THE CONDEMN Episode-5
THE CONDEMN
M.LUSEI PALIAN
EPISODE-5
( Ka thawnthu te hi, link tel lo hian group hrang hrangah ka hmu leh nawlh ṭhin a. A chang chuan ka hnual ve rawih ṭhin! Mahse thil ṭha lo ti tu te avang hian indawm kun thiang ka ni lo, hmalam ka pan a ngai!
Tin, ka thawnthu min hlutsak tute hi ka tan inva hlu ngai em! A hnuaia mi kha min click sak hram zel dawn nia. In tan a ni e.)
Sara chu chaw an rawn pe ta a. A mit tuamna an phelh chiah chu a mit a vai rum rum mai a. A khap sak sak a, a mit vai a zia ta deuh a. A vengtute chu a enkual a, panga an lo ni a, a thlir kual a.
Chaw eitur ang tak chuan a kun hniam a, a kut phuarna an phelh sak a.
" In thiar ka duh "a ti ta a.
A vengtute chu an inrawn a, Hindi pangngai an hmang lo tih chu a hre ve thei nghal a.
A vengtu pakhat chuan a ke phuarna chu a rawn phelhsak ta a. Inthiarna lam chu a vengtu pahnih te chuan an panpui ta a. Chu chu Sara chan ber a ni. Toilet ah chuan a lut ta a.
Sara chuan a chungah eng pawh thleng dawn se, pawi a ti tawh lo, a theih ang ang a, chet lak a tum a ni. A inphihfai ta a, a rilru zawng zawngin YEHWEH hnenah chuan a ṭawngṭai a. Toilet aṭang chuan a chhuak ta a.
A chhuak chiah chu a vengtu pakhat chu a kap ah na thei ang berin a pet a. A kun ngaih mai!Pakhat zawk chu Toilet kawngka chu a tauh tir bur a, a pistol leh a phone alaksak a. An dahna Godown lianpui ah chuan phen tur zawngin a biru nghal a. Phone chu ala a, a ma number chu a call nghal a. Rin aiin an la har tlat! A tawpah chuan a nu chuan a la ta a.
" Mom, min dahna hi Rel kawng aṭangin a hla lo, hei Godown lianpui ah ka awm..."
" Sara..Sara...eng tin nge i awm..!"
"Ka rin dan chuan...."
Phone a tawp ta. Sara hian Computer leh Technology thiam takin a awmchilh tih a hre pha lo a ni.Tin, cctv in a awmna a cover vek tih a hre lo atin ni! Rang taka hual nghal a ni a. Pistol keng ve mahse a hualtu an tam em avang chuan inpe lo thei lo dinhmun ah a ding ta si.
Mahse a thinlung a hlim thung a ni.
Sara chu an beng nawk nawk a, an phuar lehnghal a. A hnar aṭang chuan thisen a chhuak zawih zawih a.
........
Sara phone a rik chiah chuan JOSEPH chuan "Loud Speaker ah" a rawn ti nghal a.
Mrs Tamar chuan phone chu a pick up ta a...
Neha chuan alo trace a, mahse a rei lo lulai em a, location a hre chiang hman lo!
Mrs Tamar leh Mr Yosef an phi cheng mai...
"Miss Neha, railway aṭanga hla lo Mall emaw Godown hlui emaw lo search teh aw....?
Mrs Tamar tlaia i Mossad va hmuh te kha call teh, FBI khan min pui bawk se!" A ti nghal a.
Mrs Tamar chuan Mr J.Oberoi chu mak a ti hle a, eng tin nge a hriat theih chu le, hepa hi Indian a ni lo, a fing lutuk tlat! Mossad mi leh sa ni awm a ni. A ka ho ringawt mai a ni.
" Hmanhmawh rawh... Sara awmna kha an sawn dawn tih ka hria" a ti ta a.
"Mr Yosef, zanin hian kan rawn hmu duh che, Neha kal ang, Bengaluru East kan pan ang, CBI kha kan pan ang, Platform no-2 ah CBI kan tir ange" Joseph chuan a ti a.
Mrs Tamar chuan a Silai a pai nghal a, a rawn ding ve nghal zat a.
Miss Neha chuan, " Ofeka i awmpui a ngai a ni, min zui suh, a hlauhawm lutuk.... MOSSAD ho chu chanchin hrilh rawh" a ti ve ta a.
Mrs Tamar chuan, " Kan inchhungah hian Mossad an awm reng an veng hneh em em ang a ti thung a" rawn kal ve thol chu a tum a.
Joseph pawh chuan a dang duh bik lo,a inveng ve thei tawk tih a hria a ni.
Mr Yosef chuan alo thlir vung vung ringawt a! Hmanhmawh tawkin an chhuak a, Bolero dum ah chuan an chuang a. Chennai road lam pan chuan Ramhuai Speed chuan an tlan nghal a. Joseph chuan Motora phone a on a, CBI te Chennai road leh ISKCON temple bula awm turin a ti nghal a. KA police ho pawh request rawh u. Tiin thu a pe zung zung a.Chitih lai chuan Mrs Tamar pawh chuan Adele te chu a be nghal a.
Neha chuan " Ka hmu e, " a rawn ti chhuak ta.
Joseph chuan a bih zuai a. Chak thei ang ber chuan an tlan a.
" Mrs Tamar, Miss Neha kan ṭhelh thiang lo, ISI an ni tih hrereng ang che u, an ni pawh min ṭhelh an tum dawn lo, kilometre 3 chiah a awm tawh, hmanrua check r'u" a ti a.
Neha chuan "Sniper pahnih ka chah a nia" a rawn ti a.
" Kan hmang ṭangkai hman lovang, RAW a Ajay kha KSR City Railway Station thlithlai turin lo va ti rawh, " Joseph chuan a ti a.
Neha chuan Phone leh Laptop chu a hmang zung zung a, Chutiang khawpa ngaihtuahna chak chu Mrs Tamar chuan mak a ti a. India mi a nih a ring lo telh telh a.
" Mrs Tamar, Mr Yosef hi Nuclear Scientist a ni a, eng vanga bansan nge a nih" a ti ta thut mai a.
" Company rochuntu a ni a, a enkawl a ngai si a" a ti chuai raih a.
Mr Yosef hi nuclear chungchangah a hming alang ngai miah si lova, Joseph in a rawn hre nalh mai chu mak a ti a ni.
Mrs Tamar chuan he agent RAW pa hi mak a ti telh telh mai! Eng ang mi chiah nge a nih le? Heti em em a, an chanchin rawn hre mai chu aw.....
CBI pawh khan an rawn zawt miah lo kha a ni a.
Hepa hian eng kim a rawn hre vek lawi si! A pasal Nuclear Scientist a ni tih te thlengin a hre bawk si.
Tin, a fanu rubo tute hi Bangalore gang mai mai an ni lo tih a rawn ring thiam nghal a. Pakistan ISI a rawn ring nghal hmiah mai te hi mak a ti a ni.
He J.OBEROI hi eng chiah nge a nih? Ala hrechiang lo mai mai a ni....!
Joseph chuan Bolero chu hmun remchang laiah a dah a, chennai Road Old Godown chu an thleng a. Corromandel Coast Ship Available tih hi alo intar a. Joseph chuan motor desk board a, chips chu ala a.
" Alpha-1 satellite off teh u, Mr. Oberoi" tih zawng a sawi a.
Thuneitute chuan an rawn off nghal a. Phone chu an hmang thei lo nghal a.
" Mr Oberoi, kan luhchhuah dawn em ni?"
" Saw lai gate ah sawn lo awm ula,Mrs Tamar nen....
I sana kha en la, ka location i hmu zel ang." tihpah chuan Joseph chu a chhuak nghal a.
Chutih lai chuan Adele leh Walter an rawn thleng ve chiah bawk a. Mrs Tamar chu a thawveng hawk a. Adele te bulah chuan a phei ta a. A Baretta chu a check nghal a. Neha chuan a ri thupna Silencer / Condenser chu Mrs Tamar chu a va thehphei sak nghal a...
Joseph chuan Godown bang chu bawlhhlawh bawm chuan ava vawm vak a, a bawkkhup nghal hmak a.
Arin ang ngei chuan, Silai chu a rawn puak nghal zawt zawt mai! Silai ri a han deuh chuan a va vawm leh vak a....
Walter chu zaizir in amah zui tur chuan a hui a, an leh luh dawn a ni.
Joseph chu a hawi kual a, a piah deuh a Pulser 150 chu a hmu nghal a. A bulah ava kal a, chu bike chu a direct a. A tinung ta vak vak mai! Bullet proof jacket a ha a. Walter chu a rawn melh a.
" Min rawn cover ang che" tih zawng a sawi a.
Bike chu a khalh ta a. Darthlalang awmna laiah chuan a thlawh hian a thlawk lut nghal a. Waltera pawh chuan tlan chungin Joseph a darthlalang sut keh ah chuan a zuang lut ve ta nghal a.
Silai chu a ri nghal zawt zawt a. Joseph chu a let phei nawk nawk a. Phen tur remchang chu a hmu ta a. A pistol a phawrh ta a. Silai rikna apiang chu a rin kah mial mial a. Fuh a mual mual pawh a nei!
Walter a pawh chuan a rawn thal phei phak phak a. Joseph chuan hma a hruai char char a. Waltera chuan a rawn thal phei phak phak thung a.
Silai ri a han ta....
Room pakhat hawn theih loh a nei tlat! A jacket ipte a zen a. Opening bomb chu a fit hmiah a.
Walter chuan alo en reng a. Second 10 in a set hmak mai.
......
Pawn lama tlanchhuak te chu Adele leh Neha chuan an lo thal phak phak a...
Mrs Tamar chuan, " Kap hlum vek lo teh u" a lo ti tham ṭiak a.
Neha chuan a lo chhuak hnuhnung ber chu a banah leh a khup ah a lo kap a.
An motor awmna bulah a hnuk phei ta a. Thu zawh fiahah an duh a ni. A dik reng a ni.
Mrs Tamar a insum thei lo! Chu hel chu a ke a hliam hnuhma ah ngei chuan a rah sak a.
" Khawnge..ka fanu a awm!" A awka chuan hremhmun rim a nam mah mah zawk a ni.
Mahse English a hmang a, a mi zawhpa chuan chhan a tum hmel loh hle mai.
Adele chu a chek tlak tlak a, Neha thin chuan a tuar ta ngang lo. A kut lehlamah chuan a kap leh hmak a. Hindi chuan Sara awmna chu a zawt a.
Chu pa chu ala ngawi reng thung a. Neha chuan a dap mawlh mawlh a, a phone chu a laksak nghal a. An motor hnungah chuan dim lo baksakin a thehlut hmiah a.
Josepha'n a dawp meuh chuan a ṭawng awm e mai!
...........
Chu kawngka chu Bomb puakah chuan a inhawng a, Joseph chu a lum lut nghal a, Walter pawh a rawn tlan lut nghal a.
Mahse tumah reng an awm lo! Mak tak a ni, tumah an awm lo.
Joseph chuan an sawn hman a ni tih a hrethiam nghal a. Mahse cctv hian a cover hman ngei ngei tur a ni.
Mahse Joseph khan a off tir hman si a, chu strong room hmunhma chu a thlir ta ringawt a.
Waltera chuan a hmaikawr a rawn hlip a. Joseph bulah chuan a rawn ding a.
" Shit....nang elo Walter...
FBI lam ka lo beisei lo asi n"
" Mossad pui tura tirh ka ni " tihzawng chuan Walter chuan a chhang a.
Chu room chu an fang dun ta a. An inring dun em em a, mahse tumah an awm lo!
Pakistan ISI hi an insa seng hman tlat!
Joseph chu a ngawi reng a, ISI hian CBI thurual pui an nei a nih a ring ta tlat mai!
Sara an phuarna hnuhma leh a thisen bua te chu an hmu a. Chutih lai tak chuan KA police te, dim em em in an rawn lut ve a. Walter leh Joseph chu an in melh a, an nui sak ringawt a.
Joseph chuan chips pakhat a phawrh a, Satellite on turin thu a pe ta nghal a. Headquarters lam pawn an rawn on nghal a.
Chung police ngalsang tak tak te chuan ban phar turin thu an rawn pe nghal a.
Walter leh Joseph chuan an phar ve mai a. Mahse Joseph chuan, " Ngawi lawk aw" tih pah chuan a ID a phawrh a. A hmuh tir nghal a.
Chung police chuan ngaihdam an dil nghal a.
Joseph chuan police hnenah chuan lo la daidar rih lo tur chuan an hotupa hnenah chuan a hrilh a. An hnuhma chu uluk fe chuan a thlir ta a.
Hmanhmawh taka chhuahsan an ni tihbak a hriat belh bik lo. Sara an phuarna ni a, a rin leh thisen khar ro tawh chu a khawm ru zeuh a.
KA Police chuan Walter chu thu an lo zawt mek a .
" Kal ang le" Joseph chuan a ti a. Walter chu a chhuahpui ta daih a.
.......
Mrs Tamar chuan JOSEPH leh Walter lo chhuak a hmuh chuan, an bulah a tlan phei a.
" Khawnge Sara?...Mawh khawnge Sara ka naute chu....?"
Zawhna chhan harsa tak ava ni em!
M.LUSEI PALIAN
EPISODE-5
( Ka thawnthu te hi, link tel lo hian group hrang hrangah ka hmu leh nawlh ṭhin a. A chang chuan ka hnual ve rawih ṭhin! Mahse thil ṭha lo ti tu te avang hian indawm kun thiang ka ni lo, hmalam ka pan a ngai!
Tin, ka thawnthu min hlutsak tute hi ka tan inva hlu ngai em! A hnuaia mi kha min click sak hram zel dawn nia. In tan a ni e.)
Sara chu chaw an rawn pe ta a. A mit tuamna an phelh chiah chu a mit a vai rum rum mai a. A khap sak sak a, a mit vai a zia ta deuh a. A vengtute chu a enkual a, panga an lo ni a, a thlir kual a.
Chaw eitur ang tak chuan a kun hniam a, a kut phuarna an phelh sak a.
" In thiar ka duh "a ti ta a.
A vengtute chu an inrawn a, Hindi pangngai an hmang lo tih chu a hre ve thei nghal a.
A vengtu pakhat chuan a ke phuarna chu a rawn phelhsak ta a. Inthiarna lam chu a vengtu pahnih te chuan an panpui ta a. Chu chu Sara chan ber a ni. Toilet ah chuan a lut ta a.
Sara chuan a chungah eng pawh thleng dawn se, pawi a ti tawh lo, a theih ang ang a, chet lak a tum a ni. A inphihfai ta a, a rilru zawng zawngin YEHWEH hnenah chuan a ṭawngṭai a. Toilet aṭang chuan a chhuak ta a.
A chhuak chiah chu a vengtu pakhat chu a kap ah na thei ang berin a pet a. A kun ngaih mai!Pakhat zawk chu Toilet kawngka chu a tauh tir bur a, a pistol leh a phone alaksak a. An dahna Godown lianpui ah chuan phen tur zawngin a biru nghal a. Phone chu ala a, a ma number chu a call nghal a. Rin aiin an la har tlat! A tawpah chuan a nu chuan a la ta a.
" Mom, min dahna hi Rel kawng aṭangin a hla lo, hei Godown lianpui ah ka awm..."
" Sara..Sara...eng tin nge i awm..!"
"Ka rin dan chuan...."
Phone a tawp ta. Sara hian Computer leh Technology thiam takin a awmchilh tih a hre pha lo a ni.Tin, cctv in a awmna a cover vek tih a hre lo atin ni! Rang taka hual nghal a ni a. Pistol keng ve mahse a hualtu an tam em avang chuan inpe lo thei lo dinhmun ah a ding ta si.
Mahse a thinlung a hlim thung a ni.
Sara chu an beng nawk nawk a, an phuar lehnghal a. A hnar aṭang chuan thisen a chhuak zawih zawih a.
........
Sara phone a rik chiah chuan JOSEPH chuan "Loud Speaker ah" a rawn ti nghal a.
Mrs Tamar chuan phone chu a pick up ta a...
Neha chuan alo trace a, mahse a rei lo lulai em a, location a hre chiang hman lo!
Mrs Tamar leh Mr Yosef an phi cheng mai...
"Miss Neha, railway aṭanga hla lo Mall emaw Godown hlui emaw lo search teh aw....?
Mrs Tamar tlaia i Mossad va hmuh te kha call teh, FBI khan min pui bawk se!" A ti nghal a.
Mrs Tamar chuan Mr J.Oberoi chu mak a ti hle a, eng tin nge a hriat theih chu le, hepa hi Indian a ni lo, a fing lutuk tlat! Mossad mi leh sa ni awm a ni. A ka ho ringawt mai a ni.
" Hmanhmawh rawh... Sara awmna kha an sawn dawn tih ka hria" a ti ta a.
"Mr Yosef, zanin hian kan rawn hmu duh che, Neha kal ang, Bengaluru East kan pan ang, CBI kha kan pan ang, Platform no-2 ah CBI kan tir ange" Joseph chuan a ti a.
Mrs Tamar chuan a Silai a pai nghal a, a rawn ding ve nghal zat a.
Miss Neha chuan, " Ofeka i awmpui a ngai a ni, min zui suh, a hlauhawm lutuk.... MOSSAD ho chu chanchin hrilh rawh" a ti ve ta a.
Mrs Tamar chuan, " Kan inchhungah hian Mossad an awm reng an veng hneh em em ang a ti thung a" rawn kal ve thol chu a tum a.
Joseph pawh chuan a dang duh bik lo,a inveng ve thei tawk tih a hria a ni.
Mr Yosef chuan alo thlir vung vung ringawt a! Hmanhmawh tawkin an chhuak a, Bolero dum ah chuan an chuang a. Chennai road lam pan chuan Ramhuai Speed chuan an tlan nghal a. Joseph chuan Motora phone a on a, CBI te Chennai road leh ISKCON temple bula awm turin a ti nghal a. KA police ho pawh request rawh u. Tiin thu a pe zung zung a.Chitih lai chuan Mrs Tamar pawh chuan Adele te chu a be nghal a.
Neha chuan " Ka hmu e, " a rawn ti chhuak ta.
Joseph chuan a bih zuai a. Chak thei ang ber chuan an tlan a.
" Mrs Tamar, Miss Neha kan ṭhelh thiang lo, ISI an ni tih hrereng ang che u, an ni pawh min ṭhelh an tum dawn lo, kilometre 3 chiah a awm tawh, hmanrua check r'u" a ti a.
Neha chuan "Sniper pahnih ka chah a nia" a rawn ti a.
" Kan hmang ṭangkai hman lovang, RAW a Ajay kha KSR City Railway Station thlithlai turin lo va ti rawh, " Joseph chuan a ti a.
Neha chuan Phone leh Laptop chu a hmang zung zung a, Chutiang khawpa ngaihtuahna chak chu Mrs Tamar chuan mak a ti a. India mi a nih a ring lo telh telh a.
" Mrs Tamar, Mr Yosef hi Nuclear Scientist a ni a, eng vanga bansan nge a nih" a ti ta thut mai a.
" Company rochuntu a ni a, a enkawl a ngai si a" a ti chuai raih a.
Mr Yosef hi nuclear chungchangah a hming alang ngai miah si lova, Joseph in a rawn hre nalh mai chu mak a ti a ni.
Mrs Tamar chuan he agent RAW pa hi mak a ti telh telh mai! Eng ang mi chiah nge a nih le? Heti em em a, an chanchin rawn hre mai chu aw.....
CBI pawh khan an rawn zawt miah lo kha a ni a.
Hepa hian eng kim a rawn hre vek lawi si! A pasal Nuclear Scientist a ni tih te thlengin a hre bawk si.
Tin, a fanu rubo tute hi Bangalore gang mai mai an ni lo tih a rawn ring thiam nghal a. Pakistan ISI a rawn ring nghal hmiah mai te hi mak a ti a ni.
He J.OBEROI hi eng chiah nge a nih? Ala hrechiang lo mai mai a ni....!
Joseph chuan Bolero chu hmun remchang laiah a dah a, chennai Road Old Godown chu an thleng a. Corromandel Coast Ship Available tih hi alo intar a. Joseph chuan motor desk board a, chips chu ala a.
" Alpha-1 satellite off teh u, Mr. Oberoi" tih zawng a sawi a.
Thuneitute chuan an rawn off nghal a. Phone chu an hmang thei lo nghal a.
" Mr Oberoi, kan luhchhuah dawn em ni?"
" Saw lai gate ah sawn lo awm ula,Mrs Tamar nen....
I sana kha en la, ka location i hmu zel ang." tihpah chuan Joseph chu a chhuak nghal a.
Chutih lai chuan Adele leh Walter an rawn thleng ve chiah bawk a. Mrs Tamar chu a thawveng hawk a. Adele te bulah chuan a phei ta a. A Baretta chu a check nghal a. Neha chuan a ri thupna Silencer / Condenser chu Mrs Tamar chu a va thehphei sak nghal a...
Joseph chuan Godown bang chu bawlhhlawh bawm chuan ava vawm vak a, a bawkkhup nghal hmak a.
Arin ang ngei chuan, Silai chu a rawn puak nghal zawt zawt mai! Silai ri a han deuh chuan a va vawm leh vak a....
Walter chu zaizir in amah zui tur chuan a hui a, an leh luh dawn a ni.
Joseph chu a hawi kual a, a piah deuh a Pulser 150 chu a hmu nghal a. A bulah ava kal a, chu bike chu a direct a. A tinung ta vak vak mai! Bullet proof jacket a ha a. Walter chu a rawn melh a.
" Min rawn cover ang che" tih zawng a sawi a.
Bike chu a khalh ta a. Darthlalang awmna laiah chuan a thlawh hian a thlawk lut nghal a. Waltera pawh chuan tlan chungin Joseph a darthlalang sut keh ah chuan a zuang lut ve ta nghal a.
Silai chu a ri nghal zawt zawt a. Joseph chu a let phei nawk nawk a. Phen tur remchang chu a hmu ta a. A pistol a phawrh ta a. Silai rikna apiang chu a rin kah mial mial a. Fuh a mual mual pawh a nei!
Walter a pawh chuan a rawn thal phei phak phak a. Joseph chuan hma a hruai char char a. Waltera chuan a rawn thal phei phak phak thung a.
Silai ri a han ta....
Room pakhat hawn theih loh a nei tlat! A jacket ipte a zen a. Opening bomb chu a fit hmiah a.
Walter chuan alo en reng a. Second 10 in a set hmak mai.
......
Pawn lama tlanchhuak te chu Adele leh Neha chuan an lo thal phak phak a...
Mrs Tamar chuan, " Kap hlum vek lo teh u" a lo ti tham ṭiak a.
Neha chuan a lo chhuak hnuhnung ber chu a banah leh a khup ah a lo kap a.
An motor awmna bulah a hnuk phei ta a. Thu zawh fiahah an duh a ni. A dik reng a ni.
Mrs Tamar a insum thei lo! Chu hel chu a ke a hliam hnuhma ah ngei chuan a rah sak a.
" Khawnge..ka fanu a awm!" A awka chuan hremhmun rim a nam mah mah zawk a ni.
Mahse English a hmang a, a mi zawhpa chuan chhan a tum hmel loh hle mai.
Adele chu a chek tlak tlak a, Neha thin chuan a tuar ta ngang lo. A kut lehlamah chuan a kap leh hmak a. Hindi chuan Sara awmna chu a zawt a.
Chu pa chu ala ngawi reng thung a. Neha chuan a dap mawlh mawlh a, a phone chu a laksak nghal a. An motor hnungah chuan dim lo baksakin a thehlut hmiah a.
Josepha'n a dawp meuh chuan a ṭawng awm e mai!
...........
Chu kawngka chu Bomb puakah chuan a inhawng a, Joseph chu a lum lut nghal a, Walter pawh a rawn tlan lut nghal a.
Mahse tumah reng an awm lo! Mak tak a ni, tumah an awm lo.
Joseph chuan an sawn hman a ni tih a hrethiam nghal a. Mahse cctv hian a cover hman ngei ngei tur a ni.
Mahse Joseph khan a off tir hman si a, chu strong room hmunhma chu a thlir ta ringawt a.
Waltera chuan a hmaikawr a rawn hlip a. Joseph bulah chuan a rawn ding a.
" Shit....nang elo Walter...
FBI lam ka lo beisei lo asi n"
" Mossad pui tura tirh ka ni " tihzawng chuan Walter chuan a chhang a.
Chu room chu an fang dun ta a. An inring dun em em a, mahse tumah an awm lo!
Pakistan ISI hi an insa seng hman tlat!
Joseph chu a ngawi reng a, ISI hian CBI thurual pui an nei a nih a ring ta tlat mai!
Sara an phuarna hnuhma leh a thisen bua te chu an hmu a. Chutih lai tak chuan KA police te, dim em em in an rawn lut ve a. Walter leh Joseph chu an in melh a, an nui sak ringawt a.
Joseph chuan chips pakhat a phawrh a, Satellite on turin thu a pe ta nghal a. Headquarters lam pawn an rawn on nghal a.
Chung police ngalsang tak tak te chuan ban phar turin thu an rawn pe nghal a.
Walter leh Joseph chuan an phar ve mai a. Mahse Joseph chuan, " Ngawi lawk aw" tih pah chuan a ID a phawrh a. A hmuh tir nghal a.
Chung police chuan ngaihdam an dil nghal a.
Joseph chuan police hnenah chuan lo la daidar rih lo tur chuan an hotupa hnenah chuan a hrilh a. An hnuhma chu uluk fe chuan a thlir ta a.
Hmanhmawh taka chhuahsan an ni tihbak a hriat belh bik lo. Sara an phuarna ni a, a rin leh thisen khar ro tawh chu a khawm ru zeuh a.
KA Police chuan Walter chu thu an lo zawt mek a .
" Kal ang le" Joseph chuan a ti a. Walter chu a chhuahpui ta daih a.
.......
Mrs Tamar chuan JOSEPH leh Walter lo chhuak a hmuh chuan, an bulah a tlan phei a.
" Khawnge Sara?...Mawh khawnge Sara ka naute chu....?"
Zawhna chhan harsa tak ava ni em!
Comments
Post a Comment