31st JULY (UNCHAINED MELODY) EPISODE-24
31st JULY (UNCHAINED MELODY) M.Lusei Palian Episode 24
Post June 3rd, 2019, 7:31 pm
31st JULY( UNCHAINED MELODY)
M.LUSEI PALIAN
EPISODE-24
Mahriati chu Rinpuia bulah chuan hlim em em hian alo nui a. A hmel aṭang chuan a hlim a ni tih a hriat hliah hliah a. Hruaia chu an rawn hmu miah lo thung a....an rawn hawi lo ve hrim hrim bawk a ni.
Hruaia rilru zet zawng chhun ang mai hian a na a, a na em em a ni. Hmanni lawka a ta ni ngei tura a ngaih kha heti hian a awm ta mai si!
Hruaia chuan haw leh mai chu a duh rum rum a, mahse a thleng tawh a, Honour period tal chu awm a tum a...
Library lamah a lut ta daih a. A rilru tih thawven nan HAMLET tih lehkhabu a chhiar daih a.
William Shakespears hi a mak ve ngawt mai! A mah aia upa zawk nupuiah a nei a, a hmangaih em em a. Mahse an fapa Hamnet-a hi a ngaihsak lo em em thung a. Shakespeare pawh hian a khak ve fova, mahse a fimkhur phah chuang der lo.
A tawpah zawng Damdawi a pek sual avangin Hamneta hi a boral ta nge nge a. Chuta chin zawng Shakespeare a hian rilru damni a nei lova, a zin bosan ta a. A nupui bulah hian a kir duh tawh miah lo a ni.
Khing thu te khi an Sir pakhat sawi kha a ni a, Hruaia chuan a ngaihtuah neuh neuh a.
" E.....hetah hian i lo awm daih a ni maw?"
Chu thu rawn sawitu chu Hruaia chuan a en a, Mapuii alo ni a.
Hruaia chuan a chhang lem lova, a bu nghat ringawt a. Tin, library ah hian tumah an ṭawng lung lung ngai lem lo bawk a tin ni.
Mapuii chu Hruaia bulah chuan a rawn ṭhu a, thawm dim deuh si chuan,
" I nu te kha an haw ta em ni? " a rawn ti sa sa a.
" Umnnn" tih ringawtin a chhang a.
" M.E period a nia, va present ila..."
" A lo hun tawh a ni maw? Kal ila....."
Hruaia chu a ding a, A lehkhabu chhiar chu ava dah a. Mapuii nen chuan M.E period a awm tur chuan an kal dun ta a.
Hruaia chuan tlar hnung lam chu a pan a. Mapuii chuan a zui phei ve zel a. Hruaia hmaah chuan a ṭhu a, Hruaia chu tukverh bulah a ṭhu a, a dak mai mai a.
Students dang zawng an ri nuai nuai a, an zi nuai nuai bawk a.
Mahriati te ṭhian ho pawh an rawn thleng a, Rinpuia pawh a rawn tel leh ngei a. Hruaia ṭhutna hma lamah chuan an rawn ṭhu a. Hruaia chu midangin an hliah avangin an rawn hmu pha lo thung a.
Puia akal lo lehzel nen,Hruaia chuan hrehawm a ti zual ngei mai. A hawi chhuak zawk a, Dini te Rinpuia te chu ava hmu ta thuai a. Mahse an ni chuan an rawn hmu lo thung a.
Lecturer a rawn lut a, an zirlai an ṭan ta. M.E( Men & Environment ) hi a latu hian a thiam bawk a, nula hmel ṭha tak a ni a. Nuam hi an ti ṭhin a ni. Zirlai reng reng hi a subject latu ten an sawifiah a, an sawi zau thiam hian a zirtu te hian nuam an ti ṭhin reng a ni.
Environment chungchang an zir a, Lecturer nula chuan a hnehsawh hle mai! Hruaia chuan rilru pek har ava ti tak em!
Chutih lai tak chuan, college S.U Vice President a rawn lut a, Lecturer chu a rawn bekbawr sur sur a. An bu dun nghat nghat a.
Lecturer chuan, " Hruaia, hei.....an mamawh che a ni e.."
Mahriati a phu zawk a, Hruaia hi a hmu khat em em tawh a, a ngai hle. A inthiam thei tawh lo.
Tlar hnung lam aṭang chuan Hruaia chu a rawn pen chhuak a, a T- Shirt hak a inhmeh hle a, an Lecturer chuan alo nuih sak a.
Mahriati chuan alo melh vawng vawng a, Hruaia chuan mit sir pawh chuan a melh ve hauh lo.
An inzui chhuak ta a.
Hruaia chuan a hrethiam lo hle, eng thil nge ni ta le aw?
..........
Mahriati chu ala hawi deuh vang vang a. Dini chuan, " Eng thil nge ni ta ang le aw?" A rawn tichhuak phawng a.
An hre lo tlang a ni. An inthiam lo vek! Tunlai te hian an inhmu khat a ni. Tunah pawh khan a awm ve tih an lo hre tawh hlei nem!
Vawiin chu biak ngei an ngai a ni. Rinpuia nen pawh hian inhmelhriat tir an duh ve tho a ni.
........
Hruaia pawh chuan a ngaihna hre lo zetin a zui ve zel a. Principal roomah an lut ta a.
Principal chuan ṭhu turin alo hrilh a, an College tan Inter- College ah Boxing ah tel turin an lo thlang alo ni.
Hruaia chuan chhan mai ngaihna a hre lo hle a. A ngawi vang vang a. S.U Vice President chuan thiam tak maiin a hrilhfiah ta dap dap a.
" Hruai, kan ring che a, he College hming ṭha tak hi i kutah a innghat dawn ta. I thiamna theihna hi tun hun atan a ni dawn lawm ni? Mipa hian tihtur tam tak kan nei a, tin, tun dinhmunah hian Gold Medal ilak phei chuan Sport Scholarship kan dilpui dawn che a. Kar leh lehpek hi a hun a ni tawh a, tunkar leh karleh hi i duh chuan inbuatsaih nan i hmang ang a. College kal kher pawh a ngai lovang......
Tin, i inbuatsaih nan hei hi lo hmang rih la...."
Tih pah chuan cheng zanga note pali chu a dah a.
" Kan College tan chuan theihtawp ka chhuah ang..mahse hei chu a ngai lo" tih pahin pawisa chu pek let a tum a.
Principal, " A lawmawm e, aih, kha chu i lak ngei a ngai, tin....mamawh i neih chuan i rawn sawi dawn nia..." a ti thung a.
Duh lo leh zak deuh chuan ala ta a.
" SAI lam kan biaksak tawh che a, vawiin emaw naktuk emaw aṭangin tlai tin iva zawm thei ang.." an ti lehzel a.
Hruaia chu a chhuak ta a. A inngaihtuah nasa hle mai. Tlai aṭang ngei chuan SAI ah chuan va train ve a tum ta a. A haw phawt a, In-ah chuan a ṭhu vang vang a, a inngaihtuah ṭan ta a!
A ngaihtuahna chu a kawm veng veng a. A mit a chhing a, a pa hmel a mitthla ah a hmu a. Tuna a thil tih tur hi apa hrilh hmasak a ṭha angem le aw.....
A nu chuan a phal dawn lo chiang sa a. A innghahna ber Mahriati lah chu midang ta niawm takin a awm daih rih si nen..!
A hrethiam lo takzet a, mahse apa chu rawn hmasak phawt ṭha berin a hre ta a.
Inchungah a chho a, Janeti pa chiah alo awm a, phone hman a dil a.
" E....Hruaia, i duh hun hunah hmang ta che..."
Chu chu a chhanna dawn chu a ni. Phone chu ala a, a dial ta a.
A nu School lama a la awm a ring a, a pa chhanna a beisei a ni.
Phone chu a ri ral ral a, phone lehlam aṭang chuan a pa ngei chuan a rawn chhang ta a.
Sawi ṭanna lai tur ava van tak em...
" Pa.....ih...hei....
Post June 3rd, 2019, 7:31 pm
31st JULY( UNCHAINED MELODY)
M.LUSEI PALIAN
EPISODE-24
Mahriati chu Rinpuia bulah chuan hlim em em hian alo nui a. A hmel aṭang chuan a hlim a ni tih a hriat hliah hliah a. Hruaia chu an rawn hmu miah lo thung a....an rawn hawi lo ve hrim hrim bawk a ni.
Hruaia rilru zet zawng chhun ang mai hian a na a, a na em em a ni. Hmanni lawka a ta ni ngei tura a ngaih kha heti hian a awm ta mai si!
Hruaia chuan haw leh mai chu a duh rum rum a, mahse a thleng tawh a, Honour period tal chu awm a tum a...
Library lamah a lut ta daih a. A rilru tih thawven nan HAMLET tih lehkhabu a chhiar daih a.
William Shakespears hi a mak ve ngawt mai! A mah aia upa zawk nupuiah a nei a, a hmangaih em em a. Mahse an fapa Hamnet-a hi a ngaihsak lo em em thung a. Shakespeare pawh hian a khak ve fova, mahse a fimkhur phah chuang der lo.
A tawpah zawng Damdawi a pek sual avangin Hamneta hi a boral ta nge nge a. Chuta chin zawng Shakespeare a hian rilru damni a nei lova, a zin bosan ta a. A nupui bulah hian a kir duh tawh miah lo a ni.
Khing thu te khi an Sir pakhat sawi kha a ni a, Hruaia chuan a ngaihtuah neuh neuh a.
" E.....hetah hian i lo awm daih a ni maw?"
Chu thu rawn sawitu chu Hruaia chuan a en a, Mapuii alo ni a.
Hruaia chuan a chhang lem lova, a bu nghat ringawt a. Tin, library ah hian tumah an ṭawng lung lung ngai lem lo bawk a tin ni.
Mapuii chu Hruaia bulah chuan a rawn ṭhu a, thawm dim deuh si chuan,
" I nu te kha an haw ta em ni? " a rawn ti sa sa a.
" Umnnn" tih ringawtin a chhang a.
" M.E period a nia, va present ila..."
" A lo hun tawh a ni maw? Kal ila....."
Hruaia chu a ding a, A lehkhabu chhiar chu ava dah a. Mapuii nen chuan M.E period a awm tur chuan an kal dun ta a.
Hruaia chuan tlar hnung lam chu a pan a. Mapuii chuan a zui phei ve zel a. Hruaia hmaah chuan a ṭhu a, Hruaia chu tukverh bulah a ṭhu a, a dak mai mai a.
Students dang zawng an ri nuai nuai a, an zi nuai nuai bawk a.
Mahriati te ṭhian ho pawh an rawn thleng a, Rinpuia pawh a rawn tel leh ngei a. Hruaia ṭhutna hma lamah chuan an rawn ṭhu a. Hruaia chu midangin an hliah avangin an rawn hmu pha lo thung a.
Puia akal lo lehzel nen,Hruaia chuan hrehawm a ti zual ngei mai. A hawi chhuak zawk a, Dini te Rinpuia te chu ava hmu ta thuai a. Mahse an ni chuan an rawn hmu lo thung a.
Lecturer a rawn lut a, an zirlai an ṭan ta. M.E( Men & Environment ) hi a latu hian a thiam bawk a, nula hmel ṭha tak a ni a. Nuam hi an ti ṭhin a ni. Zirlai reng reng hi a subject latu ten an sawifiah a, an sawi zau thiam hian a zirtu te hian nuam an ti ṭhin reng a ni.
Environment chungchang an zir a, Lecturer nula chuan a hnehsawh hle mai! Hruaia chuan rilru pek har ava ti tak em!
Chutih lai tak chuan, college S.U Vice President a rawn lut a, Lecturer chu a rawn bekbawr sur sur a. An bu dun nghat nghat a.
Lecturer chuan, " Hruaia, hei.....an mamawh che a ni e.."
Mahriati a phu zawk a, Hruaia hi a hmu khat em em tawh a, a ngai hle. A inthiam thei tawh lo.
Tlar hnung lam aṭang chuan Hruaia chu a rawn pen chhuak a, a T- Shirt hak a inhmeh hle a, an Lecturer chuan alo nuih sak a.
Mahriati chuan alo melh vawng vawng a, Hruaia chuan mit sir pawh chuan a melh ve hauh lo.
An inzui chhuak ta a.
Hruaia chuan a hrethiam lo hle, eng thil nge ni ta le aw?
..........
Mahriati chu ala hawi deuh vang vang a. Dini chuan, " Eng thil nge ni ta ang le aw?" A rawn tichhuak phawng a.
An hre lo tlang a ni. An inthiam lo vek! Tunlai te hian an inhmu khat a ni. Tunah pawh khan a awm ve tih an lo hre tawh hlei nem!
Vawiin chu biak ngei an ngai a ni. Rinpuia nen pawh hian inhmelhriat tir an duh ve tho a ni.
........
Hruaia pawh chuan a ngaihna hre lo zetin a zui ve zel a. Principal roomah an lut ta a.
Principal chuan ṭhu turin alo hrilh a, an College tan Inter- College ah Boxing ah tel turin an lo thlang alo ni.
Hruaia chuan chhan mai ngaihna a hre lo hle a. A ngawi vang vang a. S.U Vice President chuan thiam tak maiin a hrilhfiah ta dap dap a.
" Hruai, kan ring che a, he College hming ṭha tak hi i kutah a innghat dawn ta. I thiamna theihna hi tun hun atan a ni dawn lawm ni? Mipa hian tihtur tam tak kan nei a, tin, tun dinhmunah hian Gold Medal ilak phei chuan Sport Scholarship kan dilpui dawn che a. Kar leh lehpek hi a hun a ni tawh a, tunkar leh karleh hi i duh chuan inbuatsaih nan i hmang ang a. College kal kher pawh a ngai lovang......
Tin, i inbuatsaih nan hei hi lo hmang rih la...."
Tih pah chuan cheng zanga note pali chu a dah a.
" Kan College tan chuan theihtawp ka chhuah ang..mahse hei chu a ngai lo" tih pahin pawisa chu pek let a tum a.
Principal, " A lawmawm e, aih, kha chu i lak ngei a ngai, tin....mamawh i neih chuan i rawn sawi dawn nia..." a ti thung a.
Duh lo leh zak deuh chuan ala ta a.
" SAI lam kan biaksak tawh che a, vawiin emaw naktuk emaw aṭangin tlai tin iva zawm thei ang.." an ti lehzel a.
Hruaia chu a chhuak ta a. A inngaihtuah nasa hle mai. Tlai aṭang ngei chuan SAI ah chuan va train ve a tum ta a. A haw phawt a, In-ah chuan a ṭhu vang vang a, a inngaihtuah ṭan ta a!
A ngaihtuahna chu a kawm veng veng a. A mit a chhing a, a pa hmel a mitthla ah a hmu a. Tuna a thil tih tur hi apa hrilh hmasak a ṭha angem le aw.....
A nu chuan a phal dawn lo chiang sa a. A innghahna ber Mahriati lah chu midang ta niawm takin a awm daih rih si nen..!
A hrethiam lo takzet a, mahse apa chu rawn hmasak phawt ṭha berin a hre ta a.
Inchungah a chho a, Janeti pa chiah alo awm a, phone hman a dil a.
" E....Hruaia, i duh hun hunah hmang ta che..."
Chu chu a chhanna dawn chu a ni. Phone chu ala a, a dial ta a.
A nu School lama a la awm a ring a, a pa chhanna a beisei a ni.
Phone chu a ri ral ral a, phone lehlam aṭang chuan a pa ngei chuan a rawn chhang ta a.
Sawi ṭanna lai tur ava van tak em...
" Pa.....ih...hei....
Comments
Post a Comment