niin..E khai aw.....!!! Mang satliah a ni hauh lo.
Buk lam chu kan pan dawn ta a. Thil awmzia hrilh ila, an hrethiam a ngem le?
A TAWP TA...
He thawnthu chhiar a ngainatute in chungah ka lawm hle a.LUNGRENG NGAW rawn dah leh ka tum dawn nia. Tin, keima chhiar ngei ngaithla duh tan pawh ngaihthlak tur Youtube ah a awm dawn e. Ka Youtube channel a ka thawnthu chhiar ( thawnthu dangte) min lo ngaihtlak sak ṭheuh ula, min lo share sakin min lo like sak dawn nia.
Youtube- M.Lusei Palian Thu leh hlate
Blog- M.Lusei Palian blogspot.com
Ngaihnawm riap riap ve le
ReplyDeleteChhiar tawh a awm thei li, a ngaihnawm reng zel mai
ReplyDelete