31st JULY (UNCHAINED MELODY) EPISODE-35
31st JULY( UNCHAINED MELODY)
M.LUSEI PALIAN
EPISODE-35
Muangchang chuan Mahriati chu a insiam a, insiam pah chuan Britney Speare hla, ' From the bottom of my broken heart' tih hla a ngaithla a. A zawm ve rat rat a.
College kal tur chuan a inpeih ta a.Muani a sawm phei anga, chutah Dini an lo nghak leh dawn a ni. Ni dang ai zawngin Mahriati chu a thawveng deuh a, a mumang lam a ṭhat vang te pawh a ni mahna....
.............
Hruaia chuan Canteen nghaktu ṭhutna hnuaiah chuan a bag a dah a. Chutihlai tak chuan Puia a rawn thleng ve nghal a.
" Hmela....min rawn sawm ta che...!"
A thinrim hmel hle a, Hruaia banah chuan a rawn hnek ṭhuai a....
" Kal teh....a ṭhing rim i nam..! " alo ti a. A hlau lo ve hle a ni.
" Ka lo nghak ve em em che a, i tlan liam lai chuah ka hmu che alawm le..."
" Tak tak a na, haw thlak zawk ka tum a, ka lo hmanhmawh deuh a ni ṭhiana..." ati dam thluam a.
An ṭhu dun leh te te a...
" Min hrilh ta che, lo zin ve chak nak alaia..."
" Sawipui tlak awm hek lo che..."
" A nih phei chu a ni phei viau mai..."
" Phei chu iva uar ve...Mahse ṭhiana, ruahtui nghal lai a ni a, nidangah ilo la zin dawn nia aw"
An inngam ve hrim a ni he mite pahnih hi chu..!
Chutia an ṭhut lai chuan Rinfeli alokal thut mai a.An bulah chuan a rawn ṭhu chat a. Hruaia hian a ṭhutna a zir loh avangin alo hmu lawk lova. Lo hmu hmasa se a kal nghal tur hi a nia.
Mahse abulah a rawn ṭhu si. Hruaia chuan duh lo hle mahse kalsan ngal mai a hreh si...
Rinfeli chuan, " Coffee in ang u hmiang...."
An chhang lo ve ve a...
" Coffee no thum" tiin a lam ta a.
Puia, " Lo haw leh vat la aw....i zuk cham lehreng ange aw?"
Rinfeli chu phawk taka Hruaia melh pah chuan,
" Hruai, khaw nge i kal dawn?"
" Ka zuk haw lawk a nge! Chawlhni hmangin..."
" Ka lo kal ve dawn aw....ka lung a leng e mai"
Hruaia chuan chhan dan tur a van tak meuh mai...
" Nidangah le..."
" Aih tunah...."
Puia ngaih dan a ni ta hauh lo..
" Kei pawh ka kal a phal lo, a theih loh a ni mai! Sawi sawi a ngai lo" a ti hmak a. An ngawi ṭhap a.
Mahriati chu Canteen-ah chuan a rawn pen lut ve ta a. A rim aṭang chuan Hruaia chuan a hre thei nghal a! Chhuah a duh takzet ta...
Kan mi ngaihven zawngte hi an rim aṭang pawh hian a hriat theih nghal ṭhin a. Chu chu thil kalphung makna a ni ṭhin reng a ni. Mipui za tam zingah pawh hian an awrawl hi a hriattheih tlat ṭhin! A chhan chu an mahni hi kan thinlunga an tlaknat viau vang a ni.
Hruaia chuan Banga Sana chu a melh a,
" Principal ka hmuh angai a....ka chhoh san mai ang che u" tih leh thawh chu a rual a.
Rinfeli chuan mak a ti hle a, Coffee chu no chanve pawh ala inhman lova, Hruaia chuan alo in zo si...a melh ha ringawt a.
Puia chuan a hriatthiam hmel loh takzet a. Nizan khan an bula ṭhu hi Hruaia inah khan ahmu ngei bawk si! Intih thiam lohna eng emaw tak an nei a nih a ring ringawt a.
A ṭhianpa mizia danglam tak dan a ngaihtuah ta ringawt a.
Mahriati chu Hruaia hnungah chuan a ding reng a.Hruaia thusawi chu a hre pha a. A ṭhiante thil lei kawiin an peng rih bawk si! A lai em em a, Hruaia a rawn ding a, a en miah lo lehnghal a.
Chu mai a ni lo, lehhawi miah lovin a kal liam a. Tin, a hmeichhe chhan em em Rinpuia a hnek phahna nu lah kha a kalsan tel ve daih bawk si. Um chhoh mai chu a duh a. Mahse a ngam chiah bik si lo.
Tunhma boruak ang kha chu la ni se a ngam em em ang. Mahse tunah zawng a ni mawlh si lo.
An hrang dun hlak ta si. A va na duh dawn tehlul em!
......
Pi Liani Sikul kai chu a zang vah mai a. Nilengin a hlim a ni. A chhan lah chu a hre der lova. A fapa duat alo haw a ring deuh a. A ring leh chiah ṭhin lo!
A rawn sawi lawk ziah si a. A zangkhai vah mai chu amah te pawh a awm a nuam lo lek lek zawk a ni. A thinlung a ṭawngṭai reng thung a. Lalpa hian a hnena ṭawngṭai reng mi te hi a thlah thlam ngai si lo.
.........
Hruaia chuan Principal hnenah chuan thil kalphung leh ava practice dan chu tawifel takin a sawi a, an lo dawnsawn ṭhat zia te nen lam chuan a hrilh a. Inbuk hun tur te khelh ṭan hun tur nen lam a hrilh vek a.
Principal chu a bu nghauh nghauh mai a. Pawisa a mamawh leh mamawh loh nen lam a lo zawt a.
Hruaia pawh a lawm hle nghe nghe a ni. Tin, an khua a chhuk zawk a duhthu a sawi chuan Principal chu a khi suk a.
₹1000 chu a pai lui hram a.
Hlim tak chuan Principal room aṭang chuan a chhuak ta a.
A chhuak chiah chu Mahriati chu a hma ah chuan alo ding chat mai le....
Hruaia nen chuan an inmelh ta vang vang a.
..........
Janeti nilengin a ngui thung a. Ti nge U Hruaia hi haw thlak a tum le? A ngai ve viau khan a hria a, a duat bawk si?
Khi zawhna khi nilengin a inzawt a. Chhanna a inpe thei der bawk si lo. Geography class ah phei chuan a ngaihtuahna alo kal ding lutuk a niang. An sir in a biak pawh chu a hre miah lo mai! A dintir ta hial a.
A zak viau na a, Sir in zawhna a zawh chu a hre miau hek lo. A sen ṭawn ṭawn ringawt mai a ni.
Heti taka a suangtuahna a he thingtlang tlangval a lut mai hi a demawm hauh loh... Hmangaihna an sawi ṭhinah hian a cheng ve mek a ni.
........
Mahriati chuan Hruaia mitah chuan a melh a,
" I lakah hian thiam lohna ka neih chuan min ngaidam rawh... Ka phatsan ngai lo che asin Hruai...."
Harsa ti takin a thinlung zawng zawngin a sawi a ni.
Hruaia pawhin chhan mai ngaihna a hre lo...
" Ka note kha i rawn keng em? "
" Aw....."
" Min pe thei tawh a ngem?"
Mahriati chuan a bag chu a hai a, Hruaia note chu a rawn phawrh ta a. Hruaia chuan rang takin a la a...
A phek pawp pawp a, a phone no.duh chu a hmu ta a...
" Min lo hrethiam lawk aw..." tih pahin a tlan thla a, PCO ah chuan a lut ta a....
Mi pawimawh em em mai pakhat a be ta a.
Hruaia chu achho leh a, Mahriati chu alo awm tawh lova!
Sana chu a han en a, hmanhmawh deuhin class-ah chuan tlan luh a tum a. Lecturer alo awm hman si. Luh a dil ta a.
Rinfeli bul chu a ruak a, Mahriati pawh chuan ṭhutna alo kian a. Mahse Puia lam chu a pan phei ta daih thung a....
Puia lah chuan a lo melh tur khui ringawt a.
Puia bulah chuan ngawi reng chuan a va ṭhu a. Rei lo te hnuah chuan note an copy ta a. An zawh hma chuan S.U lam chuan Hruaia chu an rawn ko leh ta tlat mai!
Hruaia pawh chuan mak a ti ve deuh a.Principal bulah khan a sawi fiah hnem tawk tawh viau khan a hria a.
Makti deuh chuan S.U hruaitute chu a zui ta nghal a. A rilru chuan eng nge ni aw thil awmzia le a ti a.
S.U Office an thleng ta a. An ni lam chuan a thawmhnaw hak tur an lo order fel tawh zawk a lo ni. An College logo chuang ngei a ha ang a, an college motto pawh lian tawkin alo chuang kalh a. An ha chhin a, alo inhmeh ngei mai!
Nula tan chuan thlir tham a ni tlat!
Eng eng emaw an sawi zawh hnu chuan Hruaia pawh a chhuak ta a. Class khat ala nei a, a han awm leh zawk a. Mahriati a hmu a, Rinfeli erawh a hmu lo thung a.
Puia pawh a awm chuang lo. Mahriati chuan ava melh leh ṭhin a, Mahriati a rawn hawi apiang chuan alo kun leh daih zel a.
Mahse a changa chang ta reng chuan a va melh fuh ta. Hruaia pawh in a mitmeng chu a hai lo.
Nelawm si, zuamawm hauh si lo, beisei nei si hlan chuang hauh si lo hian a rawn melh a ni.
Hrereng chunga haider hun hi a awm ve a. Chu chu Hruaia awm dan a ni.
Nawmhmel viau si nuam chuang hauh si lo hian a awm a.
Hmangaihna a ni miau hek! Hmangaihna leh indona mualah hi chuan thiang lo leh ramri kham chin reng a awm si lo!
Chu ramri kham chin awm lohna ah chuan tute emaw chu an cheng mek si a.
Class a zo ta! Mahriati te ṭhian ho chu anla ṭhu muang tlat! Kawngka dang aṭangin Hruaia a chhuak daih thung a.
Hruaia pawh hian dik chiah chuan Mahriati hi a ngaihven reng a. A piancham lo thlen huna a thilpek pek tur pawh zan tin a ngaihtuah ṭhin a. Mahse, tunlai tak hian Rinfeli arawn lang ta si!
Chutah Rinfeli pasal nei tur alo ni lehzel si te chu mak a ti telh telh a. Khuanu remruat zawk em ni ni dawn le?
A hriat bik loh le.
Hruaia chu chhuah a tum ta a. Puia chuan thil alo chah mawlh mawlh a.
Chutihlai tak chuan Mahriati te ṭhian ho chu stepah an rawn chhuk ve ta a.
Mahriati'n chutia Hruaia Bag nena tlanchhuak tur a hmuh chuan rang takin a tlan thla a, mawi leh mawi lo, awm leh awm lo thliarna hun a awm tawh lo a ni....
Hruaia Bike bul chu thaw hlawp hlawp chuan a thleng thla ta a.
" Khaw.....nge i kal dawn a?"
" Ka zuk haw lawk a nge!"
" Ti nge a? "
" Ka chhungten min ngai ve tawh ang!"
" Ui ha....cham rei suh aw..!"
" Ka lo tum a nge!"
" Ih .....ih....Hruai, ka hmangaih che a nia aw"
A mittui a hnai em em a, a sawi lai chuan a rilru zawng zawng a sawi tih a hriat theih hle a.
Hruaia rilru pawh a nghing dawt mai.
Mahse a tlan chhuak ta a.
Mahriati chu ruak huaiin a inhria a.
Chu thil chu inchung aṭang chuan rawn thlir rengtu hi a awm ve reng a. Mahse an han hmu si lo!
...........
Rinpuia pawh Canteen a lut ta. Hruaia a zawng ta nghal a, a ruahmanna te tipuitling turin, mahse A mi zawn hian Zawlkhawpui a chhuahsan mek si a. He mi ni kher hi chuan a hmu miah lovang le...
............
Hruaia chu a tlan thla par par a, Serkhan a pel chiah tih chuan a hma a Sumo lo ding chu a hmu a, tlan tlang a tum viau na a, hmanni a a mah hau hreptu kha a hmu leh pek a. A ding ta a..
" Heih....eng ti zia nge?"
" Heih.....ka ni lo, hepa hi....i pangngai tawh em ni? Khawiah nge i kal dawn a?"
" Ka haw dawn!"
" Eng a...? Khawii khua nge i nih a?"
"Kawnpui.....ti nge motor hi a chhia em ni?"
" I hmuh reng khi....a ke an thlak mek khi...hui ha..."
"Sakeihmun thleng ilo chuang thla ve duh em? Khutah ilo nghak mai ang a?"
" I khalh thiam tak tak maw?"
" Aih...."
Hepa hi aw...a phut deuh a ni a ti rilru a. Mahse Driver te chuan lo zu chhuk daih rawh, i duh leh kawnpui ah pawh lo awm la, kan rawn lam thla ang che an ti a.
Lungsi zan lo chuan SENI chu Hruaia hnungah chuan a chuang ve ta a...
" Tlanchak miah suh...min accident pui vaih chuan....! "
" I ngawih reng loh chuan Accident mai thei.!"
An inphur liam ta a!
M.LUSEI PALIAN
EPISODE-35
Muangchang chuan Mahriati chu a insiam a, insiam pah chuan Britney Speare hla, ' From the bottom of my broken heart' tih hla a ngaithla a. A zawm ve rat rat a.
College kal tur chuan a inpeih ta a.Muani a sawm phei anga, chutah Dini an lo nghak leh dawn a ni. Ni dang ai zawngin Mahriati chu a thawveng deuh a, a mumang lam a ṭhat vang te pawh a ni mahna....
.............
Hruaia chuan Canteen nghaktu ṭhutna hnuaiah chuan a bag a dah a. Chutihlai tak chuan Puia a rawn thleng ve nghal a.
" Hmela....min rawn sawm ta che...!"
A thinrim hmel hle a, Hruaia banah chuan a rawn hnek ṭhuai a....
" Kal teh....a ṭhing rim i nam..! " alo ti a. A hlau lo ve hle a ni.
" Ka lo nghak ve em em che a, i tlan liam lai chuah ka hmu che alawm le..."
" Tak tak a na, haw thlak zawk ka tum a, ka lo hmanhmawh deuh a ni ṭhiana..." ati dam thluam a.
An ṭhu dun leh te te a...
" Min hrilh ta che, lo zin ve chak nak alaia..."
" Sawipui tlak awm hek lo che..."
" A nih phei chu a ni phei viau mai..."
" Phei chu iva uar ve...Mahse ṭhiana, ruahtui nghal lai a ni a, nidangah ilo la zin dawn nia aw"
An inngam ve hrim a ni he mite pahnih hi chu..!
Chutia an ṭhut lai chuan Rinfeli alokal thut mai a.An bulah chuan a rawn ṭhu chat a. Hruaia hian a ṭhutna a zir loh avangin alo hmu lawk lova. Lo hmu hmasa se a kal nghal tur hi a nia.
Mahse abulah a rawn ṭhu si. Hruaia chuan duh lo hle mahse kalsan ngal mai a hreh si...
Rinfeli chuan, " Coffee in ang u hmiang...."
An chhang lo ve ve a...
" Coffee no thum" tiin a lam ta a.
Puia, " Lo haw leh vat la aw....i zuk cham lehreng ange aw?"
Rinfeli chu phawk taka Hruaia melh pah chuan,
" Hruai, khaw nge i kal dawn?"
" Ka zuk haw lawk a nge! Chawlhni hmangin..."
" Ka lo kal ve dawn aw....ka lung a leng e mai"
Hruaia chuan chhan dan tur a van tak meuh mai...
" Nidangah le..."
" Aih tunah...."
Puia ngaih dan a ni ta hauh lo..
" Kei pawh ka kal a phal lo, a theih loh a ni mai! Sawi sawi a ngai lo" a ti hmak a. An ngawi ṭhap a.
Mahriati chu Canteen-ah chuan a rawn pen lut ve ta a. A rim aṭang chuan Hruaia chuan a hre thei nghal a! Chhuah a duh takzet ta...
Kan mi ngaihven zawngte hi an rim aṭang pawh hian a hriat theih nghal ṭhin a. Chu chu thil kalphung makna a ni ṭhin reng a ni. Mipui za tam zingah pawh hian an awrawl hi a hriattheih tlat ṭhin! A chhan chu an mahni hi kan thinlunga an tlaknat viau vang a ni.
Hruaia chuan Banga Sana chu a melh a,
" Principal ka hmuh angai a....ka chhoh san mai ang che u" tih leh thawh chu a rual a.
Rinfeli chuan mak a ti hle a, Coffee chu no chanve pawh ala inhman lova, Hruaia chuan alo in zo si...a melh ha ringawt a.
Puia chuan a hriatthiam hmel loh takzet a. Nizan khan an bula ṭhu hi Hruaia inah khan ahmu ngei bawk si! Intih thiam lohna eng emaw tak an nei a nih a ring ringawt a.
A ṭhianpa mizia danglam tak dan a ngaihtuah ta ringawt a.
Mahriati chu Hruaia hnungah chuan a ding reng a.Hruaia thusawi chu a hre pha a. A ṭhiante thil lei kawiin an peng rih bawk si! A lai em em a, Hruaia a rawn ding a, a en miah lo lehnghal a.
Chu mai a ni lo, lehhawi miah lovin a kal liam a. Tin, a hmeichhe chhan em em Rinpuia a hnek phahna nu lah kha a kalsan tel ve daih bawk si. Um chhoh mai chu a duh a. Mahse a ngam chiah bik si lo.
Tunhma boruak ang kha chu la ni se a ngam em em ang. Mahse tunah zawng a ni mawlh si lo.
An hrang dun hlak ta si. A va na duh dawn tehlul em!
......
Pi Liani Sikul kai chu a zang vah mai a. Nilengin a hlim a ni. A chhan lah chu a hre der lova. A fapa duat alo haw a ring deuh a. A ring leh chiah ṭhin lo!
A rawn sawi lawk ziah si a. A zangkhai vah mai chu amah te pawh a awm a nuam lo lek lek zawk a ni. A thinlung a ṭawngṭai reng thung a. Lalpa hian a hnena ṭawngṭai reng mi te hi a thlah thlam ngai si lo.
.........
Hruaia chuan Principal hnenah chuan thil kalphung leh ava practice dan chu tawifel takin a sawi a, an lo dawnsawn ṭhat zia te nen lam chuan a hrilh a. Inbuk hun tur te khelh ṭan hun tur nen lam a hrilh vek a.
Principal chu a bu nghauh nghauh mai a. Pawisa a mamawh leh mamawh loh nen lam a lo zawt a.
Hruaia pawh a lawm hle nghe nghe a ni. Tin, an khua a chhuk zawk a duhthu a sawi chuan Principal chu a khi suk a.
₹1000 chu a pai lui hram a.
Hlim tak chuan Principal room aṭang chuan a chhuak ta a.
A chhuak chiah chu Mahriati chu a hma ah chuan alo ding chat mai le....
Hruaia nen chuan an inmelh ta vang vang a.
..........
Janeti nilengin a ngui thung a. Ti nge U Hruaia hi haw thlak a tum le? A ngai ve viau khan a hria a, a duat bawk si?
Khi zawhna khi nilengin a inzawt a. Chhanna a inpe thei der bawk si lo. Geography class ah phei chuan a ngaihtuahna alo kal ding lutuk a niang. An sir in a biak pawh chu a hre miah lo mai! A dintir ta hial a.
A zak viau na a, Sir in zawhna a zawh chu a hre miau hek lo. A sen ṭawn ṭawn ringawt mai a ni.
Heti taka a suangtuahna a he thingtlang tlangval a lut mai hi a demawm hauh loh... Hmangaihna an sawi ṭhinah hian a cheng ve mek a ni.
........
Mahriati chuan Hruaia mitah chuan a melh a,
" I lakah hian thiam lohna ka neih chuan min ngaidam rawh... Ka phatsan ngai lo che asin Hruai...."
Harsa ti takin a thinlung zawng zawngin a sawi a ni.
Hruaia pawhin chhan mai ngaihna a hre lo...
" Ka note kha i rawn keng em? "
" Aw....."
" Min pe thei tawh a ngem?"
Mahriati chuan a bag chu a hai a, Hruaia note chu a rawn phawrh ta a. Hruaia chuan rang takin a la a...
A phek pawp pawp a, a phone no.duh chu a hmu ta a...
" Min lo hrethiam lawk aw..." tih pahin a tlan thla a, PCO ah chuan a lut ta a....
Mi pawimawh em em mai pakhat a be ta a.
Hruaia chu achho leh a, Mahriati chu alo awm tawh lova!
Sana chu a han en a, hmanhmawh deuhin class-ah chuan tlan luh a tum a. Lecturer alo awm hman si. Luh a dil ta a.
Rinfeli bul chu a ruak a, Mahriati pawh chuan ṭhutna alo kian a. Mahse Puia lam chu a pan phei ta daih thung a....
Puia lah chuan a lo melh tur khui ringawt a.
Puia bulah chuan ngawi reng chuan a va ṭhu a. Rei lo te hnuah chuan note an copy ta a. An zawh hma chuan S.U lam chuan Hruaia chu an rawn ko leh ta tlat mai!
Hruaia pawh chuan mak a ti ve deuh a.Principal bulah khan a sawi fiah hnem tawk tawh viau khan a hria a.
Makti deuh chuan S.U hruaitute chu a zui ta nghal a. A rilru chuan eng nge ni aw thil awmzia le a ti a.
S.U Office an thleng ta a. An ni lam chuan a thawmhnaw hak tur an lo order fel tawh zawk a lo ni. An College logo chuang ngei a ha ang a, an college motto pawh lian tawkin alo chuang kalh a. An ha chhin a, alo inhmeh ngei mai!
Nula tan chuan thlir tham a ni tlat!
Eng eng emaw an sawi zawh hnu chuan Hruaia pawh a chhuak ta a. Class khat ala nei a, a han awm leh zawk a. Mahriati a hmu a, Rinfeli erawh a hmu lo thung a.
Puia pawh a awm chuang lo. Mahriati chuan ava melh leh ṭhin a, Mahriati a rawn hawi apiang chuan alo kun leh daih zel a.
Mahse a changa chang ta reng chuan a va melh fuh ta. Hruaia pawh in a mitmeng chu a hai lo.
Nelawm si, zuamawm hauh si lo, beisei nei si hlan chuang hauh si lo hian a rawn melh a ni.
Hrereng chunga haider hun hi a awm ve a. Chu chu Hruaia awm dan a ni.
Nawmhmel viau si nuam chuang hauh si lo hian a awm a.
Hmangaihna a ni miau hek! Hmangaihna leh indona mualah hi chuan thiang lo leh ramri kham chin reng a awm si lo!
Chu ramri kham chin awm lohna ah chuan tute emaw chu an cheng mek si a.
Class a zo ta! Mahriati te ṭhian ho chu anla ṭhu muang tlat! Kawngka dang aṭangin Hruaia a chhuak daih thung a.
Hruaia pawh hian dik chiah chuan Mahriati hi a ngaihven reng a. A piancham lo thlen huna a thilpek pek tur pawh zan tin a ngaihtuah ṭhin a. Mahse, tunlai tak hian Rinfeli arawn lang ta si!
Chutah Rinfeli pasal nei tur alo ni lehzel si te chu mak a ti telh telh a. Khuanu remruat zawk em ni ni dawn le?
A hriat bik loh le.
Hruaia chu chhuah a tum ta a. Puia chuan thil alo chah mawlh mawlh a.
Chutihlai tak chuan Mahriati te ṭhian ho chu stepah an rawn chhuk ve ta a.
Mahriati'n chutia Hruaia Bag nena tlanchhuak tur a hmuh chuan rang takin a tlan thla a, mawi leh mawi lo, awm leh awm lo thliarna hun a awm tawh lo a ni....
Hruaia Bike bul chu thaw hlawp hlawp chuan a thleng thla ta a.
" Khaw.....nge i kal dawn a?"
" Ka zuk haw lawk a nge!"
" Ti nge a? "
" Ka chhungten min ngai ve tawh ang!"
" Ui ha....cham rei suh aw..!"
" Ka lo tum a nge!"
" Ih .....ih....Hruai, ka hmangaih che a nia aw"
A mittui a hnai em em a, a sawi lai chuan a rilru zawng zawng a sawi tih a hriat theih hle a.
Hruaia rilru pawh a nghing dawt mai.
Mahse a tlan chhuak ta a.
Mahriati chu ruak huaiin a inhria a.
Chu thil chu inchung aṭang chuan rawn thlir rengtu hi a awm ve reng a. Mahse an han hmu si lo!
...........
Rinpuia pawh Canteen a lut ta. Hruaia a zawng ta nghal a, a ruahmanna te tipuitling turin, mahse A mi zawn hian Zawlkhawpui a chhuahsan mek si a. He mi ni kher hi chuan a hmu miah lovang le...
............
Hruaia chu a tlan thla par par a, Serkhan a pel chiah tih chuan a hma a Sumo lo ding chu a hmu a, tlan tlang a tum viau na a, hmanni a a mah hau hreptu kha a hmu leh pek a. A ding ta a..
" Heih....eng ti zia nge?"
" Heih.....ka ni lo, hepa hi....i pangngai tawh em ni? Khawiah nge i kal dawn a?"
" Ka haw dawn!"
" Eng a...? Khawii khua nge i nih a?"
"Kawnpui.....ti nge motor hi a chhia em ni?"
" I hmuh reng khi....a ke an thlak mek khi...hui ha..."
"Sakeihmun thleng ilo chuang thla ve duh em? Khutah ilo nghak mai ang a?"
" I khalh thiam tak tak maw?"
" Aih...."
Hepa hi aw...a phut deuh a ni a ti rilru a. Mahse Driver te chuan lo zu chhuk daih rawh, i duh leh kawnpui ah pawh lo awm la, kan rawn lam thla ang che an ti a.
Lungsi zan lo chuan SENI chu Hruaia hnungah chuan a chuang ve ta a...
" Tlanchak miah suh...min accident pui vaih chuan....! "
" I ngawih reng loh chuan Accident mai thei.!"
An inphur liam ta a!
Comments
Post a Comment