31st JULY( UNCHAINED MELODY) EPISODE-28
31st JULY(UNCHAINED MELODY)
M.LUSEI PALIAN
EPISODE-28
( Ka khua asik ve a, duattu, hnemtu ka va ngai ṭhin em! Min ngaihsak ve tu deuh ber lah chu a awmna a hla em em bawk si! Mal tawrh tlawk tlawk mai teh ang..)
Rinpuia chuan, " I hi....an va inhmeh ve...tu te nge a?" A ti zui zat a.
An ngawi ta ṭhap mai le!
A tawpah chuan Dini chuan, " Mipa kha Hruaia chu a ni a, i hre tawh thovin ka ring, hmeichhia kha chu ka hre miah lo..." a ti ban charh a.
" Hruaia chu nula mi tak a nih awm kha maw?" A ti leh kher a.
Mahriati a ṭek zawk mai! A awm mai mai thei lo, kha nu kha tu nge?
Hruaia nen khan an va innel em em ve le?
Hmangaihna inkara kan buai tawh hi chuan duh aiin pakhatin kan lo tam hman ziah ṭhin a lo ni! Mahriati pawhin a hrechiang em em a.
He thu kher hi chu Hruaia pawh in a chiang a ni.
Mahriati a beidawng lo, Hruaia te chu nghah a ti ta tlat mai! Principal office kawtah chuan an lo nghak ta ngei a....
An rin aiin an rei phian mai, thil reng reng hi a nghaktu tan chuan a rei duh ve hrim hrim bawk a tin ni!
Eng thil nge kha nula an hriat ngai miah loh nula nen khan Principal roomah an tih le! Zawhna awm tak ni mahse, tuman an chhang thei der si lo!
A tawpah zawng an rawn chhuak ta a. An hmel a rawn hlim sang mai a, Mahriati chuan a theihtawpa rum chuan Hruaia leh a bula nula hmel ṭha em em mai chu a melh a. An kar a la inhlat deuh a.....
Hruaia hian Rinpuii hi admission a tihpui a ni. Hun tawh chiah lo mahse Hruaia hian theihtawpin Principal bulah a dilpui a.
Alo phalsak ta a ni.
Hlim awm pawh anni reng alawm!
Tlem a an han pen leh chu, " Hruai...." tia kohna chuan a tiding chawih a, Rinpuii chuan Hruaia banah a lo chelh bawk a, rawn kotu lam chu an hawi a.
Principal rooma an luh hma khan Hruaia hian Mahriati te hi a hmu daih tawh a, a hmu lo der tlat thung a ni. An lo awm pawh a ring tawh lo a ni.
Dini chu an lam hnaihah chuan a rawn pen phei ta a. A ṭhiante chuan an rawn zui vat thung a,
Hruaia mitah tak chuan a en a, a nula a ni Hruaia kaitu a bana vuantu chu a thlir leh a, a ṭhiante an rawn thleng chawpchilh ve ta a...
" Hruai, hei hi Rinpuia a ni a, High School leh Higher kan kalpui ṭhin a ni. Phaiah a awm a, kan college ah a rawn insawn ta a ni.Kan ṭhianpa fel tak a ni..." a ti a.
Mahriati chuan Hruaia chu alo en reng a, Hruaia chuan chibai a tum a, Rinpuia chu lehlam a hawi daih thung a. A tum lui ta bik lo.Mahriati chuan Rinpuia chu a nawr deuh a, mahse a hre lo der tlat!
" Muani, Dini....hei hi Rinfeli a ni a, high school kan kal ho a, ka ṭhiannu fel tak a ni..." a ti ve thung a, Rinfeli chu a nui sang a, Muani chuan chibai a tum a, Hruaia chuan Rinfeli chu a kut ah alo man hmiah.!!
Rinfeli chuan Hruaia chu a en a, a mitah tak chuan eng emaw a hmu a, chibai a tum lui bik lo...!
" Kan kalsan ang che u" Hruaia chuan hawihhawm takin ala ti hram a.
" Khatiang nula nen chuan hun fal leh hmun fal in mamawh reng ang chu.....min lo biak teh aw HMELA...." Rinpuia aw chu a ring ngang mai, Hmela a tih phei chu ring tak a ni. An bul hnai amite chuan an rawn en ṭhap a.
Chutia new comer in an College Legend an ti kher chu mak an lo ti ngang mai! Eng emaw chu a thleng ngei dawn e.
Hruaia chuan Rinpuii ban vawnna ata atal pit nghal a, Rinpuia hnarah chuan rang tak chuan ava hnek siah a. Hruaia chu a phe zuai ringawt a, Rinpuia chu a thal der a. A hnar aṭang chuan thisen a chhuak ṭha duh ngang mai.A huatna a rei tawh bawk a. Hmeichhe ho zawng an lo ṭe ṭuar a.
Rinpuia a thal chiang hle a, Hruaia chuan hnek leh a tum a, Mahriati'n a Rinpuia a rawn bawh vat a. Mahriati pawh chu hnek teuh tak a ni. Mahriati chuan chutiang reng reng a Hruaia thinrim hmel ala hmu ngai lo....
" Rinfeli hi a chanchin vawikhat pawh i sawi leh chuan i hmel pangngai hi i pu tawh lovang...! " thupek a ni. A aw pawh chu a khur lek lek a ni.
Miin an rawn bawr laih laih a, an hnungah chuan an Lecturer alo awm ve reng a. Office staff te pawh an rawn chhuak a, an rawn kil bial luih mai!
Hruaia chuan Rinfeli hlauthawng hmel ava hmu a, a va kuah ta zawk a. Hlau miah lo turin a fuih mawlh mawlh a.
" I hming a chhe zawnga sawitu an awm chuan....."
" A ngai lo....Hruai..."
Rinpuia a tho thei tlat lo! Dini te pawh chuan Rinpuia chu an thiam bik chiah lo, a ṭawngkam kha a ngeiawm em a tin ni. Rinpuia khaw hmuh chu a phe ruai a, Hruaia chuan hrehawm a ti ve tho, a rawmawl a phawrh a, Mahriati bulah chuan a theh phei a.
" Hruk fai sak rawh, a lu kha cooler a tui khian leih ula, a zia deuh ang, tun hnu ah ṭawngkam uluk rawh se" a ti ram hmak a.
" In vai khan hetah lo phei teh u" tih thupe aw an hre ta a. Principal leh Lecturer pahnih S.U vice president pawh a awm ve a.
Muani te chuan Rinpuia hnar hup chung chuan an kai phei a, Rinpuia lu ala hai hle a. A thinrim em em bawk a ni.
Office ah chuan an ding tlar ṭhap a.
Rinpuia chu Mahriati leh Muani chuan an chelh a.A din ṭhat theih rih loh vang a ni. Mahriati chuan a hnar alo hup thung.
Principal chuan vin takin, " Eng thil nge thleng? Thisen hial chhuak hi?" A ti tan tan a.
Rinfeli hrehawm ti lutuk chuan Hruaia chu a chelh nghet ngang mai....
Hruaia chu a ṭawng duh miah lo thung. A ngawi hmak mai a.
" Hruaia.....eng thil nge thleng, ka room aṭangin in chhuak chauh si a...."
Hruaia chuan chhuat lam a bih a, a rawn hawi chhuak a, Mahriati mitah a va en a, alo ṭap ṭep a. A thinlung tak chuan a lainat ve tho....
" Sir, hepa hian ka hming hrereng chung pawhin HMELA tiin min ko a" tiin Principal chu a chhang a.
" HMELA tia a koh lai hria in awm em.? Eng ti zia a nang pawh thisen chhuah nge i nih?" Principalin pawr tawkin a ti a.
Hruaia chuan, " Ka hming a hre reng a, HMELA mi ti kher kha....ka insum zo lo a ni. Ka thiam loh a ni Sir..." a ti chuai ve raih a.
Pawnlam aṭang chuan, " Sir, kha new comer pa khan Hruaia kha tham lo takin HMELA a tih lai kan hria...." an rawn ti ta luai luai a...
Principal bula Lecturer chuan , " Sir.....kei pawn ka hria..." a ti ve tlat mai.
Mahriati te ho an ngawi ṭhap a.
Principal chuan Rinpuia chu a melh vang vang a,
" Umnnn....a chiang e...i nu leh pa no. sawi la, i chungchang hi ngaihtuah a ni ang...lo ko nghal ang che u," staff te hnenah chuan ati ta a.
Chutih lai tak chuan Hruaia a rawn ṭawng ve tlat!
" Sir....khawngaihin ngaidam rawh.... min huat vang pawh ni se, kei chuan ka ngaidam thei a, ka thinrim insum hman lo erawh pawi ka ti takzet a ni...." a rawn ti ve ta tlat!
Hruaia diktak alang chhuak ta. Rinpuia hi hnawhchhuah emaw suspend emaw a ni dawn tih a hre sa si a.
Chu thu Hruaia'n a sawi thei mai chu mak an ti. Mahriati hnuk a ulh a, Hruaia ngei kha a ni. Office staff te leh Principal pawh chuan mak a ti ve tho...
Khuavang kal lai ang maiin an ngawi ta ṭhap a.
S.U Vice a ṭawng ve ta,
" Hming hrereng chunga pawr tawka HMELA han intih chu...... tu nge thinrim lo awm ang ni?" A rawn ti ve hmiah...
Hruaia hi a thiam zawk a, tin, ṭan a hlawh ve hrim hrim a. Mipa fair tak a ni tih tuman an hai lo.
Thinrim taka mi kut a thlak chuan a chhan a awm ngei ngei tur a ni.
Principal chuan, " Hruai, kal tawh rawh....i thil tih turah i rilru pe la...hepa hi la awm rawh se, midang zawng pawh chhuak r'u" a ti ta a.
Hruaia chuan Rinfeli chu a kai chhuak a, inhnuai lamah chhuk pui a tum a.
Mahriati chuan Hruaia chu a rawn um ta tlat mai...
Hruaia chuan Mahriati'n a rawn zui tih a hria a. Rinfeli chu a kuah thla lui a.
" I tan ka awm reng dawn a, midangin an chhaih che ka phal miah lo a nia aw, tin hlau thawng ngai suh ang che" Rinfeli bulah chuan a ti a. Mahriati chuan a hre pha a, a ding deuh chat a.
" Hman aṭang tawhin i bulah hian ka thla a muang em em ṭhin, ka nat ai chuan nangma tuar i huam tih ka hria alawm...... ka ngaina lutuk che...." Rinfeli chuan a ti a.
Mahriati chuan a rawn hre pha a, hrehawm a va ti em!
Mahse a rawn panzel a,
" Hruai....."
Rinfeli leh Hruaia step kal lai chu an ding det a, Mahriati a rawn tlan ti tih a, a rawn tlu ṭep a, Hruaia chuan alo man ding chat a.......
..........
Hetih lai hian Muani leh Dini chu Principal office kawtah an ṭhu a, an ṭhianpa hi dik an ti bik chiah lo. Mahse Hruaia thinrimna pawh awm an ti a, chutih rualin kha nula kha ti em em a a chhan mai kha mak an ti.
Mahriati vang a ni tih an hria a, an thiam lohna pawh a awm ve tho. Rinpuia alo lan aṭangin Hruaia an ngaihsak miah lova, hrehawm an ti ve hle tho...
Mahse Hruaia khan ngaihdam a dilsak thlap kha a ni a, puitling an ti a. Pangngai an ti hle a, an ngaisang sawt bawk a!
Office staff te chuan Rinpuia hnar a thisen kai chu anhruk sak a, a hruk saktu hmeichhia chuan,
" I pa hle mai....kan college legend te HMELA tiin i ko ngam a" a ti deuh sak a.
Rinpuia hian Hruaia hi a namai lo tih a hrechhuak uar uar a. Hrehawm a ti ve hle a. Mahse a nih tur ang ang a ni zo tawh si.
.....
Hruaia chuan, " Fimkhur deuh la aw" tih pahin Mahriati chu a en a.
" Ṭhiannu i chunga Rinpuia thusawi avang khan ngaihdam rawn dil che ka tum a ni" Mahriati chuan Rinfeli chu a melh a.
" A ngai lo.....khatiang mai mai" Rinfeli chuan alo ti a.
Hruaia chuan Mahriati en pah chuan,
" Nula..in ṭhianpa khan ṭawngkam a uluk loh chuan ka la hmu leh ang...a tawk e, han buaipui ru..." tih pahin Rinfeli chu a kai a, akal pui ta daih a.
Mahriati thinlung chu ava na tak em! He nu vang hian em ni Hruaia hian a biak duh tak miah loh le...
Step ah chuan a ṭhu hnawk a, dan rual lohvin a biangah chuan mittui a far a. Hmangaihna mittui tia an sawi ṭhin hi a ni ngei ang.
Hruaia kal liam tur chuan a rawn melh chho leh a! Mahriati mittui tla a han hmuh meuh chuan.......
M.LUSEI PALIAN
EPISODE-28
( Ka khua asik ve a, duattu, hnemtu ka va ngai ṭhin em! Min ngaihsak ve tu deuh ber lah chu a awmna a hla em em bawk si! Mal tawrh tlawk tlawk mai teh ang..)
Rinpuia chuan, " I hi....an va inhmeh ve...tu te nge a?" A ti zui zat a.
An ngawi ta ṭhap mai le!
A tawpah chuan Dini chuan, " Mipa kha Hruaia chu a ni a, i hre tawh thovin ka ring, hmeichhia kha chu ka hre miah lo..." a ti ban charh a.
" Hruaia chu nula mi tak a nih awm kha maw?" A ti leh kher a.
Mahriati a ṭek zawk mai! A awm mai mai thei lo, kha nu kha tu nge?
Hruaia nen khan an va innel em em ve le?
Hmangaihna inkara kan buai tawh hi chuan duh aiin pakhatin kan lo tam hman ziah ṭhin a lo ni! Mahriati pawhin a hrechiang em em a.
He thu kher hi chu Hruaia pawh in a chiang a ni.
Mahriati a beidawng lo, Hruaia te chu nghah a ti ta tlat mai! Principal office kawtah chuan an lo nghak ta ngei a....
An rin aiin an rei phian mai, thil reng reng hi a nghaktu tan chuan a rei duh ve hrim hrim bawk a tin ni!
Eng thil nge kha nula an hriat ngai miah loh nula nen khan Principal roomah an tih le! Zawhna awm tak ni mahse, tuman an chhang thei der si lo!
A tawpah zawng an rawn chhuak ta a. An hmel a rawn hlim sang mai a, Mahriati chuan a theihtawpa rum chuan Hruaia leh a bula nula hmel ṭha em em mai chu a melh a. An kar a la inhlat deuh a.....
Hruaia hian Rinpuii hi admission a tihpui a ni. Hun tawh chiah lo mahse Hruaia hian theihtawpin Principal bulah a dilpui a.
Alo phalsak ta a ni.
Hlim awm pawh anni reng alawm!
Tlem a an han pen leh chu, " Hruai...." tia kohna chuan a tiding chawih a, Rinpuii chuan Hruaia banah a lo chelh bawk a, rawn kotu lam chu an hawi a.
Principal rooma an luh hma khan Hruaia hian Mahriati te hi a hmu daih tawh a, a hmu lo der tlat thung a ni. An lo awm pawh a ring tawh lo a ni.
Dini chu an lam hnaihah chuan a rawn pen phei ta a. A ṭhiante chuan an rawn zui vat thung a,
Hruaia mitah tak chuan a en a, a nula a ni Hruaia kaitu a bana vuantu chu a thlir leh a, a ṭhiante an rawn thleng chawpchilh ve ta a...
" Hruai, hei hi Rinpuia a ni a, High School leh Higher kan kalpui ṭhin a ni. Phaiah a awm a, kan college ah a rawn insawn ta a ni.Kan ṭhianpa fel tak a ni..." a ti a.
Mahriati chuan Hruaia chu alo en reng a, Hruaia chuan chibai a tum a, Rinpuia chu lehlam a hawi daih thung a. A tum lui ta bik lo.Mahriati chuan Rinpuia chu a nawr deuh a, mahse a hre lo der tlat!
" Muani, Dini....hei hi Rinfeli a ni a, high school kan kal ho a, ka ṭhiannu fel tak a ni..." a ti ve thung a, Rinfeli chu a nui sang a, Muani chuan chibai a tum a, Hruaia chuan Rinfeli chu a kut ah alo man hmiah.!!
Rinfeli chuan Hruaia chu a en a, a mitah tak chuan eng emaw a hmu a, chibai a tum lui bik lo...!
" Kan kalsan ang che u" Hruaia chuan hawihhawm takin ala ti hram a.
" Khatiang nula nen chuan hun fal leh hmun fal in mamawh reng ang chu.....min lo biak teh aw HMELA...." Rinpuia aw chu a ring ngang mai, Hmela a tih phei chu ring tak a ni. An bul hnai amite chuan an rawn en ṭhap a.
Chutia new comer in an College Legend an ti kher chu mak an lo ti ngang mai! Eng emaw chu a thleng ngei dawn e.
Hruaia chuan Rinpuii ban vawnna ata atal pit nghal a, Rinpuia hnarah chuan rang tak chuan ava hnek siah a. Hruaia chu a phe zuai ringawt a, Rinpuia chu a thal der a. A hnar aṭang chuan thisen a chhuak ṭha duh ngang mai.A huatna a rei tawh bawk a. Hmeichhe ho zawng an lo ṭe ṭuar a.
Rinpuia a thal chiang hle a, Hruaia chuan hnek leh a tum a, Mahriati'n a Rinpuia a rawn bawh vat a. Mahriati pawh chu hnek teuh tak a ni. Mahriati chuan chutiang reng reng a Hruaia thinrim hmel ala hmu ngai lo....
" Rinfeli hi a chanchin vawikhat pawh i sawi leh chuan i hmel pangngai hi i pu tawh lovang...! " thupek a ni. A aw pawh chu a khur lek lek a ni.
Miin an rawn bawr laih laih a, an hnungah chuan an Lecturer alo awm ve reng a. Office staff te pawh an rawn chhuak a, an rawn kil bial luih mai!
Hruaia chuan Rinfeli hlauthawng hmel ava hmu a, a va kuah ta zawk a. Hlau miah lo turin a fuih mawlh mawlh a.
" I hming a chhe zawnga sawitu an awm chuan....."
" A ngai lo....Hruai..."
Rinpuia a tho thei tlat lo! Dini te pawh chuan Rinpuia chu an thiam bik chiah lo, a ṭawngkam kha a ngeiawm em a tin ni. Rinpuia khaw hmuh chu a phe ruai a, Hruaia chuan hrehawm a ti ve tho, a rawmawl a phawrh a, Mahriati bulah chuan a theh phei a.
" Hruk fai sak rawh, a lu kha cooler a tui khian leih ula, a zia deuh ang, tun hnu ah ṭawngkam uluk rawh se" a ti ram hmak a.
" In vai khan hetah lo phei teh u" tih thupe aw an hre ta a. Principal leh Lecturer pahnih S.U vice president pawh a awm ve a.
Muani te chuan Rinpuia hnar hup chung chuan an kai phei a, Rinpuia lu ala hai hle a. A thinrim em em bawk a ni.
Office ah chuan an ding tlar ṭhap a.
Rinpuia chu Mahriati leh Muani chuan an chelh a.A din ṭhat theih rih loh vang a ni. Mahriati chuan a hnar alo hup thung.
Principal chuan vin takin, " Eng thil nge thleng? Thisen hial chhuak hi?" A ti tan tan a.
Rinfeli hrehawm ti lutuk chuan Hruaia chu a chelh nghet ngang mai....
Hruaia chu a ṭawng duh miah lo thung. A ngawi hmak mai a.
" Hruaia.....eng thil nge thleng, ka room aṭangin in chhuak chauh si a...."
Hruaia chuan chhuat lam a bih a, a rawn hawi chhuak a, Mahriati mitah a va en a, alo ṭap ṭep a. A thinlung tak chuan a lainat ve tho....
" Sir, hepa hian ka hming hrereng chung pawhin HMELA tiin min ko a" tiin Principal chu a chhang a.
" HMELA tia a koh lai hria in awm em.? Eng ti zia a nang pawh thisen chhuah nge i nih?" Principalin pawr tawkin a ti a.
Hruaia chuan, " Ka hming a hre reng a, HMELA mi ti kher kha....ka insum zo lo a ni. Ka thiam loh a ni Sir..." a ti chuai ve raih a.
Pawnlam aṭang chuan, " Sir, kha new comer pa khan Hruaia kha tham lo takin HMELA a tih lai kan hria...." an rawn ti ta luai luai a...
Principal bula Lecturer chuan , " Sir.....kei pawn ka hria..." a ti ve tlat mai.
Mahriati te ho an ngawi ṭhap a.
Principal chuan Rinpuia chu a melh vang vang a,
" Umnnn....a chiang e...i nu leh pa no. sawi la, i chungchang hi ngaihtuah a ni ang...lo ko nghal ang che u," staff te hnenah chuan ati ta a.
Chutih lai tak chuan Hruaia a rawn ṭawng ve tlat!
" Sir....khawngaihin ngaidam rawh.... min huat vang pawh ni se, kei chuan ka ngaidam thei a, ka thinrim insum hman lo erawh pawi ka ti takzet a ni...." a rawn ti ve ta tlat!
Hruaia diktak alang chhuak ta. Rinpuia hi hnawhchhuah emaw suspend emaw a ni dawn tih a hre sa si a.
Chu thu Hruaia'n a sawi thei mai chu mak an ti. Mahriati hnuk a ulh a, Hruaia ngei kha a ni. Office staff te leh Principal pawh chuan mak a ti ve tho...
Khuavang kal lai ang maiin an ngawi ta ṭhap a.
S.U Vice a ṭawng ve ta,
" Hming hrereng chunga pawr tawka HMELA han intih chu...... tu nge thinrim lo awm ang ni?" A rawn ti ve hmiah...
Hruaia hi a thiam zawk a, tin, ṭan a hlawh ve hrim hrim a. Mipa fair tak a ni tih tuman an hai lo.
Thinrim taka mi kut a thlak chuan a chhan a awm ngei ngei tur a ni.
Principal chuan, " Hruai, kal tawh rawh....i thil tih turah i rilru pe la...hepa hi la awm rawh se, midang zawng pawh chhuak r'u" a ti ta a.
Hruaia chuan Rinfeli chu a kai chhuak a, inhnuai lamah chhuk pui a tum a.
Mahriati chuan Hruaia chu a rawn um ta tlat mai...
Hruaia chuan Mahriati'n a rawn zui tih a hria a. Rinfeli chu a kuah thla lui a.
" I tan ka awm reng dawn a, midangin an chhaih che ka phal miah lo a nia aw, tin hlau thawng ngai suh ang che" Rinfeli bulah chuan a ti a. Mahriati chuan a hre pha a, a ding deuh chat a.
" Hman aṭang tawhin i bulah hian ka thla a muang em em ṭhin, ka nat ai chuan nangma tuar i huam tih ka hria alawm...... ka ngaina lutuk che...." Rinfeli chuan a ti a.
Mahriati chuan a rawn hre pha a, hrehawm a va ti em!
Mahse a rawn panzel a,
" Hruai....."
Rinfeli leh Hruaia step kal lai chu an ding det a, Mahriati a rawn tlan ti tih a, a rawn tlu ṭep a, Hruaia chuan alo man ding chat a.......
..........
Hetih lai hian Muani leh Dini chu Principal office kawtah an ṭhu a, an ṭhianpa hi dik an ti bik chiah lo. Mahse Hruaia thinrimna pawh awm an ti a, chutih rualin kha nula kha ti em em a a chhan mai kha mak an ti.
Mahriati vang a ni tih an hria a, an thiam lohna pawh a awm ve tho. Rinpuia alo lan aṭangin Hruaia an ngaihsak miah lova, hrehawm an ti ve hle tho...
Mahse Hruaia khan ngaihdam a dilsak thlap kha a ni a, puitling an ti a. Pangngai an ti hle a, an ngaisang sawt bawk a!
Office staff te chuan Rinpuia hnar a thisen kai chu anhruk sak a, a hruk saktu hmeichhia chuan,
" I pa hle mai....kan college legend te HMELA tiin i ko ngam a" a ti deuh sak a.
Rinpuia hian Hruaia hi a namai lo tih a hrechhuak uar uar a. Hrehawm a ti ve hle a. Mahse a nih tur ang ang a ni zo tawh si.
.....
Hruaia chuan, " Fimkhur deuh la aw" tih pahin Mahriati chu a en a.
" Ṭhiannu i chunga Rinpuia thusawi avang khan ngaihdam rawn dil che ka tum a ni" Mahriati chuan Rinfeli chu a melh a.
" A ngai lo.....khatiang mai mai" Rinfeli chuan alo ti a.
Hruaia chuan Mahriati en pah chuan,
" Nula..in ṭhianpa khan ṭawngkam a uluk loh chuan ka la hmu leh ang...a tawk e, han buaipui ru..." tih pahin Rinfeli chu a kai a, akal pui ta daih a.
Mahriati thinlung chu ava na tak em! He nu vang hian em ni Hruaia hian a biak duh tak miah loh le...
Step ah chuan a ṭhu hnawk a, dan rual lohvin a biangah chuan mittui a far a. Hmangaihna mittui tia an sawi ṭhin hi a ni ngei ang.
Hruaia kal liam tur chuan a rawn melh chho leh a! Mahriati mittui tla a han hmuh meuh chuan.......
Comments
Post a Comment