31st JULY(UNCHAINED MELODY) EPISODE-3
31st JULY( UNCHAINED MELODY)
M.LUSEI PALIAN
EPISODE --3
........
Mahse chu thu Mahriati sawi Hruaia'n an hriat meuh chuan amah angaihsak in hliam a tawrh a hlau ve hle tih a hrethiam ta!
A thinlungah lawmna leh hlimna a awm a, Chu chuan tumruhna asiam a, huaisenna leh chakna thar a pe bawk a ni. Mihring hian ngaihsaktu kan mamawh a, enkawltu leh puitu kan ngai a, Kan mi huat loh deuhten min biak khat hi chuan kan na mai ṭhin a nih hi maw!
Puia rang lutukin a rawn tlan phei a,
" Boxing i khel leh dawn...! Insiam angai..!"
" Nichin lawk khan a khel tawh si a, ti nge ni mawlh mawlh a?" Muani chuan alo ti ve khauh a.
Puia," Hre bik lo, khel leh phawt mai teh se, a chak leh tho vang, Semi final a ni tawh tlat!"
An za chuan inchhung lam indoor lam chu an pan ta a. An luh lai chuan Microphone aṭang chuan a hming an puang leh hman a.
"Kan lo thleng.." Puia chuan ati lauh a, a ban a vai lauh lauh a.
Hruaia chu a insiam ṭan ta a, Glove chu a bun leh ta, a kawr a phelh leh ta. A pian hi mizo mipa pian thiam tak a ni ve hrim hrim a. A mawi tawkin a phiar fat a, A tawk chiahin a sang a. A ban bul erawh a invuah nghet hmel em em lawi si. Ahmel hi hang lam hret ni mahse ngaihno bei, hmeichhe duh chi a ni tlat lawi si! Amah ah hian hmeichhia in an duhzawng hi a kim tlat si a, mahse a thinlung kawngkhar hi a kiktu nazawng a hawnsak thei tlat lo. Hmanah thinlung na a nei ve tlat tawh si a.........
Ring a alut tur chu a ban bul a ti che a, a in sawizawi a. Mahriati chu a rawn phei tlat ta mai...
Hruaia chu a rawn pan a....
A rawn hnai zel a, He nula kimtlangah hian han sel leh tur hi a awm miah lo, a engkim hi a dik thlarh mai a, bahsam sei si hnam dang tih dan la hauh si lo. Mengmawi si, pian dik thlarh mai si hi a ni.
A rawn hnai zel a, Hruaia bulah chuan zawi te in,
" Fimkhur .....rawh.... aw "
a rawn ti ve tlat....
A huaisenna zawng zawng sawm khawma rawn kal a ni. Hruaia nat palh hi a hlau ve tho. A ni reng alawm, a thinlungah a cham ve tlat si a. Thinlunga cham te zawng nghilh ni hi a awm thei si lo.
Mahriati chuan thu tam sawi lo mahse, awmze tam tak a nei a ni. Chu chu Hruaia chuan a hrethiam tlat! Chakna thar a neih phahin, beiseina thar a neih phah si!
Inbiak reina hun a ni lova, Puia lah chuan alo tur sek tawh a. Red Corner a ni ve thung dawn a ni. Mahriati chu vawikhat a melh leh hram a, Ring chhungah a lut ta. Boxing Ring chhung erawh zawng a dan a dang tlat.
A hamtupa chuan a inchibai tir a, inchibai ti ila, glove leh glove an insiktir a ni ber mai! Eng emaw a sawi a. An bu dun nghauh nghauh ringawt a. An corner lamah an let leh ta.
Blue corner Second tu hi Champion lai, an weight ah a ni. A fuih nasa hle. Puia erawh chuan Knock out ang che a ti ve thung a. Eng thil tak chu thleng ang maw?
An ṭan ta..... Hruaia tumpuipa chu a thiam zek mai! Mahse Hruaia hian a hlau miah lo....
An inhnek thawi dun thuak thuak a, an inveng hman zel a. An innawr tawn hle a, an innawr chhawk a ni. Thiam lamah Hruaia hian a pha lo hret emaw ni aw tihtur a ni. A hmuhnawm ngang mai. Video in an lo la cover zui a, an thiam dun hle a. Hruaia chuan a pet teuh ṭhin ngei mai. A insum hman hram zel a. Round khatna a zo ṭep a, Hruaia chuan a tumpuipa kuttum chu a dawng ta nawlh mai! A chiang ngang mai....Chiang tak a ni.Mahse Hruaia chu ala nui sang tho a, arukin a tuar a ni. A nawr let ve a, a aia nasa mah in......chiang lutuk in a chhang let ve sak a. A hnek zawh rual chiah chuan bell alo ri a, chu chuan a chhan ta mai zawk a ni. A kat nawk nawk a. Hruaia hnek hi a na em asin! Bell ri lo se chuan a nawn hman ngei dawn si a.
A tumpuipa chuan hrui vuan phei chuan a corner lam a pan a. Hruaia chuan pangngai takin a corner lam a pan thung a.
Puia a rawn lut a, A rawn zap a, tui a pe a.
" Va uiawm ve le, i che har lutuk a, khatiang khan hnek mawlh mawlh rawh....Khu en teh a rawn en char char che a nia.."Puia chuan a ti a.
Hruaia chuan rem lo chung chung chuan an melh ve hram a, an mit leh mit a intawng leh ta chat mai! A tu ve ve pawh an lawm a ni.
Lehlam Blue corner pawh a luhai a zia ta, mahse a huphurh ru tawh hle a. A second man chuan a fuih nasa ngang mai...
Bell a ri leh ta....
Hruaia chu a ding nalh a, Round hnihna a ni tawh a, a ṭan a ngai a ni. An inpan leh ta chhek mai...
Mipa leh mipa chu inveh ṭhem ṭhem mai tur, in nuai miah miah mai tur....Chakzawk awm a ngai tlat si.
An inhnek ṭhelh leh nawk nawk tawh a, an ṭang dun hle a, a hamtupa phei chuan a pawt ṭhen leh nawk nawk ṭhin. A hmuhnawm bawk a, a entute pawh an au nasa ngang mai. Hruaia hming a ri nasa zual a.
Chung mipui zi nuai nuai leh au nuai nuai kar aṭang chuan,
" Hruai.....ṭang tawh rawh..."
Hruaia bengah a lut chiang ngang mai! Tu aw nge ni tih a hrechiang em em a ni. A phur thar ta hle a, A tha chu a hmang tak tak ta.
Hruaia chuan a tumpuipa chu ring kilah a dang ta, a hnek ta mawlh mawlh mai..... A ri pawp pawp a...
A entu an au nasa.....Hruaia chuan a hnek hnem ngang mai.
Puia alo au nasa....
" Zemabawk thlengin hnek rawh....Ṭhianpa, ka ṭhianpa a nih saw....Blue House....Amen em em..!" ring fe hian a lo ti a.
Hruaia a duhtawk tlat! A hnung tawlh hret a, a ding hmak mai!
" Hnek char char rawh.." tih ri chu a rawn ri ring hle mai!
Mahse A tumpuipa hi a inveng tawh miah lo, chu tak chu Hruaia chuan a duh miah lo. Duhtawka hnung tawlhsan a ni reng a ni. A hamtupa chuan a en a, a en lai chuan Blue Corner chu a tlu tawp ta mai..! A awm reng a ni. Kut lawnga Sihal hnek hlum ṭhak tawhin duhtawkin a pe mawlh mawlh a nih kha...
Tho leh chi zia zang a ni lo, a hnar te chu ala thi ta deuh deuh a. Buaipui nghal a ni a. Khel chhunzawm chi a ni lo.
Enkawl fe a ngai dawn ta niin a lang ta.
Blue House thawm ava ring in ava na tak em! Puia lah chu a au pawr nasa ngang mai. An hlim a ni. Hruaia chuan a mit chuan Mahriati chu a zawng ruai a, a hmu ta. A lo nui var var a, mitmeng a intawng leh ta chat mai....
A hamtupa chuan a titawp ta. Blue House an thawm a ṭha hle a ni. Hruaia chu a chak leh ta...
Puia a rawn tlan lut nghal a, a au nasa lutuk hi a sawi ber pawh a hre miah lo, a mah pawn a hre bik lovang.
Hruaia chuan ring chu a chhuahsan a, A lar ṭan ta hle....An rawn chibai sup sup mai. Senior hovin an ngaisang tlat, duhtawk a, ring pawn thleng hnek thei khan a tumpuipa awm dan a hmuh a, a inveng theilo tih a hriat khan a hnung tawlh a, a hnek duh tawh miah lo kha a ni. Kha khan mi thinlung a hneh tlat.
Ani Mahriati ngei pawhin mak a ti a. A lo hlauthawng hman ṭep a.
Kha thil tak kha a ni. Miten an ngaihsan phah tlat!
A hamtupa kha a rawn kal a,
"I thiam hle mai, SAI ah rawn zir ve ta che, " tiin a rawn sawm ve ta tlat mai. Hruaia pawh a lawm hle a. Chhan mai ngaihna pawh a hre bik lo.
A tawp atawp ah chuan Hruaia chuan, " Ni e..in phal te chuan," a ti ve ta a. Tunlai ang hian Smart phone hi awm tawh se chuan no pawh an inpe ngei ang.
Hruaia chu an rawn chibai tak tak a, nula nalh fe fe chuan abiangah te chuan an la rawn piai zui a. Chutih lai chuan Final chu a tukah an khel a ni dawn tih an rawn puang ta a. Hruaia pawh a chau ve tawh reng a ni. A sirah chuan Taekwondo a a khelhpui pa kha ava hmu a, a va pan a.A hnarah chuan lapua chu an lo la hnawh tut a.A lo ṭhu ve a, a hnar chu a khawih leh zeuh ṭhin. A lam pana Hruaia lokal chu alo melh vung vung a.A hma ah chuan arawn ding ta.
" Ṭhianpa ka tihpalh takzet, nichin khan thisen chhuah che ka tum miah lo a nia.." a ti chhuak a.
A rawn ding chhuak a, a rawn nui sak a.
" E he....kha te chu infiamna alawm, chakzawk kan awm a ngai alawm....A ho e..."
An inchibai ta a.
" Michaela ka ni e...Hruaia " a ti a, an innuih ta var var a.
Hruaia chu alet leh ta a, a bag ah chuan a thil a khung mawlh mawlh a,
" Milar chuan a ṭhiante a theihnghilh ṭan a ni maw...?" tih ri a hre tlat!
A hawi chhuak chiah a, Dini, Muani leh Mahriati te an lo ni a. Mahriati mit leh Hruaia mit a intawng leh chat a...
" Ih....ih...hei..ka lo khung mek.."
" Aw....khung pui i ngai em?"
" Aih, Ka lo khung ang che..."
" Eng a, i bag ah khan ka leng dawn em ni?" Dini chuan a ti a. An nui tlang ta a.
A ni reng asin, mipa pawh hi an ṭawng phelh phung tawh chuan an lai ve hle a ni. Hruaia pawh hi chhingmitmawii hmaah chuan alai tlat zel. A boruak hi a danglam tlat ṭhin atin ni..
Hruaia chu a inkhung zo a, Puia lah chu alo bo leh tawh. Hepa hi tinge mamawh lai hian a bo ziah a! A ti mak lutuk ṭhin!
"Pawnah boruak thawveng i mamawh a nih kha..." Dini chuan a ti a.
" Nia..."
An chhuak ho ta a, ṭhutna nuam deuhah chuan an ṭhu ho ta a.
Dini leh Muani chuan Tiranga kan lei lawk dawn an ti a, an tho ta nalh mai...!
" Ti khan in duh duh, kan hriat ve ngai lo chi pawh lo sawi teh u..." Muani chuan a ti a, an kal ta daih a.
An va lai dun tak em! Mahriati chuan a ke chu a insual tir leh ta nauh nauh a, a mipa zawk Hruaia lah chuan khawi aṭangin nge bul aṭan ang tih a hre bik der lo....
Hruaia," Ih maw Mahriat...." a ti chhuak ta phawng a, Mahriati rawn hawi chiah chu an mit leh mit a intawng leh ta. Hruaia chu alai zo leh ta vek. Nge lehlam a hawi daih zawk dawn le....
"Umnnn....Sawi ta che..." Hruaia mita en chung chuan a ti ta a....
( A ngaihnawm telh telh ang..)
M.LUSEI PALIAN
EPISODE --3
........
Mahse chu thu Mahriati sawi Hruaia'n an hriat meuh chuan amah angaihsak in hliam a tawrh a hlau ve hle tih a hrethiam ta!
A thinlungah lawmna leh hlimna a awm a, Chu chuan tumruhna asiam a, huaisenna leh chakna thar a pe bawk a ni. Mihring hian ngaihsaktu kan mamawh a, enkawltu leh puitu kan ngai a, Kan mi huat loh deuhten min biak khat hi chuan kan na mai ṭhin a nih hi maw!
Puia rang lutukin a rawn tlan phei a,
" Boxing i khel leh dawn...! Insiam angai..!"
" Nichin lawk khan a khel tawh si a, ti nge ni mawlh mawlh a?" Muani chuan alo ti ve khauh a.
Puia," Hre bik lo, khel leh phawt mai teh se, a chak leh tho vang, Semi final a ni tawh tlat!"
An za chuan inchhung lam indoor lam chu an pan ta a. An luh lai chuan Microphone aṭang chuan a hming an puang leh hman a.
"Kan lo thleng.." Puia chuan ati lauh a, a ban a vai lauh lauh a.
Hruaia chu a insiam ṭan ta a, Glove chu a bun leh ta, a kawr a phelh leh ta. A pian hi mizo mipa pian thiam tak a ni ve hrim hrim a. A mawi tawkin a phiar fat a, A tawk chiahin a sang a. A ban bul erawh a invuah nghet hmel em em lawi si. Ahmel hi hang lam hret ni mahse ngaihno bei, hmeichhe duh chi a ni tlat lawi si! Amah ah hian hmeichhia in an duhzawng hi a kim tlat si a, mahse a thinlung kawngkhar hi a kiktu nazawng a hawnsak thei tlat lo. Hmanah thinlung na a nei ve tlat tawh si a.........
Ring a alut tur chu a ban bul a ti che a, a in sawizawi a. Mahriati chu a rawn phei tlat ta mai...
Hruaia chu a rawn pan a....
A rawn hnai zel a, He nula kimtlangah hian han sel leh tur hi a awm miah lo, a engkim hi a dik thlarh mai a, bahsam sei si hnam dang tih dan la hauh si lo. Mengmawi si, pian dik thlarh mai si hi a ni.
A rawn hnai zel a, Hruaia bulah chuan zawi te in,
" Fimkhur .....rawh.... aw "
a rawn ti ve tlat....
A huaisenna zawng zawng sawm khawma rawn kal a ni. Hruaia nat palh hi a hlau ve tho. A ni reng alawm, a thinlungah a cham ve tlat si a. Thinlunga cham te zawng nghilh ni hi a awm thei si lo.
Mahriati chuan thu tam sawi lo mahse, awmze tam tak a nei a ni. Chu chu Hruaia chuan a hrethiam tlat! Chakna thar a neih phahin, beiseina thar a neih phah si!
Inbiak reina hun a ni lova, Puia lah chuan alo tur sek tawh a. Red Corner a ni ve thung dawn a ni. Mahriati chu vawikhat a melh leh hram a, Ring chhungah a lut ta. Boxing Ring chhung erawh zawng a dan a dang tlat.
A hamtupa chuan a inchibai tir a, inchibai ti ila, glove leh glove an insiktir a ni ber mai! Eng emaw a sawi a. An bu dun nghauh nghauh ringawt a. An corner lamah an let leh ta.
Blue corner Second tu hi Champion lai, an weight ah a ni. A fuih nasa hle. Puia erawh chuan Knock out ang che a ti ve thung a. Eng thil tak chu thleng ang maw?
An ṭan ta..... Hruaia tumpuipa chu a thiam zek mai! Mahse Hruaia hian a hlau miah lo....
An inhnek thawi dun thuak thuak a, an inveng hman zel a. An innawr tawn hle a, an innawr chhawk a ni. Thiam lamah Hruaia hian a pha lo hret emaw ni aw tihtur a ni. A hmuhnawm ngang mai. Video in an lo la cover zui a, an thiam dun hle a. Hruaia chuan a pet teuh ṭhin ngei mai. A insum hman hram zel a. Round khatna a zo ṭep a, Hruaia chuan a tumpuipa kuttum chu a dawng ta nawlh mai! A chiang ngang mai....Chiang tak a ni.Mahse Hruaia chu ala nui sang tho a, arukin a tuar a ni. A nawr let ve a, a aia nasa mah in......chiang lutuk in a chhang let ve sak a. A hnek zawh rual chiah chuan bell alo ri a, chu chuan a chhan ta mai zawk a ni. A kat nawk nawk a. Hruaia hnek hi a na em asin! Bell ri lo se chuan a nawn hman ngei dawn si a.
A tumpuipa chuan hrui vuan phei chuan a corner lam a pan a. Hruaia chuan pangngai takin a corner lam a pan thung a.
Puia a rawn lut a, A rawn zap a, tui a pe a.
" Va uiawm ve le, i che har lutuk a, khatiang khan hnek mawlh mawlh rawh....Khu en teh a rawn en char char che a nia.."Puia chuan a ti a.
Hruaia chuan rem lo chung chung chuan an melh ve hram a, an mit leh mit a intawng leh ta chat mai! A tu ve ve pawh an lawm a ni.
Lehlam Blue corner pawh a luhai a zia ta, mahse a huphurh ru tawh hle a. A second man chuan a fuih nasa ngang mai...
Bell a ri leh ta....
Hruaia chu a ding nalh a, Round hnihna a ni tawh a, a ṭan a ngai a ni. An inpan leh ta chhek mai...
Mipa leh mipa chu inveh ṭhem ṭhem mai tur, in nuai miah miah mai tur....Chakzawk awm a ngai tlat si.
An inhnek ṭhelh leh nawk nawk tawh a, an ṭang dun hle a, a hamtupa phei chuan a pawt ṭhen leh nawk nawk ṭhin. A hmuhnawm bawk a, a entute pawh an au nasa ngang mai. Hruaia hming a ri nasa zual a.
Chung mipui zi nuai nuai leh au nuai nuai kar aṭang chuan,
" Hruai.....ṭang tawh rawh..."
Hruaia bengah a lut chiang ngang mai! Tu aw nge ni tih a hrechiang em em a ni. A phur thar ta hle a, A tha chu a hmang tak tak ta.
Hruaia chuan a tumpuipa chu ring kilah a dang ta, a hnek ta mawlh mawlh mai..... A ri pawp pawp a...
A entu an au nasa.....Hruaia chuan a hnek hnem ngang mai.
Puia alo au nasa....
" Zemabawk thlengin hnek rawh....Ṭhianpa, ka ṭhianpa a nih saw....Blue House....Amen em em..!" ring fe hian a lo ti a.
Hruaia a duhtawk tlat! A hnung tawlh hret a, a ding hmak mai!
" Hnek char char rawh.." tih ri chu a rawn ri ring hle mai!
Mahse A tumpuipa hi a inveng tawh miah lo, chu tak chu Hruaia chuan a duh miah lo. Duhtawka hnung tawlhsan a ni reng a ni. A hamtupa chuan a en a, a en lai chuan Blue Corner chu a tlu tawp ta mai..! A awm reng a ni. Kut lawnga Sihal hnek hlum ṭhak tawhin duhtawkin a pe mawlh mawlh a nih kha...
Tho leh chi zia zang a ni lo, a hnar te chu ala thi ta deuh deuh a. Buaipui nghal a ni a. Khel chhunzawm chi a ni lo.
Enkawl fe a ngai dawn ta niin a lang ta.
Blue House thawm ava ring in ava na tak em! Puia lah chu a au pawr nasa ngang mai. An hlim a ni. Hruaia chuan a mit chuan Mahriati chu a zawng ruai a, a hmu ta. A lo nui var var a, mitmeng a intawng leh ta chat mai....
A hamtupa chuan a titawp ta. Blue House an thawm a ṭha hle a ni. Hruaia chu a chak leh ta...
Puia a rawn tlan lut nghal a, a au nasa lutuk hi a sawi ber pawh a hre miah lo, a mah pawn a hre bik lovang.
Hruaia chuan ring chu a chhuahsan a, A lar ṭan ta hle....An rawn chibai sup sup mai. Senior hovin an ngaisang tlat, duhtawk a, ring pawn thleng hnek thei khan a tumpuipa awm dan a hmuh a, a inveng theilo tih a hriat khan a hnung tawlh a, a hnek duh tawh miah lo kha a ni. Kha khan mi thinlung a hneh tlat.
Ani Mahriati ngei pawhin mak a ti a. A lo hlauthawng hman ṭep a.
Kha thil tak kha a ni. Miten an ngaihsan phah tlat!
A hamtupa kha a rawn kal a,
"I thiam hle mai, SAI ah rawn zir ve ta che, " tiin a rawn sawm ve ta tlat mai. Hruaia pawh a lawm hle a. Chhan mai ngaihna pawh a hre bik lo.
A tawp atawp ah chuan Hruaia chuan, " Ni e..in phal te chuan," a ti ve ta a. Tunlai ang hian Smart phone hi awm tawh se chuan no pawh an inpe ngei ang.
Hruaia chu an rawn chibai tak tak a, nula nalh fe fe chuan abiangah te chuan an la rawn piai zui a. Chutih lai chuan Final chu a tukah an khel a ni dawn tih an rawn puang ta a. Hruaia pawh a chau ve tawh reng a ni. A sirah chuan Taekwondo a a khelhpui pa kha ava hmu a, a va pan a.A hnarah chuan lapua chu an lo la hnawh tut a.A lo ṭhu ve a, a hnar chu a khawih leh zeuh ṭhin. A lam pana Hruaia lokal chu alo melh vung vung a.A hma ah chuan arawn ding ta.
" Ṭhianpa ka tihpalh takzet, nichin khan thisen chhuah che ka tum miah lo a nia.." a ti chhuak a.
A rawn ding chhuak a, a rawn nui sak a.
" E he....kha te chu infiamna alawm, chakzawk kan awm a ngai alawm....A ho e..."
An inchibai ta a.
" Michaela ka ni e...Hruaia " a ti a, an innuih ta var var a.
Hruaia chu alet leh ta a, a bag ah chuan a thil a khung mawlh mawlh a,
" Milar chuan a ṭhiante a theihnghilh ṭan a ni maw...?" tih ri a hre tlat!
A hawi chhuak chiah a, Dini, Muani leh Mahriati te an lo ni a. Mahriati mit leh Hruaia mit a intawng leh chat a...
" Ih....ih...hei..ka lo khung mek.."
" Aw....khung pui i ngai em?"
" Aih, Ka lo khung ang che..."
" Eng a, i bag ah khan ka leng dawn em ni?" Dini chuan a ti a. An nui tlang ta a.
A ni reng asin, mipa pawh hi an ṭawng phelh phung tawh chuan an lai ve hle a ni. Hruaia pawh hi chhingmitmawii hmaah chuan alai tlat zel. A boruak hi a danglam tlat ṭhin atin ni..
Hruaia chu a inkhung zo a, Puia lah chu alo bo leh tawh. Hepa hi tinge mamawh lai hian a bo ziah a! A ti mak lutuk ṭhin!
"Pawnah boruak thawveng i mamawh a nih kha..." Dini chuan a ti a.
" Nia..."
An chhuak ho ta a, ṭhutna nuam deuhah chuan an ṭhu ho ta a.
Dini leh Muani chuan Tiranga kan lei lawk dawn an ti a, an tho ta nalh mai...!
" Ti khan in duh duh, kan hriat ve ngai lo chi pawh lo sawi teh u..." Muani chuan a ti a, an kal ta daih a.
An va lai dun tak em! Mahriati chuan a ke chu a insual tir leh ta nauh nauh a, a mipa zawk Hruaia lah chuan khawi aṭangin nge bul aṭan ang tih a hre bik der lo....
Hruaia," Ih maw Mahriat...." a ti chhuak ta phawng a, Mahriati rawn hawi chiah chu an mit leh mit a intawng leh ta. Hruaia chu alai zo leh ta vek. Nge lehlam a hawi daih zawk dawn le....
"Umnnn....Sawi ta che..." Hruaia mita en chung chuan a ti ta a....
( A ngaihnawm telh telh ang..)
Comments
Post a Comment