31stJULY(UNCHAINED MELODY) EPISODE-4
31st JULY(UNCHAINED MELODY)
M.LUSEI PALIAN
EPISODE- 4
“ Umnnn…… Sawi t ache….” Hruaia mita enchung chuan a ti ta a….. Hruaia chuan sawi mai tur a haihchham leh si a.
“Ih…. Khawiah nge in awm a…..Ah..ka sawi awmzia chu khawi vengah nge in awm ka tihna….” Ati bah nuai a,mahse a ngaithla tu chuan a hrethiam thova. Ngaihno bei takin Hruaia chu a melh a, Hruaia chu a lai em a ni. A ni renga tawnmang lasi ang maia hmel tha leh duhawmin a en kiau mai si a,hetiang hunah hi chuan lu thak lo pui hiah te hi a awl ve hrim hrim. Dem ngawt chi a ni lo, hetiang boruak ah hi chuan Pasalthate meuh pawh khan sawi tur an haihchham si thin a. Mahriati chuan alo nuih sen sen a,khawdang a hawi ta ! Hruaia lai lutuk pawh a zia awm tan chho ta a.
“ Zuangtui ah sawn kana wm a……ih….khawiah nge I awm zawk a?”
“Chanmari W ah sawn mi inhnuai ka luah ve a…”
“Nangmahin maw?”
“Aw …..Ti nge a?”
“E……Khawi khua nge I nih a?I hlau em…? Ah…I chhungte I ngai thin awm "
Hruaia chu a nui hak a,Mahriati chuan a rawn melh ha a,a hriatthiam hmel loh hle a.Mahse Hruaia nuih tiza zawktu chu I hlau em a tih kha a ni. Hruaia hi naupan lai atang a hlauh nei lo chi a ni a, Ruahpui a sur a, khawpui a rik dur dur a tek a tlak te hian a phu ve ngai lo. Apu Pasaltha a chhun em em a, Thingtlang tlangval tih takah Ramvah leh ramhnuaia chet tlat hi nuam a tihzawng a ni mauh mai,mahse a nu hian a ngaihtuah em em zel a. Zan tin, zing tin a fapa tan hian a tawngtai thin si a. A nu hian a fapa in hlauh a nei lo hi a manganna a ni. Insual hrat leh khawlaiah huaisen taka awm ni miah lo hian thinlung huaisenna a nei a. Hruaia chuan insualte intihbuaite hi a pumpelh hram hram thin a. A nu vang a ni, a nu hian lung tha lo a nei si a.A nu a ngaihtuah avanga insum tang tang thin a ni.
“Kan khua tak chu Kawnpui a ni a, I hre kher lovang “ tiin Mahriati zawhna chu a chhang ta a.Mahriati rim nam chem chem Chu Hruaia chuan a hmel nen chuan inhmeh hle hian a hria a. Melh hnu pawh a melh nawn fo tur chi hi a ni ve hrim hrim bawk atin ni.
“E….he…ka hria……Kawnpui thlahrang ka hria asin….. A va den rem rem ve….”
Chutih lai tak chuan Dini leh Muani pawh an rawn let ve chiah a.Hruaia rin ai chuan an thang rei lova. Mahriati pawh hi alai ve lutuk tho, mahse Hruaia hian ala chik ngam lova a hre lo mai chauh a ni.An rawn let leh hma riau hian a hre mai chauh a ni. A ni renga Mi tu emaw kan huat vak loh te bulah hi chuan hun hi a kal chak em em thin si a. An hmel hmuh pawh a thlir ninawm miah loh, hmuh tawh hnu a ngaih na em em mai, hmuh loh a lung ti leng veng veng si thin hi an awm ve hrim hrim a.Chung mite chu kan tana mi pawimawh tak an lo ni thin si!
“In lova sawi ril awm ve a….” Dini chuan a ti a.
An lai dun em em ringawt a, “ In sawi zo hman em ang chu maw!Thlahrang te kha in lo sawi elo?” Muani chuan a rawn tih chhunzawm zat a. An hawihai dun hle a.
“Nia ….Hei Hruaia hi Kawnpui thlahrang Khua alawm alo nih “
“A ni maw! Tak tak em ni? Hruaia kawnpui khua maw I nih a?” An ti rual thawt a.
“Kawnpui khua chu ka ni ngei a, mahse Thlahrang kha a tel kher lo “ Hruaia chuan nui var var Mahriati melh pah chuan a ti a. Mahriati chuan alo melh let ve lai tak a ni a, sawi kher lo mahse an dawn lungruk chu a hlim veng veng a ni.hmel huat miah lo te bula awm hi a nuam in a hlimawm a, an kiangah chuan khuavel hi alo par vul thin. Mihring a kan zia ropui ber chu hmangaihna hi a ni a, thu ropui ber an lo ti hial thin reng a ni.
“Hruai, Thlahrang chanchin tlem tal chu min hrilh ngei a ngai ang……I hmu ve tawh hial nghe nghe lo maw…Awi ka hrechak telh telh ta mai! Dini chuan a ti a.Hmeichhia tak hi chu aw……An thil hriat duh zawng hi chu an ti chung thin reng a ni.
“ Ishhh……A hrang tih pawh ka lo hre ve reng reng hleinem !”
“ Ui ha……An in ti thei ta vel ngei ah…..”
“Tak tak a na, In fel viau chuan ka la hrilh dawn che u a nia…Min kawm tha leh peih si lovanga, min chhaih nan in hmang palh ang” Mahriati chuan mak tih hmel fe leh thutak fe chuan Hruaia chu a melh a,A hmel ah chuan phatsan duhna leh derna hmel reng reng a awm lo. Chu hmel mawi tak thlir hnu pawh a, thlir nawn ngai thin chu Hruaia tan chuan ava han tha tehlul em! Hetiang em em a lungrun hian tuman an la melh ngai lo!
Thinlung lawmna a khat a, NGAINATU a tawnga a luangliam a ni. Dem theih a ni lova dem chi a ni hek lo…
Muani chuan”Mawh Hruai…..Pakhat tal han sawi vat vat teh”
Chutih lai tak chuan Hruaia hming chu Microphone atang chuan an rawn puang leh tlat mai…..
Enga ti nge, vawiin chu Hruaia hming an lam mawlh mawlh mai le. Amah Hruaia tak pawh hian mak a ti tawh....!
A inkhel....inkhel han ti ila, Boxing vawi hnih Taekwondo vawi 1 a khel tawh bawk si....
Muani, Dini leh Mahriati te pawn mak an ti hle! An lo thinrim urh mai.
" Vawiin chu min lam zing mawlh mawlh hle mai...." Hruaia chu a ding ta a.
" A ni em em lo, complain ang u." Muani chuan alo ti a.
" Ni ngawt mai, i chau lutuk dawn" Mahriati chuan alo ti ve tlat!
" A ngai love, thih leh thih dam leh dam, kei ve hi zawng lo sil awng pawh ni ila tu'n min ngaihtuah lovang..." a ti a.Mahriati chu a melh pah zeuh a.
A inher a, Indoor lam chu a pan ta a. Chung nula pathum te chuan an thlir ṭhap a. Inngaitlawm an ti a. A bula awm kha hahdam riau hian an hria a. A ni reng a, Hruaia hi a dam thlap a, mahse thinlung huaisen em em mai, hlauh nei miah lo a ni. A thapui tak tak pawh ala chhuah em hleinem!
Dini chu a ding tharh a, " Mahriat, ka Complain sak dawn....hawh...a ni em em lo, khawnge S.U. Hruaitute pawh hi" a ti a.
Mahriati pawh a rawn ding ve ta a. An za chuan Indoor lam chu an pan ta a.
An ṭhianpa thar hi huaiin chak hle mahse a khel tlut tlut hi mak an ti. An khawngaih ve tho....
Thingtlang tlangval a nih vang em ni hetiang taka an tih bik a. An thin a rim tlat!
Ni e a dik chiah, ni khat atan Hruaia hian a khel tam mah mah tawh a ni. Indoor chhungah chuan Board ah chuan Puia alo ding a, alo complain alo ni.
Board lam pang pawh an buai ve nak mai, an han enchiang a, an lo khel hnem tawh viau lawi si!
Hruaia chu Taekwondo khel leh tur alo ni a, Semi-final tho a ni. An buai ta nak mai!
Mahriati te Dini te ho pawh chuan S.U hruaitute an hmu mai lova Lecturer incharge bulah an lo sawi ve a. Mahse Sir Awma Lecturer i/c pawh chuan a ngai serious ngang mai!
Board lamah chuan a rawn phei ve ta a. An sawi ho ta nak nak a.
Hruaia chuan amah lainattu chuti zat a nei chu mak ati hle mai. Mahriati te ṭhian hovin an complain sak lai pawh a hmu reng a. A rilru pawh a hlim ve viau mai...
A buaithlak ta ber chu vawiin a a khel loh pawn a tukah Boxing final leh Taekwondo a khelh a ngai tho dawn a ni.
Hruaia chu an ko ta a. Duh an thlan tir ta ngawt a. An programe duan lawk anga an kal a ngai tlat si! Indoor Games Secretary te pawh dem hleihtheih an ni bik lo.
Hruaia chuan Mahriati chu a zuk melh a, a hmel chu a lo ngui deuhin a hria a. Mi zawng zawng Hruaia chungah an mit a fu ṭhup mai! Mahriati a melh zawh chuan a chhing vang vang a. A thinlung a ṭawngṭai a ni.
A rawn meng leh chiah chu....mi chuan an lo thlir ṭhap a.
" Ka khel ang..." ati ta!
Microphone aṭang chuan Taekwondo khel tur chu an puang ta dum dum mai a. Zirlai tam zawk chuan " A khel hnem lutuk tawh inva ti mak ve!" tiin Board lam an lo au khum a. Board lam pawh an lu a hai ve hle tho...
Mahse Amah Hruaia duhthlanna a ni ve tho...
An zi luai luai a, Mi zawng zawng chuan Blue House an lo ti ta ṭhup ṭhup mai! Hruaia chu a insiam dawn ṭan ta a.
Puia chuan, " Thinlung a pawimawh ber, Chak lo mahla ka lawm a nia.." a ti ve tlat tawh.
Mahriati chu Hruaia lam pan chuan a rawn pen phei ta hnap hnap a..Hruaia chuan alo en reng a, alo ngaichang a ni. Eng thu nge a rawn sawi dawn le...
( Zawm leh zel a ni ang)
M.LUSEI PALIAN
EPISODE- 4
“ Umnnn…… Sawi t ache….” Hruaia mita enchung chuan a ti ta a….. Hruaia chuan sawi mai tur a haihchham leh si a.
“Ih…. Khawiah nge in awm a…..Ah..ka sawi awmzia chu khawi vengah nge in awm ka tihna….” Ati bah nuai a,mahse a ngaithla tu chuan a hrethiam thova. Ngaihno bei takin Hruaia chu a melh a, Hruaia chu a lai em a ni. A ni renga tawnmang lasi ang maia hmel tha leh duhawmin a en kiau mai si a,hetiang hunah hi chuan lu thak lo pui hiah te hi a awl ve hrim hrim. Dem ngawt chi a ni lo, hetiang boruak ah hi chuan Pasalthate meuh pawh khan sawi tur an haihchham si thin a. Mahriati chuan alo nuih sen sen a,khawdang a hawi ta ! Hruaia lai lutuk pawh a zia awm tan chho ta a.
“ Zuangtui ah sawn kana wm a……ih….khawiah nge I awm zawk a?”
“Chanmari W ah sawn mi inhnuai ka luah ve a…”
“Nangmahin maw?”
“Aw …..Ti nge a?”
“E……Khawi khua nge I nih a?I hlau em…? Ah…I chhungte I ngai thin awm "
Hruaia chu a nui hak a,Mahriati chuan a rawn melh ha a,a hriatthiam hmel loh hle a.Mahse Hruaia nuih tiza zawktu chu I hlau em a tih kha a ni. Hruaia hi naupan lai atang a hlauh nei lo chi a ni a, Ruahpui a sur a, khawpui a rik dur dur a tek a tlak te hian a phu ve ngai lo. Apu Pasaltha a chhun em em a, Thingtlang tlangval tih takah Ramvah leh ramhnuaia chet tlat hi nuam a tihzawng a ni mauh mai,mahse a nu hian a ngaihtuah em em zel a. Zan tin, zing tin a fapa tan hian a tawngtai thin si a. A nu hian a fapa in hlauh a nei lo hi a manganna a ni. Insual hrat leh khawlaiah huaisen taka awm ni miah lo hian thinlung huaisenna a nei a. Hruaia chuan insualte intihbuaite hi a pumpelh hram hram thin a. A nu vang a ni, a nu hian lung tha lo a nei si a.A nu a ngaihtuah avanga insum tang tang thin a ni.
“Kan khua tak chu Kawnpui a ni a, I hre kher lovang “ tiin Mahriati zawhna chu a chhang ta a.Mahriati rim nam chem chem Chu Hruaia chuan a hmel nen chuan inhmeh hle hian a hria a. Melh hnu pawh a melh nawn fo tur chi hi a ni ve hrim hrim bawk atin ni.
“E….he…ka hria……Kawnpui thlahrang ka hria asin….. A va den rem rem ve….”
Chutih lai tak chuan Dini leh Muani pawh an rawn let ve chiah a.Hruaia rin ai chuan an thang rei lova. Mahriati pawh hi alai ve lutuk tho, mahse Hruaia hian ala chik ngam lova a hre lo mai chauh a ni.An rawn let leh hma riau hian a hre mai chauh a ni. A ni renga Mi tu emaw kan huat vak loh te bulah hi chuan hun hi a kal chak em em thin si a. An hmel hmuh pawh a thlir ninawm miah loh, hmuh tawh hnu a ngaih na em em mai, hmuh loh a lung ti leng veng veng si thin hi an awm ve hrim hrim a.Chung mite chu kan tana mi pawimawh tak an lo ni thin si!
“In lova sawi ril awm ve a….” Dini chuan a ti a.
An lai dun em em ringawt a, “ In sawi zo hman em ang chu maw!Thlahrang te kha in lo sawi elo?” Muani chuan a rawn tih chhunzawm zat a. An hawihai dun hle a.
“Nia ….Hei Hruaia hi Kawnpui thlahrang Khua alawm alo nih “
“A ni maw! Tak tak em ni? Hruaia kawnpui khua maw I nih a?” An ti rual thawt a.
“Kawnpui khua chu ka ni ngei a, mahse Thlahrang kha a tel kher lo “ Hruaia chuan nui var var Mahriati melh pah chuan a ti a. Mahriati chuan alo melh let ve lai tak a ni a, sawi kher lo mahse an dawn lungruk chu a hlim veng veng a ni.hmel huat miah lo te bula awm hi a nuam in a hlimawm a, an kiangah chuan khuavel hi alo par vul thin. Mihring a kan zia ropui ber chu hmangaihna hi a ni a, thu ropui ber an lo ti hial thin reng a ni.
“Hruai, Thlahrang chanchin tlem tal chu min hrilh ngei a ngai ang……I hmu ve tawh hial nghe nghe lo maw…Awi ka hrechak telh telh ta mai! Dini chuan a ti a.Hmeichhia tak hi chu aw……An thil hriat duh zawng hi chu an ti chung thin reng a ni.
“ Ishhh……A hrang tih pawh ka lo hre ve reng reng hleinem !”
“ Ui ha……An in ti thei ta vel ngei ah…..”
“Tak tak a na, In fel viau chuan ka la hrilh dawn che u a nia…Min kawm tha leh peih si lovanga, min chhaih nan in hmang palh ang” Mahriati chuan mak tih hmel fe leh thutak fe chuan Hruaia chu a melh a,A hmel ah chuan phatsan duhna leh derna hmel reng reng a awm lo. Chu hmel mawi tak thlir hnu pawh a, thlir nawn ngai thin chu Hruaia tan chuan ava han tha tehlul em! Hetiang em em a lungrun hian tuman an la melh ngai lo!
Thinlung lawmna a khat a, NGAINATU a tawnga a luangliam a ni. Dem theih a ni lova dem chi a ni hek lo…
Muani chuan”Mawh Hruai…..Pakhat tal han sawi vat vat teh”
Chutih lai tak chuan Hruaia hming chu Microphone atang chuan an rawn puang leh tlat mai…..
Enga ti nge, vawiin chu Hruaia hming an lam mawlh mawlh mai le. Amah Hruaia tak pawh hian mak a ti tawh....!
A inkhel....inkhel han ti ila, Boxing vawi hnih Taekwondo vawi 1 a khel tawh bawk si....
Muani, Dini leh Mahriati te pawn mak an ti hle! An lo thinrim urh mai.
" Vawiin chu min lam zing mawlh mawlh hle mai...." Hruaia chu a ding ta a.
" A ni em em lo, complain ang u." Muani chuan alo ti a.
" Ni ngawt mai, i chau lutuk dawn" Mahriati chuan alo ti ve tlat!
" A ngai love, thih leh thih dam leh dam, kei ve hi zawng lo sil awng pawh ni ila tu'n min ngaihtuah lovang..." a ti a.Mahriati chu a melh pah zeuh a.
A inher a, Indoor lam chu a pan ta a. Chung nula pathum te chuan an thlir ṭhap a. Inngaitlawm an ti a. A bula awm kha hahdam riau hian an hria a. A ni reng a, Hruaia hi a dam thlap a, mahse thinlung huaisen em em mai, hlauh nei miah lo a ni. A thapui tak tak pawh ala chhuah em hleinem!
Dini chu a ding tharh a, " Mahriat, ka Complain sak dawn....hawh...a ni em em lo, khawnge S.U. Hruaitute pawh hi" a ti a.
Mahriati pawh a rawn ding ve ta a. An za chuan Indoor lam chu an pan ta a.
An ṭhianpa thar hi huaiin chak hle mahse a khel tlut tlut hi mak an ti. An khawngaih ve tho....
Thingtlang tlangval a nih vang em ni hetiang taka an tih bik a. An thin a rim tlat!
Ni e a dik chiah, ni khat atan Hruaia hian a khel tam mah mah tawh a ni. Indoor chhungah chuan Board ah chuan Puia alo ding a, alo complain alo ni.
Board lam pang pawh an buai ve nak mai, an han enchiang a, an lo khel hnem tawh viau lawi si!
Hruaia chu Taekwondo khel leh tur alo ni a, Semi-final tho a ni. An buai ta nak mai!
Mahriati te Dini te ho pawh chuan S.U hruaitute an hmu mai lova Lecturer incharge bulah an lo sawi ve a. Mahse Sir Awma Lecturer i/c pawh chuan a ngai serious ngang mai!
Board lamah chuan a rawn phei ve ta a. An sawi ho ta nak nak a.
Hruaia chuan amah lainattu chuti zat a nei chu mak ati hle mai. Mahriati te ṭhian hovin an complain sak lai pawh a hmu reng a. A rilru pawh a hlim ve viau mai...
A buaithlak ta ber chu vawiin a a khel loh pawn a tukah Boxing final leh Taekwondo a khelh a ngai tho dawn a ni.
Hruaia chu an ko ta a. Duh an thlan tir ta ngawt a. An programe duan lawk anga an kal a ngai tlat si! Indoor Games Secretary te pawh dem hleihtheih an ni bik lo.
Hruaia chuan Mahriati chu a zuk melh a, a hmel chu a lo ngui deuhin a hria a. Mi zawng zawng Hruaia chungah an mit a fu ṭhup mai! Mahriati a melh zawh chuan a chhing vang vang a. A thinlung a ṭawngṭai a ni.
A rawn meng leh chiah chu....mi chuan an lo thlir ṭhap a.
" Ka khel ang..." ati ta!
Microphone aṭang chuan Taekwondo khel tur chu an puang ta dum dum mai a. Zirlai tam zawk chuan " A khel hnem lutuk tawh inva ti mak ve!" tiin Board lam an lo au khum a. Board lam pawh an lu a hai ve hle tho...
Mahse Amah Hruaia duhthlanna a ni ve tho...
An zi luai luai a, Mi zawng zawng chuan Blue House an lo ti ta ṭhup ṭhup mai! Hruaia chu a insiam dawn ṭan ta a.
Puia chuan, " Thinlung a pawimawh ber, Chak lo mahla ka lawm a nia.." a ti ve tlat tawh.
Mahriati chu Hruaia lam pan chuan a rawn pen phei ta hnap hnap a..Hruaia chuan alo en reng a, alo ngaichang a ni. Eng thu nge a rawn sawi dawn le...
( Zawm leh zel a ni ang)
Comments
Post a Comment