31st JULY( UNCHAINED MELODY)
31st JULY(UNCHAINED MELODY)
M.LUSEI PALIAN
EPISODE-48 (LAST EPISODE)
( Kan ti nek nek a, rin aiin kan duh rei zek ta mai! Kan khalh kual rei lutuk a ni mahna!
Ka ziah hun chhung a rei a, ka inthlahrung viau mai! Mahse dawhthei takin min lo nghak ṭhin a, ka lawm a ni.
Harsatna tam takin min tlakbuak hman a, kan chawl leh renrawn ṭhin na a. Theih tawp ka rawn chhuah ve ṭhin a nia.
He thawnthu min hlutsak tute hi ka tan in hlu a, ngalfim in dam ang che u.
THE CONDEMN nen ka rawn kir leh ang.)
Hruaia leh Mahriati chuan sawi tur reng an hre lova. An mi tlaw nuih ta ngawt mai a. An ṭhiante lawmah a tla thung a. An lo nui tlawr tlawr thung a.
Coffee chu an in ho ta a!
" Kan LEGEND chu ava chau awm ve, mahse damdawi mum lian a awm a, a rawn tho ta nalh mai a" Muani chuan a rawn tichhuak phawng mai a.
Hruaia chu alai ngang mai! Mahse eng mah a sawi lova, a nui mai mai ringawt a. Coffee chu an inzo thuai a. Dini chuan no a khawm a.
" Mo thar sil hun a ni ve tawh!" an ti leh mauh pek a.
Mahriati a lai sa viau na a, no ruak sil tur chuan a tho ta a! Tumah phei chuan lo dan an tum lem lova! An lo en ringawt a.A va sil ve mai bawk a.
Chutih lai chuan Sawmtea chuan Hruaia chu a rawn au lang lang a. Phone a anbiak duhthu a rawn hrilh a ni.
Hruaia chuan, " Lo awm lawk r'u, ka han chhang lawk a nge" a ti a. A tho va, a chhuak ta a. A kal dan en mai chuan a chauh hmel hle mai!
Mahse hlim hmel a pu thung a. Janeti te in chu a pan chho ta a. A rilru chuan a pa a nih a ring nghal a. Nidang aiin a hmanhmawh thei lo, a sil ve deuh bawk a ni.
A han thleng chho ta a! Janeti pa chuan phone chu alo kawk ringawt a. Hruaia chuan phone chu ala a,
" Hello"
" Aw....Bawiha... I chanchin ka lo hria a, ka va hlim ve le" ( a rin ang ngei chuan apa alo ni a)
" E...ka chefuh mai mai a ni e, " tiin a chhang thung a.
" Eng tiknge lo haw thlak i tum?"
" Ka hre mai lo le, a rang lam chuan a nih ka ring"
" Aw le, i lo chhuk hunah pui deuhin kan la lawm ang chu...." phone chu Nana-i chuan alo pawhthlaksak a.
Nana-i nen chuan an phul chung a, a hnu rei vaklo ah chuan Hruaia chuan Janeti chu zaizir chuan a rawn hui a.
Nana-i leh Janeti chu an inbe ta a.
" Hruai, rawn chho har tawh lo ula, hei chaw ei lam i hnaih tawh ang u" janeti pa chuan a ti a.
" Aw le, kan rawn chho a nge, kan zuk inkhar fel phawt anga" a ti a. A chhuk ta a.
Mahriati te pawh chuan haw an lo tum mek a, Hruaia pawh chuan remchang a ti hle tho a.
" Ṭhiana, tukverh vel hi kalh ṭha nghal ila, chaw eitur in chho nghal ang hmiang" a ti a.
An inkhar a, an chho tlang ta a. Thui pawh an thlah ta lem lova. Anni pawhin an hrethiam em em thung a.
Hringnuna a lungrun lai ber mang ṭha intih a ngai leh ta si! Khawvel hi zawng mang ṭha intihna ram a ni miau si a. Duhtak leh hmangaih tak te pawh hi kan in mang ṭha si ṭhin, a ngai miau si a. Khuanu in a duan sa kan pumpelh theih hauh loh thil a ni. Dan tumin theih tawp chhuah ṭhin mah ila, khuanu remruatna dal zo reng kan awm si lo, piang zawng zingah hian!
Janeti nu pawh a rawn haw hma a, zanriah bik tak an ei dawn a ni si a. Ṭawngṭai turin an duh miau si a ni. A ni hi zawng ṭawngṭai thiam mi a ni a. A Halelui te hi a awm hliah hliah bik asin!
Janeti erawh thinlung khawkheng tuarin a awm a, khawram chhimbuk ni hial te in a inhria a. High School an kal laia an zir, ' Luah loh run' te a hrechhuak uaih uaih a. Mahse a thinlung natna chu tihlan loh hram a tum a. A insum hram hram a ni.
Zanriah ei hun a ni ta, Janeti nu chuan thiam takin Pathian hnenah lawmthu sawi ṭawngṭaina a nei ta a. Bawngsa tui tak hmeh chuan chaw chu an ei ta a. Janeti pa chuan Hruaia chu a duhsak hle a. Bawngsa tui chu No lian deuhin a thlit sak a. Hawp ṭeuh turin a fuih ta mawlh mawlh a.
Puar fan takin zanriah chu an ei ta a ni.
........
Hruaia chuan Mahriati tana a sum khawl, harsa taka a thawhchhuah chu a en a. A hlim ve hle tho va. 31st July chu a tuk tuk leh a ni tawh mai si a.
Silver ṭha mi an zawrhna hmun Kimi'n a hrilhna ngei chu pan tur chuan a chhuak ta a. A thinlung a hlim veng veng a, hmangaihte tana thilpek tur lei tura kal chu ke pen te hi a zang a. Thinlung a hlim em a ni.
Hruaia chuan Silver zungbun leh ṭhi chu alei ta a. A en ṭhin a, a lung hi a awi hliah hliah mai a ni. Pek hlan ava nghakhlel tak em! A pek hun chuan Mahriati hlim turzia te an suangtuah a, a hlim veng veng mai.
College lamah chuan a kir leh ta a. Furpui laiba nih avangin ruah lah chu a tla deuh cherh cherh reng mai si. College a thlen phei chuan Mahriati te chu a hmu lem lova, class awm tur chuan a chho ta a!
Class ah chuan a lut a, minute 5 velin a tlai a. Luh chu a dil a, a lut ve ta a. Mahriati Rinpuia bula ṭhu ava hmuh chuan a nghing dawrh a. Mahse lanchhuah loh tir hram a tum a. A thinlung ngaihtuahna akal thui ngei mai. A kun reng ringawt a. A bula ṭhu chu a lo en miah lova, a hawi chhuah chuan, Mafeli alo ni a! A lo nuihsak ringawt a.
Period a zo ta a! Hruaia chuan chhuah zai pawh a rel ta chuang lova. A bulah chuan Mafeli ala ṭhu reng thung a.
" Vei nei iva ang ve!" Mafeli chuan a rawn tichhuak phawng a.
" Vei em em ka neih pawh ka lo hre lova, ka zirlai a ni mahna..."
" Chutiang lam niin i hmelah alang lo"
" Library lamah ka han tei chho mai a nge"
" Pathlawi lungleng Shakespeare-a thu leh hla i han chhiar leh dawn em ni?"
" A ni mahna, Pathlawi em ni a nih a....?"
" Hre chuang nang, a nupui bulah a kir tawh lo kha i ti si a!"
Hruaia chu a tho ta a. Mafeli chuan a zui ve ta a. Library lam chu an pan ta a.
Hruaia chu a ṭawng tlem hle a, chutah Mafeli bulah phei chuan ṭawng tam hi a tum lo hrim hrim a ni.
.....
A pianchampha a phak ni chiah a ni a, Mahriati chu a hlim ngang mai! Uluk takin a inchei lehnghal a, Hruaia hnen aṭangin thilpek a dawng dawn tih a inhre chiang em a ni.
Kha chen kha atan alo inhlawh a, atan dar pilh leh kut durh phungin a inhlawh si a!
Eng thilpek tak dawng ang maw?
......
Hruaia nghahhlelh em em 31st JULY chu alo thleng ta a!
Uluk deuh chuan a inchei ve ta a! College a thleng hma kher mai! Ramhlun road a vai dawr an chawlhna ṭhinah chuan akal hmasa a.
A special a an chawlh ṭhinna hmunah chu uluk tak chuan a chei tir a. Rose par te a dah tir a.
Chu vai dawr neitute pawh chuan an theih ang chuan an uluk sak ve a. Hruaia pawh chu a hlim ve hle a ni. A phak tawk a, a chei tir a ni miau mai si a. A mah pawh chuan an pui ve bawk a. An vaia panga an nih tur thute nen lam chuan a hrilh tlang nghal a. Vai te pawh chuan chutiang hun special taka an dawr chung an rawn hmang tur chu an lawm ve hle a ni.
Hruaia chuan an cheina vel chu a en a. A hlim ve hle a. Tun hun kher kher chu a hmangaih tana a thil tihsak theih hun a ni tih a hria a. A phak tawkah chuan a sen pawh a inseng ve hle a ni. A rilru pawh a hlim hle mai! Duhthusam a an chei hnu chuan College lama Mahriati te hmuak tur chuan a phei ta a.
Chanmari Biak-In hnuai a pel phei mek a, an ṭhutna ṭhin a thleng phei a. College chung lam thleng chuan alang thei tawh a. College chunga Mahriati te ṭhian ho pawh a han hmu pha tawh a. Mahriati te ṭhianho pawh chuan an lo thlir reng a.A hlim hle mai! Thil pek pek hlan mawlh chu a nghakhlel a.
Rinpuia nen chuan an insu thawi thuak a.
Rinpuia chuan, " E....LEGEND, ka zawng nasa che asin, hei i hre lo mai thei a, vawiin hi Mahriati piancham a ni a. My Kop ah ka book fel tawh a, rawn tel ve ta che. Tin, kan innei dawn a, hei aw Sawmna card .."
a ti a, Card a pe ta mai bawk a.
Hruaia chu nghilh dup hian a inhria a. A thinlung ava pik tehlul em!
Rinpuia lah chu nuisangin a kal vang vang a. Hruaia chu Biak-In bul Kawngpui an step ah chuan a ṭhu hnawk a.Ngaihtuahna ava kal thui em!
A inthunun hram hram a. Mahriati te lam chu a han thlir chho a, Rinpuia nen chuan an lo inbe mek a.
Hruaia thinlung chu a let but but a. Hmeichhia hi rinngam reng an lo awm lo a nih hi....!
Mafeli pasal nei tur...!
Mahriati kumin December a Rinpuia nena innei mai tur!
Thinlung mumal reng a pu lo.!
.....
Mahriati chuan Hruaia chu ala thlir reng a, Rinpuia khan eng nge a hrilh a hre si lo. Rinpuia kha alo zawt a. "Note bu hawh ka dil a, miin card min thawn a ka pe..." tih ngawtin a chhang bawk si.
Zuk chhuk thlak mai a duh tawh a. Mahse ni chiahin a hre si lo. Hruaia chu a rawn hawi chho tawh lova. Mak a ti hle a.
......
Hruaia chu hawichhuak tawh lo chuan a let leh a. Vai dawr-ah chuan a phei ta a. Hreh tak chungin a thil tih tum a ṭhulh thu chu ava sawi a.
A neitupa chuan Hruaia hmel chu a en a, lungngaihna, beidawnna in a tlakbuak tih a hre thiam a. Nem takin alo chhang a. Hruaia chuan a tihbuai manah ₹ 100 chu pek a tum lui hram a. A laksak duh der lo.!
Hruaia chu a phei ta vang vang a. PCO hnai berah a lut a. A pa biak a tum a. Phone a ring ral ṭhak a.
In ah tumah an awm lo a nih a ring a. A phei zel a, a bike bulah chuan a ding ren rawn a. A khalh chhuak a. A haw ta vang vang a.
In a thleng chu khumah chuan a ṭhu a, a mittui a tla ve hial a. Mahriati awm dan mak a ti em em a! A hringnun chu mak a ti a ni.
Mi tute pawh hian kan lungngaiha kan mangan lai hian kan nute emaw kan ṭhiante kan ngai ṭhin a.
Hruaia pawh hian Hmar tlangpuia, Awithangpa khua a a chunnu a ngai ber a. A ngaihtuah thui poh leh a thinlung a na a.
Mahriati tana a tha leh tui sen hnem zia a chhut phei chuan a dam thei mawlh lo! Chu nula chu a hua a ni.
Mipa mit aṭang hian mittui hi luang lo bik tur a ni lova, lungngaihna vawrtawpah chuan a luang tur a ni. Pa lohna a ni lova, atsona pawh a ni chuang lo. Hmangaihnaah phei chuan thiang lo a awm lova, eng kim hi a thiangin aleng vek si a.
A mittui a hru hul a, a thawmhnaw a khung a. An khaw lam pan tur chuan a insiam ta a. Mittui tla chungin a inchhunga Mahriati rim la nam te chu a thlir liam ta.
Mangan ni a, a belh chak em em bel tur chuan a kal ta a ni.
.......
Chuta chin chu Hruaia hian 31st JULY hi a haw em em a, nunhlui nghilh a duh ṭhin! Hring nunah hian kan theihnghilh duhte kan hrereng a, kan hriatreng duhte kan nghilh si ṭhin! Chu chu Hruaia awm dan a ni ta!
Mahriati chu hmuh leh a duhtawh ngai lova, a chak hek lo! Phone lokal reng reng in " A awm lo tiin chhang rawh u" a ti tlat si.
A nu leh pa pawh chuan a ngaihna an hre lo a ni. An fapa duatlai chutia awm mai chu an thlir a, an thinlung a dam thei lo.
Nana-i an dawp tir pawn eng mah a sawi ṭha duh si lo! An mangang takzet a ni.
......
Mahriati chuan Hruaia awm dan kha mak a ti em em a. A ngaihna a hre lo a ni. Nilengin a rawn lang tawh miah lo! Beiseina nen a thlir a, mahse a rawn lang ta mai si lo. A reh telh telh a, A in hial a zuk en a. Mahse alo inkalh si!
Kawnpui a zuk phone a,
"A awm lo" tih bakin an lo chhang ngai lo. Mak tih bak sawi tur a hre lova, a ngaihna a hre hek lo!
A hmangaih chu a nghak a.
Tun thleng hian a nghak ta a ni.
......
Hruaia chuan a zungbun lei chu aman a bun a, a ṭhi lei pawh tun thleng hian a awrh ta reng a ni.
Vawiin thleng hian 31st JULY hi ala nghilh thei lova, a rilru tinatu ber alo ni ta a ni. Chu ni chu kum tin alo thlen apiang hian a thinlung nat a zual ṭhin a. A thu phei chu ni se Calendar aṭanga tihbo a duh a ni. Mahse a thu a ni miau si lova, a ti bo thei lo a ni.
(A hunlai khan tu emaw zawk zawk hi insawi fiah se, parfung chawi hmangaihna par an tlan mai tur a nia sin. Mahse thil reng reng hi tlai luat hian pawina a nei si a. A tlai zo tawh tihbak sawi tur a awm si lo a ni.)
A TAWP TA.
M.LUSEI PALIAN
EPISODE-48 (LAST EPISODE)
( Kan ti nek nek a, rin aiin kan duh rei zek ta mai! Kan khalh kual rei lutuk a ni mahna!
Ka ziah hun chhung a rei a, ka inthlahrung viau mai! Mahse dawhthei takin min lo nghak ṭhin a, ka lawm a ni.
Harsatna tam takin min tlakbuak hman a, kan chawl leh renrawn ṭhin na a. Theih tawp ka rawn chhuah ve ṭhin a nia.
He thawnthu min hlutsak tute hi ka tan in hlu a, ngalfim in dam ang che u.
THE CONDEMN nen ka rawn kir leh ang.)
Hruaia leh Mahriati chuan sawi tur reng an hre lova. An mi tlaw nuih ta ngawt mai a. An ṭhiante lawmah a tla thung a. An lo nui tlawr tlawr thung a.
Coffee chu an in ho ta a!
" Kan LEGEND chu ava chau awm ve, mahse damdawi mum lian a awm a, a rawn tho ta nalh mai a" Muani chuan a rawn tichhuak phawng mai a.
Hruaia chu alai ngang mai! Mahse eng mah a sawi lova, a nui mai mai ringawt a. Coffee chu an inzo thuai a. Dini chuan no a khawm a.
" Mo thar sil hun a ni ve tawh!" an ti leh mauh pek a.
Mahriati a lai sa viau na a, no ruak sil tur chuan a tho ta a! Tumah phei chuan lo dan an tum lem lova! An lo en ringawt a.A va sil ve mai bawk a.
Chutih lai chuan Sawmtea chuan Hruaia chu a rawn au lang lang a. Phone a anbiak duhthu a rawn hrilh a ni.
Hruaia chuan, " Lo awm lawk r'u, ka han chhang lawk a nge" a ti a. A tho va, a chhuak ta a. A kal dan en mai chuan a chauh hmel hle mai!
Mahse hlim hmel a pu thung a. Janeti te in chu a pan chho ta a. A rilru chuan a pa a nih a ring nghal a. Nidang aiin a hmanhmawh thei lo, a sil ve deuh bawk a ni.
A han thleng chho ta a! Janeti pa chuan phone chu alo kawk ringawt a. Hruaia chuan phone chu ala a,
" Hello"
" Aw....Bawiha... I chanchin ka lo hria a, ka va hlim ve le" ( a rin ang ngei chuan apa alo ni a)
" E...ka chefuh mai mai a ni e, " tiin a chhang thung a.
" Eng tiknge lo haw thlak i tum?"
" Ka hre mai lo le, a rang lam chuan a nih ka ring"
" Aw le, i lo chhuk hunah pui deuhin kan la lawm ang chu...." phone chu Nana-i chuan alo pawhthlaksak a.
Nana-i nen chuan an phul chung a, a hnu rei vaklo ah chuan Hruaia chuan Janeti chu zaizir chuan a rawn hui a.
Nana-i leh Janeti chu an inbe ta a.
" Hruai, rawn chho har tawh lo ula, hei chaw ei lam i hnaih tawh ang u" janeti pa chuan a ti a.
" Aw le, kan rawn chho a nge, kan zuk inkhar fel phawt anga" a ti a. A chhuk ta a.
Mahriati te pawh chuan haw an lo tum mek a, Hruaia pawh chuan remchang a ti hle tho a.
" Ṭhiana, tukverh vel hi kalh ṭha nghal ila, chaw eitur in chho nghal ang hmiang" a ti a.
An inkhar a, an chho tlang ta a. Thui pawh an thlah ta lem lova. Anni pawhin an hrethiam em em thung a.
Hringnuna a lungrun lai ber mang ṭha intih a ngai leh ta si! Khawvel hi zawng mang ṭha intihna ram a ni miau si a. Duhtak leh hmangaih tak te pawh hi kan in mang ṭha si ṭhin, a ngai miau si a. Khuanu in a duan sa kan pumpelh theih hauh loh thil a ni. Dan tumin theih tawp chhuah ṭhin mah ila, khuanu remruatna dal zo reng kan awm si lo, piang zawng zingah hian!
Janeti nu pawh a rawn haw hma a, zanriah bik tak an ei dawn a ni si a. Ṭawngṭai turin an duh miau si a ni. A ni hi zawng ṭawngṭai thiam mi a ni a. A Halelui te hi a awm hliah hliah bik asin!
Janeti erawh thinlung khawkheng tuarin a awm a, khawram chhimbuk ni hial te in a inhria a. High School an kal laia an zir, ' Luah loh run' te a hrechhuak uaih uaih a. Mahse a thinlung natna chu tihlan loh hram a tum a. A insum hram hram a ni.
Zanriah ei hun a ni ta, Janeti nu chuan thiam takin Pathian hnenah lawmthu sawi ṭawngṭaina a nei ta a. Bawngsa tui tak hmeh chuan chaw chu an ei ta a. Janeti pa chuan Hruaia chu a duhsak hle a. Bawngsa tui chu No lian deuhin a thlit sak a. Hawp ṭeuh turin a fuih ta mawlh mawlh a.
Puar fan takin zanriah chu an ei ta a ni.
........
Hruaia chuan Mahriati tana a sum khawl, harsa taka a thawhchhuah chu a en a. A hlim ve hle tho va. 31st July chu a tuk tuk leh a ni tawh mai si a.
Silver ṭha mi an zawrhna hmun Kimi'n a hrilhna ngei chu pan tur chuan a chhuak ta a. A thinlung a hlim veng veng a, hmangaihte tana thilpek tur lei tura kal chu ke pen te hi a zang a. Thinlung a hlim em a ni.
Hruaia chuan Silver zungbun leh ṭhi chu alei ta a. A en ṭhin a, a lung hi a awi hliah hliah mai a ni. Pek hlan ava nghakhlel tak em! A pek hun chuan Mahriati hlim turzia te an suangtuah a, a hlim veng veng mai.
College lamah chuan a kir leh ta a. Furpui laiba nih avangin ruah lah chu a tla deuh cherh cherh reng mai si. College a thlen phei chuan Mahriati te chu a hmu lem lova, class awm tur chuan a chho ta a!
Class ah chuan a lut a, minute 5 velin a tlai a. Luh chu a dil a, a lut ve ta a. Mahriati Rinpuia bula ṭhu ava hmuh chuan a nghing dawrh a. Mahse lanchhuah loh tir hram a tum a. A thinlung ngaihtuahna akal thui ngei mai. A kun reng ringawt a. A bula ṭhu chu a lo en miah lova, a hawi chhuah chuan, Mafeli alo ni a! A lo nuihsak ringawt a.
Period a zo ta a! Hruaia chuan chhuah zai pawh a rel ta chuang lova. A bulah chuan Mafeli ala ṭhu reng thung a.
" Vei nei iva ang ve!" Mafeli chuan a rawn tichhuak phawng a.
" Vei em em ka neih pawh ka lo hre lova, ka zirlai a ni mahna..."
" Chutiang lam niin i hmelah alang lo"
" Library lamah ka han tei chho mai a nge"
" Pathlawi lungleng Shakespeare-a thu leh hla i han chhiar leh dawn em ni?"
" A ni mahna, Pathlawi em ni a nih a....?"
" Hre chuang nang, a nupui bulah a kir tawh lo kha i ti si a!"
Hruaia chu a tho ta a. Mafeli chuan a zui ve ta a. Library lam chu an pan ta a.
Hruaia chu a ṭawng tlem hle a, chutah Mafeli bulah phei chuan ṭawng tam hi a tum lo hrim hrim a ni.
.....
A pianchampha a phak ni chiah a ni a, Mahriati chu a hlim ngang mai! Uluk takin a inchei lehnghal a, Hruaia hnen aṭangin thilpek a dawng dawn tih a inhre chiang em a ni.
Kha chen kha atan alo inhlawh a, atan dar pilh leh kut durh phungin a inhlawh si a!
Eng thilpek tak dawng ang maw?
......
Hruaia nghahhlelh em em 31st JULY chu alo thleng ta a!
Uluk deuh chuan a inchei ve ta a! College a thleng hma kher mai! Ramhlun road a vai dawr an chawlhna ṭhinah chuan akal hmasa a.
A special a an chawlh ṭhinna hmunah chu uluk tak chuan a chei tir a. Rose par te a dah tir a.
Chu vai dawr neitute pawh chuan an theih ang chuan an uluk sak ve a. Hruaia pawh chu a hlim ve hle a ni. A phak tawk a, a chei tir a ni miau mai si a. A mah pawh chuan an pui ve bawk a. An vaia panga an nih tur thute nen lam chuan a hrilh tlang nghal a. Vai te pawh chuan chutiang hun special taka an dawr chung an rawn hmang tur chu an lawm ve hle a ni.
Hruaia chuan an cheina vel chu a en a. A hlim ve hle a. Tun hun kher kher chu a hmangaih tana a thil tihsak theih hun a ni tih a hria a. A phak tawkah chuan a sen pawh a inseng ve hle a ni. A rilru pawh a hlim hle mai! Duhthusam a an chei hnu chuan College lama Mahriati te hmuak tur chuan a phei ta a.
Chanmari Biak-In hnuai a pel phei mek a, an ṭhutna ṭhin a thleng phei a. College chung lam thleng chuan alang thei tawh a. College chunga Mahriati te ṭhian ho pawh a han hmu pha tawh a. Mahriati te ṭhianho pawh chuan an lo thlir reng a.A hlim hle mai! Thil pek pek hlan mawlh chu a nghakhlel a.
Rinpuia nen chuan an insu thawi thuak a.
Rinpuia chuan, " E....LEGEND, ka zawng nasa che asin, hei i hre lo mai thei a, vawiin hi Mahriati piancham a ni a. My Kop ah ka book fel tawh a, rawn tel ve ta che. Tin, kan innei dawn a, hei aw Sawmna card .."
a ti a, Card a pe ta mai bawk a.
Hruaia chu nghilh dup hian a inhria a. A thinlung ava pik tehlul em!
Rinpuia lah chu nuisangin a kal vang vang a. Hruaia chu Biak-In bul Kawngpui an step ah chuan a ṭhu hnawk a.Ngaihtuahna ava kal thui em!
A inthunun hram hram a. Mahriati te lam chu a han thlir chho a, Rinpuia nen chuan an lo inbe mek a.
Hruaia thinlung chu a let but but a. Hmeichhia hi rinngam reng an lo awm lo a nih hi....!
Mafeli pasal nei tur...!
Mahriati kumin December a Rinpuia nena innei mai tur!
Thinlung mumal reng a pu lo.!
.....
Mahriati chuan Hruaia chu ala thlir reng a, Rinpuia khan eng nge a hrilh a hre si lo. Rinpuia kha alo zawt a. "Note bu hawh ka dil a, miin card min thawn a ka pe..." tih ngawtin a chhang bawk si.
Zuk chhuk thlak mai a duh tawh a. Mahse ni chiahin a hre si lo. Hruaia chu a rawn hawi chho tawh lova. Mak a ti hle a.
......
Hruaia chu hawichhuak tawh lo chuan a let leh a. Vai dawr-ah chuan a phei ta a. Hreh tak chungin a thil tih tum a ṭhulh thu chu ava sawi a.
A neitupa chuan Hruaia hmel chu a en a, lungngaihna, beidawnna in a tlakbuak tih a hre thiam a. Nem takin alo chhang a. Hruaia chuan a tihbuai manah ₹ 100 chu pek a tum lui hram a. A laksak duh der lo.!
Hruaia chu a phei ta vang vang a. PCO hnai berah a lut a. A pa biak a tum a. Phone a ring ral ṭhak a.
In ah tumah an awm lo a nih a ring a. A phei zel a, a bike bulah chuan a ding ren rawn a. A khalh chhuak a. A haw ta vang vang a.
In a thleng chu khumah chuan a ṭhu a, a mittui a tla ve hial a. Mahriati awm dan mak a ti em em a! A hringnun chu mak a ti a ni.
Mi tute pawh hian kan lungngaiha kan mangan lai hian kan nute emaw kan ṭhiante kan ngai ṭhin a.
Hruaia pawh hian Hmar tlangpuia, Awithangpa khua a a chunnu a ngai ber a. A ngaihtuah thui poh leh a thinlung a na a.
Mahriati tana a tha leh tui sen hnem zia a chhut phei chuan a dam thei mawlh lo! Chu nula chu a hua a ni.
Mipa mit aṭang hian mittui hi luang lo bik tur a ni lova, lungngaihna vawrtawpah chuan a luang tur a ni. Pa lohna a ni lova, atsona pawh a ni chuang lo. Hmangaihnaah phei chuan thiang lo a awm lova, eng kim hi a thiangin aleng vek si a.
A mittui a hru hul a, a thawmhnaw a khung a. An khaw lam pan tur chuan a insiam ta a. Mittui tla chungin a inchhunga Mahriati rim la nam te chu a thlir liam ta.
Mangan ni a, a belh chak em em bel tur chuan a kal ta a ni.
.......
Chuta chin chu Hruaia hian 31st JULY hi a haw em em a, nunhlui nghilh a duh ṭhin! Hring nunah hian kan theihnghilh duhte kan hrereng a, kan hriatreng duhte kan nghilh si ṭhin! Chu chu Hruaia awm dan a ni ta!
Mahriati chu hmuh leh a duhtawh ngai lova, a chak hek lo! Phone lokal reng reng in " A awm lo tiin chhang rawh u" a ti tlat si.
A nu leh pa pawh chuan a ngaihna an hre lo a ni. An fapa duatlai chutia awm mai chu an thlir a, an thinlung a dam thei lo.
Nana-i an dawp tir pawn eng mah a sawi ṭha duh si lo! An mangang takzet a ni.
......
Mahriati chuan Hruaia awm dan kha mak a ti em em a. A ngaihna a hre lo a ni. Nilengin a rawn lang tawh miah lo! Beiseina nen a thlir a, mahse a rawn lang ta mai si lo. A reh telh telh a, A in hial a zuk en a. Mahse alo inkalh si!
Kawnpui a zuk phone a,
"A awm lo" tih bakin an lo chhang ngai lo. Mak tih bak sawi tur a hre lova, a ngaihna a hre hek lo!
A hmangaih chu a nghak a.
Tun thleng hian a nghak ta a ni.
......
Hruaia chuan a zungbun lei chu aman a bun a, a ṭhi lei pawh tun thleng hian a awrh ta reng a ni.
Vawiin thleng hian 31st JULY hi ala nghilh thei lova, a rilru tinatu ber alo ni ta a ni. Chu ni chu kum tin alo thlen apiang hian a thinlung nat a zual ṭhin a. A thu phei chu ni se Calendar aṭanga tihbo a duh a ni. Mahse a thu a ni miau si lova, a ti bo thei lo a ni.
(A hunlai khan tu emaw zawk zawk hi insawi fiah se, parfung chawi hmangaihna par an tlan mai tur a nia sin. Mahse thil reng reng hi tlai luat hian pawina a nei si a. A tlai zo tawh tihbak sawi tur a awm si lo a ni.)
A TAWP TA.
Nice, i blog ka vawi khat rawn tlawhna a ni a, a manhla dawn hle in ka hria!!
ReplyDeleteThuziak mi te, in chhuan awm thin ka ti, keini thiam veloh pho chhuakin hah man chawilo in kan lo hmawm hmiah hmiah mai thin a, riltam lai a a thlawna chaw eitur awm thin hi chu keini tan chuan lawmthu han sawiloh chi a nilo.