31st JULY( UNCHAINED MELODY) EPISODE+22
31st JULY (UNCHAINED MELODY)
M.LUSEI PALIAN
Episode- 22
( Ka phone pawhin ziaawm lam a pan ta, mahse ka buai em a ni....
Ka reh rei lutuk kha kei deuh hian hrehawm ka ti a, nuam ka ti miah lo!
Ka thinlung erawh suangtuahna a rawn in um suau suau a, thinlung khawkheng tawrh meuh zawng, a mi nghawng hi a na em asin!
Zan tin ka tawnmangah chuan min hnem turin tu emaw hi a lokal ṭhin a. Pangpâr min rawn pe ṭhin. Ka lunglenna te min hnem ngei a tum a, mahse kal rawh ka tih hma chu kal lovang che min ti si a!
A ni telin lunglenna hian min zem a, Sikul naupangte hi ka lo thlir leh vung vung ṭhin!
E khai! Thuhma a thui lutuk dawn e...)
A bike bulah a nghak tlat dawn, beidawng thiang a ni hek lo! Fanu mal a ni a, a duhzawng chu a nei tur a ni. Chu chu a ni tawp mai!
Period khat ala nei a, mahse Hruaia ban hun tur a hria a, nghah chu a tum ta zawk a!
.........
" I bialnu kha i ngaihsak ṭha lo lutuk a, a thinrim a nih kha...."
" Deuh ngawt a che, ka bialnu a ni lo... Sikul kan kal ho tawh avang ringawt khan ka bialnu a ni tihna a ni reng reng lo..."
" Mahse amah khan a ngaizawng tlat che in ka hria...."
" Chutiang chuan ka lo ngai ve hauh lo....
Kan inkawm ṭhin tih chu i hriat kha...."
" Ṭhian satliah chu a ni lo tawp..."
Mahriati chuan ala ti fan a.
A dik chiah mai! Hmangaihtu mitmeng aṭang chuan mi dang lo inrawlh tur hi thui tak a hmuh lawk theih ṭhin a. Chu chu Mahriati pawh hian a hre ve ṭan tlat si!
Kan mi ngainat te bulah hi chuan kan awm dan pawh a danglam hial ṭhin si a. Chung thil te chu Mahriati hian hmuh hmaih a tum lo. Tin, tunah hian class khatah Hruaia nen an ṭhu dawn chiah a...
Hruaia nena class an neih dun hi a rei lo riau hian a hria a. A ni reng lah taka, a rei lo em a ni, ni tin ala ni lo zui bawk nen...
Class ah chuan an lut dun ta a. Muani alo la ṭhu tum bar a, a bulah Puia pawh a lo ṭhu a. Puia hi zawng a fing a ni.
Puia hian Muani hi duhtawkin a an tir a, a an chhung kawngpui lam a lo thlir daih a. Motor tlan te chu alo uipui tuilian thlir vel mai mai a. A an zawh hnuah ṭha deuhin a bulah a ṭhu leh mai a.
A ni reng alawm, hmeichhia te hi chu ang chiam chi hi an ni a, hnial vak duh loh tur! Lo ngawi reng ila, an in ang lungawi ve mai a! An lungawi hun nghah hi mipa tihtur chu a ni mai!!!
Hmeichhia hi zawng an ṭha a nia, an huai bawk a, a fel te vek vek phei chu fel tak an ni. Mihring kan in ang lova, kan seilenna leh kan awmna aṭangte, ka hun tawn tawhte avang hian kan lo danglam mai zawk alo ni...!
Duhtak te bulah hi chuan hun hi a kal zung zung a, aliam zung zung ṭhin a. Chu period chu an hriat loh karin alo zo ta reng mai!
Hun lah hian tumah a nghak lova, a liam zel si a! Nun a ni tlat a, hringnun ngei chu....hun hian aliam pui si ṭhin a.
" Coffee in leh lawk ila" Mahriati chuan a ti ta a. Hruaia hian coffee a duh tih a hre chiang ngang mai!
" Nia, ala hma alawm" Puia chuan a ti a.
" Khawlum lai laia coffee in te chu a!" Muani chuan a rawn ti a. A la tum deuh bar a.
" Coffee te chu engtik lai pawhin a tui reng alawm" nui var var chung chuan Hruaia chuan a ti a.
" Ni e...ding chung pawn a in theih reng alawm" Dini chuan a rawn ti ta a.
An vai chuan Coffee intur chuan Silvermoon Restaurant lam chu an pan ta a.
Chutih lai tak chuan ruah a rawn sur phut a! Mizoram hian monsoon type climate kan dawn avang hian ruahsur hun a ni ve reng reng bawk a. Silvermoon chu an thleng phei hman hram chauh a ni.
Khua lah chu a rawn duk ta tlat a, chhum a rawn awm ta mup mup mai! Mahriati hlauhzawng tak a ni a, tum loh deuhin ṭhutthlengah chuan an ṭhu tlar ta a.
Puia pawh chuan ruahsur chu pawi a ti miah lo. Muani bula a awm hun chhung a rei a ni mai! Puia chuan thuvawn pakhat a nei a, chu chu Sudden( Jim Green-a, Sakawr dum nei Texas Cowboy) a chhiar aṭanga a hriat a ni. Chu a thuvawn chu ' nghah hram hram peihna' a ni. Muani pawh hi nghah hram hram a ngai tih a hria a. Tin, hmeichhe thinchhe tak phena hmel ṭhatna a hmu tlang a ni mahna..!
Kawl a phe zawk a, ṭek a tla ta a. Mahriati hlau lutuk chuan Hruaia hnungah chuan a bei thlawp a. Hruaia chuan a khawngaih hle a. A inher rem a, uluk taka han kuahna chi a ni si lova...
" Ṭek tla hi chu hlauh miah loh tur....! Ṭek a tlak chiah hian tuifinriata sangha ten chaw an nei chiah a, plankton a insiam a, chu chu Sangha tan vawksa a ni mai....a hlauhawm miah loh a nia..." Hruaia chuan fiah fel fai deuh chuan a ti a.
" Mahse....a hlauhawm e..tu nge a den dawn a hriat miah loh a?" Mahriati chuan zawi te chuan a rawn ti a.
" A de zawk kan hmuh hman chuan min deng dawn miah lo...." a sawi lai tak chuan a rawn de ta zawk mai a.
Mahriati chuan Hruaia awm chu a bel nghal chat a. A rawn ri dum mai a, an phu zawk hlawm vek a. Hruaia a phu ve eih lo.
" A hlauhawm loh a nia aw Mahriat....."
" Umnnn....i bulah chuan ka hlau lo..." a ti ta hnap mai a.
Chhanna dik ava ni tehlul em! Hmeichhe lu chu mipa a ni a, hmeichhia te innghahna chu mipa te an ni. Nupuiin a pasal chu innghahnan a hmang ṭhin ang hian...! Hmeichhe fing chuan a kawppui chu zahawm thei ang berin a siam si ṭhin a.
Current lah chu a thim daih mai si a, a thim khup mai a. An ti ti tlang ta a....
" Coffee kan invang vek" Muani chuan a rawn ti a.
" In lo mah ila a sur thovang" Puia chuan a ti a.
" Awihawm loh e, khawchin leh nau chin tuman an hre tak tak lo.." Muani chuan ala ti hram a.
An nui tlang ta a......
" Nichin khan in phun leh bul bul ṭhin a, eng nge in sawi a?" Dini chuan Mahriati melh pah chuan a ti a.
" Ṭek tlak dan maw le!" A lo ti sam et a.
" Ṭek in tlak dan a nei love, a duh duh hunah a tla mai a ni. A bikin ruah hian a keng tel ve hrim hrim a" Dini chuan a rawn ti ta a.
" A ho e, nihliap kan pai si lova Bus stand thleng saw do mai ang u" Muani chuan a ti a.
Puia chuan rang zet hian a rawn chhang a, " Ruahsur do hi a ṭha miah lo.....Pathian remruat a ni a, Pathian remruat do zawng ṭha ka ti lo. Tin, ruah hian tui a pai hnem em em a, 99.9 % hi tui a ni a, huh a awl bik...." a rawn ti ta a.
An vai chuan an nui tlang ta a. A dik phian lawi si a.
Khawpui a kal ri raih raih a, ruah pawn han zai rel atum ta a!
" A han dawn e..." Hruaia chuan a ti ta a.
" A awihawm loh e....a la sur reng hi... " Mahriati chuan a ti a.
" Minute sawm pawh a sur tawh lovang...." tih zawngin Hruaia chuan a chhang a.
Hruaia hian khaw awm dan chanchin hi a hriat a ring miah lo! Tumah chuan an ring lo.
Mahse minute nga pawh tling lo ah chuan a han ta tlat mai! Mak an ti ngang mai! Hruaia lah chu a nui miah lo.
" A sur tawh rih lovang" tih chiah asawi a. An ngawi ta ṭhap a! Mak an ti bawk si!
An chhuak ta ṭham ṭham a, an Coffee man an lo pe hma si a, an awm rei ta zek si a! An inthiam lo lek lek a ni. Mahse midang an awm mang lova, an inthiam chawp ta mai mai a!
College bul Bus stand an thleng phei a.. Mapuii Hruaia bike bula lo ding chu an hmu nghal a. An kal zel a, Hruaia hnungah Mahriati a kal a....
Mahriati kal lai chu a hnung lam aṭang hian tlangval pakhat hian zo tak hian a rawn pawm ta nawlh mai a......
M.LUSEI PALIAN
Episode- 22
( Ka phone pawhin ziaawm lam a pan ta, mahse ka buai em a ni....
Ka reh rei lutuk kha kei deuh hian hrehawm ka ti a, nuam ka ti miah lo!
Ka thinlung erawh suangtuahna a rawn in um suau suau a, thinlung khawkheng tawrh meuh zawng, a mi nghawng hi a na em asin!
Zan tin ka tawnmangah chuan min hnem turin tu emaw hi a lokal ṭhin a. Pangpâr min rawn pe ṭhin. Ka lunglenna te min hnem ngei a tum a, mahse kal rawh ka tih hma chu kal lovang che min ti si a!
A ni telin lunglenna hian min zem a, Sikul naupangte hi ka lo thlir leh vung vung ṭhin!
E khai! Thuhma a thui lutuk dawn e...)
A bike bulah a nghak tlat dawn, beidawng thiang a ni hek lo! Fanu mal a ni a, a duhzawng chu a nei tur a ni. Chu chu a ni tawp mai!
Period khat ala nei a, mahse Hruaia ban hun tur a hria a, nghah chu a tum ta zawk a!
.........
" I bialnu kha i ngaihsak ṭha lo lutuk a, a thinrim a nih kha...."
" Deuh ngawt a che, ka bialnu a ni lo... Sikul kan kal ho tawh avang ringawt khan ka bialnu a ni tihna a ni reng reng lo..."
" Mahse amah khan a ngaizawng tlat che in ka hria...."
" Chutiang chuan ka lo ngai ve hauh lo....
Kan inkawm ṭhin tih chu i hriat kha...."
" Ṭhian satliah chu a ni lo tawp..."
Mahriati chuan ala ti fan a.
A dik chiah mai! Hmangaihtu mitmeng aṭang chuan mi dang lo inrawlh tur hi thui tak a hmuh lawk theih ṭhin a. Chu chu Mahriati pawh hian a hre ve ṭan tlat si!
Kan mi ngainat te bulah hi chuan kan awm dan pawh a danglam hial ṭhin si a. Chung thil te chu Mahriati hian hmuh hmaih a tum lo. Tin, tunah hian class khatah Hruaia nen an ṭhu dawn chiah a...
Hruaia nena class an neih dun hi a rei lo riau hian a hria a. A ni reng lah taka, a rei lo em a ni, ni tin ala ni lo zui bawk nen...
Class ah chuan an lut dun ta a. Muani alo la ṭhu tum bar a, a bulah Puia pawh a lo ṭhu a. Puia hi zawng a fing a ni.
Puia hian Muani hi duhtawkin a an tir a, a an chhung kawngpui lam a lo thlir daih a. Motor tlan te chu alo uipui tuilian thlir vel mai mai a. A an zawh hnuah ṭha deuhin a bulah a ṭhu leh mai a.
A ni reng alawm, hmeichhia te hi chu ang chiam chi hi an ni a, hnial vak duh loh tur! Lo ngawi reng ila, an in ang lungawi ve mai a! An lungawi hun nghah hi mipa tihtur chu a ni mai!!!
Hmeichhia hi zawng an ṭha a nia, an huai bawk a, a fel te vek vek phei chu fel tak an ni. Mihring kan in ang lova, kan seilenna leh kan awmna aṭangte, ka hun tawn tawhte avang hian kan lo danglam mai zawk alo ni...!
Duhtak te bulah hi chuan hun hi a kal zung zung a, aliam zung zung ṭhin a. Chu period chu an hriat loh karin alo zo ta reng mai!
Hun lah hian tumah a nghak lova, a liam zel si a! Nun a ni tlat a, hringnun ngei chu....hun hian aliam pui si ṭhin a.
" Coffee in leh lawk ila" Mahriati chuan a ti ta a. Hruaia hian coffee a duh tih a hre chiang ngang mai!
" Nia, ala hma alawm" Puia chuan a ti a.
" Khawlum lai laia coffee in te chu a!" Muani chuan a rawn ti a. A la tum deuh bar a.
" Coffee te chu engtik lai pawhin a tui reng alawm" nui var var chung chuan Hruaia chuan a ti a.
" Ni e...ding chung pawn a in theih reng alawm" Dini chuan a rawn ti ta a.
An vai chuan Coffee intur chuan Silvermoon Restaurant lam chu an pan ta a.
Chutih lai tak chuan ruah a rawn sur phut a! Mizoram hian monsoon type climate kan dawn avang hian ruahsur hun a ni ve reng reng bawk a. Silvermoon chu an thleng phei hman hram chauh a ni.
Khua lah chu a rawn duk ta tlat a, chhum a rawn awm ta mup mup mai! Mahriati hlauhzawng tak a ni a, tum loh deuhin ṭhutthlengah chuan an ṭhu tlar ta a.
Puia pawh chuan ruahsur chu pawi a ti miah lo. Muani bula a awm hun chhung a rei a ni mai! Puia chuan thuvawn pakhat a nei a, chu chu Sudden( Jim Green-a, Sakawr dum nei Texas Cowboy) a chhiar aṭanga a hriat a ni. Chu a thuvawn chu ' nghah hram hram peihna' a ni. Muani pawh hi nghah hram hram a ngai tih a hria a. Tin, hmeichhe thinchhe tak phena hmel ṭhatna a hmu tlang a ni mahna..!
Kawl a phe zawk a, ṭek a tla ta a. Mahriati hlau lutuk chuan Hruaia hnungah chuan a bei thlawp a. Hruaia chuan a khawngaih hle a. A inher rem a, uluk taka han kuahna chi a ni si lova...
" Ṭek tla hi chu hlauh miah loh tur....! Ṭek a tlak chiah hian tuifinriata sangha ten chaw an nei chiah a, plankton a insiam a, chu chu Sangha tan vawksa a ni mai....a hlauhawm miah loh a nia..." Hruaia chuan fiah fel fai deuh chuan a ti a.
" Mahse....a hlauhawm e..tu nge a den dawn a hriat miah loh a?" Mahriati chuan zawi te chuan a rawn ti a.
" A de zawk kan hmuh hman chuan min deng dawn miah lo...." a sawi lai tak chuan a rawn de ta zawk mai a.
Mahriati chuan Hruaia awm chu a bel nghal chat a. A rawn ri dum mai a, an phu zawk hlawm vek a. Hruaia a phu ve eih lo.
" A hlauhawm loh a nia aw Mahriat....."
" Umnnn....i bulah chuan ka hlau lo..." a ti ta hnap mai a.
Chhanna dik ava ni tehlul em! Hmeichhe lu chu mipa a ni a, hmeichhia te innghahna chu mipa te an ni. Nupuiin a pasal chu innghahnan a hmang ṭhin ang hian...! Hmeichhe fing chuan a kawppui chu zahawm thei ang berin a siam si ṭhin a.
Current lah chu a thim daih mai si a, a thim khup mai a. An ti ti tlang ta a....
" Coffee kan invang vek" Muani chuan a rawn ti a.
" In lo mah ila a sur thovang" Puia chuan a ti a.
" Awihawm loh e, khawchin leh nau chin tuman an hre tak tak lo.." Muani chuan ala ti hram a.
An nui tlang ta a......
" Nichin khan in phun leh bul bul ṭhin a, eng nge in sawi a?" Dini chuan Mahriati melh pah chuan a ti a.
" Ṭek tlak dan maw le!" A lo ti sam et a.
" Ṭek in tlak dan a nei love, a duh duh hunah a tla mai a ni. A bikin ruah hian a keng tel ve hrim hrim a" Dini chuan a rawn ti ta a.
" A ho e, nihliap kan pai si lova Bus stand thleng saw do mai ang u" Muani chuan a ti a.
Puia chuan rang zet hian a rawn chhang a, " Ruahsur do hi a ṭha miah lo.....Pathian remruat a ni a, Pathian remruat do zawng ṭha ka ti lo. Tin, ruah hian tui a pai hnem em em a, 99.9 % hi tui a ni a, huh a awl bik...." a rawn ti ta a.
An vai chuan an nui tlang ta a. A dik phian lawi si a.
Khawpui a kal ri raih raih a, ruah pawn han zai rel atum ta a!
" A han dawn e..." Hruaia chuan a ti ta a.
" A awihawm loh e....a la sur reng hi... " Mahriati chuan a ti a.
" Minute sawm pawh a sur tawh lovang...." tih zawngin Hruaia chuan a chhang a.
Hruaia hian khaw awm dan chanchin hi a hriat a ring miah lo! Tumah chuan an ring lo.
Mahse minute nga pawh tling lo ah chuan a han ta tlat mai! Mak an ti ngang mai! Hruaia lah chu a nui miah lo.
" A sur tawh rih lovang" tih chiah asawi a. An ngawi ta ṭhap a! Mak an ti bawk si!
An chhuak ta ṭham ṭham a, an Coffee man an lo pe hma si a, an awm rei ta zek si a! An inthiam lo lek lek a ni. Mahse midang an awm mang lova, an inthiam chawp ta mai mai a!
College bul Bus stand an thleng phei a.. Mapuii Hruaia bike bula lo ding chu an hmu nghal a. An kal zel a, Hruaia hnungah Mahriati a kal a....
Mahriati kal lai chu a hnung lam aṭang hian tlangval pakhat hian zo tak hian a rawn pawm ta nawlh mai a......
Comments
Post a Comment