31st JULY(UNCHAINED MELODY) EPISODE-23
31st JULY (UNCHAINED MELODY)
M.LUSEI PALIAN
EPISODE-23
( A tawi thei e.....tih hi comment a kan dawn tam zawk hi a ni a, hun neih dan hian a zir a ngai ve em a, mahse tun ṭum chu sei deuh zawkin le..
I duhthusam ang zanin le.
Ruah a sur duh hle a, thla eng tih vel ai hian ruah sur hian lung min len zawk a. Lunglenna hian min phuar a ni.
Zuali te, Mp-i te hi lungleng zawk se a ṭha ang.
Ngaih em em T Mawii pawh hi a reh lutuk reng reng mai....
Le...ṭan ang aw...)
Mahriati ṭe ṭhawt a, " Heih.." a tih ri chuan Hruaia beng a luh ngei mai.
Hruaia chu a inher rem nghal vat a, mahse a thil hmuh chu a thlir ta zawk a....
Mahriati leh a pawmtu chu ṭhian satliah an ni lo tih a hre thei ve tlat!
A hma lama kal Muani leh Dini pawh an rawn hawi phei nghal a. An thil hmuh chuan a barakhaih deuh a niang...
" Ui....ha......Lalrinpui...." tih pahin an rawn tlan let nghal a. Hruaia chu an rawn tlan pel thuak a. Hruaia chuan alo uipui tuilian thlir ve ringawt a.
College kawt a ni bawk si! Hruaia chu tlemin a tawlh chhak hret ringawt a.
Mahriati te ṭhian ho chu an ri chel chul mai.....
...........
Mahriati ten Lalrinpuia an hmu thut chu mak an va ti tak em!
Lalrinpuia hi Zemabawk a awm an ni a. Higher hi Mahriati te nen hian an kal hova,an inkawmngeih tlang em em ṭhin a ni.
Mahse Bangalore University ah College a zuk kal a. Hei...hepa hi engvanga rawn haw thut nge maw a nih le....!
Tun hnu hian chanchin an inhre ngai ta miah lova, an inhmu thut chu mak an ti tlang em a ni.
...........
Chu pa, hmel fel fai ve tak chu an bawr deuh hat a. Chu pa lah chu a hmel a fai vang mai a. Zawhna chhan hmasak ber tur pawh hriat loh chu chung nula te chuan an zawt reng a.
" Tu ber nge ka chhan hmasak dawn che u? E....tih dan ka hria, thil ei pahin sawi ang u..."
Mahriati te chuan Hruaia chu an hrechang tawh lova....! Rinpuia chu an zui nghal a...
An dem awm hran loh!
An hmuh lohna a rei tawh em a ni.
Mahriati chu Canteen aṭang chuan a tlanchhuak lehnghal a. Hruaia a zawng a, a dinna ah khan a awm tawh lo!
Mahriati chu a inthiam lo ngei mai! Hruaia hmuh tum chuan an hawi kual a, a hmu ta hauh si lo.
Enga tinge inhmelhriat tirna chang alo hriat loh chu le aw... An ṭhianpa hi lo inhmelhriat tirna chang hria se aw....!
...........
Hruaia chuan Mahriati te ṭhian ho awm dan teh thut chu mak a ti hle a. Nidangah lem an in mang ṭha thlap ṭhin a ni si a.
Tu nge rawn lang ve ta thut hi le, an hmel hriat satliah a ni lo tawp mai! Chung thil chu a ngaihtuah a, awm ve rengna chi a ni lo tih a hria a. Haw san mai chu a ṭha zawkin a hria a!
Tin, an hrechang tawh lo hrim hrim bawk tih a hria a. A bike lam chu a pan ta a!
Mapuii bike bulah alo awm a, " Ka haw a hun, nang pawh haw phei rawh" tih zawng a sawi a.
Mapuii chuan Hruaia hmel lan dan aṭang chuan biak zui zel chi a ni lo tih a hria a. A ngawi reng a, a en liam tawp mai a ni.
Mahriati te vang a nih a ring ringawt a! Mahse a ring sual lovang!
Chanmari kawn lamah a phei a, Bus ah chuan a chuang ta a!
..........
Mahriati te ṭhian ho an hlim hle a. Dini phei chu ala ri char char a.
Nia, a awm alawm....
Hun rei tak an inhmu lo tlang tawh a. Sawi tur an hre hnem tlang em a ni.
Hmeichhia hi zawng an ri bawrh bawrh a, ngaihthlak zel a ngai a ni.
Hmeichhe ti ti hi chu mipa te hian ngaihthlak zel a ngai reng a ni.
Rinpuia pawhin a ngaithla zel a.... Mizorama a rawn haw chhan a sawi ta a.
"Ka pa kha thla hmasa khan a boral a, chuvang chuan ka rawn haw ta a, ka nu in phaia ka awm a phal tawh lova, vawiin khan hei Admission kan tifel chiah a ni."
An va hlim em!
" Awi awi.....a nuam dawn lutuk " Dini chuan a ti chhuak phawng a.....
An hlim tlang a ni.
" E he....khawnge Hruaia kha..ui ha.....?" a tih zawm zat a.
" Ka va zawng a, ka hmu zo lo..." Mahriati chuan a ti a.
An ngawi tlang ta rih a...
" Tu nge Hruaia chu?" Rinpuia chuan a ti ha a.
Mahriati chuan, " Mi pakhat" tih ringawtin a chhang a.
An ngawi tlang ta diak a.
"Tu maw Hruaia chu...? ."
Chhanna sei tak a ngai dawn tlat!
..........
Hruaia in thleng chu a chhungte zawng zawng chu an lo inpeih at tawh a!
Hruaia hmel chu uluk taka lo chik tu a nu chuan eng emaw a vei tih a hre thei nghal a....
Mahse in zawhna hun a ni lova. Hruaia chu a inphih fai thuak thuak a. A inpeih chu a ni ve der mai!
Pa Sangtea te ina chaw eitur chuan an kal ta a.
........
Mapuii lunglawm a kim thei lo. Hruaia hmel kha eng emaw lungngaihna a nei chiang lutuk!
Eng tin nge a hnem tak anga, eng tiangin nge a rilru a lak pen ang! Hma alak vat a ngai dawn a ni.
A thiam chi a ni a, a ngaihna a zawng ngei ngei dawn. Chu chu Mapuii tih tur a ni.Zan khua chuan a inngaihtuah a, tih dan ṭha zawk a hre ta...
.........
Hruaia chhungte chu an haw dawn ta a, eng emaw ti chuan a ngai ve hle a. Mahse an haw ngei a ngai tawh si...
A nu chu a ngai ve hle a, mahse tihlan chu a duh der bik lova. Mipa a ni a, a tawrh ve a ngai a ni.
Chhungkhat laina han inṭhen dawn hi chuan lung aleng duh em a, a ni reng alawm. Khawvel kal phung a ni miau a, an tawrh tlan a ngai a ni.
Ui tak leh ngai tak chung chuan an inthlah ta a....!
Hruaia chuan ruak huaiin a in hria a, a melh ngai a melh vang vang a.
College lamah kal a tum ta zawk a, a kal ta a.
College a thlen chuan a thil hmuh chuan a barakhaih lutuk...
Mahriati chu Rinpuia bulah chuan........
M.LUSEI PALIAN
EPISODE-23
( A tawi thei e.....tih hi comment a kan dawn tam zawk hi a ni a, hun neih dan hian a zir a ngai ve em a, mahse tun ṭum chu sei deuh zawkin le..
I duhthusam ang zanin le.
Ruah a sur duh hle a, thla eng tih vel ai hian ruah sur hian lung min len zawk a. Lunglenna hian min phuar a ni.
Zuali te, Mp-i te hi lungleng zawk se a ṭha ang.
Ngaih em em T Mawii pawh hi a reh lutuk reng reng mai....
Le...ṭan ang aw...)
Mahriati ṭe ṭhawt a, " Heih.." a tih ri chuan Hruaia beng a luh ngei mai.
Hruaia chu a inher rem nghal vat a, mahse a thil hmuh chu a thlir ta zawk a....
Mahriati leh a pawmtu chu ṭhian satliah an ni lo tih a hre thei ve tlat!
A hma lama kal Muani leh Dini pawh an rawn hawi phei nghal a. An thil hmuh chuan a barakhaih deuh a niang...
" Ui....ha......Lalrinpui...." tih pahin an rawn tlan let nghal a. Hruaia chu an rawn tlan pel thuak a. Hruaia chuan alo uipui tuilian thlir ve ringawt a.
College kawt a ni bawk si! Hruaia chu tlemin a tawlh chhak hret ringawt a.
Mahriati te ṭhian ho chu an ri chel chul mai.....
...........
Mahriati ten Lalrinpuia an hmu thut chu mak an va ti tak em!
Lalrinpuia hi Zemabawk a awm an ni a. Higher hi Mahriati te nen hian an kal hova,an inkawmngeih tlang em em ṭhin a ni.
Mahse Bangalore University ah College a zuk kal a. Hei...hepa hi engvanga rawn haw thut nge maw a nih le....!
Tun hnu hian chanchin an inhre ngai ta miah lova, an inhmu thut chu mak an ti tlang em a ni.
...........
Chu pa, hmel fel fai ve tak chu an bawr deuh hat a. Chu pa lah chu a hmel a fai vang mai a. Zawhna chhan hmasak ber tur pawh hriat loh chu chung nula te chuan an zawt reng a.
" Tu ber nge ka chhan hmasak dawn che u? E....tih dan ka hria, thil ei pahin sawi ang u..."
Mahriati te chuan Hruaia chu an hrechang tawh lova....! Rinpuia chu an zui nghal a...
An dem awm hran loh!
An hmuh lohna a rei tawh em a ni.
Mahriati chu Canteen aṭang chuan a tlanchhuak lehnghal a. Hruaia a zawng a, a dinna ah khan a awm tawh lo!
Mahriati chu a inthiam lo ngei mai! Hruaia hmuh tum chuan an hawi kual a, a hmu ta hauh si lo.
Enga tinge inhmelhriat tirna chang alo hriat loh chu le aw... An ṭhianpa hi lo inhmelhriat tirna chang hria se aw....!
...........
Hruaia chuan Mahriati te ṭhian ho awm dan teh thut chu mak a ti hle a. Nidangah lem an in mang ṭha thlap ṭhin a ni si a.
Tu nge rawn lang ve ta thut hi le, an hmel hriat satliah a ni lo tawp mai! Chung thil chu a ngaihtuah a, awm ve rengna chi a ni lo tih a hria a. Haw san mai chu a ṭha zawkin a hria a!
Tin, an hrechang tawh lo hrim hrim bawk tih a hria a. A bike lam chu a pan ta a!
Mapuii bike bulah alo awm a, " Ka haw a hun, nang pawh haw phei rawh" tih zawng a sawi a.
Mapuii chuan Hruaia hmel lan dan aṭang chuan biak zui zel chi a ni lo tih a hria a. A ngawi reng a, a en liam tawp mai a ni.
Mahriati te vang a nih a ring ringawt a! Mahse a ring sual lovang!
Chanmari kawn lamah a phei a, Bus ah chuan a chuang ta a!
..........
Mahriati te ṭhian ho an hlim hle a. Dini phei chu ala ri char char a.
Nia, a awm alawm....
Hun rei tak an inhmu lo tlang tawh a. Sawi tur an hre hnem tlang em a ni.
Hmeichhia hi zawng an ri bawrh bawrh a, ngaihthlak zel a ngai a ni.
Hmeichhe ti ti hi chu mipa te hian ngaihthlak zel a ngai reng a ni.
Rinpuia pawhin a ngaithla zel a.... Mizorama a rawn haw chhan a sawi ta a.
"Ka pa kha thla hmasa khan a boral a, chuvang chuan ka rawn haw ta a, ka nu in phaia ka awm a phal tawh lova, vawiin khan hei Admission kan tifel chiah a ni."
An va hlim em!
" Awi awi.....a nuam dawn lutuk " Dini chuan a ti chhuak phawng a.....
An hlim tlang a ni.
" E he....khawnge Hruaia kha..ui ha.....?" a tih zawm zat a.
" Ka va zawng a, ka hmu zo lo..." Mahriati chuan a ti a.
An ngawi tlang ta rih a...
" Tu nge Hruaia chu?" Rinpuia chuan a ti ha a.
Mahriati chuan, " Mi pakhat" tih ringawtin a chhang a.
An ngawi tlang ta diak a.
"Tu maw Hruaia chu...? ."
Chhanna sei tak a ngai dawn tlat!
..........
Hruaia in thleng chu a chhungte zawng zawng chu an lo inpeih at tawh a!
Hruaia hmel chu uluk taka lo chik tu a nu chuan eng emaw a vei tih a hre thei nghal a....
Mahse in zawhna hun a ni lova. Hruaia chu a inphih fai thuak thuak a. A inpeih chu a ni ve der mai!
Pa Sangtea te ina chaw eitur chuan an kal ta a.
........
Mapuii lunglawm a kim thei lo. Hruaia hmel kha eng emaw lungngaihna a nei chiang lutuk!
Eng tin nge a hnem tak anga, eng tiangin nge a rilru a lak pen ang! Hma alak vat a ngai dawn a ni.
A thiam chi a ni a, a ngaihna a zawng ngei ngei dawn. Chu chu Mapuii tih tur a ni.Zan khua chuan a inngaihtuah a, tih dan ṭha zawk a hre ta...
.........
Hruaia chhungte chu an haw dawn ta a, eng emaw ti chuan a ngai ve hle a. Mahse an haw ngei a ngai tawh si...
A nu chu a ngai ve hle a, mahse tihlan chu a duh der bik lova. Mipa a ni a, a tawrh ve a ngai a ni.
Chhungkhat laina han inṭhen dawn hi chuan lung aleng duh em a, a ni reng alawm. Khawvel kal phung a ni miau a, an tawrh tlan a ngai a ni.
Ui tak leh ngai tak chung chuan an inthlah ta a....!
Hruaia chuan ruak huaiin a in hria a, a melh ngai a melh vang vang a.
College lamah kal a tum ta zawk a, a kal ta a.
College a thlen chuan a thil hmuh chuan a barakhaih lutuk...
Mahriati chu Rinpuia bulah chuan........
Comments
Post a Comment