THE CONDEMN Episode 4
THE CONDEMN
M.LUSEI PALIAN
EPISODE-4
Adele leh Walter chu Embassy a awm reng thei an ni lova. Tlai lamah chuan Hotel thlenna tur an lo book tawh sa ah chuan an insawn phei ta a. Files pawimawh an nei fel tawh a, tin location zawng zawng phone ah an set up sa tawh bawk a. Zan tir aṭangin chet chhuah an tum a.The Lalit Ashok Hotel ( 5 star) ah chuan an ṭhu dun a. Hmalak ṭan dan tur an sawi dun a. MG road lam pan hmasak an tum a ni. Sara bo ṭanna hmun an tlawh hmasa ber ang a. Chumi dawtah chuan Sara ṭhiante thu an zawt fiah leh ang. An silai an check vek a, a ri thupna an vuah sa bawk a. A theih ang ang a, hmalak nghal miah miah an tum a ni. Walter chuan room a check vek a. A rukin Camera a vuah vek bawk a. An thil pawimawh chu code hmangin a dah a, lo khawih palh an awm chuan a puak mai dawn a ni. Khua a thim har an ti hle tawh a ni. Fai veng vawngin an inbual a, South India mite inchei angin an inchei hmak thung a. An che ṭan tak tak dawn ta. A ṭul hunah Mossad leh FBI puitu tur an nei a. An zam hauh lo!
......
Mrs Tamar chu an in-ah chuan a ṭhu vang vang a. A thaw chu a pik telh telh te hian a hre tawh a. A demawm hran loh, a fanu hi a ngaihtuah tawh em a ni. A thi tawh ang nge ala dam ang aw! A in ngaihtuah nasa lutuk chu a khawngaihthlak hial zawk a. A pasal Mr Yosef lah hi a buai nasa mai si! A ngaihtuah nasat poh leh a buai ting mai a ni. Nu tan hian fate an hlu a, an aia hlu an awm thei lo! A rubo tute chungah hian phuba ala la mawlh ang.....!
..........
" Miss Neha, Ajad Hussein kha CBI lamin lo va man teh se, thupek chhuah teh..! Hospital ah a awm ka ring tawh lo"
Joseph chuan Bath-room aṭanga rawn chhuah pah chuan a ti a.
Neha chuan CBI lam chu a be nghal a. An ni pawh chuan ṭha takin an kal nghal tur thu an hrilh a.
" Zanah kan hmuh a ngai a ni. Tin, Ajad-a pa chungchang information kha Headquarters ah ka lo dil ang,..... Va inbual rawh le.... minute 30 chiah hun kan nei tawh a nia" Joseph chuan a ti a.
Neha chuan a mit alo khap sak a, " Ajad-a man tur chuan thu ka pe tawh a, Commissioner ah ka forward tir mek..... !
Mr.Oberoi, i tih tlat chuan kan inbual a nge" tih pah chuan a silai pai te chu a check nghal a. Towel ala a, bath-room a pan ve ta a!
......
Sara chuan a vengtute inthlak hun chu a ngai chang reng a, a kut an phuarna chu an tal ṭhin tak na a, a nghet telh telh hian a hria a. A ke phei chu a mu churh churh tawh hialin a hria a ni.
A mit an tuamsak kher hi a huat ber chu a ni.
Mitdel awm dan tur te a ngaihtuah rum rum a, a lehlam kawng tak chuan vannei hi a inti em em zawk a. Mahse mahni inven dan a nu leh pa in an zirtir pawh hmang hman miah lova, hnim hluma aka hup bet a, rukbo a ni chu a thinrim em em a ni.
A mit an phelh hun, chaw a ei dawnah a theih ang ang a chet lak a tum a ni. Israel nula a ni a, heng a hriat loh hnamdang lakah hian a tlawm thiang lo! Duh leh a thihchilh mai ang. A phuba hi an rawn la dawn tih a hrechiang em em a ni. Phone hman tur a zawn a ngai a ni.
Thinlung huaisenna zawng a nei kim ngei e, mahse a vengtute hi thuahhnih an ni tih a hre lo thung a. Mit tuam chung chuan hriat a harsa a ni. A chhut dan chuan zanriah an rawn pe ṭepin a ring tawh a ni. A chet a hun dawn ta!
.........
Adele leh Walter chuan an hmanrua an endik leh thlap a. Darkar chanve hnuah an chhuak dawn a ni. MG road an pan ang a, chumi dawtah Nikita leh Sanjana an hmu ang a. A tawp berah Ajad an hmu ang.
" Ajad hi ka ringhlel viau na a, Hospital a a awm hi a mak ka ti" Adele chuan a ti chhuak phawng mai a.
" A damlo der te pawh a ni ve thei tho mai....plan nei a ang ka ti khawp mai" walter chuan a ti a.
" A tih der leh der loh chu zanin hian kan hre ngei ang" Adele chuan a ti a.
Walter-a phone a rawn khur char char a, FBI lama a ṭhianten an rawn call a.
Fimkhur turin an rawn chah tlat! India RAW agent ṭha mi Bangalore a rawn lut tawh. A ṭul ang anga chet chhuah phalsak a ni tih te an rawn hrilh nghal a. Waltera chuan a thlalak a dil a. Kan rawn thawn ang an ti a. Phone an dah ta.
Rei lo teah chuan Waltera phone chu a rawn khur leh a. Thlalak an rawn thawn chu a download ta...
A phu zawk mai! E khai aw....Korea a amah rawn chhantu JBI/ NIS emaw a tih kha!!! Kha pa ngei kha a ni tlat! A hming a hre lo....
" Adele....hepa hi, ka attack thei lovang, ka nun min chhanhim sak tawh!"
Adele chuan a en vang vang a, " RAW maw a nih, Indian ava ang lo ve" a ti chhuak phawng mai!
Mahse an tihtur an ṭhulh phah a thiang lo....!
A dik reng India Agent ṭha mi J.OBEROI hian Indian a ang tlat lo. Hindusthan a nih hmel tlat lo a ni. Adele chuan Joseph thlalak chu a thlir vawng vawng a. A hmel chu a enchiang a.
" Film star ava ang ve" a ti chhuak phawng a.
" Engkim a thiam, Korean ṭawng te pawh, ( a ban a rawn hlim a, silai mu hnuhma ser la awm chu a hmuh tir a) hemi ṭum hian min rawn chhan a, chuti ni lo se, i bula awm tur ka awm tawh lovang." Walter chuan a ti a.
Mahse zam lohna chhan an nei ve tlat! Israel nula an zawng vek dawn a ni.
.......
Neha inbual zo chu towel chu a rawn hnubih a, ava han nalh chiang kuang tak em! Mahse a rin ang a ni lo, Joseph chuan alo thlir miah lo. Silai a check a, an phone, a bik a siam chu a lo bih a.
Joseph chu a lo inthlak fel diam a, Coat suit nen a inthuam zaih tawh a. Neha hian Joseph hi thlir nin har a ti ṭan tlat! A che vel zawng zawng hi a dik vel vek, a dik thlap mai a ni.
Neha chu a inthlak ṭan a, Joseph chuan Sana a theh phei a, " Bun la, inṭhen a ngaih thut pawhin kan awmna kan inhre zel thei dawn a ni."
" Mr Oberoi, ka kalsan dawn reng reng lo che, hna kan zawh hnu pawhin" Neha chuan Joseph melh pah chuan a ti a.
" Hmeichhe dan alawm" tih ngawtin a chhang a.
Neha chuan a hriatthiam hmel loh hle a.
Neha pawh chu a inthlak fel ta a. An chhuak dawn a, an nalh dun hle a. En mai chuan Film star an ang dun hle a ni. Joseph chuan uluk deuhin room chu a thlek kual a, mahse he Hotel ah hian Share a nei a, tuman an khawih danglam ngam lovang tih a hre chiang em em a ni.
Lift ah an lut a, an rual chuan Coat dum ha pakhat chu a rawn lut ve a, Lift a inkhar chiah chuan Joseph chuan a pistol pai chu rang mangkhen hian a phawi a. Chupa chalah chuan a tin nghal a. Neha chuan mak a ti hle a, Joseph hian chhan awm lova a tih a ring si lova.
" I identity card phawrh rawh, eng vanga min zui char char nge i nih? Airport aṭangin min la zui char char a, eng vang nge?"
Chu vaipa chuan a mit a khap fak fak a, A ID a phawrh dawn a,
" Miss Neha, a pistol hi lo laksak rawh, Spencer 9mm a ni em tih en teh?" A ti zui a.
Neha chuan ala a, a enchiang a, " Baretta" tih zawng a sawi a.
Chu vaipa chuan a ID chu a phawrh ta a. CBI lam mi a ni ngei a.
Chu vaipa hnenah chuan, " Chief Anupama hnenah chuan hrilh la, Mr OBEROI hian zui ruk a ngai thei lo ti ang che!"
" Sir, nang mahni veng tura thupek ka ni"
" Miss Neha a awm, duh aiin kan tam mah mah tawh... kan lo let leh huna ka hmuh leh che chuan, ṭawng tur i awm tawh lovang" a ti ram hmak a.
A pistol chu rang takin a pai lehnghal a. Miss Neha ken lai Baretta chu ala a, chu vaipa pek pah chuan, " Ka lam hawia I pistol hi ilek a nih chuan i chalah tak hian a mu a lut ang" a ti ram hmak a.
Joseph ngaih dan ani hauh lo, CBI in an tih theih loh ah an rawn pur a. Ringhlel ang zia zang a enthlak hi a duh lo hrim hrim a ni.
Miss Neha chuan chu pa chuan a zui ru tihreng a hre lo, Ngaisang takin Joseph chu a melh ringawt a.
Ground floor an thlen chuan chu pa chu a kal ta vang vang a. Joseph chuan Receiptionist chu a va melh a.
" Sir, Motor ah chabi kan vuah sa" a rawn ti a.
Garage lam an pan ta a. Bolero dum nalh tak lam chu an pan ta a.
" Miss Neha, khalh rawh le, Commissioner chu va hmu ang hmiang " a ti a.
An tlanchhuak ta a.
.....
MG road a, intihhlimna hmun chu Waltera te chuan an thleng ta a. A chhung an luh hma chuan pawn lama Cctv awm chu an thlir hmasa a. Cctv heti zat awmah Sara rukbo lai cover an awm miah lo chu mak an ti lo. Technology sang tak thiamna nei a tel ve tih an hrechiang ngang mai!
Hei vang tak hian tualchhung mi sual thil tih a ni lo tih an hriat chian phah thung a.
" Ajad Hussein hi kan hriatchian a ngai a ni," Walter chuan a ti a. A sawi pah chuan cctv chu a hack a, control room pakhat a, record chu a copy nghal a, a ti zel a, pasarih vel a copy hnu chuan Nikita te inlam an pan dawn ta a. An motor Embassy in a ruka a pek ah chuan an lut a.
Sara bo zan chu an ennawn viau pawn record ah pakhatah mah a lang lo! Mak an ti vak lo, an nui dun ringawt a.
Shivaji nagar lam an pan ta a! Hriat belh beisei em em pawh an nei chuang lo,mahse va biak hrim hrim an duh a ni. Chumi dawtah Sanjana te in an pan leh ang a, a tawpah Mrs Tamar te in lam an pan dawn a ni.Bangalore City Garden reh duk mai chu mak an ti viau, a awm ve tho. FBI, CBI, MOSSAD, RAW, ISI ho an awm ru ṭhup a. Russian KGB in an thil bo rawn zawngin Kempegowda Airport an rawn lut ve chiah bawk a.
High time in Bengaluru a awm dawn chiang a ni.
......
Commissioner office ah chuan an kal nghal a, Miss Neha chuan Badge a hmuh tir a, an lut tlang par par a. Office ah chuan Commissioner chu a lo ṭhu a. Shaktivel-a hi pa tawhkhirh ve tak, inring tawk tak a ni. Mahse he kidnapping case zet hi zawng a buaithlak a ni. Sawrkarin Israel tih thinrim an hlau si! FBI lam an rawn lut si, MOSSAD an awm tih an hre kur tawh si! A lu a hai tak meuh meuh a ni.
Office an luh chiah chuan,
" Agent Neha, eng vanga Ajad Hussein kha engvanga man tir nge in nih?" A lo ti nghal khawl mai a.
Joseph chuan, " Tun dinhmunah chuan thu kan zawhfiah a ngai a ni."
" Eng vang ngawt in maw? Pakistan Embassy in zawhna chhan sen loh min zawt tawh asin!"
Joseph pawh a awki a hniam thei tawh lo...
" Ajad Hussein-a pa hi sumdawng mi satliah a ni lo, Nuclear siamna ah sum a thawh ve a, J&K buaina phenah hian a tel ve ziah. A hming diktak i hriat hunah phei chuan i phu zawk ang, ISI hi Bangalore ah eng emaw zat an awm tawh ang, chung te chu i ngaihtuah ve em?" A ti hmiah hmiah a, a zah duhtawh bik miah lo!
A dik viau lawi si!
Commissioner Shaktivel-a pawh a ngawi hmak ta mai! A chhut neuh neuh a, Ajad-a pa an lo chhui lo chu tisual a inti ve tho.
" Chuan khaw nge Ajad Hussein chu? "
" Indawpna room special ah kan dah"
" Zanah kan rawn kal dawn a, uluk takin lo veng ula, strong room ah ni lovin general ah sawn ru, chuan i nauten strong room chu veng rawh se. Ajad man a nih thu hi ISI in an hre tawh ang. CBI lam pawh puihna dil ang che u..." Joseph chuan a ti ta a.
Shaktivel-a chuan a ngaihsan hmel kher mai! A bu nghat nghat a. CBI chief Anupam chu a be ta nghal a.
" Miss Neha, kal ang hmiang!" Tih pah chuan a tho nghal a.
Commissioner chuan, " Mr.Oberoi khaw nge in kal dawn a?"
" Shantiniketan ah, Mr Yosef ka biak a ngai" tih zawngin a chhang a.
Neha pawh a rawn ding chhuak nghal a.
" Mamawh in neih chuan Mr Oberoi...."
" Kan neih loh hram ka beisei! Ajad chu veng ṭha ang che u..." a ti a, an chhuak nghal a.
Joseph chuan kan khalh ange a ti ta a! Chak thei ang ber chuan Shantiniketan lam chu a panpui ta a. Neha chuan motor khalh a thiam a ti hle a.
Tin factory ah police in an lo check a, motor a ding tam phian mai! Joseph chuan a hel a, Neha in kawng a awm tih pawh a hriat lohna ah chuan a tlan pui hmiah a. Rel kawng bul ah chuan a tlan phei pui miah miah a. Shantiniketan chu a leh luh daih thung a.
Neha chuan mak a ti a. A ring tawk em em a ni. Security chu a en vang vang a. Pent house awmna in chu Neha a panpui ta a...
.........
" Adele, Russian KGB an rawn lut tlat! Information ka dawng chiah e..." Walter chuan a ti ta!
An thaw dun hak a....
" MOSSAD puihna kan dil ang e..."
" FBI pawh kan dil ve ange, Uranium chu an hrechhuak ta a ni maw!" Walter chuan a ti a.
An nui dun ta a...
Hetiang huna nui thei hi mi huaisen tawpkhawk an ni.
" Kan hnam nula, ka ṭhiannu fanu hi ka hmuh hma loh chuan ka zawng phawt dawn, eng mahin min dal thiang lo" a ti ta hmiah a.
Nikita te inlam chu an pan ta a.
......
Mrs Tamar chuan an door bell ri chu mak a ti angreng hle a. Adele te annih a beisei chiah lova, A bih dek dek a, mipa smart tak leh vai nula hmel ṭha tak a hmu ta a.
" Mrs Tamar, kan lo lut thei angem? In chhungah i awm tih ka hria!" A rawn ti a.
Kawngka chu a hawng ta a. An inmelh vawng vawng a, Joseph chuan,
" Mrs Tamar, J.OBeroi ka nia, Hei hi ka thawhpui Miss Neha a ni. I pistol kha dah rawh, mi hlauhawm kan ni lo! Pui tur che a lokal kan ni e."
ati a.
Neha chuan a badge a lo entir a. India RAW an hming chu a hre tawh a. Mahse an rawn kal teh daih chu a mak a ti a ni.
Joseph chu a en vang vang a, a mi rin zawng tak a ni. Mahse India mi a va ang lo tak em! Tlangval hmel ṭha tak a ni. A English rawn hman chu a lam dan a mawi em em mai lehnghal a. A thlir vang vang ringawt a.
" Kan ṭhu thei angem?"
" E ....ṭhu rawh u"
"Mrs Tamar, khawngaihin Mr Yosef a falin ka be duh a ni"
" A lo haw mek, kawngah a awm mek ang"
" Khawngaihin Sara phone kan check thei a ngem?"
Chhuar a adah chu a va la a, Neha chuan alo check a, Laptop nen a connect nghal hmak a.
" Mr.... eng hnam nge i nih?"
" Hna kan thawh zawhah ka la hrilh dawn che nia, Khawngaihin Sara room kan en thei a ngem?" Joseph chuan a tih chhunzawm zat a.
Mrs Tamar chuan Sara room lam chu a panpui ta a...
Joseph hian eng mah hmuh a inbeisei lo. Mahse Sara rilru sukthlak a hre duh mai a ni. Sara room a, thlalak chu a nalh hle a, amah Sara chu a sang in a hmel ṭha bawk a, a mawi kher mai!
Neha leh Joseph chuan an thlir vang vang a.
Chutih lai chuan Doorbell a rawn ri ta...
An chhuak a, Mrs Tamar chuan kawngka ava hawng a, Mr Yosef chu alo haw ta....
Joseph te ṭhian dun chu a melh vang vang a.
Chutih lai tak chuan Sara phone chu a rawn ri ta tlat mai....!
M.LUSEI PALIAN
EPISODE-4
Adele leh Walter chu Embassy a awm reng thei an ni lova. Tlai lamah chuan Hotel thlenna tur an lo book tawh sa ah chuan an insawn phei ta a. Files pawimawh an nei fel tawh a, tin location zawng zawng phone ah an set up sa tawh bawk a. Zan tir aṭangin chet chhuah an tum a.The Lalit Ashok Hotel ( 5 star) ah chuan an ṭhu dun a. Hmalak ṭan dan tur an sawi dun a. MG road lam pan hmasak an tum a ni. Sara bo ṭanna hmun an tlawh hmasa ber ang a. Chumi dawtah chuan Sara ṭhiante thu an zawt fiah leh ang. An silai an check vek a, a ri thupna an vuah sa bawk a. A theih ang ang a, hmalak nghal miah miah an tum a ni. Walter chuan room a check vek a. A rukin Camera a vuah vek bawk a. An thil pawimawh chu code hmangin a dah a, lo khawih palh an awm chuan a puak mai dawn a ni. Khua a thim har an ti hle tawh a ni. Fai veng vawngin an inbual a, South India mite inchei angin an inchei hmak thung a. An che ṭan tak tak dawn ta. A ṭul hunah Mossad leh FBI puitu tur an nei a. An zam hauh lo!
......
Mrs Tamar chu an in-ah chuan a ṭhu vang vang a. A thaw chu a pik telh telh te hian a hre tawh a. A demawm hran loh, a fanu hi a ngaihtuah tawh em a ni. A thi tawh ang nge ala dam ang aw! A in ngaihtuah nasa lutuk chu a khawngaihthlak hial zawk a. A pasal Mr Yosef lah hi a buai nasa mai si! A ngaihtuah nasat poh leh a buai ting mai a ni. Nu tan hian fate an hlu a, an aia hlu an awm thei lo! A rubo tute chungah hian phuba ala la mawlh ang.....!
..........
" Miss Neha, Ajad Hussein kha CBI lamin lo va man teh se, thupek chhuah teh..! Hospital ah a awm ka ring tawh lo"
Joseph chuan Bath-room aṭanga rawn chhuah pah chuan a ti a.
Neha chuan CBI lam chu a be nghal a. An ni pawh chuan ṭha takin an kal nghal tur thu an hrilh a.
" Zanah kan hmuh a ngai a ni. Tin, Ajad-a pa chungchang information kha Headquarters ah ka lo dil ang,..... Va inbual rawh le.... minute 30 chiah hun kan nei tawh a nia" Joseph chuan a ti a.
Neha chuan a mit alo khap sak a, " Ajad-a man tur chuan thu ka pe tawh a, Commissioner ah ka forward tir mek..... !
Mr.Oberoi, i tih tlat chuan kan inbual a nge" tih pah chuan a silai pai te chu a check nghal a. Towel ala a, bath-room a pan ve ta a!
......
Sara chuan a vengtute inthlak hun chu a ngai chang reng a, a kut an phuarna chu an tal ṭhin tak na a, a nghet telh telh hian a hria a. A ke phei chu a mu churh churh tawh hialin a hria a ni.
A mit an tuamsak kher hi a huat ber chu a ni.
Mitdel awm dan tur te a ngaihtuah rum rum a, a lehlam kawng tak chuan vannei hi a inti em em zawk a. Mahse mahni inven dan a nu leh pa in an zirtir pawh hmang hman miah lova, hnim hluma aka hup bet a, rukbo a ni chu a thinrim em em a ni.
A mit an phelh hun, chaw a ei dawnah a theih ang ang a chet lak a tum a ni. Israel nula a ni a, heng a hriat loh hnamdang lakah hian a tlawm thiang lo! Duh leh a thihchilh mai ang. A phuba hi an rawn la dawn tih a hrechiang em em a ni. Phone hman tur a zawn a ngai a ni.
Thinlung huaisenna zawng a nei kim ngei e, mahse a vengtute hi thuahhnih an ni tih a hre lo thung a. Mit tuam chung chuan hriat a harsa a ni. A chhut dan chuan zanriah an rawn pe ṭepin a ring tawh a ni. A chet a hun dawn ta!
.........
Adele leh Walter chuan an hmanrua an endik leh thlap a. Darkar chanve hnuah an chhuak dawn a ni. MG road an pan ang a, chumi dawtah Nikita leh Sanjana an hmu ang a. A tawp berah Ajad an hmu ang.
" Ajad hi ka ringhlel viau na a, Hospital a a awm hi a mak ka ti" Adele chuan a ti chhuak phawng mai a.
" A damlo der te pawh a ni ve thei tho mai....plan nei a ang ka ti khawp mai" walter chuan a ti a.
" A tih der leh der loh chu zanin hian kan hre ngei ang" Adele chuan a ti a.
Walter-a phone a rawn khur char char a, FBI lama a ṭhianten an rawn call a.
Fimkhur turin an rawn chah tlat! India RAW agent ṭha mi Bangalore a rawn lut tawh. A ṭul ang anga chet chhuah phalsak a ni tih te an rawn hrilh nghal a. Waltera chuan a thlalak a dil a. Kan rawn thawn ang an ti a. Phone an dah ta.
Rei lo teah chuan Waltera phone chu a rawn khur leh a. Thlalak an rawn thawn chu a download ta...
A phu zawk mai! E khai aw....Korea a amah rawn chhantu JBI/ NIS emaw a tih kha!!! Kha pa ngei kha a ni tlat! A hming a hre lo....
" Adele....hepa hi, ka attack thei lovang, ka nun min chhanhim sak tawh!"
Adele chuan a en vang vang a, " RAW maw a nih, Indian ava ang lo ve" a ti chhuak phawng mai!
Mahse an tihtur an ṭhulh phah a thiang lo....!
A dik reng India Agent ṭha mi J.OBEROI hian Indian a ang tlat lo. Hindusthan a nih hmel tlat lo a ni. Adele chuan Joseph thlalak chu a thlir vawng vawng a. A hmel chu a enchiang a.
" Film star ava ang ve" a ti chhuak phawng a.
" Engkim a thiam, Korean ṭawng te pawh, ( a ban a rawn hlim a, silai mu hnuhma ser la awm chu a hmuh tir a) hemi ṭum hian min rawn chhan a, chuti ni lo se, i bula awm tur ka awm tawh lovang." Walter chuan a ti a.
Mahse zam lohna chhan an nei ve tlat! Israel nula an zawng vek dawn a ni.
.......
Neha inbual zo chu towel chu a rawn hnubih a, ava han nalh chiang kuang tak em! Mahse a rin ang a ni lo, Joseph chuan alo thlir miah lo. Silai a check a, an phone, a bik a siam chu a lo bih a.
Joseph chu a lo inthlak fel diam a, Coat suit nen a inthuam zaih tawh a. Neha hian Joseph hi thlir nin har a ti ṭan tlat! A che vel zawng zawng hi a dik vel vek, a dik thlap mai a ni.
Neha chu a inthlak ṭan a, Joseph chuan Sana a theh phei a, " Bun la, inṭhen a ngaih thut pawhin kan awmna kan inhre zel thei dawn a ni."
" Mr Oberoi, ka kalsan dawn reng reng lo che, hna kan zawh hnu pawhin" Neha chuan Joseph melh pah chuan a ti a.
" Hmeichhe dan alawm" tih ngawtin a chhang a.
Neha chuan a hriatthiam hmel loh hle a.
Neha pawh chu a inthlak fel ta a. An chhuak dawn a, an nalh dun hle a. En mai chuan Film star an ang dun hle a ni. Joseph chuan uluk deuhin room chu a thlek kual a, mahse he Hotel ah hian Share a nei a, tuman an khawih danglam ngam lovang tih a hre chiang em em a ni.
Lift ah an lut a, an rual chuan Coat dum ha pakhat chu a rawn lut ve a, Lift a inkhar chiah chuan Joseph chuan a pistol pai chu rang mangkhen hian a phawi a. Chupa chalah chuan a tin nghal a. Neha chuan mak a ti hle a, Joseph hian chhan awm lova a tih a ring si lova.
" I identity card phawrh rawh, eng vanga min zui char char nge i nih? Airport aṭangin min la zui char char a, eng vang nge?"
Chu vaipa chuan a mit a khap fak fak a, A ID a phawrh dawn a,
" Miss Neha, a pistol hi lo laksak rawh, Spencer 9mm a ni em tih en teh?" A ti zui a.
Neha chuan ala a, a enchiang a, " Baretta" tih zawng a sawi a.
Chu vaipa chuan a ID chu a phawrh ta a. CBI lam mi a ni ngei a.
Chu vaipa hnenah chuan, " Chief Anupama hnenah chuan hrilh la, Mr OBEROI hian zui ruk a ngai thei lo ti ang che!"
" Sir, nang mahni veng tura thupek ka ni"
" Miss Neha a awm, duh aiin kan tam mah mah tawh... kan lo let leh huna ka hmuh leh che chuan, ṭawng tur i awm tawh lovang" a ti ram hmak a.
A pistol chu rang takin a pai lehnghal a. Miss Neha ken lai Baretta chu ala a, chu vaipa pek pah chuan, " Ka lam hawia I pistol hi ilek a nih chuan i chalah tak hian a mu a lut ang" a ti ram hmak a.
Joseph ngaih dan ani hauh lo, CBI in an tih theih loh ah an rawn pur a. Ringhlel ang zia zang a enthlak hi a duh lo hrim hrim a ni.
Miss Neha chuan chu pa chuan a zui ru tihreng a hre lo, Ngaisang takin Joseph chu a melh ringawt a.
Ground floor an thlen chuan chu pa chu a kal ta vang vang a. Joseph chuan Receiptionist chu a va melh a.
" Sir, Motor ah chabi kan vuah sa" a rawn ti a.
Garage lam an pan ta a. Bolero dum nalh tak lam chu an pan ta a.
" Miss Neha, khalh rawh le, Commissioner chu va hmu ang hmiang " a ti a.
An tlanchhuak ta a.
.....
MG road a, intihhlimna hmun chu Waltera te chuan an thleng ta a. A chhung an luh hma chuan pawn lama Cctv awm chu an thlir hmasa a. Cctv heti zat awmah Sara rukbo lai cover an awm miah lo chu mak an ti lo. Technology sang tak thiamna nei a tel ve tih an hrechiang ngang mai!
Hei vang tak hian tualchhung mi sual thil tih a ni lo tih an hriat chian phah thung a.
" Ajad Hussein hi kan hriatchian a ngai a ni," Walter chuan a ti a. A sawi pah chuan cctv chu a hack a, control room pakhat a, record chu a copy nghal a, a ti zel a, pasarih vel a copy hnu chuan Nikita te inlam an pan dawn ta a. An motor Embassy in a ruka a pek ah chuan an lut a.
Sara bo zan chu an ennawn viau pawn record ah pakhatah mah a lang lo! Mak an ti vak lo, an nui dun ringawt a.
Shivaji nagar lam an pan ta a! Hriat belh beisei em em pawh an nei chuang lo,mahse va biak hrim hrim an duh a ni. Chumi dawtah Sanjana te in an pan leh ang a, a tawpah Mrs Tamar te in lam an pan dawn a ni.Bangalore City Garden reh duk mai chu mak an ti viau, a awm ve tho. FBI, CBI, MOSSAD, RAW, ISI ho an awm ru ṭhup a. Russian KGB in an thil bo rawn zawngin Kempegowda Airport an rawn lut ve chiah bawk a.
High time in Bengaluru a awm dawn chiang a ni.
......
Commissioner office ah chuan an kal nghal a, Miss Neha chuan Badge a hmuh tir a, an lut tlang par par a. Office ah chuan Commissioner chu a lo ṭhu a. Shaktivel-a hi pa tawhkhirh ve tak, inring tawk tak a ni. Mahse he kidnapping case zet hi zawng a buaithlak a ni. Sawrkarin Israel tih thinrim an hlau si! FBI lam an rawn lut si, MOSSAD an awm tih an hre kur tawh si! A lu a hai tak meuh meuh a ni.
Office an luh chiah chuan,
" Agent Neha, eng vanga Ajad Hussein kha engvanga man tir nge in nih?" A lo ti nghal khawl mai a.
Joseph chuan, " Tun dinhmunah chuan thu kan zawhfiah a ngai a ni."
" Eng vang ngawt in maw? Pakistan Embassy in zawhna chhan sen loh min zawt tawh asin!"
Joseph pawh a awki a hniam thei tawh lo...
" Ajad Hussein-a pa hi sumdawng mi satliah a ni lo, Nuclear siamna ah sum a thawh ve a, J&K buaina phenah hian a tel ve ziah. A hming diktak i hriat hunah phei chuan i phu zawk ang, ISI hi Bangalore ah eng emaw zat an awm tawh ang, chung te chu i ngaihtuah ve em?" A ti hmiah hmiah a, a zah duhtawh bik miah lo!
A dik viau lawi si!
Commissioner Shaktivel-a pawh a ngawi hmak ta mai! A chhut neuh neuh a, Ajad-a pa an lo chhui lo chu tisual a inti ve tho.
" Chuan khaw nge Ajad Hussein chu? "
" Indawpna room special ah kan dah"
" Zanah kan rawn kal dawn a, uluk takin lo veng ula, strong room ah ni lovin general ah sawn ru, chuan i nauten strong room chu veng rawh se. Ajad man a nih thu hi ISI in an hre tawh ang. CBI lam pawh puihna dil ang che u..." Joseph chuan a ti ta a.
Shaktivel-a chuan a ngaihsan hmel kher mai! A bu nghat nghat a. CBI chief Anupam chu a be ta nghal a.
" Miss Neha, kal ang hmiang!" Tih pah chuan a tho nghal a.
Commissioner chuan, " Mr.Oberoi khaw nge in kal dawn a?"
" Shantiniketan ah, Mr Yosef ka biak a ngai" tih zawngin a chhang a.
Neha pawh a rawn ding chhuak nghal a.
" Mamawh in neih chuan Mr Oberoi...."
" Kan neih loh hram ka beisei! Ajad chu veng ṭha ang che u..." a ti a, an chhuak nghal a.
Joseph chuan kan khalh ange a ti ta a! Chak thei ang ber chuan Shantiniketan lam chu a panpui ta a. Neha chuan motor khalh a thiam a ti hle a.
Tin factory ah police in an lo check a, motor a ding tam phian mai! Joseph chuan a hel a, Neha in kawng a awm tih pawh a hriat lohna ah chuan a tlan pui hmiah a. Rel kawng bul ah chuan a tlan phei pui miah miah a. Shantiniketan chu a leh luh daih thung a.
Neha chuan mak a ti a. A ring tawk em em a ni. Security chu a en vang vang a. Pent house awmna in chu Neha a panpui ta a...
.........
" Adele, Russian KGB an rawn lut tlat! Information ka dawng chiah e..." Walter chuan a ti ta!
An thaw dun hak a....
" MOSSAD puihna kan dil ang e..."
" FBI pawh kan dil ve ange, Uranium chu an hrechhuak ta a ni maw!" Walter chuan a ti a.
An nui dun ta a...
Hetiang huna nui thei hi mi huaisen tawpkhawk an ni.
" Kan hnam nula, ka ṭhiannu fanu hi ka hmuh hma loh chuan ka zawng phawt dawn, eng mahin min dal thiang lo" a ti ta hmiah a.
Nikita te inlam chu an pan ta a.
......
Mrs Tamar chuan an door bell ri chu mak a ti angreng hle a. Adele te annih a beisei chiah lova, A bih dek dek a, mipa smart tak leh vai nula hmel ṭha tak a hmu ta a.
" Mrs Tamar, kan lo lut thei angem? In chhungah i awm tih ka hria!" A rawn ti a.
Kawngka chu a hawng ta a. An inmelh vawng vawng a, Joseph chuan,
" Mrs Tamar, J.OBeroi ka nia, Hei hi ka thawhpui Miss Neha a ni. I pistol kha dah rawh, mi hlauhawm kan ni lo! Pui tur che a lokal kan ni e."
ati a.
Neha chuan a badge a lo entir a. India RAW an hming chu a hre tawh a. Mahse an rawn kal teh daih chu a mak a ti a ni.
Joseph chu a en vang vang a, a mi rin zawng tak a ni. Mahse India mi a va ang lo tak em! Tlangval hmel ṭha tak a ni. A English rawn hman chu a lam dan a mawi em em mai lehnghal a. A thlir vang vang ringawt a.
" Kan ṭhu thei angem?"
" E ....ṭhu rawh u"
"Mrs Tamar, khawngaihin Mr Yosef a falin ka be duh a ni"
" A lo haw mek, kawngah a awm mek ang"
" Khawngaihin Sara phone kan check thei a ngem?"
Chhuar a adah chu a va la a, Neha chuan alo check a, Laptop nen a connect nghal hmak a.
" Mr.... eng hnam nge i nih?"
" Hna kan thawh zawhah ka la hrilh dawn che nia, Khawngaihin Sara room kan en thei a ngem?" Joseph chuan a tih chhunzawm zat a.
Mrs Tamar chuan Sara room lam chu a panpui ta a...
Joseph hian eng mah hmuh a inbeisei lo. Mahse Sara rilru sukthlak a hre duh mai a ni. Sara room a, thlalak chu a nalh hle a, amah Sara chu a sang in a hmel ṭha bawk a, a mawi kher mai!
Neha leh Joseph chuan an thlir vang vang a.
Chutih lai chuan Doorbell a rawn ri ta...
An chhuak a, Mrs Tamar chuan kawngka ava hawng a, Mr Yosef chu alo haw ta....
Joseph te ṭhian dun chu a melh vang vang a.
Chutih lai tak chuan Sara phone chu a rawn ri ta tlat mai....!
Comments
Post a Comment