31st JULY(UNCHAINED MELODY) EPISODE-30
31st JULY( UNCHAINED MELODY)
M.LUSEI PALIAN
EPISODE-30
( Sonnet lam ka lo buaipui deuh a, duhaiin ka hman har a. Ka inthlahrung rum mai...
Laisuih tuahrem ka mawi zo lo,
Chhaktiang ram mawia hnemtu ngai hian,
Chhunni tlaikhua ka hmang liam si ṭhin....)
Rinfeli chu khumah a bawk ta thlawp a. Thinlung ipikna chuan a zui a. Ti nge Hruaia hi a tawn leh kher le aw?
Aw...a hringnun hi ava buai tak em!
Engtin nge maw a tih tak ang le?
Hruaia hi tawng leh kher lo se atan hian a ṭha tur a nia. Mahse a thlalak te a hmuh khan a insum zo lova...
Chu lovah pasal a neih hma a, college zawh ve hrim hrim a tum a ni.
Chu chu a pasal tur? pawn a phalsak thlap a ni.
Naktuk hian a pasal tur chuan a rawn tlawh dawn, Aizawlah a rawn trainning lawk dawn a.
Chu thil tak chuan a ti buai a, zankhua in a rilru a buai a ni. Eng tin nge Hruaia bulah a sawi tak ang le...?
......
Hruaia pawh chu zanah chuan a mu mai bik lo! Sawma te unau lehkha a zirpui a, an ri laih laih a.
Janeti a rawn chhuk ve a, a hmel erawh a pangngai zan lo! Vawiin khan thil hmuh a nei tlat a ni.Assignment dang a rawn keng leh a. A U Hruaia chu a melh leh zeuh ṭhin a. Beiseina nena melh a ni a, a chang leh a lawm a, a chang leh a thinrim bur a. A awm dan chu a inhre thiam ngang lo a ni.
Ngaihsak zawngte lakah hi chuan kan thikthu a chhia a, kan beisei a sang ṭhin a ni.
Janeti rin aiin sana a vir chak a, anaute an mut a chhuak ṭan a. La awm duh viau mahse haw pui an ngai ta si.
Hruaia chuan a han thlah a, an kawtkai thleng a thlah hnu chuan an in mang ṭha ta a. Janeti biangah chuan a piai ta zeuh a. Chu mai pawh chu beiseitu tan chuan hlimna a ni si! A va hlim tak em!
.....
Hruaia chu a mut hma chuan tukverhah a dak a, thlifim a dawng a, a ngaihtuahna a kawm ta veng veng a.
Mahriati a ngaihtuah a, a khawngaih hle a ni. A mittui tla a hmuh ngat phei kha chuan hrehawm ava ti tehlul em!
A zep lo a hmangaih a ni. A tan kut durh leh dar pilh phungin a inhlawh a, a tana a khawlbawm siam chu a thlir phei a, a thinlung a na ve hle mai!
Mahse Mahriati tana a tih a ni a, tihsak tho tho chu a tum ta a ni.
Mipa takin hmalam a pan a ngai a, alo tiam tawh a, a ta ni lo mahse a tihsak dawn tho a ni. Mipa diktak zia a ni. Kha chen atan tiin alo intuak tawh a, a intuak chhan tak chuan a intuakna chu a hmu ngei ngei tur a ni.
Mahse 31st july hma hian Inter college Boxing a khel dawn a....pawi lo hmai duk chur pawn a pe mai a niang chu.....!
Mut zai rel a tum ta a! A hmai te phih faiin a ha te a nawt a....
Khumah chuan a bawk zal a, Rinfeli thlalak a hmu a, a nui sak a...
Rinfeli leh Mahriati hian engtiang chiahin nge an tihnat dawn tih reng a hre si lo! Chhin zai a rel ta a!
.........
Hruaia chu zing hma takah a tho a, a taksa a sawizawi a, tlan ngatin Chanmari 'W' aṭang chuan SAI chu a thleng phei ṭhak a. Mahse a hah mang hauh lo.
He a hma lama a thil tih turah hian rilru pe taka a tih a ngai a ni.
A hun a thleng ṭep tawh si a, karleh lawk a ni tawh tih a hria a! Uluk lehzualin a practice a ngai a, a khelh dawnah phei chuan Coach ten awm hahdam tawhtur an la ti zui bawk si!
A inngaihtuah ve nasa hle mai! Mahse a thinlung huaisenna hian a pui em em ang. Mizoram college hrang hrang inelna tur a ni a. Boruak pawh a sang viau ngei ang le.
Zing karah thlan fim a chhuak nasa ngei mai!
A haw alo hun leh ta reng mai a. Ke bawk chuan a inluah lam a pan leh ta a.
Kea kal tam hi hriselna atan a ṭha tih a hre ve hrim hrim bawk a. Muangchang lutuk lo chuan a phei ta a.
Aizawl Mizoram khawpui tia kan chhal hi a hmunhma a rem em em lo a ni tih te a ngaihtuah phei mai mai a. Chutah zarkawt pheiah Police zuruiin vai a man lai a hmu a, a ngaihtuahna akal ding hle a.....
Mahse a kalsan leh mai a, a hma lam hun atan a inbuatsaih zel a ngai si a.
A nihna takah chuan tumah hi han huphurh a nei tawh bik miah lo. A hma aiin a inzir nasa a, tin a kutthlak a na em em bawk....
Janeti te in a thleng thla ta a. Janeti School kal tur alo chhuak chiah a.
" Thlah i duh em?"
Chutia a U Hruaia'n a ti thut mai chu mak a ti hle a. A lawm bawk si, alai bawk si...Awm ngaihna a hre mang lo hial zawk a ni.Lehlam a hawi a, lei a chhuah vak ringawt a. Thil hriatchhuah a nei a, zingah Hruaia nu in a rawn phone sek a. A awmna a hre si lo..
" E.....U Hruai, I nu in min lo phone se a ti a.... umnnn...i hman leh min thlah la..." a ti a.
Sawma ten an lo hre pha alo ni...
" U Hruai, kan chuang ve duh a nia aw...."
" Aw le... Chabi leh Helmet ka zuk la a nge"
" Min man ang e, kan chuan tam lutuk te chuan..." Janeti chuan a ti a.
" I naute School thlen hma in Traffic duty an awm lo..." Hruaia chuan alo ti a.
Naupang pahnihte chuan,
" Nia..." an lo ti rual nghal a.
Hruaia chu a in lam a pan ta a.
Janeti lunglawm a kim ngei mai! A U Hruaia hi hmana a en ang khan a en thei tawh lo. A ngai a, hmuh fo a duh a. A bula awm melh melh a chak a. A rilru a nui ver ver a.
Hruaia a rawn thleng chho ta... An han inrem tak tak a, an tlan chhuak ta. A chep hle mai.
Janeti chuan a naute chuang ve kher chu a ngei deuh tlat! An School hnaih hnaih nen...
Eng nge....an chuang ve chak a ni ve mai a. An U Hruaia a ni ve tho alawm.
Sawma te chhukna tur an thleng ta... An chhuk ta a.
" Rawn ṭhu hnai rawh, ka tlan chak dawn a nia, min rawn vuan ang che....mahse ka rimtui vak lo a nia...."
A thil tih chak em em a ni. A rim a hre lo! Eng tinnge a hriat tehlul ang ni? An tlan thaw char char alawm....
A suangtuah ram a thleng ta...
Nilengin he nula tuaitir te hi a hlim dawn a ni.
............
Hruaia let leh chu a inbualfai a, chaw a chhum a, a ei a, a hmanhmawh tehchiam lo. Tin, Rinfeli'n a lo nghak dawn bawk a. He mi ni hian 11:10 aṭang chauhin Class a nei ve hrim hrim bawk a.
Muangchang chuan a insiam ta a. Janeti thu hrilh kha a hrechhuak zawk a, mahse a nu chu School a kal daih a ring tawh a. Tlai lama phone ah a ti ta zawk a.
College kal tur leh Rinfeli lam phawt tur chuan a inkhalh chhuak ta a. A rilru a hlim phian a, mahse nilengin a hlim thei angem le!
........
Zankhua in Mahriati a mu lo...
" I bialpa khi....." a va na tak em! Hruaia ka aṭang ngei a chhuak a ni si!
Hruaia lo hi a thinlung kiktu an awm si lo. Lo awm ta pawh ni se a hawn duh kher lovang!
Mahse a hmangaih chuan a bula nula chu a ngaihtuah em em tih a hai lo! A na a ni. Lunglem a nei lo, mahse a thinlungah hian Hruaia chauh hi a awm si a!
Zankhua in a inngaihtuah a, a rilru ana telh telh a.A tukah pawh college kal a tum miah lo!
Hmangaihna mittui a tla ta!
........
Rinfeli chu alo ding ran a, mahse a hmel chu a hlim hmel tehchiam lo. Hruaia chuan engmah a zawt lova, Bike ah chuan a rawn lawn ve mai a...
Inbe miah lo chuan college an thleng ta a. Mi dang ten an lo hmuh chuan inhmeh an ti hle a. An thlir zui vang vang hlawm a.
Class ah chuan an ṭhu ta a. Rinfeli a ṭawng tlem hle mai.
Hruaia chuan Mahriati a mit in a zawng a, mahse a hmu lo.
" Hruai, mi pakhat min hmuhpui lawk rawh aw, hemi class zawh hian.. " Rinfeli aw chu a khur deuh a....
" Aw le....engti zia nge? I awm dan hi..."
" Min hmuh pui phawt la..."
" Ka awm ve chuan hlau miah suh ang che...hlauh nei iva ang em em ve le? Khawi hmunah nge?"
" Nei mai thei...Silver moon ah..."
Class a zo ta a...
Hruaia leh Rinfeli chuan Silvermoon an pan phei ta a. Rinfeli thinlung ava na tak em! Hrehawm a ti ngawih ngawih a. A ṭawng tawh mang lo.!
Hruaia pawh hian Rinfeli awm dan a mak a ti hle a, zawh a tum a, an thleng ta si...
Table no 7 chu Rinfeli chuan a pan chat a. ...
Tlangval hmel fel veng vawng Police Uniform ha, Arsi pakhat bel hi alo ding a....
" In lo thleng maw? Lo ṭhu ru" a ti a.
A kut a rawn phar chhuak a...Hruaia nen chuan an inchibai ta a..
" Lalnunmawia ka ni a, Rinfeli pasal tur ka ni e" a ti ta tlat mai !!!
M.LUSEI PALIAN
EPISODE-30
( Sonnet lam ka lo buaipui deuh a, duhaiin ka hman har a. Ka inthlahrung rum mai...
Laisuih tuahrem ka mawi zo lo,
Chhaktiang ram mawia hnemtu ngai hian,
Chhunni tlaikhua ka hmang liam si ṭhin....)
Rinfeli chu khumah a bawk ta thlawp a. Thinlung ipikna chuan a zui a. Ti nge Hruaia hi a tawn leh kher le aw?
Aw...a hringnun hi ava buai tak em!
Engtin nge maw a tih tak ang le?
Hruaia hi tawng leh kher lo se atan hian a ṭha tur a nia. Mahse a thlalak te a hmuh khan a insum zo lova...
Chu lovah pasal a neih hma a, college zawh ve hrim hrim a tum a ni.
Chu chu a pasal tur? pawn a phalsak thlap a ni.
Naktuk hian a pasal tur chuan a rawn tlawh dawn, Aizawlah a rawn trainning lawk dawn a.
Chu thil tak chuan a ti buai a, zankhua in a rilru a buai a ni. Eng tin nge Hruaia bulah a sawi tak ang le...?
......
Hruaia pawh chu zanah chuan a mu mai bik lo! Sawma te unau lehkha a zirpui a, an ri laih laih a.
Janeti a rawn chhuk ve a, a hmel erawh a pangngai zan lo! Vawiin khan thil hmuh a nei tlat a ni.Assignment dang a rawn keng leh a. A U Hruaia chu a melh leh zeuh ṭhin a. Beiseina nena melh a ni a, a chang leh a lawm a, a chang leh a thinrim bur a. A awm dan chu a inhre thiam ngang lo a ni.
Ngaihsak zawngte lakah hi chuan kan thikthu a chhia a, kan beisei a sang ṭhin a ni.
Janeti rin aiin sana a vir chak a, anaute an mut a chhuak ṭan a. La awm duh viau mahse haw pui an ngai ta si.
Hruaia chuan a han thlah a, an kawtkai thleng a thlah hnu chuan an in mang ṭha ta a. Janeti biangah chuan a piai ta zeuh a. Chu mai pawh chu beiseitu tan chuan hlimna a ni si! A va hlim tak em!
.....
Hruaia chu a mut hma chuan tukverhah a dak a, thlifim a dawng a, a ngaihtuahna a kawm ta veng veng a.
Mahriati a ngaihtuah a, a khawngaih hle a ni. A mittui tla a hmuh ngat phei kha chuan hrehawm ava ti tehlul em!
A zep lo a hmangaih a ni. A tan kut durh leh dar pilh phungin a inhlawh a, a tana a khawlbawm siam chu a thlir phei a, a thinlung a na ve hle mai!
Mahse Mahriati tana a tih a ni a, tihsak tho tho chu a tum ta a ni.
Mipa takin hmalam a pan a ngai a, alo tiam tawh a, a ta ni lo mahse a tihsak dawn tho a ni. Mipa diktak zia a ni. Kha chen atan tiin alo intuak tawh a, a intuak chhan tak chuan a intuakna chu a hmu ngei ngei tur a ni.
Mahse 31st july hma hian Inter college Boxing a khel dawn a....pawi lo hmai duk chur pawn a pe mai a niang chu.....!
Mut zai rel a tum ta a! A hmai te phih faiin a ha te a nawt a....
Khumah chuan a bawk zal a, Rinfeli thlalak a hmu a, a nui sak a...
Rinfeli leh Mahriati hian engtiang chiahin nge an tihnat dawn tih reng a hre si lo! Chhin zai a rel ta a!
.........
Hruaia chu zing hma takah a tho a, a taksa a sawizawi a, tlan ngatin Chanmari 'W' aṭang chuan SAI chu a thleng phei ṭhak a. Mahse a hah mang hauh lo.
He a hma lama a thil tih turah hian rilru pe taka a tih a ngai a ni.
A hun a thleng ṭep tawh si a, karleh lawk a ni tawh tih a hria a! Uluk lehzualin a practice a ngai a, a khelh dawnah phei chuan Coach ten awm hahdam tawhtur an la ti zui bawk si!
A inngaihtuah ve nasa hle mai! Mahse a thinlung huaisenna hian a pui em em ang. Mizoram college hrang hrang inelna tur a ni a. Boruak pawh a sang viau ngei ang le.
Zing karah thlan fim a chhuak nasa ngei mai!
A haw alo hun leh ta reng mai a. Ke bawk chuan a inluah lam a pan leh ta a.
Kea kal tam hi hriselna atan a ṭha tih a hre ve hrim hrim bawk a. Muangchang lutuk lo chuan a phei ta a.
Aizawl Mizoram khawpui tia kan chhal hi a hmunhma a rem em em lo a ni tih te a ngaihtuah phei mai mai a. Chutah zarkawt pheiah Police zuruiin vai a man lai a hmu a, a ngaihtuahna akal ding hle a.....
Mahse a kalsan leh mai a, a hma lam hun atan a inbuatsaih zel a ngai si a.
A nihna takah chuan tumah hi han huphurh a nei tawh bik miah lo. A hma aiin a inzir nasa a, tin a kutthlak a na em em bawk....
Janeti te in a thleng thla ta a. Janeti School kal tur alo chhuak chiah a.
" Thlah i duh em?"
Chutia a U Hruaia'n a ti thut mai chu mak a ti hle a. A lawm bawk si, alai bawk si...Awm ngaihna a hre mang lo hial zawk a ni.Lehlam a hawi a, lei a chhuah vak ringawt a. Thil hriatchhuah a nei a, zingah Hruaia nu in a rawn phone sek a. A awmna a hre si lo..
" E.....U Hruai, I nu in min lo phone se a ti a.... umnnn...i hman leh min thlah la..." a ti a.
Sawma ten an lo hre pha alo ni...
" U Hruai, kan chuang ve duh a nia aw...."
" Aw le... Chabi leh Helmet ka zuk la a nge"
" Min man ang e, kan chuan tam lutuk te chuan..." Janeti chuan a ti a.
" I naute School thlen hma in Traffic duty an awm lo..." Hruaia chuan alo ti a.
Naupang pahnihte chuan,
" Nia..." an lo ti rual nghal a.
Hruaia chu a in lam a pan ta a.
Janeti lunglawm a kim ngei mai! A U Hruaia hi hmana a en ang khan a en thei tawh lo. A ngai a, hmuh fo a duh a. A bula awm melh melh a chak a. A rilru a nui ver ver a.
Hruaia a rawn thleng chho ta... An han inrem tak tak a, an tlan chhuak ta. A chep hle mai.
Janeti chuan a naute chuang ve kher chu a ngei deuh tlat! An School hnaih hnaih nen...
Eng nge....an chuang ve chak a ni ve mai a. An U Hruaia a ni ve tho alawm.
Sawma te chhukna tur an thleng ta... An chhuk ta a.
" Rawn ṭhu hnai rawh, ka tlan chak dawn a nia, min rawn vuan ang che....mahse ka rimtui vak lo a nia...."
A thil tih chak em em a ni. A rim a hre lo! Eng tinnge a hriat tehlul ang ni? An tlan thaw char char alawm....
A suangtuah ram a thleng ta...
Nilengin he nula tuaitir te hi a hlim dawn a ni.
............
Hruaia let leh chu a inbualfai a, chaw a chhum a, a ei a, a hmanhmawh tehchiam lo. Tin, Rinfeli'n a lo nghak dawn bawk a. He mi ni hian 11:10 aṭang chauhin Class a nei ve hrim hrim bawk a.
Muangchang chuan a insiam ta a. Janeti thu hrilh kha a hrechhuak zawk a, mahse a nu chu School a kal daih a ring tawh a. Tlai lama phone ah a ti ta zawk a.
College kal tur leh Rinfeli lam phawt tur chuan a inkhalh chhuak ta a. A rilru a hlim phian a, mahse nilengin a hlim thei angem le!
........
Zankhua in Mahriati a mu lo...
" I bialpa khi....." a va na tak em! Hruaia ka aṭang ngei a chhuak a ni si!
Hruaia lo hi a thinlung kiktu an awm si lo. Lo awm ta pawh ni se a hawn duh kher lovang!
Mahse a hmangaih chuan a bula nula chu a ngaihtuah em em tih a hai lo! A na a ni. Lunglem a nei lo, mahse a thinlungah hian Hruaia chauh hi a awm si a!
Zankhua in a inngaihtuah a, a rilru ana telh telh a.A tukah pawh college kal a tum miah lo!
Hmangaihna mittui a tla ta!
........
Rinfeli chu alo ding ran a, mahse a hmel chu a hlim hmel tehchiam lo. Hruaia chuan engmah a zawt lova, Bike ah chuan a rawn lawn ve mai a...
Inbe miah lo chuan college an thleng ta a. Mi dang ten an lo hmuh chuan inhmeh an ti hle a. An thlir zui vang vang hlawm a.
Class ah chuan an ṭhu ta a. Rinfeli a ṭawng tlem hle mai.
Hruaia chuan Mahriati a mit in a zawng a, mahse a hmu lo.
" Hruai, mi pakhat min hmuhpui lawk rawh aw, hemi class zawh hian.. " Rinfeli aw chu a khur deuh a....
" Aw le....engti zia nge? I awm dan hi..."
" Min hmuh pui phawt la..."
" Ka awm ve chuan hlau miah suh ang che...hlauh nei iva ang em em ve le? Khawi hmunah nge?"
" Nei mai thei...Silver moon ah..."
Class a zo ta a...
Hruaia leh Rinfeli chuan Silvermoon an pan phei ta a. Rinfeli thinlung ava na tak em! Hrehawm a ti ngawih ngawih a. A ṭawng tawh mang lo.!
Hruaia pawh hian Rinfeli awm dan a mak a ti hle a, zawh a tum a, an thleng ta si...
Table no 7 chu Rinfeli chuan a pan chat a. ...
Tlangval hmel fel veng vawng Police Uniform ha, Arsi pakhat bel hi alo ding a....
" In lo thleng maw? Lo ṭhu ru" a ti a.
A kut a rawn phar chhuak a...Hruaia nen chuan an inchibai ta a..
" Lalnunmawia ka ni a, Rinfeli pasal tur ka ni e" a ti ta tlat mai !!!
Comments
Post a Comment