31st JULY(UNCHAINED MELODY) EPISODE -25
31st JULY( UNCHAINED MELODY)
M.LUSEI PALIAN
EPISODE-25
( Thuhma neih lahin a sei phah chuang lo inti leh si!
Ruah a sur a, ka lung aleng leh veng veng tawh mai...
Tu emaw chu ngaih chu ka neiin ka hria, ka hawi vela ka tawng si lo!
Zunleng erawh a cham ṭang laiah.....)
" Pa.....ih.....hei..Inter College ah Boxing-ah ka tel ve dawn a...." a chil a lem khawlh a. A ngawi ta rih a.
" E khai aw.... a va lawmawm ve, ṭha takin i ti theih ka ring e..."
" Mahse......ka nu hrilh rih suh aw..."
" Aw le, eng tik nge a hun tur ni reng reng a?"
" A la hla deuh a, kan khelh dawnah ka rawn hrilh leh dawn che nia..."
" Aw le, ṭha takin tih tum ang che...."
Phone an dah ta a. Hruaia chu a thaw huai a, a hahdam deuh sawng sawng a. Janeti pa thung chuan,
" Hruai, Boxing i khel leh dawn maw?" A ti ha mai a.
" Aw.....College aiawh a ka khelh a ngai a ni..."
" Champion lai kha i ni a, ni e, a ngai ngei ang le!"
Thingpui alo siam kep hman hmawh a, thingpui chu an indun ta a. An inbe tam lo kher mai...
" Tharum a ngai hnem dawn ma nge" an ti leh hram a.....!
Thingpui te a inzawh chuan Hruaia chu ama inluah ah chuan a chhuk ta a. A inphihfai a, SAI training centre lam chu pan a tum ta a.
Hruaia rilru chu a buai a ni. Mahriati hi val dang tawnah a chan mai dawn em ni? An ngaihtuah ṭhin a, rinawm viau chuan a hre si a, tin, hmeichhe ti zawk zawk lo a ni bawk si! Mahse tun dinhmunah chuan hmuh tawh rih loh a thlang ta zawk a. Rinpuia bak an ṭhian ho hian ngaihsak an nei lo niin a hria a.
.........
Mahriati rilru a nuam thei hauh lo, Hruaia a hmu ngai lo, a awm lo emaw a ti a. Mahse M.E class ah pawh tlar hnungah alo ṭhu ve reng si a. A inthiam thei lo! A ni lah chu Rinpuia bulah alo ṭhu daih mai si! A va inthlahrung tak em!
Hruaia hian eng tin nge a ngaih tak ang le?
Dini leh Muani pawh hian sawichhuak miah lo mahse hrehawm an ti dun em em a. Hruaia kha an kalsan daih aṭang khan a hrehawm an ti hle a, an inthiam chiah bik lo.
Hruaia chhuak tur kha an thlir liam ṭawk ṭawk a, hrehawm an ti hle, eng vanga an S.U hruaitu khan rawn lam nge a nih ang le. Dan a bawhchhiat awm reng reng an hre si lo.
Chhun chawl tur chuan period zawh hnu chuan vai dawr Chanmari a mi chu an pan ta a. Vai dawrah chuan Puia leh Sawma an lo awm a. Mahse an luh chiah chuan an ni thil ei zo chu an chhuak dun ve leh chiah bawk si.
Hrehawm an va ti thuahhnih tak em!
" Vawiin chu inva nguai ve a...tu nge in ṭhianpa insawi ziah kha...? Khaw nge? "
" Nichina class aṭanga an rawn koh chhuah kha a ni e.." Muani chuan a chhang a.
" Eng vanga rawn ko chhuak thut nge an nih le?"
Chu zawhna chu tuman an chhang thei lo.
An ngawi ṭhap ringawt a!
Rinpuia chuan boruak thlak a ngai tih a hrethiam ta a...
" Period off a nia, Pheikhawk min va leipui lawk ula..." a ti ta daih a.
Anni pawh chuan " Aw le" tiin an chhang ve mai a...
.........
Hruaia chu SAI lam pan chuan a i khalh chhuak ta a. Theihtawp chhuah a tum tak meuh meuh a ni.
Chanmari aṭangin kawng hnuaiah a lut thla a, Bike a kal a ni a, Bazar a kut tuamna lei tum a ni. A tlan phei zel a, Sport goods zawrhna Dawr kawtah a ding a, motor atam vak lova, dawrah a lut a, a thil duh chu a zuk lei ta a.
A tlan chhuak chho leh chiah a, a thil hmuh chuan a thin a ṭhawng ngei mai!
Mahriati chu Rinpuia chuan a rawn kai thla a, an kal dun a. An hnungah Dini leh Muani an kal ve thung a. Hruaia thin chu a che dawt a.... A ding dawt a..
Mahriati'n a rawn hmu ve chiah bawk a. A va laiin hrehawm ava ti ngawih ngawih tak em!
Mahriati a ruk a a rinhlelhna chu a tak ngeiin a nemnghehna hmu in a inhria a. Hruaia thinlung a na a ni. Sawifiah thiam theih loh hian a awm a, tawt up up in a inhria a. A na ngawih ngawih a ni.
Hrehawm a va ti em! Kawng chungah alo kal zawk lo a ni.
Mahriati te ṭhian ho pawh chuan Hruaia an hmu chiang ngang mai! Hrehawm an ti. A ngaihna hre lo zeta, an inmelh tlang chu hrehawm an ti a ni.
Mahriati chuan Hruaia mit ah chuan natna tam tak a hmu a. Tawrh ava har em! Chutiang bawkin Dini te, Muani te pawhin Hruaia mitmeng chu an hmuh hmaih hauh lo....!
Hruaia chuan chak takin a tlansan ta zawk a. Tin, heti hi a ni a, thaw pikna leh rilru natna chuan a chungah thla an zar a. Na tak a ni, mahse a hma lam huna a inbuatsaih a ngai si. SAI lam pan chuan a tlan ta char char a. Thinrimna a khatin a awm a. A thleng hma ngang mai!
......
Janeti School bang chu Nana-i chuan a rawn phone a, an ri chel chul a...
A U Hruaia a be duh a ni. Mahse apa chuan " I U Hruaia a awm lo " tiin a chhang a.
" Pa khawnge a kal?"
" A chhuak lawk a nih kha.." tih zawngin a chhang a.
Nana-i nen chuan an ti ti char char a. Zan lama be zawk turin an in thlah ta a.
Janeti chuan U Hruaia a hmu khat hle a, a ngai riau a ni. An assignment ah thiam loh a nei a, zanin chu zuk pan a ngai a ni a ti rilru a. A U Hruaia dawn lungruk a hre der si lo!
..........
Hruaia chuan hmana Boxing a khelh a, a hmelhriat kha a hmu a, ava in report fel ta a. Thlan titla turin a tlan kual ta zak zak a, kar hnih leh tlem practice na hun a nei thei dawn a ni.
Hruaia chuan a rilru tak taka bei a ni bawk a. A ri ṭhuai ṭhuai reng a. Tin, thinrimna thinlung a nei bawk atin ni...
A hriat loh karin khua alo thim ṭep a. A duhtawk ta rih a. A tuk aṭangin zing leh tlaiah ava kal tawh dawn a ni.
A inphih faia, pawn lamah chuan a ṭhu chawl a. A insawizawi pui te nen chuan an inthlah a, a ni pawh muang changin a haw ve dawn ta a.
A haw a hun tawh reng a ni. Rawngbawl chawp a ngai bawk si nen....
A inluah lam chu a panin a inkhalh chhuak ve leh ta a.
........
Thim hnu chuan a thleng phei ta hram a. Chauh leh hah pawh sawi lovin, ei rawng a bawl nghal a...
A nu in bawngsa a roast sak chu ala nei a, chawhmeh siam vak pawh a ngai lova. Hahdam tak chuan a inbual ta a....
A inbual lai tak chuan Sawmtea'n a rawn au vak vak a, phone ah an biak duh thu a rawn sawi a. A ni Hruaia lah alo inbual laklawh nasa mai si...
Nakin deuhah lo ti leh mai se tiin a chhang a, a inbual thu a hrilh nghal bawk a, a ngaihtuahna ata a harh zawk bawk a tin ni!
A inbual zawh hnu chuan a inthlak sawk sawk a, a chaw chhum a off nghal bawk a. Janeti te inlamah chuan a chho ta a! Janeti te an unau chauhin an lo awm a. A pa a chhuak lawk a, Sawmtea te unau chuan Homework an lo ti mek e.
" U Hruai.....ih home work kan ngah a nia aw...zanah lehkha zir tawh ang aw, kan zir lo rei tawh e..." an lo ti a.
A dik reng mai, anu leh pate an lo chhoh avangin an mahni inah a enpui zeuh zeuh chauh a. Pangngai takin an zir lo a ni.
" Aw le....tu nge, min lo phone a..."
" A U khan a la a....!"
Janeti chuan Alu alo kang mek a. Alo chawk a,
" Mahriati...a inti in ka hria a, phone let mai la, a no.i nei em?"
" Ngai lo mai rawh se.!...min rawn biak leh a tum pawhin a awm lo....ti zel ang che...." ati ta daih a.
" Ti nge?"
" Nakinah ka la hrilh ang che..Hei rawng inva bawl tlai ve, a thim tawh asin.."
" Nia, ka ril a ṭam tawh e", naupang ho chuan an lo ti nghal a.
" U Hruai, zanah Assignment min tihpui hman angem?"
" E hman tehreng mai...lo chhuk ula, i naute rualin"
" Hetah ei ve mai la"
" Rawng ka bawl tawh, a ngai lo ka lawm e...!"
Hruaia chu a chhuk leh ta a, Mahriati chu a be chak mawlh rih lo a ni. Chaw lum lai chuan ei a tum ta a, a inngaihtuah neuh neuh a.....
Chaw a eikham chuan tukverh ah a dak vang vang a, a kawngka chu tu emaw hian a rawn kik ta a...
" Lo lut rawh...."
Kawngka chu a rawn hawng a, a rinloh lutuk leh a ngaihna a hriat hauh loh chu a rawn pet lut ta tlat mai le...
M.LUSEI PALIAN
EPISODE-25
( Thuhma neih lahin a sei phah chuang lo inti leh si!
Ruah a sur a, ka lung aleng leh veng veng tawh mai...
Tu emaw chu ngaih chu ka neiin ka hria, ka hawi vela ka tawng si lo!
Zunleng erawh a cham ṭang laiah.....)
" Pa.....ih.....hei..Inter College ah Boxing-ah ka tel ve dawn a...." a chil a lem khawlh a. A ngawi ta rih a.
" E khai aw.... a va lawmawm ve, ṭha takin i ti theih ka ring e..."
" Mahse......ka nu hrilh rih suh aw..."
" Aw le, eng tik nge a hun tur ni reng reng a?"
" A la hla deuh a, kan khelh dawnah ka rawn hrilh leh dawn che nia..."
" Aw le, ṭha takin tih tum ang che...."
Phone an dah ta a. Hruaia chu a thaw huai a, a hahdam deuh sawng sawng a. Janeti pa thung chuan,
" Hruai, Boxing i khel leh dawn maw?" A ti ha mai a.
" Aw.....College aiawh a ka khelh a ngai a ni..."
" Champion lai kha i ni a, ni e, a ngai ngei ang le!"
Thingpui alo siam kep hman hmawh a, thingpui chu an indun ta a. An inbe tam lo kher mai...
" Tharum a ngai hnem dawn ma nge" an ti leh hram a.....!
Thingpui te a inzawh chuan Hruaia chu ama inluah ah chuan a chhuk ta a. A inphihfai a, SAI training centre lam chu pan a tum ta a.
Hruaia rilru chu a buai a ni. Mahriati hi val dang tawnah a chan mai dawn em ni? An ngaihtuah ṭhin a, rinawm viau chuan a hre si a, tin, hmeichhe ti zawk zawk lo a ni bawk si! Mahse tun dinhmunah chuan hmuh tawh rih loh a thlang ta zawk a. Rinpuia bak an ṭhian ho hian ngaihsak an nei lo niin a hria a.
.........
Mahriati rilru a nuam thei hauh lo, Hruaia a hmu ngai lo, a awm lo emaw a ti a. Mahse M.E class ah pawh tlar hnungah alo ṭhu ve reng si a. A inthiam thei lo! A ni lah chu Rinpuia bulah alo ṭhu daih mai si! A va inthlahrung tak em!
Hruaia hian eng tin nge a ngaih tak ang le?
Dini leh Muani pawh hian sawichhuak miah lo mahse hrehawm an ti dun em em a. Hruaia kha an kalsan daih aṭang khan a hrehawm an ti hle a, an inthiam chiah bik lo.
Hruaia chhuak tur kha an thlir liam ṭawk ṭawk a, hrehawm an ti hle, eng vanga an S.U hruaitu khan rawn lam nge a nih ang le. Dan a bawhchhiat awm reng reng an hre si lo.
Chhun chawl tur chuan period zawh hnu chuan vai dawr Chanmari a mi chu an pan ta a. Vai dawrah chuan Puia leh Sawma an lo awm a. Mahse an luh chiah chuan an ni thil ei zo chu an chhuak dun ve leh chiah bawk si.
Hrehawm an va ti thuahhnih tak em!
" Vawiin chu inva nguai ve a...tu nge in ṭhianpa insawi ziah kha...? Khaw nge? "
" Nichina class aṭanga an rawn koh chhuah kha a ni e.." Muani chuan a chhang a.
" Eng vanga rawn ko chhuak thut nge an nih le?"
Chu zawhna chu tuman an chhang thei lo.
An ngawi ṭhap ringawt a!
Rinpuia chuan boruak thlak a ngai tih a hrethiam ta a...
" Period off a nia, Pheikhawk min va leipui lawk ula..." a ti ta daih a.
Anni pawh chuan " Aw le" tiin an chhang ve mai a...
.........
Hruaia chu SAI lam pan chuan a i khalh chhuak ta a. Theihtawp chhuah a tum tak meuh meuh a ni.
Chanmari aṭangin kawng hnuaiah a lut thla a, Bike a kal a ni a, Bazar a kut tuamna lei tum a ni. A tlan phei zel a, Sport goods zawrhna Dawr kawtah a ding a, motor atam vak lova, dawrah a lut a, a thil duh chu a zuk lei ta a.
A tlan chhuak chho leh chiah a, a thil hmuh chuan a thin a ṭhawng ngei mai!
Mahriati chu Rinpuia chuan a rawn kai thla a, an kal dun a. An hnungah Dini leh Muani an kal ve thung a. Hruaia thin chu a che dawt a.... A ding dawt a..
Mahriati'n a rawn hmu ve chiah bawk a. A va laiin hrehawm ava ti ngawih ngawih tak em!
Mahriati a ruk a a rinhlelhna chu a tak ngeiin a nemnghehna hmu in a inhria a. Hruaia thinlung a na a ni. Sawifiah thiam theih loh hian a awm a, tawt up up in a inhria a. A na ngawih ngawih a ni.
Hrehawm a va ti em! Kawng chungah alo kal zawk lo a ni.
Mahriati te ṭhian ho pawh chuan Hruaia an hmu chiang ngang mai! Hrehawm an ti. A ngaihna hre lo zeta, an inmelh tlang chu hrehawm an ti a ni.
Mahriati chuan Hruaia mit ah chuan natna tam tak a hmu a. Tawrh ava har em! Chutiang bawkin Dini te, Muani te pawhin Hruaia mitmeng chu an hmuh hmaih hauh lo....!
Hruaia chuan chak takin a tlansan ta zawk a. Tin, heti hi a ni a, thaw pikna leh rilru natna chuan a chungah thla an zar a. Na tak a ni, mahse a hma lam huna a inbuatsaih a ngai si. SAI lam pan chuan a tlan ta char char a. Thinrimna a khatin a awm a. A thleng hma ngang mai!
......
Janeti School bang chu Nana-i chuan a rawn phone a, an ri chel chul a...
A U Hruaia a be duh a ni. Mahse apa chuan " I U Hruaia a awm lo " tiin a chhang a.
" Pa khawnge a kal?"
" A chhuak lawk a nih kha.." tih zawngin a chhang a.
Nana-i nen chuan an ti ti char char a. Zan lama be zawk turin an in thlah ta a.
Janeti chuan U Hruaia a hmu khat hle a, a ngai riau a ni. An assignment ah thiam loh a nei a, zanin chu zuk pan a ngai a ni a ti rilru a. A U Hruaia dawn lungruk a hre der si lo!
..........
Hruaia chuan hmana Boxing a khelh a, a hmelhriat kha a hmu a, ava in report fel ta a. Thlan titla turin a tlan kual ta zak zak a, kar hnih leh tlem practice na hun a nei thei dawn a ni.
Hruaia chuan a rilru tak taka bei a ni bawk a. A ri ṭhuai ṭhuai reng a. Tin, thinrimna thinlung a nei bawk atin ni...
A hriat loh karin khua alo thim ṭep a. A duhtawk ta rih a. A tuk aṭangin zing leh tlaiah ava kal tawh dawn a ni.
A inphih faia, pawn lamah chuan a ṭhu chawl a. A insawizawi pui te nen chuan an inthlah a, a ni pawh muang changin a haw ve dawn ta a.
A haw a hun tawh reng a ni. Rawngbawl chawp a ngai bawk si nen....
A inluah lam chu a panin a inkhalh chhuak ve leh ta a.
........
Thim hnu chuan a thleng phei ta hram a. Chauh leh hah pawh sawi lovin, ei rawng a bawl nghal a...
A nu in bawngsa a roast sak chu ala nei a, chawhmeh siam vak pawh a ngai lova. Hahdam tak chuan a inbual ta a....
A inbual lai tak chuan Sawmtea'n a rawn au vak vak a, phone ah an biak duh thu a rawn sawi a. A ni Hruaia lah alo inbual laklawh nasa mai si...
Nakin deuhah lo ti leh mai se tiin a chhang a, a inbual thu a hrilh nghal bawk a, a ngaihtuahna ata a harh zawk bawk a tin ni!
A inbual zawh hnu chuan a inthlak sawk sawk a, a chaw chhum a off nghal bawk a. Janeti te inlamah chuan a chho ta a! Janeti te an unau chauhin an lo awm a. A pa a chhuak lawk a, Sawmtea te unau chuan Homework an lo ti mek e.
" U Hruai.....ih home work kan ngah a nia aw...zanah lehkha zir tawh ang aw, kan zir lo rei tawh e..." an lo ti a.
A dik reng mai, anu leh pate an lo chhoh avangin an mahni inah a enpui zeuh zeuh chauh a. Pangngai takin an zir lo a ni.
" Aw le....tu nge, min lo phone a..."
" A U khan a la a....!"
Janeti chuan Alu alo kang mek a. Alo chawk a,
" Mahriati...a inti in ka hria a, phone let mai la, a no.i nei em?"
" Ngai lo mai rawh se.!...min rawn biak leh a tum pawhin a awm lo....ti zel ang che...." ati ta daih a.
" Ti nge?"
" Nakinah ka la hrilh ang che..Hei rawng inva bawl tlai ve, a thim tawh asin.."
" Nia, ka ril a ṭam tawh e", naupang ho chuan an lo ti nghal a.
" U Hruai, zanah Assignment min tihpui hman angem?"
" E hman tehreng mai...lo chhuk ula, i naute rualin"
" Hetah ei ve mai la"
" Rawng ka bawl tawh, a ngai lo ka lawm e...!"
Hruaia chu a chhuk leh ta a, Mahriati chu a be chak mawlh rih lo a ni. Chaw lum lai chuan ei a tum ta a, a inngaihtuah neuh neuh a.....
Chaw a eikham chuan tukverh ah a dak vang vang a, a kawngka chu tu emaw hian a rawn kik ta a...
" Lo lut rawh...."
Kawngka chu a rawn hawng a, a rinloh lutuk leh a ngaihna a hriat hauh loh chu a rawn pet lut ta tlat mai le...
Comments
Post a Comment