31st JULY(UNCHAINED MELODY) EPISODE-32
31st JULY( UNCHAINED MELODY)
M.LUSEI PALIAN
EPISODE-32
Rinfeli hian pasal a neih tur thu hi eng vangin nge a hrilh miah loh le?
Hre sa nise, an intawn tirh khan sawi ta se, a tuar dam thei tur hi a ni a.Mahse a sawi lo, a sawi lo a ni. A thinlung pek a tum te hi eng vang hian nge mi ta tur an nih zel a....
Bike khalh pah chuan a vanduai zia a chhut a,hrehawm a va ti teh lul em!
A rin aia hma in SAI an practice na hmun chu ava thleng a. Rilru na taka va zir a ni a, tawnhriat nei tawh mahse alo la thiam tlem zia a hre telh telh a. Hma a sawn viau tawh a ni. Rilru natak bawkin a hun hmawr a bawk leh dawn a ni.
Midang pawh an lo awm ṭhap tawh a, an lo practice laih laih tawh a. An innel ṭan tawh viau a, mahse an inṭhen leh tawh dawn si a ni. Khawvel kalphung pakhat a ni miau si...
Hruaia pawh a inthlak a, a practice ṭan hma in a thlan a ti tla hmasa phawt a, a hnu ah a zirpui dangte chu a fin ta a. Rilru na leh hrehawm ti taka awm a ni bawk a, a hnek na mawlh mawlh hle a ni.....
A hun tawn avang hian vanneihna a dawng zawk a ngem le?
.........
Rinfeli awm ava nuam lo tehlul em! Hruaia hi ngaihdam dil mah se a sawtna a awm a ngem? Mahse Hruaia hmel a hmuh leh meuh kha chuan hmana a hmangaihna daihlen ta emaw a tih kha alo dai hlen lo a ni tih a hria a.
An thamral ta emaw a tih nunhlui ngaihawm zawng zawngte an lo thar leh a, amah avanga taksa a ser hial nei tawh kha thlir liam harsa a ti a ni.
Hmana a hmangaihna thamral tawh emaw a tih kha alo la thamral thei reng reng si lo. Mahse pasal a nei dawn si!
Ṭah hawm hawm a chak ber a, hnemtu ngaiin a vai ruai a. A tihnat thinlung neitu chu apan ngam si lo!
Thinlung khawngaihthlak tak a nei a ni. A nite inah a haw a, khumah chuan a bawk ta thlawp a. A tana hun harsa a ni. Hmeichhe awmnem tawrhah chuan a na mah mah a ni...
............
Mahriati chuan Rinpuia chu a chhang ṭha peih lo, phone a letlingin a keng a, a hello vak vak a, a daih ta daih a. Hruaia chuan a rawn phone leh a ring a, a nghak ta a.
Rawn phone leh har hi a ti em em a, a lo nghak ve vang vang a. Thil reng reng hi a nghaktu tan chuan a rei duh em em a, hun hi a kalmuang si ṭhin a ni.
Darkar khat leh a chanve meuh a nghah hnu chuan a ni tawh em em lo tih a hria a. Hruaia In luahna te chu ava phobe ta a. Pa pakhat hian a rawn chhang a, alo la haw loh thu leh an rawn haw tlai ṭhin thu in a lo chhang a.
Mahriati chuan a chhan an zawt leh hram a, chu pa ( Janeti pa) chuan Boxing a practice thin thu leh Inter College kar lehah College aiawhin a khel dawn tih thleng chuan a hrilh ta tlat!
Lalpa leh.....! Hruaia hian Boxing vang a ni maw, tlai tin a bosan ṭhin a. Hman ni a, S.U Vice in a rawn kohna chhan kha a ni ngei ang le!
A rilru ava hah leh dawn em em ve aw! Mahse Hruaia hi a hma ang khan a be ngam dawn em ni?
..........
Janeti nilengin a hlim a, atan chuan khawvel a thar sur mai a. Nuam hi a ti a ni. A hawina lam apiang hi pâr vul chhing chheng hian a hria a.
A ni reng dawn asin! Piang zawng zawng zinga a duhber, a ngaih em em leh a bula awma chak berin a thlah miau alawm!
Haw vat vat a chak a, hmuh leh vat a chak tawh a ni. A awm lo lem lo, kan hmel duhzawng te tluka hmuh nuam hi khawvelah hian an awm dawn em ni?
..........
Hruaia chu a kal ni tawp ber tur a ni ta si a, a practice hun tawp a ni a. A uar pawh a uar fal hle a. SAI hmuna a kal leh chuan inkhel turin a kal tawh dawn a ni.
A practice pui te nen chuan an ti ti ta mai mai a, Hruaia pawh a hman hmawh vak lo. An hrechiang a, a practice pui ṭhinte chu Mizoram aiawha kal ṭhin an lo ni fur mai! An ni lah chuan rawn khel zel turin an lo sawm ve tlut tlut a.
A nihna takah chuan Hruaia hi State aiawh pawn khel se, Mizoram tan Medal a hawn ngei an ring tlat a ni. An huphurh pui lo, a hnek nat dan hi a namai lo tlat!
Hruaia pawh hian a hreh vak lo. Mahse a zirlai hi zawh phawt a duh si a ni.
A ṭhian thar ho lah chuan zawm ve vat turin an duh em em a, a ni pawhin zawm vat a duh ve viau a...
A nu a ngaihtuah chhuak zawk a, a phal lo dawn chiang sa a ni. A nui suk ringawt a.
A lo tlai tawh viau a, haw lam a hnaih dawn ta a. Inhmu leh vat turin an inchah a, an inchibai liam liam a, an in mang ṭha ta hlawm a.
In lam pan chuan a inkhalh phei ta a. Ei rawng a inbawl chawp a ngai dawn a ni. Muangchang chuan a phei a, zarkawt pheiah chuan chhuna nula amah hau hreptu kha a hmu a, alo inkhaibawr viau lehnghal a, a nui suk a. A tlan pel leh ta a.
Khawi lam mi nge maw a nih reng reng maw le aw!?
A bike dahna a thleng ta a, Janeti te ina lut kawi lova tlang thlak a tum a. Mahse Sawma arawn tlanchhuak a,
" Au Hruai...a pan hetah chaw ei rawh se a ti che, chaw pawh Lal A U in a chhum kep tawh che...." tih pah chuan alo uai nawlh a....
A chhan ve hma chuan Janeti pa chu a rawn chhuak a...
" Sawma....Sawma...ava mak ṭhin ve! A chau anga sin...."
Sawma unaupa alo tlanchhuak a, Hruaia dar lehlamah a uai ve nghal chat mai!
" Chau love...heng mi sual pahnih hi kan sawp chau ange. ." A ti zui a, inchhung an lut a, WWE an chang zui a ni lehnghal mai a ni. An ri leh khut khut tawh mai!
Janeti hlimna hi tuifinriat angin a liam a, a naute leh a U Hruaia te chu a duh hau a.
" In bengchheng....lutuk...duhtawk ru.."
An ni lah chu an phur telh telh mai si a. The Rock-a te, Undertaker a te an la chau lo. An ri laih laih mai!
Mahse a pa chuan, " Duhtawk tawh u la, inhnuai lam tan a hrehawm a nge..." a rawn ti ta a.
An duhtawk ta!
" Ka zuk inbual phawt a nge aw?" tiin Janeti pa chu a en a.
" Bawihi khan tui alo lum che in ka hria...."
Janeti chu ava melh a, a lo nui sak a. Hei hi a nula ve tak tak ṭan ta. A hmel pawh a ṭha chho ta viau mai! Hruaia hian a ngaina lutuk ang tih a hlau a, a rilru a hliam sak ang tih a hlau tlat a, a hlat hram hram a ni. Nau en in a en lui hram hram a ni. A chang chuan Janeti hian a haw lo viau tih a hre ṭhin a. Mahse a inveng ve nasa a, a la intat buai lo mai chauh zawk a ni.
Hruaia a inthlahrung ngang mai!
"Tui lum chu ka lo khai thla zawk mai dawn em ni?" A ti hram a.
Janeti pa chuan, " E i thu thu alawm..." a lo ti a.
A khai thla ta a, a zuk inbual a, a inbual zo inthlak chu Rinfeli thlalak a hmu a, a pawt chhe mai dawn em ni aw? Nge ahal zawk dawn le...a lek vang vang a, thingrem mawngah a dah hmak a.
" Hmeichhe mak tak a ni" a ti rilru a. A inthlak a, vawkhniahzawn thla a ni a, a hma tawh vak lo a ni. Inchunga chaw eitur chuan a chho ta a.
A lut chho chiah a, phone a ri teng teng a, Janeti chuan ala a,
" Awi...Nana....i dam maw....aw awm e..." a phul leh chiam tawh a.
Hruaia chuan phone lehlam a mi chu a nau Lawmnakimi a ni tih a hre thei a....
Janeti chuan Hruaia a rawn hui a, phone chu a pe ta a. A nu alo ni tawh a. A rawn hau a ni.
" Chanchin min rawn hrilh ṭhin la, ṭawngṭai ṭhin ang che...." tih chuan a rawn thlah ta a. An in mang ṭha ta a ni.
Janeti nu dawr nghak pawh a lo haw tawh a...
Chaw an ei dawn ta a. Sawma te unau chu A U Hruaia bula ṭhut an inchuh lehnghal pang a.
Buaithlak thei tak a ni!.
Janeti chuan a hau leh hlak hlak a, Nu ber a ṭawngṭai a, a chham thiam ṭhin ngei mai! Kohhran Hmeichhe hruaitu a ni bawk a, thiam tak a ni. In lam hi a uap lum khat tih mai loh chu sawiselna tur a awm lo a ni.
Chaw chu hlim takin an ei tlang ta a..
..........
Rinfeli a inthiam thei ngang lo. Dik leh awm lo ti chung chung chuan zan dar kaw hnulamah chuan Hruaia in chu a pan a.
Kawngka chu a kik ta kauh kauh a.
Inchhungah chuan Hruaia chuan Janeti chu practical alo tihpui mek a.
" Lo lut rawh...." janeti chuan alo ti a..
In chhung lama hmeichhe thawm lo awm chu Rinfeli chuan mak a ti ngang mai! Mahse muang chang chuan alut ta a.
Hruaia leh Janeti chuan an lo en reng a. An ni pahnih lah chu an lo inhnaih em em a, a lu ve ve chu a insi lo chauh a, Hruaia chuan Pencil alo sehkawh a, Janeti lah chuan Sakawrbakcheh a lo la lek a.
Janeti chuan chu nu a hmuh chuan a hre nghal a. A ṭek nghal chhawk hian a hria a. A thik nghal ran a.
Rinfeli chuan Hruaia'n hmeichhia alo awmpui a hmuh chuan a rilru a na ve tho a. Mak a ti ve tho...
" Hruai....ka be lawk duh che a...mahse ka rawn tibuai che u em..?"
" Ka lo han chho ange aw U Hruai....in sawina tur ka lo dal a nge." Tih pah chuan hnuai lam a melh a....
Janeti kutah a man chat a,
" Chho lovang...a thusawi tur i dal chuang nang...a zawh pawh kan la zawh loh hi...! " a ti ve tlat a.
An pathum inkar boruak chu a ṭang ru hle a, a ruk tak chuan puak thei vek an ni....
Rinfeli chuan, " Ka rawn tibuai che u em?" a ti leh hnuhnawh a.
" Buai em em lo ve" tih zawng chuan Hruaia chuan a chhang a.
" In tih zawh hun ka lo nghak ang....." a ti ve tlat mai..
Diktak chuan Hruaia hian biakchakna reng a nei lo! A na em a ni. Thudik a hrilh har em a ni. A hrilh har mah mah a ni.
M.LUSEI PALIAN
EPISODE-32
Rinfeli hian pasal a neih tur thu hi eng vangin nge a hrilh miah loh le?
Hre sa nise, an intawn tirh khan sawi ta se, a tuar dam thei tur hi a ni a.Mahse a sawi lo, a sawi lo a ni. A thinlung pek a tum te hi eng vang hian nge mi ta tur an nih zel a....
Bike khalh pah chuan a vanduai zia a chhut a,hrehawm a va ti teh lul em!
A rin aia hma in SAI an practice na hmun chu ava thleng a. Rilru na taka va zir a ni a, tawnhriat nei tawh mahse alo la thiam tlem zia a hre telh telh a. Hma a sawn viau tawh a ni. Rilru natak bawkin a hun hmawr a bawk leh dawn a ni.
Midang pawh an lo awm ṭhap tawh a, an lo practice laih laih tawh a. An innel ṭan tawh viau a, mahse an inṭhen leh tawh dawn si a ni. Khawvel kalphung pakhat a ni miau si...
Hruaia pawh a inthlak a, a practice ṭan hma in a thlan a ti tla hmasa phawt a, a hnu ah a zirpui dangte chu a fin ta a. Rilru na leh hrehawm ti taka awm a ni bawk a, a hnek na mawlh mawlh hle a ni.....
A hun tawn avang hian vanneihna a dawng zawk a ngem le?
.........
Rinfeli awm ava nuam lo tehlul em! Hruaia hi ngaihdam dil mah se a sawtna a awm a ngem? Mahse Hruaia hmel a hmuh leh meuh kha chuan hmana a hmangaihna daihlen ta emaw a tih kha alo dai hlen lo a ni tih a hria a.
An thamral ta emaw a tih nunhlui ngaihawm zawng zawngte an lo thar leh a, amah avanga taksa a ser hial nei tawh kha thlir liam harsa a ti a ni.
Hmana a hmangaihna thamral tawh emaw a tih kha alo la thamral thei reng reng si lo. Mahse pasal a nei dawn si!
Ṭah hawm hawm a chak ber a, hnemtu ngaiin a vai ruai a. A tihnat thinlung neitu chu apan ngam si lo!
Thinlung khawngaihthlak tak a nei a ni. A nite inah a haw a, khumah chuan a bawk ta thlawp a. A tana hun harsa a ni. Hmeichhe awmnem tawrhah chuan a na mah mah a ni...
............
Mahriati chuan Rinpuia chu a chhang ṭha peih lo, phone a letlingin a keng a, a hello vak vak a, a daih ta daih a. Hruaia chuan a rawn phone leh a ring a, a nghak ta a.
Rawn phone leh har hi a ti em em a, a lo nghak ve vang vang a. Thil reng reng hi a nghaktu tan chuan a rei duh em em a, hun hi a kalmuang si ṭhin a ni.
Darkar khat leh a chanve meuh a nghah hnu chuan a ni tawh em em lo tih a hria a. Hruaia In luahna te chu ava phobe ta a. Pa pakhat hian a rawn chhang a, alo la haw loh thu leh an rawn haw tlai ṭhin thu in a lo chhang a.
Mahriati chuan a chhan an zawt leh hram a, chu pa ( Janeti pa) chuan Boxing a practice thin thu leh Inter College kar lehah College aiawhin a khel dawn tih thleng chuan a hrilh ta tlat!
Lalpa leh.....! Hruaia hian Boxing vang a ni maw, tlai tin a bosan ṭhin a. Hman ni a, S.U Vice in a rawn kohna chhan kha a ni ngei ang le!
A rilru ava hah leh dawn em em ve aw! Mahse Hruaia hi a hma ang khan a be ngam dawn em ni?
..........
Janeti nilengin a hlim a, atan chuan khawvel a thar sur mai a. Nuam hi a ti a ni. A hawina lam apiang hi pâr vul chhing chheng hian a hria a.
A ni reng dawn asin! Piang zawng zawng zinga a duhber, a ngaih em em leh a bula awma chak berin a thlah miau alawm!
Haw vat vat a chak a, hmuh leh vat a chak tawh a ni. A awm lo lem lo, kan hmel duhzawng te tluka hmuh nuam hi khawvelah hian an awm dawn em ni?
..........
Hruaia chu a kal ni tawp ber tur a ni ta si a, a practice hun tawp a ni a. A uar pawh a uar fal hle a. SAI hmuna a kal leh chuan inkhel turin a kal tawh dawn a ni.
A practice pui te nen chuan an ti ti ta mai mai a, Hruaia pawh a hman hmawh vak lo. An hrechiang a, a practice pui ṭhinte chu Mizoram aiawha kal ṭhin an lo ni fur mai! An ni lah chuan rawn khel zel turin an lo sawm ve tlut tlut a.
A nihna takah chuan Hruaia hi State aiawh pawn khel se, Mizoram tan Medal a hawn ngei an ring tlat a ni. An huphurh pui lo, a hnek nat dan hi a namai lo tlat!
Hruaia pawh hian a hreh vak lo. Mahse a zirlai hi zawh phawt a duh si a ni.
A ṭhian thar ho lah chuan zawm ve vat turin an duh em em a, a ni pawhin zawm vat a duh ve viau a...
A nu a ngaihtuah chhuak zawk a, a phal lo dawn chiang sa a ni. A nui suk ringawt a.
A lo tlai tawh viau a, haw lam a hnaih dawn ta a. Inhmu leh vat turin an inchah a, an inchibai liam liam a, an in mang ṭha ta hlawm a.
In lam pan chuan a inkhalh phei ta a. Ei rawng a inbawl chawp a ngai dawn a ni. Muangchang chuan a phei a, zarkawt pheiah chuan chhuna nula amah hau hreptu kha a hmu a, alo inkhaibawr viau lehnghal a, a nui suk a. A tlan pel leh ta a.
Khawi lam mi nge maw a nih reng reng maw le aw!?
A bike dahna a thleng ta a, Janeti te ina lut kawi lova tlang thlak a tum a. Mahse Sawma arawn tlanchhuak a,
" Au Hruai...a pan hetah chaw ei rawh se a ti che, chaw pawh Lal A U in a chhum kep tawh che...." tih pah chuan alo uai nawlh a....
A chhan ve hma chuan Janeti pa chu a rawn chhuak a...
" Sawma....Sawma...ava mak ṭhin ve! A chau anga sin...."
Sawma unaupa alo tlanchhuak a, Hruaia dar lehlamah a uai ve nghal chat mai!
" Chau love...heng mi sual pahnih hi kan sawp chau ange. ." A ti zui a, inchhung an lut a, WWE an chang zui a ni lehnghal mai a ni. An ri leh khut khut tawh mai!
Janeti hlimna hi tuifinriat angin a liam a, a naute leh a U Hruaia te chu a duh hau a.
" In bengchheng....lutuk...duhtawk ru.."
An ni lah chu an phur telh telh mai si a. The Rock-a te, Undertaker a te an la chau lo. An ri laih laih mai!
Mahse a pa chuan, " Duhtawk tawh u la, inhnuai lam tan a hrehawm a nge..." a rawn ti ta a.
An duhtawk ta!
" Ka zuk inbual phawt a nge aw?" tiin Janeti pa chu a en a.
" Bawihi khan tui alo lum che in ka hria...."
Janeti chu ava melh a, a lo nui sak a. Hei hi a nula ve tak tak ṭan ta. A hmel pawh a ṭha chho ta viau mai! Hruaia hian a ngaina lutuk ang tih a hlau a, a rilru a hliam sak ang tih a hlau tlat a, a hlat hram hram a ni. Nau en in a en lui hram hram a ni. A chang chuan Janeti hian a haw lo viau tih a hre ṭhin a. Mahse a inveng ve nasa a, a la intat buai lo mai chauh zawk a ni.
Hruaia a inthlahrung ngang mai!
"Tui lum chu ka lo khai thla zawk mai dawn em ni?" A ti hram a.
Janeti pa chuan, " E i thu thu alawm..." a lo ti a.
A khai thla ta a, a zuk inbual a, a inbual zo inthlak chu Rinfeli thlalak a hmu a, a pawt chhe mai dawn em ni aw? Nge ahal zawk dawn le...a lek vang vang a, thingrem mawngah a dah hmak a.
" Hmeichhe mak tak a ni" a ti rilru a. A inthlak a, vawkhniahzawn thla a ni a, a hma tawh vak lo a ni. Inchunga chaw eitur chuan a chho ta a.
A lut chho chiah a, phone a ri teng teng a, Janeti chuan ala a,
" Awi...Nana....i dam maw....aw awm e..." a phul leh chiam tawh a.
Hruaia chuan phone lehlam a mi chu a nau Lawmnakimi a ni tih a hre thei a....
Janeti chuan Hruaia a rawn hui a, phone chu a pe ta a. A nu alo ni tawh a. A rawn hau a ni.
" Chanchin min rawn hrilh ṭhin la, ṭawngṭai ṭhin ang che...." tih chuan a rawn thlah ta a. An in mang ṭha ta a ni.
Janeti nu dawr nghak pawh a lo haw tawh a...
Chaw an ei dawn ta a. Sawma te unau chu A U Hruaia bula ṭhut an inchuh lehnghal pang a.
Buaithlak thei tak a ni!.
Janeti chuan a hau leh hlak hlak a, Nu ber a ṭawngṭai a, a chham thiam ṭhin ngei mai! Kohhran Hmeichhe hruaitu a ni bawk a, thiam tak a ni. In lam hi a uap lum khat tih mai loh chu sawiselna tur a awm lo a ni.
Chaw chu hlim takin an ei tlang ta a..
..........
Rinfeli a inthiam thei ngang lo. Dik leh awm lo ti chung chung chuan zan dar kaw hnulamah chuan Hruaia in chu a pan a.
Kawngka chu a kik ta kauh kauh a.
Inchhungah chuan Hruaia chuan Janeti chu practical alo tihpui mek a.
" Lo lut rawh...." janeti chuan alo ti a..
In chhung lama hmeichhe thawm lo awm chu Rinfeli chuan mak a ti ngang mai! Mahse muang chang chuan alut ta a.
Hruaia leh Janeti chuan an lo en reng a. An ni pahnih lah chu an lo inhnaih em em a, a lu ve ve chu a insi lo chauh a, Hruaia chuan Pencil alo sehkawh a, Janeti lah chuan Sakawrbakcheh a lo la lek a.
Janeti chuan chu nu a hmuh chuan a hre nghal a. A ṭek nghal chhawk hian a hria a. A thik nghal ran a.
Rinfeli chuan Hruaia'n hmeichhia alo awmpui a hmuh chuan a rilru a na ve tho a. Mak a ti ve tho...
" Hruai....ka be lawk duh che a...mahse ka rawn tibuai che u em..?"
" Ka lo han chho ange aw U Hruai....in sawina tur ka lo dal a nge." Tih pah chuan hnuai lam a melh a....
Janeti kutah a man chat a,
" Chho lovang...a thusawi tur i dal chuang nang...a zawh pawh kan la zawh loh hi...! " a ti ve tlat a.
An pathum inkar boruak chu a ṭang ru hle a, a ruk tak chuan puak thei vek an ni....
Rinfeli chuan, " Ka rawn tibuai che u em?" a ti leh hnuhnawh a.
" Buai em em lo ve" tih zawng chuan Hruaia chuan a chhang a.
" In tih zawh hun ka lo nghak ang....." a ti ve tlat mai..
Diktak chuan Hruaia hian biakchakna reng a nei lo! A na em a ni. Thudik a hrilh har em a ni. A hrilh har mah mah a ni.
Comments
Post a Comment