MASI KAN URLAWK ALAWM LE!!! EPI-3;
MASI KAN URLAWK ALAWM LE !!!
M.Lusei Palian
Episode-3
" A....tu hian nge Biaksailo...min lo ti a...mi hi min hmusit zo zai lutuk e mai...ka ngaih dan a ni tawh hauh lo a nia. Mai mai chuan...." ala thinrim hle mai..
Chutah kan hmuipuipu Thanghminga a che ve ta....
" E kapi...kan tisual der a ni, kan u a khan i hming emaw a ti a, tin kei pawhin i hming emaw ka lo ti ve tho mai nia, khawngaih in min ngaidam teh..." awihawm tawk muang fan raih chuan a han ti ta a.
Boruak so tur chu a rawn vaw ṭan a, chutah kan Boss U kunga pawh chuan inthiam loh hmel tak chuan,
" Ih....pi englo, ka thiam loh a ni, min hre....hre...thiam hram teh" a rawn ti chhuak ve ta a.
Kan Boss hi ṭawngkam a thiam lo a ni, a thiam loh chu thuhran, ri phawng phawng chi hi a ni a. Insual huai em em, hlauh nei lo, zan thim mup mai te hi a lungti leng em em tu an ni. An thlahtute pawh pasalṭha an ni a, a hming pawh hi Kapkunga a ni.Thlanmual te hi zu han hlau miah lova, mahse maw....pangang a hlau! Hlau tak a ni, tih ṭhaih chi a ni lo, a rem rem in a hlap ṭhuai a ni mai....!
Chutah Pa Chhuana te chuan,
" E khaih..! Khaih..... kan rawlthar te hian an la chian ve lo che a nih hi... hrethiam hram teh..." an lo ti ve ta a.
Boruak chu a zang ṭan ta a. Tin, heti hi a nia, chutih lai chuan U Hranga pawh a rawn lut ve chiah a, tlaia a ipte pui ngei, ipte pui puar luah kha a rawn ak lut a. A hawi kual a, khawnvartui bati alh eng teng teng kar aṭanga min rawn hmuh meuh chuan min rawn melh thip viau a. ( Tlai lam boruak ka sawi emaw a ti a ni mahna) Kei erawh chuan ka lo nuih sak thung a. Nu Sailovi.....oh...Pi Thanpuii nen an in melh ralh a....Pindan lamah chuan a lut tlang ta a.
U Hranga chu a tlangnel tawh viau a, a duhna apiangah a lut chhuak a ni ber mai. Thil inti hre deuh ho sawi dan chuan U Hranga hi a riak fo a ni awm e. Mahse kan hre lo der tlat a, hriat loh der tur thil hi a awm ve ṭhin a!
Eng ka ti chu ni maw.....zanin hi Nu Sailovi...e khaih...Nu Thanpuii hi ka hmu ṭha riau mai. A fai veng mai a, kan inchhawn dan khan zir miau hek lo, ala meng shala tun mai a.
" Eng maw min sawipui in duh a?"
A rawn ti dam ve ta thluam a. A aw ri mawlh mai khan, a tliang fiah fai fak mai nia, ka beng a luh fuh ngang mai!!!
U Kunga a hawi zak zak a, chutah nu Thanpuii chuan a hrethiam aniang, pindan lamah chuan min hui lut a. Pindan lama kan han luh chuan thil rim a nam hak a. U Kunga chu leikapui pindan lama leikapui ah chuan zial alo zu vang vang a. A bul lamah chuan kan phei ta diak a.
" Sawi ta poh che u" an ti a.
Keini ho chuan U Hranga chu kan melh ṭhap hlawm a.
" Hei....ih englo a nia, ih englo....kumin masi chu englo hi keimahni ta tur siam ve ila kan ti a,......mahse kan thiam ve si lova, min zirtir thei angem....ih....kan vai pawh hian a ngai chuang lo..."
A va han sawi thiam lo teh lul em ve aw! Kan Thanghminga chu awmlo se kan va pachhe dawn tak em aw! A ni chuan urhsun fe hian a rawn thual mam ta zan mai le.
U Hranga leh Nu Thanpuii chu an inbe deuh sar sar a. Kei ni lah chuan kan lo uipui tui lian thlir veng veng a. An thu chhuak kan ngaichang a ni si. Kei chu ka la nuam fu a, zanin phei chu a vawt pawh ka ti lo. Awmtual meichhem lo mah ila a pawi pawh ka ti hek lo. Kan ai tur liau liau hi kan pukhawm ṭhin a,rawlthar pali nga vel thing keuh khawm chu alo tam tham ve fu zel a, vawi hnih thum kan put chuan hmeithai chhekkhawm zat zet hi chu kan dahkhawm rum zel....
Zan tin kan chhem a, kan rorelna hmun ber a ni a. Thu chhia a ṭha leh mi tih dan kan zirna a ni ve reng a ni. Kan office, zan lam office a ni ber ang chu...
" Hei....U Hranga ( Nu Thanpuii pawhin u Hranga a ti ve tho mai) thu thu a ni mai...A ni hi a hmun enkawltu ber a ni a, a ni ho hian rem in ruat dawn nia...Amah erawh chu in kamtam loh a ngai anga, kam tam lo tura in intiam theih a thu a ni mai...!" U Hranga melh zauh pah chuan a ti a.
A ri a mawi ṭan e.
A sawi zo chiah a, min phei san ta daih a. U Hranga chuan a aw a thian khak khak a! Zan thim mah ni se, min melh kual ni berin ka hria a...A rawn ṭawng chhuak ta a..
" Naktukah In zinga pahnih hian min rawn zui se...E...! Buhfai in nei em? Kan hmanrua min ṭawm dawn chuan thing te min fawm pui a ngai dawn a nia..."
Kan va han Amen chiang tak em! Kan lawm a ni!
Ka zun a chhuah em avang chuan ka lo va chhuak ta a.
Chu zan thla eng riai hnuaiah chuan kan zung tak tak mai chu.....ka thawl huai a. Ralkhata naupang inbihruksiak thawm te, Vawk nguk leh hruih thawm te, hla deuh taka zai ri te chu ka thawm hriat a ni deuh mai!
Van lam ka thlir a, a thiang raih mai a, zan hlimawm tak ni hian ka hria a. In chhung luh leh ka tum lai tak chuan ka ṭhiante chu an rawnchhuak ta phak phak a. Ka zui ve lehnghal chu a ni mai!
Kawngah chuan kan thil tawn chu kan han sawi zui a, kan nui tlawrh tlawrh a. U Kunga a nui ve hauh lo.!!! A la hma viau lenglen hun vel chauh a ni. Kawn zau lai, kan meichhemna kan thleng phei ta a. He hmun hi tu ta mah a ni lova, a hmang thiam thiam ta a ni mai. Tun hnuah erawh mi inhmun alo ni leh daih tawh...!
Ruala chu meichhem thiam tak mai hi a ni a, thing hring pawh hi a tuah alh thei vek a. Mak tak a ni. Kan Ruala chuan mei a chhem ta a. Kan Boss ber chu ala tak ran thung a. Rorel hmabak kan la nei tlat atin ni! Kei ni lah chu kan khau phar thawven a, Thanghminga chuan kan ball chu a chawi phei a, kawng laiah ava dah a, kan thang chu kan kam leh ta a.
Kan thang chu....
Thang hi kan kam fo, kan zan lam thang chu kan hmuh chhuah thar a ni a, Hnuna'n bawlhhlawh paihna aṭanga a chhar Ball, futball hi a ni a. Mak ti suh, a mak miah lo. Chu ball chhungah chuan lung kan dah a, lungte in kan kam puar vek a, uluk lo fe in kan ṭhui ping leh a, kawng lai takah kan dah a ni. Nizan khan a per lo. Ball rit tak a ni, na tawkin kei ni pawh hian pet ta ila, kan ke ruh chuh a auh hial mai thei a ni.
Inkhawm zan a ni lova, tin, karen alo awmlo bawk nen, a reh angreng a, mahse chhawrthla lah chu a eng riai thung a. Lungleng mi tan chuan lunglenna tur a ni. Hnuk a kuai raih mai...
U Kunga a khuh khak khak a, kan ngawi ta ṭhap a. Kan kawmiti kan ṭan dawn chiah a ni. Ruala chuan pan khawr a rawn phawrh a, pan khawr(Kuhva ro khawr hi cheng khatin pariat kan lei ṭhin a,A to kan ti ṭhin hle a ni.) chu a rawn sem kual a, a kilhna chu ha kher nan kan hmang nghal ṭhin a. Bawngkai Sikret ka phawrh leh a, kan in sem leh a....
" Ummnn.. naktukah kan aiawh tur pahnih kan intirh a ngai si a, engtia tih nge in duh, pawhfuh ka siam mai dawn nge? Kan in thlang dawn? Nge Sholay film ang khan cheng thir hi kan vawr dawn em ni?" U kunga, amah Kan Boss ngei chuan a rawn ti a.
Kan ngawi ṭhap a. Chutah Thanghminga chuan, " I pawt ang u" a ti a.
Chhanna dang a awm lo, pawhfuh kan pawt dawn a ni. Kan Boss a tho nalh a, Pu Siama te huan hungna phelsep chu a va pawt phawi a, kal pah chuan a rawn tliak phei hmarh hmarh a.
Kan ding tlar ṭham a, kan pawt ṭan ta a. Kan pawt kim a, kan Boss ber pawn a pawt ve tho. Chutah kan han keng khawm a, a tawi bik pannih a awm tur a ni. Kan han teh a, kan boss ta leh Ruala ta chu a lo tawi bik ta a. An ni pahnih chu kan aiawh in an trainning dawn ta a ni. Lungrual takin leh lungdam takin an ni pahnih pawhin an pawm thlap a. A zia hle....
Kan piah deuh kawngah thawm a rawn awm a, ....I hi le...
Kan thangkam kha le...
K'U Zamana leh khawpuia lehkha zir Tlangrova te an lo ni, Ṭingṭang chu K'U Zamana chuan a ak a,
" Chhawrthlapui leh siar zawngte,
Lungrualten an len chhung chuan...."
An rawn ti phei lang lang a, kan thangkam an thlen hma chuan an han zung leh rih a. Keini lah chuan kan lo nghakhlel hle a. Zirtawp zan a Pu Thangthuia te In a vai film en ai pawn kan nghakhlel zawk a. Zirtawp zan vai film en chu(h) zan dar 11:00 hnu lamah pawh LUX SUPERHIT FILM KE PRAIAWZEK hi an la ti lauh lauh zel a, ham bui bui chungin kan nghak hram hram zel kha a nia.
An rawn lan leh chuan Tlangrova chuan ṭingṭang chu a rawn ak ve thung a. Inti sap ṭawng thiam bawk si, kan Boss U Kunga hian a ngaithei lo teh a nia. U kunga kan melh zeuh chu lehlam alo hawi deih thung a.
Tlangrova lah chuan sap hla a rawn sa leh ngei ah....
" Thiving next dur to Amis...." a rawn ti phei raih raih a.
An rawn hnaih ta zel a...I hi le ! U zamana zawk chuan kan ball, kan thang chu a pan ta chheu chheu mai le...kan lo en uluk ngang mai!!!
U Zamana chuan kan lama natawk a rawn pet phei a tum niin a posi ah chuan a lang a.
A pui dawn e..
Chutah le....na tawk chuan ball chu............
U Zamana chuan an pet ṭhuai a le...(h) a ri no chawk mai le...
A ṭe ṭhawt a, a ke ri ṭhak kha kan hre pha a, au ring tak a ni. Kan ball, kan thang ni bawk chu a lir duh lo teh asin! Tlangrova mi lehkhathiam pawh chuan mak a tih hmel hle, kan nuihza lutuk insum chu hrehawm tham a ni. Kan lo nuih chuan an hrechhuak ang tih a hlauhawm si a.
U Zamana na ti lutuk chu a au ring ngang mai a, a ke ding lam chu lawm vang ni hauh lovin a khai sang em em a, a na lo berah Kumin chhung chu a kal bai saih saih tawh ang. I hi le....
Mi lehkhathiam Tlangrova chuan ball chu a thlir leh ṭhin a, chutah le, kawng sir lama pet liam a tum ve ta ale....
" Ti suh...." U Zamana chuan a ti tham ṭiak a. Mahse a pawi hman leh tlat! A vawihnihna atan kan thang kam chu a per leh dawn ta....A ri leh bup mai!!!
U Zamana ai mah chuan Tlangrova chu a au ring zawk a. Kan chhehvel in aṭang chuan mi an rawn chhuak ta sap sap a.
Kan thang tipertu te pahnih lah chu an ke chu an khai ang vaw vaw a,na an ti dun ngang mai! Chutah le, kan va pawh phei ve ta ale....
" Tu fa lubawk dah nge?" Ball kawk vu chuan U Zamana chuan an ti a.
Kan ngawi ṭhap...
Ruala chuan ball chu an vel deuh that that a, kawngsir ah a dah ṭha ta daih a. Mi an lo pung chak si.... kan thangkam tiper tu te lah an vial ngawih ngawih mai si a. Han buaipui loh theih kha a ni bik lo.
Inhnai ber Pu Khawtea te Tawlailir kan hawh a, sub centre lamah kan va nawr thleng a. A result erawh kan hre lo, an chhungte an lo thleng ta bawk a, kan office lam kan pan san ta daih a.
Kan thil hmuh kha mita hmu tu mah ni ila, Thanghminga'n uar em em a an sawi leh chuan kan va han nui nasa ngai em aw.... thil reng reng hi a sawitu a zir a ni. Mita kan hmuh ngei chu mitthla a cham chungin kan han nui ta tak tak mai ah....a zia lo lek lek a ni. Mahse kan thang chu kam nawn chi a ni rih ta lova.
Rei lo deuh awmtual mei kan ai hnu chuan naupang pawnto te pawh ...
" Ṭin dialah ṭin dialah....naktukah khua var se la, inkawm leh dial dial ang u, mahni inlam hawi ṭheuhvah...." an ti a. An mahni inlam chu an pan ta a.
Zaikhawm pawkram ala awm lova, mahse naktip nakthai lawk aṭanga ṭan tur a ni. Kan Boss leh Ruala chu tihtur nei an ni si a. Keini pawh kan ṭin ve ta a. Kan meichhem pawh kan zun khum ta tliar tliar a, a mit ve ta a.
Thlasik khua ngang a ni a, tlai lama U Hranga nen kohhran kan do zeuhna thil pawh kha reh lam a pan ṭan ta a. Kan inhi a laili lai mah ni se, ka ṭhiante in lo lam a ni a, kan in mang ṭha liam liam a, ka haw ve ta a.
Kan thil tawn nuihzatthlak tak te chu ka ngaihtuah a, ka khi suk suk a. Nula Puii te inzawn ka thlen chuan phun sar sar thawm ka hria a, i hi le.......
Ngaihthlak chian tumin kan inher rem ta ale.....ka ngaithla chiang thei ta.... E khai aw.....
M.Lusei Palian
Episode-3
" A....tu hian nge Biaksailo...min lo ti a...mi hi min hmusit zo zai lutuk e mai...ka ngaih dan a ni tawh hauh lo a nia. Mai mai chuan...." ala thinrim hle mai..
Chutah kan hmuipuipu Thanghminga a che ve ta....
" E kapi...kan tisual der a ni, kan u a khan i hming emaw a ti a, tin kei pawhin i hming emaw ka lo ti ve tho mai nia, khawngaih in min ngaidam teh..." awihawm tawk muang fan raih chuan a han ti ta a.
Boruak so tur chu a rawn vaw ṭan a, chutah kan Boss U kunga pawh chuan inthiam loh hmel tak chuan,
" Ih....pi englo, ka thiam loh a ni, min hre....hre...thiam hram teh" a rawn ti chhuak ve ta a.
Kan Boss hi ṭawngkam a thiam lo a ni, a thiam loh chu thuhran, ri phawng phawng chi hi a ni a. Insual huai em em, hlauh nei lo, zan thim mup mai te hi a lungti leng em em tu an ni. An thlahtute pawh pasalṭha an ni a, a hming pawh hi Kapkunga a ni.Thlanmual te hi zu han hlau miah lova, mahse maw....pangang a hlau! Hlau tak a ni, tih ṭhaih chi a ni lo, a rem rem in a hlap ṭhuai a ni mai....!
Chutah Pa Chhuana te chuan,
" E khaih..! Khaih..... kan rawlthar te hian an la chian ve lo che a nih hi... hrethiam hram teh..." an lo ti ve ta a.
Boruak chu a zang ṭan ta a. Tin, heti hi a nia, chutih lai chuan U Hranga pawh a rawn lut ve chiah a, tlaia a ipte pui ngei, ipte pui puar luah kha a rawn ak lut a. A hawi kual a, khawnvartui bati alh eng teng teng kar aṭanga min rawn hmuh meuh chuan min rawn melh thip viau a. ( Tlai lam boruak ka sawi emaw a ti a ni mahna) Kei erawh chuan ka lo nuih sak thung a. Nu Sailovi.....oh...Pi Thanpuii nen an in melh ralh a....Pindan lamah chuan a lut tlang ta a.
U Hranga chu a tlangnel tawh viau a, a duhna apiangah a lut chhuak a ni ber mai. Thil inti hre deuh ho sawi dan chuan U Hranga hi a riak fo a ni awm e. Mahse kan hre lo der tlat a, hriat loh der tur thil hi a awm ve ṭhin a!
Eng ka ti chu ni maw.....zanin hi Nu Sailovi...e khaih...Nu Thanpuii hi ka hmu ṭha riau mai. A fai veng mai a, kan inchhawn dan khan zir miau hek lo, ala meng shala tun mai a.
" Eng maw min sawipui in duh a?"
A rawn ti dam ve ta thluam a. A aw ri mawlh mai khan, a tliang fiah fai fak mai nia, ka beng a luh fuh ngang mai!!!
U Kunga a hawi zak zak a, chutah nu Thanpuii chuan a hrethiam aniang, pindan lamah chuan min hui lut a. Pindan lama kan han luh chuan thil rim a nam hak a. U Kunga chu leikapui pindan lama leikapui ah chuan zial alo zu vang vang a. A bul lamah chuan kan phei ta diak a.
" Sawi ta poh che u" an ti a.
Keini ho chuan U Hranga chu kan melh ṭhap hlawm a.
" Hei....ih englo a nia, ih englo....kumin masi chu englo hi keimahni ta tur siam ve ila kan ti a,......mahse kan thiam ve si lova, min zirtir thei angem....ih....kan vai pawh hian a ngai chuang lo..."
A va han sawi thiam lo teh lul em ve aw! Kan Thanghminga chu awmlo se kan va pachhe dawn tak em aw! A ni chuan urhsun fe hian a rawn thual mam ta zan mai le.
U Hranga leh Nu Thanpuii chu an inbe deuh sar sar a. Kei ni lah chuan kan lo uipui tui lian thlir veng veng a. An thu chhuak kan ngaichang a ni si. Kei chu ka la nuam fu a, zanin phei chu a vawt pawh ka ti lo. Awmtual meichhem lo mah ila a pawi pawh ka ti hek lo. Kan ai tur liau liau hi kan pukhawm ṭhin a,rawlthar pali nga vel thing keuh khawm chu alo tam tham ve fu zel a, vawi hnih thum kan put chuan hmeithai chhekkhawm zat zet hi chu kan dahkhawm rum zel....
Zan tin kan chhem a, kan rorelna hmun ber a ni a. Thu chhia a ṭha leh mi tih dan kan zirna a ni ve reng a ni. Kan office, zan lam office a ni ber ang chu...
" Hei....U Hranga ( Nu Thanpuii pawhin u Hranga a ti ve tho mai) thu thu a ni mai...A ni hi a hmun enkawltu ber a ni a, a ni ho hian rem in ruat dawn nia...Amah erawh chu in kamtam loh a ngai anga, kam tam lo tura in intiam theih a thu a ni mai...!" U Hranga melh zauh pah chuan a ti a.
A ri a mawi ṭan e.
A sawi zo chiah a, min phei san ta daih a. U Hranga chuan a aw a thian khak khak a! Zan thim mah ni se, min melh kual ni berin ka hria a...A rawn ṭawng chhuak ta a..
" Naktukah In zinga pahnih hian min rawn zui se...E...! Buhfai in nei em? Kan hmanrua min ṭawm dawn chuan thing te min fawm pui a ngai dawn a nia..."
Kan va han Amen chiang tak em! Kan lawm a ni!
Ka zun a chhuah em avang chuan ka lo va chhuak ta a.
Chu zan thla eng riai hnuaiah chuan kan zung tak tak mai chu.....ka thawl huai a. Ralkhata naupang inbihruksiak thawm te, Vawk nguk leh hruih thawm te, hla deuh taka zai ri te chu ka thawm hriat a ni deuh mai!
Van lam ka thlir a, a thiang raih mai a, zan hlimawm tak ni hian ka hria a. In chhung luh leh ka tum lai tak chuan ka ṭhiante chu an rawnchhuak ta phak phak a. Ka zui ve lehnghal chu a ni mai!
Kawngah chuan kan thil tawn chu kan han sawi zui a, kan nui tlawrh tlawrh a. U Kunga a nui ve hauh lo.!!! A la hma viau lenglen hun vel chauh a ni. Kawn zau lai, kan meichhemna kan thleng phei ta a. He hmun hi tu ta mah a ni lova, a hmang thiam thiam ta a ni mai. Tun hnuah erawh mi inhmun alo ni leh daih tawh...!
Ruala chu meichhem thiam tak mai hi a ni a, thing hring pawh hi a tuah alh thei vek a. Mak tak a ni. Kan Ruala chuan mei a chhem ta a. Kan Boss ber chu ala tak ran thung a. Rorel hmabak kan la nei tlat atin ni! Kei ni lah chu kan khau phar thawven a, Thanghminga chuan kan ball chu a chawi phei a, kawng laiah ava dah a, kan thang chu kan kam leh ta a.
Kan thang chu....
Thang hi kan kam fo, kan zan lam thang chu kan hmuh chhuah thar a ni a, Hnuna'n bawlhhlawh paihna aṭanga a chhar Ball, futball hi a ni a. Mak ti suh, a mak miah lo. Chu ball chhungah chuan lung kan dah a, lungte in kan kam puar vek a, uluk lo fe in kan ṭhui ping leh a, kawng lai takah kan dah a ni. Nizan khan a per lo. Ball rit tak a ni, na tawkin kei ni pawh hian pet ta ila, kan ke ruh chuh a auh hial mai thei a ni.
Inkhawm zan a ni lova, tin, karen alo awmlo bawk nen, a reh angreng a, mahse chhawrthla lah chu a eng riai thung a. Lungleng mi tan chuan lunglenna tur a ni. Hnuk a kuai raih mai...
U Kunga a khuh khak khak a, kan ngawi ta ṭhap a. Kan kawmiti kan ṭan dawn chiah a ni. Ruala chuan pan khawr a rawn phawrh a, pan khawr(Kuhva ro khawr hi cheng khatin pariat kan lei ṭhin a,A to kan ti ṭhin hle a ni.) chu a rawn sem kual a, a kilhna chu ha kher nan kan hmang nghal ṭhin a. Bawngkai Sikret ka phawrh leh a, kan in sem leh a....
" Ummnn.. naktukah kan aiawh tur pahnih kan intirh a ngai si a, engtia tih nge in duh, pawhfuh ka siam mai dawn nge? Kan in thlang dawn? Nge Sholay film ang khan cheng thir hi kan vawr dawn em ni?" U kunga, amah Kan Boss ngei chuan a rawn ti a.
Kan ngawi ṭhap a. Chutah Thanghminga chuan, " I pawt ang u" a ti a.
Chhanna dang a awm lo, pawhfuh kan pawt dawn a ni. Kan Boss a tho nalh a, Pu Siama te huan hungna phelsep chu a va pawt phawi a, kal pah chuan a rawn tliak phei hmarh hmarh a.
Kan ding tlar ṭham a, kan pawt ṭan ta a. Kan pawt kim a, kan Boss ber pawn a pawt ve tho. Chutah kan han keng khawm a, a tawi bik pannih a awm tur a ni. Kan han teh a, kan boss ta leh Ruala ta chu a lo tawi bik ta a. An ni pahnih chu kan aiawh in an trainning dawn ta a ni. Lungrual takin leh lungdam takin an ni pahnih pawhin an pawm thlap a. A zia hle....
Kan piah deuh kawngah thawm a rawn awm a, ....I hi le...
Kan thangkam kha le...
K'U Zamana leh khawpuia lehkha zir Tlangrova te an lo ni, Ṭingṭang chu K'U Zamana chuan a ak a,
" Chhawrthlapui leh siar zawngte,
Lungrualten an len chhung chuan...."
An rawn ti phei lang lang a, kan thangkam an thlen hma chuan an han zung leh rih a. Keini lah chuan kan lo nghakhlel hle a. Zirtawp zan a Pu Thangthuia te In a vai film en ai pawn kan nghakhlel zawk a. Zirtawp zan vai film en chu(h) zan dar 11:00 hnu lamah pawh LUX SUPERHIT FILM KE PRAIAWZEK hi an la ti lauh lauh zel a, ham bui bui chungin kan nghak hram hram zel kha a nia.
An rawn lan leh chuan Tlangrova chuan ṭingṭang chu a rawn ak ve thung a. Inti sap ṭawng thiam bawk si, kan Boss U Kunga hian a ngaithei lo teh a nia. U kunga kan melh zeuh chu lehlam alo hawi deih thung a.
Tlangrova lah chuan sap hla a rawn sa leh ngei ah....
" Thiving next dur to Amis...." a rawn ti phei raih raih a.
An rawn hnaih ta zel a...I hi le ! U zamana zawk chuan kan ball, kan thang chu a pan ta chheu chheu mai le...kan lo en uluk ngang mai!!!
U Zamana chuan kan lama natawk a rawn pet phei a tum niin a posi ah chuan a lang a.
A pui dawn e..
Chutah le....na tawk chuan ball chu............
U Zamana chuan an pet ṭhuai a le...(h) a ri no chawk mai le...
A ṭe ṭhawt a, a ke ri ṭhak kha kan hre pha a, au ring tak a ni. Kan ball, kan thang ni bawk chu a lir duh lo teh asin! Tlangrova mi lehkhathiam pawh chuan mak a tih hmel hle, kan nuihza lutuk insum chu hrehawm tham a ni. Kan lo nuih chuan an hrechhuak ang tih a hlauhawm si a.
U Zamana na ti lutuk chu a au ring ngang mai a, a ke ding lam chu lawm vang ni hauh lovin a khai sang em em a, a na lo berah Kumin chhung chu a kal bai saih saih tawh ang. I hi le....
Mi lehkhathiam Tlangrova chuan ball chu a thlir leh ṭhin a, chutah le, kawng sir lama pet liam a tum ve ta ale....
" Ti suh...." U Zamana chuan a ti tham ṭiak a. Mahse a pawi hman leh tlat! A vawihnihna atan kan thang kam chu a per leh dawn ta....A ri leh bup mai!!!
U Zamana ai mah chuan Tlangrova chu a au ring zawk a. Kan chhehvel in aṭang chuan mi an rawn chhuak ta sap sap a.
Kan thang tipertu te pahnih lah chu an ke chu an khai ang vaw vaw a,na an ti dun ngang mai! Chutah le, kan va pawh phei ve ta ale....
" Tu fa lubawk dah nge?" Ball kawk vu chuan U Zamana chuan an ti a.
Kan ngawi ṭhap...
Ruala chuan ball chu an vel deuh that that a, kawngsir ah a dah ṭha ta daih a. Mi an lo pung chak si.... kan thangkam tiper tu te lah an vial ngawih ngawih mai si a. Han buaipui loh theih kha a ni bik lo.
Inhnai ber Pu Khawtea te Tawlailir kan hawh a, sub centre lamah kan va nawr thleng a. A result erawh kan hre lo, an chhungte an lo thleng ta bawk a, kan office lam kan pan san ta daih a.
Kan thil hmuh kha mita hmu tu mah ni ila, Thanghminga'n uar em em a an sawi leh chuan kan va han nui nasa ngai em aw.... thil reng reng hi a sawitu a zir a ni. Mita kan hmuh ngei chu mitthla a cham chungin kan han nui ta tak tak mai ah....a zia lo lek lek a ni. Mahse kan thang chu kam nawn chi a ni rih ta lova.
Rei lo deuh awmtual mei kan ai hnu chuan naupang pawnto te pawh ...
" Ṭin dialah ṭin dialah....naktukah khua var se la, inkawm leh dial dial ang u, mahni inlam hawi ṭheuhvah...." an ti a. An mahni inlam chu an pan ta a.
Zaikhawm pawkram ala awm lova, mahse naktip nakthai lawk aṭanga ṭan tur a ni. Kan Boss leh Ruala chu tihtur nei an ni si a. Keini pawh kan ṭin ve ta a. Kan meichhem pawh kan zun khum ta tliar tliar a, a mit ve ta a.
Thlasik khua ngang a ni a, tlai lama U Hranga nen kohhran kan do zeuhna thil pawh kha reh lam a pan ṭan ta a. Kan inhi a laili lai mah ni se, ka ṭhiante in lo lam a ni a, kan in mang ṭha liam liam a, ka haw ve ta a.
Kan thil tawn nuihzatthlak tak te chu ka ngaihtuah a, ka khi suk suk a. Nula Puii te inzawn ka thlen chuan phun sar sar thawm ka hria a, i hi le.......
Ngaihthlak chian tumin kan inher rem ta ale.....ka ngaithla chiang thei ta.... E khai aw.....
Comments
Post a Comment