PANGEN NGAW...5...(RAUTHLA TE CHAWLHNA!?)
PANGEN NGAW....5...
(RAUTHLA TE CHAWLHNA!?)
M.Lusei Palian
....... ........ .........
Mak tak a ni.
Chung lungtun/ lungphun te chu lei ruangtuam chunga awm ni mai hian a lang a leh!!! Thil mak leh deuh chu heng lai velah hian maimawm ril sut tur a awm hauh lo!
A sir zawnga lungphun en phei chuan le.... awmzia a lo nei na meuh mai! Alo indawt chho vek hi a lo ni.Thil reng reng hi a landan ngawt a thlir loh tur tih kha ka hre tawh asin le! Ti nge hmun leh hmunah ka lo thlir chiam le.... Sa lem a awm a, bel lem chuan a dawt a....a indawt phei zel a, Rulpui lem dawtah chuan mihring lem kha alo awm leh ta a. Ka thaw ta hawk a.... Aw....a awmzia ka hrethiam ṭan ta.... Sa thisen in silaimu emaw hmanrua (fei) chu chulh tur a ni a, chu chuan Rulpui kha kah emaw chhun tur a ni a, chutichuan milem ho chu an zalen tawh dawn tihna!? Eng thil teh hrep chuan nge heng rauthla hi lo man a....! An pialral kai tur lo dang tlat ni?
Helai min hual vel tute hi an thlarau alo zalen miah lo tihna em maw ni aw! An thla chuan pialral a kai ve thei lova, hrehawm takin an mahni chhuah zalentu tur an lo zawng tihna a ni dawn a ni maw...? E khai aw...thil ka man thiam dawn ṭan ta in ka hria, ka rilru ah thil tam tak a lo lut nghal zung zung a. Ka thin a rim ta zak mai, eng thil chuan nge helai hmun khawhara rauthlate lo hreng bet ni? Tu te tak chu ni ang maw....! Rina chu ka bulah a rawn ding ve reng tawh a,lungphun lam chu a thlir phei ta ha a...
"Lawmpa....heta ṭang hian chuan awmzia a awm deuh a nih hi!!! Mahse hriatthiam vek chu ava la har deuh ve ...."
Rina chuan lungphun chu a thlir ve ta veng veng a, a lang ruak a, mahse a indawt dan tur kha hriatthiam ala har hle a ni. Ka chhang lem lova, tui ka in a, zial ka phawrh a, ka zu ta veng veng a. Min thlirtu ka tih kha ka hmu thei chu a nik bik law, mahse an awm ngei a ni, kan kalna lam apiangah chuan an kal ve zel ni ber hian alang a. Mahse hlau thei kan ni lova, hlauh vanga tlansan ai chuan thih chilh kan thlang mah zawk ang. Thil awmzia hi hrethiam deuh chuan inhre mah ila, a nihna tak hi hriatthiam loh ka la ngah fu mai! Ka rindan chuan helaiah hian mihrang valte, pasalṭha te eng emaw zat an kal a, Sih huai chuan lo tihlumin an thlarau thlengin an pialral kai tur alo la dang tlat a. Chung rauthla te chu hetah hian an chawl a, chhanchhuaktu an mamawh a, mahse he ngaw a lut a piang chu sih huai hian a lo chhuah mai bik si lo! Chu chu ka rin dan a ni, Sih huai Lalpa chu Rul pui taksa hmangin a inlar ṭhin a, thah harsa tur tak a ni. Rul pui chu that thei tehreng pawh ni ila, Sih huai chuan chung rauthla te chu a kal tir angem? Hun in ala hril ang chu....
Chu lungphun piah deuh takah chuan Rina nen kan ṭhu dun a, kan inbe tam lo hle a. Chutih rual chuan kan inring ru hle tho mai. Ngaw kar aṭanga ni eng lo zam lut raih te chu ṭihawm viau mahse ka lung hi a tileng tlat pek a.Mahse, ka thinlung lam chuan rei awm lo turin min fuih reng thung si.
" Ti teh, Lawmpa chaw fak teh ang, ril lam lam te pawh a ṭam dawn alawm le,a hma tawh hauh lo a nia..!" Rina chuan a rawn tichhuak ta phawng mai a.A dik reng, a hma tawh hauh lo, kan phur lutuk khan kan hai mai mai a ni.
" Ni e, i bar poh ang hmiang, ṭhiante an rilṭam te chuan le..."
" Ṭam lo awm hian i awm vel a, i ei leh ṭeuh thovang" nui vur vur chuan a rawn ti a.
Hmun rem laiah chuan chaw chu kan fak dawn ta a. Chutah le...kan bul vel a mite chuan hre ve ni awm tam hian an ri ve ta sang sang mai! A nuihzatthlak hauh loh! Hmuh tur a awm lo tih hrereng mah ila kan han hawikual ṭha leh a. Ramvak ve tawh leh sa te pawh chang ṭhin in awm chuan in hrethiam viau in ka ring a ni. Min thlirtu te awm tlat a hriatna te, thli lum leh thli vawt rawn thaw thut ṭhin te leh,thinglian pui pui bula thil phe zeuh....han enchian a, eng lem ni si lo te..... ngaiah neih a harsa tak
zet a ni. Chutah kan chawfak chu kan ṭhet a, kan ei ta a. Kan chawhmeh fun a dai ṭan tawh a, ei tam viau chu a har ta deuh a, mahse chakna tham chu kan ei ve hrim hrim tho mai. Kan chaw fak lai chuan kan inbe tlem hle a, hmuam ṭun hian kan dang deuh der chu a ni. Tuisik te in in kan ṭhu hahdam ta ren rawn a, zial te chu kan zu leh a, kan inmelh leh zeuh zeuh ṭhin a ni ber. Chung lungphun chuan awmze ril tak a nei a, a awmzia chu kan hrefiah thiam pha lo zawk a ni. Kan thlir kan thlir ringawt mai a ni.
Kan awmna leh a chheh vel hi a mak tih baka han sawifiah vak ngaihna ka hre lo,a dawih deuh tan chuan khawsik ur ur na tham boruak a ni tih chu in hresa tho hian ka ring a. Chhun pachangah pawh a thim raih a, tlang chung zawl ang deuh ram rai leh phian si, ngaw hnuai thelh han mai si a ni. Maimawm ril leh sa hnu hmuh tur erawh a awm hauh lo thung a. Mihring duhtawka kan vah vel ṭhinna hnu ni awm tak a ni. A hming hi pa ngen ngaw a ni mauh si!
" Buk lam pan zai kan rel tawh mai dawn em ni?" ti a Rina a rawn ṭawngchhuah chuan ka ngaihtuahna ata ka harh ta a.
" Ni e, maw le, helaiah hian nghahchhuah tur kan neih hmel si lova ti raw!" Ka pheikhawk hrui chu ka suih ṭha a, kan inzui leh chu a ni nghal mai!
Kan kal lai te chuan min lo la thlir ṭhap ni hian ka hria a, zial te chu kan pak khu ang tulh tulh a, ka meizial zuk khu hi a vawh vang ni hauh lovin duh aiin a khu rei ṭhin. Rina'n hma a hruai a, ka zui ta zel a.Kan kal zel a, kan luhna lai kan pawh fu hlei thei ta lo tlat mai! E khai aw.... ! Mual chungzawl ah hian kan kal kan kal mai a lo a ni. A thelh nuam phian a, kan hah lo mai mai zawk a. Kan kal lam khan Sazuk var kha kan zui a, kha sazuk var kha kan hriatloh karin a bo a, a hnu hma pawh kan hmu zui ta lo. Sa hnu hi kan chhui ve fo va, hetianga bo zeuh hi nei ṭhin mah ila, tun a mi chu dang tak a ni. Tun hma nen khaikhin theih a ni miah lo, a ni lo mai hian a hril zo lovang, a inang lo fai vek a ni ber!
" Lawmpa, hma han hruai ve thung teh, kei hi...." a sawi zui duh lo. A ding ta daih a,kan kal rei tawh ngaihtuah chuan kan kal sawt lo kher lah tak a. Kan chhak lawk chu mual zawl lungphun awmna kha ala ni reng tho...Kan rauthla te chuan min ui viau a ni mahna le!
" A nih i kal ang aw ...." tih leh kal hmasak chu ka rual ta nghal a. Eng mah sawi lo chuan min zui ve ta zel a, Sazuk hnu kha ka melh ru ṭhin a, mahse ka hmu zo lem hlei lova. Chhuk zawng chuan a mawi tak ka kalpui hnu ah dinglamah ka her pui a, chu chu kan buk hnaih tur awm bera ka hriat dan a ni. Phun nawi hauh lovin Rina chuan min zui ve zel a, phun nawiin awmzia a nei lo em dawn a ni. Khua lah chu a tlai chak phian mai a, khua chuan min thim hnan a hreh dawn hauh lo tih chu a hriat hle a. Hetih lai hian lam ṭang kan nei tlem hle in ka hria. Kan kal rei tawh viau na a, kan luhna thing kan thelna hmun kan la thleng hauh lo. A tlai telh telh bawk si! Ni theiin ka hre ta lo, vei lam chuan kan kal leh ta a. Thui vak lo hnuah chuan kan thing thel pakhat ka hmu hlauh mai a, ka va han lawm teh lul em! Chuta ṭang chuan kal a sawt ta a, kan kal thei hle tawh a ni. Thing thel hlir ka en ata langin ka hma lawka Sakhi lo awm reng chu ka hmu hauh lo...
" Saw....Sakhi saw....kap rawh.." Rina chuan a rawn ti a.
Ka hawi nghal a, Sakhi chu ka hmu nghal a, mahse tlanchhiat pawh a tum chuang lo. Chutah lungphun kha ka hrechhuak zui a, ka silai chu ka hmet per chawpchilh nghal a.Sakhi chu a zuang zawk a, a leng at at a, ka tlan phei a, ka tui paina chu ka la chhuak a, a thisen chu ka dawh ta nghal a. Rina chuan eng mah a sawi lem lova, kei lahin rulpui thahna hmanrua tur nia hria in a thisen chu dawh ka ni. Ka duhtawk hnu chuan sakhi chu ka paw bahlat a,
" Kal hmasa ve thung rawh le, a rit lova, zawn lo mai ang" ka ti ta a. A kal ve mai bawk a.
Sakhi ka kah chiah khan ka ngaihbel vang nge ni, ka hlim em em a, thawveng sawtin ka inhria a. Tin, ka tukhum pawh a hit chiai a, keimah chauh hi lawm pawh ka ni lovin ka hria a. Min hlimpui an awm a ni. Chu chu ka hre thei tlat a ni. Thim hmulah chuan Buk chu kan thleng ta a. Buk kan thleng ta chu leh buk bul vel chu a lo veng hei huai mai a, buk chhungte lah chu chin phar nuaih a ni tih a hriat hle a, a mak a ni! Kan Sarep chu eng tin mah an khawih miah lova, mahse nghalchang lu chu a bo ta daih thung mai le. Sakhi chu ka nghat a,
" Hiau le...h...kan awm loh hlanin inleng kan nei a ni maw?"
" A nih hi, ka sa lu kha a bo daih nia.A van ho e aw...." Rina chuan a ti nang nang a.
Mei ka chhem a, thingpui te ka chhuang a, buk bul te chu kan bih thuak thuak a, Sa lu reng kan hmu lo. An lo duh ve viau a niang!
" Pawi lo Lawmpa....khi Sakhi lu kan la nei alawm!" Kan ti ngawt a. A nui suk ringawt a, Sarep chu a en vung vung a,
" Changel hnah khan kan lo khuh ve lo a ni" a ti chuai raih mai a. A hmel kan en a, ka nuih a za thut nia.Ka nui chiam a, ka ṭhiana chu a lawm hmel loh hle mai! Ka insum thei lo, ka nuih ala za em a, ka nui ta chiam a. A ni pawh chu a rawn nui chhuak ve mai a...
" Sa rep .....eng tin awm lova, sa lu han bo daih mai chu....(h)" a ti a. A nui ve ta a, kan nui nasa dun ngang mai!
Kan zia deuh hnu chuan thingpui kan in dun ta a. Kan nui chiam kha min zui tute hian mak an ti ve hle in ka ring a ni. Hetiang huna nuih chiam hi chu a harsa hle asin! Thingpui kan in zo a, ka sakhi kah chu kan puah zui ta a, Sakhi puah na na na hi chu kan rang dun phian mai. Zanin tlai chu sakhi chek hawp ila, sanghal tuang chhah lai hmawm hmarh hmarh ila a ni mai! Kan puah zawh hnu chuan Rina chuan rawng a bawl leh a, keiin sa ka lo rep thung a. Sakhi thisen pawh mau burah chuan ka dah khawl leh a, thingtuai ka sat a, a hmawr ka zum zel a, Sakhi thisen chu ka tat nghauh nghauh a. Ṭul thut a hmanah ka duh a ni, zanin hian chimtu kan nei dawn tlatin ka hria a ni. Ka ṭhiana chuan min thlir vung vung mai a. Kan buk chu alo thawm ṭha mawlh mawlh thung a. Khua pawh a thim chiang leh ta ngei mai, chhum leivak erawh an la rawn lang lova, rawn lang lo mahse pawi kan ti hran lo a ni. Ei rel kan la peih lo deuh a, Sakhi sa ka rep ve leh ta thung a, Sa hi kan ngah ṭan tlat! Haw pui mai nge ṭha ang aw, ngaihtuahna a buai map mai! Ka ṭhiana hi la sawipui ila a ṭha ang!
Chawhmeh hmin hun kan nghak a ni ber tawh a, ka ṭhiana chu a faifuk raih raih a, inthiar turin in ka fei siam pakhat chu kengin ka kalsan ta rih a. Kan buk thlang kawrte kamah chuan ka ṭhu ta rih a. Ka ngaihtuahna ah thil chi hrang hrang a lut a, ka pu thil tawn min hrilh te ka hrechhuak uaih uaih a....
Ka pu hi pasalṭha a ni tih kha ka rawn tarlang tawh a, Puk huai lakah a ṭhianpa Raltawna a chhan thu min hrilh kha ka ngaihtuah chhuak a, hetiang hian a ni...
....
Thinglian mual mawngah khuan sih pakhat lun em em hi a awm a, Raltawna nen chuan chang turin kan thawkchhuak ve ta alawm le.Zan hnih thum vel riah tuma kal kan ni a, Tumpang pawh a lang zeuh zeuh e an ti a, mahse Tumpang hmu tu chu an tlem hle a. Kan phur dun hle a, Raltawna hi sa kap thei tak, thing thei zet mai, mahni inzo tak a ni a. Ram kan vah dun reng reng hian kan hlawhchham ngai meuh lova, mi chuan inkawp fuh min ti hle ṭhin.Kan kal hma zan chuan ka mang a fuh meuh lova, mahse mumang avanga han ṭhulh leh hni hne chu a mipa hna lo viauin ka hre si! Kan liam dun ve ta poh kha a nia, nilenga kan kal hnu chuan chawhnu herah riahbuk sualna tur remchang kan hmu ta a, a hmun a rem em lah tak a, kawrkam mai hi a ni nghe nghe a. Kan buk sualna aṭang chuan kan sih chan tur chu a hla lem lova. Zanriah turte buatsaih hmasa in Sih lam chu kan pan ta a. A hmun kan thleng chu mi hian an lo sawi ṭha duh lo zawk alo ni, sa chi tin hnu chu a chiar hian a chiar dup mai a. Lung hi a awi hliah hliah a, a kal tawhte chuan ṭhangte an lo dawh tawh sa ah chuan kan ṭhu ta a. Sakhi chu kah loh ni se, Sazuk emaw Sanghal emaw chin kap ila kan ti a. A hun in a zir bawk a, ṭhut rei a ngai lo kher mai! Raltawna channa lamah chuan hla deuh hlekah chuan thawm hi a awm a , a kap ri ta dum mai le.....kan chhuk a, a sa kahna lamah chuan kan inzui phei ta a. Saza hi alo kap chu niin, Sih rawn tlan pawh a lo ni chiah lova, kan piah deuh a, anchiri a lo pet a ni awm e, kan han chian a, a lo lian phian mai a. Bawng la tia lawng a ni a, a hmun hian han zawn dawn a a zir chiah loh avangin kan thiar chhoh mai a ngai dawn a ni. Chutah kan han ṭhet ta a, kan thiar dun ta tlauh tlauh a, khua pawh chuan min thim hnan ta mai reng a. Zanriah kan inhmakhua tawh a, kan thiar zawh chuan chaw kan bar hmasa te te a, kan sa chu kan han chan ṭan ta a. A chanve vel kan chan lai chuan kan chhak kawr, kopang chhak vel aṭang chuan pachang au thawm kan hre ta phut mai le....
........
Chung thil ka ngaihtuah thlen lai tak chuan,
" Lawmpa. .ka ril a ṭam a nia! " tih ri chu ka hre chhawm ta a.
Ka ngaihtuahna ata ka harh chhuak ta a, chutih lai chuan ka piah lawkah chuan thawm hi a awm reng a, muang chang chuan ka sihdet hum chungin buk lam chu ka pan chho va!
" Ding reng lo khan....rawn chhuk ta che!" tih ri ka hre zui a. Buk chu ka hma lawk a ni tawh a. Ka hawi chho ta a, Rina chuan kan buk chhak lam chu a lo thlir daih mai a. Ka han en a, mihring hlimthla niawm tak hi kan han hmu ve mai reng a.Ka aw kan thian a, rang deuh chuan Rina chu a rawn hawi thla nghal a,
" Daih chuan a...." a ti tham ṭiak a.
" Eng nge ni a?" Kan ti zui a.
" Hmuithla a niang" a ti ta a.
Sarepte chu kan enfel leh te te a, zanriah chu kan bar dun ta a, a hma vak tawh lova! Zanriah kan ei ta a, chaw hi a ei theih phian zel mai, chaw ei lai hi chuan hlauhawm leh thildang hi ngaihtuah a har a ni. Kan bar mawlh mawlh lai chuan Pa ngen ngaw aṭang chuan an rawn kuk ta raih mai le....vawikhat chauh pawh a ni lo, an rawn kuk ta sup sup mai a, an hlim hmel hle chuan ka hria a. Kan ṭhian dun chuan kan inmelh nghal a. Chutih rual erawh chuan ngaia neih a har dawn riau chuan ka hria a. Kan chaw ei min rawn tibuai pawh a ni hran lo bawk a kan bar chhunzawm mawlh mawlh a. Sakhi chek leh Sanghal tuang chhah kan han hmeh ngei a, kan hma zawn hi a kaw duak duak mai a ni. Kan han eikham fel a, ka ṭhiana pawh inthiar turin thlang lam a pan ta ṭuang ṭuang a. Sarep te chu ka lo let kual vel a, zanin chu mut ṭhat a ngai a ni. Sarep hi han ur deuh phawt ila.....
Chutah le....ring deuh hian ka ṭhiana chu a rawn rak phut mai le....
( Chhunzawm tur)
.......
( He kan thawnthu kal lai hi, a link lo chuan Whatsapp ah dah phal a ni lova, nizan khan group hrang hranga copy paste kan hmu nual mai a, in dil hmasak pawh awm lova lo copy paste chiam hi a zia lo hle a ni! Chuvangin in copy duh a nih pawn in hrilh hre hmasa ta ila, A ni lova, link nen lova post kan awm chuan hma kan la ang.....in tan vek a ni e. Min chhiar sak tute leh min fuihtute in chungah ka lawm hle a, sawiselna pawh ka dawng thei reng e.)
(RAUTHLA TE CHAWLHNA!?)
M.Lusei Palian
....... ........ .........
Mak tak a ni.
Chung lungtun/ lungphun te chu lei ruangtuam chunga awm ni mai hian a lang a leh!!! Thil mak leh deuh chu heng lai velah hian maimawm ril sut tur a awm hauh lo!
A sir zawnga lungphun en phei chuan le.... awmzia a lo nei na meuh mai! Alo indawt chho vek hi a lo ni.Thil reng reng hi a landan ngawt a thlir loh tur tih kha ka hre tawh asin le! Ti nge hmun leh hmunah ka lo thlir chiam le.... Sa lem a awm a, bel lem chuan a dawt a....a indawt phei zel a, Rulpui lem dawtah chuan mihring lem kha alo awm leh ta a. Ka thaw ta hawk a.... Aw....a awmzia ka hrethiam ṭan ta.... Sa thisen in silaimu emaw hmanrua (fei) chu chulh tur a ni a, chu chuan Rulpui kha kah emaw chhun tur a ni a, chutichuan milem ho chu an zalen tawh dawn tihna!? Eng thil teh hrep chuan nge heng rauthla hi lo man a....! An pialral kai tur lo dang tlat ni?
Helai min hual vel tute hi an thlarau alo zalen miah lo tihna em maw ni aw! An thla chuan pialral a kai ve thei lova, hrehawm takin an mahni chhuah zalentu tur an lo zawng tihna a ni dawn a ni maw...? E khai aw...thil ka man thiam dawn ṭan ta in ka hria, ka rilru ah thil tam tak a lo lut nghal zung zung a. Ka thin a rim ta zak mai, eng thil chuan nge helai hmun khawhara rauthlate lo hreng bet ni? Tu te tak chu ni ang maw....! Rina chu ka bulah a rawn ding ve reng tawh a,lungphun lam chu a thlir phei ta ha a...
"Lawmpa....heta ṭang hian chuan awmzia a awm deuh a nih hi!!! Mahse hriatthiam vek chu ava la har deuh ve ...."
Rina chuan lungphun chu a thlir ve ta veng veng a, a lang ruak a, mahse a indawt dan tur kha hriatthiam ala har hle a ni. Ka chhang lem lova, tui ka in a, zial ka phawrh a, ka zu ta veng veng a. Min thlirtu ka tih kha ka hmu thei chu a nik bik law, mahse an awm ngei a ni, kan kalna lam apiangah chuan an kal ve zel ni ber hian alang a. Mahse hlau thei kan ni lova, hlauh vanga tlansan ai chuan thih chilh kan thlang mah zawk ang. Thil awmzia hi hrethiam deuh chuan inhre mah ila, a nihna tak hi hriatthiam loh ka la ngah fu mai! Ka rindan chuan helaiah hian mihrang valte, pasalṭha te eng emaw zat an kal a, Sih huai chuan lo tihlumin an thlarau thlengin an pialral kai tur alo la dang tlat a. Chung rauthla te chu hetah hian an chawl a, chhanchhuaktu an mamawh a, mahse he ngaw a lut a piang chu sih huai hian a lo chhuah mai bik si lo! Chu chu ka rin dan a ni, Sih huai Lalpa chu Rul pui taksa hmangin a inlar ṭhin a, thah harsa tur tak a ni. Rul pui chu that thei tehreng pawh ni ila, Sih huai chuan chung rauthla te chu a kal tir angem? Hun in ala hril ang chu....
Chu lungphun piah deuh takah chuan Rina nen kan ṭhu dun a, kan inbe tam lo hle a. Chutih rual chuan kan inring ru hle tho mai. Ngaw kar aṭanga ni eng lo zam lut raih te chu ṭihawm viau mahse ka lung hi a tileng tlat pek a.Mahse, ka thinlung lam chuan rei awm lo turin min fuih reng thung si.
" Ti teh, Lawmpa chaw fak teh ang, ril lam lam te pawh a ṭam dawn alawm le,a hma tawh hauh lo a nia..!" Rina chuan a rawn tichhuak ta phawng mai a.A dik reng, a hma tawh hauh lo, kan phur lutuk khan kan hai mai mai a ni.
" Ni e, i bar poh ang hmiang, ṭhiante an rilṭam te chuan le..."
" Ṭam lo awm hian i awm vel a, i ei leh ṭeuh thovang" nui vur vur chuan a rawn ti a.
Hmun rem laiah chuan chaw chu kan fak dawn ta a. Chutah le...kan bul vel a mite chuan hre ve ni awm tam hian an ri ve ta sang sang mai! A nuihzatthlak hauh loh! Hmuh tur a awm lo tih hrereng mah ila kan han hawikual ṭha leh a. Ramvak ve tawh leh sa te pawh chang ṭhin in awm chuan in hrethiam viau in ka ring a ni. Min thlirtu te awm tlat a hriatna te, thli lum leh thli vawt rawn thaw thut ṭhin te leh,thinglian pui pui bula thil phe zeuh....han enchian a, eng lem ni si lo te..... ngaiah neih a harsa tak
zet a ni. Chutah kan chawfak chu kan ṭhet a, kan ei ta a. Kan chawhmeh fun a dai ṭan tawh a, ei tam viau chu a har ta deuh a, mahse chakna tham chu kan ei ve hrim hrim tho mai. Kan chaw fak lai chuan kan inbe tlem hle a, hmuam ṭun hian kan dang deuh der chu a ni. Tuisik te in in kan ṭhu hahdam ta ren rawn a, zial te chu kan zu leh a, kan inmelh leh zeuh zeuh ṭhin a ni ber. Chung lungphun chuan awmze ril tak a nei a, a awmzia chu kan hrefiah thiam pha lo zawk a ni. Kan thlir kan thlir ringawt mai a ni.
Kan awmna leh a chheh vel hi a mak tih baka han sawifiah vak ngaihna ka hre lo,a dawih deuh tan chuan khawsik ur ur na tham boruak a ni tih chu in hresa tho hian ka ring a. Chhun pachangah pawh a thim raih a, tlang chung zawl ang deuh ram rai leh phian si, ngaw hnuai thelh han mai si a ni. Maimawm ril leh sa hnu hmuh tur erawh a awm hauh lo thung a. Mihring duhtawka kan vah vel ṭhinna hnu ni awm tak a ni. A hming hi pa ngen ngaw a ni mauh si!
" Buk lam pan zai kan rel tawh mai dawn em ni?" ti a Rina a rawn ṭawngchhuah chuan ka ngaihtuahna ata ka harh ta a.
" Ni e, maw le, helaiah hian nghahchhuah tur kan neih hmel si lova ti raw!" Ka pheikhawk hrui chu ka suih ṭha a, kan inzui leh chu a ni nghal mai!
Kan kal lai te chuan min lo la thlir ṭhap ni hian ka hria a, zial te chu kan pak khu ang tulh tulh a, ka meizial zuk khu hi a vawh vang ni hauh lovin duh aiin a khu rei ṭhin. Rina'n hma a hruai a, ka zui ta zel a.Kan kal zel a, kan luhna lai kan pawh fu hlei thei ta lo tlat mai! E khai aw.... ! Mual chungzawl ah hian kan kal kan kal mai a lo a ni. A thelh nuam phian a, kan hah lo mai mai zawk a. Kan kal lam khan Sazuk var kha kan zui a, kha sazuk var kha kan hriatloh karin a bo a, a hnu hma pawh kan hmu zui ta lo. Sa hnu hi kan chhui ve fo va, hetianga bo zeuh hi nei ṭhin mah ila, tun a mi chu dang tak a ni. Tun hma nen khaikhin theih a ni miah lo, a ni lo mai hian a hril zo lovang, a inang lo fai vek a ni ber!
" Lawmpa, hma han hruai ve thung teh, kei hi...." a sawi zui duh lo. A ding ta daih a,kan kal rei tawh ngaihtuah chuan kan kal sawt lo kher lah tak a. Kan chhak lawk chu mual zawl lungphun awmna kha ala ni reng tho...Kan rauthla te chuan min ui viau a ni mahna le!
" A nih i kal ang aw ...." tih leh kal hmasak chu ka rual ta nghal a. Eng mah sawi lo chuan min zui ve ta zel a, Sazuk hnu kha ka melh ru ṭhin a, mahse ka hmu zo lem hlei lova. Chhuk zawng chuan a mawi tak ka kalpui hnu ah dinglamah ka her pui a, chu chu kan buk hnaih tur awm bera ka hriat dan a ni. Phun nawi hauh lovin Rina chuan min zui ve zel a, phun nawiin awmzia a nei lo em dawn a ni. Khua lah chu a tlai chak phian mai a, khua chuan min thim hnan a hreh dawn hauh lo tih chu a hriat hle a. Hetih lai hian lam ṭang kan nei tlem hle in ka hria. Kan kal rei tawh viau na a, kan luhna thing kan thelna hmun kan la thleng hauh lo. A tlai telh telh bawk si! Ni theiin ka hre ta lo, vei lam chuan kan kal leh ta a. Thui vak lo hnuah chuan kan thing thel pakhat ka hmu hlauh mai a, ka va han lawm teh lul em! Chuta ṭang chuan kal a sawt ta a, kan kal thei hle tawh a ni. Thing thel hlir ka en ata langin ka hma lawka Sakhi lo awm reng chu ka hmu hauh lo...
" Saw....Sakhi saw....kap rawh.." Rina chuan a rawn ti a.
Ka hawi nghal a, Sakhi chu ka hmu nghal a, mahse tlanchhiat pawh a tum chuang lo. Chutah lungphun kha ka hrechhuak zui a, ka silai chu ka hmet per chawpchilh nghal a.Sakhi chu a zuang zawk a, a leng at at a, ka tlan phei a, ka tui paina chu ka la chhuak a, a thisen chu ka dawh ta nghal a. Rina chuan eng mah a sawi lem lova, kei lahin rulpui thahna hmanrua tur nia hria in a thisen chu dawh ka ni. Ka duhtawk hnu chuan sakhi chu ka paw bahlat a,
" Kal hmasa ve thung rawh le, a rit lova, zawn lo mai ang" ka ti ta a. A kal ve mai bawk a.
Sakhi ka kah chiah khan ka ngaihbel vang nge ni, ka hlim em em a, thawveng sawtin ka inhria a. Tin, ka tukhum pawh a hit chiai a, keimah chauh hi lawm pawh ka ni lovin ka hria a. Min hlimpui an awm a ni. Chu chu ka hre thei tlat a ni. Thim hmulah chuan Buk chu kan thleng ta a. Buk kan thleng ta chu leh buk bul vel chu a lo veng hei huai mai a, buk chhungte lah chu chin phar nuaih a ni tih a hriat hle a, a mak a ni! Kan Sarep chu eng tin mah an khawih miah lova, mahse nghalchang lu chu a bo ta daih thung mai le. Sakhi chu ka nghat a,
" Hiau le...h...kan awm loh hlanin inleng kan nei a ni maw?"
" A nih hi, ka sa lu kha a bo daih nia.A van ho e aw...." Rina chuan a ti nang nang a.
Mei ka chhem a, thingpui te ka chhuang a, buk bul te chu kan bih thuak thuak a, Sa lu reng kan hmu lo. An lo duh ve viau a niang!
" Pawi lo Lawmpa....khi Sakhi lu kan la nei alawm!" Kan ti ngawt a. A nui suk ringawt a, Sarep chu a en vung vung a,
" Changel hnah khan kan lo khuh ve lo a ni" a ti chuai raih mai a. A hmel kan en a, ka nuih a za thut nia.Ka nui chiam a, ka ṭhiana chu a lawm hmel loh hle mai! Ka insum thei lo, ka nuih ala za em a, ka nui ta chiam a. A ni pawh chu a rawn nui chhuak ve mai a...
" Sa rep .....eng tin awm lova, sa lu han bo daih mai chu....(h)" a ti a. A nui ve ta a, kan nui nasa dun ngang mai!
Kan zia deuh hnu chuan thingpui kan in dun ta a. Kan nui chiam kha min zui tute hian mak an ti ve hle in ka ring a ni. Hetiang huna nuih chiam hi chu a harsa hle asin! Thingpui kan in zo a, ka sakhi kah chu kan puah zui ta a, Sakhi puah na na na hi chu kan rang dun phian mai. Zanin tlai chu sakhi chek hawp ila, sanghal tuang chhah lai hmawm hmarh hmarh ila a ni mai! Kan puah zawh hnu chuan Rina chuan rawng a bawl leh a, keiin sa ka lo rep thung a. Sakhi thisen pawh mau burah chuan ka dah khawl leh a, thingtuai ka sat a, a hmawr ka zum zel a, Sakhi thisen chu ka tat nghauh nghauh a. Ṭul thut a hmanah ka duh a ni, zanin hian chimtu kan nei dawn tlatin ka hria a ni. Ka ṭhiana chuan min thlir vung vung mai a. Kan buk chu alo thawm ṭha mawlh mawlh thung a. Khua pawh a thim chiang leh ta ngei mai, chhum leivak erawh an la rawn lang lova, rawn lang lo mahse pawi kan ti hran lo a ni. Ei rel kan la peih lo deuh a, Sakhi sa ka rep ve leh ta thung a, Sa hi kan ngah ṭan tlat! Haw pui mai nge ṭha ang aw, ngaihtuahna a buai map mai! Ka ṭhiana hi la sawipui ila a ṭha ang!
Chawhmeh hmin hun kan nghak a ni ber tawh a, ka ṭhiana chu a faifuk raih raih a, inthiar turin in ka fei siam pakhat chu kengin ka kalsan ta rih a. Kan buk thlang kawrte kamah chuan ka ṭhu ta rih a. Ka ngaihtuahna ah thil chi hrang hrang a lut a, ka pu thil tawn min hrilh te ka hrechhuak uaih uaih a....
Ka pu hi pasalṭha a ni tih kha ka rawn tarlang tawh a, Puk huai lakah a ṭhianpa Raltawna a chhan thu min hrilh kha ka ngaihtuah chhuak a, hetiang hian a ni...
....
Thinglian mual mawngah khuan sih pakhat lun em em hi a awm a, Raltawna nen chuan chang turin kan thawkchhuak ve ta alawm le.Zan hnih thum vel riah tuma kal kan ni a, Tumpang pawh a lang zeuh zeuh e an ti a, mahse Tumpang hmu tu chu an tlem hle a. Kan phur dun hle a, Raltawna hi sa kap thei tak, thing thei zet mai, mahni inzo tak a ni a. Ram kan vah dun reng reng hian kan hlawhchham ngai meuh lova, mi chuan inkawp fuh min ti hle ṭhin.Kan kal hma zan chuan ka mang a fuh meuh lova, mahse mumang avanga han ṭhulh leh hni hne chu a mipa hna lo viauin ka hre si! Kan liam dun ve ta poh kha a nia, nilenga kan kal hnu chuan chawhnu herah riahbuk sualna tur remchang kan hmu ta a, a hmun a rem em lah tak a, kawrkam mai hi a ni nghe nghe a. Kan buk sualna aṭang chuan kan sih chan tur chu a hla lem lova. Zanriah turte buatsaih hmasa in Sih lam chu kan pan ta a. A hmun kan thleng chu mi hian an lo sawi ṭha duh lo zawk alo ni, sa chi tin hnu chu a chiar hian a chiar dup mai a. Lung hi a awi hliah hliah a, a kal tawhte chuan ṭhangte an lo dawh tawh sa ah chuan kan ṭhu ta a. Sakhi chu kah loh ni se, Sazuk emaw Sanghal emaw chin kap ila kan ti a. A hun in a zir bawk a, ṭhut rei a ngai lo kher mai! Raltawna channa lamah chuan hla deuh hlekah chuan thawm hi a awm a , a kap ri ta dum mai le.....kan chhuk a, a sa kahna lamah chuan kan inzui phei ta a. Saza hi alo kap chu niin, Sih rawn tlan pawh a lo ni chiah lova, kan piah deuh a, anchiri a lo pet a ni awm e, kan han chian a, a lo lian phian mai a. Bawng la tia lawng a ni a, a hmun hian han zawn dawn a a zir chiah loh avangin kan thiar chhoh mai a ngai dawn a ni. Chutah kan han ṭhet ta a, kan thiar dun ta tlauh tlauh a, khua pawh chuan min thim hnan ta mai reng a. Zanriah kan inhmakhua tawh a, kan thiar zawh chuan chaw kan bar hmasa te te a, kan sa chu kan han chan ṭan ta a. A chanve vel kan chan lai chuan kan chhak kawr, kopang chhak vel aṭang chuan pachang au thawm kan hre ta phut mai le....
........
Chung thil ka ngaihtuah thlen lai tak chuan,
" Lawmpa. .ka ril a ṭam a nia! " tih ri chu ka hre chhawm ta a.
Ka ngaihtuahna ata ka harh chhuak ta a, chutih lai chuan ka piah lawkah chuan thawm hi a awm reng a, muang chang chuan ka sihdet hum chungin buk lam chu ka pan chho va!
" Ding reng lo khan....rawn chhuk ta che!" tih ri ka hre zui a. Buk chu ka hma lawk a ni tawh a. Ka hawi chho ta a, Rina chuan kan buk chhak lam chu a lo thlir daih mai a. Ka han en a, mihring hlimthla niawm tak hi kan han hmu ve mai reng a.Ka aw kan thian a, rang deuh chuan Rina chu a rawn hawi thla nghal a,
" Daih chuan a...." a ti tham ṭiak a.
" Eng nge ni a?" Kan ti zui a.
" Hmuithla a niang" a ti ta a.
Sarepte chu kan enfel leh te te a, zanriah chu kan bar dun ta a, a hma vak tawh lova! Zanriah kan ei ta a, chaw hi a ei theih phian zel mai, chaw ei lai hi chuan hlauhawm leh thildang hi ngaihtuah a har a ni. Kan bar mawlh mawlh lai chuan Pa ngen ngaw aṭang chuan an rawn kuk ta raih mai le....vawikhat chauh pawh a ni lo, an rawn kuk ta sup sup mai a, an hlim hmel hle chuan ka hria a. Kan ṭhian dun chuan kan inmelh nghal a. Chutih rual erawh chuan ngaia neih a har dawn riau chuan ka hria a. Kan chaw ei min rawn tibuai pawh a ni hran lo bawk a kan bar chhunzawm mawlh mawlh a. Sakhi chek leh Sanghal tuang chhah kan han hmeh ngei a, kan hma zawn hi a kaw duak duak mai a ni. Kan han eikham fel a, ka ṭhiana pawh inthiar turin thlang lam a pan ta ṭuang ṭuang a. Sarep te chu ka lo let kual vel a, zanin chu mut ṭhat a ngai a ni. Sarep hi han ur deuh phawt ila.....
Chutah le....ring deuh hian ka ṭhiana chu a rawn rak phut mai le....
( Chhunzawm tur)
.......
( He kan thawnthu kal lai hi, a link lo chuan Whatsapp ah dah phal a ni lova, nizan khan group hrang hranga copy paste kan hmu nual mai a, in dil hmasak pawh awm lova lo copy paste chiam hi a zia lo hle a ni! Chuvangin in copy duh a nih pawn in hrilh hre hmasa ta ila, A ni lova, link nen lova post kan awm chuan hma kan la ang.....in tan vek a ni e. Min chhiar sak tute leh min fuihtute in chungah ka lawm hle a, sawiselna pawh ka dawng thei reng e.)
Comments
Post a Comment