31st JULY(UNCHAINED MELODY) EPISODE-16
31st JULY( UNCHAINED MELODY)
M.LUSEI PALIAN
EPISODE-16
( Tun ṭum chu sei tawk a tih tum ang aw.... )
An chaw eina tur hi an ringtawk em em a ni. Eng kim mai hi a thiam vek mai hian an hria a. Sangha phuhlip a paih dan reng a thiam mai! Mak hi an ti bang thei lo!
Hruaia chu a nui sak ringawt a, a hnehsawh em kher bawk a ni. Chemte a la a, a ril a khein nghal vek a. A ril chu kan tur a buatsaih a tum zawk a.
" A chhum nge in duh ? Eng tia siam nge in duh...?"
Mahriati chu a insum hman lo, " Chhum ang u, an thur nen.." a rawn ti chhuak a.
Muani leh Dini chuan mak an ti a, an en ha a.
Hruaia chuan, " Aw le....Pi ber" a ti a.
An nui nghal tlawrh tlawrh a. Chung nula te nuih chu a za em a ni.An insum thei lo. An nuih lah chu a za telh telh a.
" Pi ten, anthur nen an tih te chuan, anthur kan zawng mai tur alawm" Hruaia chuan a ti a. T- shirt a ha a, a chhuak ta nalh a.
Dini te ho nuih a za hle a,ala ziaawm thei lo.
" Pasal i nei vannei dawn bik e..." Muani chuan a ti a.
" Pasalten...pi ber....." Dini chuan a sawi zo thei lo a nui chhunzawm lehnghal a....
An vai mai chuan an la nui uar uar a. An hlim em a ni.
Mahriati chu a harh thut a niang.." In zak lo, " an ti leh ngawt pek a.
An nuih ala za hle a ni.
An zia tlan hnuah chuan Dini chuan, " Hawh u, rawng hi bawl pui ang u" a ti ta a.
Inchhung lah chu a felfai thlap mai si a, tihtur an hre lo...Chhuat thing phel lah chu a fai tliang hlarh a. An rah balh chu a ni mai!
Muani chuan chhuat nawhna chuan an nawt ve a. Mahriati chu Gas bulah chuan a ding ngawi leh reng a.
Hruaia chu Anthur keng chuan a rawn lut ta a. A silfai a, Sangha chu a chhum ta a.
" Lo ṭhu mai mai rawh u" Hruaia chuan a ti leh a.
" Ṭhu mai mai bik love a, nangmah kha lo ṭhu mai mai zawk teh...." Muani chuan a ti a.
" Coffee in phawt ang u hmiang" tih pahin Hruaia chuan a chhuang nghal a.
" Engti zia nge Hruai, tunlai hi iva vang em em ve?"
" Ni e, zawhna awm tak a ni. In bulah chuan tlang takin kan sawi ange....
Thla thar ni 31 khi ka nuna mi pawimawh tak pakhat piancham a ni a. Chu mi chu thil pek keima thawhchhuah ngeia pek ve ka duh a. Ka inhlawh ṭhin a ni..." zak deuh tak leh hrehawm tih hmel tak chuan a ti a.
An thian ho chuan an ngawi ṭhap a. Tu piancham nge tih lah an chiang nasa mai si a. ..!
An ngaisang a, sawi ngaihna pawh an hre lo!
" Chuvang chuan em ni, i dar kha a pilh a...?" Mahriati chuan a ti chhuak phawng a.
" Aw....ni e, ka lung putna ah alo pilh alawm maw le" Hruaia chuan a ti a.
Coffee chu a siam a, a rawn sem a. An lo la ringawt a. An ṭhian ho chuan he thingtlang tlangval hi an ngaina takzet a ni. Zahawm an ti....!
" Mahni hrehawm leh na tawrh ai chuan thil pek chu pe lo la a ni mai lawm" Muani chuan a ti chhuak phawng mai a.
Hruaia chuan, " A tan chuan ka nunna hial pawh hi ka hlan huam asin! " a ti ta hmiah mai!
Chu chhanna chu ava mawi em! Thinlung chhungril ber aṭanga chhuak a ni. A hretu tan chuan a lawmawm em a, a ngaithlatu tan phei chuan a hlimawm in a den a na raih mai si a!
Thinlung chhung aṭanga chhuak a ni bawk a. Lungril luahtu chuan chu ti khawpa atana inhuam chu a en ning lova. En nin thiang a ni hek lo.
A mak hril in sawi har a ti! Tawnmangah tal pheichhampa nen an lo intawng em ni?
Mahriati thinlung chu chhun ang a ni a. A na ngawih ngawih a. A tana hrehawm tuar a, hah pawh sawi lova a tana thawktu chu a va khawngaih tak em! Hei vang hian College ah hian Honours subject chiah maw a rawn kal ṭhin! A lo va thawkrim em em ve le? Dar pilh khawpin Lung te alo thiar a, hah leh rim takin a lo thawk si a maw?
Hmangaihna mittui chu hmangaihtu mit aṭang chuan a luang a. Dem lul su he nula hi.....
........
Janeti thinlung chu ava na em! Hruaia chhan dan ah chuan a lungawi hauh lo! Lungawi theihna tur a ni lo. A u Hruaia thusawi zawng zawngah khan amah a tel ve lo hrim hrim a, a thinlung a na a ni.
Inchhunga a awm chhung khan a insum char char a, a chhuak chiah chu a baw ta hawk a ni. Dan rual loh hian a mit aṭang chuan mittui alo chhuak a, a khaw hmuh a phe ruai a.
Mahse chung mittui te chuan a lungngaihna an hnem zo lo!
An in a thlen chhoh chuan a room-ah a lut tlang a, ama khumah a bawk thlawrh a, a mittui chu a dir ta tluah tluah mai a....
A insum thei ngang lo a ni. In thin harh zai reng a rel lo.....!
A thlir ngam lo, A U Hruaia ṭang dang bela aliam mai tur hi....
A thinlaina tur a dawnpui lo....
Eng tin nge a tih chuan ang, U Hruaia lah chuan nau en hian a en tlat mai si nen. Hrehawm hi ava ti em!
A naute pahnih chu an ninhlei ngang mai! An ri rem rum a, rei tawk fang a ṭah hnu chuan a in phihfai ta a. Chutih lai tak chuan kawngka kik thawm alo awm a.
Hmana a hmuh tawh te an lo la ni zui a. Hruaia sangha dah an la rawn la zui a.
Aw....dam a tum tehreng nen, ti nge a natna tur hlir a rawn thlen bik le. A hringnun ava hrehawm tak em!
Janeti chu ṭahna ruamah a cham mek mai si a..
....
" Chu i nuna mi pawimawh ber tan chuan i thawkrim hle mai maw.... A mah chu i hrilh hre ve tawh hrim hrim em?" Dini chuan a ti ve thung a.
Mahriati chuan no chu alo seng khawm ve mek a...
" Aih...la hrilh miah lo...mahse a ni chuan min ngaina ve tho chuan ka hria a...Mahse ka hre lo le, hmeichhia hi chu an mak khawp a, kei aia duh zawk a neih chuan ka na ve khawp ang..."
" A neih ka ring lo.... A ni pawhin a ngaina ve ngawt ang che....." Muani chuan a ti ve thung a.
Mahriati'n Hruaia chhanna a hriat khan mak a ti hle a. Amah aia duh nei thei tura aring mai te kha mak a ti a. A na ru hle. Ngawi rengin no chu a sil a...
Hruaia chuan Sangha ek chu a sawngbawl mek a. A rim tui cham cham hle mai a. An rilte chu a ṭam thar sawt a....
Dini phawk a chhuak ṭan a... an boruak chu thlak danglam ngaiin a hre tlat a ni.
Dini hian boruak thlak a ngai ṭan tih a hria a. Tih dan dang a ngaihtuah ta a.
" Hruai, eng tikah nge Taekwondo min zirtir ve dawn?"
" E khai aw! Ka va thiam awm lo ve!"
" Boxing tal te chu.."
" Aw le, ṭan nghal ila..." Hruaia chuan a ti a.
Towel chu a pe ta a. A kut chu an tuam sak a. A tuam zawh chiah chuan Hruaia chu a hnek nghal ṭhuai mai a!
An vai mai chuan an nui ta dar dar a. "The Legend hnehtu chu Laldinpuii a ni." A ti ta nghal a.
A kut tuamna chu a phelh nghal daih a. A ban a phar a, a kun kual vel dan dan a. A thiam phian mai lehnghal a, a zir thiam ngei mai! Ngei awm khawpin a thiam a ni.
An nui dar dar a, an va hlim tak em!
........
Mapuii chuan Hruaia a hmu khat em em a, a ngai ru riau mai a. Engti zia a vang em em nge a nih le, an khua a an phone no a hria a. A zuk phone a, a haw bawk si lo...
Eng nge a chhan ni ang le? Tin, Hruaia hian a be khat ve hrim hrim bawk a. Class XII an kal laia an inkawm nasat tehreng nen....
Mapuii rilru a inthiam thei lo...! Ngaihzawng a neihsan vang kha ni ngeiin a hria a. Kha pa lah khan alo la kawp zui a. Eng tizia nge ni?
A inluahna phone no.pawh ahria a, phone a tum ta a. An no. chu a hmet ta a..
........
Janeti chu intih harh hram hram a tum a, chutih lai tak chuan phone a rawn ri ta a. Phone lehlam a mi chuan Hruaia bawk a rawn be duh a ni. A tawt leh up up tawh a, a naute chu a koh tir ta zawk a...
Mahriati te hlim lai tak chuan Sawmtea chuan Hruaia chu a rawn au a...
Hruaia chu a chho ta nghal a.
Phone chu an la kang a, Mapuii alo ni a,
" Dil Sangha i duh ber chi ka lei a, ka rawn keng anga chaw ka rawn ei dawn a nia...."
Janeti lah chuan A U Hruaia chu alo melh vang vang a. A lung a dam thei lo ...
E khai aw...Eng thil nge thleng dawn ta le...?
Hruaia chu..........
M.LUSEI PALIAN
EPISODE-16
( Tun ṭum chu sei tawk a tih tum ang aw.... )
An chaw eina tur hi an ringtawk em em a ni. Eng kim mai hi a thiam vek mai hian an hria a. Sangha phuhlip a paih dan reng a thiam mai! Mak hi an ti bang thei lo!
Hruaia chu a nui sak ringawt a, a hnehsawh em kher bawk a ni. Chemte a la a, a ril a khein nghal vek a. A ril chu kan tur a buatsaih a tum zawk a.
" A chhum nge in duh ? Eng tia siam nge in duh...?"
Mahriati chu a insum hman lo, " Chhum ang u, an thur nen.." a rawn ti chhuak a.
Muani leh Dini chuan mak an ti a, an en ha a.
Hruaia chuan, " Aw le....Pi ber" a ti a.
An nui nghal tlawrh tlawrh a. Chung nula te nuih chu a za em a ni.An insum thei lo. An nuih lah chu a za telh telh a.
" Pi ten, anthur nen an tih te chuan, anthur kan zawng mai tur alawm" Hruaia chuan a ti a. T- shirt a ha a, a chhuak ta nalh a.
Dini te ho nuih a za hle a,ala ziaawm thei lo.
" Pasal i nei vannei dawn bik e..." Muani chuan a ti a.
" Pasalten...pi ber....." Dini chuan a sawi zo thei lo a nui chhunzawm lehnghal a....
An vai mai chuan an la nui uar uar a. An hlim em a ni.
Mahriati chu a harh thut a niang.." In zak lo, " an ti leh ngawt pek a.
An nuih ala za hle a ni.
An zia tlan hnuah chuan Dini chuan, " Hawh u, rawng hi bawl pui ang u" a ti ta a.
Inchhung lah chu a felfai thlap mai si a, tihtur an hre lo...Chhuat thing phel lah chu a fai tliang hlarh a. An rah balh chu a ni mai!
Muani chuan chhuat nawhna chuan an nawt ve a. Mahriati chu Gas bulah chuan a ding ngawi leh reng a.
Hruaia chu Anthur keng chuan a rawn lut ta a. A silfai a, Sangha chu a chhum ta a.
" Lo ṭhu mai mai rawh u" Hruaia chuan a ti leh a.
" Ṭhu mai mai bik love a, nangmah kha lo ṭhu mai mai zawk teh...." Muani chuan a ti a.
" Coffee in phawt ang u hmiang" tih pahin Hruaia chuan a chhuang nghal a.
" Engti zia nge Hruai, tunlai hi iva vang em em ve?"
" Ni e, zawhna awm tak a ni. In bulah chuan tlang takin kan sawi ange....
Thla thar ni 31 khi ka nuna mi pawimawh tak pakhat piancham a ni a. Chu mi chu thil pek keima thawhchhuah ngeia pek ve ka duh a. Ka inhlawh ṭhin a ni..." zak deuh tak leh hrehawm tih hmel tak chuan a ti a.
An thian ho chuan an ngawi ṭhap a. Tu piancham nge tih lah an chiang nasa mai si a. ..!
An ngaisang a, sawi ngaihna pawh an hre lo!
" Chuvang chuan em ni, i dar kha a pilh a...?" Mahriati chuan a ti chhuak phawng a.
" Aw....ni e, ka lung putna ah alo pilh alawm maw le" Hruaia chuan a ti a.
Coffee chu a siam a, a rawn sem a. An lo la ringawt a. An ṭhian ho chuan he thingtlang tlangval hi an ngaina takzet a ni. Zahawm an ti....!
" Mahni hrehawm leh na tawrh ai chuan thil pek chu pe lo la a ni mai lawm" Muani chuan a ti chhuak phawng mai a.
Hruaia chuan, " A tan chuan ka nunna hial pawh hi ka hlan huam asin! " a ti ta hmiah mai!
Chu chhanna chu ava mawi em! Thinlung chhungril ber aṭanga chhuak a ni. A hretu tan chuan a lawmawm em a, a ngaithlatu tan phei chuan a hlimawm in a den a na raih mai si a!
Thinlung chhung aṭanga chhuak a ni bawk a. Lungril luahtu chuan chu ti khawpa atana inhuam chu a en ning lova. En nin thiang a ni hek lo.
A mak hril in sawi har a ti! Tawnmangah tal pheichhampa nen an lo intawng em ni?
Mahriati thinlung chu chhun ang a ni a. A na ngawih ngawih a. A tana hrehawm tuar a, hah pawh sawi lova a tana thawktu chu a va khawngaih tak em! Hei vang hian College ah hian Honours subject chiah maw a rawn kal ṭhin! A lo va thawkrim em em ve le? Dar pilh khawpin Lung te alo thiar a, hah leh rim takin a lo thawk si a maw?
Hmangaihna mittui chu hmangaihtu mit aṭang chuan a luang a. Dem lul su he nula hi.....
........
Janeti thinlung chu ava na em! Hruaia chhan dan ah chuan a lungawi hauh lo! Lungawi theihna tur a ni lo. A u Hruaia thusawi zawng zawngah khan amah a tel ve lo hrim hrim a, a thinlung a na a ni.
Inchhunga a awm chhung khan a insum char char a, a chhuak chiah chu a baw ta hawk a ni. Dan rual loh hian a mit aṭang chuan mittui alo chhuak a, a khaw hmuh a phe ruai a.
Mahse chung mittui te chuan a lungngaihna an hnem zo lo!
An in a thlen chhoh chuan a room-ah a lut tlang a, ama khumah a bawk thlawrh a, a mittui chu a dir ta tluah tluah mai a....
A insum thei ngang lo a ni. In thin harh zai reng a rel lo.....!
A thlir ngam lo, A U Hruaia ṭang dang bela aliam mai tur hi....
A thinlaina tur a dawnpui lo....
Eng tin nge a tih chuan ang, U Hruaia lah chuan nau en hian a en tlat mai si nen. Hrehawm hi ava ti em!
A naute pahnih chu an ninhlei ngang mai! An ri rem rum a, rei tawk fang a ṭah hnu chuan a in phihfai ta a. Chutih lai tak chuan kawngka kik thawm alo awm a.
Hmana a hmuh tawh te an lo la ni zui a. Hruaia sangha dah an la rawn la zui a.
Aw....dam a tum tehreng nen, ti nge a natna tur hlir a rawn thlen bik le. A hringnun ava hrehawm tak em!
Janeti chu ṭahna ruamah a cham mek mai si a..
....
" Chu i nuna mi pawimawh ber tan chuan i thawkrim hle mai maw.... A mah chu i hrilh hre ve tawh hrim hrim em?" Dini chuan a ti ve thung a.
Mahriati chuan no chu alo seng khawm ve mek a...
" Aih...la hrilh miah lo...mahse a ni chuan min ngaina ve tho chuan ka hria a...Mahse ka hre lo le, hmeichhia hi chu an mak khawp a, kei aia duh zawk a neih chuan ka na ve khawp ang..."
" A neih ka ring lo.... A ni pawhin a ngaina ve ngawt ang che....." Muani chuan a ti ve thung a.
Mahriati'n Hruaia chhanna a hriat khan mak a ti hle a. Amah aia duh nei thei tura aring mai te kha mak a ti a. A na ru hle. Ngawi rengin no chu a sil a...
Hruaia chuan Sangha ek chu a sawngbawl mek a. A rim tui cham cham hle mai a. An rilte chu a ṭam thar sawt a....
Dini phawk a chhuak ṭan a... an boruak chu thlak danglam ngaiin a hre tlat a ni.
Dini hian boruak thlak a ngai ṭan tih a hria a. Tih dan dang a ngaihtuah ta a.
" Hruai, eng tikah nge Taekwondo min zirtir ve dawn?"
" E khai aw! Ka va thiam awm lo ve!"
" Boxing tal te chu.."
" Aw le, ṭan nghal ila..." Hruaia chuan a ti a.
Towel chu a pe ta a. A kut chu an tuam sak a. A tuam zawh chiah chuan Hruaia chu a hnek nghal ṭhuai mai a!
An vai mai chuan an nui ta dar dar a. "The Legend hnehtu chu Laldinpuii a ni." A ti ta nghal a.
A kut tuamna chu a phelh nghal daih a. A ban a phar a, a kun kual vel dan dan a. A thiam phian mai lehnghal a, a zir thiam ngei mai! Ngei awm khawpin a thiam a ni.
An nui dar dar a, an va hlim tak em!
........
Mapuii chuan Hruaia a hmu khat em em a, a ngai ru riau mai a. Engti zia a vang em em nge a nih le, an khua a an phone no a hria a. A zuk phone a, a haw bawk si lo...
Eng nge a chhan ni ang le? Tin, Hruaia hian a be khat ve hrim hrim bawk a. Class XII an kal laia an inkawm nasat tehreng nen....
Mapuii rilru a inthiam thei lo...! Ngaihzawng a neihsan vang kha ni ngeiin a hria a. Kha pa lah khan alo la kawp zui a. Eng tizia nge ni?
A inluahna phone no.pawh ahria a, phone a tum ta a. An no. chu a hmet ta a..
........
Janeti chu intih harh hram hram a tum a, chutih lai tak chuan phone a rawn ri ta a. Phone lehlam a mi chuan Hruaia bawk a rawn be duh a ni. A tawt leh up up tawh a, a naute chu a koh tir ta zawk a...
Mahriati te hlim lai tak chuan Sawmtea chuan Hruaia chu a rawn au a...
Hruaia chu a chho ta nghal a.
Phone chu an la kang a, Mapuii alo ni a,
" Dil Sangha i duh ber chi ka lei a, ka rawn keng anga chaw ka rawn ei dawn a nia...."
Janeti lah chuan A U Hruaia chu alo melh vang vang a. A lung a dam thei lo ...
E khai aw...Eng thil nge thleng dawn ta le...?
Hruaia chu..........
Comments
Post a Comment