PANGEN NGAW...4...( RAUTHLA TE CHAWLHNA!?)
PANGEN NGAW.....4...
( RAUTHLA TE CHAWLHNA!?)
M.Lusei Palian
....... .......... ..........
" Mumang satliah chu a ni hauh lovang" a rawn ti ve tlat mai!
Ka ṭhianpa chu ka en ringawt mai a, a ni lah chuan mak tih hmel fe hian min lo thlir thung a. Chutah ka mumanga hmeichhe kal liamna lam chu a thlir zui ve leh ta thung a. Khua chu alo var lek lek tawh a, kan vel a chhum leivak te pawh an lo bo duak tawh a. Kha chhum leivak avang khan buaina kan nei hauh lova, min vengtu chu an awm chiang a ni. Rulpui lah kha aw....khua han var chiang sela, a hnu hma kha ka chian chak takzet a ni. Inngaihtuah vung vung a ka awm chuan ka ṭhiana hi ka tihrilhhai dawn tlat!
Ka tho ta nalh a,mei chu ka tuah ṭha ta zung zung a, chutia ka chet tak sawt sawtah chuan ka ṭhiana pawh chuan min rawn pui ve nghal a. Kan tuah en ṭhat hnu chuan,
" Pa ngen ngaw fan ka phur ta telh telh mai, khawi nge ei hi han rel teh ang, khua pawh avar har tawh dawn lova, a hma lamin i han dai ang hmiang.....kan ti ta sa sa alawm le" tih pah chuan a vei vut a, bel a la a. Tukṭhuan tur chu a buatsaih zui ta a.
Keimah chauh hi thilmak a awm tih hretu ka ni lova, ka ṭhiana pawh hian eng emawzat chu a hre ve a ni. Nizan tlaia kan sa channa a thinga ka awm lai pawh khan min rawn en dan kha a dik hauh lo. Tunah pawh hian ka mumang kha mumang satliah a ni lovang min tih sak mai thei kha a ni leh tlat! Mahse, ka mumang chu hrilh ala hun rih lo in ka hria a. Chutih rual chuan Rulpui kha kan tawng thut ang tih a hlauhawm bawk si! Ka lo inngaihtuah rei deuh nge ni....!
" I mumang a mi khan eng nge a hrilh che a, i ngawih tak ngul a, i hlau ta deuh em ni Lawmpa...? zam reng reng suh...! Eng thil pawh tawng ila, a ṭha lo lam chu kan phin darh vek dawn nia" min en chung chuan Rina chuan a rawn ti a.
" E khai. .. lawmpa, hlau lah lo ve a, hlauhawm hian min hlau ang tih kan hlau ṭhin a ni lawm ni! Zam chu sawi loh, a ṭul chuan kan ṭang ral raih mai a niang chu...." tiin ka chhang zui zat a.
Thingpui a rawn thli a, min rawn pe ve nghal var a. Kan sarep pawh a zia fu tawh a, mei han tuah ṭhat a, han rep far leh takah chuan a rim te chuan ril te pawh a ti ṭam leh ta! Kan salu erawh chuan min tibuai deuh, mahse a ni lo lam ni lovin, kan dah rimtui lo deuh dawnin ka hria a. Mahse a zia mai ang, ka ṭhiana hian hawn leh ngei a duh dawn si a. Thil eng kim hi ka hrilh tlang mai dawn em ni aw, engkim tidun ṭhin kan ni a, tunah pawh hian mahni a lo zuk dai ai chuan min rawn chah thlap a ni a, eng pawh tawn huamin kan inzui dun ṭhin a ni si a. Ka mumang leh thil thlen dan chu hrilh vek ka tum ta a.
Ka thianpa Rina hnenah chuan Sih kan chan aṭanga ka mumang thleng chuan ka hrilh chho ta a, nula ka hmuh ṭhin chu ka la zep deuh a. A ni pawh chu alo bu nghauh nghauh a. A chang leh thinrim hmel a pu a,a hnu chuan min en ang he haw a,
" Sih kan chanlai khan i lawnna thing an sawi tih kha ka hria a, chuvanga nghalchang kha kap vat ka nia, ka rawn hawi phei khan i bul chiahah khan mitmeng sen rem rum ka rawn hmu a, i hmu ve der si lo. Thil a kalfuh loh ka hlau asin aw...mahse hei vengtu deuh kan nei in ka hria a, a chhan pawh chhum leivak tawlh duai duai thei kha, kan buk a rawn chim thei tlat lo a ni. Ka thla a muang huai a, nang lah zam mai mai tur chi i ni bik si lo. Ka muthlu ta vel a nih kha....kan harh chuan ilo ṭawng nawk nawk a, biak i nei tih ka hria a, ka hlauthawng hman ṭhelh a. Mahse, kan hrechiang a, hlauhthawn chi a ni lo tih ka hre thiam a, chuvang a nia ' mumang satliah a ni lovang' ka lo tih ni! Rul pui mawlh mai chu aw.. ka lo hmu ve lo a ni aw...engtia han thah tur chu ni maw.... A ṭul hle a nih loh chuan kei ka that duh hauh lo a nia, rulpui chin hi chu.....A...mahse kan vanneihna tur a nih te chuan...." A ti ta then mai a.
Rulpui hi hmu an awm leh zauh ṭhin a, rulpui that reng reng hi an vannei rei ngai hauh lova! Tin, thah tirh hian a bula kal hnaih nghal loh tur, te an lo ti bawk a.Ka pu khan a damlai khab Rulpui a hmuh thu kha vawikhat min hrilh tawh a, a lian hle a ti a, ka kap thei lo, kah mi a ni lo a niang tih min hrilh tawh a.Ka pu, khawkhat pasalṭha hmingthang Sakei pawh sawmthum lai kap tawhin a kah hreh em em chu a mak a ni, a sawi lai khan ka ngaihtuah thiam lo zawk a ni mahna.Loh theih loh a nih chuan tlanchhiat san erawh ka tum lo hle thung a. Ka thianpa hmel kan en a, alo nui sang thung a.
A zia phian, chutih lai chuan Ramar khuang al al thawm kan hria a, tunang huna Ramar han khuan chu .....(h) Mahse a awm lo lem lo ve!
Rina chuan tukṭhuan chu a buaipui chhunzawm a, kei chuan sarepte chu ka let vel a, zankhat chauh la ur mah ni se, a zia phian mai, mahse kan kalsan dawn a changel hnaha khuh kher chu a mak ka la ti fan!
Khua a var chiang ta a! Kan piah lawka kawrte ah chuan hmai ka va phih sat sat a, a hit ve raih mai! Ka harh ta vak a, a nuam hle mai! Chutah rulpui kha ka hre chhuak a, a liamna hnu hma chu en ka duh ta tlat a, a tleng liamna nia ka hriat lam chu ka bih kual a,mahse eng hnu hma mah zuk hmu hauh lova! Ka zawn kual chiam pawh chuan ka hmu ta reng reng lo. Umnnn.....hmuh ala hun rih lo te pawh a ni ang e. Khatiang khawpa rukpui lian liamna chu lang ruak tur a ni asin maw le!
" Eng thil nge i zawn a...khatia i bih chiam chu le?"
" Ro ṭha mi maw le? A lo awm takin ka ti deuh...!"
A awih loh hmel kher mai! Changel hnah ka sat leh a,Buk lamah chuan ka chho ta a.
" Chawthleng tur atan chuan ava tam dawn ve! I ril a ṭam leh tawh a ni maw?"
Ka nui suk ringawt a, silai mu chu ka hem ṭha leh vek a, Rina pawh chuan a lo hem ve mawlh mawlh a, tin, kan silai pawh kan tifai sauh sauh a. Kan lungkham ber pa ngen ngaw chuan min au a, chu pa ngen ngaw thuruk hai chhuak tur chuan kan pan dawn a ni. Eng harsat nge kan hmachhawn dawn kan hre hauh lo, mahse zamna ai chuan phurna chuan min hneh zawk a. Hma lam pan turin kan inbuatsaih sauh sauh zawk a.
Tukṭhuan kan bar a, kan ei thei dun ngang mai, kan chawhmeh chuan a zir em bawk a tin ni. Kan ei bang chu kan fun leh thlap a. Tum dan chuan nilengin pa ngen ngaw kan fang ang a, a tukah haw tawh mai kan tum a ni. Mahse tum dan mai a ni. Eng nge kan hmaah lo thleng dawn kan hre der si lo. Zial zu in rei mawi tawk kan ṭhu leh a, ni pawh a lang tawh a, boruak a nuam ṭan ta ngang mai! Chhum leivak te pawh chuan min liamsanna a rei leh tawh a, zan lam boruak pawh thleng lo ang mai a ni, mi dawihzep tan pawh huaisen thar lehna hun a ni leh tawh bawk a. Kan sarep chu changel chuan ka khuh ṭha ta thlap a, kan buk chu kan chhuahsan ta a. Pa ngen ngaw chung zawl nia kan hriat lam chu phur leh tha tho tak chuan kan pan dun ta a. A la hma bawk a, ruam zal lam zel kan pan a, sa kan ṭhawng tlan leh ṭhin! Pu Kapa sawi angin Sakhi leh Sanghal chu an lo awm ve nual a nih hi. Rina chuan kap tur chuan min ti leh ṭhin na a, sa kan nei a, kan rit lutuk dawn a. Tin, kan phur seng dawn lovin ka hria a, chuvang chuan kap lo mah ila a pawi ka ti lo a ni. Eng mah ngaisak lem lo chuan kan kal kan kal a, thing te chu a lian ṭha phian a Chhura rual em chu an ni lo mai thei a, mahse an lian hlawm khep khup khawp mai! Kan kalna chin chu chhinchhiahna kan siam lova, an lo sawi lawk ang ngei chuan kan kal kual kan kal kual a lo ni...
" Lawmpa, hei kan kalna hnu tho kha ava ang ve....!"
Tih ri chuan min tiharh sawt a. A ni reng lah taka, a ngai hlir chuan kan lo kal a.
" E ni maw...ti teh, kan kalna hnu hi chhinchhiahna siam teh ang..! " ka ti ta a.
Thing chu kan thel ta zeuh zeuh a, chutah le, kan hmaah chuan Sazuk var kha kan hmu leh ta tlat mai! Min lo thlir leh veng veng tawh a, kan ding chawt mai. Kan ṭhian dun chuan kan in en a, kah pawh chu kan tum chuang lova, kan en reng hnu chuan a kal ta a, min rawn lehhawi leh ṭhin a. Ka hrethiam ṭan e....
" Lawmpa...ti teh i zui teh ang" Rina chuan a rawn tichhuak ta phawng a. Ka rilru chiah a ni.
Sazuk var chu kan zui ta a. Khan nuam lam zelah chuan a kal a, kan kalna chu thing lian tak tak hnuai a ni a, a thim deuh raih mai a. Chutih rual chuan kal ṭhin an awm emaw tih mai tur hian kan kalna chu a fai hliau thung a, boruak lah chu a zang vak tawh lo. A ipik ta deuh churh mai a, chawl lo chuan Sazuk var chu kan zui zel a, chu Sazuk var lah chu ' rawn kal zel r'u' ti niawm tak hian a rawn lehhawi leh zeuh zeuh ṭhin a. Rei fe kan kal hnu chuan le... kawtchhuah ang deuh hi kan thleng ta hlawl mai! Chutah kan lo hah deuh bawk a, kan ṭhu chawl ta a. Kan tuisik pai te chu kan in ta rih a. Zial te zu lehin kan hawi kual nasa ngang mai! Kan hmalam chu zawl phei deuh vek hi a ni tawh a, chutia kan chawlh lai chuan ni chu a dul ta raih hian ka hria a. Ngaw kar aṭanga ni zung rawn lut te chu a ṭihawm thar riau hian ka hre ta mai a, eng emaw hian chhungrilah min ṭhamna ta er er mai! Eng emaw a rawn thleng dawn hian ka hria a, hlauh vang ni hauh lo hian ka ka hmulṭhi hi a ding ta er er mai le...
" Kan thleng titih a nih hi...kan ni awm dan reih ruih chu leh....ti teh Lawmpa, i han dai ang hmiang! Sazuk kha....ka hmu ta hauh lo..!"
Ka kut dinglam chuan Silai chu ka hum a, ka tho chhuak ta a. Mahse Silai hmanna tur chi ni lo deuh chuan ka hria a. Ka ak leh a, chempui ka la chhuak a, ka hum ta a. Kan hmalam zawl phei raih, fai han si, ngaw hnuai ni bawk si ah chuan kan pen lut ṭan ta.
Rauthla te chawlhna ngei ni hian ka hria a, ka hria mai pawh a ni tawh lo, ka ring nghet tlut tawh mai a ni. Rauthla te chawl lai hi kan chim buai anga, kan buao hrep mai a ngem aw...
" Lawmpa, thil chik hle tur a nih kha aw..." ka ti chhuak a, kan kal leh ta a.
Kan han lut thui ta ale... eng emaw hian min thlir ṭhuap ni ber hian ka hre tawh a, a zahthlak lek lek mai... Thil ri hrek ah chuan kan inmelh nghal vat zel a, chu thil chuan kan inrin dun zia chu a hrilhfiah thei mawlh ang che u. Lung lo intung leh ṭhin ka hmu ta zeuh zeuh a, ka mumang ka hrechhuak zawk a, lung intung lam chu ka pan a, uluk fe chuan ka thlir a, eng thil mah ka hmu lo. Ka ṭhiana pawh chuan uluk fe hian lung dang alo thlir a, thil inziak emaw...chhinchhiahna awm ang kan la hmu rih lo chu a ni. Kan awmna leh a vel chu uluk taka enkawl tih hriat tak hian a hnum deuh hluau mai a, eng emaw chu an cheng ngei a ni.
Hmalamah chuan kan phei ta zel a, thing hniamte buk zet hi alo awm a, kan pheina kawng angreng ( ti mai ang) chu chulai zawn chu a ni si, a sir vel lah chu thing lian pui pui, ṭawng thei, che thut thei awm hi an ni bawk si! Kan hnaih phei ta hle a, chutih lai chuan huphurhna hi ka rilruah a rawn lut thut a, chu thingbuk pelh chu ka huphurh ta em em mai a. Chutah kan sir tuak aṭang chuan min thlir ṭhup lawi hian ka hre si.!
Kan hnaih phei ta hle a, ka inring tawh hle bawk a, chu thingbuk chu an chhah reuh khawp a, a piah lam chu engtia awm nge tih chu rinthiam a har fu tawh a ni. Chutah le, chu thing buk chu kan thleng ta.. a sut tlang theih mai dawn e, chem chuan tlem kan hlawi a,ka su phei ta a, a lum deuh ham hian ka hria a. Chutah kan sir hnah ro te chu a ri ta suau mai le..! Ka hnungah Rina chu a lo kal ve bawk a, kan lut tlang ta chu le....
.
Karei leh...!
Nichin a miin min thlir nia ka hriat kha chu nepte a lo la ni, eng emaw hmuh theih loh hian min lo lawm hle niin ka hria a. Kan va chhuahna chu lungphun pasarih vel alo awm a, lungphun bul te chu a fai hluau a, lung chu a laitak a mi chu a sang bik a, uluk bik ni mai hian a hriat a.Chung lungah te chuan eng emaw lem hi a tam ta mai le, mahse kan awmna aṭang chuan a hriat mai thei si loh. Kan han bih chiang dawn a, kan bul vela hnah ro chu a ri suau mai a!!! Kan inmelh hrek hrek a, chutah ni chu chhum karah a pil ta daih mai a, a ni raih mai! Kan vela hmuh theih loh te chu an vei huai huai ni mai hian a lang a. Eng emaw hian min su thawi thuak thuak ta mai! Chhun pachangah ngei lehnghal! Rauthla te chawlhna chu a ni ngei mai! Ka rilru chuan a nemnghet nghal hmiah mai a! Ka aw chu kan thian lui a,
" Lawmpa, lungphun hi kan bih chiang tak tak a nge aw...?"
" Aw le...teh reng mai, ka lo veng ang che..." uluk fe chuan a silai chu a keng a, ka hnung chiahah chuan min hnuchhawn zawng hian a rawn ding nghal zat a.
Uluk tak chuan lungphun chu ka bih ta veng veng a, bel lem te, mihring lem te a lo awm nual a, ka hrethiam lo angreng hle... lungphun hrang hrang chu kan thlir kual a, uluk fe chuan ka thlir a, awmze nei tur thil ka la hmu hauh lo mai! Chutih chhung zawng chuan kan bul vel chu a ri leh ṭhiap ṭhiap ṭhin a, mahse eng mah hmuh tur a awm chuang lo. Lungte chu kan sawi chhin a, a nghet phian mai a, aw le....rul lem ka hmu ta... Mahse rul lem tawp a ni. A bak chu a inthai kawi mai mai a ni. ...
" Han bih ve thung teh, eng mah ka hmu thiam miah lo mai!" Ka ti a.
Rina chu a hawi kual zak zak a, " Ka hrethiam bik dawn em ni aw!" a ti a.
" Inthlah dul rawh.....min tina tur ni se hun an ngah tawh lutuk, eng emaw min hmuhtir an tum zawk a, chu chu hmuh chhuah tum zawk ang..!"
A rawn in thlah dul ve ta deuh a.Ka rilru zawng zawng sawi ka ni, a dik chiah bawk, min tihnat tum ta se, hun an ngah tawh lutuk! Tin, kan hmu ve thei lo lehnghal a, an ni chuan beiseina nen min thlir ṭhup thung lawi si...! He hriat loh, belhchian loh rauthla te hian min lo beisei reng tawh zawk niin ka hria a. Ka rilru ka sawi ta mai reng a ni.
Uluk fe fe chuan lungphun chu a bih ve bawk a, a ni pawh chuan an sawi chhin vel a, mahse hmuhchhuah tur a tlem hle mai! A beidawn ve hmel hle mai! A hma khan kan lo ṭang hle a ni mahna, ni chu lang lo mahse kan lo thlan dup mai alo ni.
" Ka va'n hrethiam lo ngai ve le....milem hi chu ka hmu a, bel lem te, rul lem pawh....mahse eng nge a awmzia aw...!" A ti chuai ve raih mai...
Van lam chu kan thlir a, ni chu ala lang chuang lo, chutah lungphun bul vel fai hluai te chu kan hel vel chiam a, eng thil mah ka hmu ta chuang lo. Ka mumanga nula khan uluk fe a thlir tur khan min ti kha a nia...mahse kan hrethiam lo a ni.
Chutah lungphun hlat lam chuan ka phei ta zel a, ka ṭhiana chuan min thlir ho mai a, eng emaw ka zawng a ni. Thing lian pui pui zar te chuan min hliah khup mai a, ka ṭhiana pawh ka lamah a rawn phei ve a. Ni chu a rawn lang ta de de a. Lungphun lam chu ka hawi phei leh chiah chu leh.....mak tak a ni.
Mak tak....
( Nidang aiin a tawi hret mai a, ka buai deuh a! Min hrethiam dawn nia.t Selna lam hi ka dawng thei reng a nia, hemi dawtah hian pasalṭha lamah kan hawi tawh ang)
( RAUTHLA TE CHAWLHNA!?)
M.Lusei Palian
....... .......... ..........
" Mumang satliah chu a ni hauh lovang" a rawn ti ve tlat mai!
Ka ṭhianpa chu ka en ringawt mai a, a ni lah chuan mak tih hmel fe hian min lo thlir thung a. Chutah ka mumanga hmeichhe kal liamna lam chu a thlir zui ve leh ta thung a. Khua chu alo var lek lek tawh a, kan vel a chhum leivak te pawh an lo bo duak tawh a. Kha chhum leivak avang khan buaina kan nei hauh lova, min vengtu chu an awm chiang a ni. Rulpui lah kha aw....khua han var chiang sela, a hnu hma kha ka chian chak takzet a ni. Inngaihtuah vung vung a ka awm chuan ka ṭhiana hi ka tihrilhhai dawn tlat!
Ka tho ta nalh a,mei chu ka tuah ṭha ta zung zung a, chutia ka chet tak sawt sawtah chuan ka ṭhiana pawh chuan min rawn pui ve nghal a. Kan tuah en ṭhat hnu chuan,
" Pa ngen ngaw fan ka phur ta telh telh mai, khawi nge ei hi han rel teh ang, khua pawh avar har tawh dawn lova, a hma lamin i han dai ang hmiang.....kan ti ta sa sa alawm le" tih pah chuan a vei vut a, bel a la a. Tukṭhuan tur chu a buatsaih zui ta a.
Keimah chauh hi thilmak a awm tih hretu ka ni lova, ka ṭhiana pawh hian eng emawzat chu a hre ve a ni. Nizan tlaia kan sa channa a thinga ka awm lai pawh khan min rawn en dan kha a dik hauh lo. Tunah pawh hian ka mumang kha mumang satliah a ni lovang min tih sak mai thei kha a ni leh tlat! Mahse, ka mumang chu hrilh ala hun rih lo in ka hria a. Chutih rual chuan Rulpui kha kan tawng thut ang tih a hlauhawm bawk si! Ka lo inngaihtuah rei deuh nge ni....!
" I mumang a mi khan eng nge a hrilh che a, i ngawih tak ngul a, i hlau ta deuh em ni Lawmpa...? zam reng reng suh...! Eng thil pawh tawng ila, a ṭha lo lam chu kan phin darh vek dawn nia" min en chung chuan Rina chuan a rawn ti a.
" E khai. .. lawmpa, hlau lah lo ve a, hlauhawm hian min hlau ang tih kan hlau ṭhin a ni lawm ni! Zam chu sawi loh, a ṭul chuan kan ṭang ral raih mai a niang chu...." tiin ka chhang zui zat a.
Thingpui a rawn thli a, min rawn pe ve nghal var a. Kan sarep pawh a zia fu tawh a, mei han tuah ṭhat a, han rep far leh takah chuan a rim te chuan ril te pawh a ti ṭam leh ta! Kan salu erawh chuan min tibuai deuh, mahse a ni lo lam ni lovin, kan dah rimtui lo deuh dawnin ka hria a. Mahse a zia mai ang, ka ṭhiana hian hawn leh ngei a duh dawn si a. Thil eng kim hi ka hrilh tlang mai dawn em ni aw, engkim tidun ṭhin kan ni a, tunah pawh hian mahni a lo zuk dai ai chuan min rawn chah thlap a ni a, eng pawh tawn huamin kan inzui dun ṭhin a ni si a. Ka mumang leh thil thlen dan chu hrilh vek ka tum ta a.
Ka thianpa Rina hnenah chuan Sih kan chan aṭanga ka mumang thleng chuan ka hrilh chho ta a, nula ka hmuh ṭhin chu ka la zep deuh a. A ni pawh chu alo bu nghauh nghauh a. A chang leh thinrim hmel a pu a,a hnu chuan min en ang he haw a,
" Sih kan chanlai khan i lawnna thing an sawi tih kha ka hria a, chuvanga nghalchang kha kap vat ka nia, ka rawn hawi phei khan i bul chiahah khan mitmeng sen rem rum ka rawn hmu a, i hmu ve der si lo. Thil a kalfuh loh ka hlau asin aw...mahse hei vengtu deuh kan nei in ka hria a, a chhan pawh chhum leivak tawlh duai duai thei kha, kan buk a rawn chim thei tlat lo a ni. Ka thla a muang huai a, nang lah zam mai mai tur chi i ni bik si lo. Ka muthlu ta vel a nih kha....kan harh chuan ilo ṭawng nawk nawk a, biak i nei tih ka hria a, ka hlauthawng hman ṭhelh a. Mahse, kan hrechiang a, hlauhthawn chi a ni lo tih ka hre thiam a, chuvang a nia ' mumang satliah a ni lovang' ka lo tih ni! Rul pui mawlh mai chu aw.. ka lo hmu ve lo a ni aw...engtia han thah tur chu ni maw.... A ṭul hle a nih loh chuan kei ka that duh hauh lo a nia, rulpui chin hi chu.....A...mahse kan vanneihna tur a nih te chuan...." A ti ta then mai a.
Rulpui hi hmu an awm leh zauh ṭhin a, rulpui that reng reng hi an vannei rei ngai hauh lova! Tin, thah tirh hian a bula kal hnaih nghal loh tur, te an lo ti bawk a.Ka pu khan a damlai khab Rulpui a hmuh thu kha vawikhat min hrilh tawh a, a lian hle a ti a, ka kap thei lo, kah mi a ni lo a niang tih min hrilh tawh a.Ka pu, khawkhat pasalṭha hmingthang Sakei pawh sawmthum lai kap tawhin a kah hreh em em chu a mak a ni, a sawi lai khan ka ngaihtuah thiam lo zawk a ni mahna.Loh theih loh a nih chuan tlanchhiat san erawh ka tum lo hle thung a. Ka thianpa hmel kan en a, alo nui sang thung a.
A zia phian, chutih lai chuan Ramar khuang al al thawm kan hria a, tunang huna Ramar han khuan chu .....(h) Mahse a awm lo lem lo ve!
Rina chuan tukṭhuan chu a buaipui chhunzawm a, kei chuan sarepte chu ka let vel a, zankhat chauh la ur mah ni se, a zia phian mai, mahse kan kalsan dawn a changel hnaha khuh kher chu a mak ka la ti fan!
Khua a var chiang ta a! Kan piah lawka kawrte ah chuan hmai ka va phih sat sat a, a hit ve raih mai! Ka harh ta vak a, a nuam hle mai! Chutah rulpui kha ka hre chhuak a, a liamna hnu hma chu en ka duh ta tlat a, a tleng liamna nia ka hriat lam chu ka bih kual a,mahse eng hnu hma mah zuk hmu hauh lova! Ka zawn kual chiam pawh chuan ka hmu ta reng reng lo. Umnnn.....hmuh ala hun rih lo te pawh a ni ang e. Khatiang khawpa rukpui lian liamna chu lang ruak tur a ni asin maw le!
" Eng thil nge i zawn a...khatia i bih chiam chu le?"
" Ro ṭha mi maw le? A lo awm takin ka ti deuh...!"
A awih loh hmel kher mai! Changel hnah ka sat leh a,Buk lamah chuan ka chho ta a.
" Chawthleng tur atan chuan ava tam dawn ve! I ril a ṭam leh tawh a ni maw?"
Ka nui suk ringawt a, silai mu chu ka hem ṭha leh vek a, Rina pawh chuan a lo hem ve mawlh mawlh a, tin, kan silai pawh kan tifai sauh sauh a. Kan lungkham ber pa ngen ngaw chuan min au a, chu pa ngen ngaw thuruk hai chhuak tur chuan kan pan dawn a ni. Eng harsat nge kan hmachhawn dawn kan hre hauh lo, mahse zamna ai chuan phurna chuan min hneh zawk a. Hma lam pan turin kan inbuatsaih sauh sauh zawk a.
Tukṭhuan kan bar a, kan ei thei dun ngang mai, kan chawhmeh chuan a zir em bawk a tin ni. Kan ei bang chu kan fun leh thlap a. Tum dan chuan nilengin pa ngen ngaw kan fang ang a, a tukah haw tawh mai kan tum a ni. Mahse tum dan mai a ni. Eng nge kan hmaah lo thleng dawn kan hre der si lo. Zial zu in rei mawi tawk kan ṭhu leh a, ni pawh a lang tawh a, boruak a nuam ṭan ta ngang mai! Chhum leivak te pawh chuan min liamsanna a rei leh tawh a, zan lam boruak pawh thleng lo ang mai a ni, mi dawihzep tan pawh huaisen thar lehna hun a ni leh tawh bawk a. Kan sarep chu changel chuan ka khuh ṭha ta thlap a, kan buk chu kan chhuahsan ta a. Pa ngen ngaw chung zawl nia kan hriat lam chu phur leh tha tho tak chuan kan pan dun ta a. A la hma bawk a, ruam zal lam zel kan pan a, sa kan ṭhawng tlan leh ṭhin! Pu Kapa sawi angin Sakhi leh Sanghal chu an lo awm ve nual a nih hi. Rina chuan kap tur chuan min ti leh ṭhin na a, sa kan nei a, kan rit lutuk dawn a. Tin, kan phur seng dawn lovin ka hria a, chuvang chuan kap lo mah ila a pawi ka ti lo a ni. Eng mah ngaisak lem lo chuan kan kal kan kal a, thing te chu a lian ṭha phian a Chhura rual em chu an ni lo mai thei a, mahse an lian hlawm khep khup khawp mai! Kan kalna chin chu chhinchhiahna kan siam lova, an lo sawi lawk ang ngei chuan kan kal kual kan kal kual a lo ni...
" Lawmpa, hei kan kalna hnu tho kha ava ang ve....!"
Tih ri chuan min tiharh sawt a. A ni reng lah taka, a ngai hlir chuan kan lo kal a.
" E ni maw...ti teh, kan kalna hnu hi chhinchhiahna siam teh ang..! " ka ti ta a.
Thing chu kan thel ta zeuh zeuh a, chutah le, kan hmaah chuan Sazuk var kha kan hmu leh ta tlat mai! Min lo thlir leh veng veng tawh a, kan ding chawt mai. Kan ṭhian dun chuan kan in en a, kah pawh chu kan tum chuang lova, kan en reng hnu chuan a kal ta a, min rawn lehhawi leh ṭhin a. Ka hrethiam ṭan e....
" Lawmpa...ti teh i zui teh ang" Rina chuan a rawn tichhuak ta phawng a. Ka rilru chiah a ni.
Sazuk var chu kan zui ta a. Khan nuam lam zelah chuan a kal a, kan kalna chu thing lian tak tak hnuai a ni a, a thim deuh raih mai a. Chutih rual chuan kal ṭhin an awm emaw tih mai tur hian kan kalna chu a fai hliau thung a, boruak lah chu a zang vak tawh lo. A ipik ta deuh churh mai a, chawl lo chuan Sazuk var chu kan zui zel a, chu Sazuk var lah chu ' rawn kal zel r'u' ti niawm tak hian a rawn lehhawi leh zeuh zeuh ṭhin a. Rei fe kan kal hnu chuan le... kawtchhuah ang deuh hi kan thleng ta hlawl mai! Chutah kan lo hah deuh bawk a, kan ṭhu chawl ta a. Kan tuisik pai te chu kan in ta rih a. Zial te zu lehin kan hawi kual nasa ngang mai! Kan hmalam chu zawl phei deuh vek hi a ni tawh a, chutia kan chawlh lai chuan ni chu a dul ta raih hian ka hria a. Ngaw kar aṭanga ni zung rawn lut te chu a ṭihawm thar riau hian ka hre ta mai a, eng emaw hian chhungrilah min ṭhamna ta er er mai! Eng emaw a rawn thleng dawn hian ka hria a, hlauh vang ni hauh lo hian ka ka hmulṭhi hi a ding ta er er mai le...
" Kan thleng titih a nih hi...kan ni awm dan reih ruih chu leh....ti teh Lawmpa, i han dai ang hmiang! Sazuk kha....ka hmu ta hauh lo..!"
Ka kut dinglam chuan Silai chu ka hum a, ka tho chhuak ta a. Mahse Silai hmanna tur chi ni lo deuh chuan ka hria a. Ka ak leh a, chempui ka la chhuak a, ka hum ta a. Kan hmalam zawl phei raih, fai han si, ngaw hnuai ni bawk si ah chuan kan pen lut ṭan ta.
Rauthla te chawlhna ngei ni hian ka hria a, ka hria mai pawh a ni tawh lo, ka ring nghet tlut tawh mai a ni. Rauthla te chawl lai hi kan chim buai anga, kan buao hrep mai a ngem aw...
" Lawmpa, thil chik hle tur a nih kha aw..." ka ti chhuak a, kan kal leh ta a.
Kan han lut thui ta ale... eng emaw hian min thlir ṭhuap ni ber hian ka hre tawh a, a zahthlak lek lek mai... Thil ri hrek ah chuan kan inmelh nghal vat zel a, chu thil chuan kan inrin dun zia chu a hrilhfiah thei mawlh ang che u. Lung lo intung leh ṭhin ka hmu ta zeuh zeuh a, ka mumang ka hrechhuak zawk a, lung intung lam chu ka pan a, uluk fe chuan ka thlir a, eng thil mah ka hmu lo. Ka ṭhiana pawh chuan uluk fe hian lung dang alo thlir a, thil inziak emaw...chhinchhiahna awm ang kan la hmu rih lo chu a ni. Kan awmna leh a vel chu uluk taka enkawl tih hriat tak hian a hnum deuh hluau mai a, eng emaw chu an cheng ngei a ni.
Hmalamah chuan kan phei ta zel a, thing hniamte buk zet hi alo awm a, kan pheina kawng angreng ( ti mai ang) chu chulai zawn chu a ni si, a sir vel lah chu thing lian pui pui, ṭawng thei, che thut thei awm hi an ni bawk si! Kan hnaih phei ta hle a, chutih lai chuan huphurhna hi ka rilruah a rawn lut thut a, chu thingbuk pelh chu ka huphurh ta em em mai a. Chutah kan sir tuak aṭang chuan min thlir ṭhup lawi hian ka hre si.!
Kan hnaih phei ta hle a, ka inring tawh hle bawk a, chu thingbuk chu an chhah reuh khawp a, a piah lam chu engtia awm nge tih chu rinthiam a har fu tawh a ni. Chutah le, chu thing buk chu kan thleng ta.. a sut tlang theih mai dawn e, chem chuan tlem kan hlawi a,ka su phei ta a, a lum deuh ham hian ka hria a. Chutah kan sir hnah ro te chu a ri ta suau mai le..! Ka hnungah Rina chu a lo kal ve bawk a, kan lut tlang ta chu le....
.
Karei leh...!
Nichin a miin min thlir nia ka hriat kha chu nepte a lo la ni, eng emaw hmuh theih loh hian min lo lawm hle niin ka hria a. Kan va chhuahna chu lungphun pasarih vel alo awm a, lungphun bul te chu a fai hluau a, lung chu a laitak a mi chu a sang bik a, uluk bik ni mai hian a hriat a.Chung lungah te chuan eng emaw lem hi a tam ta mai le, mahse kan awmna aṭang chuan a hriat mai thei si loh. Kan han bih chiang dawn a, kan bul vela hnah ro chu a ri suau mai a!!! Kan inmelh hrek hrek a, chutah ni chu chhum karah a pil ta daih mai a, a ni raih mai! Kan vela hmuh theih loh te chu an vei huai huai ni mai hian a lang a. Eng emaw hian min su thawi thuak thuak ta mai! Chhun pachangah ngei lehnghal! Rauthla te chawlhna chu a ni ngei mai! Ka rilru chuan a nemnghet nghal hmiah mai a! Ka aw chu kan thian lui a,
" Lawmpa, lungphun hi kan bih chiang tak tak a nge aw...?"
" Aw le...teh reng mai, ka lo veng ang che..." uluk fe chuan a silai chu a keng a, ka hnung chiahah chuan min hnuchhawn zawng hian a rawn ding nghal zat a.
Uluk tak chuan lungphun chu ka bih ta veng veng a, bel lem te, mihring lem te a lo awm nual a, ka hrethiam lo angreng hle... lungphun hrang hrang chu kan thlir kual a, uluk fe chuan ka thlir a, awmze nei tur thil ka la hmu hauh lo mai! Chutih chhung zawng chuan kan bul vel chu a ri leh ṭhiap ṭhiap ṭhin a, mahse eng mah hmuh tur a awm chuang lo. Lungte chu kan sawi chhin a, a nghet phian mai a, aw le....rul lem ka hmu ta... Mahse rul lem tawp a ni. A bak chu a inthai kawi mai mai a ni. ...
" Han bih ve thung teh, eng mah ka hmu thiam miah lo mai!" Ka ti a.
Rina chu a hawi kual zak zak a, " Ka hrethiam bik dawn em ni aw!" a ti a.
" Inthlah dul rawh.....min tina tur ni se hun an ngah tawh lutuk, eng emaw min hmuhtir an tum zawk a, chu chu hmuh chhuah tum zawk ang..!"
A rawn in thlah dul ve ta deuh a.Ka rilru zawng zawng sawi ka ni, a dik chiah bawk, min tihnat tum ta se, hun an ngah tawh lutuk! Tin, kan hmu ve thei lo lehnghal a, an ni chuan beiseina nen min thlir ṭhup thung lawi si...! He hriat loh, belhchian loh rauthla te hian min lo beisei reng tawh zawk niin ka hria a. Ka rilru ka sawi ta mai reng a ni.
Uluk fe fe chuan lungphun chu a bih ve bawk a, a ni pawh chuan an sawi chhin vel a, mahse hmuhchhuah tur a tlem hle mai! A beidawn ve hmel hle mai! A hma khan kan lo ṭang hle a ni mahna, ni chu lang lo mahse kan lo thlan dup mai alo ni.
" Ka va'n hrethiam lo ngai ve le....milem hi chu ka hmu a, bel lem te, rul lem pawh....mahse eng nge a awmzia aw...!" A ti chuai ve raih mai...
Van lam chu kan thlir a, ni chu ala lang chuang lo, chutah lungphun bul vel fai hluai te chu kan hel vel chiam a, eng thil mah ka hmu ta chuang lo. Ka mumanga nula khan uluk fe a thlir tur khan min ti kha a nia...mahse kan hrethiam lo a ni.
Chutah lungphun hlat lam chuan ka phei ta zel a, ka ṭhiana chuan min thlir ho mai a, eng emaw ka zawng a ni. Thing lian pui pui zar te chuan min hliah khup mai a, ka ṭhiana pawh ka lamah a rawn phei ve a. Ni chu a rawn lang ta de de a. Lungphun lam chu ka hawi phei leh chiah chu leh.....mak tak a ni.
Mak tak....
( Nidang aiin a tawi hret mai a, ka buai deuh a! Min hrethiam dawn nia.t Selna lam hi ka dawng thei reng a nia, hemi dawtah hian pasalṭha lamah kan hawi tawh ang)
Comments
Post a Comment