31st JULY(UNCHAINED MELODY) EPISODE-44
31st JULY(UNCHAINED MELODY)
M.LUSEI PALIAN
EPISODE-44
( Kan rehrei bawk a, thuhma nei tam lovang aw...)
Hruaia chuan a mitmengin Mahriati a zawng a, ala hmu hauh lova....
Dressing room lam chu a pan ta a...
A insiam ṭan leh ta a.
A thinlung tak chuan chak tura tumruhna a nei lian hle a, chumi tur chuan Lei leh van Lalber hnenah chuan a inhlan thlap ta!
A insiam ṭan a, a second man pawh chuan a fuih nasa ngang mai. Tum tlat chuan kawng a awm thu a hrilh mial mial reng a, tum tlat a, chak ngei turin a fuih mawlh mawlh a. An S.U hruaitu ṭhenkhat pawh dressing room lamah rawn lutin an rawn fuih nasa ngang mai. An demawm hauh loh, dem chi an ni lo! An College pumpui hi an ṭang a ni. Ṭang lo chi an ni lo, an hming ṭhatna tur a ni miau si.
An thiampuipa a ni a, an tana ding a ni si a. An college zirlai zawng zawng leh an lecturer thlengin an kim viau a ni.
Hall chhung boruak pawh ava ṭang ṭha at at tawh em! College inelna a ni si a.
........
Hmanhmawh taka lokal Mahriati te pawh SAI chu an rawn thleng ta! A hawi vel ruai a, mahse Hruaia hmel chu a hmu ta chuang lova! A insiam mek a nih aring a, an ṭhian ho chuan Hall chhunga lutin an khawdang Sial hawi ta ringawt a. Zirlai an tam ngei mai. An college an tam, T.Romana College zirlai an tam bawk, an ri hian an ri hem hem mai a. Khuai rau te pawh an ang hial a ni.
.......
Mafeli pawh a chuanna tur chuan zingkarah a rawn lam a, chu a motor chuanna turah chuan V T tih hi alo chuang kalh a. Eng tihna nge ni ang aw tih chu a ngaihtuah vang vang a.
Nunmawia chuan a rawn thlah a, hlim hmel deuh rilru inthuhmun lo fe chuan an awm a. Nunmawia hi beidawng ve mai mai chi a ni lo.
A nu chuan damtakin tiin a thlah ve bawk a.A pa erawh zing lengin a chhuak daih thung a. Nunmawia pawh chuan Bike chuan Sanpoh kawn thleng chu a zuk thlah ta a. An tlan chhuah hma deuh chuan Nunmawia chuan,
" Thinlung inhawngin lo haw ang che aw, tuna i rilru ang kha ni lovin aw" tiin ava hrilhru a.
Driver chuan a lo hmu hman a, ala fiam zui a.
Nunmawia chu a haw chho leh ta a.
Fur khawchhiat lai mah nise, Mafeli chuan N.Vanlaiphai chu nuam a ti em em a, a khawthleng chu nuam a ti a ni. Ṭawngṭaina hmun an han thleng thla a, Chhura farep a ni tihte a chuanpui te chuan an hrilh a. Nuam a tiin a thinlung a hnim raih a. Chu khua aṭang chuan van te pawh chu hnai kuarin a hria a ni.
An tum ram pan chuan an rawn tlan zel a.
Mafeli thinlungah chuan Hruaia a riak bang thei lo! A lehkhathawnte kha engtin nge a ngaih ang le! A thil hnutchhiah kha alam tawh angem aw?
A hriat loh chhanna leh zawhna a inzawt a ni!
......
Rinpuia pawh Hruaia te inhnek entur chuan a kal ve ngei a. A thinlung erawh chuan phuba lak a chak hle tawh a ni. Hepa chungah hian engtin nge aw phuba alak ang. A tum hmasa a hlawhchham tawh si a.
Ngaihtuahna dang a hman a ngai a ni. A rilru chuan a ngaihtuah char char a.....
A thei mai ang, khawvel hi mi sualte vanneihna khawvel a ni si a.
......
Aurinna hmang chuan Kima hming chu an puang ta dum dum mai a....
Kima hian mi pahnih alo hneh ve tawh thova, chuvang chuan a nep lo, dinglam aia veilam hmang thiam ala ni lehzel nen, Hruaia tan pawh khin tham tak a ni ngei ang le!
Entute an lova au ring nasa tak em! An au dual dual a. Thawm ana a ni. Entute an au ring tawh nasa, boruak aṭang ṭan hle a.
Ring a rawn thleng ta.
Aurinna hmang chuan Hruaia hming an rawn puang ve leh ta. HBC student te chuan banner lian tak hian ' THE TRUE LEGEND' tih hi an lo pawtparh a. Thawm ava ṭha ngai em!
Hruaia pawh a tih dan pangngai chuan a ban ti che in a rawn pen phei a, entute chu a ban a vei khum zauh a. Nula ho phei chu khek ring tak an ni. Hepa zet hi chu an lawm em a ni.
Ring chhung a thleng ta! A second man leh Puia chuan a ring chu an lo kuai kau a, a lut ta!
Hruaia Red Corner niin Kima hi Blue Corner a ni thung a.
A hamtu tur chu alo ding vang tawh a. Aurinna hmang chuan a endiktu turte hming an puang lauh lauh a. Tunah chuan a hamtupa hun a ni ta!
A hamtu chuan Kima leh Hruaia chu a ko hnai a, dan leh dun te a hrilh hmasa te te a, an corner lamah an kir leh ta a.
Semi final chu an ṭan dawn ta....
Bell a ri ta!
Red Corner tih leh Blue Corner tihchu a inrik chhawk chhen mai a.
An inpan a, Kima chuan a rawn hnaih duhlo, a rawn chhaih a, chhaih chauh deuh a, hnek chu a tum a ni.
Kima awm dan zek zuk hi Hruaia ngaihtheih loh zawng a ni. Hruaia chuan a khelh dan thlak ngai a tih a hrethiam a. Mahse Kima hi a cherang tlat! A chekual zung zung hman tlat a ni.
An inhnek fuh hlei thei lo, an cherang dun tlat! Entute thawm a ṭha nasa mai. An va au nasa ngai em!
Round khatna a tawp ṭep tawh, Hruaia chu chiang zetin a dak ta awrh mai!
T.Romana College thawm a ṭha nasa mai, an au nasa mai.
Hruaia pawh a insiam ṭha thuai a, a si phurh sut ngei a tum a. A tih dan a thlak a, ring kilah a dang thei ta.
HBC lam an au nasa ngang mai! An lo ding suau a, ' LEGEND'tih thawm a ri ring hle mai!
Hruaia chuan Kima chu chiang zetin vawihnih a hnek hman a.
Bell a ri ta tlat...!!!!
Hruaia pawh chuan a ui ngang mai, mahse a hamtupa chuan a lo dang tawh si.
HBC lam an au suau! An ngaih dan ava ni lo tehlul em!
An Corner lam an pan dun ta ve ve a.
Kima hmai chu a sen sang a, vur tui chuan a second man chuan alo deh sak a. An infuih nasa ngang mai!
Hruaia pawh a second man chuan alu a tihhuh sak a, an infuih nasa ngang mai!
Hruaia chuan zawn nei tak hian a melh kual a, A second man lah chuan alo kuai her zel si!
Chutihlai chu Mahriati chuan alo hmu a, amah azawng tih a hrethiam a. Va kal hnaih mai chu a ngam si lo. Hrehawm ava ti tehlul em! A thlan tla te chu va hruk sak a duh a ni.
Bell a ri leh ta...
Boxer pahnihte an ding leh at tawh,A laiah chuan an han intawk leh zeuh phawt a. Hruaia chuan a khelh dan a thlak zeuh zeuh a, Kima lah chuti tho, an va thiam dun tehlul em, an hmai ah inhnek fuh lo mahse an inhnek dun reng!
Entute thawm a na.
Hruaia chuan hriatchhuah a nei ta, chu thil chu ava train laia an coach hrilh kha a ni.
"Kan tumpuite lu kan hnek theih loh chuan an nak a hnek char char tur" tih kha..
Kima lah a lu alo thle san hman zel si! Hruaia chuan Kima nakthawl ah hlir chuan a hnek ta tlat!
Kima chuan Hruaia chet dan tehthut chu mak a ti hle a. Mahse anaka a rawn hnek chuan thawk a ti har ta tlat mai!
A ṭuan a muan phah ta tlat! Hruaia lah chuan a hnek nasa ta telh telh mai!
Kima chu a thaw ṭha thei mang lo, chutah Hruaia chuan chiang zetin a khabe kualah a hnek ta!
Kima chu a tlu lo! Mahse ring ah chuan a uai hnawp a. A hamtupa chuan a titawp ta rih a.
Hruaia tumpuipa chu enchian a ngai a ni.
Entute thawm a ṭha, Red Corner ti a au chu ava nasa tak em! Hall chhung chu a khah in a khat a ni.
A hamtupa chuan Kima chu a en a, a mitmeng chiang takin a en a. A meng ṭha thei lo tih a hmu a, a thaw ṭha thei mang lo tih a hmu bawk a.
Inhnek chu tihtawp a ṭul ta!
A hamtupa chuan inhnek chu tihtawp a tum ta. TRC lam ngaih dan ava ni lo tehlul em!
Mahse an Boxer chu a chau lutuk tih an hre lo a ni!
A hamtupa chuan a titawp ta.....
Kima chuan ring ala vuan reng! Boxer pahnihte dintir a, chakzawk ban phar tir a tum a. Hruaia chu a ding tawh a, Kima rawn phei tur chu a tlu ta! A demawm loh a lu a hai tawh em a ni.
Entute mak tih a hlawh hle a, an lo "E...e....e" suau a. A hamtupa in a titawp pawh chu an dem ta hauh lo.
Kima an buaipui leh te te a. Ring ah chuan Medical team an lut nghal a. An buaipui nghal! An la chhuak ta. Nakruh auh a nei a nih an ring a ni.
Hruaia chu chakzawk a ni ta. Final a lut ta....
HBC zirlaite chu an va au nasa tak em! An lawmna thangkhawk chu bengchheng tak a ni ta!
A awm a ni, an lawm em a ni.
Ring aṭanga a chhuak tur chu lo au tu ava ngah tak em! Hruaia hian zawn a nei a, mahse ala hmu lo a ni.
Ring aṭanga a chhuak chiah chu, chu a mi zawn ngei chu a rawn tlan phei ta.....
M.LUSEI PALIAN
EPISODE-44
( Kan rehrei bawk a, thuhma nei tam lovang aw...)
Hruaia chuan a mitmengin Mahriati a zawng a, ala hmu hauh lova....
Dressing room lam chu a pan ta a...
A insiam ṭan leh ta a.
A thinlung tak chuan chak tura tumruhna a nei lian hle a, chumi tur chuan Lei leh van Lalber hnenah chuan a inhlan thlap ta!
A insiam ṭan a, a second man pawh chuan a fuih nasa ngang mai. Tum tlat chuan kawng a awm thu a hrilh mial mial reng a, tum tlat a, chak ngei turin a fuih mawlh mawlh a. An S.U hruaitu ṭhenkhat pawh dressing room lamah rawn lutin an rawn fuih nasa ngang mai. An demawm hauh loh, dem chi an ni lo! An College pumpui hi an ṭang a ni. Ṭang lo chi an ni lo, an hming ṭhatna tur a ni miau si.
An thiampuipa a ni a, an tana ding a ni si a. An college zirlai zawng zawng leh an lecturer thlengin an kim viau a ni.
Hall chhung boruak pawh ava ṭang ṭha at at tawh em! College inelna a ni si a.
........
Hmanhmawh taka lokal Mahriati te pawh SAI chu an rawn thleng ta! A hawi vel ruai a, mahse Hruaia hmel chu a hmu ta chuang lova! A insiam mek a nih aring a, an ṭhian ho chuan Hall chhunga lutin an khawdang Sial hawi ta ringawt a. Zirlai an tam ngei mai. An college an tam, T.Romana College zirlai an tam bawk, an ri hian an ri hem hem mai a. Khuai rau te pawh an ang hial a ni.
.......
Mafeli pawh a chuanna tur chuan zingkarah a rawn lam a, chu a motor chuanna turah chuan V T tih hi alo chuang kalh a. Eng tihna nge ni ang aw tih chu a ngaihtuah vang vang a.
Nunmawia chuan a rawn thlah a, hlim hmel deuh rilru inthuhmun lo fe chuan an awm a. Nunmawia hi beidawng ve mai mai chi a ni lo.
A nu chuan damtakin tiin a thlah ve bawk a.A pa erawh zing lengin a chhuak daih thung a. Nunmawia pawh chuan Bike chuan Sanpoh kawn thleng chu a zuk thlah ta a. An tlan chhuah hma deuh chuan Nunmawia chuan,
" Thinlung inhawngin lo haw ang che aw, tuna i rilru ang kha ni lovin aw" tiin ava hrilhru a.
Driver chuan a lo hmu hman a, ala fiam zui a.
Nunmawia chu a haw chho leh ta a.
Fur khawchhiat lai mah nise, Mafeli chuan N.Vanlaiphai chu nuam a ti em em a, a khawthleng chu nuam a ti a ni. Ṭawngṭaina hmun an han thleng thla a, Chhura farep a ni tihte a chuanpui te chuan an hrilh a. Nuam a tiin a thinlung a hnim raih a. Chu khua aṭang chuan van te pawh chu hnai kuarin a hria a ni.
An tum ram pan chuan an rawn tlan zel a.
Mafeli thinlungah chuan Hruaia a riak bang thei lo! A lehkhathawnte kha engtin nge a ngaih ang le! A thil hnutchhiah kha alam tawh angem aw?
A hriat loh chhanna leh zawhna a inzawt a ni!
......
Rinpuia pawh Hruaia te inhnek entur chuan a kal ve ngei a. A thinlung erawh chuan phuba lak a chak hle tawh a ni. Hepa chungah hian engtin nge aw phuba alak ang. A tum hmasa a hlawhchham tawh si a.
Ngaihtuahna dang a hman a ngai a ni. A rilru chuan a ngaihtuah char char a.....
A thei mai ang, khawvel hi mi sualte vanneihna khawvel a ni si a.
......
Aurinna hmang chuan Kima hming chu an puang ta dum dum mai a....
Kima hian mi pahnih alo hneh ve tawh thova, chuvang chuan a nep lo, dinglam aia veilam hmang thiam ala ni lehzel nen, Hruaia tan pawh khin tham tak a ni ngei ang le!
Entute an lova au ring nasa tak em! An au dual dual a. Thawm ana a ni. Entute an au ring tawh nasa, boruak aṭang ṭan hle a.
Ring a rawn thleng ta.
Aurinna hmang chuan Hruaia hming an rawn puang ve leh ta. HBC student te chuan banner lian tak hian ' THE TRUE LEGEND' tih hi an lo pawtparh a. Thawm ava ṭha ngai em!
Hruaia pawh a tih dan pangngai chuan a ban ti che in a rawn pen phei a, entute chu a ban a vei khum zauh a. Nula ho phei chu khek ring tak an ni. Hepa zet hi chu an lawm em a ni.
Ring chhung a thleng ta! A second man leh Puia chuan a ring chu an lo kuai kau a, a lut ta!
Hruaia Red Corner niin Kima hi Blue Corner a ni thung a.
A hamtu tur chu alo ding vang tawh a. Aurinna hmang chuan a endiktu turte hming an puang lauh lauh a. Tunah chuan a hamtupa hun a ni ta!
A hamtu chuan Kima leh Hruaia chu a ko hnai a, dan leh dun te a hrilh hmasa te te a, an corner lamah an kir leh ta a.
Semi final chu an ṭan dawn ta....
Bell a ri ta!
Red Corner tih leh Blue Corner tihchu a inrik chhawk chhen mai a.
An inpan a, Kima chuan a rawn hnaih duhlo, a rawn chhaih a, chhaih chauh deuh a, hnek chu a tum a ni.
Kima awm dan zek zuk hi Hruaia ngaihtheih loh zawng a ni. Hruaia chuan a khelh dan thlak ngai a tih a hrethiam a. Mahse Kima hi a cherang tlat! A chekual zung zung hman tlat a ni.
An inhnek fuh hlei thei lo, an cherang dun tlat! Entute thawm a ṭha nasa mai. An va au nasa ngai em!
Round khatna a tawp ṭep tawh, Hruaia chu chiang zetin a dak ta awrh mai!
T.Romana College thawm a ṭha nasa mai, an au nasa mai.
Hruaia pawh a insiam ṭha thuai a, a si phurh sut ngei a tum a. A tih dan a thlak a, ring kilah a dang thei ta.
HBC lam an au nasa ngang mai! An lo ding suau a, ' LEGEND'tih thawm a ri ring hle mai!
Hruaia chuan Kima chu chiang zetin vawihnih a hnek hman a.
Bell a ri ta tlat...!!!!
Hruaia pawh chuan a ui ngang mai, mahse a hamtupa chuan a lo dang tawh si.
HBC lam an au suau! An ngaih dan ava ni lo tehlul em!
An Corner lam an pan dun ta ve ve a.
Kima hmai chu a sen sang a, vur tui chuan a second man chuan alo deh sak a. An infuih nasa ngang mai!
Hruaia pawh a second man chuan alu a tihhuh sak a, an infuih nasa ngang mai!
Hruaia chuan zawn nei tak hian a melh kual a, A second man lah chuan alo kuai her zel si!
Chutihlai chu Mahriati chuan alo hmu a, amah azawng tih a hrethiam a. Va kal hnaih mai chu a ngam si lo. Hrehawm ava ti tehlul em! A thlan tla te chu va hruk sak a duh a ni.
Bell a ri leh ta...
Boxer pahnihte an ding leh at tawh,A laiah chuan an han intawk leh zeuh phawt a. Hruaia chuan a khelh dan a thlak zeuh zeuh a, Kima lah chuti tho, an va thiam dun tehlul em, an hmai ah inhnek fuh lo mahse an inhnek dun reng!
Entute thawm a na.
Hruaia chuan hriatchhuah a nei ta, chu thil chu ava train laia an coach hrilh kha a ni.
"Kan tumpuite lu kan hnek theih loh chuan an nak a hnek char char tur" tih kha..
Kima lah a lu alo thle san hman zel si! Hruaia chuan Kima nakthawl ah hlir chuan a hnek ta tlat!
Kima chuan Hruaia chet dan tehthut chu mak a ti hle a. Mahse anaka a rawn hnek chuan thawk a ti har ta tlat mai!
A ṭuan a muan phah ta tlat! Hruaia lah chuan a hnek nasa ta telh telh mai!
Kima chu a thaw ṭha thei mang lo, chutah Hruaia chuan chiang zetin a khabe kualah a hnek ta!
Kima chu a tlu lo! Mahse ring ah chuan a uai hnawp a. A hamtupa chuan a titawp ta rih a.
Hruaia tumpuipa chu enchian a ngai a ni.
Entute thawm a ṭha, Red Corner ti a au chu ava nasa tak em! Hall chhung chu a khah in a khat a ni.
A hamtupa chuan Kima chu a en a, a mitmeng chiang takin a en a. A meng ṭha thei lo tih a hmu a, a thaw ṭha thei mang lo tih a hmu bawk a.
Inhnek chu tihtawp a ṭul ta!
A hamtupa chuan inhnek chu tihtawp a tum ta. TRC lam ngaih dan ava ni lo tehlul em!
Mahse an Boxer chu a chau lutuk tih an hre lo a ni!
A hamtupa chuan a titawp ta.....
Kima chuan ring ala vuan reng! Boxer pahnihte dintir a, chakzawk ban phar tir a tum a. Hruaia chu a ding tawh a, Kima rawn phei tur chu a tlu ta! A demawm loh a lu a hai tawh em a ni.
Entute mak tih a hlawh hle a, an lo "E...e....e" suau a. A hamtupa in a titawp pawh chu an dem ta hauh lo.
Kima an buaipui leh te te a. Ring ah chuan Medical team an lut nghal a. An buaipui nghal! An la chhuak ta. Nakruh auh a nei a nih an ring a ni.
Hruaia chu chakzawk a ni ta. Final a lut ta....
HBC zirlaite chu an va au nasa tak em! An lawmna thangkhawk chu bengchheng tak a ni ta!
A awm a ni, an lawm em a ni.
Ring aṭanga a chhuak tur chu lo au tu ava ngah tak em! Hruaia hian zawn a nei a, mahse ala hmu lo a ni.
Ring aṭanga a chhuak chiah chu, chu a mi zawn ngei chu a rawn tlan phei ta.....
Comments
Post a Comment