THE CONDEMN Episode-9
THE CONDEMN
M.LUSEI PALIAN
EPISODE-9
....
RAW Agent rothap ber pawl a tlu ta. A rawn meng diar diar a. A chau a ni. Chau awm reng a ni, thahrui leh ngaihtuahna tam tak a hmang a.
Rawn din chhuah leh a tum hram hram a. Mahse, Doctor in an lo buaipui tawh a, an nem mu a, thei leh lo chuan van lam a melh chho a...
" ELOHIM" a ti chhuak hram a. Ni khua a hre ta lo.
..........
Shiva chuan a dawm vat a, a ko mawlh mawlh a...a naute pawhin an rawn bial laih mai.
Shiva tan hian he pa hi a pawimawh em em a, tun dinhmun dintir theitu a ni.
Doctor chu a ko tuar tuar a, an rawn tlanchhuak ta hlawm a. A naute hnenah chuan a ṭhen lova haw turin a ti a, hepa hi an ven a ngai a, a harhchhuah hma chu ventur a ni tawp mai! An inchhawk ang. Shiva a hmasa berah a awm ang. He Shiva hian Hruaitu nih a tlin em em a, a naute a chhan thiam a. An zah hle a ni. Mi hlauhrawn a ni. Politician hmel hriat pawh a ngah phian tawh a. Mi zawng zawngin Shivaji an tih phah ta a ni.
.........
Joseph ṭawngkam chu Mrs Tamar, Adele leh Mr Yosef te beng a va luh hneh em! Israel mi an ni si! Chutiang taka lam thei chu Indian a ni thei dawn em ni?
" Adele.....i hre ve em?"
" A mak ka va ti ngai em! Eng mihring nge maw a nih chiah le?" Adele chuan a rawn ti chhuak a.
Mr Yosef chuan, " A mak kher mai! Kan fanu pawh a rawn lan meuh chuan kan hmuchhuak a ni ta mai si a! Mi mak tak zawng a ni..!"
Walter chu a ngawi reng thung a. Neha chuan rang takin Headquarters a be nghal a, venhimna a dil nghal a. RAW chief pawh a sa ngang mai! Rohan Sharma thil tih a nih a ring bur a. CBI lam a ring zo meuh lo a ni. Agent ṭha mi ber a hloh mai ang tih a hlau a. Chanchin update a ngai si. Union Home minister hnenah report pek a ngai a, a naute nen an tifel zung zung a. Agent a tirh belh bawk a. A buai hle a ni.
Neha chuan Joseph a kalsan thei lo, a biangah mittui alo luang a, hepa tluk hi ala hmu lo. Joseph phone alo ri a.. Neha chuan alo la ta a.
Mrs Tamar chuan a fanu chau lutuk chu ava lainat tehlul em! A thin a rim em em a, phuba chu ala la mawlh ang. Eng anga harsa pawh ni se, a rilru chuan a intiam ta a....
Sara chu a muhil bawrh bawrh a, KA police venna hnuaiah Cabinah an sawn ta a. Walter leh Adele chuan cctv tam lutuk te chu an hmu reng nen, insa seng rih a hun tih an hria a. An in sa seng dawn ta a. Mrs Tamar chu ava hrilh ru a, a ni pawh chuan alo hrethiam hle a. Lawmthu a hrilh luam a, mahse Adele chuan, " Kha RAW pa zawk hnenah khan lawmthu i sawi dawn nia" a ti a.
Joseph phone chu Neha chuan a en vang vang a, ANITA tih hian a rawn call a, alo pick up ta a.
" Hello"
"Hello, tu nge...khaw nge Jeff....Sorry...Khawnge Mr.J.Oberoi...."
English in a rawn ti ta ṭalh ṭalh a...
Zawhna chhan hrehawm tak a ni.
Neha chu a intipachang lui a..
" Tu nge i nih ka hre lova,Neha ka ni a.... mahse MrJ.Oberoi hian hliam a tuar a, SAI Hospital Bangalore ah nikhaw hre lovin a awm mek a"
" Miss Neha, a nau ka ni e....eng vang nge? Enga ti nge? Mumbaiah ka awm a, ka rawn chhuk dawn ka rawn thleng har lovang.. lo awmpui hram rawh aw!"
" Ka ven tlat a ngai a ni"
" Ka lawm e"
Anita Oberoi, OBEROI chhungkaw rokhawmtu tur chu ava buai em! Eng vanga hliam tuar nge a hmangaih hi....A nunna meuh dahkham ngama chhanchhuaktu chuan hliam a tuar a maw? Nikhaw hre lo in maw?
An chhungkaw mi leh sa a ni tawh asin! Apa a call nghal a...
Mr Oberoi a meeting lai a ni a. A fanu in a rawn call mai chu mak a ti em em a. A pawimawh hle tih a hrethiam a, a meeting pui te hnenah chuan lo hrethiam turin a ti a. A office bikah chuan a lut ta a.
" Hello"
"Dad, Jeff....a nia, nikhaw hre lovin Bangalore ah SAI Hospitalah a awm mek.....Jet ka hmang dawn a nia, ka chhuk thla aw"
" Anita.... zuk chhuk rawh.... ka hman ve leh ka rawn chhuk ang"
Mr Oberoi hian Joseph hi IPS nih tir a phal miah lo! Mahse a ma hming a neih letna turin India Sawrkarin a karna a ni miau si a. A hlauhthawn pui ṭhin! A fa tak tak ni lo mahse, an tan chuan an chhungkaw nunna chhanhimtu a ni a. A fapa boral ta a ngaih a zual ṭhin....Chung zawng zawnga phuba laksaktu chu a ni miau si!
( JOSEPH IDENTITY ah khi lam khi chu alang dawn)
A thaw hawk a, dawhkanah a tui chu a in pawp a, a chhuak ta a. Mr Oberoi pawh a buai ve hle mai!
RAW chief chu Mr Oberoi chuan a be ta a...
"Hello, Mr Vijay Kumar ka fapa in hliam a tuar elo?"
" Mr Oberoi a pawi ka ti khawp mai! Mi huaisen tak a ni. A ma zarah kan hnam issue lian ber pawh a fel ta asin...!"
" A ni mahna, kha lam kha chu ka hre lo! Mahse ka fapa in hliam a tuar laia vengtu a nei lo a nih chuan.....ka na ngawt ang!"
" Mr Oberoi, Kan miten hmun tin aṭangin an veng tawh.... Mi huaisen a ni a, a ṭha leh vat ang!"
" I zuk kal dawn nge, keimah ka zuk kal dawn?"
" Mr Oberoi, ka insiam mek! Ka kal dawn e!"
Mr Oberoi pawh hian phone a dah hmak a!
Meeting na lam a pan leh ta a. A theihtawpin a insum a, a rilru erawh a bet lo hle a ni.
Anita, au chul chu a nu chuan mak alo ti ve hle a. Inchung aṭang chuan a chhuk a, Anita chu a rawn chho ve mek bawk a.
Mrs Oberoi chuan, " Anu...eng thil nge?"
" Ma..... Joseph.... Hliam tuarin Bangalore SAI Hospital ah a awm!"
" Aw....Lalpa leh.... ka fapa...mi huaisen i nih kha...."
" Ma....ka chhuk dawn a nia.."
Private Jet a be fel vek tawh....
A nu chuan malsawmna in a thlah a, a kal chhuak a. Private Jet awmna lam chu a pan ta a!
Bangalore ah chuan a hmangaih em em... A unaupa ni si chu a zuk enkawl dawn a ni.
.......
Mrs Tamar chuan a fanu chu a en ṭhin a. A na ngawih ngawih mai! A rawn phu leh zawk ṭhin a. Chungte hlei hlei chu a thinlung tina tu a ni.
Mr Yosef pawh a na hle tho mai! Ofek pawh a awmtu MOSSAD hmeichhe pakhat chuan a rawn hruai thleng tawh a. Sara bo aṭangin MOSSAD pakhat hi an awmpui ang maiin a awm hmiah mai a ni.
Ofek chuan a U Sara chu a en a, cher a ti hle a, a khawngaih ve hle a. Cabinah chuan an awm ṭhap mai!
Damdawi ṭha ber ber chi in an enkawl a ni. A hmel ṭha tak pawh hian ngai a rawn awh leh mai ang!
Mr Yosef chuan JOSEPH chanchin va ngaihchan a tum a, a nupui chu a hrilh a, alo bu nghat a. A chhuak ta a..
......
Doctor chuan, " Arang thei ang berin Silaimu kan phawrh a ngai " a ti a.
Operation room lamah an nawr lut dawn a... Neha chuan Joseph a kut chu a thlah hlei thei lo..
" Ka pi, i lo lut ve thei lovang!"
" A bula awm reng tura thupek ka ni asin"
" Kan hrethiam lutuk che...mahse min tikhawtlai lutuk dawn..! A nunna kan chhan a ngai..."
A thlah ta hram a. Operation Theatre kawta thuthlengah chuan a ṭhu hnawk a. Chu Nula hmel ṭha tak Sawrkar mi pawimawh chu a ngaihtuahna ava buai tak em!
A phone a rawn khur cher cher a. A lo request tawh Rohan Sharma location chu an rawn thawn ta alo ni!
A special bika RAW hman smart phone ah chuan Rohan Sharma location a lo lang ta a.
E khai aw....!?
CBI Sniper awmna kha a ni ta tlat mai! E he.....
Joseph hi kah luih a ni thei tlat! Neha chuan thil kalphung a chhut a, Joseph hi room a luh dawn khan hliam ala nei lo! Chuvang chuan Sniper lo thlir reng tan lo chuan a ngaihna a awm lo. Pawn lam aṭangin Shiva leh a hoten an lo chhaih buai bawk si!
Miss Neha thinrimna ava zual tak em! A pistol chu a hum rauh rauh a. Rohan Sharma um a chak zek zek tawh a ni. Ajad Hussein te pafa lo bo bawk nen.. !
Shiva te pawh a hre mang tawh lo. Mahse Joseph Ni khua a hriat hma chuan kalsan a tum lo bur bawk si!
Shiva leh a naute pawh an vei an vei a, Police lah an ther fer fur tawh nen..
Sara vengtu nen.... Joseph vengtu nen...chu Hospital chu pui ru tak a ni.
Russian KGB leh FBI lam miten an rawn pan ve mek bawk a... ! Thil lo thleng tur an chang ṭhup mai a ni.
........
Ajad Hussein te pafa chu Hotel Choka ah an biru a, lo biru tura hrilhtu an awm hman tlat a ni...
Thil thlen dan tehthut chu mak an ti hle a. ISI pahnih chuan an veng ve bawk a. An thin a rim em em a. Mahse tun dinhmunah chuan India ram an tan a him lo tih an hria a. Rang taka, bikbo rih a ngai a ni tih an hrechiang hle!
Mahse an lungngai vak lo, India Sawrkar thuchhuak hriatna an nei thei zel! Sum leh pai an ngah bawk a, eng kim an tithei zel a ni.
Zanah helai hotel hi chhuahsan a ngai a ni. Mahse RAW a fing ber kha Rohan khan ka kap fuh a ti tlat a, a che thei rih lovang tih an ring a ni.
Rohan hi Crore 100 in an lei tawh a, kawng kawhhmuhtu leh information petu ber a ni.
Mahse he Rohan hi RAW hian ala man khawp ang!
CBI leh RAW inkarah hem lianpui thlaktu a ni dawn a ni. A chantur chu a hrehawm khawp ang le!
..........
Anita private Jet ah a lut a, rang thei ang bera Bengaluru a thlen a ngai a ni. A hmangaih chu a enkawl ngei ngei a ngai a, a enkawl bawk ang. An Company share neitu a ni ve bawk a. Company lam pawh chanchin a hrilh ve bawk a ni...
Boruaka an thlawh lai pawhin a mittui a far hman hial a ni. He vai nula hmel ṭha em em mai, film star ni duh miah lo, mi hausa fanu in a atchilh hial hi a theuneu hauh lovang le!
Thlawk chak turin thu a pe sek mai a ni.
Bengaluru leilung a rap ta...
Company motor in alo nghak vang a. A chuang leh nghal a. Shri SAI Hospital lam a pan ta...
.......
Vijay Kumar pawh Agent pakhat leh a PA nen Bengaluru leilung an rap ve leh chiah bawk a. CBI information an pe duh tawh lo!!!
Shri SAI Hospital an pan ve mek bawk a ni.
.......
Hospital chhunga cctv chu Russian KGB ten hack an tum ngar ngar a.
Control room ah FBI an awm tih an hre der lo! An ni chuan an lo dang thiam tlat!
A chhunga luh mai chu an tum ta a. Mahse Police an tam lutuk...
Commissioner hial pawh a lo awm si! A ṭul chuan Pistol hman an inhuam zak tawh mai!
.........
Joseph chu Hnimhlum hmangin a muhil mek a, Doctor ten an buaipui mek...Silaimu an phawrh thei ta.. A awmah chuan Silaimu luhna hnu hma pathum lai a nei dawn ta a ni.
Doctor te chuan mak an ti hle a, a taksa pawimawh a lai a khawih lo hlauh a, a vannei a ni.
Joseph chu tlang nuam tak Hmawng kung zar duai hnuaiah a lo ṭhu a. A awmna chu mak a ti hle mai! A kal tawhna hnu a ang riau chuan a hria a.
Hmawng kung bul chu a en thuak thuak a, tlang san zia a hmuh chuan mak a ti deuh a, mahse hmanah a lawn chhuak tawh a ni.
Thil rimtui deuh a hre ta a.... a lam pan chuan nula hmel ṭha em em a hmuh fo tawh chu a rawn pen phei ta zan zan a...
Chu nula chu Joseph bul a rawn thleng ta....
A ngawi vang vang a, Joseph nen chuan an in melh vang vang a.
" I pu Pasalṭha, kan tana nunna pawh chan ngam khawp a huaisen in, i mamawh huna pui tura min ngenna avangin kan pui ṭhin che a. In ramah hian kan awm tawh lova, kan awm thiang tawh si lo! "
" Ka pu chuan in tan eng thil nge a tihsak che u le, puih theihna che u ka nei em!"
Chu nula,khawvar lam arsi ang mai chu a nui ta var var a...
" Nangmah hi puih i ngai zawk! Hliam i tuar mek a, ka rawn be thei chauh che a ni" a ti a. Darthlalang ang tak thil a ken ah chuan eng emaw a hmet a. An thlir dun ta a...
Joseph chu a phu zawk mai.... a indap nghal ruai mai.....!
M.LUSEI PALIAN
EPISODE-9
....
RAW Agent rothap ber pawl a tlu ta. A rawn meng diar diar a. A chau a ni. Chau awm reng a ni, thahrui leh ngaihtuahna tam tak a hmang a.
Rawn din chhuah leh a tum hram hram a. Mahse, Doctor in an lo buaipui tawh a, an nem mu a, thei leh lo chuan van lam a melh chho a...
" ELOHIM" a ti chhuak hram a. Ni khua a hre ta lo.
..........
Shiva chuan a dawm vat a, a ko mawlh mawlh a...a naute pawhin an rawn bial laih mai.
Shiva tan hian he pa hi a pawimawh em em a, tun dinhmun dintir theitu a ni.
Doctor chu a ko tuar tuar a, an rawn tlanchhuak ta hlawm a. A naute hnenah chuan a ṭhen lova haw turin a ti a, hepa hi an ven a ngai a, a harhchhuah hma chu ventur a ni tawp mai! An inchhawk ang. Shiva a hmasa berah a awm ang. He Shiva hian Hruaitu nih a tlin em em a, a naute a chhan thiam a. An zah hle a ni. Mi hlauhrawn a ni. Politician hmel hriat pawh a ngah phian tawh a. Mi zawng zawngin Shivaji an tih phah ta a ni.
.........
Joseph ṭawngkam chu Mrs Tamar, Adele leh Mr Yosef te beng a va luh hneh em! Israel mi an ni si! Chutiang taka lam thei chu Indian a ni thei dawn em ni?
" Adele.....i hre ve em?"
" A mak ka va ti ngai em! Eng mihring nge maw a nih chiah le?" Adele chuan a rawn ti chhuak a.
Mr Yosef chuan, " A mak kher mai! Kan fanu pawh a rawn lan meuh chuan kan hmuchhuak a ni ta mai si a! Mi mak tak zawng a ni..!"
Walter chu a ngawi reng thung a. Neha chuan rang takin Headquarters a be nghal a, venhimna a dil nghal a. RAW chief pawh a sa ngang mai! Rohan Sharma thil tih a nih a ring bur a. CBI lam a ring zo meuh lo a ni. Agent ṭha mi ber a hloh mai ang tih a hlau a. Chanchin update a ngai si. Union Home minister hnenah report pek a ngai a, a naute nen an tifel zung zung a. Agent a tirh belh bawk a. A buai hle a ni.
Neha chuan Joseph a kalsan thei lo, a biangah mittui alo luang a, hepa tluk hi ala hmu lo. Joseph phone alo ri a.. Neha chuan alo la ta a.
Mrs Tamar chuan a fanu chau lutuk chu ava lainat tehlul em! A thin a rim em em a, phuba chu ala la mawlh ang. Eng anga harsa pawh ni se, a rilru chuan a intiam ta a....
Sara chu a muhil bawrh bawrh a, KA police venna hnuaiah Cabinah an sawn ta a. Walter leh Adele chuan cctv tam lutuk te chu an hmu reng nen, insa seng rih a hun tih an hria a. An in sa seng dawn ta a. Mrs Tamar chu ava hrilh ru a, a ni pawh chuan alo hrethiam hle a. Lawmthu a hrilh luam a, mahse Adele chuan, " Kha RAW pa zawk hnenah khan lawmthu i sawi dawn nia" a ti a.
Joseph phone chu Neha chuan a en vang vang a, ANITA tih hian a rawn call a, alo pick up ta a.
" Hello"
"Hello, tu nge...khaw nge Jeff....Sorry...Khawnge Mr.J.Oberoi...."
English in a rawn ti ta ṭalh ṭalh a...
Zawhna chhan hrehawm tak a ni.
Neha chu a intipachang lui a..
" Tu nge i nih ka hre lova,Neha ka ni a.... mahse MrJ.Oberoi hian hliam a tuar a, SAI Hospital Bangalore ah nikhaw hre lovin a awm mek a"
" Miss Neha, a nau ka ni e....eng vang nge? Enga ti nge? Mumbaiah ka awm a, ka rawn chhuk dawn ka rawn thleng har lovang.. lo awmpui hram rawh aw!"
" Ka ven tlat a ngai a ni"
" Ka lawm e"
Anita Oberoi, OBEROI chhungkaw rokhawmtu tur chu ava buai em! Eng vanga hliam tuar nge a hmangaih hi....A nunna meuh dahkham ngama chhanchhuaktu chuan hliam a tuar a maw? Nikhaw hre lo in maw?
An chhungkaw mi leh sa a ni tawh asin! Apa a call nghal a...
Mr Oberoi a meeting lai a ni a. A fanu in a rawn call mai chu mak a ti em em a. A pawimawh hle tih a hrethiam a, a meeting pui te hnenah chuan lo hrethiam turin a ti a. A office bikah chuan a lut ta a.
" Hello"
"Dad, Jeff....a nia, nikhaw hre lovin Bangalore ah SAI Hospitalah a awm mek.....Jet ka hmang dawn a nia, ka chhuk thla aw"
" Anita.... zuk chhuk rawh.... ka hman ve leh ka rawn chhuk ang"
Mr Oberoi hian Joseph hi IPS nih tir a phal miah lo! Mahse a ma hming a neih letna turin India Sawrkarin a karna a ni miau si a. A hlauhthawn pui ṭhin! A fa tak tak ni lo mahse, an tan chuan an chhungkaw nunna chhanhimtu a ni a. A fapa boral ta a ngaih a zual ṭhin....Chung zawng zawnga phuba laksaktu chu a ni miau si!
( JOSEPH IDENTITY ah khi lam khi chu alang dawn)
A thaw hawk a, dawhkanah a tui chu a in pawp a, a chhuak ta a. Mr Oberoi pawh a buai ve hle mai!
RAW chief chu Mr Oberoi chuan a be ta a...
"Hello, Mr Vijay Kumar ka fapa in hliam a tuar elo?"
" Mr Oberoi a pawi ka ti khawp mai! Mi huaisen tak a ni. A ma zarah kan hnam issue lian ber pawh a fel ta asin...!"
" A ni mahna, kha lam kha chu ka hre lo! Mahse ka fapa in hliam a tuar laia vengtu a nei lo a nih chuan.....ka na ngawt ang!"
" Mr Oberoi, Kan miten hmun tin aṭangin an veng tawh.... Mi huaisen a ni a, a ṭha leh vat ang!"
" I zuk kal dawn nge, keimah ka zuk kal dawn?"
" Mr Oberoi, ka insiam mek! Ka kal dawn e!"
Mr Oberoi pawh hian phone a dah hmak a!
Meeting na lam a pan leh ta a. A theihtawpin a insum a, a rilru erawh a bet lo hle a ni.
Anita, au chul chu a nu chuan mak alo ti ve hle a. Inchung aṭang chuan a chhuk a, Anita chu a rawn chho ve mek bawk a.
Mrs Oberoi chuan, " Anu...eng thil nge?"
" Ma..... Joseph.... Hliam tuarin Bangalore SAI Hospital ah a awm!"
" Aw....Lalpa leh.... ka fapa...mi huaisen i nih kha...."
" Ma....ka chhuk dawn a nia.."
Private Jet a be fel vek tawh....
A nu chuan malsawmna in a thlah a, a kal chhuak a. Private Jet awmna lam chu a pan ta a!
Bangalore ah chuan a hmangaih em em... A unaupa ni si chu a zuk enkawl dawn a ni.
.......
Mrs Tamar chuan a fanu chu a en ṭhin a. A na ngawih ngawih mai! A rawn phu leh zawk ṭhin a. Chungte hlei hlei chu a thinlung tina tu a ni.
Mr Yosef pawh a na hle tho mai! Ofek pawh a awmtu MOSSAD hmeichhe pakhat chuan a rawn hruai thleng tawh a. Sara bo aṭangin MOSSAD pakhat hi an awmpui ang maiin a awm hmiah mai a ni.
Ofek chuan a U Sara chu a en a, cher a ti hle a, a khawngaih ve hle a. Cabinah chuan an awm ṭhap mai!
Damdawi ṭha ber ber chi in an enkawl a ni. A hmel ṭha tak pawh hian ngai a rawn awh leh mai ang!
Mr Yosef chuan JOSEPH chanchin va ngaihchan a tum a, a nupui chu a hrilh a, alo bu nghat a. A chhuak ta a..
......
Doctor chuan, " Arang thei ang berin Silaimu kan phawrh a ngai " a ti a.
Operation room lamah an nawr lut dawn a... Neha chuan Joseph a kut chu a thlah hlei thei lo..
" Ka pi, i lo lut ve thei lovang!"
" A bula awm reng tura thupek ka ni asin"
" Kan hrethiam lutuk che...mahse min tikhawtlai lutuk dawn..! A nunna kan chhan a ngai..."
A thlah ta hram a. Operation Theatre kawta thuthlengah chuan a ṭhu hnawk a. Chu Nula hmel ṭha tak Sawrkar mi pawimawh chu a ngaihtuahna ava buai tak em!
A phone a rawn khur cher cher a. A lo request tawh Rohan Sharma location chu an rawn thawn ta alo ni!
A special bika RAW hman smart phone ah chuan Rohan Sharma location a lo lang ta a.
E khai aw....!?
CBI Sniper awmna kha a ni ta tlat mai! E he.....
Joseph hi kah luih a ni thei tlat! Neha chuan thil kalphung a chhut a, Joseph hi room a luh dawn khan hliam ala nei lo! Chuvang chuan Sniper lo thlir reng tan lo chuan a ngaihna a awm lo. Pawn lam aṭangin Shiva leh a hoten an lo chhaih buai bawk si!
Miss Neha thinrimna ava zual tak em! A pistol chu a hum rauh rauh a. Rohan Sharma um a chak zek zek tawh a ni. Ajad Hussein te pafa lo bo bawk nen.. !
Shiva te pawh a hre mang tawh lo. Mahse Joseph Ni khua a hriat hma chuan kalsan a tum lo bur bawk si!
Shiva leh a naute pawh an vei an vei a, Police lah an ther fer fur tawh nen..
Sara vengtu nen.... Joseph vengtu nen...chu Hospital chu pui ru tak a ni.
Russian KGB leh FBI lam miten an rawn pan ve mek bawk a... ! Thil lo thleng tur an chang ṭhup mai a ni.
........
Ajad Hussein te pafa chu Hotel Choka ah an biru a, lo biru tura hrilhtu an awm hman tlat a ni...
Thil thlen dan tehthut chu mak an ti hle a. ISI pahnih chuan an veng ve bawk a. An thin a rim em em a. Mahse tun dinhmunah chuan India ram an tan a him lo tih an hria a. Rang taka, bikbo rih a ngai a ni tih an hrechiang hle!
Mahse an lungngai vak lo, India Sawrkar thuchhuak hriatna an nei thei zel! Sum leh pai an ngah bawk a, eng kim an tithei zel a ni.
Zanah helai hotel hi chhuahsan a ngai a ni. Mahse RAW a fing ber kha Rohan khan ka kap fuh a ti tlat a, a che thei rih lovang tih an ring a ni.
Rohan hi Crore 100 in an lei tawh a, kawng kawhhmuhtu leh information petu ber a ni.
Mahse he Rohan hi RAW hian ala man khawp ang!
CBI leh RAW inkarah hem lianpui thlaktu a ni dawn a ni. A chantur chu a hrehawm khawp ang le!
..........
Anita private Jet ah a lut a, rang thei ang bera Bengaluru a thlen a ngai a ni. A hmangaih chu a enkawl ngei ngei a ngai a, a enkawl bawk ang. An Company share neitu a ni ve bawk a. Company lam pawh chanchin a hrilh ve bawk a ni...
Boruaka an thlawh lai pawhin a mittui a far hman hial a ni. He vai nula hmel ṭha em em mai, film star ni duh miah lo, mi hausa fanu in a atchilh hial hi a theuneu hauh lovang le!
Thlawk chak turin thu a pe sek mai a ni.
Bengaluru leilung a rap ta...
Company motor in alo nghak vang a. A chuang leh nghal a. Shri SAI Hospital lam a pan ta...
.......
Vijay Kumar pawh Agent pakhat leh a PA nen Bengaluru leilung an rap ve leh chiah bawk a. CBI information an pe duh tawh lo!!!
Shri SAI Hospital an pan ve mek bawk a ni.
.......
Hospital chhunga cctv chu Russian KGB ten hack an tum ngar ngar a.
Control room ah FBI an awm tih an hre der lo! An ni chuan an lo dang thiam tlat!
A chhunga luh mai chu an tum ta a. Mahse Police an tam lutuk...
Commissioner hial pawh a lo awm si! A ṭul chuan Pistol hman an inhuam zak tawh mai!
.........
Joseph chu Hnimhlum hmangin a muhil mek a, Doctor ten an buaipui mek...Silaimu an phawrh thei ta.. A awmah chuan Silaimu luhna hnu hma pathum lai a nei dawn ta a ni.
Doctor te chuan mak an ti hle a, a taksa pawimawh a lai a khawih lo hlauh a, a vannei a ni.
Joseph chu tlang nuam tak Hmawng kung zar duai hnuaiah a lo ṭhu a. A awmna chu mak a ti hle mai! A kal tawhna hnu a ang riau chuan a hria a.
Hmawng kung bul chu a en thuak thuak a, tlang san zia a hmuh chuan mak a ti deuh a, mahse hmanah a lawn chhuak tawh a ni.
Thil rimtui deuh a hre ta a.... a lam pan chuan nula hmel ṭha em em a hmuh fo tawh chu a rawn pen phei ta zan zan a...
Chu nula chu Joseph bul a rawn thleng ta....
A ngawi vang vang a, Joseph nen chuan an in melh vang vang a.
" I pu Pasalṭha, kan tana nunna pawh chan ngam khawp a huaisen in, i mamawh huna pui tura min ngenna avangin kan pui ṭhin che a. In ramah hian kan awm tawh lova, kan awm thiang tawh si lo! "
" Ka pu chuan in tan eng thil nge a tihsak che u le, puih theihna che u ka nei em!"
Chu nula,khawvar lam arsi ang mai chu a nui ta var var a...
" Nangmah hi puih i ngai zawk! Hliam i tuar mek a, ka rawn be thei chauh che a ni" a ti a. Darthlalang ang tak thil a ken ah chuan eng emaw a hmet a. An thlir dun ta a...
Joseph chu a phu zawk mai.... a indap nghal ruai mai.....!
Comments
Post a Comment