31st JULY(UNCHAINED MELODY) EPISODE-7
31 st JULY ( UNCHAINED MELODY)
M.LUSEI PALIAN
EPISODE-7
" I kal chho thei dawn em ni?" Mahriati chuan ngaihno bei taka Hruaia melh pah chuan a ti a, tuar ava har ṭhin tak em! Hruaia tan chuan he nula hi Vulmawi Chuailopari a ni a. Damdawi mum tam tak aiin a thawk ṭha zawk....
" Thei mai ang, Ka nu chuan thu pawimawh sawi tur a nei a niang!"
A ding a, tui hmunah a kal a, a hmai a phih a, a inhrufai a, ala bai saih saih a. A taksa chu na lo lai a awm zeuh zeuh chauh a ni.
" Ti khan lo ṭhu lawk mai ru aw..."
Muangchang chuan a chhuak ta a....
........
Tlai lam Dar 4 :30 a ni tawh a, a fapa chuan a va rawn phone har tawh ve aw. A ngaih a ṭha thei lo. Pu Lala ram kal pawh alo haw tawh a.
" U Lal, vawiin chu Bawiha ka rilru ah nilengin a awm a. Chhuna puan ka ṭhui lai khan a Silai khi a che lawp nia....Ka ngaih a ṭha lo riau mai.."
" E khai, nang lah hi aw... Eng tin mah a awm lovang, tlangval a ni alawm" tiin a chhang na a. A rilru erawh a nuam bik chiah lo....
A fapa hi a hrechiang a, hlauh nei lo leh mahni inveng thei a ni. A tlangval lai a chhun fuh hle a. An innghahna ber a ni.
Mahse a Silai leisak banga tar, uluk taka a fapa in a enkawl ṭhin a che chu mak a ti. Rin dan pakhat chiah a nei, a thinlungin a fapa chu a ṭawngṭai, a thinlung zawng zawngin...!
Chutia a inngaihtuah lai chuan a nupui Liani chuan thingpui hang a rawn pe a.
" Bawiha chu aw...a haw ve leh min rawn phone tur khan ka chah si a..."
"Ngaihtuah lutuk suh, tlangval a ni ve tawh alawm." a ti leh mai a.
A ni pawh rilru a awm lo zetin a rawngbawl chu a chhunzawm a.
Hruaia pa chu a inngaihtuah nasa ve mai! A pa Silai keng lova a ramkal ṭumin A pa silai che lawp a hmu a, A pa chuan chu mi ni chuan Savawm a rawn sat hlum a, mahse a ni pawh a hliam ve nual mai! Chumi ṭum te pawh a hrechhuak uai uai a...A ngawi ta vang vang a!
......
Hruaia chu inchung, in neitute in chu thlan tla phungin a thleng chho hram a, nidangah chuan a tlan chho ṭhin kha a ni si a.
Kawngka a kik kauh kauh a,
" Lo lut rawh...." Janeti chuan a ti a.
Janeti hi inneitu Pu Siama fanu Class XII zirlai a ni a. Tleirawl nungchang ṭha tak a ni. U Hruaia hi a star em em a,mahse a tilang ngam ngai lo. A chang chuan a home work te a zuk zawt a, A ngaina em em a, tunah hmeichhe pathum lai mai a rawn hruai haw hi mak a ti hle a. Tukverh darthlalang aṭangin alo thlir reng a.
U Hruaia hi na nei ang a ti hle a. A rilru a lo hrehawm ve em em a, mahse chung nula te chu a thik viau lawi si.
Zai zirin phone chu a kawhhmuh a, Hruaia chu a ṭhu hnawk a... Phone number chu a hmet ta a.
Janeti chuan rawngbawl pahin a mitsirin a melh reng a, U Hruaia awm dan hi a dik lo....a ti rilru a. Mahse a sawi lem lo. A nu hi dawrkai a ni a, apa office ala bang lova. An fanu neih chhun a ni. Nau mipa pahnih a nei a, mahse chung a naute chu inah an awm hman meuh lo. Zanah chuan U Hruaia bulah lehkha an zir ṭhin a ni.
Hruaia chuan phone chu a ngaithla a,
Pi Liani a thinlung bet lo bawk, Pu Lala chuti bawk.. Phone a rawn ri ta!Pi Liani a tho vat a, phone chu a pick up ta a.
" Hello, aw ka nu, eng nge ni ta?" A fapa aw a hriat chuan a hlim sawt a. Mahse a fapa aw hi a dik famkim lo, a zangkhai miah lo tih hringtunu chuan a man tlat!
" Bawiha, na i nei em? I ṭha em? " Pu Lala pawh a nupui bulah a ding hman der tawh.
" Ṭha e, ( Puia a rawn lut ve a) Na em em chu nei lo, kan infiam naah ka sil hlek mai chauh a ni.....Ka ṭha e..." Loud speaker ah Pu Lalan a rawn dah tawh a.
A fapa in ka sil hlek a tih chuan, a sil viau ang tih a ring.
Janeti'n Hruaia a rawn en lai tak chuan Hruaia hnar chu a rawn thi tlat!
" Ui....ui...U Hruai, i hnar a thi..... enga ti nge " a rawn ti hlut a. Janeti ṭawng chu Hruaia nu leh pa chuan an hre pha tlat! Pu Lala a sa nghal zar mai!
Janeti chuan lapua a zawng a, a phili buai hle mai!
" Hruaia....( a pa aw a ni tlat) eng a tinge? I hnar a thi a maw? Mi nen in insual em ni?"
Hruaia chuan a hnar a hup ping a.... Ṭawng a harsa tlat!
Puia chuan phone chu ala a, a biak zawm a, an hun hman dan te, Hruaia chet dan zawng zawngte uar deuh chuan a nu leh pa bulah chuan a sawi ta vek a. Hruaia pa chu a thaw huai a. Pi Liani erawh a lunglawm a kim hauh lo.
Janeti chuan lapua a rawn la a, tuiah a tihuh a. Hruaia hnar a thisen kai chu a rawn hru fai a. Puia thusawi a hre vek bawk a. A U Hruaia chu a ngaisang kher mai! A intithei thar leh deuh a.
" U Hruai, i thiam ve ngawt em ni, ti nge i tel ve ngawt zel a?"
Hruaia chu a nui var var a,
" Thiam chuang nang..." tih ngawtin a chhang a.
An inhrukfai zawh chuan reilo te a nu chu a be leh a. Anu chuan a ngaihtuah kher mai! A pa chuan a chhuang rilru hle thung.
Puia chuan a zuk report thiam bawk a, a thawkna ngang mai.
An inbiak zawh chuan a pa chuan a ṭhian ṭha te, Aizawl lam a mi a han be kual a.... Hei hi a fapa a ngaihtuah vang a ni. A pa in a ṭhiante a biak chuan rah ṭha a chhuah a ngem?
Janeti chuan a U Hruaia chu a ngaihtuah hle a. A lo luh dan reng reng kha a dik lo a ni!
Puia chuan a ṭhianpa chu a kaihkuah thla ta a. An inleng te pawh chuan rei an lo ti ve hle tawh a ni.
" A nuam reuh hle mai, Hruaia inluah chu, a fel thlarh mai a" Dini chuan a rawn ti a.
Muani chuan chawhmeh bel vel alo hawng a,
" Hawh u, chaw ei ve nghal daih ang u .."
"A i ti zahthlak e mai!" Mahriati chuan a ti ve thung a.
Hruaia te pawh an rawn lut leh ta a. Puia chhuak chuan chhang leh Rosgulla a rawn lei a.
Dini chuan thingpui alo lum thung a.
" Coffee a awm..." tih pahin Hruaia chuan a rawn kawk a.
Mahriati chuan Hruaia bula ṭhut pah chuan, " A thi leh elo?" a ti a.
" Tlem te chauh maw le...ka ṭha lutuk" tih pah chuan Mahriati chu a melh a, a dam vawng vawng hian a hria a.
Coffee in pahin an ti ti mai mai a...
Puia chuan chaw ei turin a lo sawm ve sek a. Mahse kan haw na tur a hla si an ti ve tlat thung a.
.........
Pi Liani a dam thei lo....
" Bawiha pa, Bawiha kha a awm dan a dik lo tawp mai..a awka kha a zangkhai hauh lo..."
" Kha A pa Sangtea leh Zika pawh ka phone kha, Sangtea phei chu a phei nghal dawn!" a ti a.
Pi Liani chu pindan ah lutin a ṭawngṭai leh ta a!
..........
Hruaia chuan mutzal a chak hle na a, mahse a hun mawlh si lo. Coffee an inzawh chuan tu emaw hian kawngka a rawn kik kauh kauh a.
" Lo lut rawh....." Dini chuan alo tih khalh a.
Hruaia pa ṭhianpa Pa Sangtea leh a nupui an rawn lut hlawl mai....
Pa Sangtea chuan, " Bawiha eng tin nge i awm? I hnar thi a reh thei lo em ni? I pa nen kan inbe zo chiah " a ti a.
Ṭhutna a tlem si a, Mahriati te ṭhian ho chu an lo ding ta ṭhap a.
Midang melh kual pahin,
" Vawi engzat vel nge a thi tawh?"
Mahriati chuan, " Taekwondo an khelh lai khan a thi a, an khelh zawh khan a thi leh a, haw kawngah a thi leh a, nichin khan a thi leh a ni awm e" tiin fel fai takin alo chhang a.
" In fel hle mai, hei kan fapa in lo buaipui a, kan lawm hle mai! Damdawi-In i pan phawt teh ang u.." a ti ta a.
"E ...Pa Sangte, a ngai lo, ka ṭha.."
" I ṭha lo a nih hi...Ka thu i awih tur a ni.." a ti ve tlat thung a.
" Ni e, damdawi-In kan pan phawt ang" Pa Sangtea nupui chuan alo ti ve bawk a.
Mahriati te an inthlahrung hle mai!
" Kan lo va haw phei phawt ange aw?" Hruaia melh pah chuan an ti a.
" Aw ni e....Naktukah chuan ka dam var ang" a ti hram a. A nui lui var var a.
Mahriati chuan a rawn melh leh hram a. An kal ta a.
Hruaia chu ruak huai mai hian a in hria a.
Ni e, lairil luahtuten min kalsan meuh zawngin thinlung hi a ruak huai a, kan kim lo ṭhin a. Mahse khuanu pawh hian ' Tawng leh tura ṭhenin, ṭhen leh tura intawng leh turin' min lo duang si a lo ni.
Thinlung hi zawng alo mak a, a aia mak zawk chu khuanu remruat hi a ni.
Khuanu remruat tidanglam tura khuanu ruat hi a awm ve thei leh si hi thil mak, mihringte hriatthiam phak loh khawpa ril a lo ni.
" Motor kan rawn keng a, i kal nghal ang u"
Puia chuan a ṭhianpa chu alo pui a, an kal dawn ta a....
Hruaia chuan ho a ti hle a, mahse ngai an ti tlat si...
( A ngaihnawm telh telh ang)
M.LUSEI PALIAN
EPISODE-7
" I kal chho thei dawn em ni?" Mahriati chuan ngaihno bei taka Hruaia melh pah chuan a ti a, tuar ava har ṭhin tak em! Hruaia tan chuan he nula hi Vulmawi Chuailopari a ni a. Damdawi mum tam tak aiin a thawk ṭha zawk....
" Thei mai ang, Ka nu chuan thu pawimawh sawi tur a nei a niang!"
A ding a, tui hmunah a kal a, a hmai a phih a, a inhrufai a, ala bai saih saih a. A taksa chu na lo lai a awm zeuh zeuh chauh a ni.
" Ti khan lo ṭhu lawk mai ru aw..."
Muangchang chuan a chhuak ta a....
........
Tlai lam Dar 4 :30 a ni tawh a, a fapa chuan a va rawn phone har tawh ve aw. A ngaih a ṭha thei lo. Pu Lala ram kal pawh alo haw tawh a.
" U Lal, vawiin chu Bawiha ka rilru ah nilengin a awm a. Chhuna puan ka ṭhui lai khan a Silai khi a che lawp nia....Ka ngaih a ṭha lo riau mai.."
" E khai, nang lah hi aw... Eng tin mah a awm lovang, tlangval a ni alawm" tiin a chhang na a. A rilru erawh a nuam bik chiah lo....
A fapa hi a hrechiang a, hlauh nei lo leh mahni inveng thei a ni. A tlangval lai a chhun fuh hle a. An innghahna ber a ni.
Mahse a Silai leisak banga tar, uluk taka a fapa in a enkawl ṭhin a che chu mak a ti. Rin dan pakhat chiah a nei, a thinlungin a fapa chu a ṭawngṭai, a thinlung zawng zawngin...!
Chutia a inngaihtuah lai chuan a nupui Liani chuan thingpui hang a rawn pe a.
" Bawiha chu aw...a haw ve leh min rawn phone tur khan ka chah si a..."
"Ngaihtuah lutuk suh, tlangval a ni ve tawh alawm." a ti leh mai a.
A ni pawh rilru a awm lo zetin a rawngbawl chu a chhunzawm a.
Hruaia pa chu a inngaihtuah nasa ve mai! A pa Silai keng lova a ramkal ṭumin A pa silai che lawp a hmu a, A pa chuan chu mi ni chuan Savawm a rawn sat hlum a, mahse a ni pawh a hliam ve nual mai! Chumi ṭum te pawh a hrechhuak uai uai a...A ngawi ta vang vang a!
......
Hruaia chu inchung, in neitute in chu thlan tla phungin a thleng chho hram a, nidangah chuan a tlan chho ṭhin kha a ni si a.
Kawngka a kik kauh kauh a,
" Lo lut rawh...." Janeti chuan a ti a.
Janeti hi inneitu Pu Siama fanu Class XII zirlai a ni a. Tleirawl nungchang ṭha tak a ni. U Hruaia hi a star em em a,mahse a tilang ngam ngai lo. A chang chuan a home work te a zuk zawt a, A ngaina em em a, tunah hmeichhe pathum lai mai a rawn hruai haw hi mak a ti hle a. Tukverh darthlalang aṭangin alo thlir reng a.
U Hruaia hi na nei ang a ti hle a. A rilru a lo hrehawm ve em em a, mahse chung nula te chu a thik viau lawi si.
Zai zirin phone chu a kawhhmuh a, Hruaia chu a ṭhu hnawk a... Phone number chu a hmet ta a.
Janeti chuan rawngbawl pahin a mitsirin a melh reng a, U Hruaia awm dan hi a dik lo....a ti rilru a. Mahse a sawi lem lo. A nu hi dawrkai a ni a, apa office ala bang lova. An fanu neih chhun a ni. Nau mipa pahnih a nei a, mahse chung a naute chu inah an awm hman meuh lo. Zanah chuan U Hruaia bulah lehkha an zir ṭhin a ni.
Hruaia chuan phone chu a ngaithla a,
Pi Liani a thinlung bet lo bawk, Pu Lala chuti bawk.. Phone a rawn ri ta!Pi Liani a tho vat a, phone chu a pick up ta a.
" Hello, aw ka nu, eng nge ni ta?" A fapa aw a hriat chuan a hlim sawt a. Mahse a fapa aw hi a dik famkim lo, a zangkhai miah lo tih hringtunu chuan a man tlat!
" Bawiha, na i nei em? I ṭha em? " Pu Lala pawh a nupui bulah a ding hman der tawh.
" Ṭha e, ( Puia a rawn lut ve a) Na em em chu nei lo, kan infiam naah ka sil hlek mai chauh a ni.....Ka ṭha e..." Loud speaker ah Pu Lalan a rawn dah tawh a.
A fapa in ka sil hlek a tih chuan, a sil viau ang tih a ring.
Janeti'n Hruaia a rawn en lai tak chuan Hruaia hnar chu a rawn thi tlat!
" Ui....ui...U Hruai, i hnar a thi..... enga ti nge " a rawn ti hlut a. Janeti ṭawng chu Hruaia nu leh pa chuan an hre pha tlat! Pu Lala a sa nghal zar mai!
Janeti chuan lapua a zawng a, a phili buai hle mai!
" Hruaia....( a pa aw a ni tlat) eng a tinge? I hnar a thi a maw? Mi nen in insual em ni?"
Hruaia chuan a hnar a hup ping a.... Ṭawng a harsa tlat!
Puia chuan phone chu ala a, a biak zawm a, an hun hman dan te, Hruaia chet dan zawng zawngte uar deuh chuan a nu leh pa bulah chuan a sawi ta vek a. Hruaia pa chu a thaw huai a. Pi Liani erawh a lunglawm a kim hauh lo.
Janeti chuan lapua a rawn la a, tuiah a tihuh a. Hruaia hnar a thisen kai chu a rawn hru fai a. Puia thusawi a hre vek bawk a. A U Hruaia chu a ngaisang kher mai! A intithei thar leh deuh a.
" U Hruai, i thiam ve ngawt em ni, ti nge i tel ve ngawt zel a?"
Hruaia chu a nui var var a,
" Thiam chuang nang..." tih ngawtin a chhang a.
An inhrukfai zawh chuan reilo te a nu chu a be leh a. Anu chuan a ngaihtuah kher mai! A pa chuan a chhuang rilru hle thung.
Puia chuan a zuk report thiam bawk a, a thawkna ngang mai.
An inbiak zawh chuan a pa chuan a ṭhian ṭha te, Aizawl lam a mi a han be kual a.... Hei hi a fapa a ngaihtuah vang a ni. A pa in a ṭhiante a biak chuan rah ṭha a chhuah a ngem?
Janeti chuan a U Hruaia chu a ngaihtuah hle a. A lo luh dan reng reng kha a dik lo a ni!
Puia chuan a ṭhianpa chu a kaihkuah thla ta a. An inleng te pawh chuan rei an lo ti ve hle tawh a ni.
" A nuam reuh hle mai, Hruaia inluah chu, a fel thlarh mai a" Dini chuan a rawn ti a.
Muani chuan chawhmeh bel vel alo hawng a,
" Hawh u, chaw ei ve nghal daih ang u .."
"A i ti zahthlak e mai!" Mahriati chuan a ti ve thung a.
Hruaia te pawh an rawn lut leh ta a. Puia chhuak chuan chhang leh Rosgulla a rawn lei a.
Dini chuan thingpui alo lum thung a.
" Coffee a awm..." tih pahin Hruaia chuan a rawn kawk a.
Mahriati chuan Hruaia bula ṭhut pah chuan, " A thi leh elo?" a ti a.
" Tlem te chauh maw le...ka ṭha lutuk" tih pah chuan Mahriati chu a melh a, a dam vawng vawng hian a hria a.
Coffee in pahin an ti ti mai mai a...
Puia chuan chaw ei turin a lo sawm ve sek a. Mahse kan haw na tur a hla si an ti ve tlat thung a.
.........
Pi Liani a dam thei lo....
" Bawiha pa, Bawiha kha a awm dan a dik lo tawp mai..a awka kha a zangkhai hauh lo..."
" Kha A pa Sangtea leh Zika pawh ka phone kha, Sangtea phei chu a phei nghal dawn!" a ti a.
Pi Liani chu pindan ah lutin a ṭawngṭai leh ta a!
..........
Hruaia chuan mutzal a chak hle na a, mahse a hun mawlh si lo. Coffee an inzawh chuan tu emaw hian kawngka a rawn kik kauh kauh a.
" Lo lut rawh....." Dini chuan alo tih khalh a.
Hruaia pa ṭhianpa Pa Sangtea leh a nupui an rawn lut hlawl mai....
Pa Sangtea chuan, " Bawiha eng tin nge i awm? I hnar thi a reh thei lo em ni? I pa nen kan inbe zo chiah " a ti a.
Ṭhutna a tlem si a, Mahriati te ṭhian ho chu an lo ding ta ṭhap a.
Midang melh kual pahin,
" Vawi engzat vel nge a thi tawh?"
Mahriati chuan, " Taekwondo an khelh lai khan a thi a, an khelh zawh khan a thi leh a, haw kawngah a thi leh a, nichin khan a thi leh a ni awm e" tiin fel fai takin alo chhang a.
" In fel hle mai, hei kan fapa in lo buaipui a, kan lawm hle mai! Damdawi-In i pan phawt teh ang u.." a ti ta a.
"E ...Pa Sangte, a ngai lo, ka ṭha.."
" I ṭha lo a nih hi...Ka thu i awih tur a ni.." a ti ve tlat thung a.
" Ni e, damdawi-In kan pan phawt ang" Pa Sangtea nupui chuan alo ti ve bawk a.
Mahriati te an inthlahrung hle mai!
" Kan lo va haw phei phawt ange aw?" Hruaia melh pah chuan an ti a.
" Aw ni e....Naktukah chuan ka dam var ang" a ti hram a. A nui lui var var a.
Mahriati chuan a rawn melh leh hram a. An kal ta a.
Hruaia chu ruak huai mai hian a in hria a.
Ni e, lairil luahtuten min kalsan meuh zawngin thinlung hi a ruak huai a, kan kim lo ṭhin a. Mahse khuanu pawh hian ' Tawng leh tura ṭhenin, ṭhen leh tura intawng leh turin' min lo duang si a lo ni.
Thinlung hi zawng alo mak a, a aia mak zawk chu khuanu remruat hi a ni.
Khuanu remruat tidanglam tura khuanu ruat hi a awm ve thei leh si hi thil mak, mihringte hriatthiam phak loh khawpa ril a lo ni.
" Motor kan rawn keng a, i kal nghal ang u"
Puia chuan a ṭhianpa chu alo pui a, an kal dawn ta a....
Hruaia chuan ho a ti hle a, mahse ngai an ti tlat si...
( A ngaihnawm telh telh ang)
Comments
Post a Comment