31st JULY(UNCHAINED MELODY) EPISODE-46
31st JULY(UNCHAINED MELODY)
M.LUSEI PALIAN
EPISODE-46
( Hmalam pan tura ka penna lamah hian ka lo tlu leh ṭhin. Tlu lo tura ṭan ka lak hian seltu tamtak ka hmachhawn si ṭhin a.
Hringnun hi amak ka va ti ṭhin tak em!
K'U Dara lehkhabu ziah hman kuma ka chhiar 'Mipa mit aṭang hian mittui aluang ve ṭhin, mipa a nih avangin aṭap lo tur a ni bik lo' a tih te ka hrechhuak uaih uaih nia.
A hmawr kan bawk ṭep ta e.)
A hamtu tur te leh Judge te an rawn puang ta dum dum mai!
A hamtu tur chu ring ah chuan a ding reng tawh a. Hruaia hmelhriat a ni nghe nghe a. An innuih sak a.
Ring laiah chuan Boxer pahnihte an ding dun a, a hamtupa chuan dan leh dun te a hrilh leh te te a. Glove an insiktir a. An corner lam an pan ta.
Entute thawm ava ṭha ham ham tak em!
" HBC tih leh ZRC" tih chuan an au a. A ṭhenin Blue Corner an ti a, a ṭhenin Red Corner an lo ti thung a.
Bell a lo ri ta...
Final ropui an khel dawn ta!
An inpan nghal chat, lai leh laiah an inhnek nghal mial mial mai! A rualin an inhnek fuh chiang ngang mai, an dak awrh ve ve a, an ha tuamna (gum shield) a per lawp ve ve!
Entute an lo au suau a, a hamtupa chuan a silfai tir a, an second man te ve ve chuan an corner ah an vuah ṭhat sak ve ve a. An ṭan leh ta, Hruaia'n a khelh dan thlak angai tih a hre ta. A hnaih chilh duh vak lo, a chhaih a, hun remchang a melh a.
Michaela chuan Hruaia khelh dan a hmuh ve leh a insiam ṭha ve nghal a. An inkhawih fuh hlei thei ta lo. Final thleng thei ve ve an ni a, an theuneu thei lo hrim hrim a ni.
An inhnek tak na a, an hmai ah chuan an inhnek fuh ta meuh lo. Hruaia chuan Michaela nak chu a tum leh ta! Vawihnih vel a hnek fuh a, Michaela chuan Hruaia khel a man ve leh tlat! A nak a hnek tir a, Hruaia hmaiah a chhang let thung!
Entute chuan thlir nuam an va ti tak em! An thlir ning lo, ṭhu thei an awm meuh lo a ni. An au ring, an College tan ve ve chuan an au ring thei ngang mai!
Red Corner tih leh Blue Corner tih te, Michael...
Hruai...tihte chu a rikin a ri chuah chuah a. Thawm nasa tak an chhuah a.
A hmuhnawm bawk a, endiktute pawhin point pek har an ti ngawt ang.
Michaela chuan a tumpuipa chu a khelh tawhah chuan tum har ala ti ber! Hruaia pawhin khelh har a ti hle mai, a tih dan a man nghal zung zung thei tlat mai!
Michaela hian ring kila indan chep tir a tum lo bur! Hruaia lahin a nawrna viau bawk.An ṭang dun hle, an glove te chuan an innawr leh nawk ṭhin a. An indang hman zel tlat! Mahse entute tan chuan hmuhnawm ava tling em!
Round khatna a tawp ta.
Mahni Corner lam ve ve chu an pan ta a.
Hruaia chu a second man chuan alo hru fai a, vur chuan a lo dep bawk a. A thlan tui chu a far zawih zawih a. A thaw kawk kawk mai!
A hnung lam aṭang chuan, " I khelh dan kha thlak kual sek tawh rawh, kan zir ṭhin ang khan" tih ri a hria a. Mahse hnung lam a hawi thei lo. A hrethiam hle tho va.
Michaela pawh a corner lamah an fuih nasa ngang mai! Mi huaisen leh tawrhchhel tak a ni ve hrim hrim a. A chhan pawh a tumpuipa hnek hi ana em em a. Mahse a tuar thei ve tlat tho!
Bell a ri leh ta....
Hruaia ading at a. Michaela pawh chuti tho, an in pan leh ta chat mai! Thapui thawh a hun ve ve ṭan tlat! An ri leh nghal bian bian mai!
Hruaia'n a khelh dan a thlak chiah a, Michaela chuan a hmaiah a rawn hnek fuh tlat! A pai nawk a, a rawn hnek lehnghal tlat! Hruaia pawn arsi a hmu ve chuai tho!
Mahriati a ṭhuhnawk mai! A hanky chuan a hmai a hup a. A rilru in Hruaia tan a ṭawngṭai ve mawlh mawlh mai! A ni thei lutuk ang! Insehruh ṭeuh in a hmangaih inhnek lai chu a thlir a ni si a. A thinphu arang lo thei dawn em ni?
Hruaia chuan chutia Michaela'n a rawn hnek fuh zawh a rawn hnek a tum leh lai chu a khabe ah a dawm phei tlat!
An lu a hai ṭan ve ve! Hruaia a inthing nawk nawk a, Michaela insangmar lai chu a hnarah ava hnek leh hman a, a pei ta dawr a.
Chulai tak nanchin chu a tum a, a hamtupa chuan alo dang hman tlat!
Entute thawm ava ṭha ngai em! " GO LEGEND...GO"
Tih thawm ava ring ngai em!
Michaela chu a hamtupa chuan a din tir a, a hnar a thi tlat! Medical team a ko chho nghal a, an buaipui nghal a.
Mahriati a rawn hawichhuak chiah a! Hruaia dinhmun a ṭha zawk tih a hrethiam a. A thinlung tlemin a hlim leh deuh ta. A mittui alo parawl hman alo ni!
Medical teamte chuan Michaela hnar thi chu an buaipui a, Michaela pawh a lu a hai hle a. A hnar thi chu alawm mah zawk! Hun rei lote chawlh a neih phah a ni. A hamtupa chuan a count tlat mai le....
Chutih laia HBC thawm ṭhatzia chu....sawi mai ai hian a nasa zawk awm e.
Michaela chuan ala khel zawm dawn, tlawm mai chi a ni lo.
An ṭan leh ta....Michaela chuan a rawn nawr zawk ta mah mah mai! Mak tak a ni, a fei tlat! An innawr tawn leh ta...
Chutihlai chuan Dar a rawn ri ta tlat mai! Hun a tawp leh rih a.
An corner lam chu an pan ta a. Hruaia pawh a hah ve ngang mai! Theihtawp aia nasa a chhuah a ngai a ni.
Michaela a chau takzet a, chhungril huaisenna in a tikhauh zawk a ni.A hnar thi lah chu a rawn chhuak zui a. A hah em a ni.A second man te chuan an hrufai mawlh mawlh a.
Bell a ri leh ta...
Hruaia chuan a ke a khai a, a dar leh ban a tiche ta! HBC lawm ava kim em!
Knock out a tum tawh tih alang chiang em a ni. An Legend hi a che tawh dawn tih an hria! An au ri chu nasa tak a ni.
An ṭan leh chiah Michaela a che hmasa leh hman! An inhnek dun leh ta malh malh mai! Hruaia chuan alo dang hman tlat zel, a fuh tawk a awm ve tho!
Michaela van a duai ṭan, a hnar a rawn thi zual zel! Hruaia chuan a chhang let ve ta! A hnek ta mial mial mai, ring laiah chuan duhtawkin Michaela a hnek a, a duhtawk hnu chuan a tawlhhnung ta a! A tih dan ve reng a ni.
Entute chuan mak an va ti em!? Mi thinlung a hneh riau!
Janeti pa chu alo au ring ṭhin ngei mai!
Hruaia chuan a ban a dah hniam a, a hamtupa chu a en ta daih a.
Michaela a tlu mai lo, a pai nawk a, a ṭhu ta hnawk mai!
A hamtupa chuan Michaela chu a en chiang a, a khap fak fak na a. A hmai chu thi in a bual vek tawh. Khel zui zel chi a ni em tih a en a.
Michaela rawn ding chhuak chu a pei ta nawk nawk mai. A hamtupa chuan a count leh a, a corner ah ading thei ta! Khelh zui ala cho tlat!
Mahse a hamtupa in a phal tlat lo! A titawp ta hmiah! Michaela pawh a ṭhu hnawk a, a hmai chu thi in a bual zui tawh mai! A huaisen em a, a la ding thei mai mai a ni.
ZRC lam ngaih dan a ni meuh lo! Mahse an boxer chu Medical team ten an buaipui ta laih laih a, a lo inhliam nual a ni. A mu ta tual a. A chau a ni.
Hruaia pawh a corner ah a ṭhingṭhi hnawp a, a hnar a thi ve zawih zawih tho! Van lam hawi chuan a chhing ta vang vang ta!
HBC thawm ava na tehlul em! Hall chu a chim mai ang tih hlauhawm tak a ni.
FINAL hmuhnawm ava ni em! A chaklo zawk pawh a tlawm chuang lo!
A hamtupa chuan Hruaia chu ban a phar tir ta a. A ni pawh a hnar a hup ve tho! Michaela lah a hmai an la hru mawlh mawlh a. Hruaia chu ala rawn melh ve ṭawk ṭawk a. Hruaia chuan a mi tum tawh zawng zawngah khirh ala ti ber a ni. A va kal a, ava chibai ta hial a.
An inmelh dun a. An inhmer nghet hle a ni.
Janeti pa a nuam a tifal hle a.
" Kan lawm ang, kan lawm ngei ngei tur a ni" a ti lang lang a.
Ring aṭanga alo chhuak chu a hnar a la rawn hup ve tho a. Medical team ten an rawn buaipui ve vat a. A thu hahdam te te a, a chau takzet a ni.
Midang chim an la phal mai bik lo! A hnar te chu an hrufai mawlh mawlh a. A mitko te chu a bui ve luk tho mai! Mahriati te ṭhian ho pawhin an nghak ṭhap a. An college lecturer ten an nghak bawk a. A second man chuan a zap lauh lauh a.
Inbeihna hautak zet a ni. A hautak tak meuh a ni.
......
Mafeli pawh tluang takin a rawn thleng tawh a. A inbual fai a, Hruaia tana a thil dah tun thlenga la awm chu mak a ti hle a!
Hruaia rilru a tina takzet a ni tih a hrethiam ta! A ni lah chuan a ni telin a vei telh telh mai si a. A thinlung hi ava hrehawm em! Chu a thinlung ngei chu a hmelma lian ber a ni si a maw?
A ni tan chuan sulhnu nunhlui a chen mai loh chu hmabak a nei ta lo a ni. Ama insuihhnawk ngeiah a tang dawn ta a ni si a. Mahse a thiamloh a nih lohna chen hi a awm ve tho.
Thinlung khawkheng tuar hian engtia rei nge a awm dawn le! Mitthla alo lang ṭhin hlimthla chiah achang dawn a ni. Thinlung khawngaihthlak tak a nei ta si a. Hnemtu tawng loten a vai ta!
......
Hruaia an tifai zo chu Janeti pa chuan alo chibai hmasa ber a.
" I champion ang ka tih kha.... i naute an va lawm dawn em!" a ti lang lang a.
"Ka lo va haw a nge!" A ti zui a, a kal ta a.
Lecturer te chuan an chibai diat diat a, a second man hnenah chuan lawmpuina an pe zel a.An lawmpui tak zet a, an college a ti hming ṭha takzet a ni.
Mahriati te chuan an pawh ve ngam ta!
Hruaia thlan la luangte chu a hruk sak nghal mawlh mawlh a.
" I na viau em? " a aw chuan lung a kuai raih a. Lairil afan ngaih mai.
" Ka ṭha e, "
Puia chu Hruaia ai mah chuan alawm zawk hial awm e. A ṭawng lar lar reng a. Nuam hi ava ti tak em!
Dressing room an thleng a, Mahriati te chuan an zui ngam tawh rih lo,an S.U lamten an lo nghak ṭhap si. Pawna lo nghah mai ṭha zawk in an hria a.
Dressing room an thlen chuan Hruaia chu a mu vang vang a. A chau a ni, chauhna tham a ni, mi tam tak ni se nileng lung put an duhzawk ngei awm si a.
S.U Hruaitute chuan lawmthu an hrilh mial mial a, an chawimawi ngei tur thu an hrilh a. Hruaia chuan hawihhawm takin a ngai love a ti hram hram a. Mahse chawimawi hi a phu a, chawimawi ngei tur a ni reng a ni. An college aiawhtu a ni a. An tan thisen tam tak a seng a ni.
Hruaia chuan Puia chu a melh a,
" Thiana, ka nu te phone rawh le" a rawn tichhuak a.
Puia pawh chu PCO hnai ber pan tur chuan a kal nghal a. A zuan azang khawp mai!
A awm a ni, a hlim em a ni!
........
Pu Lala te chhungkua an ṭhu ṭhap a. Tv an en mek a, chanchin thar hun a thleng ṭep si a. Chanchin thar hi a ngai pawimawh em a ni. A hmaih ngai meuh lo a ni.
Chutih lai zanriah ei hma siin chuan an telephone chu a rawn ri ta ral ral a.
Pu Lala chu a tho rang ngei mai! Phone chu ava la ta a..
" Hello....enga...Bawiha a champion maw....( ring tawkin) ka fapa..Hruaia...ka fapa....Hruaia ngei a ni ngai e...." a ti chhuak hlut a.
Lawmnakimi leh a nupui chuan mak an ti hle mai!
An hawi tang hru a. Mak an ti a ni.
Mak ti tur reng an ni, eng mah anhre si lova..
Phone chu an dah ta a. Pi Liani chuan zawhna mitmeng tak chuan a pasal chu a en a. Eng nge thil awmzia tih zawh a tum lai tak chuan Nana-i chuan,
" Pa...eng nge a, Au Hruaia chu....?"
M.LUSEI PALIAN
EPISODE-46
( Hmalam pan tura ka penna lamah hian ka lo tlu leh ṭhin. Tlu lo tura ṭan ka lak hian seltu tamtak ka hmachhawn si ṭhin a.
Hringnun hi amak ka va ti ṭhin tak em!
K'U Dara lehkhabu ziah hman kuma ka chhiar 'Mipa mit aṭang hian mittui aluang ve ṭhin, mipa a nih avangin aṭap lo tur a ni bik lo' a tih te ka hrechhuak uaih uaih nia.
A hmawr kan bawk ṭep ta e.)
A hamtu tur te leh Judge te an rawn puang ta dum dum mai!
A hamtu tur chu ring ah chuan a ding reng tawh a. Hruaia hmelhriat a ni nghe nghe a. An innuih sak a.
Ring laiah chuan Boxer pahnihte an ding dun a, a hamtupa chuan dan leh dun te a hrilh leh te te a. Glove an insiktir a. An corner lam an pan ta.
Entute thawm ava ṭha ham ham tak em!
" HBC tih leh ZRC" tih chuan an au a. A ṭhenin Blue Corner an ti a, a ṭhenin Red Corner an lo ti thung a.
Bell a lo ri ta...
Final ropui an khel dawn ta!
An inpan nghal chat, lai leh laiah an inhnek nghal mial mial mai! A rualin an inhnek fuh chiang ngang mai, an dak awrh ve ve a, an ha tuamna (gum shield) a per lawp ve ve!
Entute an lo au suau a, a hamtupa chuan a silfai tir a, an second man te ve ve chuan an corner ah an vuah ṭhat sak ve ve a. An ṭan leh ta, Hruaia'n a khelh dan thlak angai tih a hre ta. A hnaih chilh duh vak lo, a chhaih a, hun remchang a melh a.
Michaela chuan Hruaia khelh dan a hmuh ve leh a insiam ṭha ve nghal a. An inkhawih fuh hlei thei ta lo. Final thleng thei ve ve an ni a, an theuneu thei lo hrim hrim a ni.
An inhnek tak na a, an hmai ah chuan an inhnek fuh ta meuh lo. Hruaia chuan Michaela nak chu a tum leh ta! Vawihnih vel a hnek fuh a, Michaela chuan Hruaia khel a man ve leh tlat! A nak a hnek tir a, Hruaia hmaiah a chhang let thung!
Entute chuan thlir nuam an va ti tak em! An thlir ning lo, ṭhu thei an awm meuh lo a ni. An au ring, an College tan ve ve chuan an au ring thei ngang mai!
Red Corner tih leh Blue Corner tih te, Michael...
Hruai...tihte chu a rikin a ri chuah chuah a. Thawm nasa tak an chhuah a.
A hmuhnawm bawk a, endiktute pawhin point pek har an ti ngawt ang.
Michaela chuan a tumpuipa chu a khelh tawhah chuan tum har ala ti ber! Hruaia pawhin khelh har a ti hle mai, a tih dan a man nghal zung zung thei tlat mai!
Michaela hian ring kila indan chep tir a tum lo bur! Hruaia lahin a nawrna viau bawk.An ṭang dun hle, an glove te chuan an innawr leh nawk ṭhin a. An indang hman zel tlat! Mahse entute tan chuan hmuhnawm ava tling em!
Round khatna a tawp ta.
Mahni Corner lam ve ve chu an pan ta a.
Hruaia chu a second man chuan alo hru fai a, vur chuan a lo dep bawk a. A thlan tui chu a far zawih zawih a. A thaw kawk kawk mai!
A hnung lam aṭang chuan, " I khelh dan kha thlak kual sek tawh rawh, kan zir ṭhin ang khan" tih ri a hria a. Mahse hnung lam a hawi thei lo. A hrethiam hle tho va.
Michaela pawh a corner lamah an fuih nasa ngang mai! Mi huaisen leh tawrhchhel tak a ni ve hrim hrim a. A chhan pawh a tumpuipa hnek hi ana em em a. Mahse a tuar thei ve tlat tho!
Bell a ri leh ta....
Hruaia ading at a. Michaela pawh chuti tho, an in pan leh ta chat mai! Thapui thawh a hun ve ve ṭan tlat! An ri leh nghal bian bian mai!
Hruaia'n a khelh dan a thlak chiah a, Michaela chuan a hmaiah a rawn hnek fuh tlat! A pai nawk a, a rawn hnek lehnghal tlat! Hruaia pawn arsi a hmu ve chuai tho!
Mahriati a ṭhuhnawk mai! A hanky chuan a hmai a hup a. A rilru in Hruaia tan a ṭawngṭai ve mawlh mawlh mai! A ni thei lutuk ang! Insehruh ṭeuh in a hmangaih inhnek lai chu a thlir a ni si a. A thinphu arang lo thei dawn em ni?
Hruaia chuan chutia Michaela'n a rawn hnek fuh zawh a rawn hnek a tum leh lai chu a khabe ah a dawm phei tlat!
An lu a hai ṭan ve ve! Hruaia a inthing nawk nawk a, Michaela insangmar lai chu a hnarah ava hnek leh hman a, a pei ta dawr a.
Chulai tak nanchin chu a tum a, a hamtupa chuan alo dang hman tlat!
Entute thawm ava ṭha ngai em! " GO LEGEND...GO"
Tih thawm ava ring ngai em!
Michaela chu a hamtupa chuan a din tir a, a hnar a thi tlat! Medical team a ko chho nghal a, an buaipui nghal a.
Mahriati a rawn hawichhuak chiah a! Hruaia dinhmun a ṭha zawk tih a hrethiam a. A thinlung tlemin a hlim leh deuh ta. A mittui alo parawl hman alo ni!
Medical teamte chuan Michaela hnar thi chu an buaipui a, Michaela pawh a lu a hai hle a. A hnar thi chu alawm mah zawk! Hun rei lote chawlh a neih phah a ni. A hamtupa chuan a count tlat mai le....
Chutih laia HBC thawm ṭhatzia chu....sawi mai ai hian a nasa zawk awm e.
Michaela chuan ala khel zawm dawn, tlawm mai chi a ni lo.
An ṭan leh ta....Michaela chuan a rawn nawr zawk ta mah mah mai! Mak tak a ni, a fei tlat! An innawr tawn leh ta...
Chutihlai chuan Dar a rawn ri ta tlat mai! Hun a tawp leh rih a.
An corner lam chu an pan ta a. Hruaia pawh a hah ve ngang mai! Theihtawp aia nasa a chhuah a ngai a ni.
Michaela a chau takzet a, chhungril huaisenna in a tikhauh zawk a ni.A hnar thi lah chu a rawn chhuak zui a. A hah em a ni.A second man te chuan an hrufai mawlh mawlh a.
Bell a ri leh ta...
Hruaia chuan a ke a khai a, a dar leh ban a tiche ta! HBC lawm ava kim em!
Knock out a tum tawh tih alang chiang em a ni. An Legend hi a che tawh dawn tih an hria! An au ri chu nasa tak a ni.
An ṭan leh chiah Michaela a che hmasa leh hman! An inhnek dun leh ta malh malh mai! Hruaia chuan alo dang hman tlat zel, a fuh tawk a awm ve tho!
Michaela van a duai ṭan, a hnar a rawn thi zual zel! Hruaia chuan a chhang let ve ta! A hnek ta mial mial mai, ring laiah chuan duhtawkin Michaela a hnek a, a duhtawk hnu chuan a tawlhhnung ta a! A tih dan ve reng a ni.
Entute chuan mak an va ti em!? Mi thinlung a hneh riau!
Janeti pa chu alo au ring ṭhin ngei mai!
Hruaia chuan a ban a dah hniam a, a hamtupa chu a en ta daih a.
Michaela a tlu mai lo, a pai nawk a, a ṭhu ta hnawk mai!
A hamtupa chuan Michaela chu a en chiang a, a khap fak fak na a. A hmai chu thi in a bual vek tawh. Khel zui zel chi a ni em tih a en a.
Michaela rawn ding chhuak chu a pei ta nawk nawk mai. A hamtupa chuan a count leh a, a corner ah ading thei ta! Khelh zui ala cho tlat!
Mahse a hamtupa in a phal tlat lo! A titawp ta hmiah! Michaela pawh a ṭhu hnawk a, a hmai chu thi in a bual zui tawh mai! A huaisen em a, a la ding thei mai mai a ni.
ZRC lam ngaih dan a ni meuh lo! Mahse an boxer chu Medical team ten an buaipui ta laih laih a, a lo inhliam nual a ni. A mu ta tual a. A chau a ni.
Hruaia pawh a corner ah a ṭhingṭhi hnawp a, a hnar a thi ve zawih zawih tho! Van lam hawi chuan a chhing ta vang vang ta!
HBC thawm ava na tehlul em! Hall chu a chim mai ang tih hlauhawm tak a ni.
FINAL hmuhnawm ava ni em! A chaklo zawk pawh a tlawm chuang lo!
A hamtupa chuan Hruaia chu ban a phar tir ta a. A ni pawh a hnar a hup ve tho! Michaela lah a hmai an la hru mawlh mawlh a. Hruaia chu ala rawn melh ve ṭawk ṭawk a. Hruaia chuan a mi tum tawh zawng zawngah khirh ala ti ber a ni. A va kal a, ava chibai ta hial a.
An inmelh dun a. An inhmer nghet hle a ni.
Janeti pa a nuam a tifal hle a.
" Kan lawm ang, kan lawm ngei ngei tur a ni" a ti lang lang a.
Ring aṭanga alo chhuak chu a hnar a la rawn hup ve tho a. Medical team ten an rawn buaipui ve vat a. A thu hahdam te te a, a chau takzet a ni.
Midang chim an la phal mai bik lo! A hnar te chu an hrufai mawlh mawlh a. A mitko te chu a bui ve luk tho mai! Mahriati te ṭhian ho pawhin an nghak ṭhap a. An college lecturer ten an nghak bawk a. A second man chuan a zap lauh lauh a.
Inbeihna hautak zet a ni. A hautak tak meuh a ni.
......
Mafeli pawh tluang takin a rawn thleng tawh a. A inbual fai a, Hruaia tana a thil dah tun thlenga la awm chu mak a ti hle a!
Hruaia rilru a tina takzet a ni tih a hrethiam ta! A ni lah chuan a ni telin a vei telh telh mai si a. A thinlung hi ava hrehawm em! Chu a thinlung ngei chu a hmelma lian ber a ni si a maw?
A ni tan chuan sulhnu nunhlui a chen mai loh chu hmabak a nei ta lo a ni. Ama insuihhnawk ngeiah a tang dawn ta a ni si a. Mahse a thiamloh a nih lohna chen hi a awm ve tho.
Thinlung khawkheng tuar hian engtia rei nge a awm dawn le! Mitthla alo lang ṭhin hlimthla chiah achang dawn a ni. Thinlung khawngaihthlak tak a nei ta si a. Hnemtu tawng loten a vai ta!
......
Hruaia an tifai zo chu Janeti pa chuan alo chibai hmasa ber a.
" I champion ang ka tih kha.... i naute an va lawm dawn em!" a ti lang lang a.
"Ka lo va haw a nge!" A ti zui a, a kal ta a.
Lecturer te chuan an chibai diat diat a, a second man hnenah chuan lawmpuina an pe zel a.An lawmpui tak zet a, an college a ti hming ṭha takzet a ni.
Mahriati te chuan an pawh ve ngam ta!
Hruaia thlan la luangte chu a hruk sak nghal mawlh mawlh a.
" I na viau em? " a aw chuan lung a kuai raih a. Lairil afan ngaih mai.
" Ka ṭha e, "
Puia chu Hruaia ai mah chuan alawm zawk hial awm e. A ṭawng lar lar reng a. Nuam hi ava ti tak em!
Dressing room an thleng a, Mahriati te chuan an zui ngam tawh rih lo,an S.U lamten an lo nghak ṭhap si. Pawna lo nghah mai ṭha zawk in an hria a.
Dressing room an thlen chuan Hruaia chu a mu vang vang a. A chau a ni, chauhna tham a ni, mi tam tak ni se nileng lung put an duhzawk ngei awm si a.
S.U Hruaitute chuan lawmthu an hrilh mial mial a, an chawimawi ngei tur thu an hrilh a. Hruaia chuan hawihhawm takin a ngai love a ti hram hram a. Mahse chawimawi hi a phu a, chawimawi ngei tur a ni reng a ni. An college aiawhtu a ni a. An tan thisen tam tak a seng a ni.
Hruaia chuan Puia chu a melh a,
" Thiana, ka nu te phone rawh le" a rawn tichhuak a.
Puia pawh chu PCO hnai ber pan tur chuan a kal nghal a. A zuan azang khawp mai!
A awm a ni, a hlim em a ni!
........
Pu Lala te chhungkua an ṭhu ṭhap a. Tv an en mek a, chanchin thar hun a thleng ṭep si a. Chanchin thar hi a ngai pawimawh em a ni. A hmaih ngai meuh lo a ni.
Chutih lai zanriah ei hma siin chuan an telephone chu a rawn ri ta ral ral a.
Pu Lala chu a tho rang ngei mai! Phone chu ava la ta a..
" Hello....enga...Bawiha a champion maw....( ring tawkin) ka fapa..Hruaia...ka fapa....Hruaia ngei a ni ngai e...." a ti chhuak hlut a.
Lawmnakimi leh a nupui chuan mak an ti hle mai!
An hawi tang hru a. Mak an ti a ni.
Mak ti tur reng an ni, eng mah anhre si lova..
Phone chu an dah ta a. Pi Liani chuan zawhna mitmeng tak chuan a pasal chu a en a. Eng nge thil awmzia tih zawh a tum lai tak chuan Nana-i chuan,
" Pa...eng nge a, Au Hruaia chu....?"
Comments
Post a Comment