THE CONDEMN Episode-1

THE CONDEMN


M.LUSEI PALIAN


EPISODE-1


Mrs. Tamar chuan a Smart phone ala a, A ṭhian ṭha ber ni ṭhin Israel Mossad a ṭang ta, Adele chu a call ta a. A puihna a dil a ni. Adele chuan phone call a chhang thei lawk lo, mak a ti hran lo, anni hi chu biak an har em a ni. Mahse a missed call a hmuh chuan a rawn call let in a ring hrim hrim a ni. Mrs Tamar hi a rilru a na em a ni. Na lo chi a ni lo, India Police leh CBI hi a ring zo tawh lo a ni. Israel Mossad meuh arawn in rawlh chuan a harsatna chinfel pui turin a tling tawk em em dawn a ni.


Mrs Tamar pasal Mr Yosef hian Bangalore ah company a neih avangin kum thum an awm tawh a. India rama hmun nuam Garden city an tih hialah an awm a. Chhungkaw hlim thei tak an ni, an fanu Sara a bo hma kha chuan!

Sara hi kum 16 chauh ala ni a, Bangalore University ah MBA a zir mek a. Zan khat an ṭhian ho an party chu chhuizui vak ngaihna awm lovin a bo ta a ni.


A bo dan chu...


Nilai zan a ni a, Mrs.Tamar chuan a fanu chu ngaihtuah hle mahse a ṭhiante nen annih avangin party naa kal chu a remti ve mai a. A hma pawhin an lo kal tawh ṭhin a, A hun takah alo haw leh mai ṭhin. Sara hian nau mipa ala nei a, Ofek-a a ni thung a. Prestige hmun Shantiniketan ah an chhungkua in a awm a. Sara College kalna phei chu a hla hle a. Zingah a chhuak ṭhin nghe nghe a ni.Israel mi an ni a, chhungkaw hlim thei tak an ni.

Mrs Tamar chuan Sara  ṭhiante a zawh fe pawhin a ngaihna an hre lo. A phone a ri a, bathroom lama chhang tura akal chu a let leh ta lo a ni. Chubak chu Nikita leh Sanjana-i pawhin an hre bik lo a ni. 

Sara hi nula hmel ṭha tak, nu hnap hi a ni a, a mitmeng a pawl ram a, 6ft a tling ṭep nghe nghe a. A pian a nalh a, thlir tawh pawh a, thlir nawn ngai fo chi a ni. Hei tak hi Ajad hian a duhna a ni a. Mahse Sara hian a hawi lo mai a ni lo, a be ngai lo hrim hrim a, eng tin emaw Sara number a nei thei hlauh mai a. College khata kal ta na na na chu a hmu zing hle a ni. Message te a thawn tlur tlur ṭhin a ni.

Sara hi Pakistani mi sumdawng hausa fapa Ajad hian a ngaizawng em em mai a. A phone tlur tlur ṭhin a. Pakistani mi mah nise India khua leh tui nihna an nei a, Bangalore ah hian in leh lo neiin an khawsa thung a ni. Ajad hian Sara a neih theihna a nih chuan eng mah tih hi a hnial miah lo a ni.

Rang thei ang berin Police ah an complaint a, FIR an thehlut nghal a. Mahse Police hian thu lawmawm eng mah an la hmu chhuak chuang lo. Kidnap case ni se, Sum an rawn demand tawh an ring a. Mahse tun thlengin eng mah phone call takngial pawh an la dawng si lova, an va mangang teh lul em! 


Mr.Yosef a rilru ana em em a, Police hma lakna achak si lo. An Commissioner hial a hmu ta! Hawihhawm takin a be duh bik tawh lo. A ṭul ka tih chuan Israel Mossad emaw FBI emaw ah ka thlen anga an rawn zawng mai ang, a ti ve ta hmak a. Police hotu pawh a mangang takzet a, CBI ah hial a thlen reng a ni. Mahse an Agent te an inrawlh ṭha ngam tlat lo. Israel mi anni tlat! Tihsual palh neih an hlau em em a ni.  An rinhlelh ber Ajad lah chu hemi zan hian party ah alo kal ve reng reng lo, Bike accident avangin Hospital-ah alo awm daih mai si! A ke lam a sawhnat avangin pawn chhuak thei a ni lo tih a chiang bawk si!

Sara smart phone ah pawh Ajad-a rawn call na alang lo hrim hrim bawk a ni. Number pakhat mah  alang si lo, Nikita leh Sanjana chuan rawn phone an awm ngei an ti bawk si! A chhui tute lu ahai takzet tawh a ni.

CBI chief Anupam-a lah chuan a mi rin ber chawlh alo pe daih mai si. An ṭhu mai mai thei bik lo! Sara Smart phone chu an party na hmunah an hmu lawi si! An lu a hai takzet a ni. Anupam hian a mi rin ber a koh a ngai dawn a ni. He case hi an khawih hreh tlat a naute hian, a mangang ve tho mai!

Sara bo thu a thang chak si a, Social Media a ṭha si! Home minister meuh pawh a buai ta! CBI leh RAW lam thlengin inrawlh  turin thu a chhuah rup mai!

......


Mrs Tamar phone chu a rawn ri ta a, ala rang hle mai. Zirtawpni a ni a, a pasal Yosef Office a kal a, Ofek-a School a kal tir lo thung a. India Police in an veng reng a, mahse an thla a muang chuang lo!

Adele ngei chu a ni ta. Mrs Tamar hi Sipai ṭang tawh a ni a, Israel hmeichhia te hi Sipai an ṭan a ngai tlat a ni. Chuta an trainning laia a ṭhiannu chu Adele hi a ni. Adele hi thiam bik thil tam tak a nei a, chuvang chuan Sawrkar pawh in an chhawr chhunzawm ta zel a ni. Israel mi hian an Sawrkar in a chhawr duh chuan Ram tan thih hi an ngam sarh reng a ni.


Mrs Tamar chuan a fanu bona hmun leh a mangan zia chu a hrilh nghal char char a. Israel Defense ah pawh lehkha a thawn tawh thu nen lam a hrilh a. Adele chuan pawi a tih thu a rawn hrilh a.

Russia ah American FBI Walter-a nen an lo awm daih mai a lo ni a. Mahse an hna an zo tawh a, Waltera alo sawipui anga, arang lama rawn puih a tum thu a rawn hrilh ta a. MrsTamar pawh a thawveng deuh huai a, a pasal Mr Yosef pawh chanchin a hrilh ta nghal a. A ni pawh a thawveng ve deuh huai niin alang, a ṭawngkam rawn hman aṭang chuan a hriat theih a. Mahse an rilru a nuam thei lo, an fanu neihchhun hi an ngaihtuah tawh em a ni.
Rukbo a ni tihzawng an hria a. A bak eng mah an hre si lo, a thi nge ni ala dam tih a hre lo a ni. Mrs Tamar hian hma lak tum viau mahse India Security hian an veng ṭha tawh lutuk a, Duh thalin a  che thei lo a ni.



 A fanu bo na hmun chu ava tlawh leh ringawt ṭhin a. Hnu hma leh beiseina siam thei thil pakhat mah ava hmuchhuak chuang si lo. A buai a ni.


Rei lote hnuah chuan Adele chuan a rawn call ta a, rang thei ang berin India ram an rawn pan dawn a ni. Embassy lam an rawn be fel tawh a. An ni lam hian ralthuam pawh an lo ngaihtuah sak dawn a ni.

Adele hian Israel Defense lam a bia a, anni chuan rang thei ang bera India pan tur chuan an rawn ti ta si! Rei lote atana a thawhpui Walter-a pawh chuan zui ngei a tum a ni. Adele hi a ngaina tlat!
Tin, Israel Defense hian Mrs Tamar in a call zawh hian Mossad pahnih an mahni veng turin a tir nghal a, chu thu chu an puangzar kher lo. Mrs Tamar leh Mr Yosef te pawhin an hre kher lovang. A rukin an veng anga, eng emaw a awm chuan an ramah an hruai haw hmiah dawn a ni.

Israel hian an mi leh sa te chhan hi an tina em asin! An thisen hi a thlawnin a luang tur ani lo, tih hi an thupui a ni tawp mai a ni.


Darkar rei lote  ah Adele leh Walter-a te hi Moscow, Russia khawpui Domodedova Airport aṭangin an rawn chhuak ang a. Kempegowda Airport Bangalore ah a theih anga ranga rawn ṭum an tum a ni. American FBI leh Israel Mossad inkawp te hian eng tiang takin hma rawn la ang maw?

Sara hi an rawn zawng chhuak thei angem le?

An chanchin chu Mrs Tamar an rawn hrilh nghal a. Ava lawm tehreng em aw! Sawi ngaihna pawh a awm lo hial  a ni.A pasal a call nghal a, ven khat chuan an thaw chu aveng ta deuh a. Mahse, Adele te hian hmuah an duh lova, Sara bona hmun chu chiang taka message a hrilh turin an rawn ti zawk a. A dik reng mai, Sawrkar pawhin luhai mam mam khawpin a buaipui si a. Sawrkar inkara buaina thleng thei a ni tlat a ni.


Adele leh Walter hian Russia sawrkar thil an va tihchhiat sak hi sawi mai thiang lo a ni tlat! US leh Israel Sawrkarin an enghelh chu a nep lo a ni mai!



Russian KGB hian an rawn um ngei ang le! Mahse Ram khat innghahngamna leh Sawrkar pawhin a rin ngam te hi an duai bik lovang. India ramah hian An buai laih a ngem le?



.........



RAW chief chu a buai kher mai, CBI lamin an rawn nawr ve sek bawk nen, a naute zinga a ṭha ber chu chawlh a pe a. Biak tlang theih a ni tlat lo. A inlan leh hun tur pawh thla thar ni 7 dawrh a ni a. German ramah a tir leh dawn a ni.


Emergency a atih ṭhin angin message a thawn tir ta a. Location update tura hriattir a ni nghal bawk a ni.

Khawnge J.OBEROI hi a awm a?

Chu zawhna chu RAW agent te chuan an inzawt sup sup a. A chhanna reng an hre lo.


Heti taka buaina karah hian JOSEPH OBEROI chu khawnge alo awm le?


Sawrkar hian a mamawh lutuk tlat tawh a ni.



 ......




Mrs Tamar chuan chetchhuah a hun takzet tih a hre tawh! Israel sipai ṭha mi a train tawh a ni a. Mahse India Sawrkar hian an enthla reng bawk si! Hmun tinah  Cctv a awm a. An kawtkai ah chuan Bolero dum hi a ding reng ringawt tawh mai a ni. Mahse a nihna takah chuan Cctv hack dan te chu a thiam ve em!


Kempegowda ah hian a ṭhiannu leh a puitu tur hi va hmuah hrim hrim a duh a ni. Tin, phuba hi amah ngei hi ala tur a ni.
Tharum a hman theih loh pawhin, hmanrua nen pawh a che mai tur a ni.
Hmanrua a hman theih loh pawhin a trainning laia an thil zir kha a hmang mai tur a ni.

A fanu hi khawnge i awm? A thi emaw adam emaw a zawng hmu ngei ngei tur a ni.


A ṭhiante puihna hmang hian a fanu a zawng chhuak anga, a fanu ru bo tute hi an phu tawk hremna amah ngei hian a pe ngei ngei tur a ni.


.......


RAW chief in An Agent ṭha mi awmna an hre ta! Emergency message a rawn chhang ta.....


Chu mi chu JOSEPH ngei chu a ni.