31st JULY(UNCHAINED MELODY) EPISODE-2
31st JULY (UNCHAINED MELODY)
M. LUSEI PALIAN
EPISODE-2
...... ..........
Hruaia te Taekwondo khel tur chu Hmeichhia hian a ham ve thung a, ham han ti ila, ham han tih tur chiah chu a ni lo! An ṭan leh dawn ta, a sir lam aṭang chuan Blue House tih thawm chu a rawn ri ring leh sawt ta viau mai le.
Inkhelhna hmun emaw infiamna hmun emaw reng rengah hi chuan au phurtu hi an pawimawh em em a, kawngro a su a, infiam lai mek tan pawh phurna nasa tak a pe ṭhin reng a ni.
An ṭan dawn ta, thil dup phah chungah chuan an ding dun a, a hamtunu thu ang chuan an kun dun zeuh ve ve a....
An ṭan ta..... An han ṭan ta a, an tithei dun phian mai, Puia phei chuan a ṭhianpa chu alo hrechiang lo hle tih a hre nghal a, an thiam dun phian mai! Puia a phur thar hle a, alo au nasa hle a, a bengchheng hle nghe nghe zawk a.
Chutih laiin asira hmeichhe pathum zinga pakhat chuan thaw dep depin alo thlir a, achang leh a en ngam mang lo. A mi ṭan em em, a thlir nin theih bik loh chu a chaklo zawkah a ṭang mai ang tih a hlau a, a mangang ve hle mai. A rilru in alo ṭawngṭai pui hman hial reng a ni.
Ṭang leh ṭang an han innawr meuh zawng minute 3 rei tak a ni tlat! Ka ah thaw aleng lovang tih hi a hlauhawm takzet tawh zawk a ni. An thiam dun hle a, a chak zawk tur rin thiam a har viau mai! Mite mit chu an chungah a fu ṭhup mai si a, inkhel mek te lah an ṭang hle a. An intawk fuh nasa dun hle! Hun a tawp ta rih a.
Hruaia pawh a thaw ve ta huam huam mai. An inthuamna chu hnawk a ti ṭan a, mahse chuti maia phelh chi a ni lo. A thian pawh a thiang hek lo! A thaw kawk kawk a, tui lah chu an lo nei mai si lo.
An sira nula( hmeichhia tih aiah nula ti tawh mai ang) pathum zinga pakhat chu a rawn tlan phei a, tui vawt bottle khat a rawn pe a.
" Ka.....Ka....lawm....e" Hruaia chuan a ti thei ṭawk a. Mahse tui rawn petu chu Chhingmitmawii, Thlirninawmlohvi a ni lo, a rawn tirh a ni mah zawk.
" Kawl r'u " a ti a, a tlan phei leh ta daih a..!
Thawhhnihna an han ṭan leh ta, an chawl rei lo hle a, Hruaia chuan awm mai mai a tum tawh lo! Thapui chhuah a hun tawh tih a hria a, an inpet a, an kut an hmang hlei thei si lo! A hamtunu chuan a pawt ṭhen leh nawk nawk ṭhin! A tumpuipa chuan Hruaia mitmeng chu a hmu chiang a, a zam lohzia leh a huaisenna a hmu tel tlat a, a zam ṭan ta deuh tlat mai! Hei hi a tawrh phah angem?
An han inveh leh a, Hruaia chuan hun remchang tak a hmu ta, A tumpuipa hnarah chuan a tlawh ta siah mai le......A tlawh fuh hle a, a tumpuipa chuan hruaia ke phah chu a hmaiah a dawng ta nawlh mai si a.....
A leng lawp a, a let phei nghal a, a thal ta der mai, a hnar aṭang chuan thisen chu a baw chhuak nghal zawih zawih a.....
Hruaia chu ava inthiam lo tak em!Mi thisen chhuah hi a duh ngai lo hrim hrim a, a hrehawm ava ti tak em! Thisen chhuah kha a tum miah lo, mahse a chhuak tlat si!
Va kal hnaih a, va kaihthawh a, ngaihdam dil ava tum a, a hamtunu chuan alo phal i khaw lo! A hnung lamah a dintir daih si. Ṭhut rih a tum a, chu pawh chu phal alo ni lo lehzel a. A tumpuipa chu an han bawihsawm a. Mahse a thi chhuak a reh thei lo.
A hamtunu chuan a titawp ta der mai. Hruaia chu chakzawk a puan a ni leh ta.....
" Ka ṭhianpa a nih kha......Ka ṭhianpa a nih saw....." Puia chuan ring tak leh pawr fe fe chuan alo ti a, alo zuang a, alo au nasa ngang mai. Dem chi a ni lo, alawm a, a hlim a ni. Mahse Puia aia lawm hi a awm ve tho asin, Hruaia ni lo.
Hruaia inthuamna chu an phelh thawl ṭan a, Hruaia taksa chu ahuh mai a ni lo.....a thlan hi a far hian a far zawih zawih a, Puia chuan alo hru mawlh mawlh a. Hruaia rilru hi a nuam thei lo. Thisen kha chhuah kher a tum lo, a hrehawm ava ti tehlul em!
An piah lam chu ava hawi phei a, nula pathum zinga chhingmitmawii chuan alo thlir char char a, an mitmeng a intawng leh ta chat mai a. Hruaia chuan a hah chu dam sawng sawng hiam a hria a. A ni reng dawn asin! Thinlai luahtu te hi zawng an dan hi a dang em a ni. Hahdamna hi an keng tel ve tlat asin.....!
Chung nula pathum te chuan an rawn pan phei ve ta tlat mai.....
Hruaia chu ala thaw huam huam a, mahse chung nula te chu melh lo thei a ni lo. A hnung bera lokal ve nula nen chuan an chhingmit chu an intawng leh ta chat mai a, eng tin emaw hian a awm leh ta tlat mai! An rawn kal hnai zel a, Hruaia chuan alung chu phu dup dup hian a hria a! An rawn thleng a ni chawpchilh ta mai a. Hruaia hian hlauh hi a nei mang lova, mahni pawh a Chakai chhit ngam a ni na a. Hlau ni miah si lo hian a zam tlat!
An rawn thleng ta....
A lokal hmasa ber chuan, " I va pui ve......Hruaia....ih.....hei ka ṭhiannu hian Chibai che a duh a.....a hming chu....."
Hruaia chu ading zawk a, a ding rang hle a, Puia lah chu a hawi he haw a, thil a hrethiam ṭan a.
" Ih.....Hruai, pawnah Meizial ka va zu lawk" a ti ta daih lehnghal a. A va han ã tak e aw.....!
Chu nula chuan a sawi zawm leh a...." Ih .....Hruai, a hming chu Mahriati a nia...." a ti a.
Hruaia chu hlauh vang ni miah lo hian a kut a khur a, a lai a, a ka a chih zo ta! Alo mak thei ngei mai!
Hruaia chuan a kut chu a phar chhuak a, a kut a khur tih chu a hria a, mahse a incontrol hram hram a, Mahriati pawh chuan a kut alo phar chhuak ve a...An inchibai ta......
An inmelh vang vang a.An mit leh mit a intawng ta chat a, an thinlung ram thleng pawn a intawng mahna...... Tu'n nge hre bik tehlul ang ni....An la in melh vang vang a...
A rawn kal hmasa ber nula chuan, " In inchibai char char dawn em ni?" a rawn tih chuan an harh chhuak dun zawk a. An inthlah vat a. An va han lai dun tehlul em.
A lu thak lo pui chu Hruaia chuan a hiat ngawt a...
" Chuan Dini ka ni a, hei hi Muani a ni...." a ti zui a. An inchibai ta diat diat a.
Dini chuan, " Rei deuh in chibai zel tur a nia...." a nui zui a, Hruaia leh Mahriati chu an va lai tehlul em!
Mahriati chuan a ke chu alo insual tir nauh nauh ringawt a. Dini chuan, "Pawnah awm thawveng rih ang u" a ti ta hlauh a.
Puia rawn lut har lutuk chu Hruaia chuan a haw hle mai! Tih vak ngaihna a awm der si lo. Pawn lamah chuan an inzui chhuak ta a. Hruaia chuan an kal dawn chuan a bag lak a tum a, a kun chiah chu a T- Shirt ban a thir chuan Mahriati kawrbanah a tang ta tlat mai!
" Awh.....ih...e he...tihpalh" an buai dun hle. Hruaia a kun a, pakhat lah ading zum tlat lawi si.
Dini a rawn hawi phei a, Muani nen chuan an nuih a za hle a.
" Nangni pahnih hi kan suihzawm dawn che u emaw ni aw....."
A va chimawm reuh ve le. Mani lo maha zah nak lai a. An rawn let a, an rawn pui a, an rawn phelh pui ta a.....
Pawnah chuan an inzui chhuak ta a..!
Hruaia leh Mahriati chu an va lai dun tak em! Sawi tur reng hi an hre lo, pawn boruak erawh azia ta deuh a.
Hruaia leh Mahriati chu hmuam ṭunin an dang der a. Sawi duh ngah dun viau mahse tu mah chuan an sawi ngam lo.
Ani reng lah taka, Tu emaw bulah hi chuan mi tupawh hi kan lai em em ṭhin a ni reng asin.
Dini chu aṭawng ta par par a, a bu in a dawlh ni mai hian alang a. Hruaia leh Mahriati lah chuan sawi tur an nei lo. An mit chu a intawng leh zauh ṭhin a. Mahse chu pawh chu an tan chuan lawmawm tak a ni. Hlimna lawmawm a ni si a. An thinlung erawh a hlim phian lawi si a.
Hruaia chuan Puia em em chu khawiah nge maw a awm daih le aw...an ti rilru a, Nula pathum bulah chuan a lai em em reng ringawt mai a ni.
Chutih lai tak chuan inchhung indoor lam aṭang chuan Hruaia hming an rawn lam leh ta tlat mai! Hruaia pawh chuan mak a ti hle a.
" Eng ti zia mawlh mawlh nge a?" Dini chuan a ti a.
Mahriati pawh a ṭawng chhuak ve hial ta,
" I chau lutuk anga sin, an va ti mak ve..."
A rilru zawng zawng a sawi a ni. Hruaia chu a ngaihtuah em a ni.
Mahse chu thu Mahriati sawi Hruaia'n a hriat meuh chuan......
......
Nakzanah kan zawm leh ang.
M. LUSEI PALIAN
EPISODE-2
...... ..........
Hruaia te Taekwondo khel tur chu Hmeichhia hian a ham ve thung a, ham han ti ila, ham han tih tur chiah chu a ni lo! An ṭan leh dawn ta, a sir lam aṭang chuan Blue House tih thawm chu a rawn ri ring leh sawt ta viau mai le.
Inkhelhna hmun emaw infiamna hmun emaw reng rengah hi chuan au phurtu hi an pawimawh em em a, kawngro a su a, infiam lai mek tan pawh phurna nasa tak a pe ṭhin reng a ni.
An ṭan dawn ta, thil dup phah chungah chuan an ding dun a, a hamtunu thu ang chuan an kun dun zeuh ve ve a....
An ṭan ta..... An han ṭan ta a, an tithei dun phian mai, Puia phei chuan a ṭhianpa chu alo hrechiang lo hle tih a hre nghal a, an thiam dun phian mai! Puia a phur thar hle a, alo au nasa hle a, a bengchheng hle nghe nghe zawk a.
Chutih laiin asira hmeichhe pathum zinga pakhat chuan thaw dep depin alo thlir a, achang leh a en ngam mang lo. A mi ṭan em em, a thlir nin theih bik loh chu a chaklo zawkah a ṭang mai ang tih a hlau a, a mangang ve hle mai. A rilru in alo ṭawngṭai pui hman hial reng a ni.
Ṭang leh ṭang an han innawr meuh zawng minute 3 rei tak a ni tlat! Ka ah thaw aleng lovang tih hi a hlauhawm takzet tawh zawk a ni. An thiam dun hle a, a chak zawk tur rin thiam a har viau mai! Mite mit chu an chungah a fu ṭhup mai si a, inkhel mek te lah an ṭang hle a. An intawk fuh nasa dun hle! Hun a tawp ta rih a.
Hruaia pawh a thaw ve ta huam huam mai. An inthuamna chu hnawk a ti ṭan a, mahse chuti maia phelh chi a ni lo. A thian pawh a thiang hek lo! A thaw kawk kawk a, tui lah chu an lo nei mai si lo.
An sira nula( hmeichhia tih aiah nula ti tawh mai ang) pathum zinga pakhat chu a rawn tlan phei a, tui vawt bottle khat a rawn pe a.
" Ka.....Ka....lawm....e" Hruaia chuan a ti thei ṭawk a. Mahse tui rawn petu chu Chhingmitmawii, Thlirninawmlohvi a ni lo, a rawn tirh a ni mah zawk.
" Kawl r'u " a ti a, a tlan phei leh ta daih a..!
Thawhhnihna an han ṭan leh ta, an chawl rei lo hle a, Hruaia chuan awm mai mai a tum tawh lo! Thapui chhuah a hun tawh tih a hria a, an inpet a, an kut an hmang hlei thei si lo! A hamtunu chuan a pawt ṭhen leh nawk nawk ṭhin! A tumpuipa chuan Hruaia mitmeng chu a hmu chiang a, a zam lohzia leh a huaisenna a hmu tel tlat a, a zam ṭan ta deuh tlat mai! Hei hi a tawrh phah angem?
An han inveh leh a, Hruaia chuan hun remchang tak a hmu ta, A tumpuipa hnarah chuan a tlawh ta siah mai le......A tlawh fuh hle a, a tumpuipa chuan hruaia ke phah chu a hmaiah a dawng ta nawlh mai si a.....
A leng lawp a, a let phei nghal a, a thal ta der mai, a hnar aṭang chuan thisen chu a baw chhuak nghal zawih zawih a.....
Hruaia chu ava inthiam lo tak em!Mi thisen chhuah hi a duh ngai lo hrim hrim a, a hrehawm ava ti tak em! Thisen chhuah kha a tum miah lo, mahse a chhuak tlat si!
Va kal hnaih a, va kaihthawh a, ngaihdam dil ava tum a, a hamtunu chuan alo phal i khaw lo! A hnung lamah a dintir daih si. Ṭhut rih a tum a, chu pawh chu phal alo ni lo lehzel a. A tumpuipa chu an han bawihsawm a. Mahse a thi chhuak a reh thei lo.
A hamtunu chuan a titawp ta der mai. Hruaia chu chakzawk a puan a ni leh ta.....
" Ka ṭhianpa a nih kha......Ka ṭhianpa a nih saw....." Puia chuan ring tak leh pawr fe fe chuan alo ti a, alo zuang a, alo au nasa ngang mai. Dem chi a ni lo, alawm a, a hlim a ni. Mahse Puia aia lawm hi a awm ve tho asin, Hruaia ni lo.
Hruaia inthuamna chu an phelh thawl ṭan a, Hruaia taksa chu ahuh mai a ni lo.....a thlan hi a far hian a far zawih zawih a, Puia chuan alo hru mawlh mawlh a. Hruaia rilru hi a nuam thei lo. Thisen kha chhuah kher a tum lo, a hrehawm ava ti tehlul em!
An piah lam chu ava hawi phei a, nula pathum zinga chhingmitmawii chuan alo thlir char char a, an mitmeng a intawng leh ta chat mai a. Hruaia chuan a hah chu dam sawng sawng hiam a hria a. A ni reng dawn asin! Thinlai luahtu te hi zawng an dan hi a dang em a ni. Hahdamna hi an keng tel ve tlat asin.....!
Chung nula pathum te chuan an rawn pan phei ve ta tlat mai.....
Hruaia chu ala thaw huam huam a, mahse chung nula te chu melh lo thei a ni lo. A hnung bera lokal ve nula nen chuan an chhingmit chu an intawng leh ta chat mai a, eng tin emaw hian a awm leh ta tlat mai! An rawn kal hnai zel a, Hruaia chuan alung chu phu dup dup hian a hria a! An rawn thleng a ni chawpchilh ta mai a. Hruaia hian hlauh hi a nei mang lova, mahni pawh a Chakai chhit ngam a ni na a. Hlau ni miah si lo hian a zam tlat!
An rawn thleng ta....
A lokal hmasa ber chuan, " I va pui ve......Hruaia....ih.....hei ka ṭhiannu hian Chibai che a duh a.....a hming chu....."
Hruaia chu ading zawk a, a ding rang hle a, Puia lah chu a hawi he haw a, thil a hrethiam ṭan a.
" Ih.....Hruai, pawnah Meizial ka va zu lawk" a ti ta daih lehnghal a. A va han ã tak e aw.....!
Chu nula chuan a sawi zawm leh a...." Ih .....Hruai, a hming chu Mahriati a nia...." a ti a.
Hruaia chu hlauh vang ni miah lo hian a kut a khur a, a lai a, a ka a chih zo ta! Alo mak thei ngei mai!
Hruaia chuan a kut chu a phar chhuak a, a kut a khur tih chu a hria a, mahse a incontrol hram hram a, Mahriati pawh chuan a kut alo phar chhuak ve a...An inchibai ta......
An inmelh vang vang a.An mit leh mit a intawng ta chat a, an thinlung ram thleng pawn a intawng mahna...... Tu'n nge hre bik tehlul ang ni....An la in melh vang vang a...
A rawn kal hmasa ber nula chuan, " In inchibai char char dawn em ni?" a rawn tih chuan an harh chhuak dun zawk a. An inthlah vat a. An va han lai dun tehlul em.
A lu thak lo pui chu Hruaia chuan a hiat ngawt a...
" Chuan Dini ka ni a, hei hi Muani a ni...." a ti zui a. An inchibai ta diat diat a.
Dini chuan, " Rei deuh in chibai zel tur a nia...." a nui zui a, Hruaia leh Mahriati chu an va lai tehlul em!
Mahriati chuan a ke chu alo insual tir nauh nauh ringawt a. Dini chuan, "Pawnah awm thawveng rih ang u" a ti ta hlauh a.
Puia rawn lut har lutuk chu Hruaia chuan a haw hle mai! Tih vak ngaihna a awm der si lo. Pawn lamah chuan an inzui chhuak ta a. Hruaia chuan an kal dawn chuan a bag lak a tum a, a kun chiah chu a T- Shirt ban a thir chuan Mahriati kawrbanah a tang ta tlat mai!
" Awh.....ih...e he...tihpalh" an buai dun hle. Hruaia a kun a, pakhat lah ading zum tlat lawi si.
Dini a rawn hawi phei a, Muani nen chuan an nuih a za hle a.
" Nangni pahnih hi kan suihzawm dawn che u emaw ni aw....."
A va chimawm reuh ve le. Mani lo maha zah nak lai a. An rawn let a, an rawn pui a, an rawn phelh pui ta a.....
Pawnah chuan an inzui chhuak ta a..!
Hruaia leh Mahriati chu an va lai dun tak em! Sawi tur reng hi an hre lo, pawn boruak erawh azia ta deuh a.
Hruaia leh Mahriati chu hmuam ṭunin an dang der a. Sawi duh ngah dun viau mahse tu mah chuan an sawi ngam lo.
Ani reng lah taka, Tu emaw bulah hi chuan mi tupawh hi kan lai em em ṭhin a ni reng asin.
Dini chu aṭawng ta par par a, a bu in a dawlh ni mai hian alang a. Hruaia leh Mahriati lah chuan sawi tur an nei lo. An mit chu a intawng leh zauh ṭhin a. Mahse chu pawh chu an tan chuan lawmawm tak a ni. Hlimna lawmawm a ni si a. An thinlung erawh a hlim phian lawi si a.
Hruaia chuan Puia em em chu khawiah nge maw a awm daih le aw...an ti rilru a, Nula pathum bulah chuan a lai em em reng ringawt mai a ni.
Chutih lai tak chuan inchhung indoor lam aṭang chuan Hruaia hming an rawn lam leh ta tlat mai! Hruaia pawh chuan mak a ti hle a.
" Eng ti zia mawlh mawlh nge a?" Dini chuan a ti a.
Mahriati pawh a ṭawng chhuak ve hial ta,
" I chau lutuk anga sin, an va ti mak ve..."
A rilru zawng zawng a sawi a ni. Hruaia chu a ngaihtuah em a ni.
Mahse chu thu Mahriati sawi Hruaia'n a hriat meuh chuan......
......
Nakzanah kan zawm leh ang.
Comments
Post a Comment