THE CONDEMN Episode-3
THE CONDEMN
M.LUSEI PALIAN
EPISODE-3
Mrs Tamar chuan eng mah ala sawi thei lo! A la inhnit faih faih a. A awm a ni, Hmangaihna hi chhuk zawng hian akal tlat si a. Nu tana fate hlutzia chu kan hrethiam pha kher lovang! Nu hmangaihna zawng a ril em asin!
Walter-a chuan thil ni thei awm chi chu a lo bih ngat ngat a. Sara bona hmun vel chu a thlalak an lo nei vek tawh a lo ni. Mak em em mai chu a bo hunlai hian a bona hmun MG Road a cctv zawng zawng hian cover fuh an nei miah lo. Walter leh Adele chuan Computer Engineer a tel tih an hrechiang ngang mai! Chutak chu Mrs Tamar leh Mr Yosef ngaih dan chiah a ni.
" Tamar, hriau tiat pawhin lo ti te mahse kan hmu em em ang" Adele chuan a ti hmiah mai a.
" India thil tih anih ka ring thei lo" Walter hian a rawn tichhuak phawng mai a.
Mrs Tamar tana a beidawnthlak zia chu sawi mai hian a fiah tawk thei lo!
" Mahse India ram hi an la chhuahsan miah lovang" Walter bawk chuan a rawn ti leh ta!
Phone call dawng se, a tlanna sum te rawn phut se chuan a tih dan dan hi a awm a. Mahse a khuangcher bo hmiah hian ngaih a ti ṭha thei lo a ni. Adele chuan a ṭhiannu chu hahdam taka lo awm turin a duh a ni.
Mahse Mrs Tamar chuan awm mai mai a tum lo! Adele chuan chiang zawkin a hrilhfiah ta a.
" Tunah rih chuan India CBI in an vil reng che, tunah pawh hian kawtkai ah sawn an awm reng tawh a ni. I chet chhuah hma in, fimkhur takin ngaihtuah phawt zel la, Walter nen hian kan rawn hmu em em ang!" a ti ta a.
" Ka fanu hi a thi emaw a dam emaw kan hmuchhuak ngei ngei tur a ni. Mahse thil pakhat, a rubo tute hi kutthlak rih lo u la, keimah ngeiin hremna ka pe duh a ni" a ti ta hmiah mai a. Mrs Tamar hian a rilru zawng zawng a sawi a ni.
A fanu rubo tute hi hremna pek a duh tlat a ni. A ṭul chuan J&K thleng pawhin a um mai ang. A pasal lah hi a buai em em mai si a! Amah hian engkim tih a duh tawh a. India Security leh Intelligent ho hi a ring tawh lo a ni.
Adele thusawi pawh chu dik a ti hle a, zanah Adele leh Walter te hian Sara bona hmun hi an fang dawn a ni. Eng mah hmuh hmaih neih an tum lo. Cctv pawh check ṭhat an duh a ni. An thiam zawng tak a ni a, an ni pahnih hian an thei em em ang.
Adele chuan a ṭhiannu chu lo che chhuak tawh lo turin a hrilh a. Chanchin thar an hriat apiang a hrilh nghal zel tur thu a hrilh bawk a. Chutih lai chuan nula pakhat a rawn lut a. Phone pahnih a rawn dah a. Adele chu alo bu nghat ringawt a. Mipa pakhat a rawn lut leh a, Suitcase a rawn dah leh a, an ralthuam hman turte a ni.
An thlen zan hian a siruk la a chetchhuah nghal an tum a ni. A hun tawh reng a ni.
........
Netaji Subhas Chandra Bose International Airport ah chuan Joseph chu a ticket a check tir mek a, Tlangval pakhat hi a rawn kal a, Laptop a rawn pe a. A kal lehnghal vang vang a.
Joseph chu Thlawhna chhungah a lut ta! Laptop chu a hawng ta a. An la thlawk chhuak lo bawk a. Chu Laptop ah chuan a hna tur a awm ngei dawn tih a hria a ni.
Laptop hawn a tum lai chuan thlawhna a thawk pakhat alo kal a, suitcase a rawn pe a, a pek pah chuan a badge a hmuh zeuh ringawt a. Joseph pawh a bu nghat ringawt a. Chu pa chuan a kalsan leh ta a!
Laptop chu a hawng dawn a, pass word a awm tlat mai! Pass word chu an ngaihtuah a, laptop chu a chawi a, a sir zawng chuan a en vang vang a. A hre thei ta! A hawng thei ta.
Sara thlalak alo awm nghal a, a bo ni leh thla leh a bona hmun te, a ṭhiante nena an thlalak te a awm nghal a. Israel chhungkua an ni tih te, an pa ber in Company a neih thu te, a college kalna te, a pawimawh eng kim a awm a. CBI an beidawng ti tih tawh a. Police ho chuan eng mah hmuhchhuah an nei lo.
A phone ala a, Chief a be ta a. Secretary in alo la vat a, chief ah a connect nghal a.
" Sir, Mossad engzat nge rawn thleng tawh?"
" Pahnih niin kan hria! A theih hram chuan kutthlak lovang che, Israel sawrkar tih thinrim hi kan ram hruaitu te hian an hlau lutuk a nia, pawisa leh hmanrua i hmu tawhin ka hria. Zawng hmu ngei ang che"
" Ok, Sir.... ka theihtawp ka chhuah ang"
" Airport ah Neha in alo hmuak dawn che a, kawng tin rengah a pui ang che"
Joseph a chek hlak a. Mahni a tal chi a ni si a.
" Ok" a dah nghal a.
Neha hi nula hmel ṭha tak nu hnap mai a ni a, a lan dan chuan, mahse ro thap tak mai a ni. A hmel en chuan Film star ni mai awm a ni. Mahse RAW agent ṭha mi a ni. Joseph nen hian an vawikhat thawh dun na tur a ni. Singapore ah vawikhat Joseph hian kawng a siam sak a, chubak chu an la inhmu tam bik lo!
Joseph chu a chhing vang vang a, thil ni thei a ngaihtuah a. Karnataka a mi sual rual thil tih a ni lo! A hre nghal, an ngam lovang,tin, a ṭhian pakhat a biak khan an ni lo tih a hre thei tlat! Laptop a on leh a, Mr Yosef chanchin a zawng nghal a.
E khai aw... a rin ang ngeiin Nuclear siamnaah Sum alo thawh ve a, a mah pawh Engineer a ni!
Pakistan ISI..?
Mahse Karnataka an la chhuahsan a ring miah lo!
.......
Mrs Tamar chuan pawisa a phawrh ta a! India pawisa nuaikhat chu dawhkanah a dah a.
" A bak chu rawn lam zel u la"
" Tamar, pawisa hman sen loh kan nei, saw suitcase saw en la, i pawisa hi lakir rawh. Ka ṭhiannu i nih vang ni lovin, Israel mi a bo a, chu chu kan zawng dawn! Sawrkar thupek a ni. Mossad pawh keimah chauh ka awm lo,pahnih an awm reng tawh!"
Mrs Tamar chu ava lawm em! Mossad an rawn awm tawh tih a hriat phei chuan a hlim a ni. A ṭhiannu hian a ti mai mai lo tih a hria a, pawisa chu a ak leh ta a!
" Lo va haw rih la, chanchin thar apiang message code khan ka rawn hrilh ang che, fimkhur tluk a awm lo" Adele chuan a ti a.
Waltera pawh chuan, " Mrs Tamar, FBI pawh an rawn thleng tawh a, kan ram hian Israel a pui dawn a, khawngaihin hahdam in lo awm rawh" a ti ve ta a.
Mrs Tamar chu a thaw hawk a. A ding a, Adele nen chuan an inkuah vawng vawng a, a mittui chu a far zawih zawih a. A hru hul a, a chhuak ta a.
Ofek-a ava lam a, An inlam pan chuan a inkhalh chhuak ta a! A chhuah ve leh Bolero dum chuan a rawn zui ve leh nghal a. A nui sak ringawt a. A thla amuang deuh ṭan ta!
..........
Airport ah chuan Neha chu alo ding vang a, a lo thleng te an lo chhuak sap sap a. Joseph pawh zang vah chuan a rawn pen phei a, Neha chuan alo hre nghal a. Joseph pawh chuan a rawn hmu nghal var a. An mit an khap sak a, an inhrethiam ngei mai!
Joseph chu a hmuh hnuhnun ber ai khan alo hmel ṭha tawh zawk a, a sar vang mai a. Hepa hi Indian a ang miah lo a ni. A chungchang information hi Headquarters lam hian an pho chhuak ngai lo hrim hrim. IPS a ni tih hi an hre fur hlawm ringawt a, chu pawh RAW ah daih hian an chhawr a. Sawrkar hian a ring tawk a ni tih chiah an hria.
Neha bul a rawn thleng phei a, Neha chuan alo nuih sak a, A zui ve ta nghal a. Car sen ah chuan an lut ta a. An la inbe miah lo!
Joseph chu a rawn ṭawng chhuak ta a.
" Khawi hmun nge min panpui i tum a Miss Neha?"
" Commissioner in a hmu duh che, i lo thlen ve leh a hnena hruai nghal tura thupek ka ni."
" Theihnghilh teh, inbual phawt ka duh, i duh chuan min nghak ang a, i duh loh chuan ka inbual zawhah ka rawn hmu dawn nia" Joseph chu a nui sak a.Mahse a ṭawngkam chhuak chu a fiahfai em em thung a.
" I bula eng lai pawh a, awm tura thupek ka ni, chuan CBI in min vil bawk"
" Ka lo khalh ange, a nih chuan i size hi 34 ti raw? I inthlakna tur kan lei ve nghal dawn nia...kan inbual dawn si a" a ti a. A nui sak a. Neha chu ava melh a, a ni pawh chu a lo bu ve nghat ringawt a. Majestic lam chu a panpui hmasa ta a.
Joseph chuan Dawr pakhatah a luh pui a, thawmhnaw leh inthlakna an va lei ta a!
Hotel hnai ber chu an pan ta phawt a,
" Mr Oberoi, in i nei niin ka hria a"
" Aw....mahse Commissioner bula min kalpui i tum si a, Hotel ah kan inbual mai loh chuan..."
" Ok, Shivaji nagar ah tiy raw?"
" Ok, i duh chuan i lo riak dawn nia, mahse inbualfai ka mamawh rih a ni, miss Neha..!"
" Ok, mipa ka la inbual pui ngai miah lova!"
" Shut.....a ruala inbual a ngai em ni! Hmeichhia ka la inbual pui ngai lo asin!"
" Mr Oberoi, kan hna kan zawh hunah a ruala inbual chu i duh angem?"
Neha chuan ngaihno bei takin a thlir a, belhchian a chak a. Hriat chian a chak a ni. Joseph khawsak dan hian a hneh riau mai! Hmuh tawh hnu pawh a thlir nawn ngai chi a ni. Zun( charms) a nei chiang a ni. Rei lote an inzui chhung pawh hian Neha hi a hmin ti tih der tlat mai!
Hotel pakhat parking nuam zetah hian an tlan lut a. Receiptionist in alo hmuh meuh chuan Room no 86 chabi a pe nghal a. Chu chu Joseph Special room a ni.
Joseph chuan, " Ka motor lo tifai ula, ka keng chhuak duh a nia, kan motor khu engmah ti danglam lovin lo dah ṭha ang che u" a ti a.
Neha chuan alo thlir ringawt a, thupe aw a ni tlat! Hotel Receiptionist te an phe nghal dawr dawr a.
Lift a an luh hma chuan motor chabi a theh phei a, " Ei leh intur rawn dah chho ang che u " a ti nghal a.
An phe nghal dawr dawr mai a ni! Neha hian Mr J.Oberoi hi a hrechiang hauh lo a ni.
Room no 86 ah an lut ta. Kawngka a kalh thlap a. Hahdam takin a ṭhu a.
" Miss Neha, va inbual rawh le, i underwear tur nen lam ka lei asin!" nui sang chuan a ti a.
" I mamawh hmasa zawkin ka hria!" Nui sang chuan alo ti a.
"Umnnn...in tur nghah pahin thil kalphung hi en leh lawk teh ang!" Joseph chuan a ti ta a. Laptop a phawrh a. A thlir vang vang a. A phone a rawn vibrate ta a. RAW Chief a nih a ring nghal a, a lo ni ngei bawk a.
Thupek thar an dawng a ni. Phone a an inbiak zawh meuh chuan Room service pawh a rawn thleng chho ta a! In tur chu Joseph chuan a thli a, a in pawp a, a thli leh a a in leh pawp a.
Neha chu a thlit sak a, inbual tur chuan bath room ah a luh san ta a!
Neha chuan a thlir zui vang vang a, a chet dan ang hi ala hmu ngai lo, a bula a khawsa tur chu a hlim a ni.
........
Sara chuan hrehawm a ti ngang mai. Godown zau puiah a awm ni hian a hria a. Amah vengtute an inthlak ṭhin tih pawh a hre tawh a. Heti taka an hren rei chhan hi a hre lo tak meuh a ni.
A mah vengtute inbiakna thawm a hre zeuh zeuh a. Hindi a thiam tlem hle a, a hriat theih chhun chu zanin hian an hotupa a rawn thleng dawn tih zawng a ni.
A chungah eng thil nge thleng ang le, a rilru a tipau khauh lui ve tlat! A chungah eng pawh thleng dawn se, thih tha in a bei ang tih chu a ni. Tlai lan dar 5 vel niin a hria a.A vengtute inthlak a hun ṭep tih a hria a. Eng emaw tak tih a tum a ni.
A ti thei em em ang! Phone hman dan tur a rilru chuan a ngaihtuah a, an dahna hi Train ri ahre phak a, chuvang chuan anu emaw a pa emaw phone se, an hrethei ngei ang!"
Tin, amah zawngtute an awm a ring ve tawh a, hnu hma eng emaw tal a hnutchhiah a ngai hrim hrim tih a hrethiam a. Zanriah an rawn pek hunah a mit tuamna an phelh sak leh ngei dawn tih a hria a ni.
A ti thei angem le?
M.LUSEI PALIAN
EPISODE-3
Mrs Tamar chuan eng mah ala sawi thei lo! A la inhnit faih faih a. A awm a ni, Hmangaihna hi chhuk zawng hian akal tlat si a. Nu tana fate hlutzia chu kan hrethiam pha kher lovang! Nu hmangaihna zawng a ril em asin!
Walter-a chuan thil ni thei awm chi chu a lo bih ngat ngat a. Sara bona hmun vel chu a thlalak an lo nei vek tawh a lo ni. Mak em em mai chu a bo hunlai hian a bona hmun MG Road a cctv zawng zawng hian cover fuh an nei miah lo. Walter leh Adele chuan Computer Engineer a tel tih an hrechiang ngang mai! Chutak chu Mrs Tamar leh Mr Yosef ngaih dan chiah a ni.
" Tamar, hriau tiat pawhin lo ti te mahse kan hmu em em ang" Adele chuan a ti hmiah mai a.
" India thil tih anih ka ring thei lo" Walter hian a rawn tichhuak phawng mai a.
Mrs Tamar tana a beidawnthlak zia chu sawi mai hian a fiah tawk thei lo!
" Mahse India ram hi an la chhuahsan miah lovang" Walter bawk chuan a rawn ti leh ta!
Phone call dawng se, a tlanna sum te rawn phut se chuan a tih dan dan hi a awm a. Mahse a khuangcher bo hmiah hian ngaih a ti ṭha thei lo a ni. Adele chuan a ṭhiannu chu hahdam taka lo awm turin a duh a ni.
Mahse Mrs Tamar chuan awm mai mai a tum lo! Adele chuan chiang zawkin a hrilhfiah ta a.
" Tunah rih chuan India CBI in an vil reng che, tunah pawh hian kawtkai ah sawn an awm reng tawh a ni. I chet chhuah hma in, fimkhur takin ngaihtuah phawt zel la, Walter nen hian kan rawn hmu em em ang!" a ti ta a.
" Ka fanu hi a thi emaw a dam emaw kan hmuchhuak ngei ngei tur a ni. Mahse thil pakhat, a rubo tute hi kutthlak rih lo u la, keimah ngeiin hremna ka pe duh a ni" a ti ta hmiah mai a. Mrs Tamar hian a rilru zawng zawng a sawi a ni.
A fanu rubo tute hi hremna pek a duh tlat a ni. A ṭul chuan J&K thleng pawhin a um mai ang. A pasal lah hi a buai em em mai si a! Amah hian engkim tih a duh tawh a. India Security leh Intelligent ho hi a ring tawh lo a ni.
Adele thusawi pawh chu dik a ti hle a, zanah Adele leh Walter te hian Sara bona hmun hi an fang dawn a ni. Eng mah hmuh hmaih neih an tum lo. Cctv pawh check ṭhat an duh a ni. An thiam zawng tak a ni a, an ni pahnih hian an thei em em ang.
Adele chuan a ṭhiannu chu lo che chhuak tawh lo turin a hrilh a. Chanchin thar an hriat apiang a hrilh nghal zel tur thu a hrilh bawk a. Chutih lai chuan nula pakhat a rawn lut a. Phone pahnih a rawn dah a. Adele chu alo bu nghat ringawt a. Mipa pakhat a rawn lut leh a, Suitcase a rawn dah leh a, an ralthuam hman turte a ni.
An thlen zan hian a siruk la a chetchhuah nghal an tum a ni. A hun tawh reng a ni.
........
Netaji Subhas Chandra Bose International Airport ah chuan Joseph chu a ticket a check tir mek a, Tlangval pakhat hi a rawn kal a, Laptop a rawn pe a. A kal lehnghal vang vang a.
Joseph chu Thlawhna chhungah a lut ta! Laptop chu a hawng ta a. An la thlawk chhuak lo bawk a. Chu Laptop ah chuan a hna tur a awm ngei dawn tih a hria a ni.
Laptop hawn a tum lai chuan thlawhna a thawk pakhat alo kal a, suitcase a rawn pe a, a pek pah chuan a badge a hmuh zeuh ringawt a. Joseph pawh a bu nghat ringawt a. Chu pa chuan a kalsan leh ta a!
Laptop chu a hawng dawn a, pass word a awm tlat mai! Pass word chu an ngaihtuah a, laptop chu a chawi a, a sir zawng chuan a en vang vang a. A hre thei ta! A hawng thei ta.
Sara thlalak alo awm nghal a, a bo ni leh thla leh a bona hmun te, a ṭhiante nena an thlalak te a awm nghal a. Israel chhungkua an ni tih te, an pa ber in Company a neih thu te, a college kalna te, a pawimawh eng kim a awm a. CBI an beidawng ti tih tawh a. Police ho chuan eng mah hmuhchhuah an nei lo.
A phone ala a, Chief a be ta a. Secretary in alo la vat a, chief ah a connect nghal a.
" Sir, Mossad engzat nge rawn thleng tawh?"
" Pahnih niin kan hria! A theih hram chuan kutthlak lovang che, Israel sawrkar tih thinrim hi kan ram hruaitu te hian an hlau lutuk a nia, pawisa leh hmanrua i hmu tawhin ka hria. Zawng hmu ngei ang che"
" Ok, Sir.... ka theihtawp ka chhuah ang"
" Airport ah Neha in alo hmuak dawn che a, kawng tin rengah a pui ang che"
Joseph a chek hlak a. Mahni a tal chi a ni si a.
" Ok" a dah nghal a.
Neha hi nula hmel ṭha tak nu hnap mai a ni a, a lan dan chuan, mahse ro thap tak mai a ni. A hmel en chuan Film star ni mai awm a ni. Mahse RAW agent ṭha mi a ni. Joseph nen hian an vawikhat thawh dun na tur a ni. Singapore ah vawikhat Joseph hian kawng a siam sak a, chubak chu an la inhmu tam bik lo!
Joseph chu a chhing vang vang a, thil ni thei a ngaihtuah a. Karnataka a mi sual rual thil tih a ni lo! A hre nghal, an ngam lovang,tin, a ṭhian pakhat a biak khan an ni lo tih a hre thei tlat! Laptop a on leh a, Mr Yosef chanchin a zawng nghal a.
E khai aw... a rin ang ngeiin Nuclear siamnaah Sum alo thawh ve a, a mah pawh Engineer a ni!
Pakistan ISI..?
Mahse Karnataka an la chhuahsan a ring miah lo!
.......
Mrs Tamar chuan pawisa a phawrh ta a! India pawisa nuaikhat chu dawhkanah a dah a.
" A bak chu rawn lam zel u la"
" Tamar, pawisa hman sen loh kan nei, saw suitcase saw en la, i pawisa hi lakir rawh. Ka ṭhiannu i nih vang ni lovin, Israel mi a bo a, chu chu kan zawng dawn! Sawrkar thupek a ni. Mossad pawh keimah chauh ka awm lo,pahnih an awm reng tawh!"
Mrs Tamar chu ava lawm em! Mossad an rawn awm tawh tih a hriat phei chuan a hlim a ni. A ṭhiannu hian a ti mai mai lo tih a hria a, pawisa chu a ak leh ta a!
" Lo va haw rih la, chanchin thar apiang message code khan ka rawn hrilh ang che, fimkhur tluk a awm lo" Adele chuan a ti a.
Waltera pawh chuan, " Mrs Tamar, FBI pawh an rawn thleng tawh a, kan ram hian Israel a pui dawn a, khawngaihin hahdam in lo awm rawh" a ti ve ta a.
Mrs Tamar chu a thaw hawk a. A ding a, Adele nen chuan an inkuah vawng vawng a, a mittui chu a far zawih zawih a. A hru hul a, a chhuak ta a.
Ofek-a ava lam a, An inlam pan chuan a inkhalh chhuak ta a! A chhuah ve leh Bolero dum chuan a rawn zui ve leh nghal a. A nui sak ringawt a. A thla amuang deuh ṭan ta!
..........
Airport ah chuan Neha chu alo ding vang a, a lo thleng te an lo chhuak sap sap a. Joseph pawh zang vah chuan a rawn pen phei a, Neha chuan alo hre nghal a. Joseph pawh chuan a rawn hmu nghal var a. An mit an khap sak a, an inhrethiam ngei mai!
Joseph chu a hmuh hnuhnun ber ai khan alo hmel ṭha tawh zawk a, a sar vang mai a. Hepa hi Indian a ang miah lo a ni. A chungchang information hi Headquarters lam hian an pho chhuak ngai lo hrim hrim. IPS a ni tih hi an hre fur hlawm ringawt a, chu pawh RAW ah daih hian an chhawr a. Sawrkar hian a ring tawk a ni tih chiah an hria.
Neha bul a rawn thleng phei a, Neha chuan alo nuih sak a, A zui ve ta nghal a. Car sen ah chuan an lut ta a. An la inbe miah lo!
Joseph chu a rawn ṭawng chhuak ta a.
" Khawi hmun nge min panpui i tum a Miss Neha?"
" Commissioner in a hmu duh che, i lo thlen ve leh a hnena hruai nghal tura thupek ka ni."
" Theihnghilh teh, inbual phawt ka duh, i duh chuan min nghak ang a, i duh loh chuan ka inbual zawhah ka rawn hmu dawn nia" Joseph chu a nui sak a.Mahse a ṭawngkam chhuak chu a fiahfai em em thung a.
" I bula eng lai pawh a, awm tura thupek ka ni, chuan CBI in min vil bawk"
" Ka lo khalh ange, a nih chuan i size hi 34 ti raw? I inthlakna tur kan lei ve nghal dawn nia...kan inbual dawn si a" a ti a. A nui sak a. Neha chu ava melh a, a ni pawh chu a lo bu ve nghat ringawt a. Majestic lam chu a panpui hmasa ta a.
Joseph chuan Dawr pakhatah a luh pui a, thawmhnaw leh inthlakna an va lei ta a!
Hotel hnai ber chu an pan ta phawt a,
" Mr Oberoi, in i nei niin ka hria a"
" Aw....mahse Commissioner bula min kalpui i tum si a, Hotel ah kan inbual mai loh chuan..."
" Ok, Shivaji nagar ah tiy raw?"
" Ok, i duh chuan i lo riak dawn nia, mahse inbualfai ka mamawh rih a ni, miss Neha..!"
" Ok, mipa ka la inbual pui ngai miah lova!"
" Shut.....a ruala inbual a ngai em ni! Hmeichhia ka la inbual pui ngai lo asin!"
" Mr Oberoi, kan hna kan zawh hunah a ruala inbual chu i duh angem?"
Neha chuan ngaihno bei takin a thlir a, belhchian a chak a. Hriat chian a chak a ni. Joseph khawsak dan hian a hneh riau mai! Hmuh tawh hnu pawh a thlir nawn ngai chi a ni. Zun( charms) a nei chiang a ni. Rei lote an inzui chhung pawh hian Neha hi a hmin ti tih der tlat mai!
Hotel pakhat parking nuam zetah hian an tlan lut a. Receiptionist in alo hmuh meuh chuan Room no 86 chabi a pe nghal a. Chu chu Joseph Special room a ni.
Joseph chuan, " Ka motor lo tifai ula, ka keng chhuak duh a nia, kan motor khu engmah ti danglam lovin lo dah ṭha ang che u" a ti a.
Neha chuan alo thlir ringawt a, thupe aw a ni tlat! Hotel Receiptionist te an phe nghal dawr dawr a.
Lift a an luh hma chuan motor chabi a theh phei a, " Ei leh intur rawn dah chho ang che u " a ti nghal a.
An phe nghal dawr dawr mai a ni! Neha hian Mr J.Oberoi hi a hrechiang hauh lo a ni.
Room no 86 ah an lut ta. Kawngka a kalh thlap a. Hahdam takin a ṭhu a.
" Miss Neha, va inbual rawh le, i underwear tur nen lam ka lei asin!" nui sang chuan a ti a.
" I mamawh hmasa zawkin ka hria!" Nui sang chuan alo ti a.
"Umnnn...in tur nghah pahin thil kalphung hi en leh lawk teh ang!" Joseph chuan a ti ta a. Laptop a phawrh a. A thlir vang vang a. A phone a rawn vibrate ta a. RAW Chief a nih a ring nghal a, a lo ni ngei bawk a.
Thupek thar an dawng a ni. Phone a an inbiak zawh meuh chuan Room service pawh a rawn thleng chho ta a! In tur chu Joseph chuan a thli a, a in pawp a, a thli leh a a in leh pawp a.
Neha chu a thlit sak a, inbual tur chuan bath room ah a luh san ta a!
Neha chuan a thlir zui vang vang a, a chet dan ang hi ala hmu ngai lo, a bula a khawsa tur chu a hlim a ni.
........
Sara chuan hrehawm a ti ngang mai. Godown zau puiah a awm ni hian a hria a. Amah vengtute an inthlak ṭhin tih pawh a hre tawh a. Heti taka an hren rei chhan hi a hre lo tak meuh a ni.
A mah vengtute inbiakna thawm a hre zeuh zeuh a. Hindi a thiam tlem hle a, a hriat theih chhun chu zanin hian an hotupa a rawn thleng dawn tih zawng a ni.
A chungah eng thil nge thleng ang le, a rilru a tipau khauh lui ve tlat! A chungah eng pawh thleng dawn se, thih tha in a bei ang tih chu a ni. Tlai lan dar 5 vel niin a hria a.A vengtute inthlak a hun ṭep tih a hria a. Eng emaw tak tih a tum a ni.
A ti thei em em ang! Phone hman dan tur a rilru chuan a ngaihtuah a, an dahna hi Train ri ahre phak a, chuvang chuan anu emaw a pa emaw phone se, an hrethei ngei ang!"
Tin, amah zawngtute an awm a ring ve tawh a, hnu hma eng emaw tal a hnutchhiah a ngai hrim hrim tih a hrethiam a. Zanriah an rawn pek hunah a mit tuamna an phelh sak leh ngei dawn tih a hria a ni.
A ti thei angem le?
Comments
Post a Comment