31st JULY(UNCHAINED MELODY) EPISODE-14
31st JULY (UNCHAINED MELODY)
M.LUSEI PALIAN
EPISODE-14
..........
Khawvêl mihring hi inngaina tawn tura siam leh inpui tawn tura duan kan ni a.
Chung inngaina tawn zingah pawh chuan thinlung kaptu bula awm hi a hahdam ṭhin si a.....
Thinlung inngaina na na na chu lanchhuah hun a nei ngei si ṭhin a ni.
Chu chu Sakhmel intawnna chu a ni.
31st July chu le....
.........
Hruaia chuan Ama thawhrah ngei a a hmangaih ber chu thilpek pek ngei a tum tlat a, inhlawhna tur a zawng ṭan ta a.
Aizawlah na na na hi chuan peih chuan thawh tur hi a tam ngang mai! Mi lung pu in a inhlawh ṭan ta a. A tirah chuan Zing karah a pu zak zak a, Lung pakhat cheng hnih zelin a pu a, a hlawk viau chuan a hria a.
A lairil luahtu chu thilpek hlu tak pek ngei a tum a ni.
Chhunah chuan Class a kal ve leh a. Tunlai chu khua a ṭha duh lo nen Mahriati pawh a hmu khat kher mai. Tin, honours subject a zawh chuan haw vat a, inhlawh a duh si ṭhin a.
.....
Mahriati chuan Hruaia a awm lo zeuh zeuh ṭhin chu mak a ti ngei mai! Ni tin a zawng a, a hmu ngai mang lo. A changin a hmu zeuh a, pan hnaih a tum apiangin a lo bo leh hman ṭhin si a.
Hruaia awm dan teh thut chu mak a ti hle a ni. A rilru a na ṭan tlat! Thil eng kim hriat chian a duhna chuan zan tin zing tin a thinlungah hna a thawk si ṭhin a.
A chang leh hmangaih dang a neihte a ring rum rum a, mahse a han dawn chiang a, aring phal meuh si lo. A buai ṭhin a ni.Hruaia a hmuh ngai loh takah chuan a In a len paha zawhchian chu a duh hle a. A ṭhiante a hrilh ta nghe nghe a.
An ni lah chuan an lo chak ngang mai! Hruaia In lam chu an pan tlang ta a!
.. ......... ......
Janeti chuan A U Hruaia awm dan chu a chik ngang mai!
" Enga ti nge, a inhlawh tlut tlut le?" chu zawhna chu a thinlungah a awm reng a.
Zing a School a kal dawnin a inhlawh lai a hmu a, Tlaia a ban in a inhlawh lai bawk a hmu leh si ṭhin a. A lo khawngaih em em ringawt a!
A thinlungah chuan a riak reng a, apa bula sawi chhuah mai chu a ṭha in a hre ta a!
Janeti chuan hun remchang tak chu a hmu a, a pa bulah chuan a sawi ve ta a.
A pa chuan, "Aw....nang pawhin zawt ve la, thil hrehawm vak a ni hleinem, tunah pawh alo haw tawhin ka hria, zuk zawt rawh Bawihi...a hrim hrimin min tlawh khat lutuk a...! " alo ti hlauh a.
Janeti chuan zawh chian ngei tumin Hruaia In lam chu a pan ta a.
Kawngka a zuk kik kauh kauh a,
" Aw...Lo lut rawh.."
Janeti chu a lut ta a!
Hruaia chuan kawr alo ha lova, kekawrbul nen alo awm a, a inbual zo chiah a ni.A taksa chu a inphut mawi hle a, en tlawk tlawk tham a tling a ni.
Hruaia chuan Janeti mitmengah tak chuan alo en a, alo nuih sak a..
" Jane...lokal rawh...thiam loh i nei em ni?"
Janeti chu ava lai tak em! A zuk hmu ta cheng a, alai leh em em lawi si!
" Aih...ih..ih...U Hruai, ti nge College kal lovin i inhlawh reng a...? Harsatna i nei em ni?"
Hruaia chu a inher a, tukverh lamah a dak ta daih a...
Janeti chuan a chhang dawn tawh lo emaw a tih hnuah chuan....
" Harsatna ka nei lo, mahse thla thar ni 31 khi ka nuna mi pawimawh tak piancham a ni a, thilpek pek hram ka duh a. Ka inhlawh ta ṭhin a ni.." a ti muang fan raih a.
Ama piancham a ni si lova, Janeti thinlung chu a nghing dawt a....
" Silver zungbun leh ṭhi tal leisak ka duh si a.....!
E khawi maw, inkut a intiat viau ang a...." Hruaia chuan a ti a.
A rawn inher a, Janeti kut chu a rawn vuan ta a...
Janeti chuan sawi tur reng a nei lo! A na ngawih ngawih a, hmuam ṭunin a dang der a...
" Aw a intiat vel e...min leipui thei angem?"
Chu zawhna chuan Janeti chu a deng na kher mai! Dan rual lovin a biang aṭang chuan mittui a hnam a, a far hman ṭep, a insum hram hram a! A tlan chhuak ta daih a...
....
Mahriati te ṭhian-ho chu hlim deuhin an rawn chhuk a, Hruaia chu zuk barakhaih an tum a.
Mahse an thleng ṭep a! Nula pakhat chu Hruaia In luah aṭangin a rawn tlanchhuak a, a mittui a rawn far zawih zawih a.
Mahriati chuan a hmuh hmaih hauh lo.....
Eng thil nge thleng ta!
..
.
....
M.LUSEI PALIAN
EPISODE-14
..........
Khawvêl mihring hi inngaina tawn tura siam leh inpui tawn tura duan kan ni a.
Chung inngaina tawn zingah pawh chuan thinlung kaptu bula awm hi a hahdam ṭhin si a.....
Thinlung inngaina na na na chu lanchhuah hun a nei ngei si ṭhin a ni.
Chu chu Sakhmel intawnna chu a ni.
31st July chu le....
.........
Hruaia chuan Ama thawhrah ngei a a hmangaih ber chu thilpek pek ngei a tum tlat a, inhlawhna tur a zawng ṭan ta a.
Aizawlah na na na hi chuan peih chuan thawh tur hi a tam ngang mai! Mi lung pu in a inhlawh ṭan ta a. A tirah chuan Zing karah a pu zak zak a, Lung pakhat cheng hnih zelin a pu a, a hlawk viau chuan a hria a.
A lairil luahtu chu thilpek hlu tak pek ngei a tum a ni.
Chhunah chuan Class a kal ve leh a. Tunlai chu khua a ṭha duh lo nen Mahriati pawh a hmu khat kher mai. Tin, honours subject a zawh chuan haw vat a, inhlawh a duh si ṭhin a.
.....
Mahriati chuan Hruaia a awm lo zeuh zeuh ṭhin chu mak a ti ngei mai! Ni tin a zawng a, a hmu ngai mang lo. A changin a hmu zeuh a, pan hnaih a tum apiangin a lo bo leh hman ṭhin si a.
Hruaia awm dan teh thut chu mak a ti hle a ni. A rilru a na ṭan tlat! Thil eng kim hriat chian a duhna chuan zan tin zing tin a thinlungah hna a thawk si ṭhin a.
A chang leh hmangaih dang a neihte a ring rum rum a, mahse a han dawn chiang a, aring phal meuh si lo. A buai ṭhin a ni.Hruaia a hmuh ngai loh takah chuan a In a len paha zawhchian chu a duh hle a. A ṭhiante a hrilh ta nghe nghe a.
An ni lah chuan an lo chak ngang mai! Hruaia In lam chu an pan tlang ta a!
.. ......... ......
Janeti chuan A U Hruaia awm dan chu a chik ngang mai!
" Enga ti nge, a inhlawh tlut tlut le?" chu zawhna chu a thinlungah a awm reng a.
Zing a School a kal dawnin a inhlawh lai a hmu a, Tlaia a ban in a inhlawh lai bawk a hmu leh si ṭhin a. A lo khawngaih em em ringawt a!
A thinlungah chuan a riak reng a, apa bula sawi chhuah mai chu a ṭha in a hre ta a!
Janeti chuan hun remchang tak chu a hmu a, a pa bulah chuan a sawi ve ta a.
A pa chuan, "Aw....nang pawhin zawt ve la, thil hrehawm vak a ni hleinem, tunah pawh alo haw tawhin ka hria, zuk zawt rawh Bawihi...a hrim hrimin min tlawh khat lutuk a...! " alo ti hlauh a.
Janeti chuan zawh chian ngei tumin Hruaia In lam chu a pan ta a.
Kawngka a zuk kik kauh kauh a,
" Aw...Lo lut rawh.."
Janeti chu a lut ta a!
Hruaia chuan kawr alo ha lova, kekawrbul nen alo awm a, a inbual zo chiah a ni.A taksa chu a inphut mawi hle a, en tlawk tlawk tham a tling a ni.
Hruaia chuan Janeti mitmengah tak chuan alo en a, alo nuih sak a..
" Jane...lokal rawh...thiam loh i nei em ni?"
Janeti chu ava lai tak em! A zuk hmu ta cheng a, alai leh em em lawi si!
" Aih...ih..ih...U Hruai, ti nge College kal lovin i inhlawh reng a...? Harsatna i nei em ni?"
Hruaia chu a inher a, tukverh lamah a dak ta daih a...
Janeti chuan a chhang dawn tawh lo emaw a tih hnuah chuan....
" Harsatna ka nei lo, mahse thla thar ni 31 khi ka nuna mi pawimawh tak piancham a ni a, thilpek pek hram ka duh a. Ka inhlawh ta ṭhin a ni.." a ti muang fan raih a.
Ama piancham a ni si lova, Janeti thinlung chu a nghing dawt a....
" Silver zungbun leh ṭhi tal leisak ka duh si a.....!
E khawi maw, inkut a intiat viau ang a...." Hruaia chuan a ti a.
A rawn inher a, Janeti kut chu a rawn vuan ta a...
Janeti chuan sawi tur reng a nei lo! A na ngawih ngawih a, hmuam ṭunin a dang der a...
" Aw a intiat vel e...min leipui thei angem?"
Chu zawhna chuan Janeti chu a deng na kher mai! Dan rual lovin a biang aṭang chuan mittui a hnam a, a far hman ṭep, a insum hram hram a! A tlan chhuak ta daih a...
....
Mahriati te ṭhian-ho chu hlim deuhin an rawn chhuk a, Hruaia chu zuk barakhaih an tum a.
Mahse an thleng ṭep a! Nula pakhat chu Hruaia In luah aṭangin a rawn tlanchhuak a, a mittui a rawn far zawih zawih a.
Mahriati chuan a hmuh hmaih hauh lo.....
Eng thil nge thleng ta!
..
.
....
Comments
Post a Comment