31st JULY(UNCHAINED MELODY) EPISODE-9
31st JULY( UNCHAINED MELODY)
M.LUSEI PALIAN
EPISODE-9
"U Hruai.....eng maw i sawi kha...?Tu kuah phak loh maw ka nih?"
Hruaia chu a nui huk a. Eng mah a ni lo, ka ti ve mai mai a nih kha..!
" Min mamawh phawt chuan i duh hun hunah min kuah thei ang"
Zak chung chunga sawitu Janeti chu alai hle a, mahse a sawi hman si a. Mahse Hruaia hian nau angin a en tlat a, chu pawh chu a hrereng a ni. A chang phei chuan a pawm lawp lawp ṭhin reng a ni.
Hruaia chuan, " A nih chuan min lo paw chho mai la Jane.."
" I zak lo...."
" Lehlawi si a.....!"
Hruaia ding lai mek chu lei a chhuahkhum vak ringawt a. Hruaia lah chuan a hmu lo der hmak a, Damdawi te a ei zo tawh bawk a.
Tin,phone a anbiak duh avangin an hmanhmawh deuh bawk a, an chho ta a. Step chho chu Hruaia chuan kal harsa a ti ngei mai. Mahse a intipachang ve tlat a.
An inhlat lova, an thleng chho ve mai a, Hruaia chuan phone chu ala nghal a, A nu alo ni a, chanchin a rawn zawt chipchiar ngang mai a, a nu tih dan a ni ve hrim hrim bawk a. Felfai takin Hruaia chuan a chhang zel a, Tlangvala pumpa mah nise a mittui a hnai ve ṭep a ni.
Vawiinah hlim tawkin a awm a, mahse a chanchin hrilh te ber lah chu mual tam kar dana leng te an ni bawk si.
Doctor in atuk a inkhelh a phalsak lo tih chu a sawi miah lo thung a. Mahse Pi Liani chuan a rawn hre chat lawi si. Inkhel tawh lo turin a rawn ti a ni.
Hruaia chuan a rilru chuan khelh ala tum hram hram tho. An inbiak lai chuan Hruaia pa chuan a rawn be ve ta a.
Hruaia pawh a hahdam sawng sawng mai. A pa thung chuan mipa a nih ang ngeia huaisen taka engkim paltlang turin a rawn fuih thung a. Thil i tih tawh chuan a tawp i thlen pui tur a ni a rawn ti hmiah mai a. Hruaia pawh a thaw huai mai. An in mang ṭha ta phawt a.
Hruaia pa hi mi namai a ni lova, A fapa hi engkim mipa thiam chi zawng zawng a zirtir vek a. Ram lama an chet dan phei chu puitham tak a ni. An pafa a, a nu thlai hmun tur an vat phei chu duh ai mahin an lo vat zau pek a. Mite phei chuan an awih miah lo, nikhata hetianga zau vah thu a awm lo an tihsak hial reng a. Mahse nikhat a an vah zawh a ni tlat si.
Silai hman dan, kah dan engkim a zirtir vek a, a pa hi a 'Hero' a ni. A pa tluk hi khawvelah an awm dawn si lova.
Hruaia chu a ṭhu hnawk a,Thingpui janeti'n a rawn pe vat a.
" Ka lawm e" a lo ti a.
Janeti alai leh ta, lei a chhuah vak ringawt a.
Puia a rawn lut a,
" Hmmnn.....Lo dam tawh hle mai, Thingpui min pe ve mahla a pawi miah lo...janet..."
Puia te In leh Hruaia inluahna hi inhlat lo te a ni a, Puia kuhva lei chu an inah tlangin Hruaia a riahpui tur thu a chhungte bulah alo va sawi a ni.
Ṭhian ṭha neih hi a hlu a, min ngaihsaktu ngat phei chu an hlu lehzual, hmel leh pianhmang a zir a ni lova, a ṭhiante tana an inpek zawh phawt chuan chu chu ṭhian ṭha tihlan na hlu ber a ni.
Ram hnuai hla taka thingtuai ngil ṭha fe fe ai chuan, dai hnaia kawi deuh ṭing ṭeng pawh hi ṭangkai hun an ngah zawk daih ṭhin si a.
Janeti pa chuan Hruaia te inkhelh dan chu a zawt leh a, Puia chuan alo chhan khalh a. An sawi tak tak mai chu..... khabe sep kual a thiam bawk a, Vai film a achangtupa ang hialin a chhuah a.
" Naktuk maw final an tih a"
" Ni e..."
" Tun dinhmunah chuan i khel thei lovang a."
" Khel thei mai ang..."
Janeti pa chuan Hruaia chu ava melh a, a tumruh zia a hmuh chuan mak a ti a. Thinlung huaisen tak a hmu tel tlat a ni. Chhungril huaisenna chuan thil tam tak a ti thei si a.
Thingpui inpah chuan an ti ti ta mai mai a. Janeti naute pahnih an lo haw a, An U Hruaia chu an bawh chung a.
" Khah ...khatin.....Aw...I U Hruaia kha a chau a nia" Janeti pa chuan alo ti a.
Hruaia hi naupang fiam leh chhawnchhaih thiam tak a nih avangin an ngaina em em a. Eng eng emaw hi a siam pui a, naupang lehkha zirpuiiin a chawk hlim thei hle a. An ngaina em em a ni.
" Chau lo ve, ka ṭha.....mahse zanin chu WWE kan ti lovang...."
Kima ( Janeti nau) " I hi....A U nen kan ṭan dun hun kha a ni si a. I sual e..."
" Kima, I U Hruaia khan vawiin an College ah Boxingah mi pahnih a knock out a, Taekwondo ah pahnih a hneh bawk....A vaiin vawiin khan mi pali nen an insual a, a hneh vek...i hria em?" Hruaia ṭan deuh, lo chhan pah si chuan Janeti chuan a lo ti ram hmak a. A sawi awm a nih lam a ngaihtuah lo. ....
Kima leh Sawma chu an ka ho mai!
" U Hruai, tak tak em ni?"
Puia zawk a rawn ṭawng leh ta. Naupang pahnihte bulah chuan an sawi tak tak mai a, a chang leh Hruaia tih dan a zir pah a, Kima leh Sawma an mit leh beng a tlai hle a, An U Hruaia chu an thlir leh ṭhin! A bulah an ṭhu a, an ngaithla dauh dauh a. A sawi lai chuan,
" E Hruai, Taekwondo a i style kha engtia i zir nge, khawi aṭanga i thiam nge?" a rawn ti thut a. Kata thar, style dang daih a hmang phut a, a chak phah reng a ni.
" E....Janeti tih dan hi ka hmu a."
" Heih....Mi sualpa .."
Naupang pahnih, " Eng tin nge a tih, han zir teh...mawh..., U Hruai han ti leh teh.." an lo ti chung a.
A pa chuan alo khap a.
" Khaih khaih.....In U Hruaia kha a chau a nia, bawh chung suh u..." a lo ti thung a.
Janeti lung a awi thei lo, U Hruaia'n a fiam dan kha mak a ti. Thil pakhat hriat chhuah a nei a. Hmanah U Hruaia hian Gas a lak sak a, a ni inbual zo towel nen a chhuak chu an insu a, a towel rang lutuk in a chhar a. A hrechhuak thut a, a lai leh hnuhnawh a, a thinrim ṭun a!
" Zuk mu hahdam rawh Hruaia, pa takin le" fiam thu deuh chuan Janeti pa chuan a ti ta a.
A hma tawh lo reng a ni. Janeti nu dawr nghak pawh a rawn haw chiah a.
An ni ṭhian dun chu an chhuk a, an in mang ṭha ta a!
Janeti thinlungah chuan Hruaia hlir mai chu a awm a, A pa em em a, thawhhreh a nei ngai lova, A pian a ṭha a,
a thu sawi reng reng a fiah fai kalh a, a dik thlap zel. Naupang zirtir a thiam em em a, tuetion pek tur tam tak a nei a, mahse tlem te chauh a pe! A duham hauh lo. College chawlh apiangin a inhlawhfa ṭhin a. A khawngaih em em ṭhin! Mahse Hruaia hian hnathawh hi nuam a ti zawkin a hria. Mipa a hmuh tawh zawng zawng zingah Hruaia ang hi ala hmu miah lo. Mahse A U Hruaia chuan nau en in a en tlat si. Mahse ala naupang em a ni.
Janeti chuan Tv en pah chuan A inngaihtuah nasa mai.....
Chutih lai chuan Pi Thangi chu a pasal chuan Hruaia chanchin chu alo hrilh a...
" Jane....Bawihi, ti nge Layer tui hi inlo pek loh le....An la mu lovang zuk pe lawk rawh...." Pi Thangi chuan a ti a.
Pu Lawma te nupa tan hian an inhnuai ber luahtu Hruaia hi a ṭangkai em em a, an fapa ang chiahin an en a. Eng kimah a rawn pui char char zel a. Mahse chaw eia sawm chu harsa tak a ni.
Hruaia pawh a hmai a phih leh a, Rosgulla chu Puia'n alo hawnsak mek a. Kawngka kik thawm alo ri a,
" U Hruai, U pui....min lo hawn lawk"
Janeti aw a ni tlat! Mak an ti dun hle a, an inmelh a, Puia chuan ava hawn ta a.
Artui( Layer tui) panga a rawn khai a,
" Ih....ih....A nu in hip nghal rawh a ti" Janeti chu alai tlat, Hruaia lah chu kawr ha lo in alo awm a, a pian chu a mawi a ti hle, a dar pharh mawi tak chu a en a, bei hle hle a chak hle a.
" Hruaia ta tur chauh maw?" Puia chuan a lo ti a...
"Umnnn....Ka chho aw..in enkawl ṭha rawh aw..." nu hnap a melhin Hruaia chu a ti a.
" Jane, ka lawm e.....aw..chho rawh a tlai tawh" a ti a,
Janeti chu a chhuak a, pawn thleng Hruaia chuan a thlah a, A biangah a duh piai zeuh a, step a a chho lai chu a thlir ta a. A hlauh a rin vanga thlir a ni.
Janeti ava lawm em! U Hruaia'n abiangah a tuai a, a khawih pawh a khawih ṭha phal lo. Hlim tak a ni. A U Hruaia hi nakina a rilru natna thlentu ala ni angem le?
Hruaia te ṭhian dun pawh an mu ta... Khum pahnih a nei a, Puia hi a riak ṭhin reng a, Practical an tih phei chuan an riak dun mai ṭhin a. Geography (Honours) ve ve a ni si a.
Hruaia chu uluk takin a ṭawngṭai a, Puia lah chu a hnar nghal tluk tluk a!
Mahriati a ngaihtuah a, a thinlung a hlim veng veng a, A hlim em a ni. Zah pawh sawi lovin a hnara thisen chhuak lai a rawn bawihsawm a. A tana khuanu duan a ni angem le...? A suangtuahna a kawm a, a muhil ta a...
Chu zan zet zawng A mah ( Hruaia) avangin hmeichhe pathum an tlai var ti tih tlat! A tan an ṭawngṭai sak vek bawk a, pakhat chu nu hmangaihna thinlung a ni. A dang pahnihte erawh chu......
( A sei tawh em.....ka ti sei hret hret zel ang...)
M.LUSEI PALIAN
EPISODE-9
"U Hruai.....eng maw i sawi kha...?Tu kuah phak loh maw ka nih?"
Hruaia chu a nui huk a. Eng mah a ni lo, ka ti ve mai mai a nih kha..!
" Min mamawh phawt chuan i duh hun hunah min kuah thei ang"
Zak chung chunga sawitu Janeti chu alai hle a, mahse a sawi hman si a. Mahse Hruaia hian nau angin a en tlat a, chu pawh chu a hrereng a ni. A chang phei chuan a pawm lawp lawp ṭhin reng a ni.
Hruaia chuan, " A nih chuan min lo paw chho mai la Jane.."
" I zak lo...."
" Lehlawi si a.....!"
Hruaia ding lai mek chu lei a chhuahkhum vak ringawt a. Hruaia lah chuan a hmu lo der hmak a, Damdawi te a ei zo tawh bawk a.
Tin,phone a anbiak duh avangin an hmanhmawh deuh bawk a, an chho ta a. Step chho chu Hruaia chuan kal harsa a ti ngei mai. Mahse a intipachang ve tlat a.
An inhlat lova, an thleng chho ve mai a, Hruaia chuan phone chu ala nghal a, A nu alo ni a, chanchin a rawn zawt chipchiar ngang mai a, a nu tih dan a ni ve hrim hrim bawk a. Felfai takin Hruaia chuan a chhang zel a, Tlangvala pumpa mah nise a mittui a hnai ve ṭep a ni.
Vawiinah hlim tawkin a awm a, mahse a chanchin hrilh te ber lah chu mual tam kar dana leng te an ni bawk si.
Doctor in atuk a inkhelh a phalsak lo tih chu a sawi miah lo thung a. Mahse Pi Liani chuan a rawn hre chat lawi si. Inkhel tawh lo turin a rawn ti a ni.
Hruaia chuan a rilru chuan khelh ala tum hram hram tho. An inbiak lai chuan Hruaia pa chuan a rawn be ve ta a.
Hruaia pawh a hahdam sawng sawng mai. A pa thung chuan mipa a nih ang ngeia huaisen taka engkim paltlang turin a rawn fuih thung a. Thil i tih tawh chuan a tawp i thlen pui tur a ni a rawn ti hmiah mai a. Hruaia pawh a thaw huai mai. An in mang ṭha ta phawt a.
Hruaia pa hi mi namai a ni lova, A fapa hi engkim mipa thiam chi zawng zawng a zirtir vek a. Ram lama an chet dan phei chu puitham tak a ni. An pafa a, a nu thlai hmun tur an vat phei chu duh ai mahin an lo vat zau pek a. Mite phei chuan an awih miah lo, nikhata hetianga zau vah thu a awm lo an tihsak hial reng a. Mahse nikhat a an vah zawh a ni tlat si.
Silai hman dan, kah dan engkim a zirtir vek a, a pa hi a 'Hero' a ni. A pa tluk hi khawvelah an awm dawn si lova.
Hruaia chu a ṭhu hnawk a,Thingpui janeti'n a rawn pe vat a.
" Ka lawm e" a lo ti a.
Janeti alai leh ta, lei a chhuah vak ringawt a.
Puia a rawn lut a,
" Hmmnn.....Lo dam tawh hle mai, Thingpui min pe ve mahla a pawi miah lo...janet..."
Puia te In leh Hruaia inluahna hi inhlat lo te a ni a, Puia kuhva lei chu an inah tlangin Hruaia a riahpui tur thu a chhungte bulah alo va sawi a ni.
Ṭhian ṭha neih hi a hlu a, min ngaihsaktu ngat phei chu an hlu lehzual, hmel leh pianhmang a zir a ni lova, a ṭhiante tana an inpek zawh phawt chuan chu chu ṭhian ṭha tihlan na hlu ber a ni.
Ram hnuai hla taka thingtuai ngil ṭha fe fe ai chuan, dai hnaia kawi deuh ṭing ṭeng pawh hi ṭangkai hun an ngah zawk daih ṭhin si a.
Janeti pa chuan Hruaia te inkhelh dan chu a zawt leh a, Puia chuan alo chhan khalh a. An sawi tak tak mai chu..... khabe sep kual a thiam bawk a, Vai film a achangtupa ang hialin a chhuah a.
" Naktuk maw final an tih a"
" Ni e..."
" Tun dinhmunah chuan i khel thei lovang a."
" Khel thei mai ang..."
Janeti pa chuan Hruaia chu ava melh a, a tumruh zia a hmuh chuan mak a ti a. Thinlung huaisen tak a hmu tel tlat a ni. Chhungril huaisenna chuan thil tam tak a ti thei si a.
Thingpui inpah chuan an ti ti ta mai mai a. Janeti naute pahnih an lo haw a, An U Hruaia chu an bawh chung a.
" Khah ...khatin.....Aw...I U Hruaia kha a chau a nia" Janeti pa chuan alo ti a.
Hruaia hi naupang fiam leh chhawnchhaih thiam tak a nih avangin an ngaina em em a. Eng eng emaw hi a siam pui a, naupang lehkha zirpuiiin a chawk hlim thei hle a. An ngaina em em a ni.
" Chau lo ve, ka ṭha.....mahse zanin chu WWE kan ti lovang...."
Kima ( Janeti nau) " I hi....A U nen kan ṭan dun hun kha a ni si a. I sual e..."
" Kima, I U Hruaia khan vawiin an College ah Boxingah mi pahnih a knock out a, Taekwondo ah pahnih a hneh bawk....A vaiin vawiin khan mi pali nen an insual a, a hneh vek...i hria em?" Hruaia ṭan deuh, lo chhan pah si chuan Janeti chuan a lo ti ram hmak a. A sawi awm a nih lam a ngaihtuah lo. ....
Kima leh Sawma chu an ka ho mai!
" U Hruai, tak tak em ni?"
Puia zawk a rawn ṭawng leh ta. Naupang pahnihte bulah chuan an sawi tak tak mai a, a chang leh Hruaia tih dan a zir pah a, Kima leh Sawma an mit leh beng a tlai hle a, An U Hruaia chu an thlir leh ṭhin! A bulah an ṭhu a, an ngaithla dauh dauh a. A sawi lai chuan,
" E Hruai, Taekwondo a i style kha engtia i zir nge, khawi aṭanga i thiam nge?" a rawn ti thut a. Kata thar, style dang daih a hmang phut a, a chak phah reng a ni.
" E....Janeti tih dan hi ka hmu a."
" Heih....Mi sualpa .."
Naupang pahnih, " Eng tin nge a tih, han zir teh...mawh..., U Hruai han ti leh teh.." an lo ti chung a.
A pa chuan alo khap a.
" Khaih khaih.....In U Hruaia kha a chau a nia, bawh chung suh u..." a lo ti thung a.
Janeti lung a awi thei lo, U Hruaia'n a fiam dan kha mak a ti. Thil pakhat hriat chhuah a nei a. Hmanah U Hruaia hian Gas a lak sak a, a ni inbual zo towel nen a chhuak chu an insu a, a towel rang lutuk in a chhar a. A hrechhuak thut a, a lai leh hnuhnawh a, a thinrim ṭun a!
" Zuk mu hahdam rawh Hruaia, pa takin le" fiam thu deuh chuan Janeti pa chuan a ti ta a.
A hma tawh lo reng a ni. Janeti nu dawr nghak pawh a rawn haw chiah a.
An ni ṭhian dun chu an chhuk a, an in mang ṭha ta a!
Janeti thinlungah chuan Hruaia hlir mai chu a awm a, A pa em em a, thawhhreh a nei ngai lova, A pian a ṭha a,
a thu sawi reng reng a fiah fai kalh a, a dik thlap zel. Naupang zirtir a thiam em em a, tuetion pek tur tam tak a nei a, mahse tlem te chauh a pe! A duham hauh lo. College chawlh apiangin a inhlawhfa ṭhin a. A khawngaih em em ṭhin! Mahse Hruaia hian hnathawh hi nuam a ti zawkin a hria. Mipa a hmuh tawh zawng zawng zingah Hruaia ang hi ala hmu miah lo. Mahse A U Hruaia chuan nau en in a en tlat si. Mahse ala naupang em a ni.
Janeti chuan Tv en pah chuan A inngaihtuah nasa mai.....
Chutih lai chuan Pi Thangi chu a pasal chuan Hruaia chanchin chu alo hrilh a...
" Jane....Bawihi, ti nge Layer tui hi inlo pek loh le....An la mu lovang zuk pe lawk rawh...." Pi Thangi chuan a ti a.
Pu Lawma te nupa tan hian an inhnuai ber luahtu Hruaia hi a ṭangkai em em a, an fapa ang chiahin an en a. Eng kimah a rawn pui char char zel a. Mahse chaw eia sawm chu harsa tak a ni.
Hruaia pawh a hmai a phih leh a, Rosgulla chu Puia'n alo hawnsak mek a. Kawngka kik thawm alo ri a,
" U Hruai, U pui....min lo hawn lawk"
Janeti aw a ni tlat! Mak an ti dun hle a, an inmelh a, Puia chuan ava hawn ta a.
Artui( Layer tui) panga a rawn khai a,
" Ih....ih....A nu in hip nghal rawh a ti" Janeti chu alai tlat, Hruaia lah chu kawr ha lo in alo awm a, a pian chu a mawi a ti hle, a dar pharh mawi tak chu a en a, bei hle hle a chak hle a.
" Hruaia ta tur chauh maw?" Puia chuan a lo ti a...
"Umnnn....Ka chho aw..in enkawl ṭha rawh aw..." nu hnap a melhin Hruaia chu a ti a.
" Jane, ka lawm e.....aw..chho rawh a tlai tawh" a ti a,
Janeti chu a chhuak a, pawn thleng Hruaia chuan a thlah a, A biangah a duh piai zeuh a, step a a chho lai chu a thlir ta a. A hlauh a rin vanga thlir a ni.
Janeti ava lawm em! U Hruaia'n abiangah a tuai a, a khawih pawh a khawih ṭha phal lo. Hlim tak a ni. A U Hruaia hi nakina a rilru natna thlentu ala ni angem le?
Hruaia te ṭhian dun pawh an mu ta... Khum pahnih a nei a, Puia hi a riak ṭhin reng a, Practical an tih phei chuan an riak dun mai ṭhin a. Geography (Honours) ve ve a ni si a.
Hruaia chu uluk takin a ṭawngṭai a, Puia lah chu a hnar nghal tluk tluk a!
Mahriati a ngaihtuah a, a thinlung a hlim veng veng a, A hlim em a ni. Zah pawh sawi lovin a hnara thisen chhuak lai a rawn bawihsawm a. A tana khuanu duan a ni angem le...? A suangtuahna a kawm a, a muhil ta a...
Chu zan zet zawng A mah ( Hruaia) avangin hmeichhe pathum an tlai var ti tih tlat! A tan an ṭawngṭai sak vek bawk a, pakhat chu nu hmangaihna thinlung a ni. A dang pahnihte erawh chu......
( A sei tawh em.....ka ti sei hret hret zel ang...)
Comments
Post a Comment