PANGEN NGAW...7...(RAUTHLA TE CHAWLHNA!?)
PANGEN NGAW.....7...
(RAUTHLA TE CHAWLHNA!?)
M.Lusei Palian
....... ....... ............
Kan thlir leh a le......
Kan lam pan chuan, Pasalṭha tih hriat hliah hliah thangchhuah diar khim ngat hian hma a rawn hruai a, sar veng vawng,hmel pa hrak mai, a hunlaia nula tam tak mit fukna ni ngei tur, en reng reng pawha dehkhirh tih hriat hliah hliah hi a ni. A hnungah chuan tlangval ral hrat hmel tak tak paruk lai hian an rawn zui bawk a, an dehkhirh hmel kher mai! Mahse an hmelah chuan lungngaihna, thinrimna thuk tak an pai tih a hriat a. A sir biru laiah chuan mi sawm chuang hian Silai nen an lo chang reng a, chung mi te chuan an lo chang tih an hre der lo, an hre lo mai pawh a ni lo, an awm danah chuan an ralmuan hmel angreng hle zawk a.Ralmuan hmel viau e ti lo chuan an inralring angreng viau lawi si! Hma hruaitu thangchhuah diar khim chuan,
" E khai! Naute u, i chawl rih ang u hmiang" a ti a. A thu awih tak chuan an ding ṭhap a, an hotupa ber a ṭhu ta a. A hnu ah chuan an ṭhu ve ta sang sang a.An hmanrua chu an hlat lo hlawm kher lah tak a.
" Chu....Zaman, phat san kan ni a maw? Kan Seipui lal Zalura thil tih dan mai mai chu aw....Pawih pasalṭha China, Tlangchina a hlau a ni ngat mai ka ti..!" Thangchhuah diar khima chuan a ti a. A silai chu a chul hauh hauh a.
Chutah tlangval pakhat chu rawn ṭawng chhuak ve lehin, " Thu than dan hi a dik a nih chuan phatsan chu kan ni ngeiin alang e, lai ava na duh ngaih ngaih ve le! "an tih zawm ve a.
An zinga pakhat chuan, " U Thangvel, kei ni chu i lamah kan ṭang tlat a nia.." a ti ve leh a.
Alo changtute chu an inring tawh hle a, an silai dawt chu an thukru thiam hle a, mahse an hmu lo emaw ni aw! Pasalṭha chuan hriatna ṭha tak an nei tur a ni asin maw le...
An ngawi ta ṭhap a, an vaibel te la chhuakin an han zu rih a, an hruaitupa ber vaibel phei chu Tursing ngat a ni in ka hria a. An pak hlat hlat hlawm a. Mak tak mai in an mut a chhuah hmel hlawm em em a, eng emaw tak chuan a aikaih ni mai hian ka hria a, kan au vak a, inralring tura hrilh ka tum a tumah rengin min hmu lo, an bula te chuan kan kal kual a, min hrethei chuang lo, ka va mangang tak em! Ka ṭhutnaah chuan ka ṭhu leh ta hnawk a, thawkleh khatah chuan...
" Tunah...." tih ri chu kan hria a, Silai chu a puak ta zawt zawt a. Au ri chuan a zui nghal a.....
Pasalṭha thangchhuah diar khima chu a che a rang hle a, hmelma pali lai mai chu a mi lu lak chem chuan a tukzal hman hial a, in pawmchilh a thiam hle a, mahse lehlam chuan an tam hneh thlu ngang a, chutih lai chuan hnunglam aṭangin mi pakhat pasalṭha ve hmel tak hian a rawn kap dur mai a...." Keimah China....ka ni ngai e" a la rawn ti zui a. Pasalṭha chu a ṭuante a ṭhat tehreng nen hnunglam aṭanga beih meuh zawng a tuar bik lo a ni, chulai hmunah chuan chung sal sarih valte chu an tlu khawm ta a. A lehlam pawh paruk vel lai chu an tlu khawm ve tho ta. Chutah le...khawi lam aṭanga lokal nge tih hriat loh pitar tar em em mai, zangkul kho mai hi alo chhuak a, pitar ka hmuh tawh zawng zawngah ala tar ber ang, chhampual eng eng emaw a chham ta a, a thil eng eng emaw ken te chu a thehkual vel a! Ka bula nula ṭhu chu a insehruh nasa ngang mai, ka khawngaih hle nghe nghe a. Chung thil a thlen lai tak chuan thli na tak hi a rawn thawk ni mai hian ka hria, hnah ro te chu a leng chum chum mai a. A thim mup mai a, Keini pawh kan ṭhutna hmun chu hmun dang hi alo ni leh tawh a. Tlang nuam tak Lungpui tohlawt chungah kan lo ṭhu a. Ka bula nula chuan hetiang hian thil awmzia min hrilh ta a.
" I thil hmuh kha thil thlen dan chu a ni, Serzawl Pasalṭha Thangvela leh a hote an ni a,ka ṭhian a ni nghe nghe asin! ( a ngawi vang vang a, ka lo thlir reng ringawt mai a, sawi tur pawh ka hre lem loa ni, ka thil hmuhte chuan min tibuai em a ni) Seipui lal Zalura aṭanga buaina hi lo chhuak ṭan a ni. Seipui ram chhunga chi khur chu Pawih lal in a rawn chuh ta thut mai a, indona hial a chhuak ta a, seipui lal hian a pasalṭha zawng zawng tih theih deuh tho a chan zo ta a ni. Chutih lai chuan pawih pasalṭha Tlangchina hi a awm a, huai ho nena inthurualin chak pawh a chak in thil a ti thei hle a ni. Chutah chu lai vel thangchhuak khawpa pasalṭha huaisen Serzawl tlangval, tlangval laia thangchhuah thei Thangvela chu an chah ta a, chah satliah pawh ni lovin Lal Zalura hian a upa te a tir hial a, chutah Serzawl Lal Phirtuala pawhin chuti na na na kan pasalṭha te thu alawm a lo ti ve a, tlawmngaihna nun vawng rengtu tlangval huaisen te chuan Seipui khua an pan ta a. Serzawl mihrangte ti hialin an lo sawi ṭhin a, an hma chu a kaw duak duak mai reng a ni. Pawih Lal Tlungbilha pasalṭha Tlangchina chuan mal beih ralah chuan Thangvela chu a khan dawn lo tih a hresa a. Sih huai thurualpui a tum a, a hlawhtling ta nge nge a, Sih huaite a puih manah hian Pawih Lal ram Milu mual chu a pe ve thung ta a ni. Mahse Tlangchina hian pialral ah pawh Serzawl mihrangte hi a la hlau cheu a niang, an thlarau thlenga phuar turin a ti mauh mai a, Sih huai lam chuan an chunga thuneitu an dil ve phawt alo ngai a, an dil ta a, chumi man ahchuan hmeichhe thianghlim an ngiat a, Tlangchina hian an khaw nula ru bovin a pe ta a, ama thlarau pawh a hralh tel ta a ni. Tlangchina hian thil tihtheihna pawh a nei ve hial nghe nghe a, chutah Seipui Lal chu eng tin tin emaw a hneh thei ta a, Serzawl mihrangte pawh chu alo ti ṭha lo hle a, mahse pawih Lal Tlungbilha chu an han hnehsak ta tho a, chutah an let lam pawh chu Seipuiah cham duh lovin an haw ta nghal a, heta an haw lam hi Tlangchina leh a hoten an lo lambun ta a ni. Tichuan an inbeihna chu i hmuh ang kha a ni ta a ni. Aw khatih lai khan.....Sei fate ramah hian ka awm si lo tak a le,.....( a mittui a hru zauh zauh a) mahse Thangvela khan huaisen takin a sual let a sin!"
Ka bula nula lungchhe taka inhnit chu ka hrethiam hle a, Thangvela zawlnu a ni ngat mai!
" Khang thil a thlen lai khan khaw nge i awm a?" zawhna ṭul lo tak a ni, ka lo zawt laklawh tawh si a.
" Sawi mah ila i hrethiam chuang lovang, hmun hla takah ka awm daih tin ni.. aw hringfa te damkhua a sei lo mah tih nak alaia, hnung lama ṭanga han kahhlum ngawt mai chu.....a va dawihzep thlak em!" A ti leh ta rih a. Sawi tur ka hre lo takzet a, hrehawm ka ti hle a ni, rei tak chu eng mah sawi lovin kan ṭhu ta rih a. Chutah a rawn ṭawng chhuak ta a.
" Vawiin lama in thil hmuh kha i hrethiam hle a, ka lawm takzet a ni. Mahse sakhi thisen pangngai ni lovin Sazuk var thisen kha hman tur a ni, a sa erawh ei hauh suh ang che u. ( Sazuk var kan kah theih loh thu sawi ka tum zuau a, a lo hrethiam a niang, a z nui suk ringawt a, ka rilru ah chuan a hunah chuan in kap mai ang a rawn inti tlat) Chu chu i hmanrua i silai mu leh i chem ah te, i fei siamah te khan i tat vek ang a, chuti chung pawh chuan a la thi har hle dawn a, Rulpui pangngai a ni hauh lo tih kha i hriat reng a ngai dawn a nia, rulpui a thi tih i hriat ve leh Sih kha hal ang che, a tirah chuan a kang duh dawn hauh lova, i tilui dawn nia..... Tin, chumi hnuah chuan Pa ngen ngaw lungphun awmna ah khan i kal leh anga, i hmabak i zo takzet a nih chuan i lawmman tur chu a lo awm ang.... I ṭhianpa chu ka ṭhianten an hmu tawh a, a ṭha e, let tawh rawh le...." a ti a.
Ka harh zawt mai...Rintluanga chuan ka darah a lo sawi nawk nawk mai a,mak ti deuh chuan ka en vung vung a, a phun nuah nuah mai a...
" Ṭhian te kan mangang a, chutih lai laiin min zawn a hnekin Buk-ah ilo muhil veng veng thei chu a nia..." a ti nuah nuah mai..
Sawi tur avang takzet a,
" Ka rawn zawng chiam che asin, ka au vak vak che a, hmun tinah ka zawng che asin, Sih ah te khan ka zuk kal a, i lo awm si lova, ka buai zia...ka haw kha ka chau deuh nge ni, ka lo tluzal a ni e...!"
Khawvar alo hnai tawh hle a, Rintluanga chuan min melh vung vung a,
" Ka hmu reng che alawm, i hruang hrau a nat phian kha le....! " a nui vur vur a.
" Eng a....min lo hmu a maw? A va mak ve...min lo ko ta che....! " ka ti ve ta a.
Rintluanga chuan tihian a sawi ve ta a.
" Ka zuk inthiar zo kha..ka mit sulh mai a, eng mah ka hmu thei ta reng reng lo mai, ka mangang khan ka rawn au vak che a nih kha...chutah le, zo tak hian ka zakdawhah min chawi ta lawp mai a, kan thlawk kual vel ni hian ka hria a,hmun hran hranah min hruai a ni ber a, min hruaitu chu kan enchiang a le...tlangval hmel ṭha lampang hi a ni a, lasi hi tlangval an awm a nih chuan chu chu a ni ngei ang, chutah le.. puk pakhatah min hruai ta a. Vaibel te an zu a, min pe ve a ka zu ve ta a, mak tak a ni, tah chuan pasalṭha rual hi alo awm a, pasarih an ni lehnghal a, an hruaitupa ti ila an hotupa ber chuan thangchhuah diar a khim bawk a. Chiang zeta min rawn melh in ' Sazuk var thisen kha, a sa erawh ei thiang a ni lo' a rawn ti a, ka hrethiam ta kuar mai a, Sakhi thisen aiah Sazuk var thisen kha hman tur a lo ni, a tawi zawngin kan sawi ange...chumi hnuah chuan Sih i vau lai khan kan thlir ṭhup che a, chung pasalṭha ho chu an bu nghauh nghauh a....chu mi hnu chuan a ngai angin buk chhakah khian min hruaitu tlangval khan min dah leh ta a ni." a ti a.
Ka lo ngaithla dauh dauh a, kan thil tawn chu a mak hle a ni. Thil inang kan lo tawng alo ni, kei chuan ka mumang kha ka hrilh angem aw tih ka ngaihtuah a...ka lo ngawi vung vung a!
" I mumang leh ka thil tawn kha a inang in ka ring, mumang i nei ṭhin tih ka hriatna hi a rei tawh a, Sih ropui kan chan dun pawh khan thil tih dan i hre chat zel..Sazuk var kan kah theih lohna chhan pawh kha a hman ṭangkaina tur kan la hriat loh vang a nih ka ring, khua han var chiang se la...I han che tak tak ang hmiang. Kan thil tawn chu han ngaihtuah mai pawh hian a awihawm loh ma nge aw...kan tawng ngei bawk si a. Mi sawi chu ni se ka awih duh kher lo mai thei! " a ti a, a tho nalh a, a hmai ava phih ta sur sur a.
Thingpui ka lo chhuang a, Sarep te ka lo enfel vel a. Khaw var a hnai tawh hle a, thingpui kan indun a, kan ṭawng tlem dun leh hle tawh a, thingpui inzawh chuan inthurual ang maiin kan tho dun chu kan Silai ve ve chu kan hrufai dun ta mawlh mawlh a. Kan Silai mute kan enfiah a, sakhi thisen a ka chulh silaimu leh ka thingtuai zum te chu kan en leh a, ka khi suk mai! Ka inthiam lo lem lo, ka hrechiang rih lo a ni mai a, ka hriat ang tawk leh ka thiam ang tawk chuan ka inbuatsaih ve tho asin.
Kan Silai leh hmanrua te kan enfel zawh hnu chuan ṭukṭhuan kan rel nghal a, sakhi chek te chu kan chhuang so barh barh a. Sa kan ngah bawk nen, a hlimawm dangdai hle a ni. Chutia kan awm lai chuan inthiar chhuanlamin ka kal fal leh ta a.Thlang lamah kal lovin chhak lam ka pan thung a, Rintluanga chuan min thlir vung vung a, Kan chunga thil lo thlen dan tehzut chu kan ngaihtuah a, ruahman lawk a ang hle a, zan hnih chiah kan la riak a, chu pawh nuamsa hian kan la mu lo a ni. Mi dang thil tawn ni se ka awihsak kher a ngem aw...inzawh tham tak a ni. Zan tin kan buai a ni ber a, chutih lai karin hmabak phur awm fahran lo chuan min hmuak run bawk si.... ! Zan lama Rina hnu hma niawm tak ka han hmu a, ka chho ta zel a, ka ngaihtuahna ngawt ka kawm leh ta a, ka pu thil tawn kha ka ngaihtuah chhunzawm leh ta a.
(RAUTHLA TE CHAWLHNA!?)
M.Lusei Palian
....... ....... ............
Kan thlir leh a le......
Kan lam pan chuan, Pasalṭha tih hriat hliah hliah thangchhuah diar khim ngat hian hma a rawn hruai a, sar veng vawng,hmel pa hrak mai, a hunlaia nula tam tak mit fukna ni ngei tur, en reng reng pawha dehkhirh tih hriat hliah hliah hi a ni. A hnungah chuan tlangval ral hrat hmel tak tak paruk lai hian an rawn zui bawk a, an dehkhirh hmel kher mai! Mahse an hmelah chuan lungngaihna, thinrimna thuk tak an pai tih a hriat a. A sir biru laiah chuan mi sawm chuang hian Silai nen an lo chang reng a, chung mi te chuan an lo chang tih an hre der lo, an hre lo mai pawh a ni lo, an awm danah chuan an ralmuan hmel angreng hle zawk a.Ralmuan hmel viau e ti lo chuan an inralring angreng viau lawi si! Hma hruaitu thangchhuah diar khim chuan,
" E khai! Naute u, i chawl rih ang u hmiang" a ti a. A thu awih tak chuan an ding ṭhap a, an hotupa ber a ṭhu ta a. A hnu ah chuan an ṭhu ve ta sang sang a.An hmanrua chu an hlat lo hlawm kher lah tak a.
" Chu....Zaman, phat san kan ni a maw? Kan Seipui lal Zalura thil tih dan mai mai chu aw....Pawih pasalṭha China, Tlangchina a hlau a ni ngat mai ka ti..!" Thangchhuah diar khima chuan a ti a. A silai chu a chul hauh hauh a.
Chutah tlangval pakhat chu rawn ṭawng chhuak ve lehin, " Thu than dan hi a dik a nih chuan phatsan chu kan ni ngeiin alang e, lai ava na duh ngaih ngaih ve le! "an tih zawm ve a.
An zinga pakhat chuan, " U Thangvel, kei ni chu i lamah kan ṭang tlat a nia.." a ti ve leh a.
Alo changtute chu an inring tawh hle a, an silai dawt chu an thukru thiam hle a, mahse an hmu lo emaw ni aw! Pasalṭha chuan hriatna ṭha tak an nei tur a ni asin maw le...
An ngawi ta ṭhap a, an vaibel te la chhuakin an han zu rih a, an hruaitupa ber vaibel phei chu Tursing ngat a ni in ka hria a. An pak hlat hlat hlawm a. Mak tak mai in an mut a chhuah hmel hlawm em em a, eng emaw tak chuan a aikaih ni mai hian ka hria a, kan au vak a, inralring tura hrilh ka tum a tumah rengin min hmu lo, an bula te chuan kan kal kual a, min hrethei chuang lo, ka va mangang tak em! Ka ṭhutnaah chuan ka ṭhu leh ta hnawk a, thawkleh khatah chuan...
" Tunah...." tih ri chu kan hria a, Silai chu a puak ta zawt zawt a. Au ri chuan a zui nghal a.....
Pasalṭha thangchhuah diar khima chu a che a rang hle a, hmelma pali lai mai chu a mi lu lak chem chuan a tukzal hman hial a, in pawmchilh a thiam hle a, mahse lehlam chuan an tam hneh thlu ngang a, chutih lai chuan hnunglam aṭangin mi pakhat pasalṭha ve hmel tak hian a rawn kap dur mai a...." Keimah China....ka ni ngai e" a la rawn ti zui a. Pasalṭha chu a ṭuante a ṭhat tehreng nen hnunglam aṭanga beih meuh zawng a tuar bik lo a ni, chulai hmunah chuan chung sal sarih valte chu an tlu khawm ta a. A lehlam pawh paruk vel lai chu an tlu khawm ve tho ta. Chutah le...khawi lam aṭanga lokal nge tih hriat loh pitar tar em em mai, zangkul kho mai hi alo chhuak a, pitar ka hmuh tawh zawng zawngah ala tar ber ang, chhampual eng eng emaw a chham ta a, a thil eng eng emaw ken te chu a thehkual vel a! Ka bula nula ṭhu chu a insehruh nasa ngang mai, ka khawngaih hle nghe nghe a. Chung thil a thlen lai tak chuan thli na tak hi a rawn thawk ni mai hian ka hria, hnah ro te chu a leng chum chum mai a. A thim mup mai a, Keini pawh kan ṭhutna hmun chu hmun dang hi alo ni leh tawh a. Tlang nuam tak Lungpui tohlawt chungah kan lo ṭhu a. Ka bula nula chuan hetiang hian thil awmzia min hrilh ta a.
" I thil hmuh kha thil thlen dan chu a ni, Serzawl Pasalṭha Thangvela leh a hote an ni a,ka ṭhian a ni nghe nghe asin! ( a ngawi vang vang a, ka lo thlir reng ringawt mai a, sawi tur pawh ka hre lem loa ni, ka thil hmuhte chuan min tibuai em a ni) Seipui lal Zalura aṭanga buaina hi lo chhuak ṭan a ni. Seipui ram chhunga chi khur chu Pawih lal in a rawn chuh ta thut mai a, indona hial a chhuak ta a, seipui lal hian a pasalṭha zawng zawng tih theih deuh tho a chan zo ta a ni. Chutih lai chuan pawih pasalṭha Tlangchina hi a awm a, huai ho nena inthurualin chak pawh a chak in thil a ti thei hle a ni. Chutah chu lai vel thangchhuak khawpa pasalṭha huaisen Serzawl tlangval, tlangval laia thangchhuah thei Thangvela chu an chah ta a, chah satliah pawh ni lovin Lal Zalura hian a upa te a tir hial a, chutah Serzawl Lal Phirtuala pawhin chuti na na na kan pasalṭha te thu alawm a lo ti ve a, tlawmngaihna nun vawng rengtu tlangval huaisen te chuan Seipui khua an pan ta a. Serzawl mihrangte ti hialin an lo sawi ṭhin a, an hma chu a kaw duak duak mai reng a ni. Pawih Lal Tlungbilha pasalṭha Tlangchina chuan mal beih ralah chuan Thangvela chu a khan dawn lo tih a hresa a. Sih huai thurualpui a tum a, a hlawhtling ta nge nge a, Sih huaite a puih manah hian Pawih Lal ram Milu mual chu a pe ve thung ta a ni. Mahse Tlangchina hian pialral ah pawh Serzawl mihrangte hi a la hlau cheu a niang, an thlarau thlenga phuar turin a ti mauh mai a, Sih huai lam chuan an chunga thuneitu an dil ve phawt alo ngai a, an dil ta a, chumi man ahchuan hmeichhe thianghlim an ngiat a, Tlangchina hian an khaw nula ru bovin a pe ta a, ama thlarau pawh a hralh tel ta a ni. Tlangchina hian thil tihtheihna pawh a nei ve hial nghe nghe a, chutah Seipui Lal chu eng tin tin emaw a hneh thei ta a, Serzawl mihrangte pawh chu alo ti ṭha lo hle a, mahse pawih Lal Tlungbilha chu an han hnehsak ta tho a, chutah an let lam pawh chu Seipuiah cham duh lovin an haw ta nghal a, heta an haw lam hi Tlangchina leh a hoten an lo lambun ta a ni. Tichuan an inbeihna chu i hmuh ang kha a ni ta a ni. Aw khatih lai khan.....Sei fate ramah hian ka awm si lo tak a le,.....( a mittui a hru zauh zauh a) mahse Thangvela khan huaisen takin a sual let a sin!"
Ka bula nula lungchhe taka inhnit chu ka hrethiam hle a, Thangvela zawlnu a ni ngat mai!
" Khang thil a thlen lai khan khaw nge i awm a?" zawhna ṭul lo tak a ni, ka lo zawt laklawh tawh si a.
" Sawi mah ila i hrethiam chuang lovang, hmun hla takah ka awm daih tin ni.. aw hringfa te damkhua a sei lo mah tih nak alaia, hnung lama ṭanga han kahhlum ngawt mai chu.....a va dawihzep thlak em!" A ti leh ta rih a. Sawi tur ka hre lo takzet a, hrehawm ka ti hle a ni, rei tak chu eng mah sawi lovin kan ṭhu ta rih a. Chutah a rawn ṭawng chhuak ta a.
" Vawiin lama in thil hmuh kha i hrethiam hle a, ka lawm takzet a ni. Mahse sakhi thisen pangngai ni lovin Sazuk var thisen kha hman tur a ni, a sa erawh ei hauh suh ang che u. ( Sazuk var kan kah theih loh thu sawi ka tum zuau a, a lo hrethiam a niang, a z nui suk ringawt a, ka rilru ah chuan a hunah chuan in kap mai ang a rawn inti tlat) Chu chu i hmanrua i silai mu leh i chem ah te, i fei siamah te khan i tat vek ang a, chuti chung pawh chuan a la thi har hle dawn a, Rulpui pangngai a ni hauh lo tih kha i hriat reng a ngai dawn a nia, rulpui a thi tih i hriat ve leh Sih kha hal ang che, a tirah chuan a kang duh dawn hauh lova, i tilui dawn nia..... Tin, chumi hnuah chuan Pa ngen ngaw lungphun awmna ah khan i kal leh anga, i hmabak i zo takzet a nih chuan i lawmman tur chu a lo awm ang.... I ṭhianpa chu ka ṭhianten an hmu tawh a, a ṭha e, let tawh rawh le...." a ti a.
Ka harh zawt mai...Rintluanga chuan ka darah a lo sawi nawk nawk mai a,mak ti deuh chuan ka en vung vung a, a phun nuah nuah mai a...
" Ṭhian te kan mangang a, chutih lai laiin min zawn a hnekin Buk-ah ilo muhil veng veng thei chu a nia..." a ti nuah nuah mai..
Sawi tur avang takzet a,
" Ka rawn zawng chiam che asin, ka au vak vak che a, hmun tinah ka zawng che asin, Sih ah te khan ka zuk kal a, i lo awm si lova, ka buai zia...ka haw kha ka chau deuh nge ni, ka lo tluzal a ni e...!"
Khawvar alo hnai tawh hle a, Rintluanga chuan min melh vung vung a,
" Ka hmu reng che alawm, i hruang hrau a nat phian kha le....! " a nui vur vur a.
" Eng a....min lo hmu a maw? A va mak ve...min lo ko ta che....! " ka ti ve ta a.
Rintluanga chuan tihian a sawi ve ta a.
" Ka zuk inthiar zo kha..ka mit sulh mai a, eng mah ka hmu thei ta reng reng lo mai, ka mangang khan ka rawn au vak che a nih kha...chutah le, zo tak hian ka zakdawhah min chawi ta lawp mai a, kan thlawk kual vel ni hian ka hria a,hmun hran hranah min hruai a ni ber a, min hruaitu chu kan enchiang a le...tlangval hmel ṭha lampang hi a ni a, lasi hi tlangval an awm a nih chuan chu chu a ni ngei ang, chutah le.. puk pakhatah min hruai ta a. Vaibel te an zu a, min pe ve a ka zu ve ta a, mak tak a ni, tah chuan pasalṭha rual hi alo awm a, pasarih an ni lehnghal a, an hruaitupa ti ila an hotupa ber chuan thangchhuah diar a khim bawk a. Chiang zeta min rawn melh in ' Sazuk var thisen kha, a sa erawh ei thiang a ni lo' a rawn ti a, ka hrethiam ta kuar mai a, Sakhi thisen aiah Sazuk var thisen kha hman tur a lo ni, a tawi zawngin kan sawi ange...chumi hnuah chuan Sih i vau lai khan kan thlir ṭhup che a, chung pasalṭha ho chu an bu nghauh nghauh a....chu mi hnu chuan a ngai angin buk chhakah khian min hruaitu tlangval khan min dah leh ta a ni." a ti a.
Ka lo ngaithla dauh dauh a, kan thil tawn chu a mak hle a ni. Thil inang kan lo tawng alo ni, kei chuan ka mumang kha ka hrilh angem aw tih ka ngaihtuah a...ka lo ngawi vung vung a!
" I mumang leh ka thil tawn kha a inang in ka ring, mumang i nei ṭhin tih ka hriatna hi a rei tawh a, Sih ropui kan chan dun pawh khan thil tih dan i hre chat zel..Sazuk var kan kah theih lohna chhan pawh kha a hman ṭangkaina tur kan la hriat loh vang a nih ka ring, khua han var chiang se la...I han che tak tak ang hmiang. Kan thil tawn chu han ngaihtuah mai pawh hian a awihawm loh ma nge aw...kan tawng ngei bawk si a. Mi sawi chu ni se ka awih duh kher lo mai thei! " a ti a, a tho nalh a, a hmai ava phih ta sur sur a.
Thingpui ka lo chhuang a, Sarep te ka lo enfel vel a. Khaw var a hnai tawh hle a, thingpui kan indun a, kan ṭawng tlem dun leh hle tawh a, thingpui inzawh chuan inthurual ang maiin kan tho dun chu kan Silai ve ve chu kan hrufai dun ta mawlh mawlh a. Kan Silai mute kan enfiah a, sakhi thisen a ka chulh silaimu leh ka thingtuai zum te chu kan en leh a, ka khi suk mai! Ka inthiam lo lem lo, ka hrechiang rih lo a ni mai a, ka hriat ang tawk leh ka thiam ang tawk chuan ka inbuatsaih ve tho asin.
Kan Silai leh hmanrua te kan enfel zawh hnu chuan ṭukṭhuan kan rel nghal a, sakhi chek te chu kan chhuang so barh barh a. Sa kan ngah bawk nen, a hlimawm dangdai hle a ni. Chutia kan awm lai chuan inthiar chhuanlamin ka kal fal leh ta a.Thlang lamah kal lovin chhak lam ka pan thung a, Rintluanga chuan min thlir vung vung a, Kan chunga thil lo thlen dan tehzut chu kan ngaihtuah a, ruahman lawk a ang hle a, zan hnih chiah kan la riak a, chu pawh nuamsa hian kan la mu lo a ni. Mi dang thil tawn ni se ka awihsak kher a ngem aw...inzawh tham tak a ni. Zan tin kan buai a ni ber a, chutih lai karin hmabak phur awm fahran lo chuan min hmuak run bawk si.... ! Zan lama Rina hnu hma niawm tak ka han hmu a, ka chho ta zel a, ka ngaihtuahna ngawt ka kawm leh ta a, ka pu thil tawn kha ka ngaihtuah chhunzawm leh ta a.
Comments
Post a Comment