31st JULY( UNCHAINED MELODY) EPISODE-20
31 st JULY ( UNCHAINED MELODY)
M.LUSEI PALIAN
EPISODE-20
Muani a thinrim tlat mai!
Hruaia hian tu bike pawh rawn khalh se,eng vangin nge he nu kher hi a rawn phurh a. Step ah chuan a tlan thla char char a.
Mapuii pawh chuan Hruaia a kalsan ve chiaha, Muani chuan a zuk nang lo chiah chiah a. Muani a zuk thleng a,Mapuii lo awm lo chu athinrim ngei mai!
Hruaia chu a melh tur ngun mai a...
" Tu bike nge? Engvangin nge kha nu kha i rawn phurh a?"
Hruaia chu a nui var var a, a hawi chhuak a, Mahriati chuan a rawn thlir thla chiah a, Hruaia chuan a hui a.
" Keima bike a nih hi... mi in ka lo chuang ve ti se, phurh duh loh ngawt chu a chi dawn em ni?"
" Nangma bike maw?" A awih lo hle a ni.
A ni renga, Hruaia khawsak dan nen chuan Bike neih chu a inhmeh lo riau. Tin, Hruaia hi an hrechiang miah lo bawk atin ni. A nu leh pa te hnathawh te engmah a sawi ngai si lova!
" I ta tak tak maw Hruai....?"
" Aw....ka pa in min leisak a ni ...."
Hruaia chu a hawi chho leh a, Mahriati chuan alo la en reng a. A han hui leh a....
Mahriati tau a la reh chiah lo, tinge Hruaia hian a hui reng le... Tu bike thar te a rawn hawh chu le....?
Ti nge kha nu kha a rawn phurh reng reng a....
Chuti taka rawn hui ta chu Dini nen chuan an chhuk thla ta nge nge a.
An zuk thleng thla a, Hruaia alo nui var var a.
" Bike hi Hruaia ta....a thar a nih hi ..." Muani chuan alo ti thuai a.
An awih lo hle mai!
"Maw...tak tak maw...? Eng tin nge?"
" A pa in a rawn leisak a nih hi.... kan lawm ang.." a ti zui nghal a.
Hruaia chuan Mahriati kut ah chuan a kai a, Bike bul an thlen chuan,
" Chuang rawh le..." Mahriati chuan a hnial lem lo.
Hruaia chuan a khalh ta a... an inphur chu a ni ta mai a.
" Kan rei lovang.."
Hruaia chuan a ti ta a. An inphur chhuak ta!
Hruaia chuan Chanmari aṭanga Chaltlang chho ah chuan a phur chho ta a. Foot path reh lai berah chuan a dinpui ta a.
An chhuk a, Footpath ah chuan an va ding dun a.
" Eng nge kan tih dawn?"
" Aizawl tlaklam kan thlir dawn?"
" Khu en teh ka In luah kha alang ve thei asin!"
Hruaia chuan a ti a. Mahriati chuan Hruaia chu a rawn hnaih sawt a.
Chulai tak boruak chu ava nuam tak em! Ni chu a sa lova, a lum em em lo. Chhemdam thli a rawn thaw heuh heuh a...
Chu mi te pahnih tan chuan khuavel hi a par vul chuk a. Hmalam hun reng an ngaihtuah lo. Hlim leh lawmin thinlung hmun khat an pu dawn ṭan niin alang.
" Eng tin maw...Bike hi i neih thut a?"
" Ni e, hman deuh a, College Week a, ka chet ṭhat avang khan min lei ta a ni..."
" Hruai, i nu leh pa chanchin i sawi ngai miah lova, eng nge an thawh a?"
" Nia, ka nu hi Zirtirtu a ni a, ka pa hi kan khaw VCP a ni thung a, nimin tlai in haw hnu khan an rawn thleng chho a, tunah kan chhungkua in kan awm mek a ni."
" I hi....VCP fapa maw i lo nih a? I va insum rei thei ve le....? Chuan i nu chu zirtirtu maw a nih...."
Mahriati chuan mak a ti telh telh mai! A hma khan thingtlang tlangval rethei tak ang khan a awm si a.
Mahse a lo rethei miah lo. Mak ava ti tehlul em!
" Aw ni e, mahse kei chu eng mah ka ni lo a nia." A ti hram a.
He thingtlang tlangval hi a duh telh telh mai! A hrechiang telh telh a, a ngaisang telh telh a ni.
A chhanna chu mak ava ti tehlul em! A duhna a zual a, a mak tih mai loh chu sawi ngaihna a hre lo , a duhna chu a zual a ni.
" Mahriat.. ..";
"Umnn"
" Thil eng emaw sawi duh ka nei a"
" Ka ngaithla e" alo ti hnap a.
Mahse Hruaia chu alai leh deuh a, mahse a turtu thinlung chhungril chuan a tur nasa em a. Sawi ngei ngei a ngai ta si a.
" Mahriat.... ka ngaina takzet che asin, englai mai pawh hian ka thinlungah i awm asin...
Mahse kei aia midang lal zawk an awm chuan min hrilh hreh suh aw...."
Aizawl tlaklam chu an thlir dun vang vang a, khuavel a chengten chu an thusawi chu hre ve ni awm hrim in boruak a nuam em em bawk si..
" Kha thu sawi tur khan engtia rei nge hun i hman dawn tih ka lo ngaihtuah ṭhin a. ..
..
Ka lawm e, kei pawhin ka ngaina che asin" a ti a.
Hruaia kut chu ava chelh ta a. A lo pawr fap a, a kut chu a durh keh tawh hnu a lo ni.
Mahriati chuan Hruaia kut chu la in a enchiang a.
" Hruai, ti nge a, a na em?"
" I piancham lawmna tur atan ban khur laiin ka inhlawh ve a.... a durh keh mai mai a nih kha.... A na lo.!!!
I tan chuan ka kut pawh hi ka pe phal che asin!"
Chu thu chu Mahruati tan chuan ava lawmawm tak em! He tlangval em em hi chu a mak a ni.
Hetiang em em a, a tana inhuam hi an awm leh thei ngai dawn em ni?
" Hruai, eng mah ka duh lo, nangmah i awm alawm! I awm chhung chuan mamawh ka nei lo ve.... ka tan chuan eng mah a ngai lo..."
" Mahriat, eng emaw ka tihsak che phal rawh.... ka lungdam nan tal...."
An inmelh ta veng veng a, an tan chuan khawvel hi a mawiin a nuam a, hringnun a par a, a vul a, chuai thei hian an ring lo.
Lungruk duhaisam lunglawm a kim dun ngei mai! An in en a, annui leh sak ṭhin a.
Chu footpath chu an thinlung inzawmna hriatpuitu a ni ta! Nakin thlengin an nun tidanglamtu a ni thei angem le?
Rei tak awm bona chi a ni lova, chu thinlung inzawmna nei te chuan an College, Hrangbana College lam bawk chu an pan leh ta a.
Bike an dah fel chuan an lut chho a, Dini leh Muani leh Puia te an lo ṭhu tlang a,
" In khuaah inzuk kal em ni?" Ngeiawm zet hian Puia chuan a ti a.
Mahriati, " Durtlang khamah kan dak"
A va chhang thiam tak em!
An nui ta dar dar a....
Mahse Honours period alo hun chiah a, an inṭhen ta diak a. Tawng leh vat turin an inṭhen ta a ni.
......
Pi Liani chuan a tihtur a zo hma hle a. Nana-i nen chuan an bazar ta a. Khua alum ṭan a, an chau hle a.
Nana-i lah chuan leitur a hre em em mai a. An vak chau nufa hle mai.
Chawhnu ṭan tir chuan Hrangbana College Canteen chu an rawn thleng phei ve ta hlawl a.
Nana-i chuan thil a ei chak leh tawh a, an lut ve ta nghe nghe a.
.......
Hruaia te pawh an ṭhian ho chuan chhun chawl turin an rawn lut ve chiah a, an ni ho hian seat an nei thlap a.
Chutah Mahriati akal hmasa ber a. An ṭhutnaah ṭhin ah chuan nufa an lo awm tlat mai.
Muani chuan, " E he...." a ti ringawt a.
Nufa te an lo hawi phei chiah a, Hruaia a rawn lang ve nghal chiah bawk a....
Puia pawh ading nghal chawt a. Mak a ti viau a!
" Hawh u, i zawm ve mai ang u..." a ti a.
Mahriati te ṭhian ho chu an phur loh hmel hle a.
Hruaia chu a nui ṭah ṭah a, Pi Liani chuan a fapa a hmuh chuan mak a tih hmel hle a. Mahse a sawi chhuak lo thung a.
" Ka pi...kan lo ṭhu ve ange aw...?" Hruaia chuan a ti a.
Nana-i thil ei lai a rawn dak a, Hruaia chuan a lo siai zeuh a. Thil aman thiam ta...
Muani chuan, " Ti nge kan seat ah hian mi hi an lo ṭhut ve ziah le aw..." a ti nang nang a.
Puia chuan, " Aw... a ṭhut theih miau alawm" a lo ti ve thung a.
An ṭhu fel ta a.
Dini chuan Bike thar nei kan awm a, vawiin hian min treat ngei angai ang ati lang lang a.
An nui tlang ham ham a.
" Thingtlang tlangval hian eng mah ka nei lo ve.." a ti a.
Puia chuan, " In duh duh ei rawh u, a man in pe mai dawn nia" a ti ve thung a.
Mahriati chuan, " Keiman ka lo pe ang" a ti chuai raih a.
Pi Liani chuan chu thu sawitu chu a en chiang ngang mai.
Mahriati lah chuan a melhtu chu zahawm riau hian a hria a. Hruaia chu a kheuh zeuh a.
" Min en reng a nia" a ti ru sa sa a,
Hruaia chuan kan hau ange aw...a ti fiam a.
" Ngai lo" a ti ta...
An ṭawng chu Pi Liani chuan a hre pha a. Nana-i pawhin a hre pha ngei a.
Mahriati beng bulah chuan a hrilh ru ta a...
" Ka nu a nih saw...."
M.LUSEI PALIAN
EPISODE-20
Muani a thinrim tlat mai!
Hruaia hian tu bike pawh rawn khalh se,eng vangin nge he nu kher hi a rawn phurh a. Step ah chuan a tlan thla char char a.
Mapuii pawh chuan Hruaia a kalsan ve chiaha, Muani chuan a zuk nang lo chiah chiah a. Muani a zuk thleng a,Mapuii lo awm lo chu athinrim ngei mai!
Hruaia chu a melh tur ngun mai a...
" Tu bike nge? Engvangin nge kha nu kha i rawn phurh a?"
Hruaia chu a nui var var a, a hawi chhuak a, Mahriati chuan a rawn thlir thla chiah a, Hruaia chuan a hui a.
" Keima bike a nih hi... mi in ka lo chuang ve ti se, phurh duh loh ngawt chu a chi dawn em ni?"
" Nangma bike maw?" A awih lo hle a ni.
A ni renga, Hruaia khawsak dan nen chuan Bike neih chu a inhmeh lo riau. Tin, Hruaia hi an hrechiang miah lo bawk atin ni. A nu leh pa te hnathawh te engmah a sawi ngai si lova!
" I ta tak tak maw Hruai....?"
" Aw....ka pa in min leisak a ni ...."
Hruaia chu a hawi chho leh a, Mahriati chuan alo la en reng a. A han hui leh a....
Mahriati tau a la reh chiah lo, tinge Hruaia hian a hui reng le... Tu bike thar te a rawn hawh chu le....?
Ti nge kha nu kha a rawn phurh reng reng a....
Chuti taka rawn hui ta chu Dini nen chuan an chhuk thla ta nge nge a.
An zuk thleng thla a, Hruaia alo nui var var a.
" Bike hi Hruaia ta....a thar a nih hi ..." Muani chuan alo ti thuai a.
An awih lo hle mai!
"Maw...tak tak maw...? Eng tin nge?"
" A pa in a rawn leisak a nih hi.... kan lawm ang.." a ti zui nghal a.
Hruaia chuan Mahriati kut ah chuan a kai a, Bike bul an thlen chuan,
" Chuang rawh le..." Mahriati chuan a hnial lem lo.
Hruaia chuan a khalh ta a... an inphur chu a ni ta mai a.
" Kan rei lovang.."
Hruaia chuan a ti ta a. An inphur chhuak ta!
Hruaia chuan Chanmari aṭanga Chaltlang chho ah chuan a phur chho ta a. Foot path reh lai berah chuan a dinpui ta a.
An chhuk a, Footpath ah chuan an va ding dun a.
" Eng nge kan tih dawn?"
" Aizawl tlaklam kan thlir dawn?"
" Khu en teh ka In luah kha alang ve thei asin!"
Hruaia chuan a ti a. Mahriati chuan Hruaia chu a rawn hnaih sawt a.
Chulai tak boruak chu ava nuam tak em! Ni chu a sa lova, a lum em em lo. Chhemdam thli a rawn thaw heuh heuh a...
Chu mi te pahnih tan chuan khuavel hi a par vul chuk a. Hmalam hun reng an ngaihtuah lo. Hlim leh lawmin thinlung hmun khat an pu dawn ṭan niin alang.
" Eng tin maw...Bike hi i neih thut a?"
" Ni e, hman deuh a, College Week a, ka chet ṭhat avang khan min lei ta a ni..."
" Hruai, i nu leh pa chanchin i sawi ngai miah lova, eng nge an thawh a?"
" Nia, ka nu hi Zirtirtu a ni a, ka pa hi kan khaw VCP a ni thung a, nimin tlai in haw hnu khan an rawn thleng chho a, tunah kan chhungkua in kan awm mek a ni."
" I hi....VCP fapa maw i lo nih a? I va insum rei thei ve le....? Chuan i nu chu zirtirtu maw a nih...."
Mahriati chuan mak a ti telh telh mai! A hma khan thingtlang tlangval rethei tak ang khan a awm si a.
Mahse a lo rethei miah lo. Mak ava ti tehlul em!
" Aw ni e, mahse kei chu eng mah ka ni lo a nia." A ti hram a.
He thingtlang tlangval hi a duh telh telh mai! A hrechiang telh telh a, a ngaisang telh telh a ni.
A chhanna chu mak ava ti tehlul em! A duhna a zual a, a mak tih mai loh chu sawi ngaihna a hre lo , a duhna chu a zual a ni.
" Mahriat.. ..";
"Umnn"
" Thil eng emaw sawi duh ka nei a"
" Ka ngaithla e" alo ti hnap a.
Mahse Hruaia chu alai leh deuh a, mahse a turtu thinlung chhungril chuan a tur nasa em a. Sawi ngei ngei a ngai ta si a.
" Mahriat.... ka ngaina takzet che asin, englai mai pawh hian ka thinlungah i awm asin...
Mahse kei aia midang lal zawk an awm chuan min hrilh hreh suh aw...."
Aizawl tlaklam chu an thlir dun vang vang a, khuavel a chengten chu an thusawi chu hre ve ni awm hrim in boruak a nuam em em bawk si..
" Kha thu sawi tur khan engtia rei nge hun i hman dawn tih ka lo ngaihtuah ṭhin a. ..
..
Ka lawm e, kei pawhin ka ngaina che asin" a ti a.
Hruaia kut chu ava chelh ta a. A lo pawr fap a, a kut chu a durh keh tawh hnu a lo ni.
Mahriati chuan Hruaia kut chu la in a enchiang a.
" Hruai, ti nge a, a na em?"
" I piancham lawmna tur atan ban khur laiin ka inhlawh ve a.... a durh keh mai mai a nih kha.... A na lo.!!!
I tan chuan ka kut pawh hi ka pe phal che asin!"
Chu thu chu Mahruati tan chuan ava lawmawm tak em! He tlangval em em hi chu a mak a ni.
Hetiang em em a, a tana inhuam hi an awm leh thei ngai dawn em ni?
" Hruai, eng mah ka duh lo, nangmah i awm alawm! I awm chhung chuan mamawh ka nei lo ve.... ka tan chuan eng mah a ngai lo..."
" Mahriat, eng emaw ka tihsak che phal rawh.... ka lungdam nan tal...."
An inmelh ta veng veng a, an tan chuan khawvel hi a mawiin a nuam a, hringnun a par a, a vul a, chuai thei hian an ring lo.
Lungruk duhaisam lunglawm a kim dun ngei mai! An in en a, annui leh sak ṭhin a.
Chu footpath chu an thinlung inzawmna hriatpuitu a ni ta! Nakin thlengin an nun tidanglamtu a ni thei angem le?
Rei tak awm bona chi a ni lova, chu thinlung inzawmna nei te chuan an College, Hrangbana College lam bawk chu an pan leh ta a.
Bike an dah fel chuan an lut chho a, Dini leh Muani leh Puia te an lo ṭhu tlang a,
" In khuaah inzuk kal em ni?" Ngeiawm zet hian Puia chuan a ti a.
Mahriati, " Durtlang khamah kan dak"
A va chhang thiam tak em!
An nui ta dar dar a....
Mahse Honours period alo hun chiah a, an inṭhen ta diak a. Tawng leh vat turin an inṭhen ta a ni.
......
Pi Liani chuan a tihtur a zo hma hle a. Nana-i nen chuan an bazar ta a. Khua alum ṭan a, an chau hle a.
Nana-i lah chuan leitur a hre em em mai a. An vak chau nufa hle mai.
Chawhnu ṭan tir chuan Hrangbana College Canteen chu an rawn thleng phei ve ta hlawl a.
Nana-i chuan thil a ei chak leh tawh a, an lut ve ta nghe nghe a.
.......
Hruaia te pawh an ṭhian ho chuan chhun chawl turin an rawn lut ve chiah a, an ni ho hian seat an nei thlap a.
Chutah Mahriati akal hmasa ber a. An ṭhutnaah ṭhin ah chuan nufa an lo awm tlat mai.
Muani chuan, " E he...." a ti ringawt a.
Nufa te an lo hawi phei chiah a, Hruaia a rawn lang ve nghal chiah bawk a....
Puia pawh ading nghal chawt a. Mak a ti viau a!
" Hawh u, i zawm ve mai ang u..." a ti a.
Mahriati te ṭhian ho chu an phur loh hmel hle a.
Hruaia chu a nui ṭah ṭah a, Pi Liani chuan a fapa a hmuh chuan mak a tih hmel hle a. Mahse a sawi chhuak lo thung a.
" Ka pi...kan lo ṭhu ve ange aw...?" Hruaia chuan a ti a.
Nana-i thil ei lai a rawn dak a, Hruaia chuan a lo siai zeuh a. Thil aman thiam ta...
Muani chuan, " Ti nge kan seat ah hian mi hi an lo ṭhut ve ziah le aw..." a ti nang nang a.
Puia chuan, " Aw... a ṭhut theih miau alawm" a lo ti ve thung a.
An ṭhu fel ta a.
Dini chuan Bike thar nei kan awm a, vawiin hian min treat ngei angai ang ati lang lang a.
An nui tlang ham ham a.
" Thingtlang tlangval hian eng mah ka nei lo ve.." a ti a.
Puia chuan, " In duh duh ei rawh u, a man in pe mai dawn nia" a ti ve thung a.
Mahriati chuan, " Keiman ka lo pe ang" a ti chuai raih a.
Pi Liani chuan chu thu sawitu chu a en chiang ngang mai.
Mahriati lah chuan a melhtu chu zahawm riau hian a hria a. Hruaia chu a kheuh zeuh a.
" Min en reng a nia" a ti ru sa sa a,
Hruaia chuan kan hau ange aw...a ti fiam a.
" Ngai lo" a ti ta...
An ṭawng chu Pi Liani chuan a hre pha a. Nana-i pawhin a hre pha ngei a.
Mahriati beng bulah chuan a hrilh ru ta a...
" Ka nu a nih saw...."
Comments
Post a Comment