To sir.....with Love
TO SIR.........WITH LOVE
(M.Lusei Palian)
..........(III & IV).......
*I hmel hi ka mitah hian a mikhual miah lo* tih thu hi Mahriati thinlungah chuan a ri nawn tluk tluk a.Enga ti nge nikhat thil thua hetianga a awm mai le. Tun hma in hetiang hian ala awm ngai si lo. Amah leh amah pawh hi a i hrethiam thei lo!
Engtin nge a inhriat thiam ang? Hmangaihna leh indona ah hi chuan ramri kham chin leh thianglo a awm meuh si lo atin ni.
" Bawihi, i mu tawh em ni?"
" Mu chiah lo....eng nge.."
" I U Hruaia mutna tur saw, bed sheet saw thlak a ngai ang, i ta pakhat kha i hman tir mai dawn em ni?"
" Lal A nu, i zak lo....a chi nang"
A nu chu Mahriati khum bulah chuan ava kal hnai a. Heti hian a ti leh kher a.
" I haw vak lo khan ka hre si a..."
A nu in chutiang țawngkam a rawn hmang mai chu mak a ti hle a. A zak a, a lai a, hrehawm a ti a..A awm dan a hrethiam lo hle a.
" Nu, eng tin nge ka awm a?"
" Bawihi, i chet dan hi ka hmuh hmaih hlei nem! Nu in a fanu duat hawiher nikhat thil thua danglam ta thuai hi a hai thei dawn em ni?"
" Nu engtin nge ka awm a?"
" Ka Bawihte, i nula ve țan dawn a nih hi.. Mahse fimkhur la, mipa hi afala awmpui loh hi himna a ni. Thianghlimna hloh khawpa awm loh tur. Thianghlimna hloh tawh nula in duh an thlang thei tawh ngai lo....... E khai...ti teh I U Hruaia mutna tur chu....."
A nu chuan I U Hruaia tih pah chuan a biangah a piai a...
" Lal anu....."
" Nu vannei tak ila ni mai thei Bawihte..."
" Lal...a nu..."
" Ti teh Bawihi, va siamsak lawk ang hmiang"
Nu kimi leh Mahriati chu mikhual pindan lam chu an pan dun ta a. Chutih lai chuan inlengte țin zai an lo rel ve mek a. Mikhual room-ah chuan Laptop-ah zai alo in play mek a.Vanlalhlana'n 'Zan tlaiah ka lo leng ang' tih hla alo sa a. Mahriati chuan chu hla ala hriat ngai miah loh chu nalh a ti in a thinlungah thu a sawi țan hle a.
Mikhual pindanah chuan Hruaia chu alo awm lova. Bed sheet chu alo inthlak diam tawh a, sin tur pawh alo inchhawp diam a.A rilru in Mahriati chuan Bag kha alo keng hnem reng a ni a ti a.Hruaia chu a rawn lut a, a riahna tura Nu kimi te nufa lo awm chu a melh a.
" I bed sheet leh i sin tur hi kan rawn siam ang chu kan ti a....mahse hei i rawn ken em ni?
I lo siam zo diam tawh mai a......"
" Nia, hei ka rawn ken a nia, ngaihloh lamah in ngaihloh hram ka beisei .......keima thu in ka lo ti ve mawp mawp a."
" Ngai lah love,a țha alawm....a nih tui deuhin i mu dawn nia..aw "
Pu Hmaa chu arawn dak ve a" Mut mai i tum em ni, inleng kan nei ata langin duh angin kan inkawm hman si lova...E...naktuk lam chu...engtin nge ni dawn a?"
" Nia, hei Mahriati te țhian dun an awm a, an inhlawh ve anga, Ruatsanga khan min rawn puih a tum bawk a, kan lo ti ve thei mai ang.."
"Mama alo phei dawn chuan a țhat chu....Inhnuai berah khuan thingzai a awm a a țul a nih leh in lo phel tir mai dawn nia... Keini lah Leipui hal kan lo tum ve si a. I nu Kimi hi alawm maw le....a ngai lo ka tih pawhin Vawkchaw Bal hmun tur a ti tlat a...."
" Aw....duhtawk ang... ti ru i mu ang u..." Nu kimi te chhung chu an room lam an pan a..
" Mang țha vek u le.."
Zan tlai alo ni a, Mahriati chu a muhil mai thei lova..a inlet a inlet a.... A awm dan teh thut hi mak a inti a ni.
Pi Kimi pawh a mut hmunah chuan a fanu tlu tur Hruaia'n mahni nat pawh hlau miah lova lo chhantu Hruaia chu a ngaihtuah ve tho...A fanu neih chhun tan hian a duh uluk ru ve em a ni. A dik alawm,tu nu in nge mahni fanu te tan mipa țha duhsak lovang ni....
Nula țan tir pakhat leh Tlangval pindan danga awmte chu rilru ngaihtuahna in hmu si, lo var pawh chiah lo hian an inlet an inlet a....
( Phone hian type thui alo har hle mai...chutih laiin min duhsaka min lo like saktu leh ngaihnawm lo titu te hian min ti lawm a. Ka țang ve sauh sauh e. Hei lo hi adang pakhat ka ziak mek a. Episode 10 a tlin hunah ka rawn suan lut ange)
........III........
Cont...
Zing hma takah vai Pathian thawh hma fe hian Hruaia chu a tho va,In hnuaia Chinai thi vel chu Pu Hmaa sawina ah chuan a dah phei a. Tuma rawn thawh hma chuan a thiar zo hman a.A hma nia a thing eh bang chu a ek zo vek a. Nu Kimi a rawn tho a, thingpui a chhuang a. Pawn a rawn chhuah chuan Hruaia chuan thing chu alo rem țha mawlh mawlh a.
"Eng tizia nge? Ti nge thing i lo eh leh tak a, i va tho hma ve, i mu thei na nge?"
" Tho hma vak lo ve, tih tur ka nei lo em a!"
" Ti rawh thingpui in phawt ang"
An lut dun ta a. Pu Hmaa alo thova, an titi luam a. Hruaia rinai in Mahriati a rawn tho har a! Zan lamah a mu tlem em a ni.Zing lamah a um pawng pâr a ni mahna. Dar 7:00am velah chuan a rawn tho ve chhat chhat a. Hruaia'n alo nuih var var a, alo siau zeuhva.....A zak leh lai lutuk chuan a nu chu a va su a. ..
" Bawihi, mumang nen em ni i rawn chhuah a.....ila harh chianglo em ni..,,?
A lai lutuk leh zak bawk si chuan a nu chu a kuah a .
"Lal A nu....ti nge min kaihthawh mai loh..."
" Ala hma alawm... "
Bath room ah chuan alut zui nghal a .. ...
Tukțhuan an kil zo va.Pu Hmaa chuan Hruaia hnenah chuan a duh ang anga lo chei mai turin a hrilh nual a. Rei mawi tawk an insiam hnu chuan Gypsy chuan an nupa chuan an in phur liam ta a.
" Ka rin aiin i tho har Bawihte.."
" Ti khan min ko ve suh.."
" Ti nge, eng tinnge ka koh ang che...Dorothy tiin ka ko mai dawn che em ni?"
" Chu chu i bialnu hming em ni?"
" I tihtlat chuan ni mai e... I u Mama chu ka va lam ange aw, Rinsangi chu lo han sawm la aw...Dorothy"
A chhiah khum vak a! A ni lah chuan a mit alo siai sak a. Bike a tinung a, a tlan liam ta deih a.
Tlai dar 2:00 vel chuan an zo fel ta duak a. Rinsangi chu hlawh pek atum a ala duh lova, Mahriati pek a tum leh a ....
Ruatsanga chuan, " A ngai lo, an pui ve che a nih kha....a rulh nan nakinah ila khawng fawk fawk dawn nia.."
(Hruaia chuan tih dan danga rulh a tum ta zawk a.)
An nui ta dar dar a.
Rinsangi, " Ih...Sir...nakinah School-ah min tihduhdah veih aw...I in khu kan suasam a ni mai ti raw Hriat.."
" Nia, kan suasam a ni mai..."
" In duh a thu le..."
An nui dar dar a.
" Ruatsang,i pate chu kan va halpui mai dawn em ni?"
" Ni e, mei an chhuah ang tih a hlauhawm alawm.Va puih chu ka lo tum deuhva. Nizan khan ka nu inkhawm bang khan min rawn hrilh thlap si a..."
An kal hma chuan Hruaia chuan a bag a rawn la chhuak a, a hawng a. Mahriati chuan alo en reng a, nimina arawn ah kha niin a hria a. Air gun pahnih a rawn phawrh a. Ruatsanga chuan alo la thuai a.A pahnih chuan alek tawn sek a. A kap chhin vel a.
Rinsangi," Lecturer in silai han pai te chu a"
" A pai theih loh em ni? Mi kan kap dawn hleinem....kan inkah siak dawn alawm.." Ruatsanga chuan a rawn chhan khalh a. A ahna bag-ah chuan an khung thlap a.An in ak a an tlan liam ta a. An Sir tur hi an la hrechiang lo a ni. Rifle Association a mi, License nei thlap a ni tih reng a chhut pha lo.
"Ui...Silai an keng tihreng a hriat miah loh, Țhiannu kan Sir tur hi ka duh telh telh in ka hria. I vannei bik e, i hmureng thei bik a nia. Nakinah Silai kah inzirtir ve ang aw...."
" Zak lo ve e..kan la naupan em hi..."
" A Hriat, mi pawh pawl sawm passed a pasal nei ka hre țeuh a sin.."
An țhian dun chuan an ti ti leh ta chiam a. Eirawngbawl hunah chuan Rinsangi chu rawngbawl turin a haw ta a.
Hriati chu a khua a har ru leh veng veng tawh...Tinge Hruaia khan Dorothy tiin ka ko mai ang chea tih le. Thlalak a mi kha Dorothy-i chu a ni angem le? A ngaihtuahna ava kal ding ve le....
Hruaia te țhian dun pawh chuan an thlam chu an zuk thleng a, Pu Hmaa te nupa chu an lo lawm kher mai! Mei chhuah palh an hlau ve em a ni. Pu Hmaa khawtlang hruaitu a ni a, A ni berin mei a chhuah chuan a mualpho nasa dawn tih a inhre si. Hlawhfa pathum an lo hruai a. Tin, Ruatsanga patea Pu Hluna te pafa leh Pu Zikpuia te an lo awm bawk a. Ruatsanga chuan Sava veh a chak hle na a,Hruaia chuan a phal tlat lova,Sava no neih a hnai, inthemthiamna tura kan ken alawm a ti tlat thung si! A ni taka, Sava no neih a hun chho dawn a, Ruatsanga pawhin dik a ti em em mai bawk si. Leipui tur hal hma chuan Pu Zikpuia ho chuan an inkahsiak ta a. Pu Hmaa alo phur ber a. An hlim kher mai.
Pu Zikpuia lah zahmawh rawng kai hlirin a pawt zuah zuah reng mai si. Leipui hal tur e ti lovin an hlim phian a.
Leipui tur chu an han hal ta a. A kang țha phian mai! Pu Zikpuia'n mei lu a khai a, a hnehsawh phian mai a, mei kawng an sialna ah insem darhin ven țheuh an nei a. Mei chhuah miah lovin an hal zo ta a. A kang țha phian a. Pu Hmaa te nupa pawh an hlim hle a ni.
Zanriah an kil lai chuan Hruaia chuan a tuka Aizawl lama chhuk a tum thu a sawi leh a. Bungrua te rawng lak chhoh a, rawn chhoh leh chuan invawm luh nghal mai a tum thu a sawi a.
" Ni e, i tum tlat si chuan, chaw te hi zawng hetah hlir i ei dawn nia...tluang deuhin zuk chhuk la, i lo chho leh vat dawn nia. Hetianga mahni hna ngai pawimawh hi alawm kan khaw mamawh ber chu...."
" Ni e, zuk inla chho thuai thuai tak teh. Bawihtei hi han zirtir tak tak la, letter hmu thei turin aw..."
" Ni e, theihpalingkawhin kan țang dawn nia.."
Zanah chuan Hruaia chu Ruatsanga te Inah aleng phei a. Mami chuan dawr bungrua achah țeuh zui a. .
Mahruati chuan rei hi a ti hle a, mahse zan dar 8:00pm pawh ala ri der si lo.Chhuna Hruaia'n a no.a sawi kha a hrechhuak a. Whatsapp a va message mai te chu a duh deuh rum rum a! Mahse zahthlak a ti si, Rinsangi ni se engtin nge a tih ang le?......
Pu Zikpuia chu alo leng chho leh a, a ti ti leh siam siam tawh a.
" Kan kamdingpa a awm loh chuan iva khawhar hmel ve..." tiin tuma hriat loh chuan ala rawn fiam zui a. A ngei hle na a.Mahse a dik a ti hle tho si.!Whatsapp a va text a, Dorothy-i chanchin va zawh a tum deuh a, a type a, mahse a ngam ngang lo. A clear leh zel ......
Hruaia'n a phone a en a, Mahriati typing tih lo lang...mahse eng mah lo thleng lo țhin chu a hmu a. Mahse a rilru tur a hrethiam pha tlat lawi si. Zan dar 8:30pm vel ah chuan a haw phei ta a. A lut chiah chu Pu Zikpuia chuan alo be thuai a, Aizawl lama chhuk tur a nih avangin thil alo chah leh nual hman tho! Dar kua leh tlemah chuan inlengte chu an țin a, an in mang țha a.
Nu kimi chuan, " Hruaia Bike hian em ni i chhuk leh dawn?"
" Ni love, tihian i duh duhna ah lo hmang ta mai che, Sumo in ka chhuk ang, Motor a bungrua rawn phurh chhoh a ngai si a.."
Mahriati chuan thingpui hang a rawn pe a, Hmui phun chuan " Leng rei pa..." Hmui phin bawkin Hruaia chuan, " Ka lawm e"
" Motor in nei em ni? "
" Ka pa ta ka rawn hmang chho ang..."
" Nu kim, hei chabi aw...Pa Hmaa'n a duh duhna ah lo hmang rawh se.."
" A khalh lohna arei tawh si, Sawtiang ber burte chu a tlukpui ange..."
" E...lo tlukpui lo se..."
" Ve ngawt che hian vawi khat mah ka tlukpui ngai lo che..."
" Pa Hma, lo phur phe hlawp hlawp ang che..."
An nui ho ta a!
Mut hmunah chuan Mahriati chu a inngaihtuah leh neuh neuh a. A phone a ri țeț a, message alo thleng a.
" Dorothy, ka ngai ngawt ang che, lo in enkawl țha ang che....ka lo kal leh hun chuan min bawhthluk tawh loh hram ka beisei..."
Chhan dan tur a thiam ngang lo. A inngaihtuah nasa...mahse a zak tlat zel...
Message alo thleng leh a.
" Midang chhan tur i ngah a niang. Lo in enkawl țha la aw...zingah min lo thlah thei angem?
Mut tui le..."
Chhan a tum ta a. Mahse a offline hman deih.... A thin a rim bur mai.... Midang chhan tur i ngah a niang te a rawn ti a.Mahriati chu a ma tawk chuan a thinrim hle a. A tum bur mai. Mahse tihngaihna a hre si lo. A hmuh hun huna alo chhiar atan message chu a type ve ta a....ti hian an type țan a.....
.......IV......
Mahriati chuan Sir Hruaia'n a hmuh huna a chhiar atan tihian a type ve ta a. A inthlahrung viau na a...
" Dorothy-i hi tu nge? Ka hriat ve chi a ni em?....
Ih chuan maw...ka lo thlah lo mai ang che aw ..ka zak ...." a send ta a.
An ngaihtuaha kim lo riau hian a hria a, tihian a send țha leh ta a.
" Chuan Sir lo chho leh vat rawh aw...thil min lo hawn rawh aw.."
Mahriati chu a zak chem chem a, delete leh mai te a duh rum rum a. Lungkim lo em em chung si chuan Laikhum chu a bel ta a, a chhing ta vang vang a...
Hruaia chu Vai Pathian thawh hma in a tho leh tawh a. A phone a en a, Mahriati message chu a en a, a nui sak a...ti hian a reply ve ta a...
" Ih maw Duhlai.....lo in enkawl țha ang che, ka dam ve chhung hi chuan engmah hian a tihnat che ka phallo a nia aw..I tan ka lo kir ang, ngaihngam takin lo awm ang che..."( A thu khi a va țha em!)
Thingpui chu a inlum a, exercise la turin a chhuak leh rih a. Sumo nghah nan hun khawhral nan a ti a ni.
Dar 6:00am chuan Sumo chuan an rawn sawm a, Pu Hmaa chuan a thlah liam ta thung a.
........
K.Lalremmawii( Mapuii) chuan a phone chu a thlir a, galery a thlalak a dah țhat chu a thlir a. A nunhlui a chhui kir a, a lunghlui a leng em a ni. A phone ah chuan ' Di hlui' tih Harriet Colney sak chu a ngaithla a. Vanlalhruaia nen an nunhlui a chhui kir a, a inthiam thei ngang lo a ni. A rilru na khan Pasal dang neihsan a tum a, chutih lai chuan Hruaia chuan Bangalore University ah loh theih lohin a liam san a, pasal nei tawhah a ngai a ni. A pasal tur chuan an inneih hma ni chiahin accident in Van kohna a chhan san ta si a!Vanlalhruaia chunga a thil tih danah khan a inchhir ngawih ngawih a. Khawi lamah nge a awm tak a hre si lo. Hre turin a be pawp ngam ngang tawh lova...! Tunah chuan Ayush Doctor niin thingtlang khaw lian vak lo ah a awm a, quarters luahin a khawsa ve mek a. A zah theih lohna zawng zawng sawm khawmin Fb ah Hruaia wall-ah a lut a, a mah nena an thlalak chu mittui tla zawih zawihin a thlir a, thlir nin a nei thei lo. A inchhirna hian ban a chen a, a chen mai a ni lo a pel hial a ni.
......
Hruaia pawh tluang taka thleng thla in a mamawh alam kual char char a. A nu hian kum 12 a nih kumin a boral san a, Unau pahnih niin a upa zawk a ni a. A nau Ruatsanga hian a pa sumdawnna a pui thung a. Mahse apa Pu Muanpuia hian nupui dang a nei leh ta mai si a. Chu tak chu Hruaia leh apa inkar daidangtu a ni a. An inkara hem thlaktu a ni ta a ni. A nuhrawn hi Hruaia hian a hrechiang em em a, a hrechiang mah mah a ni. Sumparlawmi a ni tlat atin ni!A pa hi chuan Sawrkar hna thawk lova a mah pui ve tur hian a duh a, Contractor I class a ni si a. Mahse Hruaia hian mahni kea din a tum tlat a. An inlian tak hnuaiah hian hlawh a neih ve hnu hian room hranah private takin a awm ta thung a ni. Mahse a pa inah hian chaw a han ei reng a. A pa hian chaw ei hran a, inbawl hran hi a phal miau si lova...
Chaw ei lai chuan,
" Bawiha, engtik nge chhoh leh i tum deuh a?"
" Chawlhni ka hmang anga, hei kohhrana Testimonial te ka la anga, YMA lehkha ka la bawk anga, thawhțan lam khian ka chho mai dawn em ni? Nilaini khi Sikul țan hun a ni si a"
" Ka rawn thlah hman dawn tlat lo che, I nu hian a rawn thlah mai dawn che em ni.."
" A ngai lovang...ka țhiante pahnihin min thlah an tum thova....E..kapa, motor pakhat khu ka keng chho lawk thei angem?"
" Sanga leh Ruata em ni?"
" Aw ni e"
" An va fel ve ....Motor maw? I nu te hi dil ve la.."
" Nu leh pa chu pumkhat in ni a, pa ber ka dil chuan a tawk alawm ti raw Nu Hruai..." A nuhrawn chu ava melh a.A nu chuan ner nungin alo melh let a.
" Kan lo ngaihtuah ange...eng ber nge ken chhoh i tum a?"
" Camper khu ka duh deuh a.."
Pi Hruaii chuan, " Kan la register lova, i pa in a phal tho vang, keng chho la, han kawl nghal ang che.. I pa thilpekah che ngai mai rawh..." atia...tum burin room lamah a lut a. Pindan kawngkhar chu a khar ri țhuai a...
Mut hmunah chuan Hruaia chuan a phone chu a en a, Mahriati message alo awm a.
" Dorothy-i kiangah i awm em ni? I reh daih a"
Tih khi alo awm a. Ti hian a reply ta a.
" Dorothy-i chuan ka message hi lo chhiar se, Darthlalangah lo inen se a hmuh hmasak ber kha an Sir Hruaia hian a ngai em em a ni tih lo hrilh rawh se aw..."
Mahriati chu a țek chuai a alawm em em a, a zak deuh a, a lei a chhuah vak vak ringawt a. A rilru erawh a hlim a ni. A nui ver ver a, a lai hle bawk a, tuna a awm dan hi cheng nuaihkhat pawh in a hralh phal lo asin...
Pu Hmaa chuan a nupui hnenah, " Hruaia te an lo chho dawn a, zanriah kep an ngai dawn a nia aw.."
" A chhungten an rawn thlah dawn em ni?"
" Ka țhiante pahnih a ti a, an lo chhuak hma a, an lo thleng thuai ang.."
Pu Hmaa chu pindan lamah a lut a...
Nu kimi chuan Mahriati hriat tawk lek in,
" Hlim ta deuh chu kan awm a ni.."
" Lal A nu....I sual..."
Chawhnu inher dawn chuan Pu Hmaa te kawtah chuan Bolero Camper leh Car sen a rawn ding ta a. Bolero Camper chu Hruaia chuan a rawn khalh a, car sena chuangte erawh chu a țhiante an ni thung a.Nu Kimi chu Verandah a alo țhu a, alo chiau au thuai a.
"In va rawn thleng hma ve..."
Sanga," A tlan hlir hlirin kan rawn tlan a..."an nui a.
An inchibai tlanga, Hruaia chuan A țhiante chu a hmelhriat tir zung zunga. Rinsangi leh Mahriati pawh an lo chhuak ve a. Nu kimi te nufa chuan tlangval parawl tur mai mai in bungrua a rawn keng hnem hi an ti hle a. Mahriati leh Rinsangi chuan thingpui an rawn pe thuai a. Sanga leh Ruata'n Mahriati an hmuh chuan an phu zawk a. An inhrilhru nghal a.( Tu emaw a ang em a ni.)
Thingpui an inzawh chuan an vai mai chuan an bungraw rawn phurh chu Hruaia inluah turah chuan an thiar lut țan a. Pu Zikpuia arawn chho thuai a, a rawn pui nghal a.An indah fel a, engkim Fridge, Tv, Washing machine, Computer etc...a kim vek a.
Rinsangi, " Sir, Țingțang perh min zirtir ve rawh aw.."
" Tehreng mai, In Sir hian Keyboard Violin leh zai thlengin a zirtir thei ang che u" Sanga chuan a ti a.
Pu Zika, " Tual hi a zau a, zanah mei chhem ila, in hmanrua te nen hian zanin hian lam thai ang u, kan thing ka rawn thawh e" a ti a.
Zan lamah chuam zai ho an tum a, Pu Zika pawh a phur hle mai, a thil chah an rawn hawn tlat a ni.
Hruaia chuan Rinsangi leh Mahriati T-shirt a hawn sak chu a pe ve ve a. An inhmeh dun kher mai. Khawpui nula ai chuan an țha zawk tlat! Rinsangi a intithei lehzual a!Mahriati'n a thingpui lum azuk thli a. Hruaia chuan arukin a zui lut a. Bawmte nalh deuh hum bo tham lek hi a pe a.
" I kiangah hian awm reng ka va chak em Dorothy.."
Mahriati chuan alo nuih seih a, a va țha tak em! Hruaia țawng chu Bath rooma awm Nu kimi'n a hre pha tlat!
Thingpui an inzawh chuan Hruaia te țhian ho chuan Ruatsanga te eichawp dawr bungrua chu an va pe leh a, chutih chhung chuan an sa rawn hawn te chu Nu Kimi te nufa chuan an lo chhum a. Pu Hmaa erawh ni za inhlawhna thawhna lamah a kal thung a.
"Kamding nupui tur hlim deuh kan awm em?"
" I zak lo.....Lal a nu i sual e mai"
" Bawihte, i kut a bawmte kha eng thil nge?"
" Ka hre lo"
" Hawng chhin teh"
"AIH...."
"Nute bulah engmah thup loh tur..."
" Nih leh...."
A hawng ta a....
Nu Kimi, " I hiau...Rangkachak țhi..... E he...A man ava to dawn tak em Bawihi..."
An va hlim nufa tak em...
" A nu ka awrh ngam a ngem?"
" I awrh ngam loh chuan ka lo awrh anga a ni mai lawm.."
" I zak lo..Mahse ui nu engtin nge apa bulah kan sawi ang.."
" Bawihi, I U Hruaia hi ka mi rin zawng tak a ni. Hlauthawng suh...ipa chu ka lo hrilh mai ang kei man"
" Mahse ka zak e"
" I zah chuan ka lo nei ang..."
" Ka ta a nih hi..."
An va hlim em! Mahse a daih rei a ngem le!
Zanriah ei lai chuan hlim fe fe an awm a, Pu Zika leh Rinsangi pawh an sawm telve avangin an ei ve nghal a. An ei kham chuan Pu Zika thing te Pu Hmaa thing Hruaia eh te chuan meipui an chhep a. An zai hova, Pu Zikpuia a hlim ngei mai! Sanga chuan a phur tawk tur lekin zai tuina alo hlui leh țhin a. Ruatan Țingțang a perh a an țhian ho hla chuam Lallianmawia hla 'Zan tlaiah ka lo leng ang' tih chu Sanga'n thiam em em in arawn la a. An zai tui ngang mai, Pu Zikpuian hla thu a lo hril a, alam pah a. Chu hla chu Mahriati chuan uluk takin a ngaithla a, an zaithiam si a, ip chawih chawihin alo ngaithla a.... Ama tana sa niin a hria a...A rilru ngaihtuahna hi kan chhiar aia ril hian a lawm a.....
(M.Lusei Palian)
..........(III & IV).......
*I hmel hi ka mitah hian a mikhual miah lo* tih thu hi Mahriati thinlungah chuan a ri nawn tluk tluk a.Enga ti nge nikhat thil thua hetianga a awm mai le. Tun hma in hetiang hian ala awm ngai si lo. Amah leh amah pawh hi a i hrethiam thei lo!
Engtin nge a inhriat thiam ang? Hmangaihna leh indona ah hi chuan ramri kham chin leh thianglo a awm meuh si lo atin ni.
" Bawihi, i mu tawh em ni?"
" Mu chiah lo....eng nge.."
" I U Hruaia mutna tur saw, bed sheet saw thlak a ngai ang, i ta pakhat kha i hman tir mai dawn em ni?"
" Lal A nu, i zak lo....a chi nang"
A nu chu Mahriati khum bulah chuan ava kal hnai a. Heti hian a ti leh kher a.
" I haw vak lo khan ka hre si a..."
A nu in chutiang țawngkam a rawn hmang mai chu mak a ti hle a. A zak a, a lai a, hrehawm a ti a..A awm dan a hrethiam lo hle a.
" Nu, eng tin nge ka awm a?"
" Bawihi, i chet dan hi ka hmuh hmaih hlei nem! Nu in a fanu duat hawiher nikhat thil thua danglam ta thuai hi a hai thei dawn em ni?"
" Nu engtin nge ka awm a?"
" Ka Bawihte, i nula ve țan dawn a nih hi.. Mahse fimkhur la, mipa hi afala awmpui loh hi himna a ni. Thianghlimna hloh khawpa awm loh tur. Thianghlimna hloh tawh nula in duh an thlang thei tawh ngai lo....... E khai...ti teh I U Hruaia mutna tur chu....."
A nu chuan I U Hruaia tih pah chuan a biangah a piai a...
" Lal anu....."
" Nu vannei tak ila ni mai thei Bawihte..."
" Lal...a nu..."
" Ti teh Bawihi, va siamsak lawk ang hmiang"
Nu kimi leh Mahriati chu mikhual pindan lam chu an pan dun ta a. Chutih lai chuan inlengte țin zai an lo rel ve mek a. Mikhual room-ah chuan Laptop-ah zai alo in play mek a.Vanlalhlana'n 'Zan tlaiah ka lo leng ang' tih hla alo sa a. Mahriati chuan chu hla ala hriat ngai miah loh chu nalh a ti in a thinlungah thu a sawi țan hle a.
Mikhual pindanah chuan Hruaia chu alo awm lova. Bed sheet chu alo inthlak diam tawh a, sin tur pawh alo inchhawp diam a.A rilru in Mahriati chuan Bag kha alo keng hnem reng a ni a ti a.Hruaia chu a rawn lut a, a riahna tura Nu kimi te nufa lo awm chu a melh a.
" I bed sheet leh i sin tur hi kan rawn siam ang chu kan ti a....mahse hei i rawn ken em ni?
I lo siam zo diam tawh mai a......"
" Nia, hei ka rawn ken a nia, ngaihloh lamah in ngaihloh hram ka beisei .......keima thu in ka lo ti ve mawp mawp a."
" Ngai lah love,a țha alawm....a nih tui deuhin i mu dawn nia..aw "
Pu Hmaa chu arawn dak ve a" Mut mai i tum em ni, inleng kan nei ata langin duh angin kan inkawm hman si lova...E...naktuk lam chu...engtin nge ni dawn a?"
" Nia, hei Mahriati te țhian dun an awm a, an inhlawh ve anga, Ruatsanga khan min rawn puih a tum bawk a, kan lo ti ve thei mai ang.."
"Mama alo phei dawn chuan a țhat chu....Inhnuai berah khuan thingzai a awm a a țul a nih leh in lo phel tir mai dawn nia... Keini lah Leipui hal kan lo tum ve si a. I nu Kimi hi alawm maw le....a ngai lo ka tih pawhin Vawkchaw Bal hmun tur a ti tlat a...."
" Aw....duhtawk ang... ti ru i mu ang u..." Nu kimi te chhung chu an room lam an pan a..
" Mang țha vek u le.."
Zan tlai alo ni a, Mahriati chu a muhil mai thei lova..a inlet a inlet a.... A awm dan teh thut hi mak a inti a ni.
Pi Kimi pawh a mut hmunah chuan a fanu tlu tur Hruaia'n mahni nat pawh hlau miah lova lo chhantu Hruaia chu a ngaihtuah ve tho...A fanu neih chhun tan hian a duh uluk ru ve em a ni. A dik alawm,tu nu in nge mahni fanu te tan mipa țha duhsak lovang ni....
Nula țan tir pakhat leh Tlangval pindan danga awmte chu rilru ngaihtuahna in hmu si, lo var pawh chiah lo hian an inlet an inlet a....
( Phone hian type thui alo har hle mai...chutih laiin min duhsaka min lo like saktu leh ngaihnawm lo titu te hian min ti lawm a. Ka țang ve sauh sauh e. Hei lo hi adang pakhat ka ziak mek a. Episode 10 a tlin hunah ka rawn suan lut ange)
........III........
Cont...
Zing hma takah vai Pathian thawh hma fe hian Hruaia chu a tho va,In hnuaia Chinai thi vel chu Pu Hmaa sawina ah chuan a dah phei a. Tuma rawn thawh hma chuan a thiar zo hman a.A hma nia a thing eh bang chu a ek zo vek a. Nu Kimi a rawn tho a, thingpui a chhuang a. Pawn a rawn chhuah chuan Hruaia chuan thing chu alo rem țha mawlh mawlh a.
"Eng tizia nge? Ti nge thing i lo eh leh tak a, i va tho hma ve, i mu thei na nge?"
" Tho hma vak lo ve, tih tur ka nei lo em a!"
" Ti rawh thingpui in phawt ang"
An lut dun ta a. Pu Hmaa alo thova, an titi luam a. Hruaia rinai in Mahriati a rawn tho har a! Zan lamah a mu tlem em a ni.Zing lamah a um pawng pâr a ni mahna. Dar 7:00am velah chuan a rawn tho ve chhat chhat a. Hruaia'n alo nuih var var a, alo siau zeuhva.....A zak leh lai lutuk chuan a nu chu a va su a. ..
" Bawihi, mumang nen em ni i rawn chhuah a.....ila harh chianglo em ni..,,?
A lai lutuk leh zak bawk si chuan a nu chu a kuah a .
"Lal A nu....ti nge min kaihthawh mai loh..."
" Ala hma alawm... "
Bath room ah chuan alut zui nghal a .. ...
Tukțhuan an kil zo va.Pu Hmaa chuan Hruaia hnenah chuan a duh ang anga lo chei mai turin a hrilh nual a. Rei mawi tawk an insiam hnu chuan Gypsy chuan an nupa chuan an in phur liam ta a.
" Ka rin aiin i tho har Bawihte.."
" Ti khan min ko ve suh.."
" Ti nge, eng tinnge ka koh ang che...Dorothy tiin ka ko mai dawn che em ni?"
" Chu chu i bialnu hming em ni?"
" I tihtlat chuan ni mai e... I u Mama chu ka va lam ange aw, Rinsangi chu lo han sawm la aw...Dorothy"
A chhiah khum vak a! A ni lah chuan a mit alo siai sak a. Bike a tinung a, a tlan liam ta deih a.
Tlai dar 2:00 vel chuan an zo fel ta duak a. Rinsangi chu hlawh pek atum a ala duh lova, Mahriati pek a tum leh a ....
Ruatsanga chuan, " A ngai lo, an pui ve che a nih kha....a rulh nan nakinah ila khawng fawk fawk dawn nia.."
(Hruaia chuan tih dan danga rulh a tum ta zawk a.)
An nui ta dar dar a.
Rinsangi, " Ih...Sir...nakinah School-ah min tihduhdah veih aw...I in khu kan suasam a ni mai ti raw Hriat.."
" Nia, kan suasam a ni mai..."
" In duh a thu le..."
An nui dar dar a.
" Ruatsang,i pate chu kan va halpui mai dawn em ni?"
" Ni e, mei an chhuah ang tih a hlauhawm alawm.Va puih chu ka lo tum deuhva. Nizan khan ka nu inkhawm bang khan min rawn hrilh thlap si a..."
An kal hma chuan Hruaia chuan a bag a rawn la chhuak a, a hawng a. Mahriati chuan alo en reng a, nimina arawn ah kha niin a hria a. Air gun pahnih a rawn phawrh a. Ruatsanga chuan alo la thuai a.A pahnih chuan alek tawn sek a. A kap chhin vel a.
Rinsangi," Lecturer in silai han pai te chu a"
" A pai theih loh em ni? Mi kan kap dawn hleinem....kan inkah siak dawn alawm.." Ruatsanga chuan a rawn chhan khalh a. A ahna bag-ah chuan an khung thlap a.An in ak a an tlan liam ta a. An Sir tur hi an la hrechiang lo a ni. Rifle Association a mi, License nei thlap a ni tih reng a chhut pha lo.
"Ui...Silai an keng tihreng a hriat miah loh, Țhiannu kan Sir tur hi ka duh telh telh in ka hria. I vannei bik e, i hmureng thei bik a nia. Nakinah Silai kah inzirtir ve ang aw...."
" Zak lo ve e..kan la naupan em hi..."
" A Hriat, mi pawh pawl sawm passed a pasal nei ka hre țeuh a sin.."
An țhian dun chuan an ti ti leh ta chiam a. Eirawngbawl hunah chuan Rinsangi chu rawngbawl turin a haw ta a.
Hriati chu a khua a har ru leh veng veng tawh...Tinge Hruaia khan Dorothy tiin ka ko mai ang chea tih le. Thlalak a mi kha Dorothy-i chu a ni angem le? A ngaihtuahna ava kal ding ve le....
Hruaia te țhian dun pawh chuan an thlam chu an zuk thleng a, Pu Hmaa te nupa chu an lo lawm kher mai! Mei chhuah palh an hlau ve em a ni. Pu Hmaa khawtlang hruaitu a ni a, A ni berin mei a chhuah chuan a mualpho nasa dawn tih a inhre si. Hlawhfa pathum an lo hruai a. Tin, Ruatsanga patea Pu Hluna te pafa leh Pu Zikpuia te an lo awm bawk a. Ruatsanga chuan Sava veh a chak hle na a,Hruaia chuan a phal tlat lova,Sava no neih a hnai, inthemthiamna tura kan ken alawm a ti tlat thung si! A ni taka, Sava no neih a hun chho dawn a, Ruatsanga pawhin dik a ti em em mai bawk si. Leipui tur hal hma chuan Pu Zikpuia ho chuan an inkahsiak ta a. Pu Hmaa alo phur ber a. An hlim kher mai.
Pu Zikpuia lah zahmawh rawng kai hlirin a pawt zuah zuah reng mai si. Leipui hal tur e ti lovin an hlim phian a.
Leipui tur chu an han hal ta a. A kang țha phian mai! Pu Zikpuia'n mei lu a khai a, a hnehsawh phian mai a, mei kawng an sialna ah insem darhin ven țheuh an nei a. Mei chhuah miah lovin an hal zo ta a. A kang țha phian a. Pu Hmaa te nupa pawh an hlim hle a ni.
Zanriah an kil lai chuan Hruaia chuan a tuka Aizawl lama chhuk a tum thu a sawi leh a. Bungrua te rawng lak chhoh a, rawn chhoh leh chuan invawm luh nghal mai a tum thu a sawi a.
" Ni e, i tum tlat si chuan, chaw te hi zawng hetah hlir i ei dawn nia...tluang deuhin zuk chhuk la, i lo chho leh vat dawn nia. Hetianga mahni hna ngai pawimawh hi alawm kan khaw mamawh ber chu...."
" Ni e, zuk inla chho thuai thuai tak teh. Bawihtei hi han zirtir tak tak la, letter hmu thei turin aw..."
" Ni e, theihpalingkawhin kan țang dawn nia.."
Zanah chuan Hruaia chu Ruatsanga te Inah aleng phei a. Mami chuan dawr bungrua achah țeuh zui a. .
Mahruati chuan rei hi a ti hle a, mahse zan dar 8:00pm pawh ala ri der si lo.Chhuna Hruaia'n a no.a sawi kha a hrechhuak a. Whatsapp a va message mai te chu a duh deuh rum rum a! Mahse zahthlak a ti si, Rinsangi ni se engtin nge a tih ang le?......
Pu Zikpuia chu alo leng chho leh a, a ti ti leh siam siam tawh a.
" Kan kamdingpa a awm loh chuan iva khawhar hmel ve..." tiin tuma hriat loh chuan ala rawn fiam zui a. A ngei hle na a.Mahse a dik a ti hle tho si.!Whatsapp a va text a, Dorothy-i chanchin va zawh a tum deuh a, a type a, mahse a ngam ngang lo. A clear leh zel ......
Hruaia'n a phone a en a, Mahriati typing tih lo lang...mahse eng mah lo thleng lo țhin chu a hmu a. Mahse a rilru tur a hrethiam pha tlat lawi si. Zan dar 8:30pm vel ah chuan a haw phei ta a. A lut chiah chu Pu Zikpuia chuan alo be thuai a, Aizawl lama chhuk tur a nih avangin thil alo chah leh nual hman tho! Dar kua leh tlemah chuan inlengte chu an țin a, an in mang țha a.
Nu kimi chuan, " Hruaia Bike hian em ni i chhuk leh dawn?"
" Ni love, tihian i duh duhna ah lo hmang ta mai che, Sumo in ka chhuk ang, Motor a bungrua rawn phurh chhoh a ngai si a.."
Mahriati chuan thingpui hang a rawn pe a, Hmui phun chuan " Leng rei pa..." Hmui phin bawkin Hruaia chuan, " Ka lawm e"
" Motor in nei em ni? "
" Ka pa ta ka rawn hmang chho ang..."
" Nu kim, hei chabi aw...Pa Hmaa'n a duh duhna ah lo hmang rawh se.."
" A khalh lohna arei tawh si, Sawtiang ber burte chu a tlukpui ange..."
" E...lo tlukpui lo se..."
" Ve ngawt che hian vawi khat mah ka tlukpui ngai lo che..."
" Pa Hma, lo phur phe hlawp hlawp ang che..."
An nui ho ta a!
Mut hmunah chuan Mahriati chu a inngaihtuah leh neuh neuh a. A phone a ri țeț a, message alo thleng a.
" Dorothy, ka ngai ngawt ang che, lo in enkawl țha ang che....ka lo kal leh hun chuan min bawhthluk tawh loh hram ka beisei..."
Chhan dan tur a thiam ngang lo. A inngaihtuah nasa...mahse a zak tlat zel...
Message alo thleng leh a.
" Midang chhan tur i ngah a niang. Lo in enkawl țha la aw...zingah min lo thlah thei angem?
Mut tui le..."
Chhan a tum ta a. Mahse a offline hman deih.... A thin a rim bur mai.... Midang chhan tur i ngah a niang te a rawn ti a.Mahriati chu a ma tawk chuan a thinrim hle a. A tum bur mai. Mahse tihngaihna a hre si lo. A hmuh hun huna alo chhiar atan message chu a type ve ta a....ti hian an type țan a.....
.......IV......
Mahriati chuan Sir Hruaia'n a hmuh huna a chhiar atan tihian a type ve ta a. A inthlahrung viau na a...
" Dorothy-i hi tu nge? Ka hriat ve chi a ni em?....
Ih chuan maw...ka lo thlah lo mai ang che aw ..ka zak ...." a send ta a.
An ngaihtuaha kim lo riau hian a hria a, tihian a send țha leh ta a.
" Chuan Sir lo chho leh vat rawh aw...thil min lo hawn rawh aw.."
Mahriati chu a zak chem chem a, delete leh mai te a duh rum rum a. Lungkim lo em em chung si chuan Laikhum chu a bel ta a, a chhing ta vang vang a...
Hruaia chu Vai Pathian thawh hma in a tho leh tawh a. A phone a en a, Mahriati message chu a en a, a nui sak a...ti hian a reply ve ta a...
" Ih maw Duhlai.....lo in enkawl țha ang che, ka dam ve chhung hi chuan engmah hian a tihnat che ka phallo a nia aw..I tan ka lo kir ang, ngaihngam takin lo awm ang che..."( A thu khi a va țha em!)
Thingpui chu a inlum a, exercise la turin a chhuak leh rih a. Sumo nghah nan hun khawhral nan a ti a ni.
Dar 6:00am chuan Sumo chuan an rawn sawm a, Pu Hmaa chuan a thlah liam ta thung a.
........
K.Lalremmawii( Mapuii) chuan a phone chu a thlir a, galery a thlalak a dah țhat chu a thlir a. A nunhlui a chhui kir a, a lunghlui a leng em a ni. A phone ah chuan ' Di hlui' tih Harriet Colney sak chu a ngaithla a. Vanlalhruaia nen an nunhlui a chhui kir a, a inthiam thei ngang lo a ni. A rilru na khan Pasal dang neihsan a tum a, chutih lai chuan Hruaia chuan Bangalore University ah loh theih lohin a liam san a, pasal nei tawhah a ngai a ni. A pasal tur chuan an inneih hma ni chiahin accident in Van kohna a chhan san ta si a!Vanlalhruaia chunga a thil tih danah khan a inchhir ngawih ngawih a. Khawi lamah nge a awm tak a hre si lo. Hre turin a be pawp ngam ngang tawh lova...! Tunah chuan Ayush Doctor niin thingtlang khaw lian vak lo ah a awm a, quarters luahin a khawsa ve mek a. A zah theih lohna zawng zawng sawm khawmin Fb ah Hruaia wall-ah a lut a, a mah nena an thlalak chu mittui tla zawih zawihin a thlir a, thlir nin a nei thei lo. A inchhirna hian ban a chen a, a chen mai a ni lo a pel hial a ni.
......
Hruaia pawh tluang taka thleng thla in a mamawh alam kual char char a. A nu hian kum 12 a nih kumin a boral san a, Unau pahnih niin a upa zawk a ni a. A nau Ruatsanga hian a pa sumdawnna a pui thung a. Mahse apa Pu Muanpuia hian nupui dang a nei leh ta mai si a. Chu tak chu Hruaia leh apa inkar daidangtu a ni a. An inkara hem thlaktu a ni ta a ni. A nuhrawn hi Hruaia hian a hrechiang em em a, a hrechiang mah mah a ni. Sumparlawmi a ni tlat atin ni!A pa hi chuan Sawrkar hna thawk lova a mah pui ve tur hian a duh a, Contractor I class a ni si a. Mahse Hruaia hian mahni kea din a tum tlat a. An inlian tak hnuaiah hian hlawh a neih ve hnu hian room hranah private takin a awm ta thung a ni. Mahse a pa inah hian chaw a han ei reng a. A pa hian chaw ei hran a, inbawl hran hi a phal miau si lova...
Chaw ei lai chuan,
" Bawiha, engtik nge chhoh leh i tum deuh a?"
" Chawlhni ka hmang anga, hei kohhrana Testimonial te ka la anga, YMA lehkha ka la bawk anga, thawhțan lam khian ka chho mai dawn em ni? Nilaini khi Sikul țan hun a ni si a"
" Ka rawn thlah hman dawn tlat lo che, I nu hian a rawn thlah mai dawn che em ni.."
" A ngai lovang...ka țhiante pahnihin min thlah an tum thova....E..kapa, motor pakhat khu ka keng chho lawk thei angem?"
" Sanga leh Ruata em ni?"
" Aw ni e"
" An va fel ve ....Motor maw? I nu te hi dil ve la.."
" Nu leh pa chu pumkhat in ni a, pa ber ka dil chuan a tawk alawm ti raw Nu Hruai..." A nuhrawn chu ava melh a.A nu chuan ner nungin alo melh let a.
" Kan lo ngaihtuah ange...eng ber nge ken chhoh i tum a?"
" Camper khu ka duh deuh a.."
Pi Hruaii chuan, " Kan la register lova, i pa in a phal tho vang, keng chho la, han kawl nghal ang che.. I pa thilpekah che ngai mai rawh..." atia...tum burin room lamah a lut a. Pindan kawngkhar chu a khar ri țhuai a...
Mut hmunah chuan Hruaia chuan a phone chu a en a, Mahriati message alo awm a.
" Dorothy-i kiangah i awm em ni? I reh daih a"
Tih khi alo awm a. Ti hian a reply ta a.
" Dorothy-i chuan ka message hi lo chhiar se, Darthlalangah lo inen se a hmuh hmasak ber kha an Sir Hruaia hian a ngai em em a ni tih lo hrilh rawh se aw..."
Mahriati chu a țek chuai a alawm em em a, a zak deuh a, a lei a chhuah vak vak ringawt a. A rilru erawh a hlim a ni. A nui ver ver a, a lai hle bawk a, tuna a awm dan hi cheng nuaihkhat pawh in a hralh phal lo asin...
Pu Hmaa chuan a nupui hnenah, " Hruaia te an lo chho dawn a, zanriah kep an ngai dawn a nia aw.."
" A chhungten an rawn thlah dawn em ni?"
" Ka țhiante pahnih a ti a, an lo chhuak hma a, an lo thleng thuai ang.."
Pu Hmaa chu pindan lamah a lut a...
Nu kimi chuan Mahriati hriat tawk lek in,
" Hlim ta deuh chu kan awm a ni.."
" Lal A nu....I sual..."
Chawhnu inher dawn chuan Pu Hmaa te kawtah chuan Bolero Camper leh Car sen a rawn ding ta a. Bolero Camper chu Hruaia chuan a rawn khalh a, car sena chuangte erawh chu a țhiante an ni thung a.Nu Kimi chu Verandah a alo țhu a, alo chiau au thuai a.
"In va rawn thleng hma ve..."
Sanga," A tlan hlir hlirin kan rawn tlan a..."an nui a.
An inchibai tlanga, Hruaia chuan A țhiante chu a hmelhriat tir zung zunga. Rinsangi leh Mahriati pawh an lo chhuak ve a. Nu kimi te nufa chuan tlangval parawl tur mai mai in bungrua a rawn keng hnem hi an ti hle a. Mahriati leh Rinsangi chuan thingpui an rawn pe thuai a. Sanga leh Ruata'n Mahriati an hmuh chuan an phu zawk a. An inhrilhru nghal a.( Tu emaw a ang em a ni.)
Thingpui an inzawh chuan an vai mai chuan an bungraw rawn phurh chu Hruaia inluah turah chuan an thiar lut țan a. Pu Zikpuia arawn chho thuai a, a rawn pui nghal a.An indah fel a, engkim Fridge, Tv, Washing machine, Computer etc...a kim vek a.
Rinsangi, " Sir, Țingțang perh min zirtir ve rawh aw.."
" Tehreng mai, In Sir hian Keyboard Violin leh zai thlengin a zirtir thei ang che u" Sanga chuan a ti a.
Pu Zika, " Tual hi a zau a, zanah mei chhem ila, in hmanrua te nen hian zanin hian lam thai ang u, kan thing ka rawn thawh e" a ti a.
Zan lamah chuam zai ho an tum a, Pu Zika pawh a phur hle mai, a thil chah an rawn hawn tlat a ni.
Hruaia chuan Rinsangi leh Mahriati T-shirt a hawn sak chu a pe ve ve a. An inhmeh dun kher mai. Khawpui nula ai chuan an țha zawk tlat! Rinsangi a intithei lehzual a!Mahriati'n a thingpui lum azuk thli a. Hruaia chuan arukin a zui lut a. Bawmte nalh deuh hum bo tham lek hi a pe a.
" I kiangah hian awm reng ka va chak em Dorothy.."
Mahriati chuan alo nuih seih a, a va țha tak em! Hruaia țawng chu Bath rooma awm Nu kimi'n a hre pha tlat!
Thingpui an inzawh chuan Hruaia te țhian ho chuan Ruatsanga te eichawp dawr bungrua chu an va pe leh a, chutih chhung chuan an sa rawn hawn te chu Nu Kimi te nufa chuan an lo chhum a. Pu Hmaa erawh ni za inhlawhna thawhna lamah a kal thung a.
"Kamding nupui tur hlim deuh kan awm em?"
" I zak lo.....Lal a nu i sual e mai"
" Bawihte, i kut a bawmte kha eng thil nge?"
" Ka hre lo"
" Hawng chhin teh"
"AIH...."
"Nute bulah engmah thup loh tur..."
" Nih leh...."
A hawng ta a....
Nu Kimi, " I hiau...Rangkachak țhi..... E he...A man ava to dawn tak em Bawihi..."
An va hlim nufa tak em...
" A nu ka awrh ngam a ngem?"
" I awrh ngam loh chuan ka lo awrh anga a ni mai lawm.."
" I zak lo..Mahse ui nu engtin nge apa bulah kan sawi ang.."
" Bawihi, I U Hruaia hi ka mi rin zawng tak a ni. Hlauthawng suh...ipa chu ka lo hrilh mai ang kei man"
" Mahse ka zak e"
" I zah chuan ka lo nei ang..."
" Ka ta a nih hi..."
An va hlim em! Mahse a daih rei a ngem le!
Zanriah ei lai chuan hlim fe fe an awm a, Pu Zika leh Rinsangi pawh an sawm telve avangin an ei ve nghal a. An ei kham chuan Pu Zika thing te Pu Hmaa thing Hruaia eh te chuan meipui an chhep a. An zai hova, Pu Zikpuia a hlim ngei mai! Sanga chuan a phur tawk tur lekin zai tuina alo hlui leh țhin a. Ruatan Țingțang a perh a an țhian ho hla chuam Lallianmawia hla 'Zan tlaiah ka lo leng ang' tih chu Sanga'n thiam em em in arawn la a. An zai tui ngang mai, Pu Zikpuian hla thu a lo hril a, alam pah a. Chu hla chu Mahriati chuan uluk takin a ngaithla a, an zaithiam si a, ip chawih chawihin alo ngaithla a.... Ama tana sa niin a hria a...A rilru ngaihtuahna hi kan chhiar aia ril hian a lawm a.....
Comments
Post a Comment