31st JULU(UNCHAINED MELODY) EPISODE-26
31st JULY( UNCHAINED MELODY)
M.LUSEI PALIAN
EPISODE-26
( Tunlai chu Damdawi-in lamah chhungte avangin ka kal tlauh tlauh mai a.
Duh hunah ka rawn dah thei ṭhin lova, ka inthlahrung hle mai.
Min hriatthiam ka ngai a ni...)
Kawngka chu a rawn hawng a, a rinloh lutuk leh a ngaihna a hriat hauh loh chu a rawn pen lut ta tlat mai le....
Hruaia chu rang tawkin a ṭhutna aṭang chuan a tho thuai a, Nula pianthiam tak a rawn pen lut a, bag a rawn ak a. A hmel chu a hma aiin a ṭha ta emaw tih mai tur hi a ni.
Lalrinfeli, High School akal pui ṭhin a ni a. An karah hian eng emaw alo awm tawh a, mahse Rinfeli pa hi police a ni a, an sawn ta daih a. An inhmu ta ngai lo.
Tunlai ang hian mobile phone a awm lova, lunglen an tuar ngat ngat ṭhin kha a ni.
" Rinfel.....eng.. ti ...zia nge ?"
Nula tak tak alo ni ta, Hruaia chuan a ngaihna hre lo zetin a melh vang vang a....
Rinfeli khabe a khuavang chhinchhiah awm kalh chuan a hmel ṭhatna a tichiang lehzual a. Tun hma zawng ai khan a ṭha tawh zawk....
Angel note ni mai awm a mawi hi a ni...
Rinfeli chu a nui sak a, ava ṭha chiang tak em!
" Pu Hruaia...i ni em?"
E khai..he nu hi a chimawm ngai rengin ala chimawm a nih hi...
" Hruaia chu ka ni ngei a, mahse Pu Hruaia ka ni lo"
" Ka pu, ka lo ṭhu hahdam thei angem?"
" Ka pi, i duh chuan a mut pawh i mu zal thei e..."
An inbiakna aṭang reng reng hian an inhaw mawlh lo tih a hriat reng a ni.
An inhaw reng nang, kum engzat nge an inhmuh tawh loh le...?
High School an zawh hnu khan an inhmu ngai tawh mawlh lo a ni. Khawiah nge an pem tak tih hi Hruaia hian a ngaihtuah leh veng veng ṭhin a.
Zawn chhuah hial te a duh ṭhin a ni. Mahse zan tin suangtuah mahse bul ṭanna tur a hre lova, a thamral leh ṭhin a ni.
Rinfeli lah hian Hruaia'n a rawn zawn a lo ring em em ṭhin a. Ni tin a thlir a, an pem tirh phei chuan hrehawm tihna in a khat a. Zan tin Hruaia a ngaihtuah a, Hruaia address te kha an motor hman pakhatah khan an bungraw theihnghilh zingah a tel si...
Mangang in a rum a, thinlung thawnthu tam tak a neih phah a. A pa Police OC a ni ṭhin a. Lungleiah an awm a, Serchhip ah an sawn phei leh chiah a ni.
Aizawlah a ni te bulah a rawn zin a, College rawn kal a tum a ni.
" Coffee nge i duh thingpui pangngai?"
" Coffee chu i nu siam a ni em?"
" Aw ni e, ka pi duhtak..."
" Aw le, tlangval.... coffee ka duh zawk e"
Tu mah an nui lo....
An in melh vawng vawng a...
" U Hruai..( Ring tawkin) phone ah an be duh che.. Hriati a inti...."
" A awm lo aleng tirawh.." a ti a, a coffee chhuan chu a siam ta zawk a.
Uluk taka a siam a ni a, a tui ngawt ang...
A inleng nula Phai vapui ang maia hmel ṭha chu a pe ta a....
Chu nula chuan chang dang khaw dang a hawi thei mawlh lo.
Kum kha chen a hmuh loh chhung khan Hruaia hi alo va pa ta em! A hmel te a che te chu a dik thlap a. A taksa te chu a mawi tawh hle a. Thlir nin har a ti... kuah vawng vawng a chak..!
Coffee chu a in ta a. Hruaia te ina Hruaia'n lenga a sawm hmasak ber ṭum a, Hruaia nu in a siamsak kha a hrechhuak a, a mitthla ah a cham a, a hnuk a ulh lek lek... Coffee rim chuan thil a hriat chhuah tir a,.....hei vang hian Coffee hi a induh loh reng phah bawk a ni.
Rei tak chhung coffee a in ngai ta reng reng lo a ni. Rinfeli thinlung chu hlim mahse nunhlui ngaihtuahin a awm veng veng a.
" A dai ange aw..F-i"
A rawn koh dan chuan a thinlung a kuai harh zawk a.
" Hruai.....sawi tur ka va ngah tak em?"
" Umnnn...."
" Ti nge min zawn miah loh...? Mawh....min theihnghilh tawh ti raw?"
Chhanna harsa ava ni tehlul em?
" In awmna ka hre ngang lo a ni... ni e ka thiamloh a ni ..F-i...
Min hrethiam lawk la, tution pek tur naupang ka nei a, ka han ṭhulh tir a nge..."
" A ngai lo, ka haw leh mai ang....."
" Ka phal hma chu i haw lovang"
" Chu.....min awmpui dawn tihna em ni?"
" I ngaih dan dan.....mahse ka thusawi tur ka sawi zawh hma chuan i haw thei lovang...Coffee kha inla lo ṭhu lawk la, ka han hrilh ange...ka rei lovang"
Rinfeli chu a bu nghat a, Hruaia chuan Janeti te in chu a pan chho ta a.
Janeti lo chhuak tur nen chuan an in tawk chiah a.
" U Hruai...lokal ka tum asin..."
" Khaw nge i naute? Hei zanin chu ka buai deuh tlat a, zing karah kan zir mai dawn em ni?" Hruaia chuan a ti a.
Naupang pahnihte chuan, " Yessss.....Tv en daih ang.."an lo ti nghal a.
Janeti chuan, " U Hruai...ti nge? Phone pawh i chhang duh si lova...eng nge i awmzia hi?" A ti a.
Janeti thil ken chu a la a, a en a, Zawhna kha chhan a tum miah lo...
Janeti chu a assignment tih dan tur a hrilh mawlh mawlh a.
"Nakinah ka hman hunah ka rawn endik dawn nia, mi in min rawn phone chuan a awm lo tizel ang che..." a ti a.
Janeti hian a hrethiam lo kher mai, A U Hruaia hian eng emaw chu a tawk ngei a ni. A zawt ngam rih si lova.....
A U Hruaia hi eng thil emaw tak hian a tibuai in a tihah a ni. Hnemtu nih a chak em em a. Mahse eng mah a zawt ngam der bawk si lo.....
A rukin hrehawm a ti ngawih ngawih mai a ni. A U Hruaia ina lehkha zir tur in a lo insiam tawh a, a bula awm a chak tehreng nen, a awm leh dawn si lo. A thinrim lek lek a ni.
Chutih rual chuan A U Hruaia chu a hrethiam em em lawi si. Mak a inti hle a ni.
Hmangaihna vanduai hi a chan a ni mai angem le?
..............
Mahriati chuan hrehawm a ti hle a, Rinpuia'n a kaih lai takin Hruaia khan a rawn hmu si....
Hruaia mita mak tihna leh thinrimna kha a hmuh hmaih hauh lo.... Ni e, a thiamloh a ni.
A tirah fel takin Rinpuia nen hian inhmelhriat tir ta se, engkim hi a fel duak mai tur a nia. Mahse a ti lo zo ta si a.
Ngui burin a haw a, a thinlung chu tawt up up hian a hria a. Hrehawm a ti a ni. Hruaia inluahna te phone no a nei a...biak a tum ta a.
Zan tir ah a phone a, Mahse a awm lo, an ti a...
Dik lo ti rilru leh ngaih ṭha lo chung chung chuan a awm a. Darkar khat hnu velah biak leh a tum a.
Zak deuh chung chung chuan a nu leh pa awm loh hlan chuan a phone leh ta nge nge a...
Naupang hovin an au lang lang pawh a hria a...
Mahse a awm lo an rawn ti leh si...
Awm ngaihna reng a hre lo! Hruaia hian a be duh lo tih a hre ta! A va na em!
A chhan lah chu a hrechiang em em a, a thinlung a na a, a roomah a lut a, khumah chuan a bawk ta thlawp a...
A harsatna a manganna hi ama insiam chawp a ni. Ama at vang vek a ni tih a hria a...
A thinlung Lalpa lah chuan a be duh der lo. Rinpuia hian a ngaina tih a hria a. Hausa in neinung viau mahse Hruaia ne pawh a ek pha meuh lo a ni...
Hruaia rilru tur a dawn a, hrehawm a ti a, dan rual loh hian a biangah chuan a mittui chu aluang ta zawih zawih a...
Hmangaihna hian engkim a keng tel si ṭhin a.
.........
Hruaia chu a in a thleng thla leh tawh a, a inleng nula chuan a coffee inna no chu alo sil ve mek bawk a. He nula hi a sakhmel reng reng hi khuanu'n uluk taka a duan a ni tih a hriat theih a. Ṭhatna zawng zawng neitu ni mai hian a hriat a.
Hruaia chu pindan lamah a lut thla a....
Thlalak hlui leh lehkhathawn...hmangaih lehkha thawn, hun rei tak a kawl tawh.....lakchhuah a tum a ni. Hun kha leh chen inhnem nan alo hman ṭhin a ni a. A ngai hlu a, Rinfeli thlalak phei chu a thlir nawn fo ṭhin.
Mahriati nen an intawn hma khan College a zawh hunah zawng chhuak turin a rilru a siam nghe nghe a ni
" Hruai, ka lo lut ve thei angem?"
Chhanna a nghak lo, a lut thla a, Hruaia alo ding chiah a, chu nula duhawmna a khat chuan a kuah bet thlawp a....Hruaia a inveng hman lo khumah chuan an tlu dun ta riai riai a....
Rinfeli chu Hruaia awmah chuan ala bei a, a mittui a tla tih chu Hruaia chuan a hai lo....
Sawi tur ber an hre lo, an hmui leh hmui chu a insi ta a....
M.LUSEI PALIAN
EPISODE-26
( Tunlai chu Damdawi-in lamah chhungte avangin ka kal tlauh tlauh mai a.
Duh hunah ka rawn dah thei ṭhin lova, ka inthlahrung hle mai.
Min hriatthiam ka ngai a ni...)
Kawngka chu a rawn hawng a, a rinloh lutuk leh a ngaihna a hriat hauh loh chu a rawn pen lut ta tlat mai le....
Hruaia chu rang tawkin a ṭhutna aṭang chuan a tho thuai a, Nula pianthiam tak a rawn pen lut a, bag a rawn ak a. A hmel chu a hma aiin a ṭha ta emaw tih mai tur hi a ni.
Lalrinfeli, High School akal pui ṭhin a ni a. An karah hian eng emaw alo awm tawh a, mahse Rinfeli pa hi police a ni a, an sawn ta daih a. An inhmu ta ngai lo.
Tunlai ang hian mobile phone a awm lova, lunglen an tuar ngat ngat ṭhin kha a ni.
" Rinfel.....eng.. ti ...zia nge ?"
Nula tak tak alo ni ta, Hruaia chuan a ngaihna hre lo zetin a melh vang vang a....
Rinfeli khabe a khuavang chhinchhiah awm kalh chuan a hmel ṭhatna a tichiang lehzual a. Tun hma zawng ai khan a ṭha tawh zawk....
Angel note ni mai awm a mawi hi a ni...
Rinfeli chu a nui sak a, ava ṭha chiang tak em!
" Pu Hruaia...i ni em?"
E khai..he nu hi a chimawm ngai rengin ala chimawm a nih hi...
" Hruaia chu ka ni ngei a, mahse Pu Hruaia ka ni lo"
" Ka pu, ka lo ṭhu hahdam thei angem?"
" Ka pi, i duh chuan a mut pawh i mu zal thei e..."
An inbiakna aṭang reng reng hian an inhaw mawlh lo tih a hriat reng a ni.
An inhaw reng nang, kum engzat nge an inhmuh tawh loh le...?
High School an zawh hnu khan an inhmu ngai tawh mawlh lo a ni. Khawiah nge an pem tak tih hi Hruaia hian a ngaihtuah leh veng veng ṭhin a.
Zawn chhuah hial te a duh ṭhin a ni. Mahse zan tin suangtuah mahse bul ṭanna tur a hre lova, a thamral leh ṭhin a ni.
Rinfeli lah hian Hruaia'n a rawn zawn a lo ring em em ṭhin a. Ni tin a thlir a, an pem tirh phei chuan hrehawm tihna in a khat a. Zan tin Hruaia a ngaihtuah a, Hruaia address te kha an motor hman pakhatah khan an bungraw theihnghilh zingah a tel si...
Mangang in a rum a, thinlung thawnthu tam tak a neih phah a. A pa Police OC a ni ṭhin a. Lungleiah an awm a, Serchhip ah an sawn phei leh chiah a ni.
Aizawlah a ni te bulah a rawn zin a, College rawn kal a tum a ni.
" Coffee nge i duh thingpui pangngai?"
" Coffee chu i nu siam a ni em?"
" Aw ni e, ka pi duhtak..."
" Aw le, tlangval.... coffee ka duh zawk e"
Tu mah an nui lo....
An in melh vawng vawng a...
" U Hruai..( Ring tawkin) phone ah an be duh che.. Hriati a inti...."
" A awm lo aleng tirawh.." a ti a, a coffee chhuan chu a siam ta zawk a.
Uluk taka a siam a ni a, a tui ngawt ang...
A inleng nula Phai vapui ang maia hmel ṭha chu a pe ta a....
Chu nula chuan chang dang khaw dang a hawi thei mawlh lo.
Kum kha chen a hmuh loh chhung khan Hruaia hi alo va pa ta em! A hmel te a che te chu a dik thlap a. A taksa te chu a mawi tawh hle a. Thlir nin har a ti... kuah vawng vawng a chak..!
Coffee chu a in ta a. Hruaia te ina Hruaia'n lenga a sawm hmasak ber ṭum a, Hruaia nu in a siamsak kha a hrechhuak a, a mitthla ah a cham a, a hnuk a ulh lek lek... Coffee rim chuan thil a hriat chhuah tir a,.....hei vang hian Coffee hi a induh loh reng phah bawk a ni.
Rei tak chhung coffee a in ngai ta reng reng lo a ni. Rinfeli thinlung chu hlim mahse nunhlui ngaihtuahin a awm veng veng a.
" A dai ange aw..F-i"
A rawn koh dan chuan a thinlung a kuai harh zawk a.
" Hruai.....sawi tur ka va ngah tak em?"
" Umnnn...."
" Ti nge min zawn miah loh...? Mawh....min theihnghilh tawh ti raw?"
Chhanna harsa ava ni tehlul em?
" In awmna ka hre ngang lo a ni... ni e ka thiamloh a ni ..F-i...
Min hrethiam lawk la, tution pek tur naupang ka nei a, ka han ṭhulh tir a nge..."
" A ngai lo, ka haw leh mai ang....."
" Ka phal hma chu i haw lovang"
" Chu.....min awmpui dawn tihna em ni?"
" I ngaih dan dan.....mahse ka thusawi tur ka sawi zawh hma chuan i haw thei lovang...Coffee kha inla lo ṭhu lawk la, ka han hrilh ange...ka rei lovang"
Rinfeli chu a bu nghat a, Hruaia chuan Janeti te in chu a pan chho ta a.
Janeti lo chhuak tur nen chuan an in tawk chiah a.
" U Hruai...lokal ka tum asin..."
" Khaw nge i naute? Hei zanin chu ka buai deuh tlat a, zing karah kan zir mai dawn em ni?" Hruaia chuan a ti a.
Naupang pahnihte chuan, " Yessss.....Tv en daih ang.."an lo ti nghal a.
Janeti chuan, " U Hruai...ti nge? Phone pawh i chhang duh si lova...eng nge i awmzia hi?" A ti a.
Janeti thil ken chu a la a, a en a, Zawhna kha chhan a tum miah lo...
Janeti chu a assignment tih dan tur a hrilh mawlh mawlh a.
"Nakinah ka hman hunah ka rawn endik dawn nia, mi in min rawn phone chuan a awm lo tizel ang che..." a ti a.
Janeti hian a hrethiam lo kher mai, A U Hruaia hian eng emaw chu a tawk ngei a ni. A zawt ngam rih si lova.....
A U Hruaia hi eng thil emaw tak hian a tibuai in a tihah a ni. Hnemtu nih a chak em em a. Mahse eng mah a zawt ngam der bawk si lo.....
A rukin hrehawm a ti ngawih ngawih mai a ni. A U Hruaia ina lehkha zir tur in a lo insiam tawh a, a bula awm a chak tehreng nen, a awm leh dawn si lo. A thinrim lek lek a ni.
Chutih rual chuan A U Hruaia chu a hrethiam em em lawi si. Mak a inti hle a ni.
Hmangaihna vanduai hi a chan a ni mai angem le?
..............
Mahriati chuan hrehawm a ti hle a, Rinpuia'n a kaih lai takin Hruaia khan a rawn hmu si....
Hruaia mita mak tihna leh thinrimna kha a hmuh hmaih hauh lo.... Ni e, a thiamloh a ni.
A tirah fel takin Rinpuia nen hian inhmelhriat tir ta se, engkim hi a fel duak mai tur a nia. Mahse a ti lo zo ta si a.
Ngui burin a haw a, a thinlung chu tawt up up hian a hria a. Hrehawm a ti a ni. Hruaia inluahna te phone no a nei a...biak a tum ta a.
Zan tir ah a phone a, Mahse a awm lo, an ti a...
Dik lo ti rilru leh ngaih ṭha lo chung chung chuan a awm a. Darkar khat hnu velah biak leh a tum a.
Zak deuh chung chung chuan a nu leh pa awm loh hlan chuan a phone leh ta nge nge a...
Naupang hovin an au lang lang pawh a hria a...
Mahse a awm lo an rawn ti leh si...
Awm ngaihna reng a hre lo! Hruaia hian a be duh lo tih a hre ta! A va na em!
A chhan lah chu a hrechiang em em a, a thinlung a na a, a roomah a lut a, khumah chuan a bawk ta thlawp a...
A harsatna a manganna hi ama insiam chawp a ni. Ama at vang vek a ni tih a hria a...
A thinlung Lalpa lah chuan a be duh der lo. Rinpuia hian a ngaina tih a hria a. Hausa in neinung viau mahse Hruaia ne pawh a ek pha meuh lo a ni...
Hruaia rilru tur a dawn a, hrehawm a ti a, dan rual loh hian a biangah chuan a mittui chu aluang ta zawih zawih a...
Hmangaihna hian engkim a keng tel si ṭhin a.
.........
Hruaia chu a in a thleng thla leh tawh a, a inleng nula chuan a coffee inna no chu alo sil ve mek bawk a. He nula hi a sakhmel reng reng hi khuanu'n uluk taka a duan a ni tih a hriat theih a. Ṭhatna zawng zawng neitu ni mai hian a hriat a.
Hruaia chu pindan lamah a lut thla a....
Thlalak hlui leh lehkhathawn...hmangaih lehkha thawn, hun rei tak a kawl tawh.....lakchhuah a tum a ni. Hun kha leh chen inhnem nan alo hman ṭhin a ni a. A ngai hlu a, Rinfeli thlalak phei chu a thlir nawn fo ṭhin.
Mahriati nen an intawn hma khan College a zawh hunah zawng chhuak turin a rilru a siam nghe nghe a ni
" Hruai, ka lo lut ve thei angem?"
Chhanna a nghak lo, a lut thla a, Hruaia alo ding chiah a, chu nula duhawmna a khat chuan a kuah bet thlawp a....Hruaia a inveng hman lo khumah chuan an tlu dun ta riai riai a....
Rinfeli chu Hruaia awmah chuan ala bei a, a mittui a tla tih chu Hruaia chuan a hai lo....
Sawi tur ber an hre lo, an hmui leh hmui chu a insi ta a....
Comments
Post a Comment