THE CONDEMN Episode-7
THE CONDEMN
M.LUSEI PALIAN
EPISODE-7
Sara chuan phone a hmang tih chu a mantute chuan an hre nghal a. Tin a awmna pawh chu cctv aṭang chuan chiang tak chuan alang nghal a. Eng thil emaw an tih a ngai a ni. Amah mantute hian tualchhung mi sual eng emaw zat an rawih belh a. Hlawh a ṭha si a, an hnial phal lo a ni.
Sara chu man lehnghal tura thupek anni a. Sara pawh ṭan alo khawh nasa a, apistol ken lai chuan alo tin a, a hmet ṭhin tak na a. A per thei miah lo, Pakistan siam a ni a, a lock a phelh lo tih a inhre lo a ni.
A pistol a per theih tak ngang lovah chuan tihngaihna awm hek lo le, a inpe leh ta nge nge a. An beng hawi sawk sawk a. A ka aṭang chuan thisen a chhuak zawih zawih a! An phuar leh ta mawlh mawlh a. An awmhmun an sawn ngei a ngai a ni. Chuti lo chu chhuichhuah an awl dawn tlat si a ni.
Arang thei ang berin an hnuhma an thup a, chulai hmun chu an chhuahsan dawn ta a. Chulai hmuna lokalte lo lambun tur chuan mi pasarih lai an dah a, ISI mi leh sa phei chu pahnih chiah an tel nghe nghe a. Sara rawn zawng turte an lo lambun thung dawn a ni.
Sara chu hmun dangah an hruai ta a. Heng a mantute hian motor pangngai hmang lovin Ambulance an hmang daih thung a! Anni pawh in tawmbo rihna tur an hre rih lo a ni.
.........
Rohan Sharma chuan a fin kherek chhuahin Ajad chu eng tin tin emaw ava la chhuak thei ta a. Pawnah Bike hun sak sa diam a ni. Ajad chuan a phone a en a, pan tur lam chu a hre ta a.
Ajad hi Sara ngaizawng tura tih a ni a, a hlawhtlin chuan Mr Yosef kar nan hman an tum a ni. Nuclear chungchang lam thil a tih tum an neih vang a ni. Mahse a hlawhtling thei si lova. ISI an hmanhmawh tawh si, an rawn che ta hmiah mai a ni.
Ajad chu a tlan char char a,Hotel pakhat bulah chuan Bike a dah a, Hotel chhunga Special room ah chuan a lut ta a. Chu hmunah chuan a pa leh mi pathum an lo awm a.
Ajada pa in Ajad a hmuh meuh chuan a beng hawi sawk mai...
" Engah mah i rintlak loh a nih hi!" tih zawng a sawi a. Ajad chuan ṭawngkam khatmah in a chhang ngam lo.
" Naktukah Pakistanah haw ang che" tih zawng a sawi a.
A haw thei a ngem le...
Chutih lai chuan Sara chu mit tuam sakin an awmna room ah chuan an rawn hnuk lut a... Ajad a lo ding zawt mai! Mahse apa in alo melh vak avang chuan a ṭhu leh ta nghal a.
Chu room ah chuan mi sawm pali vel an awm ta a. Ajada pa Hussein a hnenah chuan pakhat chuan tihian a rawn sawi ta a.
" Sirji, hmun tinah hual chep vek kan ni. RAW leh MOSSAD pawh an tel tlat tawh.... eng tin nge kan awm dawn?" Thlaphan hmel tak chuan a ti a.
Hussein chuan, " A ṭul a nih phawt chuan kan thihchilh ang " alo ti hmiah thung a.
An vai mai chuan an ngawi ṭhap mai a. Dawhkana Smart phone chu ala a. Mr Yosef a number chu a hmet a, a call ta a.
......
Adele chuan a kut chuan 1,2,3 tihnan a hmuh tir a, loud speaker ah Laptop chuan an dah nghal a....Adele chuan 3 a tih chiah chuan Mr Yosef chuan phone chu a pick up ta a.
" Hello.."
" Hello Yosef, i fanu hi nungdama ila hmuh duh chuan Nuclear Blue Print kha tuna ṭanga darkar hnihah Lal bagh ah min rawn pe dawn nia. Tin, RAW ho leh MOSSAD an tel chuan i fanu hi a ruang hlawm tur pawh i nei lovang!"
" Tu te nge in nih ka hre lova, mahse Nuclear Blue Print ka kawl lo, pawisa in a inrem theih lo'm ni?"
Neha chuan location a hmu fuh ta! Joseph nen chuan an inmelh nghal ralh a, Cubbon Park bul Hotel a ni tih an hre dun nghal a. An Silai an check nghal a.
" Sum kan mamawh lo, Nuclear Blue Print chu min rawn pek loh chuan, ( Sara chu an beng ṭhuai a ṭe ṭhawt a) "a ngaithlatu tan chuan thinlung ava na em!
" Kawl ka nei miah lo, siam chawp nan chuan darkar thum tal a ngai ang"
Phone lehlam a mi chu a ngawi vang vang a....
" Siam chawp rawh, mahse Uranium min pek tel loh chuan, i fanu hi kan chhuah thei lovang" Hussein chuan a rawn ti a.
" Uranium chu ruk chhuah a ngai dawn asin"
" I ru chhuak anga a ni mai, abak sawi tur a awm lo, Darkar nga hun kan pe ang che, i lo kalna tur chu hrilh leh i ni ang"
Phone chu a dah ta hmak a.
Joseph chuan, " Mr Walter min zui lo ula, a fuh zawk ang, chuan Mr Yosef a motor ah inlo biru zawk dawn nia. Nuclear Blue Print chu ka phone ah hian a awm a. Kha print la, a tak ang berin i ti dawn nia. Miss Adele, in Uranium kha kan hman rih ava ngaih hmel ve" a rawn ti ta tlat!
He pa hian hmuh hmaih a nei lo....
" Tin, Russian KGB pawhin India an rawn thleng a, fimkhur hle ang che u" ala ti ta deuh deuh a.
He RAW Agent hian hriat loh a nei miah lo, a mak a ni. Adele leh Walter chu an inmelh ha ringawt a.
Mrs Tamar chuan la kaltir a tum lo, " Mr... i ban kha ka lo tuam ṭha phawt ange, i chungah lawmthu sawisen loh kan ba a ni" a rawn ti a.
Joseph pawh chu a ngawi reng a. A kamis chu a phelh ta a. A taksa a awmbawr leh banbul invuah fuh em em mai chu Neha leh Adele chuan an thlir vang vang a. Kawr ha lo chuan a hmel ṭha zawk a ni. A taksa ah tatoo a nei miah lo, hmeichhe tan chuan thlir nin a har em a ni.
A kamis chu thisen chuan a bual hneh avang chuan hak chi a ni tawh lo. Mrs Tamar chuan Joseph hliam chu a dressing mawlh mawlh a, damdawi a hnawih sak a. Uluk deuh chuan a tuam ta a. Tuam a rem lo ngei mai! Mahse a zia hrim hrim a ni.
Mr Yosef chuan a kamis dum a rawn la a, Joseph chuan tlawmngaihna Chi a nilo tih a hria a. A ha ve ta a. A inhmeh kher mai! A pistol chu a holster ah chuan a dah leh ta a. Pahnih alo pai reng a ni.
Neha leh Adele chuan an thlir vawng vawng a. He Joseph hi eng chiah nge a nih. Walter lah khan min chhanhim tawh a ti bawk si...
Joseph chuan a phone chu ala a, Nuclear blue print pawh an la chhuak tawh a. Nuclear blue print alo nei ringawt pawh hi thilmak a ni ve tawh hrim hrim!
Number pakhat a be ta a," Raj....Bike chakber chi ka mamawh a ni, Shantiniketan ah ka awm, helmet pahnih nen .." a ti a, phone chu a dah ta a. Location a on sak ta a.
Walter chuan, " Mr Oberoi, in ruala ka lo kal hi a ṭha zawk lo maw?"
" Walter, Sniper ka call tawh a, Mr Yosef a bulah i awm a ngai a ni, Blue Print hi an check nghal chuan i cover a ngai anga, Miss Adele nen hian inveng hneh em em ang" a ti dam raih a. A english hman a nalh em em a.
Adele chuan, " Inhmuhna tur an rawn sawina ah khan Adele an rawn hruai ve lo mai thei asin! Zan a ni tawh si a."
" Miss, chutak chu a ni, tuna an location kan va kal a ngaihna chu....Sara hi keipawn an rawn hruai ka ring miah lo!" A ti ve ta a.
Walter hnenah chuan, " Ka motor hnungah khuan Sniper rifle a awm a, i mamawh chuan lo hmang ang che, mahse ila vat dawn nia, ka motor khu an rawn la ang ka nauten" a ti ta a.
Mrs Tamar chuan, " Eng tianga lawmthu sawitur nge ka hrethiam lo Mr..."
" Lawmthu sawi phuta hna thawk kan ni lo, kan tihtur kan ti mai ṭhin a ni"
Joseph hmel chu a thutak hle a. Mrs Tamar awmpuinu chuan Coffee a rawn pe a. Coffee chu an in ta a.
Miss Neha chuan, " Sir, motor kan nei si a, ti nge Bike kan mamawh a"
" Zawhna awmtak a ni miss Neha, Godown ah khan cctv kha a awm a, a tih chu ka ti chhia a, mahse kan motor kha an hmu hman thovang"a ti ta a. A va han chuktuah rem thiam kher em aw.
Coffee an inzawh chuan Miss Neha kan chuanna tur alo thleng a ti a. Pawnah chuan Bike a rawn ding nghal a. R15 dum alo ni. A rawn khalhtu chu a ngawi reng a.
Joseph bulah chuan a rawn phei a, chabi leh helmet a pe nghal a. Joseph pawh chuan motor chabi a pe ve nghal bawk a.Eng mah a sawi lo, sawi ve tur pawh a ni lo a ni!
Chu vaipa chuan Joseph te Bolero chu a khalh chhuak ta a. An thlir vang vang a.
Joseph chu Walter lam a hawi a, "Tihsual kan nei thiang lo a nia aw" a ti leh ngat a.
Miss Neha chu Helmet full face a pe a. Bike chu a start a, an tlan dun ta a.
Joseph chuan Cubbon park lam a pan pui hauh lo, Slum area a pan ta daih mai a.
" Sir, eng nge a awmzia?"
" Mihring kan mamawh belh, Hotela ISI ho chhaihbuai tur kan mamawh a ni" a ti ta daih a.
Slum area an thleng a, chulai vela an hotupa Shivaji in lam chu an pan zel a. An kalna kawng chu a zim hle a, Bike aleng ngawr ngawr a.Miss Neha chuan Joseph chu Bike khalh thiam a ti takzet a ni. An kalna chu an rawn hnawh ping nghal zel a, joseph chuan side glass aṭang chuan a thlir reng a. A nui var var a. Miss Neha chuan a pistol a vuan nghal hmak thung a. An tlan kual kawi khawp mai. A tawpah chuan Shivaji kawtah ngei chuan an va ding ta chat a.
Shiva a body guard te chuan an ralthuam an lek nghal suau a, Joseph lah chuan Helmet ala phelh der lo. A hawi kual a, a helmet a phelh ta...!
Shiva lam a hawi meuh chuan Shiva chu a rawn ding chhuak nghal a....
Joseph lam apan a, an in en a, Shiva chuan Joseph chu a rawn kuah ta nghal a( Vai inkuah, dar insi in)
" In hmanrua dah vek r'u, ka ṭhianpa Mr Oberoi a nih hi" tiin Shiva chuan a naute thu a pe nghal a.
Tin, an ṭhutna tur alak tir nghal a. Joseph chuan cigarette a phawrh a, Shiva a pe ve ta a. An zu dun ta vang vang a. Shiva hian thil pawimawh lovah Mr Oberoi in a pan ngai lo tih a hria a. Tuna Shiva dinhmun siamtu pawh hi Mr Oberoi tho a ni. A zah em em a, thih thleng pawhin a pui hreh lo...
Shiva a ṭawng ta....
" Sarji, eng nge mamawh i neih tak le?" tih pah chuan Joseph leh Neha chu a melh tawn a.
Joseph chuan a meizuk lai a hip kawk a,
" I mite sawm vel ka mamawh, min pui turin" a ti ta a.
" Keimah nen sawm pakhat, i mamawh chuan za(100) pawh kan tan an awm!"
" Shiva, sawm a tawk, a hlauhawm tlat!"
" Sarji, hna hlauhawm lo i thawk ngai em ni?"
A va tidik em! An nui dun ta rih a. Thingpui an rawn pe nghal a.Thingpui in pah chuan,
" Shiva, ram chhung buaina a ni lo! Israel nula bo kha i hria anga, khami chungchang kha a ni"
Neha chuan, " Sir" alo ti nghal a.
" Miss Neha, CBI lam ai chuan Shivaji a mi leh sa te hian helai velah hian thil an ti thei zawk, tin, ka unaupa a ni" a ti nghal a.
" Sarji, ka tel ve duh a ni"
" Shiva, a hlauhawm asin"
" Chung chu alawm nuam le!"
" Shiva, kan rei hman lo,darkar khat velah chuan Cubbon Park bula 5 star Hotelah buaina in siam a ngai a ni."
Shiva chuan a hrethiam hle a. A naute ho thu a pe a, a inthlakna tur nen lam an rawn pe nghal a.
Sumo pahnih ah chuan an chuang a, Shiva leh a hote chuan Hotel lam an pan ta a.
Bike a an tlan leh chiah chu...Neha chuan, " Sir....eng nge a awmzia?"
" Miss Neha, buaina an siam chhungin, Hotel kan luhchhuah ang." Tih zawng a sawi a.
Neha chuan Mr Oberoi a remruat dan mak ṭhin lutuk leh a ngaihtuah kim lutuk chu mak a ti zawk hial a. Hepa bula chatuana awm hi ava chak em!
Hotel lam an pan ve ta!
......
Russian KGB chuan Israel Embassy computer leh cctv hack an tum ve ta char char a. An thil bo hmuh let ngei an tum bur a ni. Tin, an mi umte Bio data an nei kim vek bawk a. Theihtawpin ram tan an thawk dawn a ni.
KGB pakhat chuan Israel Embassy cctv a hack thei ta hlauh mai!
.........
Mr Yosefa phone a rawn ri leh ta ral ral mai. Adele leh Walter an lo inring nghal a....
Mrs Tamar lah a lo phi cheng tawh...
Zanin hian a fanu a hmu let duh tawh a ni...
A ngaihtuah tawh em a ni. Nu te tana fate hlutzia chu sawi mai hian a fiah zo lo. Hmangaihna hi chhuk zawng hian a kal si a. Mrs Tamar chuan a fanu chu a ngaihtuah em em a. A hriat ngai loh te kutah a awm si .
M.LUSEI PALIAN
EPISODE-7
Sara chuan phone a hmang tih chu a mantute chuan an hre nghal a. Tin a awmna pawh chu cctv aṭang chuan chiang tak chuan alang nghal a. Eng thil emaw an tih a ngai a ni. Amah mantute hian tualchhung mi sual eng emaw zat an rawih belh a. Hlawh a ṭha si a, an hnial phal lo a ni.
Sara chu man lehnghal tura thupek anni a. Sara pawh ṭan alo khawh nasa a, apistol ken lai chuan alo tin a, a hmet ṭhin tak na a. A per thei miah lo, Pakistan siam a ni a, a lock a phelh lo tih a inhre lo a ni.
A pistol a per theih tak ngang lovah chuan tihngaihna awm hek lo le, a inpe leh ta nge nge a. An beng hawi sawk sawk a. A ka aṭang chuan thisen a chhuak zawih zawih a! An phuar leh ta mawlh mawlh a. An awmhmun an sawn ngei a ngai a ni. Chuti lo chu chhuichhuah an awl dawn tlat si a ni.
Arang thei ang berin an hnuhma an thup a, chulai hmun chu an chhuahsan dawn ta a. Chulai hmuna lokalte lo lambun tur chuan mi pasarih lai an dah a, ISI mi leh sa phei chu pahnih chiah an tel nghe nghe a. Sara rawn zawng turte an lo lambun thung dawn a ni.
Sara chu hmun dangah an hruai ta a. Heng a mantute hian motor pangngai hmang lovin Ambulance an hmang daih thung a! Anni pawh in tawmbo rihna tur an hre rih lo a ni.
.........
Rohan Sharma chuan a fin kherek chhuahin Ajad chu eng tin tin emaw ava la chhuak thei ta a. Pawnah Bike hun sak sa diam a ni. Ajad chuan a phone a en a, pan tur lam chu a hre ta a.
Ajad hi Sara ngaizawng tura tih a ni a, a hlawhtlin chuan Mr Yosef kar nan hman an tum a ni. Nuclear chungchang lam thil a tih tum an neih vang a ni. Mahse a hlawhtling thei si lova. ISI an hmanhmawh tawh si, an rawn che ta hmiah mai a ni.
Ajad chu a tlan char char a,Hotel pakhat bulah chuan Bike a dah a, Hotel chhunga Special room ah chuan a lut ta a. Chu hmunah chuan a pa leh mi pathum an lo awm a.
Ajada pa in Ajad a hmuh meuh chuan a beng hawi sawk mai...
" Engah mah i rintlak loh a nih hi!" tih zawng a sawi a. Ajad chuan ṭawngkam khatmah in a chhang ngam lo.
" Naktukah Pakistanah haw ang che" tih zawng a sawi a.
A haw thei a ngem le...
Chutih lai chuan Sara chu mit tuam sakin an awmna room ah chuan an rawn hnuk lut a... Ajad a lo ding zawt mai! Mahse apa in alo melh vak avang chuan a ṭhu leh ta nghal a.
Chu room ah chuan mi sawm pali vel an awm ta a. Ajada pa Hussein a hnenah chuan pakhat chuan tihian a rawn sawi ta a.
" Sirji, hmun tinah hual chep vek kan ni. RAW leh MOSSAD pawh an tel tlat tawh.... eng tin nge kan awm dawn?" Thlaphan hmel tak chuan a ti a.
Hussein chuan, " A ṭul a nih phawt chuan kan thihchilh ang " alo ti hmiah thung a.
An vai mai chuan an ngawi ṭhap mai a. Dawhkana Smart phone chu ala a. Mr Yosef a number chu a hmet a, a call ta a.
......
Adele chuan a kut chuan 1,2,3 tihnan a hmuh tir a, loud speaker ah Laptop chuan an dah nghal a....Adele chuan 3 a tih chiah chuan Mr Yosef chuan phone chu a pick up ta a.
" Hello.."
" Hello Yosef, i fanu hi nungdama ila hmuh duh chuan Nuclear Blue Print kha tuna ṭanga darkar hnihah Lal bagh ah min rawn pe dawn nia. Tin, RAW ho leh MOSSAD an tel chuan i fanu hi a ruang hlawm tur pawh i nei lovang!"
" Tu te nge in nih ka hre lova, mahse Nuclear Blue Print ka kawl lo, pawisa in a inrem theih lo'm ni?"
Neha chuan location a hmu fuh ta! Joseph nen chuan an inmelh nghal ralh a, Cubbon Park bul Hotel a ni tih an hre dun nghal a. An Silai an check nghal a.
" Sum kan mamawh lo, Nuclear Blue Print chu min rawn pek loh chuan, ( Sara chu an beng ṭhuai a ṭe ṭhawt a) "a ngaithlatu tan chuan thinlung ava na em!
" Kawl ka nei miah lo, siam chawp nan chuan darkar thum tal a ngai ang"
Phone lehlam a mi chu a ngawi vang vang a....
" Siam chawp rawh, mahse Uranium min pek tel loh chuan, i fanu hi kan chhuah thei lovang" Hussein chuan a rawn ti a.
" Uranium chu ruk chhuah a ngai dawn asin"
" I ru chhuak anga a ni mai, abak sawi tur a awm lo, Darkar nga hun kan pe ang che, i lo kalna tur chu hrilh leh i ni ang"
Phone chu a dah ta hmak a.
Joseph chuan, " Mr Walter min zui lo ula, a fuh zawk ang, chuan Mr Yosef a motor ah inlo biru zawk dawn nia. Nuclear Blue Print chu ka phone ah hian a awm a. Kha print la, a tak ang berin i ti dawn nia. Miss Adele, in Uranium kha kan hman rih ava ngaih hmel ve" a rawn ti ta tlat!
He pa hian hmuh hmaih a nei lo....
" Tin, Russian KGB pawhin India an rawn thleng a, fimkhur hle ang che u" ala ti ta deuh deuh a.
He RAW Agent hian hriat loh a nei miah lo, a mak a ni. Adele leh Walter chu an inmelh ha ringawt a.
Mrs Tamar chuan la kaltir a tum lo, " Mr... i ban kha ka lo tuam ṭha phawt ange, i chungah lawmthu sawisen loh kan ba a ni" a rawn ti a.
Joseph pawh chu a ngawi reng a. A kamis chu a phelh ta a. A taksa a awmbawr leh banbul invuah fuh em em mai chu Neha leh Adele chuan an thlir vang vang a. Kawr ha lo chuan a hmel ṭha zawk a ni. A taksa ah tatoo a nei miah lo, hmeichhe tan chuan thlir nin a har em a ni.
A kamis chu thisen chuan a bual hneh avang chuan hak chi a ni tawh lo. Mrs Tamar chuan Joseph hliam chu a dressing mawlh mawlh a, damdawi a hnawih sak a. Uluk deuh chuan a tuam ta a. Tuam a rem lo ngei mai! Mahse a zia hrim hrim a ni.
Mr Yosef chuan a kamis dum a rawn la a, Joseph chuan tlawmngaihna Chi a nilo tih a hria a. A ha ve ta a. A inhmeh kher mai! A pistol chu a holster ah chuan a dah leh ta a. Pahnih alo pai reng a ni.
Neha leh Adele chuan an thlir vawng vawng a. He Joseph hi eng chiah nge a nih. Walter lah khan min chhanhim tawh a ti bawk si...
Joseph chuan a phone chu ala a, Nuclear blue print pawh an la chhuak tawh a. Nuclear blue print alo nei ringawt pawh hi thilmak a ni ve tawh hrim hrim!
Number pakhat a be ta a," Raj....Bike chakber chi ka mamawh a ni, Shantiniketan ah ka awm, helmet pahnih nen .." a ti a, phone chu a dah ta a. Location a on sak ta a.
Walter chuan, " Mr Oberoi, in ruala ka lo kal hi a ṭha zawk lo maw?"
" Walter, Sniper ka call tawh a, Mr Yosef a bulah i awm a ngai a ni, Blue Print hi an check nghal chuan i cover a ngai anga, Miss Adele nen hian inveng hneh em em ang" a ti dam raih a. A english hman a nalh em em a.
Adele chuan, " Inhmuhna tur an rawn sawina ah khan Adele an rawn hruai ve lo mai thei asin! Zan a ni tawh si a."
" Miss, chutak chu a ni, tuna an location kan va kal a ngaihna chu....Sara hi keipawn an rawn hruai ka ring miah lo!" A ti ve ta a.
Walter hnenah chuan, " Ka motor hnungah khuan Sniper rifle a awm a, i mamawh chuan lo hmang ang che, mahse ila vat dawn nia, ka motor khu an rawn la ang ka nauten" a ti ta a.
Mrs Tamar chuan, " Eng tianga lawmthu sawitur nge ka hrethiam lo Mr..."
" Lawmthu sawi phuta hna thawk kan ni lo, kan tihtur kan ti mai ṭhin a ni"
Joseph hmel chu a thutak hle a. Mrs Tamar awmpuinu chuan Coffee a rawn pe a. Coffee chu an in ta a.
Miss Neha chuan, " Sir, motor kan nei si a, ti nge Bike kan mamawh a"
" Zawhna awmtak a ni miss Neha, Godown ah khan cctv kha a awm a, a tih chu ka ti chhia a, mahse kan motor kha an hmu hman thovang"a ti ta a. A va han chuktuah rem thiam kher em aw.
Coffee an inzawh chuan Miss Neha kan chuanna tur alo thleng a ti a. Pawnah chuan Bike a rawn ding nghal a. R15 dum alo ni. A rawn khalhtu chu a ngawi reng a.
Joseph bulah chuan a rawn phei a, chabi leh helmet a pe nghal a. Joseph pawh chuan motor chabi a pe ve nghal bawk a.Eng mah a sawi lo, sawi ve tur pawh a ni lo a ni!
Chu vaipa chuan Joseph te Bolero chu a khalh chhuak ta a. An thlir vang vang a.
Joseph chu Walter lam a hawi a, "Tihsual kan nei thiang lo a nia aw" a ti leh ngat a.
Miss Neha chu Helmet full face a pe a. Bike chu a start a, an tlan dun ta a.
Joseph chuan Cubbon park lam a pan pui hauh lo, Slum area a pan ta daih mai a.
" Sir, eng nge a awmzia?"
" Mihring kan mamawh belh, Hotela ISI ho chhaihbuai tur kan mamawh a ni" a ti ta daih a.
Slum area an thleng a, chulai vela an hotupa Shivaji in lam chu an pan zel a. An kalna kawng chu a zim hle a, Bike aleng ngawr ngawr a.Miss Neha chuan Joseph chu Bike khalh thiam a ti takzet a ni. An kalna chu an rawn hnawh ping nghal zel a, joseph chuan side glass aṭang chuan a thlir reng a. A nui var var a. Miss Neha chuan a pistol a vuan nghal hmak thung a. An tlan kual kawi khawp mai. A tawpah chuan Shivaji kawtah ngei chuan an va ding ta chat a.
Shiva a body guard te chuan an ralthuam an lek nghal suau a, Joseph lah chuan Helmet ala phelh der lo. A hawi kual a, a helmet a phelh ta...!
Shiva lam a hawi meuh chuan Shiva chu a rawn ding chhuak nghal a....
Joseph lam apan a, an in en a, Shiva chuan Joseph chu a rawn kuah ta nghal a( Vai inkuah, dar insi in)
" In hmanrua dah vek r'u, ka ṭhianpa Mr Oberoi a nih hi" tiin Shiva chuan a naute thu a pe nghal a.
Tin, an ṭhutna tur alak tir nghal a. Joseph chuan cigarette a phawrh a, Shiva a pe ve ta a. An zu dun ta vang vang a. Shiva hian thil pawimawh lovah Mr Oberoi in a pan ngai lo tih a hria a. Tuna Shiva dinhmun siamtu pawh hi Mr Oberoi tho a ni. A zah em em a, thih thleng pawhin a pui hreh lo...
Shiva a ṭawng ta....
" Sarji, eng nge mamawh i neih tak le?" tih pah chuan Joseph leh Neha chu a melh tawn a.
Joseph chuan a meizuk lai a hip kawk a,
" I mite sawm vel ka mamawh, min pui turin" a ti ta a.
" Keimah nen sawm pakhat, i mamawh chuan za(100) pawh kan tan an awm!"
" Shiva, sawm a tawk, a hlauhawm tlat!"
" Sarji, hna hlauhawm lo i thawk ngai em ni?"
A va tidik em! An nui dun ta rih a. Thingpui an rawn pe nghal a.Thingpui in pah chuan,
" Shiva, ram chhung buaina a ni lo! Israel nula bo kha i hria anga, khami chungchang kha a ni"
Neha chuan, " Sir" alo ti nghal a.
" Miss Neha, CBI lam ai chuan Shivaji a mi leh sa te hian helai velah hian thil an ti thei zawk, tin, ka unaupa a ni" a ti nghal a.
" Sarji, ka tel ve duh a ni"
" Shiva, a hlauhawm asin"
" Chung chu alawm nuam le!"
" Shiva, kan rei hman lo,darkar khat velah chuan Cubbon Park bula 5 star Hotelah buaina in siam a ngai a ni."
Shiva chuan a hrethiam hle a. A naute ho thu a pe a, a inthlakna tur nen lam an rawn pe nghal a.
Sumo pahnih ah chuan an chuang a, Shiva leh a hote chuan Hotel lam an pan ta a.
Bike a an tlan leh chiah chu...Neha chuan, " Sir....eng nge a awmzia?"
" Miss Neha, buaina an siam chhungin, Hotel kan luhchhuah ang." Tih zawng a sawi a.
Neha chuan Mr Oberoi a remruat dan mak ṭhin lutuk leh a ngaihtuah kim lutuk chu mak a ti zawk hial a. Hepa bula chatuana awm hi ava chak em!
Hotel lam an pan ve ta!
......
Russian KGB chuan Israel Embassy computer leh cctv hack an tum ve ta char char a. An thil bo hmuh let ngei an tum bur a ni. Tin, an mi umte Bio data an nei kim vek bawk a. Theihtawpin ram tan an thawk dawn a ni.
KGB pakhat chuan Israel Embassy cctv a hack thei ta hlauh mai!
.........
Mr Yosefa phone a rawn ri leh ta ral ral mai. Adele leh Walter an lo inring nghal a....
Mrs Tamar lah a lo phi cheng tawh...
Zanin hian a fanu a hmu let duh tawh a ni...
A ngaihtuah tawh em a ni. Nu te tana fate hlutzia chu sawi mai hian a fiah zo lo. Hmangaihna hi chhuk zawng hian a kal si a. Mrs Tamar chuan a fanu chu a ngaihtuah em em a. A hriat ngai loh te kutah a awm si .
Comments
Post a Comment