PANGEN NGAW....3...(RAUTHLA TE CHAWLHNA!?)
PANGEN NGAW....3
(RAUTHLA TE CHAWLHNA!?)
M.Lusei Palian
....... ...... .......
Ka va han tla teuh ngai em! Ka indawm ṭawk ṭawk a....
Thei leh thei lo chuan ka lawnna thing bul lam chu ka zuk thlir a, eng mah reng ka hmu lo! Ka in vuan nghet sauh sauh va, chutah kan hawi thla leh a hnuai lam chu kan thlir lehngat a, khua ala thim bawk si lo, eng mah reng ka la hmu chuang lo! In dawm bet ran chung chuan, Rina chu ka va en a, eng mah hre ve awm pawhin a lang lova,a hawi pawh a rawn hawi miah lo, thing hnah a rik nasat teh lul nen !!!
Ka lawnna thing chu tha chak tak hian a sawi a ni ber a, a sawitu hmuh tur awm lo ta chu hriatthiam a har kher mai! Ramsa thil tih chu ni se ka hrethiam deuh mah na! Chutah ngaih ti ṭha lo tur tawkin, Chhum leivak chu kan thlang lang lo liam aṭang chuan a rawn zam chho ta chiai chiai mai le...
Chhuk mai chu ka tan a fuh ber ang, chhum leivak a rawn zin chuan eng sa pawh lo chhuak se kan hmu thei dawn chuang si lova! Tin, tun dinhmunah ngat phei hi chuan Silai pawh ka tin thei lo chu a nia, a tlawm thlak kher mai! A hmun in a zir deuh bawk a, pangah tang a vak chem chem tawh a, sa chang chu ni kher lo ila chuan rawl ka chhuah tawh mahna! Rina ṭhutna lam chu ka va hawi phei ṭawk ṭawk a....
A ni chuan Kan chhak lam pang chu a lo tin vang vang a, a silai chu a puak ta dur mai le... Eng thil nge a kah tih lah chu ka hre der lo, ka hre lo mai pawh a ni lo, chhak lam chu ka hawi thei lo hrim hrim a ni. A silai rik dan aṭang chuan a kap fuh tih ka hre thei nghal a. Silai hi a rik dan aṭang hian kah tum fuh leh ṭhelh hi a hriat ve theih tlat a. Silai puah rual chiah chuan ka awmna thing sawitu chu a tawp ve nghal chat a, mak tak a ni. Sanghal a kap chiang mai, a hawk dawt a. Rintluanga chu a rawn hawi phei a, ka thil tawn hre hek lo le, a rawn nui var var a, mahse a nui rei lo, mak tih hmel fe chuan min thlir ta reng a. Eng thil tak rawn hmu chu ni maw!? Kan sir vel chu a ri sup sup a, insum taka inhnit sup sup thawm hi ka hrezui nghal a, Ka lawnna thing chu a in sawi tawh lo bawk a, rang deuh, hmanhmawh deuh chuan ka chhuk a, ka lawnna thing chu ka pum zut thla hial a, hlauh lam ai mahin chhum leivak rawn thlen hma a, Sa chu hmuh hman ka duh a ni. Khua in min thim hnan ti tih tawh dawn si a. Ka silai ka kau a, Rina sa kahna lai ni a ka hriat chu ka pan ta a. A ni pawh a rawn chhuk ve nghal a, a rawn ri chho buan buan a, Sih kamah chuan Nghalchang lian ṭha tawk tak, sum ruk ṭha vel tur hi alo thal zar mai a, a zakdawhah tak a lo kap chu niin khawlthun a ni bawk a, nawn a ngai lo a ni. Kan han chian a, a lo la leng uih uih a, Rina pawh a rawn thleng chho ve nghal a, kan in en a, kan nui dun sak a.
" E khai! Lawmpa...Hlado i chham duh em?" Kan ti a.
" Chham turin min phut deuh tihna em ni?" Sa kan kah reng reng in, kan inbiakna ṭawngkam a ni ve hrim hrim a. Kan innuih dun ṭha a. Chutih lai chuan thli lum hi a rawn thaw huk a, he sih hian chenchilhtu a nei chiang mai, eng mah phei chu a la thleng lo! A la thleng lo ti ila, thil mak hmuh tur lam ka sawina a ni ber ang chu.... Mahse, Rina mitmeng chu a dik lo deuh tlat! Sawi duh nei hmel hi a pu a, chutihlai tak chuan...
Kan chhak mual awih pang lek lek, mahse kal nana hrehawm hmel lem lo tak aṭang chuan thawm ri rek kan hria a, rang tak chuan kan hawi chhuak dun nghal a, e khai le.!!!Sazuk var chuan min lo thlir dun veng veng mai a. A mitmeng chu a mak a ni, nula mitmeng mawi tak hi ang ber in ka hria! A ki te chu Sazuk ki pawh ang lo hian a zar du mai a, Sazuk ki ka hmuh tawhah chuan ala mak ber awm e. Kan ṭhiandun chuan min thlir veng veng ni mai hian ka hria a, hlauh a hnekin mak tihna hian min zem rih a. Pu Kaptluanga thu sawi ka hre chhuak zawk mai le! Kan kah loh chuan min chhiat ang tih ka hlau ta thut mai a! Rina nen chuan kan inmelh leh zawk a, rang tawk chuan Chu Sazuk var chu ka tin nghal a, Silai ka hmet a, mak tak a ni, a tlawlh tlat mai! A cheng ka kuai a, ka chhut nawn tir a, a la puak ta chuang lo. Rina pawh chuan a Silai chuan a tin ve nghal a, a ri khap khap ve tho!Silai pakhat tlawlh hi chu thuhran, ngaih khatah a ngaih theih mai a, mahse kan pahniha silai a tlawlh ve ve chu a mak a ni. He thil zet hi zawng thil mak a ni. Chutah le, Sazuk chuan thlang lam a thlir a, a hawi kual hruk hruk a, mak tih hmel taka min thlir leh in muang changin a kal a,a ngen hmel hle mai, a kal liam tur thleng chu kan thlir a, a kal liam ta.
Sazuk var hawina lam chu kan thlir thla ve leh a, e khai leh...Chhum leivak kha a rawn intuam chho ta mep mep mai le.Min rawn hnaih hle tawh alo ni. Ka ṭhian a chuan,
" Lawmpa hman hmawh deuh teh ang, khua in min thim hnan a tum tlat..." chhum leivak melh chung chuan a ti a. Chhum leivak melh chunga chutiang a sawi daih mai chu....(h) Sawifiah thiam theih chiah loh hian min zem a ni ber mai.Kan bul vel te chu a ri leh ṭhep ṭhep ṭhin a. Mahse chung thil mai mai chu kan tawng zing tawh em! Chu sih ruam chuan lung hi a tileng miah lo. Dawih deuh tan chuan ek chhuah rum rum na tur a ni tawh...
" Ni e, kan zawn thei angem aw...Thingtuai kan sat a nge, ram hrui lo chhat teh.." kan ti zui a. Thingtuai chawn puar tia chu ka va sat a, Rina pawh chuan nghalchang ke chu alo phuar mawlh mawlh a. Kan inpeih meuh chuan khua chuan min thim hnan ta bawk a, chhum leivak chuan min rawn nangching ta bawk a, boruak chu a mak hle mai! A ti churh mai, sawi fiah thiam chi a ni lo.
Nghalchang chu kan zawn dun ta a le, a rit ngang mai! Rina chu hmalamah a ṭanga kei hnung lamah ka ṭang thung a, ka tukhum chu eng emaw hian a rawn thawk khum leh ham ham ṭhin a, a chang leh min rawn su leh chawrh ṭhin a. Rina lah chuan eng mah a sawi lova, a pai ve leh khat khat ṭhin a. Eng mah a sawi lem lova, a rum leh nghat ṭhin!
" Ti teh Lawmpa, kan sa lu rawn lawmtute hi kal hmasak tir teh ang" a ti ta thut a.
" Ni e maw le, hei an hmanhmawh a nih dawn hi..." ka ti a.
Kan chawl ta rih a. A ni pawh chuan alo hre ve ngei a, eng emaw hi alo su a lo su ve tho alo ni, a hun lai khan kan sawi chhuak lo mai mai zawk alo ni.Kan lo kal thui viau mai a, kan thaw dun ham ham a, kan buk kan thleng ṭep tawh a lo ni. Kan chawlh ve leh chuan a reh leh ta ṭhap lawi si a, rei chawl lo chuan kan kal leh ta a. Hnung lam leh sir lama thawm alo tam avang khan kan sa zawn a rih zia kan lo theihnghilh mai mai alo ni! Kan kal leh ta a.....Thawm a reh deuh chuan a lo rit ngang mai, thawm awm kha a zia phian, a chhan pawh kan kal chak phah phian alo ni. Buk kawtah chuan Kan Sa chu kan nghat a, mei ka chhem nghal a. Kan la buai dawn chauh..
" Lawmpa, thingpui hi lum ila, chhang kan pai tho bawk a, kan sa hi i chhum teh ang, duh leh kan tlaivar mai ta lawng" Rina chuan a rawn ti a. ( Lawmpa hi hmanlai a, inlawm te tih dan kan chhawm ni lovin, ka naupan lai hian Rina hian Lawma tia min koh hi a harsat viau a, Lawm....pa hi a ti ta ṭhin a, chuta ṭang chuan Lawm..pa tiin kan inko ta a, kan rawlthar chhuah khan kan ti Lawmpa ta chauh a ni.)
" Tehreng mai, thingpui lo chhuang la, keiin khu lai a, rawnal khu tulah ka lo zuk sat a nge."
Tih pah chuan ka tho a, tlaiah khan mau ro kha kan hnuk khawm ve nual tho na in, a ro ho kha a rua deuh si a. Buk thlang lawk a ni bawk a, ka liam thla zui nghal a. Awlsam takin ka zuk sat a, kan meichhem bakah meipui alo chhep mek a.Kan buk chhak a changel hnah chu ka han sat zui leh a, mei chu kan tuah eng ta hluai a. Thingpui in pah chuan tul kan suih hmasa zet a, kan uluk lem lo bawk a, kan beirei hran lo. Thingpui leh kan chhang ken te kan inzawh chuan sa chu kan chan ṭan ta a. Rina chuan a kawchhung a sawngbawl a, bel pahnih chauh chu pawh lian vak lo kan lo keng , kan buai angreng hle a ni. A kawchhung leh a sa tak chu a chhum a, mau in chaw a chhum thung a. Kan buai dun hle mai, ṭawng pawh kan ṭawng ṭha hman meuh lo. Sana ka en lo na a, zan dar sawm velah chuan kan inrep fel ta hram a.Hmun thumah ngawtah mei kan chhep a, sa chu kan rep a, chuti li chuan kan inrep seng dawn lo a ni. Kan buai lutuk a, ril pawh a ṭam tawh lo. Thingpui hangte inleh in kan han chawl te te a. Chumi hnu chuan zanriah chu kan ei ve ta chauh a. Kan hmehin a zir bawk a, kan ei hnem dun ngang mai! Sarep vil a ngai dawn si a, kan mumang dawn lo tih kan hre ve ve a. Chaw kan eikham chu kan hawikual a, thla a englo ka ti rilru reng a, kan buk chu chhum leivak khan min lo tuam mup mai chu niin, kan buai lutuk khan kan lo hre lo mai mai a ni.
Rina pawh chuan a hmu ve thuai a, a ni ta pek lah chuan, " Min rawn zui zel a ni maw?" a ti duh lek a. Zial, vaihlo zial an nu zial sak ngei chu a pak khu luai luai a, changel hnah chu a phah ṭha surh surh a, a bawk zal veng veng mai! Buk piah thim lai ah chuan phun sur sur thawm hi a awm reng a. Lung an ti leng lo kher mai, an chimawm dawn viau mai! Pu Kapa min hrilh dan khan Pa ngen ngaw ah chauh emaw awm dawn ka ti a, nge ni keini ram chin hre lo hi ngaw chhungah hian kan lo lut tawh reng zawk le! Rin aiin kan hlawhtling hma ta a, pa ngen tak tak fan chu kan hmabak chu a ni ta deuh mai.
Ka phone ka la chhuak a, zai kan ngaithla ta mai mai a, mut a tichhuak duh phian mai. Mei chhawm reng ngai bawk si, ka lo bu leh luk ṭhin. Thingpui chu kan hung lum reng a, a khat tawkin kan indun sek a. Ka phone play lai chu a tawp ta hmak mai! Ka dahna ah ka va kal a, kan enchiang a, alo in switch off daih mai a! Ka on leh a, dar 1:00 zanlai dar khat alo pel tawh a. Kan buk hual veltu a awm talangin thla eng pawh kan hmu hlei thei lo. Zai bawk chu ka play leh a, kan ngaithla mai mai a. Hla hnih vel kan ngaihthlak hnu chuan a tawp leh ta tlat a. Chutah Rina chu a tho nalh a, phone chu a on leh a, a bulah a dah ta hmak a. Kan inralring viau tak na a, thawm tih bak chu eng mah a rawn chhuak chuang lem lo. Kan buk chu phun sur sur hian min hual vel a ni ber a. Mahse heng hi chu kan tawng zeuh zeuh tawh a, kan hlau em em hran lo. Rina chu a muthlu a, mei te kan chhawm ṭha leh a, ka ṭhu ve leh ta a. Mut chhuak chuan min rawn zam ve chiai chiai a.
Ka lo chhing sek a niang, thil eng emaw ri hraih hi ka hria a, ka meng ta thuai a, karei leh..Ka hmaah chuan Rulpui lian em em mai hian alu lam chu alo ti ding ur ur mai a, eng tin nge a hma khan a thawm ka lo hriat loh zawk chu le! Ka thiana chu ka mit sir chuan ka va melh a, a lo hnar kuk kuk thung a. Kan buk hual vel tute thawm kan bengkhawn ṭha duh ata langin kan vanduai phah dawn a ang tlat mai.Rina tihharh nan chuan ka rum lui ve nghat nghat a. Hetiang reng renga Rulpui lian hi ka la hmu ngai lova,a duh chuan min dawlh thei zan mai, Saphai pui ni mai hian alang a! Ka Silai chu ka ban de de a, chu rulpui mitmeng chu a sen rum ni hian ka hria a, Kan mei a rem lam tawh a, chiang deuh chuan a mitmeng chu ka hmu thei chuang lova, ni hian ka hria a. Ka Silai chu ka dawm ta, a lu ah hian kap mah ila, a inleng vel hian min hlap hman tho chuan ka ring a. Ka tin ta vang mai, chu rulpui lah chuan chet zai a rel bik lo, pachang hlam, hlam thum awm velah chuan kan in melh ran a. Ka kap teuh tawh kher mai!!! Ka rum thawm vel kha engah mah a ngai lo in ka hria a, Rina chu zawi deuh chuan ka ko ta a, engah vak angai lo, ka ko ring ve ta tial tial a, Silai chuan rulpui chu ka tinreng tho va, a chet phut chuan ka kap pawp ang ka ti a.
Chutia ka tinreng lai chuan ka hnung lam aṭang chuan " Si....." tih ri hi ka hria a. Ka inher ngam rih lo. Hetih laia, ka awm dan hi Tuboh leh Dolung inkar an tih ang hi niin ka hria. A aia chiang zawk leh ring zawk chuan hmeichhe aw hian..." Si...." a ti leh a. Chutah le...Rulpui chu a inher ta ṭual ṭual a, ... Ka tukhum chu a hit cher cher tawh a, ngaihtuahna a buai nuai nuai tawh mai. Rintluanga harh thei lo chu mak ka ti tawh zawk a! Ka silai hi ulhbun ( mal bun) a ni si!!! Rulpui hi kap ila inher thut ila, silaimu ka thun hman tawh dawn lo. Ka chempui lah kha ka iptepui ah ka dah a, iptepui lah chu va ban phak chi rual a ni si lo..Ka hnung lama mi hian min tina hman dawn tho tho!!! Ka hun hnung lam ka hmang tawhte pawh a ni mahna...Silai chuan ka tinreng na a ka hamhaih nge ni ka lo hmet per thei tlat lo... Ka hmuh lai chuan thlang lamah chuan a tleng liam ta a...
" Kap suh...kap suh......." tih ri chu ka hria a, inher ka tum a, chutah tak chuan thawk leh khatah ka mut chu a rawn chhuak ta em em mai a, hetiang reng renga mut chhuak hian ka la awm ngai lo! Ka meng thei der lo nia, ka insum thei ta lo, ka inthlah dul a, hrehtak chung chuan ka chhing ta nge nge a.
Buk kawtah chuan ka ṭhu a, sarep vil chuan ka buai em em a, chutih lai tak chuan nula hmel ṭha em em mai hi ka bulah chuan a lo ṭhu ve a, Khuai lui bul ṭhut, Vamur puk bula kan ramvahna a ka mumanga ka nula tawn bawk kha a lo ni. A hmel chu nidang zawng aiin a ṭha zualin ka hria a. Ka tan chuan tawnmang lasi an tih ang hi ni berin ka hria. A hlim hmel em em mai lehnghal a, thilmak hlir hian min bawm a nih ber hi maw!
A ṭhutna chu hmun rem tak a ni a, a ṭhutna han ti bik ila, kan ṭhu dun tho chu a nia. Ram ngaw lang lam chu a thlir vang vang a,
" He lai hmun in kal hun tur hi ka lo thlir reng ṭhin a, ka sawm dawt ngam si lo che a..." min en chuang der lo.
" Chu he pa ngen ngaw hi kan kal dawn tih ilo hre lawk elo?"
" I awih hauh lovang tih chu ka hre na a, Sih ropui inchan laia ka hmuh che khan ka hre daih tawh asin. Mahse, in hmalam hun tawn tur lo sawi lawk hi thil thiang a ni si lova.."
Thu tak fe chuan a ti a, mak ka va han ti tehlul em, hman lai khan khuavang lasi te chu an awm ngei ang tih ka ring a. Mahse tunlai hian an awm ka ring tawh lo, tin, ram ngaw kan dai dar zo tawh a, an chenna kan pal phul zo a, an tan hmun kan nei tawh lo a ni. Tuna ka bula ṭhu hi lasi kan tih chi kha a ni ve a ngem le? Chungte chu ka ngaihtuah a. Ka ngaihtuahna hre thei ni awm tak chuan,
" A dik reng a ni, in ramah hian bu kan khuar zen zen tawh lova, tin, dan panggai a, in hnena inlan thei kan ni hek lo, phal sak kan ni tawh lova, mahse tuna in awmna ngaw chhung hian min uai hneh em a, ka rawn kal ta a ni."
A va mak ngai ve le, sawi tur pawh ka hre dawn hleinem le....
" Kan awmna ngaw chhung hi a dan a dang riau mai! A chhan min hrilh thei em? Eng eng emaw hian a chenchilh a ni. Keini hi kan chak avangin kan lut ngawt tak na a, dawih vang ni hauh lo hian min ṭhamtu hi a awm er er reng mai a ni." ka ti ta nge nge a.
" Thil tam tak hrilh tur che ka nei a, mahse hun kan ngah tawh si lo, i ṭhianpa Nghalchang kah kha ka rawn tirh a ni a, a hreh hle a sin! Chhum leivak kha Sih huai hote an ni a, an ni khan tihnat che u an tum a, he ngaw pal darh hi an duh lo a ni.Nang phei chu i thing lawnna an sawi sak chiam che kha...mi danglam bik i ni tih an hria a.( Eng tin nge maw a hriat chu ni!) Tin, pa ngen ngaw chung zawl erawh khi chu rauthla te chawlhna a ni rih a, in han kal hunah in fimkhur hle dawn nia. Lungphun khi uluk takin thlir la, in tana thil pawimawh inphum ru a awm a, mahse in huaisen hle a ngai dawn a nia, in hmuhchhuah chuan i vanneih pui hle ang. Tin, i rulpui hmuh kha Sihhuaia a ni a, rulpui taksa a rawn hmang a ni, hman ata tawh kan hmelma a ni. A rawn lan khan i hnungah ka awm reng tawh a, ka thawm a hriat khan a rawn tibuai ngam ta lo che u a ni. I ṭhianpa kha chu mutchhuak ka zem tir a, a ni chuan a hmu ve rih lo, mahse in chet dan a zirin inla intawng nawn mai thei a. I hriatreng tur chu Silai pangngai chuan in kap hlum thei dawn lo a nia, a thah dan tur chu i ngaihtuah chhuah a ngai dawn a ni. Ngaw chhung khi in kal hunah mawlh khian fimkhur u la, ka theihnghilh ngai tawh loh mi hrang pasalṭha tah khian a zal ve a nia. Ka kal a hun e, buk inchhuahsan dawn reng rengin in sarep hi changel hnahin khuh zel ang che...."
Sazuk var kha ka hrechhuak zawk a, engvanga kan silai kha puak thei miah lo nge maw ni le, a chhan a hre ngei ngei ang, eng nge maw chenchilh tih chu zawh ngei ka tum a. Remchang ka hmuh ve leh chuan,
" Sazuk var chanchin kha ....min hrilh thei mial em? Eng a ti nge a kah theih miah loh le...? "
Min melh vawng vawng a, " I la kap em em ang, ngaw chhung lungphun mawlh kha...thlir uluk viau ang che..."
A tho ta nalh a, a kal dawn ta a niang, mahse lei a rap pawn ka hre lem lo, kan au leh a, kan buk chu a hlat telh telh a, a aia ring chuan tihian ka ti leh a.
" Sazuk var leh Rulpui chu engtia that tur nge...min hrilh teh.!?"
Ka au ring viau tawh mai, min hrilh tlang se ka duh a ni. Va tlan khalh chu ka tum a, chutah Rina chuan ka darah min lo man a.
Kan harhchhuak ta a, ka mumang chu lo nii Ka ṭhiana chuan min lo sawi dawt dawt a.
" Eng tin nge i awm? I harh em..?Lawma..Lawma" a lo ti chul a, ka harh sawt a, Rina chuan min lo melh vung vung mai a.
" E khai a! Ka mumang a ni maw? A va zia lo ve..."
" Mumang satliah chu a ni lovang" a rawn ti ve tlat mai!
........
( chhunzawm tur)
(RAUTHLA TE CHAWLHNA!?)
M.Lusei Palian
....... ...... .......
Ka va han tla teuh ngai em! Ka indawm ṭawk ṭawk a....
Thei leh thei lo chuan ka lawnna thing bul lam chu ka zuk thlir a, eng mah reng ka hmu lo! Ka in vuan nghet sauh sauh va, chutah kan hawi thla leh a hnuai lam chu kan thlir lehngat a, khua ala thim bawk si lo, eng mah reng ka la hmu chuang lo! In dawm bet ran chung chuan, Rina chu ka va en a, eng mah hre ve awm pawhin a lang lova,a hawi pawh a rawn hawi miah lo, thing hnah a rik nasat teh lul nen !!!
Ka lawnna thing chu tha chak tak hian a sawi a ni ber a, a sawitu hmuh tur awm lo ta chu hriatthiam a har kher mai! Ramsa thil tih chu ni se ka hrethiam deuh mah na! Chutah ngaih ti ṭha lo tur tawkin, Chhum leivak chu kan thlang lang lo liam aṭang chuan a rawn zam chho ta chiai chiai mai le...
Chhuk mai chu ka tan a fuh ber ang, chhum leivak a rawn zin chuan eng sa pawh lo chhuak se kan hmu thei dawn chuang si lova! Tin, tun dinhmunah ngat phei hi chuan Silai pawh ka tin thei lo chu a nia, a tlawm thlak kher mai! A hmun in a zir deuh bawk a, pangah tang a vak chem chem tawh a, sa chang chu ni kher lo ila chuan rawl ka chhuah tawh mahna! Rina ṭhutna lam chu ka va hawi phei ṭawk ṭawk a....
A ni chuan Kan chhak lam pang chu a lo tin vang vang a, a silai chu a puak ta dur mai le... Eng thil nge a kah tih lah chu ka hre der lo, ka hre lo mai pawh a ni lo, chhak lam chu ka hawi thei lo hrim hrim a ni. A silai rik dan aṭang chuan a kap fuh tih ka hre thei nghal a. Silai hi a rik dan aṭang hian kah tum fuh leh ṭhelh hi a hriat ve theih tlat a. Silai puah rual chiah chuan ka awmna thing sawitu chu a tawp ve nghal chat a, mak tak a ni. Sanghal a kap chiang mai, a hawk dawt a. Rintluanga chu a rawn hawi phei a, ka thil tawn hre hek lo le, a rawn nui var var a, mahse a nui rei lo, mak tih hmel fe chuan min thlir ta reng a. Eng thil tak rawn hmu chu ni maw!? Kan sir vel chu a ri sup sup a, insum taka inhnit sup sup thawm hi ka hrezui nghal a, Ka lawnna thing chu a in sawi tawh lo bawk a, rang deuh, hmanhmawh deuh chuan ka chhuk a, ka lawnna thing chu ka pum zut thla hial a, hlauh lam ai mahin chhum leivak rawn thlen hma a, Sa chu hmuh hman ka duh a ni. Khua in min thim hnan ti tih tawh dawn si a. Ka silai ka kau a, Rina sa kahna lai ni a ka hriat chu ka pan ta a. A ni pawh a rawn chhuk ve nghal a, a rawn ri chho buan buan a, Sih kamah chuan Nghalchang lian ṭha tawk tak, sum ruk ṭha vel tur hi alo thal zar mai a, a zakdawhah tak a lo kap chu niin khawlthun a ni bawk a, nawn a ngai lo a ni. Kan han chian a, a lo la leng uih uih a, Rina pawh a rawn thleng chho ve nghal a, kan in en a, kan nui dun sak a.
" E khai! Lawmpa...Hlado i chham duh em?" Kan ti a.
" Chham turin min phut deuh tihna em ni?" Sa kan kah reng reng in, kan inbiakna ṭawngkam a ni ve hrim hrim a. Kan innuih dun ṭha a. Chutih lai chuan thli lum hi a rawn thaw huk a, he sih hian chenchilhtu a nei chiang mai, eng mah phei chu a la thleng lo! A la thleng lo ti ila, thil mak hmuh tur lam ka sawina a ni ber ang chu.... Mahse, Rina mitmeng chu a dik lo deuh tlat! Sawi duh nei hmel hi a pu a, chutihlai tak chuan...
Kan chhak mual awih pang lek lek, mahse kal nana hrehawm hmel lem lo tak aṭang chuan thawm ri rek kan hria a, rang tak chuan kan hawi chhuak dun nghal a, e khai le.!!!Sazuk var chuan min lo thlir dun veng veng mai a. A mitmeng chu a mak a ni, nula mitmeng mawi tak hi ang ber in ka hria! A ki te chu Sazuk ki pawh ang lo hian a zar du mai a, Sazuk ki ka hmuh tawhah chuan ala mak ber awm e. Kan ṭhiandun chuan min thlir veng veng ni mai hian ka hria a, hlauh a hnekin mak tihna hian min zem rih a. Pu Kaptluanga thu sawi ka hre chhuak zawk mai le! Kan kah loh chuan min chhiat ang tih ka hlau ta thut mai a! Rina nen chuan kan inmelh leh zawk a, rang tawk chuan Chu Sazuk var chu ka tin nghal a, Silai ka hmet a, mak tak a ni, a tlawlh tlat mai! A cheng ka kuai a, ka chhut nawn tir a, a la puak ta chuang lo. Rina pawh chuan a Silai chuan a tin ve nghal a, a ri khap khap ve tho!Silai pakhat tlawlh hi chu thuhran, ngaih khatah a ngaih theih mai a, mahse kan pahniha silai a tlawlh ve ve chu a mak a ni. He thil zet hi zawng thil mak a ni. Chutah le, Sazuk chuan thlang lam a thlir a, a hawi kual hruk hruk a, mak tih hmel taka min thlir leh in muang changin a kal a,a ngen hmel hle mai, a kal liam tur thleng chu kan thlir a, a kal liam ta.
Sazuk var hawina lam chu kan thlir thla ve leh a, e khai leh...Chhum leivak kha a rawn intuam chho ta mep mep mai le.Min rawn hnaih hle tawh alo ni. Ka ṭhian a chuan,
" Lawmpa hman hmawh deuh teh ang, khua in min thim hnan a tum tlat..." chhum leivak melh chung chuan a ti a. Chhum leivak melh chunga chutiang a sawi daih mai chu....(h) Sawifiah thiam theih chiah loh hian min zem a ni ber mai.Kan bul vel te chu a ri leh ṭhep ṭhep ṭhin a. Mahse chung thil mai mai chu kan tawng zing tawh em! Chu sih ruam chuan lung hi a tileng miah lo. Dawih deuh tan chuan ek chhuah rum rum na tur a ni tawh...
" Ni e, kan zawn thei angem aw...Thingtuai kan sat a nge, ram hrui lo chhat teh.." kan ti zui a. Thingtuai chawn puar tia chu ka va sat a, Rina pawh chuan nghalchang ke chu alo phuar mawlh mawlh a. Kan inpeih meuh chuan khua chuan min thim hnan ta bawk a, chhum leivak chuan min rawn nangching ta bawk a, boruak chu a mak hle mai! A ti churh mai, sawi fiah thiam chi a ni lo.
Nghalchang chu kan zawn dun ta a le, a rit ngang mai! Rina chu hmalamah a ṭanga kei hnung lamah ka ṭang thung a, ka tukhum chu eng emaw hian a rawn thawk khum leh ham ham ṭhin a, a chang leh min rawn su leh chawrh ṭhin a. Rina lah chuan eng mah a sawi lova, a pai ve leh khat khat ṭhin a. Eng mah a sawi lem lova, a rum leh nghat ṭhin!
" Ti teh Lawmpa, kan sa lu rawn lawmtute hi kal hmasak tir teh ang" a ti ta thut a.
" Ni e maw le, hei an hmanhmawh a nih dawn hi..." ka ti a.
Kan chawl ta rih a. A ni pawh chuan alo hre ve ngei a, eng emaw hi alo su a lo su ve tho alo ni, a hun lai khan kan sawi chhuak lo mai mai zawk alo ni.Kan lo kal thui viau mai a, kan thaw dun ham ham a, kan buk kan thleng ṭep tawh a lo ni. Kan chawlh ve leh chuan a reh leh ta ṭhap lawi si a, rei chawl lo chuan kan kal leh ta a. Hnung lam leh sir lama thawm alo tam avang khan kan sa zawn a rih zia kan lo theihnghilh mai mai alo ni! Kan kal leh ta a.....Thawm a reh deuh chuan a lo rit ngang mai, thawm awm kha a zia phian, a chhan pawh kan kal chak phah phian alo ni. Buk kawtah chuan Kan Sa chu kan nghat a, mei ka chhem nghal a. Kan la buai dawn chauh..
" Lawmpa, thingpui hi lum ila, chhang kan pai tho bawk a, kan sa hi i chhum teh ang, duh leh kan tlaivar mai ta lawng" Rina chuan a rawn ti a. ( Lawmpa hi hmanlai a, inlawm te tih dan kan chhawm ni lovin, ka naupan lai hian Rina hian Lawma tia min koh hi a harsat viau a, Lawm....pa hi a ti ta ṭhin a, chuta ṭang chuan Lawm..pa tiin kan inko ta a, kan rawlthar chhuah khan kan ti Lawmpa ta chauh a ni.)
" Tehreng mai, thingpui lo chhuang la, keiin khu lai a, rawnal khu tulah ka lo zuk sat a nge."
Tih pah chuan ka tho a, tlaiah khan mau ro kha kan hnuk khawm ve nual tho na in, a ro ho kha a rua deuh si a. Buk thlang lawk a ni bawk a, ka liam thla zui nghal a. Awlsam takin ka zuk sat a, kan meichhem bakah meipui alo chhep mek a.Kan buk chhak a changel hnah chu ka han sat zui leh a, mei chu kan tuah eng ta hluai a. Thingpui in pah chuan tul kan suih hmasa zet a, kan uluk lem lo bawk a, kan beirei hran lo. Thingpui leh kan chhang ken te kan inzawh chuan sa chu kan chan ṭan ta a. Rina chuan a kawchhung a sawngbawl a, bel pahnih chauh chu pawh lian vak lo kan lo keng , kan buai angreng hle a ni. A kawchhung leh a sa tak chu a chhum a, mau in chaw a chhum thung a. Kan buai dun hle mai, ṭawng pawh kan ṭawng ṭha hman meuh lo. Sana ka en lo na a, zan dar sawm velah chuan kan inrep fel ta hram a.Hmun thumah ngawtah mei kan chhep a, sa chu kan rep a, chuti li chuan kan inrep seng dawn lo a ni. Kan buai lutuk a, ril pawh a ṭam tawh lo. Thingpui hangte inleh in kan han chawl te te a. Chumi hnu chuan zanriah chu kan ei ve ta chauh a. Kan hmehin a zir bawk a, kan ei hnem dun ngang mai! Sarep vil a ngai dawn si a, kan mumang dawn lo tih kan hre ve ve a. Chaw kan eikham chu kan hawikual a, thla a englo ka ti rilru reng a, kan buk chu chhum leivak khan min lo tuam mup mai chu niin, kan buai lutuk khan kan lo hre lo mai mai a ni.
Rina pawh chuan a hmu ve thuai a, a ni ta pek lah chuan, " Min rawn zui zel a ni maw?" a ti duh lek a. Zial, vaihlo zial an nu zial sak ngei chu a pak khu luai luai a, changel hnah chu a phah ṭha surh surh a, a bawk zal veng veng mai! Buk piah thim lai ah chuan phun sur sur thawm hi a awm reng a. Lung an ti leng lo kher mai, an chimawm dawn viau mai! Pu Kapa min hrilh dan khan Pa ngen ngaw ah chauh emaw awm dawn ka ti a, nge ni keini ram chin hre lo hi ngaw chhungah hian kan lo lut tawh reng zawk le! Rin aiin kan hlawhtling hma ta a, pa ngen tak tak fan chu kan hmabak chu a ni ta deuh mai.
Ka phone ka la chhuak a, zai kan ngaithla ta mai mai a, mut a tichhuak duh phian mai. Mei chhawm reng ngai bawk si, ka lo bu leh luk ṭhin. Thingpui chu kan hung lum reng a, a khat tawkin kan indun sek a. Ka phone play lai chu a tawp ta hmak mai! Ka dahna ah ka va kal a, kan enchiang a, alo in switch off daih mai a! Ka on leh a, dar 1:00 zanlai dar khat alo pel tawh a. Kan buk hual veltu a awm talangin thla eng pawh kan hmu hlei thei lo. Zai bawk chu ka play leh a, kan ngaithla mai mai a. Hla hnih vel kan ngaihthlak hnu chuan a tawp leh ta tlat a. Chutah Rina chu a tho nalh a, phone chu a on leh a, a bulah a dah ta hmak a. Kan inralring viau tak na a, thawm tih bak chu eng mah a rawn chhuak chuang lem lo. Kan buk chu phun sur sur hian min hual vel a ni ber a. Mahse heng hi chu kan tawng zeuh zeuh tawh a, kan hlau em em hran lo. Rina chu a muthlu a, mei te kan chhawm ṭha leh a, ka ṭhu ve leh ta a. Mut chhuak chuan min rawn zam ve chiai chiai a.
Ka lo chhing sek a niang, thil eng emaw ri hraih hi ka hria a, ka meng ta thuai a, karei leh..Ka hmaah chuan Rulpui lian em em mai hian alu lam chu alo ti ding ur ur mai a, eng tin nge a hma khan a thawm ka lo hriat loh zawk chu le! Ka thiana chu ka mit sir chuan ka va melh a, a lo hnar kuk kuk thung a. Kan buk hual vel tute thawm kan bengkhawn ṭha duh ata langin kan vanduai phah dawn a ang tlat mai.Rina tihharh nan chuan ka rum lui ve nghat nghat a. Hetiang reng renga Rulpui lian hi ka la hmu ngai lova,a duh chuan min dawlh thei zan mai, Saphai pui ni mai hian alang a! Ka Silai chu ka ban de de a, chu rulpui mitmeng chu a sen rum ni hian ka hria a, Kan mei a rem lam tawh a, chiang deuh chuan a mitmeng chu ka hmu thei chuang lova, ni hian ka hria a. Ka Silai chu ka dawm ta, a lu ah hian kap mah ila, a inleng vel hian min hlap hman tho chuan ka ring a. Ka tin ta vang mai, chu rulpui lah chuan chet zai a rel bik lo, pachang hlam, hlam thum awm velah chuan kan in melh ran a. Ka kap teuh tawh kher mai!!! Ka rum thawm vel kha engah mah a ngai lo in ka hria a, Rina chu zawi deuh chuan ka ko ta a, engah vak angai lo, ka ko ring ve ta tial tial a, Silai chuan rulpui chu ka tinreng tho va, a chet phut chuan ka kap pawp ang ka ti a.
Chutia ka tinreng lai chuan ka hnung lam aṭang chuan " Si....." tih ri hi ka hria a. Ka inher ngam rih lo. Hetih laia, ka awm dan hi Tuboh leh Dolung inkar an tih ang hi niin ka hria. A aia chiang zawk leh ring zawk chuan hmeichhe aw hian..." Si...." a ti leh a. Chutah le...Rulpui chu a inher ta ṭual ṭual a, ... Ka tukhum chu a hit cher cher tawh a, ngaihtuahna a buai nuai nuai tawh mai. Rintluanga harh thei lo chu mak ka ti tawh zawk a! Ka silai hi ulhbun ( mal bun) a ni si!!! Rulpui hi kap ila inher thut ila, silaimu ka thun hman tawh dawn lo. Ka chempui lah kha ka iptepui ah ka dah a, iptepui lah chu va ban phak chi rual a ni si lo..Ka hnung lama mi hian min tina hman dawn tho tho!!! Ka hun hnung lam ka hmang tawhte pawh a ni mahna...Silai chuan ka tinreng na a ka hamhaih nge ni ka lo hmet per thei tlat lo... Ka hmuh lai chuan thlang lamah chuan a tleng liam ta a...
" Kap suh...kap suh......." tih ri chu ka hria a, inher ka tum a, chutah tak chuan thawk leh khatah ka mut chu a rawn chhuak ta em em mai a, hetiang reng renga mut chhuak hian ka la awm ngai lo! Ka meng thei der lo nia, ka insum thei ta lo, ka inthlah dul a, hrehtak chung chuan ka chhing ta nge nge a.
Buk kawtah chuan ka ṭhu a, sarep vil chuan ka buai em em a, chutih lai tak chuan nula hmel ṭha em em mai hi ka bulah chuan a lo ṭhu ve a, Khuai lui bul ṭhut, Vamur puk bula kan ramvahna a ka mumanga ka nula tawn bawk kha a lo ni. A hmel chu nidang zawng aiin a ṭha zualin ka hria a. Ka tan chuan tawnmang lasi an tih ang hi ni berin ka hria. A hlim hmel em em mai lehnghal a, thilmak hlir hian min bawm a nih ber hi maw!
A ṭhutna chu hmun rem tak a ni a, a ṭhutna han ti bik ila, kan ṭhu dun tho chu a nia. Ram ngaw lang lam chu a thlir vang vang a,
" He lai hmun in kal hun tur hi ka lo thlir reng ṭhin a, ka sawm dawt ngam si lo che a..." min en chuang der lo.
" Chu he pa ngen ngaw hi kan kal dawn tih ilo hre lawk elo?"
" I awih hauh lovang tih chu ka hre na a, Sih ropui inchan laia ka hmuh che khan ka hre daih tawh asin. Mahse, in hmalam hun tawn tur lo sawi lawk hi thil thiang a ni si lova.."
Thu tak fe chuan a ti a, mak ka va han ti tehlul em, hman lai khan khuavang lasi te chu an awm ngei ang tih ka ring a. Mahse tunlai hian an awm ka ring tawh lo, tin, ram ngaw kan dai dar zo tawh a, an chenna kan pal phul zo a, an tan hmun kan nei tawh lo a ni. Tuna ka bula ṭhu hi lasi kan tih chi kha a ni ve a ngem le? Chungte chu ka ngaihtuah a. Ka ngaihtuahna hre thei ni awm tak chuan,
" A dik reng a ni, in ramah hian bu kan khuar zen zen tawh lova, tin, dan panggai a, in hnena inlan thei kan ni hek lo, phal sak kan ni tawh lova, mahse tuna in awmna ngaw chhung hian min uai hneh em a, ka rawn kal ta a ni."
A va mak ngai ve le, sawi tur pawh ka hre dawn hleinem le....
" Kan awmna ngaw chhung hi a dan a dang riau mai! A chhan min hrilh thei em? Eng eng emaw hian a chenchilh a ni. Keini hi kan chak avangin kan lut ngawt tak na a, dawih vang ni hauh lo hian min ṭhamtu hi a awm er er reng mai a ni." ka ti ta nge nge a.
" Thil tam tak hrilh tur che ka nei a, mahse hun kan ngah tawh si lo, i ṭhianpa Nghalchang kah kha ka rawn tirh a ni a, a hreh hle a sin! Chhum leivak kha Sih huai hote an ni a, an ni khan tihnat che u an tum a, he ngaw pal darh hi an duh lo a ni.Nang phei chu i thing lawnna an sawi sak chiam che kha...mi danglam bik i ni tih an hria a.( Eng tin nge maw a hriat chu ni!) Tin, pa ngen ngaw chung zawl erawh khi chu rauthla te chawlhna a ni rih a, in han kal hunah in fimkhur hle dawn nia. Lungphun khi uluk takin thlir la, in tana thil pawimawh inphum ru a awm a, mahse in huaisen hle a ngai dawn a nia, in hmuhchhuah chuan i vanneih pui hle ang. Tin, i rulpui hmuh kha Sihhuaia a ni a, rulpui taksa a rawn hmang a ni, hman ata tawh kan hmelma a ni. A rawn lan khan i hnungah ka awm reng tawh a, ka thawm a hriat khan a rawn tibuai ngam ta lo che u a ni. I ṭhianpa kha chu mutchhuak ka zem tir a, a ni chuan a hmu ve rih lo, mahse in chet dan a zirin inla intawng nawn mai thei a. I hriatreng tur chu Silai pangngai chuan in kap hlum thei dawn lo a nia, a thah dan tur chu i ngaihtuah chhuah a ngai dawn a ni. Ngaw chhung khi in kal hunah mawlh khian fimkhur u la, ka theihnghilh ngai tawh loh mi hrang pasalṭha tah khian a zal ve a nia. Ka kal a hun e, buk inchhuahsan dawn reng rengin in sarep hi changel hnahin khuh zel ang che...."
Sazuk var kha ka hrechhuak zawk a, engvanga kan silai kha puak thei miah lo nge maw ni le, a chhan a hre ngei ngei ang, eng nge maw chenchilh tih chu zawh ngei ka tum a. Remchang ka hmuh ve leh chuan,
" Sazuk var chanchin kha ....min hrilh thei mial em? Eng a ti nge a kah theih miah loh le...? "
Min melh vawng vawng a, " I la kap em em ang, ngaw chhung lungphun mawlh kha...thlir uluk viau ang che..."
A tho ta nalh a, a kal dawn ta a niang, mahse lei a rap pawn ka hre lem lo, kan au leh a, kan buk chu a hlat telh telh a, a aia ring chuan tihian ka ti leh a.
" Sazuk var leh Rulpui chu engtia that tur nge...min hrilh teh.!?"
Ka au ring viau tawh mai, min hrilh tlang se ka duh a ni. Va tlan khalh chu ka tum a, chutah Rina chuan ka darah min lo man a.
Kan harhchhuak ta a, ka mumang chu lo nii Ka ṭhiana chuan min lo sawi dawt dawt a.
" Eng tin nge i awm? I harh em..?Lawma..Lawma" a lo ti chul a, ka harh sawt a, Rina chuan min lo melh vung vung mai a.
" E khai a! Ka mumang a ni maw? A va zia lo ve..."
" Mumang satliah chu a ni lovang" a rawn ti ve tlat mai!
........
( chhunzawm tur)
Comments
Post a Comment