31st JULY(UNCHAINED MELODY) EPISODE-6
31st JULY (UNCHAINED MELODY)
M.LUSEI PALIAN
EPISODE-6
Hruaia chu a tlawmngai ngang mai.
" A ngai lo, ka kal thei ang..."
" A ngaia kan hmu reng che alawm!"
" Hei ka kal thei alawm"
" I kal ṭha thei lova, kan hmu reng che alawm!"
Mahriati chu lai takin Hruaia bulah chuan aba ding a, Hruaia ban chu ava chelh ta ngawt a. A lai a ni. Mipa tumah ala kuah ngai lo.
Mahse Hruaia kuta a chelhna pawh chu a tawk em em a ni. Hruaia chu a inti pachang hram hram a. A pen thei ta zel a. A pen chuan a tirah harsa deuh mahse, a inpal zal ve ṭan a.
Vawiin chu atan hun hlimawm leh nuam tak a ni. A hming a ṭhat mai bakah ṭhian thar, lunghlu ṭha mi aia ṭha a chhar a. Chu a thil chhar chuan a thinlung ala tirum dawn tih a hre reng reng lo.
Mi kan hming ṭhat tawh hi chuan ṭhian ṭha laina hi kan ngah duh em asin! Mahse kan hming a chhiat laklawh chuan tuma ṭhian leh hmelhriat kan ni ngai lo thung ṭhin.
A ni renga mihring hi kan hmingchhiat tawh laklawh chuan chhungte leh ṭhian ṭha hi an vang pharh a, tu khaw kha in min ngaihsak ngai lo ṭhin reng a ni. Hei hi hringnun kalphung mak tak mai, dik si a ni.
Kalkawngah te chuan Hruaia chu an chibai nak nak a...
" College bus-ah chuang lo mai ang u, a tawt thei si..." Muani chuan a ti a.
" Nia, Bus pangngaiah chuang ila....mahse kawngpui ala hla e" Dini chuan a ti ve thung a.
" Taxi kan zawng ange " Puia chuan a ti a,
" A ngai lo....ka kal thei"
"Ve sek a che....i kal ṭha thei lo a, alang reng alawm" Muani chuan a ti leh ngat a.
Mahse Hruaia hi a tlawmngai a ni. A sil ṭhem ṭhum a. Thapui a chhuah zing malh malh em! An kal chau deuh a, a hnar chu ala thi zui a. Amah lah chuan a hre miah lo lehnghal a.
Mahriati'n Hruaia lam a hawi chuan,
" Awi.....ka duh lo...! ." a ti tuar a...
Hruaia an en ta ṭhap a, a hnar aṭang chuan thisen tharlam tak a rawn chhuak leh tawh a.
Mahriati chuan rawmawl dang a rawn phawrh leh a, a thar hlak Hruaia hnar chu ding meuhin a hru leh ta a. A hmawr lehlam chu tui bottle lachhuak in a tihuh a, a hrukfai sak a.
Hruaia chuan hetiang em em a ngaihsaktu a nei hi alawm em em a, a hnuk a ulh ṭep a ni. Hmar tlangpui tual nuam Awithangpa tual lenna a a chunnu a ngaih a zual em em a.Mahse tihlan loh hram a tum a.
" Naktuk Final an ti ti raw? Khel tawh lo mai rawh" Hruaia mitmeng a en chung chuan a ti a.
Hruaia mitmengah chuan zamna chhete mah a awm lo.
" E ka khel thei em em ang..min ngaihtuah suh...." a ti a. A thinlung a sawi a ni. Mahse tun dinhmunah chuan a khelh theih a rinawm loh.
Boxing final leh Taekwondo final ala khel dawn si a.
........
Kawnpui khua a, Hruaia te Inah chuan Hruaia nu chuan parda a ṭhui a. Bang laia Hruaia thlalak intar chu a che lawp a. Mak a ti ngei mai!
A hnu hretah chuan Hruaia Silai a pa in a leisak chu a rawn inthen deuhin a hria a. Hruaia nu ngaih a ṭha ta hauh lo.
A fapa hian tawhsual a tawk em ni? Nge a damlo zawk em ni?
Pindan chhungah a lut a, khumpui bulah chuan ṭhingṭhiin a ṭawngṭai ta a.
A fapa venhim sak turin a dil a ni. A fapa hian a mamawh ngawih ngawihin a ring a. Pathian chuan hmun tin a hmu a, afapa a venghim em em ang.
Thinlung zawng zawng a Pi Liani ṭawngṭai na chuan thil nasa tak a ti ngei mai! Nilengin venhimin a awm a ni.
Tunlai angin smart phone te ala awm ve lova, lanline chauh a awm si. Pi Liani chuan a fapa inluahna te chu a han phone ta ngawt a.
Mahse Hruaia alo la haw loh thu leh an College Week lai a nih thu chu Hruaia inluahna nula chuan a rawn hrilh a. A rawn haw ve leh a, phone nghal turin a chah a.
Pi Liani rilru a hah ngang mai!
A rilru chu a ṭawngṭai ta ngat ngat ringawt a.
Nu te hian an fate hi an hmangaih em em a, hmangaihna hi chhuk zawng hian kum upat lamah chuan a kal a. An fate an hmangaih em em a, a hnuah an tar hun chuan an tute an hmangaih leh em em si ṭhin! Hetiang hian nula leh tlangval ni lo hmangaihna hi chu chhuk zawngin a lo kal ṭhin reng a ni.
......
Mapuii chuan Hruaia te chu a melh leh zeuh ṭhin a. Mahriati chuan inti neitu riau hian a hria a. A lo thik em em a, a ni reng alawm. Mahriati chu alo ngei ve em em ringawt a.
Zakthei lo thar hle hian a hria a, a hma a hmeichhe ngawi chawi tak a nih ṭhin nen mak a va ti tehlul em!
Mahriati pawh hian a awm dan hi a hrethiam bik chiah lo, heti taka Hruaia a ngaihsak mai hi amah pawhin mak a inti hle a ni.
Hruaia hnar thi pawhin ziaawm lam a pan ta a. An ding rei khat tawh bawk a. Hruaia chu a zak em em a. Buaipui ngaia a awm hi zahthlak a ti. A lairil luahtu in a buaipui lehnghal bawk si. Nuam ti viau mahse a hrehawm a ti ru tlat! A zak em em a ni.
Mahse mihring hi kan dinhmun hian a zir miau loh chuan zah viau theih pawh a ni lo! Buaipui kan ngaih chuan min buaipui tute thu a awm a ngai si ṭhin a.
Puia chuan Taxi chu a rawn hmu ta a. An han chuang a, Muani te ta alo ni hlauh a, an inbeng ta vak a. Hruaia In awmna thleng chu an va thlah ta a. Hruaia chu a lu a hai hle a, rawngbawlsa, zinga a bawl a nei hlauh a.
A rilru ah a awm reng nghe nghe kha a ni. Hruaia inluah ah chuan an chhuk a, Step kal mawlh chu Hruaia tan a harsa a ni. Puia chuan chabi awmna a hria a. A lo zuk hawng zung zung a.
Hruaia inluah hi te lutuk lo, fel thlap mai a ni.
Mahriati te, Dini te an luh chuan mak an ti hle!
A chhuat thingphel fai em em mai te, thil engkim inrem fel thlarh te, mipa inluahah chuan chutiang an beisei hauh lo.
Bangah chuan Hruaia te chhungkua thlalak a lo intar a, an mit ala hle mai! An ding vek si a.
" Pu ber, kan ṭhu ve thei angem?'" Dini chuan a rawn ti ta a.
An vai chuan an nui huk a,
" E....pi zahawm te u, in ṭhu in in zal thei e"
Inchung lam atang chuan tleirawl aw chuan tukverh atangin,
"U Hruai, i nu in ilo haw ve leh min rawn be rawh se a ti" a rawn ti lang lang a.
" I kal chho thei dawn em ni?"
M.LUSEI PALIAN
EPISODE-6
Hruaia chu a tlawmngai ngang mai.
" A ngai lo, ka kal thei ang..."
" A ngaia kan hmu reng che alawm!"
" Hei ka kal thei alawm"
" I kal ṭha thei lova, kan hmu reng che alawm!"
Mahriati chu lai takin Hruaia bulah chuan aba ding a, Hruaia ban chu ava chelh ta ngawt a. A lai a ni. Mipa tumah ala kuah ngai lo.
Mahse Hruaia kuta a chelhna pawh chu a tawk em em a ni. Hruaia chu a inti pachang hram hram a. A pen thei ta zel a. A pen chuan a tirah harsa deuh mahse, a inpal zal ve ṭan a.
Vawiin chu atan hun hlimawm leh nuam tak a ni. A hming a ṭhat mai bakah ṭhian thar, lunghlu ṭha mi aia ṭha a chhar a. Chu a thil chhar chuan a thinlung ala tirum dawn tih a hre reng reng lo.
Mi kan hming ṭhat tawh hi chuan ṭhian ṭha laina hi kan ngah duh em asin! Mahse kan hming a chhiat laklawh chuan tuma ṭhian leh hmelhriat kan ni ngai lo thung ṭhin.
A ni renga mihring hi kan hmingchhiat tawh laklawh chuan chhungte leh ṭhian ṭha hi an vang pharh a, tu khaw kha in min ngaihsak ngai lo ṭhin reng a ni. Hei hi hringnun kalphung mak tak mai, dik si a ni.
Kalkawngah te chuan Hruaia chu an chibai nak nak a...
" College bus-ah chuang lo mai ang u, a tawt thei si..." Muani chuan a ti a.
" Nia, Bus pangngaiah chuang ila....mahse kawngpui ala hla e" Dini chuan a ti ve thung a.
" Taxi kan zawng ange " Puia chuan a ti a,
" A ngai lo....ka kal thei"
"Ve sek a che....i kal ṭha thei lo a, alang reng alawm" Muani chuan a ti leh ngat a.
Mahse Hruaia hi a tlawmngai a ni. A sil ṭhem ṭhum a. Thapui a chhuah zing malh malh em! An kal chau deuh a, a hnar chu ala thi zui a. Amah lah chuan a hre miah lo lehnghal a.
Mahriati'n Hruaia lam a hawi chuan,
" Awi.....ka duh lo...! ." a ti tuar a...
Hruaia an en ta ṭhap a, a hnar aṭang chuan thisen tharlam tak a rawn chhuak leh tawh a.
Mahriati chuan rawmawl dang a rawn phawrh leh a, a thar hlak Hruaia hnar chu ding meuhin a hru leh ta a. A hmawr lehlam chu tui bottle lachhuak in a tihuh a, a hrukfai sak a.
Hruaia chuan hetiang em em a ngaihsaktu a nei hi alawm em em a, a hnuk a ulh ṭep a ni. Hmar tlangpui tual nuam Awithangpa tual lenna a a chunnu a ngaih a zual em em a.Mahse tihlan loh hram a tum a.
" Naktuk Final an ti ti raw? Khel tawh lo mai rawh" Hruaia mitmeng a en chung chuan a ti a.
Hruaia mitmengah chuan zamna chhete mah a awm lo.
" E ka khel thei em em ang..min ngaihtuah suh...." a ti a. A thinlung a sawi a ni. Mahse tun dinhmunah chuan a khelh theih a rinawm loh.
Boxing final leh Taekwondo final ala khel dawn si a.
........
Kawnpui khua a, Hruaia te Inah chuan Hruaia nu chuan parda a ṭhui a. Bang laia Hruaia thlalak intar chu a che lawp a. Mak a ti ngei mai!
A hnu hretah chuan Hruaia Silai a pa in a leisak chu a rawn inthen deuhin a hria a. Hruaia nu ngaih a ṭha ta hauh lo.
A fapa hian tawhsual a tawk em ni? Nge a damlo zawk em ni?
Pindan chhungah a lut a, khumpui bulah chuan ṭhingṭhiin a ṭawngṭai ta a.
A fapa venhim sak turin a dil a ni. A fapa hian a mamawh ngawih ngawihin a ring a. Pathian chuan hmun tin a hmu a, afapa a venghim em em ang.
Thinlung zawng zawng a Pi Liani ṭawngṭai na chuan thil nasa tak a ti ngei mai! Nilengin venhimin a awm a ni.
Tunlai angin smart phone te ala awm ve lova, lanline chauh a awm si. Pi Liani chuan a fapa inluahna te chu a han phone ta ngawt a.
Mahse Hruaia alo la haw loh thu leh an College Week lai a nih thu chu Hruaia inluahna nula chuan a rawn hrilh a. A rawn haw ve leh a, phone nghal turin a chah a.
Pi Liani rilru a hah ngang mai!
A rilru chu a ṭawngṭai ta ngat ngat ringawt a.
Nu te hian an fate hi an hmangaih em em a, hmangaihna hi chhuk zawng hian kum upat lamah chuan a kal a. An fate an hmangaih em em a, a hnuah an tar hun chuan an tute an hmangaih leh em em si ṭhin! Hetiang hian nula leh tlangval ni lo hmangaihna hi chu chhuk zawngin a lo kal ṭhin reng a ni.
......
Mapuii chuan Hruaia te chu a melh leh zeuh ṭhin a. Mahriati chuan inti neitu riau hian a hria a. A lo thik em em a, a ni reng alawm. Mahriati chu alo ngei ve em em ringawt a.
Zakthei lo thar hle hian a hria a, a hma a hmeichhe ngawi chawi tak a nih ṭhin nen mak a va ti tehlul em!
Mahriati pawh hian a awm dan hi a hrethiam bik chiah lo, heti taka Hruaia a ngaihsak mai hi amah pawhin mak a inti hle a ni.
Hruaia hnar thi pawhin ziaawm lam a pan ta a. An ding rei khat tawh bawk a. Hruaia chu a zak em em a. Buaipui ngaia a awm hi zahthlak a ti. A lairil luahtu in a buaipui lehnghal bawk si. Nuam ti viau mahse a hrehawm a ti ru tlat! A zak em em a ni.
Mahse mihring hi kan dinhmun hian a zir miau loh chuan zah viau theih pawh a ni lo! Buaipui kan ngaih chuan min buaipui tute thu a awm a ngai si ṭhin a.
Puia chuan Taxi chu a rawn hmu ta a. An han chuang a, Muani te ta alo ni hlauh a, an inbeng ta vak a. Hruaia In awmna thleng chu an va thlah ta a. Hruaia chu a lu a hai hle a, rawngbawlsa, zinga a bawl a nei hlauh a.
A rilru ah a awm reng nghe nghe kha a ni. Hruaia inluah ah chuan an chhuk a, Step kal mawlh chu Hruaia tan a harsa a ni. Puia chuan chabi awmna a hria a. A lo zuk hawng zung zung a.
Hruaia inluah hi te lutuk lo, fel thlap mai a ni.
Mahriati te, Dini te an luh chuan mak an ti hle!
A chhuat thingphel fai em em mai te, thil engkim inrem fel thlarh te, mipa inluahah chuan chutiang an beisei hauh lo.
Bangah chuan Hruaia te chhungkua thlalak a lo intar a, an mit ala hle mai! An ding vek si a.
" Pu ber, kan ṭhu ve thei angem?'" Dini chuan a rawn ti ta a.
An vai chuan an nui huk a,
" E....pi zahawm te u, in ṭhu in in zal thei e"
Inchung lam atang chuan tleirawl aw chuan tukverh atangin,
"U Hruai, i nu in ilo haw ve leh min rawn be rawh se a ti" a rawn ti lang lang a.
" I kal chho thei dawn em ni?"
Comments
Post a Comment