PANGEN NGAW...8...(RAUTHLA TE CHAWLHNA!?)
PANGEN NGAW.......8....
( RAUTHLA TE CHAWLHNA!?)
M. Lusei Palian
......... ........... ............
Chutah eng emaw hi ka pal ta tlat mai a....
Ka kat ta nawk nawk a, ka tlu ta, ka tluk rual chiah chuan eng emaw hian min rawn khawih ta nawk nawk mai a. Ka tehkhin ber chu kut vawt leh hit tak hi a ni deuh mai, ka ṭe chhuak teuh kher mai! Ka tlukna lamah ka chempui ka thlauh lehnghal a, ka sihdet eng thei lo nen, Raltawna aw lah chuan min lo ko ve sek bawk si.....thaw a pik duh takzet a ni. Ka tho chhuak leh a, ka indap chawp ta takzet a ni, mahse chempui ka hmu mai lo, min rawn khawih nawk nawktu chu vai thlak kan tum a, vai lohna lam hlirah chuan min rawn khawih in min rawn zut thung a. Ka kap kar lamte chu a lum huk huk mai a, ka ding ngil hlei thei lo, a nal em a tin ni, ka bawkvak a ni deuh ber mai! Vanneih a siamin ka chempui ka dap fuh leh hlauh mai a... puk bang te chu ka hem ṭek ta sawk sawk a.
" Tawna lo zam reng reng suh..." tiin ka au pah a, hmalam chu ka pan phei ve ta zel a.
Puk zau lai ka thleng phei leh a le, a rim chhia in a lum hle a. Puk kaw tawp ni tawh mai hian ka hria a, ka inhrosa ve nasa hle a.
"Ti rawh Tawna.....buk lam i pan tawh ang le, kal hmasa la, hnung kan dawl a nge" ka ti ta a. Ka hmaah chuan kal an awm tak tak ni mai hian ka hria a, ka be mawlh mawlh reng a, pawn lam kan pan ta a. Rin ai takin puk pawn lam kan thleng hma a, thaw a veng huai mai. Puk kotlanga ka Silai tun te chu ka la a, ka chau hle mai, muangchang chuan ka chhuk ta a.
Buk ka thlen thlak chuan Tawna pawh a lo zia hle mai a, a lo harh ve ta mai a,tui sik a lama ka pe a, tui ti tak chuan a in khawlh khawlh a. 'Ka chau e mai' tiin min mut san leh ta rih a, kei pawh kan sarep vel chu kan let fel a, ka ṭhu zal ta a. Ka lo chau ve deuh a niang chu ka lo ṭhuhil ve lawp lawp a. Raltawna'n aw a thian kharh kharh chuan min ti harh ta a.
" E khai! Khi laiah khan min rawn lam lovang tih ka hlau asin aw" a ti ta mai a. A lo harh hle tawh a, mei lum a lo ai vung vung mai a.
" I harh ta chu kei tak asin ni lawm ni" ka lo ti ve thung a.
A thil tawn chu hetiang hian min hrilh ta a, " Thawm fiah tuma ka han chho kha, ke hniak ka hmu a, ka zui chho ta zel a, kan au a, kan be ṭhin na a tuman min chhang ta reng reng si lo, chutah ka ngaih a ṭha lo riau mai a, ka tukhum lah chu a lum ang huk huk a! Chutah khi lai lengkir hnuai ka thlen khan le, tu emaw hian min chawi ta nawlh mai a, hmun rimchhe takah min dah ta niin ka hria, mumal khan eng mah ka hre ta lova. Ka che ṭha thei der lo. Min man bet luai luai ni mai hian ka hria a, an duh duh hunah min sawisa a ni ber mai! Beih let kha ka tum ṭhin a, ka che thei der si lo. Chutah puk chhung i rawn lut dawn tih ka hre ta a, theihtawp chhuahin ka rawn au ta che a ni. Ka aw a chhuah ve leh khan min sawisa leh ta luai luai hlawm a. Min sawisa ti ila, min hmet a ni deuh ber hian ka hria.I rawn luh khan an bawr luai luai che a, i lo sat leng lawp lawp mai a ni. Chem, thisen kai kha an hlau hle a ni.A tirah chuan an hlau lo hle che a, mahse zam miah lova i bei kha an hlau ber a, an tlanchhe zo ta a ni!"
Chu thil Raltawna'n a tawng chu a zak hle a, kei chuan ka zep dawn nia ka tihsak ta a, khua reiah kan sawichhuak ta chauh a ni.
....... ........ ............
( Khing khi puk huai chungchanga ka pu thil tawn chu a ni)
Kan Buk lam chu ka pan thla a, Sazuk var kan zawng dawn chu a ni a le...! Hmalam hun tur a chiang thei lo a ni ta ber mai!
Changel hnah ka sat thla leh a, Buk ka thleng thla ta a. Tukṭhuan alo peih var tawh a, mahse ala hma deuh chu a ni.
" Lawmpa,tukṭhuan ei nan chuan a la hma deuh viau mai, ti teh nizan lama i sih suasam chu zuk thlir ang hmiang" Rina chuan a ti ta a.
" I tih ṭalh chuan ni mai ang hmiang, thingpui te kha i han in leh te te ila maw le"
Thingpui in pah chuan kan Silai mu te chu kan thun lawk a, tum ṭum chu fiamthu pawh kan thawh meuh tawh lo a ni. Thingpui kan in zawh chuan le...Sih lam chu kan pan ta a, kan fimkhur hle a. Chutih lai chuan inthlahrun hmel fahran hian Ni pawh a rawn chhuak ta a.Tuk dang ang lo takin Sava hram ri nak nak pawh hriat tur a tam ta. Hleikapsen hram thawm te pawh chuan kawrkam a luah hneh ngang mai. Sih lam pan chuan kan inzui thla zel a, zan lama ka hnu pawh kan hmu thla ta zel a. Sih kan thleng thla ta. Zan lama ka chet velna avang chuan Ramsa te pawh in an tlawh ngam mai a rinawm loh hle a. Zan lam thil a ni a, khawvar khaw engah kan han chian meuh zawngin a lo pe vek vuk mai a lo ni. Sai lian tak duhthala a chetna te pawh a ang hial zawk a ni. Rina chu a nui huk a,
" Zan lamah khan in sapa tal chiam kha a nia, i hnu hma pawh hei a pui e..." an ti leh kher a. Mani lo maha zah nak lai a,
" Nang mah vang alawm, mai mai chuan, ti teh i chho teh ang!" Kan ti a. Rei kan awm zui ta lova...
Hmanhmawh lem lo chuan kan chho dun ta a, thing kara ni zung lo zam lut chu a inthlahrun hmel hle a, a ṭihawm angreng hial zawk a, kan kal lama Sava thawm a ṭhat teh lul nen thehhmeh ang hmak a ni leh tawh a. A mak ṭhin ngei mai! Thil mak tak tak hian min bawm reng mai chu a nih hi...! Chutah kan hmaah chuan Sakhi pachal lian ve tak hi a lo ding ran mai a, pa them tlaw tak tan pawh han ṭhelh rual a ni lo. Rina nen chuan kan inmelh ralh a.
" Lawmpa, ti teh i kap tawh lo teh ang, kan mamawh tak a ni lem lo bawk a. Sa chu kan ngah tawh alawm le!!" Kan ti a, Sakhi pawh chu tlanchhiat a tum der lo.
" Ni e maw le, tunah pawh kan inphur seng tawh ngut angem maw chu ni? Ṭawng mawi lo ni lo se" Rina chuan a rawn ti dam ve ta thlarh mai a.
Kan hnaih fe hnu chuan Sakhi pawh chu a kal liam ve ta chhat chhat a. A dik reng mai, tunah chuan sa kan ngah tawh a ni. Kah tur a awm tih vanga kah vak vak hi a pasalṭha zia lo hi ka ti ṭhin a. Kan pi leh pute hun lai pawh khan a tam vang ngawt khan an kap vak kher lo! Ka pu phei chuan phurh sen loh tur kah a duh bau lo, a duh loh avangin Pu Chalhuaia nen pawh an intih thiam loh phah hial a ni awm e.
Buk kan han thleng chho ta a, e khai a! Kan sarep changel hnaha ka khuh loh ho zawng alo bo vek mai! Eng ti zia chu ni maw....ka tawnmang lasi thu min hrilh ka hrechhuak zawk mai.." In kal chhuah dawn apiangin in sarep hi changel hnahin khuh ṭhin ang che u" a tih ngei kha maw le. A tu chuan nge maw lo la chu ni maw!? Ka khuh loh hi tul tlemte a ni hlauh zawk a...
" E khai! Lawmpa, kan chhuah hlanin inleng kan lo nei a nih dawn hi maw!?"
" A ni ngat mai...mahse Lawmpa...hei sarepte chu kan la ngah alawm!" Ka ti ve ta a.
Kan innuih ringawt a, chaw hmeh kan chhuang lum leh ṭan ta a, a hma khan kan peih var tawh kha a ni a. Changel hnah kan phah a, sanghal sarep chu kan han bun khu vung vung a, mau theiin sakhi chek kan han hawp bawk a, kan chaw khawrh chu a hek ham ham khawp mai! Duh thala pachang pahnihin han ei meuh chuan kaw hawk hawk lo chi hi a ni lo.
Ṭukṭhuan kan bar zova, Sazuk var zawng turin ka chhuah a hun ta. Uluk fe chuan kan sarep chu ka khuh ṭha leh ta vek a. Khawi lamah chuan vak dun dawn chu ni maw!
" Lawmpa...khawi lam nge kan han hrut ang ni...Hmun khatah zel kal dun ila kan ti bawk si..." Rina chuan a rawn tichhuak ta hlawl mai a. A ni reng a ni, kei pawhin ka lo ngaihtuah lai mek a ni. Chhan ngaihna ka hre bik lo hle a.
"A ni khawp mai! Inṭhen hrang chi lah kan ni si lo, mahse han chhuak tawp phawt mai ila, kan hmu em em ang." kan ti ngawt a, kan hmuh chu ka ring em a ni.
Buk chu kan chhuahsan a, pa ngen ngaw sir Vei lam a nak peklam chu kan han pan ta chawt mai chu a nia, nimin lam pawn kan hmu reng a,kan hmuh loh ka ring lo a ni. Kan han vak lut leh ta a le, he lai hmun chu a lo rem ṭha ngang mai a lo ni! Sa hnu a chiar dup mai a, a nuam phian mai! Ramar leh vahrit kan phawk leh zauh zauh ṭhin a. Sazuk var erawh a vang a ni. Thawm kan dimin kan inbe mang lo a ni. Mual nuam lai lai kan fang a, kan hma a ri zeuh awm ṭhin pawh kan hriat hmaih hauh lo, uluk deuhin kan han veh a, mahse sa dang a lo ni zel mai! Sa kah tur zawng hrim hrim ni ila kan kap hnem ang chu aw... chawhma kan vak kual ta, kan sa duh chu kan hmu zo ta hauh lo. Chaw kan fun mang si lova, ril a ṭam ṭan a, Buk lama let leh rih mai chu ṭha kan ti a. Kan han let ta rih a, kan lo kal thui leh hman viau tawh a lo ni, kan thawm dim leh fimkhur ata langin kan buk lam chu kan hrechiang hlei thei ta lo. Kan inhnial deuh sek mai, kan hriat dan a inang miau hek lo a ni. A ngawi zawkah ṭang in Rina hriat dan ang chuan kan han kal leh a, Buk chu kan pawh thei ta hauh chuang lo!
Kan la kal thui vak lova kan hriat nen kan buk kan pawh thei ta hauh lo mai! Ni lah chu a hniam ta tual tual a, eng ti zia chu ni maw he ngaw ah hian kan bo fo mai chu aw!A lehlamah thung chuan thawm kan chhuah ṭha ngam lo a ni, a chhan pawh Sazuk var kan zawn vang a ni. Kan vak kual kan vak kual mai a ni, a tawpah zawng pa ngen ngaw bul ṭhutah kan chhuak ta a. A zia ta deuh e!Nimin lama kan hnu chu hmu in buk lam chu kan pan thei ta a. Nileng chuan kan bitum ber chu kan zawng hmu zo ta lo chu a ni. Buk kan hnaih ta hle a, kan buk kan thleng ta ale... kan buk mawlh chu an lo suasam leh hle mai. Kan puanthuah te chu pawnah a lo awm daih a, kan thuk te pawh an lo tidarh nasa mai! Sarep erawh a him thung a. Kan thing fawmsa pawh a lo darh nasa mai! A tu phiangsen chuan nge maw kan buk lo sawisa chu ni, han bin phar hrep ka va nap ve le....
" En teh Lawmpa, inleng chimawm chi kan lo nei leh a nih hi....!?"
" A nih ngei hi maw....han man chhuah a vuak hrep ka va chak ve le...!"
Kan bungrua te kan han rem ṭha leh ta mawlh mawlh a, kan zawh hnu chuan chaw hmeh kan tilum ta a. Chaw chhun chu ni suk chen vel a nih chuan kan bar ta a. Chaw chhun bar tlai pawl kan ni ngei ang. Ril alo ṭam ta deuh bawk a, a ei theih ngang ngang hle mai! Kan ril alo ṭam hle a ni, a awm ve tho mai, zing karah tukṭhuan kan bar a, tunah chawhnu tlang her a ni tawh a, ṭam loh hun a ni tawh lo. Kan chaw chhun ei zo chu kan ṭhu hle hle mai a, hahdam deuh a ṭhut hi chuan mut a chhuak nghal raih zel! Zan lam kan mu ṭha lo em bawk a ni. Kan ṭhut zawi hma deuh chuan Rina chuan,
" Ti teh, i vak chhuak leh ang hmiang.....eng nge ni.... kan ti ta sa sa alawm le!" A rawn ti chhuak ta phawng mai a. A dik reng mai!
" Ni e maw le! " tih pah chuan ka han insang mar a.
Kan ding dun ta a....Kan chhak lam chu thing tliak rap ri kan hre ta a....chutah le ...kan buk chhakah mai chuan Sazuk var chu alo ding reng chu niin....
( Chhunzawm tur)
( Hei episode 8 ah hian tawp tura ka ruahman kha a ni a, mahse kan han pawt fan ta deuh a, episode 9 ah hian a tawp dawn ta a. Pasalṭha pangngai sei zawk leh thui zawk hmachhawp kan la nei a, a cover tur hi avang khawp a, a nei in lo awm a, in phal mial chuan min rawn pe ta u la, a lawmawm hle ang.Tin, ka thuziah te min lo hlutpui a, min lo chhiar sak ṭhin avangin ka lawm hle a ni. A chhiartu zawng zawng te ngal fimin dam ang che u.)
( RAUTHLA TE CHAWLHNA!?)
M. Lusei Palian
......... ........... ............
Chutah eng emaw hi ka pal ta tlat mai a....
Ka kat ta nawk nawk a, ka tlu ta, ka tluk rual chiah chuan eng emaw hian min rawn khawih ta nawk nawk mai a. Ka tehkhin ber chu kut vawt leh hit tak hi a ni deuh mai, ka ṭe chhuak teuh kher mai! Ka tlukna lamah ka chempui ka thlauh lehnghal a, ka sihdet eng thei lo nen, Raltawna aw lah chuan min lo ko ve sek bawk si.....thaw a pik duh takzet a ni. Ka tho chhuak leh a, ka indap chawp ta takzet a ni, mahse chempui ka hmu mai lo, min rawn khawih nawk nawktu chu vai thlak kan tum a, vai lohna lam hlirah chuan min rawn khawih in min rawn zut thung a. Ka kap kar lamte chu a lum huk huk mai a, ka ding ngil hlei thei lo, a nal em a tin ni, ka bawkvak a ni deuh ber mai! Vanneih a siamin ka chempui ka dap fuh leh hlauh mai a... puk bang te chu ka hem ṭek ta sawk sawk a.
" Tawna lo zam reng reng suh..." tiin ka au pah a, hmalam chu ka pan phei ve ta zel a.
Puk zau lai ka thleng phei leh a le, a rim chhia in a lum hle a. Puk kaw tawp ni tawh mai hian ka hria a, ka inhrosa ve nasa hle a.
"Ti rawh Tawna.....buk lam i pan tawh ang le, kal hmasa la, hnung kan dawl a nge" ka ti ta a. Ka hmaah chuan kal an awm tak tak ni mai hian ka hria a, ka be mawlh mawlh reng a, pawn lam kan pan ta a. Rin ai takin puk pawn lam kan thleng hma a, thaw a veng huai mai. Puk kotlanga ka Silai tun te chu ka la a, ka chau hle mai, muangchang chuan ka chhuk ta a.
Buk ka thlen thlak chuan Tawna pawh a lo zia hle mai a, a lo harh ve ta mai a,tui sik a lama ka pe a, tui ti tak chuan a in khawlh khawlh a. 'Ka chau e mai' tiin min mut san leh ta rih a, kei pawh kan sarep vel chu kan let fel a, ka ṭhu zal ta a. Ka lo chau ve deuh a niang chu ka lo ṭhuhil ve lawp lawp a. Raltawna'n aw a thian kharh kharh chuan min ti harh ta a.
" E khai! Khi laiah khan min rawn lam lovang tih ka hlau asin aw" a ti ta mai a. A lo harh hle tawh a, mei lum a lo ai vung vung mai a.
" I harh ta chu kei tak asin ni lawm ni" ka lo ti ve thung a.
A thil tawn chu hetiang hian min hrilh ta a, " Thawm fiah tuma ka han chho kha, ke hniak ka hmu a, ka zui chho ta zel a, kan au a, kan be ṭhin na a tuman min chhang ta reng reng si lo, chutah ka ngaih a ṭha lo riau mai a, ka tukhum lah chu a lum ang huk huk a! Chutah khi lai lengkir hnuai ka thlen khan le, tu emaw hian min chawi ta nawlh mai a, hmun rimchhe takah min dah ta niin ka hria, mumal khan eng mah ka hre ta lova. Ka che ṭha thei der lo. Min man bet luai luai ni mai hian ka hria a, an duh duh hunah min sawisa a ni ber mai! Beih let kha ka tum ṭhin a, ka che thei der si lo. Chutah puk chhung i rawn lut dawn tih ka hre ta a, theihtawp chhuahin ka rawn au ta che a ni. Ka aw a chhuah ve leh khan min sawisa leh ta luai luai hlawm a. Min sawisa ti ila, min hmet a ni deuh ber hian ka hria.I rawn luh khan an bawr luai luai che a, i lo sat leng lawp lawp mai a ni. Chem, thisen kai kha an hlau hle a ni.A tirah chuan an hlau lo hle che a, mahse zam miah lova i bei kha an hlau ber a, an tlanchhe zo ta a ni!"
Chu thil Raltawna'n a tawng chu a zak hle a, kei chuan ka zep dawn nia ka tihsak ta a, khua reiah kan sawichhuak ta chauh a ni.
....... ........ ............
( Khing khi puk huai chungchanga ka pu thil tawn chu a ni)
Kan Buk lam chu ka pan thla a, Sazuk var kan zawng dawn chu a ni a le...! Hmalam hun tur a chiang thei lo a ni ta ber mai!
Changel hnah ka sat thla leh a, Buk ka thleng thla ta a. Tukṭhuan alo peih var tawh a, mahse ala hma deuh chu a ni.
" Lawmpa,tukṭhuan ei nan chuan a la hma deuh viau mai, ti teh nizan lama i sih suasam chu zuk thlir ang hmiang" Rina chuan a ti ta a.
" I tih ṭalh chuan ni mai ang hmiang, thingpui te kha i han in leh te te ila maw le"
Thingpui in pah chuan kan Silai mu te chu kan thun lawk a, tum ṭum chu fiamthu pawh kan thawh meuh tawh lo a ni. Thingpui kan in zawh chuan le...Sih lam chu kan pan ta a, kan fimkhur hle a. Chutih lai chuan inthlahrun hmel fahran hian Ni pawh a rawn chhuak ta a.Tuk dang ang lo takin Sava hram ri nak nak pawh hriat tur a tam ta. Hleikapsen hram thawm te pawh chuan kawrkam a luah hneh ngang mai. Sih lam pan chuan kan inzui thla zel a, zan lama ka hnu pawh kan hmu thla ta zel a. Sih kan thleng thla ta. Zan lama ka chet velna avang chuan Ramsa te pawh in an tlawh ngam mai a rinawm loh hle a. Zan lam thil a ni a, khawvar khaw engah kan han chian meuh zawngin a lo pe vek vuk mai a lo ni. Sai lian tak duhthala a chetna te pawh a ang hial zawk a ni. Rina chu a nui huk a,
" Zan lamah khan in sapa tal chiam kha a nia, i hnu hma pawh hei a pui e..." an ti leh kher a. Mani lo maha zah nak lai a,
" Nang mah vang alawm, mai mai chuan, ti teh i chho teh ang!" Kan ti a. Rei kan awm zui ta lova...
Hmanhmawh lem lo chuan kan chho dun ta a, thing kara ni zung lo zam lut chu a inthlahrun hmel hle a, a ṭihawm angreng hial zawk a, kan kal lama Sava thawm a ṭhat teh lul nen thehhmeh ang hmak a ni leh tawh a. A mak ṭhin ngei mai! Thil mak tak tak hian min bawm reng mai chu a nih hi...! Chutah kan hmaah chuan Sakhi pachal lian ve tak hi a lo ding ran mai a, pa them tlaw tak tan pawh han ṭhelh rual a ni lo. Rina nen chuan kan inmelh ralh a.
" Lawmpa, ti teh i kap tawh lo teh ang, kan mamawh tak a ni lem lo bawk a. Sa chu kan ngah tawh alawm le!!" Kan ti a, Sakhi pawh chu tlanchhiat a tum der lo.
" Ni e maw le, tunah pawh kan inphur seng tawh ngut angem maw chu ni? Ṭawng mawi lo ni lo se" Rina chuan a rawn ti dam ve ta thlarh mai a.
Kan hnaih fe hnu chuan Sakhi pawh chu a kal liam ve ta chhat chhat a. A dik reng mai, tunah chuan sa kan ngah tawh a ni. Kah tur a awm tih vanga kah vak vak hi a pasalṭha zia lo hi ka ti ṭhin a. Kan pi leh pute hun lai pawh khan a tam vang ngawt khan an kap vak kher lo! Ka pu phei chuan phurh sen loh tur kah a duh bau lo, a duh loh avangin Pu Chalhuaia nen pawh an intih thiam loh phah hial a ni awm e.
Buk kan han thleng chho ta a, e khai a! Kan sarep changel hnaha ka khuh loh ho zawng alo bo vek mai! Eng ti zia chu ni maw....ka tawnmang lasi thu min hrilh ka hrechhuak zawk mai.." In kal chhuah dawn apiangin in sarep hi changel hnahin khuh ṭhin ang che u" a tih ngei kha maw le. A tu chuan nge maw lo la chu ni maw!? Ka khuh loh hi tul tlemte a ni hlauh zawk a...
" E khai! Lawmpa, kan chhuah hlanin inleng kan lo nei a nih dawn hi maw!?"
" A ni ngat mai...mahse Lawmpa...hei sarepte chu kan la ngah alawm!" Ka ti ve ta a.
Kan innuih ringawt a, chaw hmeh kan chhuang lum leh ṭan ta a, a hma khan kan peih var tawh kha a ni a. Changel hnah kan phah a, sanghal sarep chu kan han bun khu vung vung a, mau theiin sakhi chek kan han hawp bawk a, kan chaw khawrh chu a hek ham ham khawp mai! Duh thala pachang pahnihin han ei meuh chuan kaw hawk hawk lo chi hi a ni lo.
Ṭukṭhuan kan bar zova, Sazuk var zawng turin ka chhuah a hun ta. Uluk fe chuan kan sarep chu ka khuh ṭha leh ta vek a. Khawi lamah chuan vak dun dawn chu ni maw!
" Lawmpa...khawi lam nge kan han hrut ang ni...Hmun khatah zel kal dun ila kan ti bawk si..." Rina chuan a rawn tichhuak ta hlawl mai a. A ni reng a ni, kei pawhin ka lo ngaihtuah lai mek a ni. Chhan ngaihna ka hre bik lo hle a.
"A ni khawp mai! Inṭhen hrang chi lah kan ni si lo, mahse han chhuak tawp phawt mai ila, kan hmu em em ang." kan ti ngawt a, kan hmuh chu ka ring em a ni.
Buk chu kan chhuahsan a, pa ngen ngaw sir Vei lam a nak peklam chu kan han pan ta chawt mai chu a nia, nimin lam pawn kan hmu reng a,kan hmuh loh ka ring lo a ni. Kan han vak lut leh ta a le, he lai hmun chu a lo rem ṭha ngang mai a lo ni! Sa hnu a chiar dup mai a, a nuam phian mai! Ramar leh vahrit kan phawk leh zauh zauh ṭhin a. Sazuk var erawh a vang a ni. Thawm kan dimin kan inbe mang lo a ni. Mual nuam lai lai kan fang a, kan hma a ri zeuh awm ṭhin pawh kan hriat hmaih hauh lo, uluk deuhin kan han veh a, mahse sa dang a lo ni zel mai! Sa kah tur zawng hrim hrim ni ila kan kap hnem ang chu aw... chawhma kan vak kual ta, kan sa duh chu kan hmu zo ta hauh lo. Chaw kan fun mang si lova, ril a ṭam ṭan a, Buk lama let leh rih mai chu ṭha kan ti a. Kan han let ta rih a, kan lo kal thui leh hman viau tawh a lo ni, kan thawm dim leh fimkhur ata langin kan buk lam chu kan hrechiang hlei thei ta lo. Kan inhnial deuh sek mai, kan hriat dan a inang miau hek lo a ni. A ngawi zawkah ṭang in Rina hriat dan ang chuan kan han kal leh a, Buk chu kan pawh thei ta hauh chuang lo!
Kan la kal thui vak lova kan hriat nen kan buk kan pawh thei ta hauh lo mai! Ni lah chu a hniam ta tual tual a, eng ti zia chu ni maw he ngaw ah hian kan bo fo mai chu aw!A lehlamah thung chuan thawm kan chhuah ṭha ngam lo a ni, a chhan pawh Sazuk var kan zawn vang a ni. Kan vak kual kan vak kual mai a ni, a tawpah zawng pa ngen ngaw bul ṭhutah kan chhuak ta a. A zia ta deuh e!Nimin lama kan hnu chu hmu in buk lam chu kan pan thei ta a. Nileng chuan kan bitum ber chu kan zawng hmu zo ta lo chu a ni. Buk kan hnaih ta hle a, kan buk kan thleng ta ale... kan buk mawlh chu an lo suasam leh hle mai. Kan puanthuah te chu pawnah a lo awm daih a, kan thuk te pawh an lo tidarh nasa mai! Sarep erawh a him thung a. Kan thing fawmsa pawh a lo darh nasa mai! A tu phiangsen chuan nge maw kan buk lo sawisa chu ni, han bin phar hrep ka va nap ve le....
" En teh Lawmpa, inleng chimawm chi kan lo nei leh a nih hi....!?"
" A nih ngei hi maw....han man chhuah a vuak hrep ka va chak ve le...!"
Kan bungrua te kan han rem ṭha leh ta mawlh mawlh a, kan zawh hnu chuan chaw hmeh kan tilum ta a. Chaw chhun chu ni suk chen vel a nih chuan kan bar ta a. Chaw chhun bar tlai pawl kan ni ngei ang. Ril alo ṭam ta deuh bawk a, a ei theih ngang ngang hle mai! Kan ril alo ṭam hle a ni, a awm ve tho mai, zing karah tukṭhuan kan bar a, tunah chawhnu tlang her a ni tawh a, ṭam loh hun a ni tawh lo. Kan chaw chhun ei zo chu kan ṭhu hle hle mai a, hahdam deuh a ṭhut hi chuan mut a chhuak nghal raih zel! Zan lam kan mu ṭha lo em bawk a ni. Kan ṭhut zawi hma deuh chuan Rina chuan,
" Ti teh, i vak chhuak leh ang hmiang.....eng nge ni.... kan ti ta sa sa alawm le!" A rawn ti chhuak ta phawng mai a. A dik reng mai!
" Ni e maw le! " tih pah chuan ka han insang mar a.
Kan ding dun ta a....Kan chhak lam chu thing tliak rap ri kan hre ta a....chutah le ...kan buk chhakah mai chuan Sazuk var chu alo ding reng chu niin....
( Chhunzawm tur)
( Hei episode 8 ah hian tawp tura ka ruahman kha a ni a, mahse kan han pawt fan ta deuh a, episode 9 ah hian a tawp dawn ta a. Pasalṭha pangngai sei zawk leh thui zawk hmachhawp kan la nei a, a cover tur hi avang khawp a, a nei in lo awm a, in phal mial chuan min rawn pe ta u la, a lawmawm hle ang.Tin, ka thuziah te min lo hlutpui a, min lo chhiar sak ṭhin avangin ka lawm hle a ni. A chhiartu zawng zawng te ngal fimin dam ang che u.)
Comments
Post a Comment