THE CONDEMN Episode-2
THE CONDEMN
M.LUSEI PALIAN
EPISODE-2
RAW chief in a Agent zawng zawng zinga ṭha ber JOSEPH awmna a hre ta! Rang taka mamawh a ni tih hrilh nghal a ni a. A location pawh a rawn dah lang nghal a ni. Tlai lam a ni tawh a, A tuk tlaia Bangalore thleng hman ngei turin thu a thawn ta! A hna tur chu message in hrilh a niang. Thlawhna ah VIP hmang tura thupek a ni. Joseph chuan ṭha takin a rawn chhang ve zel a. A theih anga hmanhmawh tur chuan a inbuatsaih dawn tih chu a chhanna a ni.
Joseph hi Mizoramah alo awm daih a. Chutah pawh tuichangral lam daih ah alo ni. Helai hmun a Silai rawn tawlhna ṭhin hi Mizoram Police te nen an lo thlithlai a, vawi hnih Silai leh a mu ṭhahnem tak an man tawh a. Tuichangral boruak nuam a tih avang leh a ṭhianpa Hruaia( To sir....with love a mi kha) thawhna ṭhin a nih avangin a fang kual ve mai mai thung a.
Joseph hi Mizo ni si An thlahtute pawh Lal thisen kai ngat ni si a ni a. Mahse JOSEPH OBEROI I.P.S a ni tlat hi a mak a ni. ( JOSEPH IDENTITY ah a chhan chu chiang taka thai lan a ni ang)
RAW chief Vijay Kumar hian a mamawh hle tih a hre thiam mai a ni. Hmanhmawh taka Aizawl pan a ngai dawn a ni. Joseph hian RAW office a Anita a be nghal a. Flight lo tifel turin a ti a, tihfel sak sa a nih thu a rawn hrilh nghal a.
Tlai lam dar 4 ni tawh mahse, a tukah Dar 11:00 am ah Lengpui Airport a thlen hman ngei ngei a ngai.
Mahse a thei em em ang, JOSEPH a ni tlat! RAW in an mi rin ber a ni tlat! Mi huaisen tawrhchhel em em mai! A mah ngat a, Middle East a zuk kal thei, India mi pawimawh zuk ru chhuak thei a ni tlat! Tin, Korea rama NIS han chhaih buai vektu kha a ni tlat! India tan chuan rinngam a ni tlat si a!
Chu JOSEPH chuan Sara a rawn zawng ve dawn a ni. Mossad te, FBI te, CBI te leh RAW te chuan Israel nula an zawng dawn ta!
.......
Sara chu a mit tuam sak a ni a, room lianpui a dah a ni. Mi an tlem hle tih chu a hriatchhun a ni a. Amah man tute hian an khawihna lova, chaw pawh an pe ṭha a. Godown zau puiah an dah a ni. Chaw an pek a piangin an hmai an tuam zel a. An hmel chu a hmu thei lo. Mahse an chaw pek chu a ei duh lo.Tuisik chiah a inṭhin a. Engvanga man ngawt nge annih a zawt zing hle a, an chhang ngai map lo thung a ni.
Mahatma Gandhi Road a an party na ah a phone a ri a, a bengchheng deuh a, bath room a alut chu a ka hup sak a ni a. Hnimhlum hmanga hup a ni a. A harh leh meuh chuan ṭhutthlengah an lo phuar fel der tawh a ni.
A nu leh pa biak a dil pawhin an phal si lo. A mantute lah chuan eng mah an sawi bawk si lo. Mak hi ati em em a ni.
Eng tin mah an ti lo hi mak a ti em em bawk a. Eng vanga chutianga man ngawt nge a nih tih chu a ngaihtuah ber a ni.
Aman tute hi eng nge an nih a hre miah lo lehnghal a. An hotupa ber alo la thlen loh avangin engmah demand an la sawi lo mai mai a ni tih a hre si lo!
Sara rilru a na a, a nu leh pa a ngai tawh a, a nau Ofek-a phei chu a ngai tawh em em a ni. Zirtawpni a ni tawh a, a hrehawm a tiin inbualfai a mamawh tawh takzet a ni.
.......
Israel Mossad leh American FBI in Bangalore leilung an rawn rap ta. Embassy lam an pan hmasak phawt a ngai a. An ralthuam hman tur an lo ngaihtuah sak dawn a ni. Embassy lam pawh an buai khawp mai! Israel nula India ramah ruk bo a ni a. Chu tak chu an thinrim na a ni. Israel Prime Minister Benjamin pawh a rawn thinrim hle mai! India President hial a be tawh a ni. Mossad pahnih an awm tawh a, Mossad zinga ṭha American FBI pawhin an chhawr zeuh zeuh nula hmel ṭha leh engkim thiam chu a thleng leh chiah bawk a. A ṭul ang ang a che turin thu a pe rap mai a. An ram rorelna Knesset ah pawh sawi lan hial a ni ta. He inruk bona hian nghawng a nei thui khawp ang le..
Mrs Tamar chu Ofek-a hruai chuan Embassy lam a pan dawn a. Car a lut tur chu a hawi kual a, a mah vil rengtu an awm tih a hre chiang em a ni.
Shantiniketan a chhuah san chiah chu Bolero dum leh Sumo pakhat chuan a zui nghal a. Tlem a a thawvenna chu India hian phone trace an uar vak lo hi a ni. Mahse Adele te chu biak a tum rih lo, a be thei dawn chuang lo tlat a ni.
Embassy lam chu a pan hmiah a, tahchuan a mi duhte chu a hmu dawn tih a hrechiang em a ni. A pasal Yosef a hrilh bawk a. A tlan ta vang vang a. Tin factory aṭangin Shivaji nagar ah a lut thut a, a kual zawngin a tlan ta daih a. A umtute chhaih buai a duh a ni.
Embassy a thleng ta!
.......
Joseph chuan a phone chu a pick up a, Flight hmasa ber ah chuang leh tura thupek a ni. Calcut ah a awm mek a. A hna tur hi hrilh ala ni lo. Headquarters pelin Karnataka ah a kal daih tur chu mak a ti vak lo. Emergency ah pawh a theuneu lo tih a hria a. A ni chuan Flight ah pawh ralthuam a pai thiang tlat! Pilot te hian an thlamuanpui hle ṭhin a. Tin, VIP a an phurh te reng reng hi Sawrkar duatlai a ni tih an hrechiang sa a ni. Tin, Mr Oberoi hi an hre tawh sa ve hrim hrim bawk a ni.
J.Oberoi hi South India lamah pawh azahpui awm loh viau mai! Ft 5"8 a sang a ni a. Hmel ṭha veng vawng tak, India nula in an thlir zui fo a ni. Bangalore tak phei chu a chiang em em a, in luah pawh a nei ve thlap a. Chawlh hahdam nan a hmang ṭhin a. India film star hmelhriat a ngah hle ti ila, a mah hretu an tam hle a. OBEROI Company fapa a nih vang a ni mahna. IPS a ni tih hi hria an awm mang lo thung a. Under world ah RAW tana mi ṭangkai tak ni chungin Company a en ve zeuh zeuh a ni. Film tam tak a promote a, mi zah a kai hle a ni.
Insual lampang hi a thiam em em a, China ah Martial Art han zir ṭha leh in Silai lampang hi US a Green Baret ah a zir thung a. Kut lawng ringawt pawh hian mi sawm chuan an hneh kher lovang. Pianpui finna bik riau a nei a, hlauhawm lo thleng tur hi a hre lawk thei tlat! A inveng hneh em em a. Mahni a tlat hi nuam a tih zawng a ni.
Mizo a ni a, mahse mitthi tawh a ngaih a ni. Anu leh hmeichhe pakhat bak hian dam in an ring tawh lo. Anni chuan an la beisei hram hram a ni.
A chhan pawh aruang ni a lang chu a taksa a chhiat tawh em avangin an chiang thei lo a ni. Hepa hi tu nge maw a nih chiah chu le?
.........
Adele leh Walter chuan Israel Embassy an thleng ta a. Room hranah chuan an luh tir nghal a. Intihfai nan minute 10 lo hmang tura hrilh an ni a. Embassy mi leh sa ten an ram pasalṭha te an lo duat hle a ni.
Chutihlai chuan Mrs Tamar pawh Embassy a rawn thleng ve chiah a. A fapa Ofek a rawn kai a. A mah umtute an hnai rih lo. Mi chhaihkual dan hi chu a thiam ve em a ni.
Receiptionist pakhat chuan Ofek chu a rawn la nghal a, an hmelhriat sa a nia, an in nel hle mai.
Mikhual thleng thar te awmna a zawt nghal a, minute 10 hnu ah chauh biak theih annih tur thu in an lo chhang a.
Mrs Tamar ngaih dan a ni lo tawp, a thin a rim lek lek a.
" Ka ṭhiannu hmu tur hian in phalna ka lak a ngai lo" a ti hmiah.
Embassy building a hrechiang em a, Strong room ah an awm dawn tih a hrechiang a. A kal phei nal nal a. A rilru hahzia leh a thinlung natzia an hrethiam a. An dang duh bik lo.
Strong room chu a kik karh karh a. Bell awm reng mahse, kawngka kik khan awmzia a nei a. Secret code a hmang a ni. Chhung lam aṭang chuan a khat mawi tawkin vawi thum dawhkan chu a ri karh karh a. Strong room ah chuan a lut ta!
Adele in a ṭhiannu Tamar a hmu chu mak a ti hle! A cher hle a, mutmu a tuah ṭha lo tih alang a. A hmelah chuan lungngaihna nasa tak a hmu thei a. A melh vawng vawng a, an inkuah ta thlawp a. Mrs Tamar chu a mittui a tla zawih zawih mai! Waltera chuan a lo hrethiam hle a!
M.LUSEI PALIAN
EPISODE-2
RAW chief in a Agent zawng zawng zinga ṭha ber JOSEPH awmna a hre ta! Rang taka mamawh a ni tih hrilh nghal a ni a. A location pawh a rawn dah lang nghal a ni. Tlai lam a ni tawh a, A tuk tlaia Bangalore thleng hman ngei turin thu a thawn ta! A hna tur chu message in hrilh a niang. Thlawhna ah VIP hmang tura thupek a ni. Joseph chuan ṭha takin a rawn chhang ve zel a. A theih anga hmanhmawh tur chuan a inbuatsaih dawn tih chu a chhanna a ni.
Joseph hi Mizoramah alo awm daih a. Chutah pawh tuichangral lam daih ah alo ni. Helai hmun a Silai rawn tawlhna ṭhin hi Mizoram Police te nen an lo thlithlai a, vawi hnih Silai leh a mu ṭhahnem tak an man tawh a. Tuichangral boruak nuam a tih avang leh a ṭhianpa Hruaia( To sir....with love a mi kha) thawhna ṭhin a nih avangin a fang kual ve mai mai thung a.
Joseph hi Mizo ni si An thlahtute pawh Lal thisen kai ngat ni si a ni a. Mahse JOSEPH OBEROI I.P.S a ni tlat hi a mak a ni. ( JOSEPH IDENTITY ah a chhan chu chiang taka thai lan a ni ang)
RAW chief Vijay Kumar hian a mamawh hle tih a hre thiam mai a ni. Hmanhmawh taka Aizawl pan a ngai dawn a ni. Joseph hian RAW office a Anita a be nghal a. Flight lo tifel turin a ti a, tihfel sak sa a nih thu a rawn hrilh nghal a.
Tlai lam dar 4 ni tawh mahse, a tukah Dar 11:00 am ah Lengpui Airport a thlen hman ngei ngei a ngai.
Mahse a thei em em ang, JOSEPH a ni tlat! RAW in an mi rin ber a ni tlat! Mi huaisen tawrhchhel em em mai! A mah ngat a, Middle East a zuk kal thei, India mi pawimawh zuk ru chhuak thei a ni tlat! Tin, Korea rama NIS han chhaih buai vektu kha a ni tlat! India tan chuan rinngam a ni tlat si a!
Chu JOSEPH chuan Sara a rawn zawng ve dawn a ni. Mossad te, FBI te, CBI te leh RAW te chuan Israel nula an zawng dawn ta!
.......
Sara chu a mit tuam sak a ni a, room lianpui a dah a ni. Mi an tlem hle tih chu a hriatchhun a ni a. Amah man tute hian an khawihna lova, chaw pawh an pe ṭha a. Godown zau puiah an dah a ni. Chaw an pek a piangin an hmai an tuam zel a. An hmel chu a hmu thei lo. Mahse an chaw pek chu a ei duh lo.Tuisik chiah a inṭhin a. Engvanga man ngawt nge annih a zawt zing hle a, an chhang ngai map lo thung a ni.
Mahatma Gandhi Road a an party na ah a phone a ri a, a bengchheng deuh a, bath room a alut chu a ka hup sak a ni a. Hnimhlum hmanga hup a ni a. A harh leh meuh chuan ṭhutthlengah an lo phuar fel der tawh a ni.
A nu leh pa biak a dil pawhin an phal si lo. A mantute lah chuan eng mah an sawi bawk si lo. Mak hi ati em em a ni.
Eng tin mah an ti lo hi mak a ti em em bawk a. Eng vanga chutianga man ngawt nge a nih tih chu a ngaihtuah ber a ni.
Aman tute hi eng nge an nih a hre miah lo lehnghal a. An hotupa ber alo la thlen loh avangin engmah demand an la sawi lo mai mai a ni tih a hre si lo!
Sara rilru a na a, a nu leh pa a ngai tawh a, a nau Ofek-a phei chu a ngai tawh em em a ni. Zirtawpni a ni tawh a, a hrehawm a tiin inbualfai a mamawh tawh takzet a ni.
.......
Israel Mossad leh American FBI in Bangalore leilung an rawn rap ta. Embassy lam an pan hmasak phawt a ngai a. An ralthuam hman tur an lo ngaihtuah sak dawn a ni. Embassy lam pawh an buai khawp mai! Israel nula India ramah ruk bo a ni a. Chu tak chu an thinrim na a ni. Israel Prime Minister Benjamin pawh a rawn thinrim hle mai! India President hial a be tawh a ni. Mossad pahnih an awm tawh a, Mossad zinga ṭha American FBI pawhin an chhawr zeuh zeuh nula hmel ṭha leh engkim thiam chu a thleng leh chiah bawk a. A ṭul ang ang a che turin thu a pe rap mai a. An ram rorelna Knesset ah pawh sawi lan hial a ni ta. He inruk bona hian nghawng a nei thui khawp ang le..
Mrs Tamar chu Ofek-a hruai chuan Embassy lam a pan dawn a. Car a lut tur chu a hawi kual a, a mah vil rengtu an awm tih a hre chiang em a ni.
Shantiniketan a chhuah san chiah chu Bolero dum leh Sumo pakhat chuan a zui nghal a. Tlem a a thawvenna chu India hian phone trace an uar vak lo hi a ni. Mahse Adele te chu biak a tum rih lo, a be thei dawn chuang lo tlat a ni.
Embassy lam chu a pan hmiah a, tahchuan a mi duhte chu a hmu dawn tih a hrechiang em a ni. A pasal Yosef a hrilh bawk a. A tlan ta vang vang a. Tin factory aṭangin Shivaji nagar ah a lut thut a, a kual zawngin a tlan ta daih a. A umtute chhaih buai a duh a ni.
Embassy a thleng ta!
.......
Joseph chuan a phone chu a pick up a, Flight hmasa ber ah chuang leh tura thupek a ni. Calcut ah a awm mek a. A hna tur hi hrilh ala ni lo. Headquarters pelin Karnataka ah a kal daih tur chu mak a ti vak lo. Emergency ah pawh a theuneu lo tih a hria a. A ni chuan Flight ah pawh ralthuam a pai thiang tlat! Pilot te hian an thlamuanpui hle ṭhin a. Tin, VIP a an phurh te reng reng hi Sawrkar duatlai a ni tih an hrechiang sa a ni. Tin, Mr Oberoi hi an hre tawh sa ve hrim hrim bawk a ni.
J.Oberoi hi South India lamah pawh azahpui awm loh viau mai! Ft 5"8 a sang a ni a. Hmel ṭha veng vawng tak, India nula in an thlir zui fo a ni. Bangalore tak phei chu a chiang em em a, in luah pawh a nei ve thlap a. Chawlh hahdam nan a hmang ṭhin a. India film star hmelhriat a ngah hle ti ila, a mah hretu an tam hle a. OBEROI Company fapa a nih vang a ni mahna. IPS a ni tih hi hria an awm mang lo thung a. Under world ah RAW tana mi ṭangkai tak ni chungin Company a en ve zeuh zeuh a ni. Film tam tak a promote a, mi zah a kai hle a ni.
Insual lampang hi a thiam em em a, China ah Martial Art han zir ṭha leh in Silai lampang hi US a Green Baret ah a zir thung a. Kut lawng ringawt pawh hian mi sawm chuan an hneh kher lovang. Pianpui finna bik riau a nei a, hlauhawm lo thleng tur hi a hre lawk thei tlat! A inveng hneh em em a. Mahni a tlat hi nuam a tih zawng a ni.
Mizo a ni a, mahse mitthi tawh a ngaih a ni. Anu leh hmeichhe pakhat bak hian dam in an ring tawh lo. Anni chuan an la beisei hram hram a ni.
A chhan pawh aruang ni a lang chu a taksa a chhiat tawh em avangin an chiang thei lo a ni. Hepa hi tu nge maw a nih chiah chu le?
.........
Adele leh Walter chuan Israel Embassy an thleng ta a. Room hranah chuan an luh tir nghal a. Intihfai nan minute 10 lo hmang tura hrilh an ni a. Embassy mi leh sa ten an ram pasalṭha te an lo duat hle a ni.
Chutihlai chuan Mrs Tamar pawh Embassy a rawn thleng ve chiah a. A fapa Ofek a rawn kai a. A mah umtute an hnai rih lo. Mi chhaihkual dan hi chu a thiam ve em a ni.
Receiptionist pakhat chuan Ofek chu a rawn la nghal a, an hmelhriat sa a nia, an in nel hle mai.
Mikhual thleng thar te awmna a zawt nghal a, minute 10 hnu ah chauh biak theih annih tur thu in an lo chhang a.
Mrs Tamar ngaih dan a ni lo tawp, a thin a rim lek lek a.
" Ka ṭhiannu hmu tur hian in phalna ka lak a ngai lo" a ti hmiah.
Embassy building a hrechiang em a, Strong room ah an awm dawn tih a hrechiang a. A kal phei nal nal a. A rilru hahzia leh a thinlung natzia an hrethiam a. An dang duh bik lo.
Strong room chu a kik karh karh a. Bell awm reng mahse, kawngka kik khan awmzia a nei a. Secret code a hmang a ni. Chhung lam aṭang chuan a khat mawi tawkin vawi thum dawhkan chu a ri karh karh a. Strong room ah chuan a lut ta!
Adele in a ṭhiannu Tamar a hmu chu mak a ti hle! A cher hle a, mutmu a tuah ṭha lo tih alang a. A hmelah chuan lungngaihna nasa tak a hmu thei a. A melh vawng vawng a, an inkuah ta thlawp a. Mrs Tamar chu a mittui a tla zawih zawih mai! Waltera chuan a lo hrethiam hle a!
Comments
Post a Comment