31st JULY (UNCHAINED MELODY) EPISODE-29
31st JULY( UNCHAINED MELODY)
M.LUSEI PALIAN
EPISODE-29
( Thinlung hliam mal ngawih ngawih a awm te pawh hi a ṭhatna a awm ve tho, mi nun a hriatthiam theih a. Mi an laka beisei tur awm miah lo te kan dawnsawn danah hian kan nun chu alang fiah chiang ṭhin alo ni.
I tluk chuan i thawh leh a ngai a, i hmelma leh nangmah diriamtu che kha nuihrei tir suh...
A hma aiin ṭan ilak a ngai a ni.
I hun kal tawh te avangin intilungngai lo la. Hmalam pan la, huaisenna nei ang che)
Hruaia kal liam tur chuan Mahriati a melh chho leh a! Mahriati chu stepah chuan alo ṭhu hnawk a, a mittui alo tla a. Hruaia'n Mahriati mittui tla a hmuh meuh chuan hrehawm a ti hle a.
" Rinfel....khawngaihin Canteen kawtah min lo nghak teh..." a ti a.
Rinfeli chuan, " Ti nge ?" A ti ha a.Mahse Mahriati chu a han hmu ve chuang lova.....
Thuawih tak chuan stepah chuan a chhuk ve mai a.
Hruaia chu Mahriati ṭhutnaah chuan a let chho leh ta a. Mahriati chuan alo hmu ngei a.
Hmana Hruaia, ama Hruaia ngei kha la niin a hria a ni.
Step a a ṭhu chu a kai tho a,
" Mahriat, tho rawh...a zahthlak a nia...! "
" Hruai...eng tin nge i awm tak hi?"
" Mahriat, chu chu nangmah in zawt zawk la,.....?"
Mahriati mittui tla chu a hmu reng a, a kut chuan a hrukfai sak a. A hanky kha Rinpuia hnar a thi chhuak hruknan alo pe tawh si a.
" Hruai, min hrechang tawh lo ti raw?"
" Chhanna i nei sa vek a, ti nge min zawh vak a....
I bialpa khi han pui la, khawngaihin min hnaih tawh lo se a hrisel sawt ang.... chu chu i lo hrilh dawn nia...."
Mahriati chu a kuai ding a, Thil dang a sawi leh hma in Hruaia chuan a kalsan ta nghal a....
I bialpa khi.... a va na tak em! Rinpuia hi a bialpa a ni lo, an inngaina tih erawh a zep lo thung a.
Hruaia thinlung tur a dawn a, a hrethiam em em lawi si! Tui lairap tak meuh meuh in a awm a ni. A ma tihsual a ni tih a hria a, siam ṭhat a tumna chuan buaina ah a hruai lut ta a ni.Pawi a ti takzet a ni.
Rinpuia ṭawng dan kha a dawngsawngtu tan chuan a lawmawm tehchiam loh em bawk a ni. Khati kher a a ṭawng kha, Mahriati pawhin thiam a ti bik chiah lo!
Muangchang chuan a chho ta a......
.......
Rei lote hnuah Rinfeli bulah Hruaia a rawn thleng thla a.
" Eng nge i han tih leh a?"
" Mi chalah chil ka hnawm a" a sawi zawh pah chuan a t-shirt chuan a hmai a hru a.
He thil kher hi Rinfeli ngei chi a ni. Ching tawh lo turin hman aṭanga a hrilh ṭhin a ni. Mahse Hruaia hian inhauh tir hi a nuam a ti ve hrim hrim a. A rin ang ngei chuan...
" Kha hei hian hru mai ta che...."
" Nge a tirah min pek loh....?"
" I mamawh tih ka hre lo atin ni?"
" Ka lawm e"
Coffee intur chuan an kal dun ta a..
.........
Principal roomah chuan an buai hle mai! Mahse Hruaia ngaihdam dilsakna kha a zahawm an ti si! Kar khat tal suspend tur chuan an ti ta a.
Lalrinpuia chu kar khat chawlh an pe a, a lo zawm leh ve leh ngaihdam dilna leh a nun a sim thu lehkha in a thehlut dawn a ni.
Rinpuia rilru a na ngang mai a, phuba lak dan tur a rilru in a dap ve ruai a, thungrulh ve hram chu a tum a ni. Tin, a zak em em a,new comer nih nak laia, mahni tawka phai lam return a intih ve tehlul nen...hetiang boruak hi a tawng ta si a.
..........
Janeti chu an zirtirtu ten paper lei turin an tir chhuak a. Anni lah chuan an chak nasa mai a, Chanmari kawnah an ding a.
Chutih lai tak chuan A U Hruaia chu a rawn phei a, nula pakhat hian a banah a chelh a, an chhe lo dun hle mai!
Mahse Janeti chu ṭek den zawk ang mai a ni. Mak a ti, tu nge he nu hi....
An ṭawng an hre pha lo na a, eng eng emaw chu an rawn sawi phei chiang mai! Hruaia chuan Janeti chu a hmu lova....
Hruaia leh Chu nula chuan Coffee chu an indun ta a. An la ti ti tui dun ngang mai...
Rilru na fe a thlirtu an awm tihreng Hruaia chuan a hre lo.
An inzawh hnu chuan college lamah chuan an phei ta a...
....
Mahriati te ṭhian ho chu Principal room kawtah an ṭhu a. Rinpuia pawh a rawn chhuak ta a.
A hmel chu a ngui vek a, tumah chuan an lo be lem lova...Mahriati bulah a rawn ṭhu a.
" Kar khat chhung suspend ka ni " a ti a, a hnar chu Hruaia hanky chuan ala tuam a.
" Ti nge...a hming i hre reng a, HMELA i tih kher a? College student te hian an ṭan asin...." Muani chuan a ti a.
"A thinrim ka ring bik lova...!"
" Tu nge thinrim lovang, in pawh takin kan inkawm ṭhin a, ilo lang a, kan kawm ngai ta lova....chuvang ringawt pawh chuan thinrimna tham a tling a. Tin, i chibai duh miah lo bawk a, lehlam i hawisan hmak bawk..." Dini chuan a ti a.
Mahriati chu a ngawi reng a.
" Phuba ka la la ve khawp ang" Rinpuia chuan a ti ve tlat mai.
" I hneh chuang lovang", mahriati chuan alo ti a.
" Tunah chuan ka va haw phawt a nge...class ah ka ṭhu thei rih si lova..." Rinpuia chuan a ti a, a ding a. A kal ta a, tumah chuan an be lo. An ngawi ṭhap a. Rinpuia chu a kal
liam ta a...
Rinpuia kal thla chu thinrimna hlirin akhat a. Mi hmuh laiin hnek thal tawp a ni. A tho mai thei lo lehnghal a. Mahriati awm lo phei se chuan a dawng nawn ngei ngei ang. Ruahmanna siam a tum ran a.
Ala khawih ve dawn khawp mai!
...
Hruaia leh Rinfeli chu class ah an ṭhu a. An ni pawh an boruak tawn avang chuan nuam an ti bik lo hle a....
Rinfeli phei chuan nuam a ti lo lehzual a ni. A college zawm ni ah khatiang boruak kha a tawng a.
Hman aṭang tawhin Hruaia hi a awm phawt chuan ana ngai lo.
Hruaia te huan a, kum eng emaw zat kal ta a, Serthlum an lawh ṭum te kha a hrechhuak a.
Chumi ṭum chuan Feli chuan Vangvat a kai a, a theihtawp a ringin a au a, rei lo teah Hruaia a rawn thleng a. Feli lah chu a hnute karah tak a la ni zui.....
" La rawh....Hruai...la vat rawh.....mahse min en suh..." a ti lawi si...
" La ta che....hei a vak ania.....heih....ka hnute i khawih.....hei..."
Hruaia pawh a buai ngang mai.....
A tawpah chuan a la thei ta a, Hruaia chuan a hrual hrep a. Serthlum hling chuan a tawtawlik a.
" Ti hian vangvat chu an zak ber" Hruaia'n a ti a.
Rinfeli chuan a awih lo ngang mai.
" Khatiang khan zah an hre lovang....."
" Hria ang....vangvat tlangval a ni ngei ngei ang...
Mahse hlau tawh miah suh...." a ti thung a.
Chung hunlai chu Rinfeli chuan a ngaihtuah chhuak a, Hruaia a en a, a nui suk a.
Hruaia chuan eng nge a ngaihtuah a hre lo na a, alo nuih let sak a.
Chutih lai tak chuan Mahriati te ṭhian ho pawh an rawn lut a, Hruaia te ṭhutna hnungah chuan an rawn ṭhu ve ta a. Thutna awl awm tawh hek lo!
Mahriati chu a hawi chhuak lo hrim hrim a. An hun tawn chuan a zir lo em a ni. Hruaia chuan a lehhawi a, Mahriati hmel chu a en a, a ṭi dek mai a. A khawngaih hle a.
Khawdur pawh a awm si lova, ṭek ring em em in a rawn tla thut a.
Rinfeli chuan Hruaia a kuah nghal a, Mahriati chu a au ṭhawt a. Hruaia chuan a khawngaih ngei mai....
Mahse va hnem chu a rem rih ngang si lova! Chu lovah Hruaia rilru hi ana ve tlat a ni.
Tlangval pakhat alo lang a, an ṭhian ho chuan an thlauh thla ṭhak si a.
Class a zo ta a, ruah a sur duh ngang mai. Ruah hian sur loh hi chu tih vak theih a nei si lo.
College kawtah chuan an vei siau siau a, Hruaia chuan Rinfeli chu Library lamah a hruai chho ta thung a. An college fan kual pui hi a chak ve hrim hrim bawk a.
Mizo Novel leh Drama vel awmna ah a kal pui ta a...
Hruaia chuan ' Nunna kawng ṭhuampuiah ' tih lehkhabu Zikpuii pa ziah chu ala chat a.
Inchungah an chho ta a. A changtupa leh a changtunu insuk dun laivel chu Rinfeli a chhiar tir a. Rinfeli chuan a bih vang vang a.
" Hmmmmnnn" a ti ringawt a.
Hruaia chuan a rawn phek phei leh ta char char a, Sailo nula inchhirna lai tak chu a chhiar tir leh ngei a.
Rinfeli chuan Hruaia chu a melh vawng vawng a. A lehkhabu chhiar tir lai chat chat dan aṭang hian he lehkhabu hi a bel hle a ni tih a hre thei a.
" Zirlaibu ni se i thiam ngawt ang a"
" Thiam lovang, a har duh lutuk asin"
" I thiam hrim hrim ang"
" E....an har zia chu....Sialton official ah te khan maw....A ni chuan lawn lova arsi lak a tum a, kei chuan leilawn awm lo ka zawng a ni...tih kha a ni a, a Hauhuk kaia hrilhfiah tur a ni. Har tak a ni."
" Han sawi ve hrim hrim teh...eng tin nge i chhan, chuan ka chhan dan ka hrilh ve ang che.." Rinfeli chuan a ti ta tlat a.
" I tihtlat chuan kan sawi ve hrim hrim ange aw... in nuih awih miah loh aw...
Dorothy kha a hmangaih em em a, mahse hnam hran an ni si a, an tan chuan inneih a run hmun lendun kha a rem thei ngang si lo a ni, chuvang chuan Dorothy khan lawn miah lova arsi lak a tum tihna a ni. Chutih rual chuan a changtupa erawh chuan leilawn awmlo a zawn dan chu rah kai theih loh leh lawn theih lohna a lawn a tum vang a ni... khitiang khian ka chhang a, mahse ka lo chhang dik tawk lo tih ka hre leh si....ka lo chhang kawkalh deuh a.."
Hruaia chuan a ti a.
Rinfeli chu a ngawita vang vang a. "Ka chhan ve dan chu maw...hmangaihna inrem thei lo, inhmangaih si.... hnam hrang nih vanga harsatna thlen dan...tiin ka chhang hmak mai..." a ti a. A nui var var a, ava ṭha reuh tak em!
Thlir nin har tak a ni ve reng reng a ni.
.........
Mahriati tluka rilru na hi an awm angem! A mi rin leh a hmangaih em em Hruaia chuan midang a buaipui ta daih a.
A thiam loh a ni tih chu hrechiang hle mahse a hmangaihna hi a chuai thei dawn em ni?
Hruaia khan ama tan khan a inhlawh a, a piancham thlen huna thilpek a pek ngei tur thu te a sawi a.
A tak a thleng a ngem le!
Tunah lah hian Hruaia hian a hawi lo em em in a hre bawk si.
An awm dan hi siam ṭhat theih ni se aw....
Mahni tihsual ngei hi kan tuar si ṭhin alo ni. Mahse kan tihsual miau chuan a tuar chu kan phu a ni.
Mahriati nun ram a chau ta... Class pawh awm kim lovin an ṭhian ho chuan an haw ta a...
An boruak tawnin a zir lo em a ni.
.......
Hruaia pawh SAI lamah practice turin a thleng leh tawh a. Theihtawp tak meuh a chhuah a ni. College tan, an khaw hming ṭhat nan leh apa tan theihtawp aia nasa a a thawh a ṭul a ni.
A ti thei ngei tur a ni. Champion ngei a tum tur a ni.
Hah hnap leh thlan tla zawih zawih a a practice zawh chuan Coach chuan thil dang a zirtir leh a. A tana ṭangkai tur hlir a ni.
Coach pawh hian a duhsak hle a, a zirlaiah a phur a, a tha a ṭha a, arang bawk a, a tawrhchhelna hian dinhmun sangah a dintir ngei a ring tlat a ni.
He tlangval hi a chhuang ve tlat, dinhmun sangah a ding ngei dawn tih a hria a ni.
...........
Rinfeli haw chu a rilru a hah ngang mai! Hruaia hi thudik a hrilh ngam angem?
Mi ta a ni tawh dawn si a, mi pakhatin a rawn zawng ṭep tih a hrereng mai si...
A thinlung a rum a ni. Hruaia a hmangaih em em bawk si, mahse amah lainat a kaihruai ṭhintu mipakhat chuan a rawn zawng ṭep tawh si.
Rinfeli chu khumah a bawk ta thlawp a...
M.LUSEI PALIAN
EPISODE-29
( Thinlung hliam mal ngawih ngawih a awm te pawh hi a ṭhatna a awm ve tho, mi nun a hriatthiam theih a. Mi an laka beisei tur awm miah lo te kan dawnsawn danah hian kan nun chu alang fiah chiang ṭhin alo ni.
I tluk chuan i thawh leh a ngai a, i hmelma leh nangmah diriamtu che kha nuihrei tir suh...
A hma aiin ṭan ilak a ngai a ni.
I hun kal tawh te avangin intilungngai lo la. Hmalam pan la, huaisenna nei ang che)
Hruaia kal liam tur chuan Mahriati a melh chho leh a! Mahriati chu stepah chuan alo ṭhu hnawk a, a mittui alo tla a. Hruaia'n Mahriati mittui tla a hmuh meuh chuan hrehawm a ti hle a.
" Rinfel....khawngaihin Canteen kawtah min lo nghak teh..." a ti a.
Rinfeli chuan, " Ti nge ?" A ti ha a.Mahse Mahriati chu a han hmu ve chuang lova.....
Thuawih tak chuan stepah chuan a chhuk ve mai a.
Hruaia chu Mahriati ṭhutnaah chuan a let chho leh ta a. Mahriati chuan alo hmu ngei a.
Hmana Hruaia, ama Hruaia ngei kha la niin a hria a ni.
Step a a ṭhu chu a kai tho a,
" Mahriat, tho rawh...a zahthlak a nia...! "
" Hruai...eng tin nge i awm tak hi?"
" Mahriat, chu chu nangmah in zawt zawk la,.....?"
Mahriati mittui tla chu a hmu reng a, a kut chuan a hrukfai sak a. A hanky kha Rinpuia hnar a thi chhuak hruknan alo pe tawh si a.
" Hruai, min hrechang tawh lo ti raw?"
" Chhanna i nei sa vek a, ti nge min zawh vak a....
I bialpa khi han pui la, khawngaihin min hnaih tawh lo se a hrisel sawt ang.... chu chu i lo hrilh dawn nia...."
Mahriati chu a kuai ding a, Thil dang a sawi leh hma in Hruaia chuan a kalsan ta nghal a....
I bialpa khi.... a va na tak em! Rinpuia hi a bialpa a ni lo, an inngaina tih erawh a zep lo thung a.
Hruaia thinlung tur a dawn a, a hrethiam em em lawi si! Tui lairap tak meuh meuh in a awm a ni. A ma tihsual a ni tih a hria a, siam ṭhat a tumna chuan buaina ah a hruai lut ta a ni.Pawi a ti takzet a ni.
Rinpuia ṭawng dan kha a dawngsawngtu tan chuan a lawmawm tehchiam loh em bawk a ni. Khati kher a a ṭawng kha, Mahriati pawhin thiam a ti bik chiah lo!
Muangchang chuan a chho ta a......
.......
Rei lote hnuah Rinfeli bulah Hruaia a rawn thleng thla a.
" Eng nge i han tih leh a?"
" Mi chalah chil ka hnawm a" a sawi zawh pah chuan a t-shirt chuan a hmai a hru a.
He thil kher hi Rinfeli ngei chi a ni. Ching tawh lo turin hman aṭanga a hrilh ṭhin a ni. Mahse Hruaia hian inhauh tir hi a nuam a ti ve hrim hrim a. A rin ang ngei chuan...
" Kha hei hian hru mai ta che...."
" Nge a tirah min pek loh....?"
" I mamawh tih ka hre lo atin ni?"
" Ka lawm e"
Coffee intur chuan an kal dun ta a..
.........
Principal roomah chuan an buai hle mai! Mahse Hruaia ngaihdam dilsakna kha a zahawm an ti si! Kar khat tal suspend tur chuan an ti ta a.
Lalrinpuia chu kar khat chawlh an pe a, a lo zawm leh ve leh ngaihdam dilna leh a nun a sim thu lehkha in a thehlut dawn a ni.
Rinpuia rilru a na ngang mai a, phuba lak dan tur a rilru in a dap ve ruai a, thungrulh ve hram chu a tum a ni. Tin, a zak em em a,new comer nih nak laia, mahni tawka phai lam return a intih ve tehlul nen...hetiang boruak hi a tawng ta si a.
..........
Janeti chu an zirtirtu ten paper lei turin an tir chhuak a. Anni lah chuan an chak nasa mai a, Chanmari kawnah an ding a.
Chutih lai tak chuan A U Hruaia chu a rawn phei a, nula pakhat hian a banah a chelh a, an chhe lo dun hle mai!
Mahse Janeti chu ṭek den zawk ang mai a ni. Mak a ti, tu nge he nu hi....
An ṭawng an hre pha lo na a, eng eng emaw chu an rawn sawi phei chiang mai! Hruaia chuan Janeti chu a hmu lova....
Hruaia leh Chu nula chuan Coffee chu an indun ta a. An la ti ti tui dun ngang mai...
Rilru na fe a thlirtu an awm tihreng Hruaia chuan a hre lo.
An inzawh hnu chuan college lamah chuan an phei ta a...
....
Mahriati te ṭhian ho chu Principal room kawtah an ṭhu a. Rinpuia pawh a rawn chhuak ta a.
A hmel chu a ngui vek a, tumah chuan an lo be lem lova...Mahriati bulah a rawn ṭhu a.
" Kar khat chhung suspend ka ni " a ti a, a hnar chu Hruaia hanky chuan ala tuam a.
" Ti nge...a hming i hre reng a, HMELA i tih kher a? College student te hian an ṭan asin...." Muani chuan a ti a.
"A thinrim ka ring bik lova...!"
" Tu nge thinrim lovang, in pawh takin kan inkawm ṭhin a, ilo lang a, kan kawm ngai ta lova....chuvang ringawt pawh chuan thinrimna tham a tling a. Tin, i chibai duh miah lo bawk a, lehlam i hawisan hmak bawk..." Dini chuan a ti a.
Mahriati chu a ngawi reng a.
" Phuba ka la la ve khawp ang" Rinpuia chuan a ti ve tlat mai.
" I hneh chuang lovang", mahriati chuan alo ti a.
" Tunah chuan ka va haw phawt a nge...class ah ka ṭhu thei rih si lova..." Rinpuia chuan a ti a, a ding a. A kal ta a, tumah chuan an be lo. An ngawi ṭhap a. Rinpuia chu a kal
liam ta a...
Rinpuia kal thla chu thinrimna hlirin akhat a. Mi hmuh laiin hnek thal tawp a ni. A tho mai thei lo lehnghal a. Mahriati awm lo phei se chuan a dawng nawn ngei ngei ang. Ruahmanna siam a tum ran a.
Ala khawih ve dawn khawp mai!
...
Hruaia leh Rinfeli chu class ah an ṭhu a. An ni pawh an boruak tawn avang chuan nuam an ti bik lo hle a....
Rinfeli phei chuan nuam a ti lo lehzual a ni. A college zawm ni ah khatiang boruak kha a tawng a.
Hman aṭang tawhin Hruaia hi a awm phawt chuan ana ngai lo.
Hruaia te huan a, kum eng emaw zat kal ta a, Serthlum an lawh ṭum te kha a hrechhuak a.
Chumi ṭum chuan Feli chuan Vangvat a kai a, a theihtawp a ringin a au a, rei lo teah Hruaia a rawn thleng a. Feli lah chu a hnute karah tak a la ni zui.....
" La rawh....Hruai...la vat rawh.....mahse min en suh..." a ti lawi si...
" La ta che....hei a vak ania.....heih....ka hnute i khawih.....hei..."
Hruaia pawh a buai ngang mai.....
A tawpah chuan a la thei ta a, Hruaia chuan a hrual hrep a. Serthlum hling chuan a tawtawlik a.
" Ti hian vangvat chu an zak ber" Hruaia'n a ti a.
Rinfeli chuan a awih lo ngang mai.
" Khatiang khan zah an hre lovang....."
" Hria ang....vangvat tlangval a ni ngei ngei ang...
Mahse hlau tawh miah suh...." a ti thung a.
Chung hunlai chu Rinfeli chuan a ngaihtuah chhuak a, Hruaia a en a, a nui suk a.
Hruaia chuan eng nge a ngaihtuah a hre lo na a, alo nuih let sak a.
Chutih lai tak chuan Mahriati te ṭhian ho pawh an rawn lut a, Hruaia te ṭhutna hnungah chuan an rawn ṭhu ve ta a. Thutna awl awm tawh hek lo!
Mahriati chu a hawi chhuak lo hrim hrim a. An hun tawn chuan a zir lo em a ni. Hruaia chuan a lehhawi a, Mahriati hmel chu a en a, a ṭi dek mai a. A khawngaih hle a.
Khawdur pawh a awm si lova, ṭek ring em em in a rawn tla thut a.
Rinfeli chuan Hruaia a kuah nghal a, Mahriati chu a au ṭhawt a. Hruaia chuan a khawngaih ngei mai....
Mahse va hnem chu a rem rih ngang si lova! Chu lovah Hruaia rilru hi ana ve tlat a ni.
Tlangval pakhat alo lang a, an ṭhian ho chuan an thlauh thla ṭhak si a.
Class a zo ta a, ruah a sur duh ngang mai. Ruah hian sur loh hi chu tih vak theih a nei si lo.
College kawtah chuan an vei siau siau a, Hruaia chuan Rinfeli chu Library lamah a hruai chho ta thung a. An college fan kual pui hi a chak ve hrim hrim bawk a.
Mizo Novel leh Drama vel awmna ah a kal pui ta a...
Hruaia chuan ' Nunna kawng ṭhuampuiah ' tih lehkhabu Zikpuii pa ziah chu ala chat a.
Inchungah an chho ta a. A changtupa leh a changtunu insuk dun laivel chu Rinfeli a chhiar tir a. Rinfeli chuan a bih vang vang a.
" Hmmmmnnn" a ti ringawt a.
Hruaia chuan a rawn phek phei leh ta char char a, Sailo nula inchhirna lai tak chu a chhiar tir leh ngei a.
Rinfeli chuan Hruaia chu a melh vawng vawng a. A lehkhabu chhiar tir lai chat chat dan aṭang hian he lehkhabu hi a bel hle a ni tih a hre thei a.
" Zirlaibu ni se i thiam ngawt ang a"
" Thiam lovang, a har duh lutuk asin"
" I thiam hrim hrim ang"
" E....an har zia chu....Sialton official ah te khan maw....A ni chuan lawn lova arsi lak a tum a, kei chuan leilawn awm lo ka zawng a ni...tih kha a ni a, a Hauhuk kaia hrilhfiah tur a ni. Har tak a ni."
" Han sawi ve hrim hrim teh...eng tin nge i chhan, chuan ka chhan dan ka hrilh ve ang che.." Rinfeli chuan a ti ta tlat a.
" I tihtlat chuan kan sawi ve hrim hrim ange aw... in nuih awih miah loh aw...
Dorothy kha a hmangaih em em a, mahse hnam hran an ni si a, an tan chuan inneih a run hmun lendun kha a rem thei ngang si lo a ni, chuvang chuan Dorothy khan lawn miah lova arsi lak a tum tihna a ni. Chutih rual chuan a changtupa erawh chuan leilawn awmlo a zawn dan chu rah kai theih loh leh lawn theih lohna a lawn a tum vang a ni... khitiang khian ka chhang a, mahse ka lo chhang dik tawk lo tih ka hre leh si....ka lo chhang kawkalh deuh a.."
Hruaia chuan a ti a.
Rinfeli chu a ngawita vang vang a. "Ka chhan ve dan chu maw...hmangaihna inrem thei lo, inhmangaih si.... hnam hrang nih vanga harsatna thlen dan...tiin ka chhang hmak mai..." a ti a. A nui var var a, ava ṭha reuh tak em!
Thlir nin har tak a ni ve reng reng a ni.
.........
Mahriati tluka rilru na hi an awm angem! A mi rin leh a hmangaih em em Hruaia chuan midang a buaipui ta daih a.
A thiam loh a ni tih chu hrechiang hle mahse a hmangaihna hi a chuai thei dawn em ni?
Hruaia khan ama tan khan a inhlawh a, a piancham thlen huna thilpek a pek ngei tur thu te a sawi a.
A tak a thleng a ngem le!
Tunah lah hian Hruaia hian a hawi lo em em in a hre bawk si.
An awm dan hi siam ṭhat theih ni se aw....
Mahni tihsual ngei hi kan tuar si ṭhin alo ni. Mahse kan tihsual miau chuan a tuar chu kan phu a ni.
Mahriati nun ram a chau ta... Class pawh awm kim lovin an ṭhian ho chuan an haw ta a...
An boruak tawnin a zir lo em a ni.
.......
Hruaia pawh SAI lamah practice turin a thleng leh tawh a. Theihtawp tak meuh a chhuah a ni. College tan, an khaw hming ṭhat nan leh apa tan theihtawp aia nasa a a thawh a ṭul a ni.
A ti thei ngei tur a ni. Champion ngei a tum tur a ni.
Hah hnap leh thlan tla zawih zawih a a practice zawh chuan Coach chuan thil dang a zirtir leh a. A tana ṭangkai tur hlir a ni.
Coach pawh hian a duhsak hle a, a zirlaiah a phur a, a tha a ṭha a, arang bawk a, a tawrhchhelna hian dinhmun sangah a dintir ngei a ring tlat a ni.
He tlangval hi a chhuang ve tlat, dinhmun sangah a ding ngei dawn tih a hria a ni.
...........
Rinfeli haw chu a rilru a hah ngang mai! Hruaia hi thudik a hrilh ngam angem?
Mi ta a ni tawh dawn si a, mi pakhatin a rawn zawng ṭep tih a hrereng mai si...
A thinlung a rum a ni. Hruaia a hmangaih em em bawk si, mahse amah lainat a kaihruai ṭhintu mipakhat chuan a rawn zawng ṭep tawh si.
Rinfeli chu khumah a bawk ta thlawp a...
Comments
Post a Comment