31st JULY (UNCHAINED MELODY) EPISODE-34
31st JULY( UNCHAINED MELODY)
M.LUSEI PALIAN
EPISODE-34
Zan a rei tial tial a, Mahriati a harh tial tial thung a, mitthla alang hlimthla chiah a chang a ni. Mut theih loh hi chuam ngaihtuahna hi kan kawm tlangpui a, A ni pawh hian a suangtuahna chu achang leh a nuihpui a, achang leh a mittui a ko chhuak ṭep thung a.
Khuan hmasa thleng chuan a meng a, a hnu lamah chuan a chhing ve ta hram a. Tawnmang nuam tak a mang ta a....
........
Hruaia let leh chu a ngaihtuahna akal thui ngei mai! Rinfeli kha chen a chin a hriat loh an intawng leh a, chu pawh a rilru nat lai tak lehnghal in a ni.
Mahriati tan eng kim a huam a, a huam mai pawh a ni lo, atakin a ti zel a, mahse Mahriati khan midang an lo lan ve leh khan a hrechang ta si lo! Kha tak kha na hi a ti em em a.
A tan engkim a huam a, mahse a duhlai chuan nghilh zai a rel mai kha a thiam thei lo a ni.
In a thlen meuh chuan a suangtuahna chu a phir ṭeuh tawh a. Mahse pasal nei tur inkarah meuh chuan a tlazep kher lovang le.....
Rinfeli a hmuh dan a dang ta daih a. A hmel phei chu hmuh leh hi a chak miah lo. A chak mawlh lo deuh a ni.
Kha chen an inhmu tawh lova, a lehlam zawng tak chuan awm ve viau chuan a hre tho. An intawng leh ang tih hi rin thiam a har em a sin.
Puia lah chu alo la hnar tlek tlek mai a, Hruaia hian khum pahnih a nei a, pakhatah hian a riak ve fo ṭhin reng a ni.
Mu tur chuan a inbuatsaih a, a mut chu a chhuak mawlh lo a ni. A rilru chu a kal dik thei dawn ngang lo hian a hria a. A tuk Zirtawpni a ni a, a karleh thawhlehni ah chuan a inkhel ṭan tawh dawn a. An khua a, chawlhni zuk hman thlak lawk chu a tum ta zawk a.
Ruahtui nghal lai mah ni se, an ram chhung a chet tlat a chakzawk rih a ni. Vangvat leh thosi tam hunlai mah ni se, mipa a ni a, a pa Ser huana zuk puih te a duh hrim hrim zawk a ni.
Tlan bosan theih loh hmangaihna hian a zui tlat angem le? A sawi thei loh le!
Zan rei lama inngaihtuah zawng ngaihtuahna a kal ding duh em a ni.
Mahse a taksa alo chau ve deuh bawk a, a muhil chho ve ta a.....
..........
Hruaia makna em em chu eng ang pawhin mu rei mahse zing kar hma takah a tho leh thei ṭhin hi a ni. A taksa sawizawi turin hma takah in chu a chhuahsan a, Chaltlang foot path chho ah chuan a tlan chho ta a.
A taksa sawizawi chu a ṭhulh thiang rih lo bur a ni. Puia chu a tlansan mai a...
Mizoram khawpui meuhah hi chuan mahni tan a ṭha tih hria in, taksa sawizawi an tam hle a, an inpel zut zut mai a ni.
Zing boruak hi a ṭha ve hrim hrim a, zing boruak thiang kara hawi vel hi taksa pawh hian a ṭhat pui a ni.
Step ah leh kawngpui ah a tlan chho nasa bawk a, Chaltlang footpath chho ah chuan a zuang chho leh zauh zauh a. A taksa a inphut mawi hle a, tin a hrisel a, mahni inrintawkna a nei sang hle a. Mahse a tilang em em lo. Chhungril huaina a ni ber ang chu....
A rilru ah thildang a lut tlat lo. Hmana Mahriati nena ding chunga thil an thlirna lai chu a tlan pel thei bik miah lo, a ding dat a....
Rei lo te a chawlh hnu chuan a tlan tlang ta a. Bawngkawna va tlan kual a, Ramhlun lama let leh a tum a ni.
.........
Pi Liani zing tho chuan a fapa lo haw dawn tlat a hriatna anei a, a sawi chhuak lem lo na a, a hlim veng veng thung a.
Zing tin a thawhchhuah hma hian a fate tan an hming kima lamin a ṭawngṭai sak ziah ṭhin a ni. Heti taka a ṭawngṭaina hi Engkimtitheia chuan a ngaithla liam hauh lo!
A fate pawh an hrisel a, chhungkaw malsawmna an dawng bawk a ni.
Mahse an thawh hma poh leh inleng an nei hma a, an thingpui a hek ṭhin a. Thingpui no sil reng mai hi Nana-i lah chuan a ning em em mai lehnghal a. Mahse a pa hian phunnawi hi a phal hauh lova. Ngawi reng hian a sil ta ṭhin a. Ama tawk hian a tau leh nghawng nghawng ṭhin a ni.
Pu Lala pa ṭha tih takah beltu hi an ngah khawp a, makpa phei chu a ngah takzet tawh a. Man eitur hi an nei deuh reng mai a, inpuia rawn hmangtu lah an tam, a nihna takah chuan an hre seng meuh tawh lo zawk a ni.
Pi Liani chuan, " U Lal....i han bazar dawn em ni? Bawng ir no te ka chak deuh ka ti....tlai lamah hian mikhual kan neih ka ring tlat a ni.."
" Bawihi....i nu hi, thil eichak a neih chuan chhuanlam hi a zawng chuk zel a, ka ei chak tih ve mai awm a nia ti raw?" tih pah chuan a insiam a.
Mahse Pu Lala hian a nupuiin hetia a tih tawh hi chuan mikhual an nei ziah a nih loh chuan an fate emaw an lo haw ṭhin tih a hai lo!
Bazar tur chuan a chhuak ta a. Tin, khawtlang hruaitu a ni a, inah hian a awm tlem ve hrim hrim bawk a ni.
.......
Hruaia a let leh meuh chuan ni a tlangsang ṭan a, mahse Aizawl tlak lama awm anni a, ni pawh an veng lamah chuan a rawn ti ve suar suar chauh a ni.
In a thlen thlak chuan Janeti'n tual a lo phiat a, a pa chu kawngka bulah a lo ṭhu a. Hruaia chu alo hui a,
" Bawihi....hei I U Hruaia hi thingpui te kha han siam ve la.."a lo ti a.
Hruaia pawh chuan Janeti pa bul lam chu a pan phei a, ṭhuthleng hniam a inlak a, a inhru mawlh mawlh a.....
" Eng tik aṭangin nge in inhnek ṭan dawn a?"
" Karleh thawhleh ni, thawhṭanah kan inbuk ang"
" Tun ṭum chu a hmunah rawn ṭawiawm ngei che ka tum ang, Final i thlen leh phawt chuan ...." a ti teh tlat a. Hruaia hian final a thlen ngei aring tlat a ni!
"E....en tlak ka ni lovang..." tih pahin a nui a.
Janeti chuan thingpui a rawn pe thuai a, Hruaia chuan Janeti melh miah lo chuan thingpui chu ala a. Janeti run tawk a tling ngei mai.
Mahse Hruaia rilru ah chuan hmeichhia tumah hi rilru pek tak tak a tum miah lo. A na tawrh te kha a hrereng a. Tawrhnawn a duh tawh lo a ni. Hmangaihna avanga thinlung hliam hrehawm zia a hrethiam chho a, hringnun zirlai thar a zir mek si a!
" Taka....vawiin ka class bang chu Kan khaw lamah haw thlak zawk ka tum a, chawlhni ka zuk hmang a nge..." a ti a.
Chu thu lo hrepha Janeti chu a ṭhawng hle a. Mahse tihlan loh hram a tum thung a.
" E....zuk chhuk tak teh...mahse fimkhur la. I nu leh pa pawhin an lo ngai ang che....i haw khat viau tawh alawm maw le" a ti a.
Janeti pa chuan a rilru takin he tlangval hi mak a ti ṭhin! A haw dawn te hian a hrilh thlap ṭhin a ni. A rawn chhoh lahin kut ruakin a rawn haw ngai lo thung a.
Hruaia pawh muangchang chuan a chhuk a, eirawngbawl zai a rel a. Puia pawh alo awm tawh lova! A lo haw ve tawh a niang...
Tikhan Zanah lehkha a zir a, an mengrei deuh a, Hruaia inah a riak lehnghal a ni mai! A tih dan ve a nia.
......
Rinpuia chuan a hma zana a thurualpui turte a biak lawk chu a hre ran a, Hruaia chungah phuba lak a tum a ni. A mah alang ve dawn miah lova, a hmai an khuh hunah chiah a rawn che ve dawn chauh a ni.
Tin, a thurualpui turte hi hlawh nei vek tur an ni. A duhthusam ang ngeiin an sawp hrep tur a ni ringawt!
Rinpuia chuan a ruahman dan a sawi chu mu chungchuan a ngaihtuah nawn a, ṭha a ti hle a. Zanin aṭang chuan Hruaia hliam neiin a awm anga, a ni tui takin a mu ve thung tawh ang.
Sana a en a, Dar 7:30 AM a lo ni tawh a. Thawhzai a rel ve ta a...
A ruahman dan chuan tlai dar 2:30 velah College ah ava kal anga, Hruaia ngaihdam a dil anga, chuan an ina leng turin a sawm pah anga, kawng reh laiah a pensan anga, chu chu a thurualpui ten lo changin alo sawp hrep mai dawn a ni. A chet ṭhat theih loh hunah A rawn lang ve dawn chauh a ni.
.........
Hruaia chu a insiam sa a, Dar 1:00 thleng chauh class a nei a, a bag chu Canteenah a dah rih anga, banah alam leh mai dawn a ni. An Canteen nghaktu te nen hian an inhre ṭha a. A haw dawn te hian a hrilh a, Anni lahin Hmarcha leh Anthur rep ilo vel an lo chah ve bawk ṭhin a.
" I chhuk leh ṭep tawh em?" tih hi an zawt reng zawk a ni.
Hruaia chuan a inchhung chu uluk deuhin a tifai a. Fur lai a ni a, thil a hmuar hma tih a hria a. Uluk takin engkim a dahfel thlap a.
Tukṭhuan eikham chuan a insiam zo der tawh a, tukverhte a check leh thlap a. A inkalh fel ta a, a chhuak chho a, chahbi chu Janeti te Inah chuan a khai thlap a.
College thlen hma angai a, S.U hnenah a inpeih tawhthu leh an inbuk hun turte a hrilh dawn a ni.
Muangchang lutuk lo chuan a chhuak chho ta a!
........
Mahriati pawh tawnmang nuam tak a mang a, a tawnmang lama cham reng mai kha a duh a, khumah chuan an ngaihtuah leh a....
A tawnmangah chuan Hruaia nen tlang nuam em em maiah an lo kal a, hmanlai hi alo ni a. Hruaia chu Pasalṭha alo ni a. A bulah hlim em emin alo awm thung a.
Mahriati chuan zantiang kha kohkir a chak ngei mai, chu pawh kumsang atan ngei lehnghal....
Mahse chung khuanu remruat dal zo reng an awm si lo!
Khuanu remruat tidanglam tura khuanu ruat a ni thei angem le?
M.LUSEI PALIAN
EPISODE-34
Zan a rei tial tial a, Mahriati a harh tial tial thung a, mitthla alang hlimthla chiah a chang a ni. Mut theih loh hi chuam ngaihtuahna hi kan kawm tlangpui a, A ni pawh hian a suangtuahna chu achang leh a nuihpui a, achang leh a mittui a ko chhuak ṭep thung a.
Khuan hmasa thleng chuan a meng a, a hnu lamah chuan a chhing ve ta hram a. Tawnmang nuam tak a mang ta a....
........
Hruaia let leh chu a ngaihtuahna akal thui ngei mai! Rinfeli kha chen a chin a hriat loh an intawng leh a, chu pawh a rilru nat lai tak lehnghal in a ni.
Mahriati tan eng kim a huam a, a huam mai pawh a ni lo, atakin a ti zel a, mahse Mahriati khan midang an lo lan ve leh khan a hrechang ta si lo! Kha tak kha na hi a ti em em a.
A tan engkim a huam a, mahse a duhlai chuan nghilh zai a rel mai kha a thiam thei lo a ni.
In a thlen meuh chuan a suangtuahna chu a phir ṭeuh tawh a. Mahse pasal nei tur inkarah meuh chuan a tlazep kher lovang le.....
Rinfeli a hmuh dan a dang ta daih a. A hmel phei chu hmuh leh hi a chak miah lo. A chak mawlh lo deuh a ni.
Kha chen an inhmu tawh lova, a lehlam zawng tak chuan awm ve viau chuan a hre tho. An intawng leh ang tih hi rin thiam a har em a sin.
Puia lah chu alo la hnar tlek tlek mai a, Hruaia hian khum pahnih a nei a, pakhatah hian a riak ve fo ṭhin reng a ni.
Mu tur chuan a inbuatsaih a, a mut chu a chhuak mawlh lo a ni. A rilru chu a kal dik thei dawn ngang lo hian a hria a. A tuk Zirtawpni a ni a, a karleh thawhlehni ah chuan a inkhel ṭan tawh dawn a. An khua a, chawlhni zuk hman thlak lawk chu a tum ta zawk a.
Ruahtui nghal lai mah ni se, an ram chhung a chet tlat a chakzawk rih a ni. Vangvat leh thosi tam hunlai mah ni se, mipa a ni a, a pa Ser huana zuk puih te a duh hrim hrim zawk a ni.
Tlan bosan theih loh hmangaihna hian a zui tlat angem le? A sawi thei loh le!
Zan rei lama inngaihtuah zawng ngaihtuahna a kal ding duh em a ni.
Mahse a taksa alo chau ve deuh bawk a, a muhil chho ve ta a.....
..........
Hruaia makna em em chu eng ang pawhin mu rei mahse zing kar hma takah a tho leh thei ṭhin hi a ni. A taksa sawizawi turin hma takah in chu a chhuahsan a, Chaltlang foot path chho ah chuan a tlan chho ta a.
A taksa sawizawi chu a ṭhulh thiang rih lo bur a ni. Puia chu a tlansan mai a...
Mizoram khawpui meuhah hi chuan mahni tan a ṭha tih hria in, taksa sawizawi an tam hle a, an inpel zut zut mai a ni.
Zing boruak hi a ṭha ve hrim hrim a, zing boruak thiang kara hawi vel hi taksa pawh hian a ṭhat pui a ni.
Step ah leh kawngpui ah a tlan chho nasa bawk a, Chaltlang footpath chho ah chuan a zuang chho leh zauh zauh a. A taksa a inphut mawi hle a, tin a hrisel a, mahni inrintawkna a nei sang hle a. Mahse a tilang em em lo. Chhungril huaina a ni ber ang chu....
A rilru ah thildang a lut tlat lo. Hmana Mahriati nena ding chunga thil an thlirna lai chu a tlan pel thei bik miah lo, a ding dat a....
Rei lo te a chawlh hnu chuan a tlan tlang ta a. Bawngkawna va tlan kual a, Ramhlun lama let leh a tum a ni.
.........
Pi Liani zing tho chuan a fapa lo haw dawn tlat a hriatna anei a, a sawi chhuak lem lo na a, a hlim veng veng thung a.
Zing tin a thawhchhuah hma hian a fate tan an hming kima lamin a ṭawngṭai sak ziah ṭhin a ni. Heti taka a ṭawngṭaina hi Engkimtitheia chuan a ngaithla liam hauh lo!
A fate pawh an hrisel a, chhungkaw malsawmna an dawng bawk a ni.
Mahse an thawh hma poh leh inleng an nei hma a, an thingpui a hek ṭhin a. Thingpui no sil reng mai hi Nana-i lah chuan a ning em em mai lehnghal a. Mahse a pa hian phunnawi hi a phal hauh lova. Ngawi reng hian a sil ta ṭhin a. Ama tawk hian a tau leh nghawng nghawng ṭhin a ni.
Pu Lala pa ṭha tih takah beltu hi an ngah khawp a, makpa phei chu a ngah takzet tawh a. Man eitur hi an nei deuh reng mai a, inpuia rawn hmangtu lah an tam, a nihna takah chuan an hre seng meuh tawh lo zawk a ni.
Pi Liani chuan, " U Lal....i han bazar dawn em ni? Bawng ir no te ka chak deuh ka ti....tlai lamah hian mikhual kan neih ka ring tlat a ni.."
" Bawihi....i nu hi, thil eichak a neih chuan chhuanlam hi a zawng chuk zel a, ka ei chak tih ve mai awm a nia ti raw?" tih pah chuan a insiam a.
Mahse Pu Lala hian a nupuiin hetia a tih tawh hi chuan mikhual an nei ziah a nih loh chuan an fate emaw an lo haw ṭhin tih a hai lo!
Bazar tur chuan a chhuak ta a. Tin, khawtlang hruaitu a ni a, inah hian a awm tlem ve hrim hrim bawk a ni.
.......
Hruaia a let leh meuh chuan ni a tlangsang ṭan a, mahse Aizawl tlak lama awm anni a, ni pawh an veng lamah chuan a rawn ti ve suar suar chauh a ni.
In a thlen thlak chuan Janeti'n tual a lo phiat a, a pa chu kawngka bulah a lo ṭhu a. Hruaia chu alo hui a,
" Bawihi....hei I U Hruaia hi thingpui te kha han siam ve la.."a lo ti a.
Hruaia pawh chuan Janeti pa bul lam chu a pan phei a, ṭhuthleng hniam a inlak a, a inhru mawlh mawlh a.....
" Eng tik aṭangin nge in inhnek ṭan dawn a?"
" Karleh thawhleh ni, thawhṭanah kan inbuk ang"
" Tun ṭum chu a hmunah rawn ṭawiawm ngei che ka tum ang, Final i thlen leh phawt chuan ...." a ti teh tlat a. Hruaia hian final a thlen ngei aring tlat a ni!
"E....en tlak ka ni lovang..." tih pahin a nui a.
Janeti chuan thingpui a rawn pe thuai a, Hruaia chuan Janeti melh miah lo chuan thingpui chu ala a. Janeti run tawk a tling ngei mai.
Mahse Hruaia rilru ah chuan hmeichhia tumah hi rilru pek tak tak a tum miah lo. A na tawrh te kha a hrereng a. Tawrhnawn a duh tawh lo a ni. Hmangaihna avanga thinlung hliam hrehawm zia a hrethiam chho a, hringnun zirlai thar a zir mek si a!
" Taka....vawiin ka class bang chu Kan khaw lamah haw thlak zawk ka tum a, chawlhni ka zuk hmang a nge..." a ti a.
Chu thu lo hrepha Janeti chu a ṭhawng hle a. Mahse tihlan loh hram a tum thung a.
" E....zuk chhuk tak teh...mahse fimkhur la. I nu leh pa pawhin an lo ngai ang che....i haw khat viau tawh alawm maw le" a ti a.
Janeti pa chuan a rilru takin he tlangval hi mak a ti ṭhin! A haw dawn te hian a hrilh thlap ṭhin a ni. A rawn chhoh lahin kut ruakin a rawn haw ngai lo thung a.
Hruaia pawh muangchang chuan a chhuk a, eirawngbawl zai a rel a. Puia pawh alo awm tawh lova! A lo haw ve tawh a niang...
Tikhan Zanah lehkha a zir a, an mengrei deuh a, Hruaia inah a riak lehnghal a ni mai! A tih dan ve a nia.
......
Rinpuia chuan a hma zana a thurualpui turte a biak lawk chu a hre ran a, Hruaia chungah phuba lak a tum a ni. A mah alang ve dawn miah lova, a hmai an khuh hunah chiah a rawn che ve dawn chauh a ni.
Tin, a thurualpui turte hi hlawh nei vek tur an ni. A duhthusam ang ngeiin an sawp hrep tur a ni ringawt!
Rinpuia chuan a ruahman dan a sawi chu mu chungchuan a ngaihtuah nawn a, ṭha a ti hle a. Zanin aṭang chuan Hruaia hliam neiin a awm anga, a ni tui takin a mu ve thung tawh ang.
Sana a en a, Dar 7:30 AM a lo ni tawh a. Thawhzai a rel ve ta a...
A ruahman dan chuan tlai dar 2:30 velah College ah ava kal anga, Hruaia ngaihdam a dil anga, chuan an ina leng turin a sawm pah anga, kawng reh laiah a pensan anga, chu chu a thurualpui ten lo changin alo sawp hrep mai dawn a ni. A chet ṭhat theih loh hunah A rawn lang ve dawn chauh a ni.
.........
Hruaia chu a insiam sa a, Dar 1:00 thleng chauh class a nei a, a bag chu Canteenah a dah rih anga, banah alam leh mai dawn a ni. An Canteen nghaktu te nen hian an inhre ṭha a. A haw dawn te hian a hrilh a, Anni lahin Hmarcha leh Anthur rep ilo vel an lo chah ve bawk ṭhin a.
" I chhuk leh ṭep tawh em?" tih hi an zawt reng zawk a ni.
Hruaia chuan a inchhung chu uluk deuhin a tifai a. Fur lai a ni a, thil a hmuar hma tih a hria a. Uluk takin engkim a dahfel thlap a.
Tukṭhuan eikham chuan a insiam zo der tawh a, tukverhte a check leh thlap a. A inkalh fel ta a, a chhuak chho a, chahbi chu Janeti te Inah chuan a khai thlap a.
College thlen hma angai a, S.U hnenah a inpeih tawhthu leh an inbuk hun turte a hrilh dawn a ni.
Muangchang lutuk lo chuan a chhuak chho ta a!
........
Mahriati pawh tawnmang nuam tak a mang a, a tawnmang lama cham reng mai kha a duh a, khumah chuan an ngaihtuah leh a....
A tawnmangah chuan Hruaia nen tlang nuam em em maiah an lo kal a, hmanlai hi alo ni a. Hruaia chu Pasalṭha alo ni a. A bulah hlim em emin alo awm thung a.
Mahriati chuan zantiang kha kohkir a chak ngei mai, chu pawh kumsang atan ngei lehnghal....
Mahse chung khuanu remruat dal zo reng an awm si lo!
Khuanu remruat tidanglam tura khuanu ruat a ni thei angem le?
Comments
Post a Comment