Pasalṭha vak lobl epi -1
PASALṬHA VAK LO TE
(KUNGFU SHOE VANGIN KA MUALPHO)
M.LUSEI PALIAN
EPISODE-1
(Thuziah hi atsona a nih chuan ka la â zel dawn niin alang a. Mahse mahni tuina zawng leh lunglenna zawng han tih hi a nuam ve em atin ni...
Eng nge ni vak Alexander Dumas pawh Count of Monte Cristo a ni a. Mark Twain pawh Tom Sawyer a a ni e an ti a. Shakespeare meuh pawh Hamleta an ti alawm.
Sir Arthur Conan Doyle chu ka hre tawh bik lo le.)
.......
Kungfu Shoe(Kungfu su) hi hre ve phak lo ka ni lova, bun pha ve ngat ka ni. A dum ni in a hnuai hi a var thung a, a suihna a awm lova, in thawlh tawp chi hi a ni. A hunlai a zir zel hian kan uar a ni. Nula hote pawh khan Bitter an bun ve bawk ṭhin a lawm.
Tun ṭum chu Kungfu Shoe avanga ka mualpho na ka rawn thailang dawn a ni. A hunlai kha chuan zahthlak viau mahse tun hnuah hi chuan a lunglen thlak viau lawi si a. Mi tamtak te pawh ka tawrh ang hi tuar ve in awm takin tiin ka rawn thailang dawn a ni.
.......
Ka nu hi puanṭhui thiam tak a ni hlauh mai a. Kan naupan laia thingfak hnih a video kan en a, kan ngaihsan em em Bus Li a( Bruce Lee) hunlai kha a ni miau mai si a. Bus Li-a kekawr ang kha ka duh ve miau a, a ni chuan a suihna awm ngat khan min ṭhuisak ve ta nge nge a. Min ṭhuisak satliah a ni lova, min ṭhui tur khan khawikipah a hnam hmawr vuanin ka zui a...
" Mawh nu, mawh Lal a nu," tiin a kara kar teh meuh ka zui meuh chuan min ṭhui sak ta nge nge kha a ni.
Chutah ka pu sipai bang tawnzau var ngei mai kha thawl deuh hnek hnawk khan kan ha a. Kekawr dum nen Kungfu shoe nen chuan ka va han pa tak em! Ka inhmeh em em ka thawmhnaw chu ka ṭhiante khan an va awt ve tehlul em! Ka nalh em bawk atin ni! Bus Li-a kha ka ang rem rem ngawtin ka ring ta a ni.
Naupang zawng zawng rawlthar tiamin kan uar em em mai chu, Damdawi-in tlanga Tawlhpahrit tawlh kha a ni. Sikul kan ban tawh hi chuan kan Tawlhpahrit kha kan pu chho sap sap ṭhin a. Duhtawka kan tawlh hnu ah, phuanberh a, Adama suit in kan tleng leh ziai ziai ṭhin a. Eng lo then nalh nalh hian kan chho a, kan tleng thla leh kha chu nuam tak a ni.
A hunlai chuan khang aia nuam kha a awm lo.
Chuan zanah thingfakhnih kengin Video kan en leh ṭhin a ni.( Video en chungchang bik hi chu episode dangah kan dah ang)
.....
" Damdawi-in tlangah bu li la" kan ti a. Kan va hlim ṭhin tak em!
Chuan le, chumi ni tlai chuan ka kungfu su thar nen, ka kekawr thar nen, Bus Li-a ang thei ber chuan Damdawi-in tlang chu ka pan ta alawm le!
Ṭhiante ho chu an lo tawlh suau suau tawh a, min lo au laih laih a. Kei hmanhmawh phelengin ka tlan chho ta! Hei hi a pawi ta a ni. Kungfu Su nena phai tual hnim chunga tlan chu e.....
Amah Bus Li-a ngei pawh khan harsa a tih ka ring a ni. Ka tleng zawt a, ka tawlhpahrit chuan ka lu ah a khawng a, ka tawlhthlu nghal phawt a. Rang tawka thawh ka tum laiin a aia chiangin ka tawlhthlu lehnghal a.
A va han zahthlak chiangkuang tak em!
Ka zak ṭan a, kan tawlhna ṭhin a bel laiah chuan muangchangin ka chho ta a. Ka hnar a lian ṭan hle a. Ka chho ve bek bek a, a chanve vel ka thleng chho ṭan a. Tlemin ka thaw aveng leh deuh ta a!
Mahse ka hmalam huntur hi ka hre lo nasa a ni. Mihringte hian kan hmalam hun kan lo va hre lo tak em! Hui ha...
Ka thleng chho ṭep ta tih chuan le, phaitual hnim ṭona ah chuan ka ke ka chhep sual ta! A pawi ta!
Kungfu Su bun chung hian Tawlhpahrit alo ngai awkawng lo a lo ni! A hmai lei si zawng chuan kan tleng thla tak tak mai chu aw.....
Ka ziahlai thleng hian ka la za...
Hmai bawtin kawrvar rang ruai khan a bawkkhup ngatin ka tleng thla ta. A bawkkhup ka ti tak na a, ka lu lam chu Damdawi-in tlang a hawi lawi si. Ka pum zut thla a, ka hmai zut thla tak tak chu aw.....khring khrang khrah....
Tawlhpahrita tawlh mek te pawh kha ka pel thla vek nia....
Hun reilo te chhungin a tawp ka thleng thla a. Zak rual ka ni ve tawh a. Ka kekawr khup te chu....sawi pawh ka sawi ṭha ngam lo zawk! A zia hian a daih hlawl lo!
Ka tawlhpahrit uluk em em a, Aruka khawnvartui ka hnawih chuan min rawn zui thla a. Ka ding tur chiah chu ka kheimit ah tak a rawn su ta si!
Lalpa leh......ava han na ngai tak em! Ka ṭhu hnawk a, ka hmai leh ka pum lah chu a thip huai huai a, sawi mai ai hian a thip nasa zawk a. Zia lo tak a ni. Ka zah zia hi mihring ṭawngkam hian a sawi fiah pha kher awm love! Min nuih hluah hluah a, min nuihzat a ni. Ka chet dan kha nuih lohna chi ni hek lo le...
Ka tan chuan haw vang vang na chi a ni. Ka ke artui a na em em a, ka hmai leh ka pum lah chu a thip satliah pawh a ni lo, a sat hian a sa huai huai a ni. Zahna kawnah ka va ding chiang tak em! Chu aia zahna nasa chu a awm thei lovang.
Ka hawichhuak ngam hek lo! Ka ke na chu a zia deuh chuan ka ding ta a. Ka Tawlhpahrit ka pu a, haw vang vang kha ka tan a ṭha ber a! Ka ke ka pen chiah chu, ka zah luatah ka ke penna tur ka lo en lova, ke pali vawr suau an tih ang deuh hian ka thal leh ta! Ka tawlhpahrit ngei mai chuan ka chalah tak min tlak a. Arsi hi ka hmu chuai mai! Van zia lo tak, ka chal chu kan tuai a, alo pawng ul mai!
Ka chhuan em em ka kungfu su chu ka phelh a, ka hawichhuak ngam lo. Ke lawngin ka kal a. Haw tur chuan ka rilru ka siam fel ta.
Phuanberh a tawlhchi pawh ka ni tawh lo. Zahna namen lovin min tlakbuak si! Ka chhuk a, Tanky ah chuan hmai phih ka tum a, mi an lo awm nual a, min en duh ngang mai!
Ka hmai kan phih chiah chu leh....a thip hian a thip huai huai a. Ṭah vak hi ka chak ber a ni. A zia hian a daih lo a ni.
.......
Khami ni aṭang khan Kungfu Su kha ka bun tawh lo hrim hrim a ni. Damdawi-in tlang ka hmuh apiang hian ka la zak chem chem bawk a ni.
(KUNGFU SHOE VANGIN KA MUALPHO)
M.LUSEI PALIAN
EPISODE-1
(Thuziah hi atsona a nih chuan ka la â zel dawn niin alang a. Mahse mahni tuina zawng leh lunglenna zawng han tih hi a nuam ve em atin ni...
Eng nge ni vak Alexander Dumas pawh Count of Monte Cristo a ni a. Mark Twain pawh Tom Sawyer a a ni e an ti a. Shakespeare meuh pawh Hamleta an ti alawm.
Sir Arthur Conan Doyle chu ka hre tawh bik lo le.)
.......
Kungfu Shoe(Kungfu su) hi hre ve phak lo ka ni lova, bun pha ve ngat ka ni. A dum ni in a hnuai hi a var thung a, a suihna a awm lova, in thawlh tawp chi hi a ni. A hunlai a zir zel hian kan uar a ni. Nula hote pawh khan Bitter an bun ve bawk ṭhin a lawm.
Tun ṭum chu Kungfu Shoe avanga ka mualpho na ka rawn thailang dawn a ni. A hunlai kha chuan zahthlak viau mahse tun hnuah hi chuan a lunglen thlak viau lawi si a. Mi tamtak te pawh ka tawrh ang hi tuar ve in awm takin tiin ka rawn thailang dawn a ni.
.......
Ka nu hi puanṭhui thiam tak a ni hlauh mai a. Kan naupan laia thingfak hnih a video kan en a, kan ngaihsan em em Bus Li a( Bruce Lee) hunlai kha a ni miau mai si a. Bus Li-a kekawr ang kha ka duh ve miau a, a ni chuan a suihna awm ngat khan min ṭhuisak ve ta nge nge a. Min ṭhuisak satliah a ni lova, min ṭhui tur khan khawikipah a hnam hmawr vuanin ka zui a...
" Mawh nu, mawh Lal a nu," tiin a kara kar teh meuh ka zui meuh chuan min ṭhui sak ta nge nge kha a ni.
Chutah ka pu sipai bang tawnzau var ngei mai kha thawl deuh hnek hnawk khan kan ha a. Kekawr dum nen Kungfu shoe nen chuan ka va han pa tak em! Ka inhmeh em em ka thawmhnaw chu ka ṭhiante khan an va awt ve tehlul em! Ka nalh em bawk atin ni! Bus Li-a kha ka ang rem rem ngawtin ka ring ta a ni.
Naupang zawng zawng rawlthar tiamin kan uar em em mai chu, Damdawi-in tlanga Tawlhpahrit tawlh kha a ni. Sikul kan ban tawh hi chuan kan Tawlhpahrit kha kan pu chho sap sap ṭhin a. Duhtawka kan tawlh hnu ah, phuanberh a, Adama suit in kan tleng leh ziai ziai ṭhin a. Eng lo then nalh nalh hian kan chho a, kan tleng thla leh kha chu nuam tak a ni.
A hunlai chuan khang aia nuam kha a awm lo.
Chuan zanah thingfakhnih kengin Video kan en leh ṭhin a ni.( Video en chungchang bik hi chu episode dangah kan dah ang)
.....
" Damdawi-in tlangah bu li la" kan ti a. Kan va hlim ṭhin tak em!
Chuan le, chumi ni tlai chuan ka kungfu su thar nen, ka kekawr thar nen, Bus Li-a ang thei ber chuan Damdawi-in tlang chu ka pan ta alawm le!
Ṭhiante ho chu an lo tawlh suau suau tawh a, min lo au laih laih a. Kei hmanhmawh phelengin ka tlan chho ta! Hei hi a pawi ta a ni. Kungfu Su nena phai tual hnim chunga tlan chu e.....
Amah Bus Li-a ngei pawh khan harsa a tih ka ring a ni. Ka tleng zawt a, ka tawlhpahrit chuan ka lu ah a khawng a, ka tawlhthlu nghal phawt a. Rang tawka thawh ka tum laiin a aia chiangin ka tawlhthlu lehnghal a.
A va han zahthlak chiangkuang tak em!
Ka zak ṭan a, kan tawlhna ṭhin a bel laiah chuan muangchangin ka chho ta a. Ka hnar a lian ṭan hle a. Ka chho ve bek bek a, a chanve vel ka thleng chho ṭan a. Tlemin ka thaw aveng leh deuh ta a!
Mahse ka hmalam huntur hi ka hre lo nasa a ni. Mihringte hian kan hmalam hun kan lo va hre lo tak em! Hui ha...
Ka thleng chho ṭep ta tih chuan le, phaitual hnim ṭona ah chuan ka ke ka chhep sual ta! A pawi ta!
Kungfu Su bun chung hian Tawlhpahrit alo ngai awkawng lo a lo ni! A hmai lei si zawng chuan kan tleng thla tak tak mai chu aw.....
Ka ziahlai thleng hian ka la za...
Hmai bawtin kawrvar rang ruai khan a bawkkhup ngatin ka tleng thla ta. A bawkkhup ka ti tak na a, ka lu lam chu Damdawi-in tlang a hawi lawi si. Ka pum zut thla a, ka hmai zut thla tak tak chu aw.....khring khrang khrah....
Tawlhpahrita tawlh mek te pawh kha ka pel thla vek nia....
Hun reilo te chhungin a tawp ka thleng thla a. Zak rual ka ni ve tawh a. Ka kekawr khup te chu....sawi pawh ka sawi ṭha ngam lo zawk! A zia hian a daih hlawl lo!
Ka tawlhpahrit uluk em em a, Aruka khawnvartui ka hnawih chuan min rawn zui thla a. Ka ding tur chiah chu ka kheimit ah tak a rawn su ta si!
Lalpa leh......ava han na ngai tak em! Ka ṭhu hnawk a, ka hmai leh ka pum lah chu a thip huai huai a, sawi mai ai hian a thip nasa zawk a. Zia lo tak a ni. Ka zah zia hi mihring ṭawngkam hian a sawi fiah pha kher awm love! Min nuih hluah hluah a, min nuihzat a ni. Ka chet dan kha nuih lohna chi ni hek lo le...
Ka tan chuan haw vang vang na chi a ni. Ka ke artui a na em em a, ka hmai leh ka pum lah chu a thip satliah pawh a ni lo, a sat hian a sa huai huai a ni. Zahna kawnah ka va ding chiang tak em! Chu aia zahna nasa chu a awm thei lovang.
Ka hawichhuak ngam hek lo! Ka ke na chu a zia deuh chuan ka ding ta a. Ka Tawlhpahrit ka pu a, haw vang vang kha ka tan a ṭha ber a! Ka ke ka pen chiah chu, ka zah luatah ka ke penna tur ka lo en lova, ke pali vawr suau an tih ang deuh hian ka thal leh ta! Ka tawlhpahrit ngei mai chuan ka chalah tak min tlak a. Arsi hi ka hmu chuai mai! Van zia lo tak, ka chal chu kan tuai a, alo pawng ul mai!
Ka chhuan em em ka kungfu su chu ka phelh a, ka hawichhuak ngam lo. Ke lawngin ka kal a. Haw tur chuan ka rilru ka siam fel ta.
Phuanberh a tawlhchi pawh ka ni tawh lo. Zahna namen lovin min tlakbuak si! Ka chhuk a, Tanky ah chuan hmai phih ka tum a, mi an lo awm nual a, min en duh ngang mai!
Ka hmai kan phih chiah chu leh....a thip hian a thip huai huai a. Ṭah vak hi ka chak ber a ni. A zia hian a daih lo a ni.
.......
Khami ni aṭang khan Kungfu Su kha ka bun tawh lo hrim hrim a ni. Damdawi-in tlang ka hmuh apiang hian ka la zak chem chem bawk a ni.
Comments
Post a Comment