To Sir...With Love Episode 32
- Get link
- X
- Other Apps
TO SIR.....WITH LOVE
( M.Lusei Palian)
.......XXXII........
( Mi in i chunga dik lo taka an tih che a, i ngawih mai mai chuan thiam lo zawk emaw an ti ang che. I dikna hlen chhuak turin huaisenna nei țhin ang che...
M.Lusei Palian)
" Vanlalhriatpui.... a chhan i hre lova maw?"
Chutia hming pum tehlawnga han inkoh chu a tuartu tan chuan ava na dawn em! A bikin Mizo te hi hming puma inkoh lawl lawl hi thiang lo hialah kan ngai deuh asin! Tin, zirtirtute hian a bikin an naupang te hi koh an ching bik a. Hei hi chu dem theih an ni lo. Mahriati rilru na chu mittui mai chuan a hnem ta hauh lo mai..
Hruaia rilru na lutuk leh a tuk maia a zin san tur a hmangaih awm dan chuan a ti lungawi mawlh lova, chu tlangval thianghlim hmel ațanga chhuaka mawi lo, leh thianglo ang hiala ngaih...hmangaihna mittui chu a hnam a. Mahriati mutna lam chu a pan phei ta a...
Chu nula a hmangaih em em, a nunna ai hiala a hmangaih natna tuar mek khum bulah chuan a ding a.
" Rei lote ka kalsan chhung che pawh hian khapa kha alo awm hman ziah a, kha tlangval khan a haw lo che a, a hmelah khan a chhiar theih a. Tin, nang pawhin i haw hek lo...hmuh hmaih hi ka nei lo asin.....kha tlangval awm lai khan i awm dan hi a danglam daih zel...."
Mahriati chuan awm ngaihna ava hre lo tak em! Mahse Hruaia thusawi chu a dikna chen a awm si a. Mittui hian a chhan zo angem le?
"Chutiang a ni lo....U.Hru..." a sawi zo hman lo..
" A nih leh an zai dawn che a, ngaidam tura min ngenna chhan kha eng vangnge? Han sawi teh...eng vangnge?"
Chu zawhna tak mai chu damlo natna khuma mu mek Mahriati tan chuan chhan ava harsa tak em! A insawi fihlim fai zo angem le? A ni ngei a, ' ngaidam rawh' a ti hram hram si a. Chu nula thianghlim.....mahse Andrewa haw ta miah lotu ngei mai chuan chhan ngaihna reng a hre ta lo! A ngawi a, a biang ațang chuan dan rualloh in mittui chu a far zawih zawih a, mahse chu chuan Hruaia thinlung a ti nem thei mawlh rih si lo a ni.
" I duhzawng a ni...ti raw?...chuan kei hi nangmah enkawltu mai mai che ka ni a....."
Thinlungna in a thinlung natna a sawi a ni.
" U Hruai,,.... chutiang a ni lo.."
"Mahriat.... thinlung na, thinlung khawkheng hi min tuar nawn tir tawh suh ...khawngaih takin... aw...khawngaih takin..."
Mahriati chu a țap chhuak hial a, a hmai a hup a, mahse Hruaia chuan va khawih a va hnem chu a tum hauh lo. A thusawi chu a chhunzawm lehnghal a, chuti lo chu a rilru a nem zo ang tih a hlau a ni. Hmeichhe lakah hian tlawm zawk a, nem zawka țan a a tawpa nat nawn hi a duh tawh lo a ni.
" Naktukah hian Officialin Sawrkar tirhin ka zinchhuak tawh dawn a, Ruata kha a lokal țhin anga, Ruatsanga pawh alo kal țhin ang....i mamawh apiang i lo hrilh ang a.... an lo buaipui ang che.....Lo dam zel ang che aw...Lungrun.."
A tawp lam khi chu a richhuak zo lo țep a ni. Hruaia chuan a thinlungna tawpkhawkin chu thu chu a sawi a ni. A ni chu thu chu a sawi zo ta. A sawi tur ang ang chu a sawi zo tawh ngei si a. A inher a,
" Mang țha le.....Lungrun" a ti a, a hawi let lo, chu a hmangaih em em awmna, a thinlung lehlam luahtu awmna Cabin chu a chhuah san ta.
.........
Dr.Mapuii pawh Kima chuan a zuk thlah a, kawng tluan chuan zai an ngaithla a, Kima chhangte hla chu a play char char a, ' Thinlai luahtu...' tih chu a ni. A pi Doctor chuan chu a hla play chhan chu a hrethiam angem le? Mapuii te nufa chuan Kima chu riak nghal a, zing a chho leh mai turin an ti a, a ni lah chuan alo chak sakhai mai si a.
Mapuii te ho hi mi pasarih kal turin an thlang a, Sawrkar lam hian a tir dawn a, an senso pawh a tum vek dawn a ni.
Zan dar 7 ah Tourist Lodge ah an guide te ho nen an inhmukhawm dawn a, kima bawk chuan hruai a chuh nghal chat reng a ni. A hmun an han thlen chuan a kalpui turte an lo awmkim țhap tawh a, inhmelhriattirna an nei a, an hlim tlang hle a. An tour programme chu an sawi ho ta a ni.An zawh ho meuh chuan alo tlai tawh hle a. Mapuii hian a thinlunga thi thei lo mipa hi Aizawlah a awm tih a hria a. A hmu chak em em a, a be chak bawk a. Mahse thinlung khawkheng siam sak tawhtu chuan a phone ngam ngang lo a ni. Lungkim lo tak chuan laikhum chu a bel ta a!
Kima chuan a pi chu a hmangaih thu leh a ngainat thu hrilh ava chak țhin tak em! Mahse sawichhuak ta lem lo hian a thamral leh si țhin a ni.Hmangaih thu sawi ngam lo a, hmangaihte zui reng aia hrehawm hi a awm angem le?
Kima tan hian khua a tlai mai ang nge hun țha zawk a nei ang. Dr Mapuii te mikhual roomah chuan a mu a, a ngaihtuahna a kal thui ve hle a. A tuk a Lengpui thlenga thlah chu a chak takzet na a,Sawrkar motor duh duh a lek kual a thiang si lo! A inlet a inlet mai a ni.
........
Ruatsanga pawh an khawlam a thleng chho tawh a, Hruaia motor chuan an dawr bungrua tur a trip chho țun a. A rilru ava hlim em!
A nupui nen an hlang thla an han enkual chu hlimna kan tih ai hian an hlim zawk mah a. Mami pawh alo hlim hle a ni. A pasal lo haw dawn avang chuan fai tawk takin a lo inbual a,!!!
A pa te in lamah riah phei chu a hreh angreng hle..nah nge a hreh lovang,pasal te zin bo lo haw te chu tu nupuiin nge nghakhlel lo teh lul ang ni!
.........
Mahriati rilru chu ava hrehawm teh lul em! A thinlung innghahna chuan chuti chuan a ti si a maw! Thih daih te hi a duh rum rum a, A nu te pawh chu an lo va let har tehlul em!
A inngaihtuah chianga, ama thiam loh hmasa chu a ni ngei a ni. Andrewa kha a ngaina a ni. A ni renga, a ngainatna kha mak a ti hle? A mah pawh chu thiam a inchan tir lo.... Aw... a va pawi tak em..
Nu kimi leh Rc-i te an lo let chuan Hruaia chu alo awm tawh hauh lova, Nu kimi chuan mak a ti hle na a, mahse a fanu hian a pal baw zo tih a hrethiam nghal a. Pawi hi ava ti vawng vawng tak em?
........
Hruaia chu hmanhmawh lem lo takin inlam a pan a, a bike chuan muang changin a tlan a. A thil tawn hi mak a ti hle a. Mahse JOSEPH a zui dawn a, thih hial pawh pawi a ti lo! Ram tan a nih phawt chuan, engtia hlauhawm pawh a chungah thleng se tawn darh a, phih darh a huam a. Chu tak chu a nun khawchhuahna tur a ni tih lam erawh a dawn pha lo thung a ni. A ruk chuan JOSEPH chu a haw lek lek a ni. Kha Andrewa kha che lova siam a tum asin le...
.....
JOSEPH chuan Andrewa hi a rukin a thli thlai tir a, a reh hmakna tur thil a awhtir a tum ran a ni. Chu a thil chan chu a hmu ta...
Chu zanah tak chuan Hruaia nen an inhmuh zawh hnu chuan Hruaia hmel awm dan khan vei a nei tih a hriat avangin azui ru a. Damdawi-In stepa a awmlai chu..chu Andrewa chuan a rawn su chawrh a.
A sutu zawk chuan,
" I pawr em ni?" Ala ti zui.
" Ngaihdam min dil dawn zawk lo em ni tlangval?" A chang rat mai..
" Kha....." tih pahin a hnek ringawt a. Andrewa hian a bitum hi a hre hlawl lo. Second khat aia rei lo ah a thal nghal der a. Police Thana lamah a hnuk phei nghal....
Damdawi-In lamah rei tak a awm a ngai tawh ang...he Andrewa hi...
Tin kut a thlak hmasak hi tu nge a nih a hre lo, JOSEPH lah chuan Camera alo kam lawk diam a. Evidence a țha bawk a. A hma lam hun a thim viau ang le....
........
Mahriati chu mut har a va ti em! Mu reng chung si in a hil thei hauh lo...
A huaisenna zawng zawng a sawmkhawm a, U Hruaia chu message ava thawn ta a.
" Khawngaihin min ngaidam rawh..Nang lo chu hmangaih ka nei lo asin"
Tih hi ava țhawn a, mahse Hruaia chuan a chhang lo. A seen ringawt a. Mahse Mahriati chu a thawveng deuh huai a. Hruaia hian a thlauh thla hlen angem le?
.....
Hruaia chuan message chu hmu reng mahse a chhang chuang lo. A nau Ruatsanga bulah chuan a kal a, a nau roomah chuan a va ti ti pui a. A nau chuan eng kim alo tihsak tur thu a sawi a.
" U...eng thil chiah nge in tih dawn?"
" Mate,Sawrkar tirh kan ni tihbak hriattir kan ni lo"
" A va mak ve...i thang chen tur pawh an hrilh lo che em ni?"
" Mate, hrilh lo, lehkha hi en la( Hruaia chuan Sawrkar ațanga a lehkha hmuh chu a entir a) ..."
" I lo haw leh chuan MCS nupui tur pawh alo damvar tawh ang. Ka lo duat ang....Mahse ka U dawn miah lo a nia.. ka lo duat loh chuan nakinah DC te ila ni anga, min duhsak lo palh ang.."
An nui dun a...
" Mate...mai mai a... Ka tling zo angem le."
" U...I tlin loh chuan tling tur an awm lo.."
A sawi dik. Hruaia hi a tling em em ang. Unau inhrethiam tak te chu an in mang țha ta a.
.........
Lengpui chu alo vawt deuh raih a. Mapuii chu a hawi kual ruai ruai a, a nu chuan a thlah a. Kawngka a lut chiah Coat dum ha chu hnung lam ațangin a hmu a, a hriat hnu a ni chiang lutuk...
A lut phei ve ta a...
Thlawhna chhungah chuan an țhu țhap a.Sawrkar mi tirhte chu hmunkhatah( Mizo țawngin a nuam ber laiah an dah a) Mapuii chu a chhing vang vang a. A bulah chuan mipa khat hi a rawn țhu a. Ala meng lo. Mahse a rim a hria, a hrechiang chu pa rim chu....
A meng chiah a..A bula țhu chu an enchiang a...
Ui...ui...ui..Lalpa...leh.....a hmangaih ber mai leh a innghahna chu, a ni chu mihring....a thinlung a hliam sak tawh ngei chu......
( A ngaihnawm telh telh dawn a ni...)
( M.Lusei Palian)
.......XXXII........
( Mi in i chunga dik lo taka an tih che a, i ngawih mai mai chuan thiam lo zawk emaw an ti ang che. I dikna hlen chhuak turin huaisenna nei țhin ang che...
M.Lusei Palian)
" Vanlalhriatpui.... a chhan i hre lova maw?"
Chutia hming pum tehlawnga han inkoh chu a tuartu tan chuan ava na dawn em! A bikin Mizo te hi hming puma inkoh lawl lawl hi thiang lo hialah kan ngai deuh asin! Tin, zirtirtute hian a bikin an naupang te hi koh an ching bik a. Hei hi chu dem theih an ni lo. Mahriati rilru na chu mittui mai chuan a hnem ta hauh lo mai..
Hruaia rilru na lutuk leh a tuk maia a zin san tur a hmangaih awm dan chuan a ti lungawi mawlh lova, chu tlangval thianghlim hmel ațanga chhuaka mawi lo, leh thianglo ang hiala ngaih...hmangaihna mittui chu a hnam a. Mahriati mutna lam chu a pan phei ta a...
Chu nula a hmangaih em em, a nunna ai hiala a hmangaih natna tuar mek khum bulah chuan a ding a.
" Rei lote ka kalsan chhung che pawh hian khapa kha alo awm hman ziah a, kha tlangval khan a haw lo che a, a hmelah khan a chhiar theih a. Tin, nang pawhin i haw hek lo...hmuh hmaih hi ka nei lo asin.....kha tlangval awm lai khan i awm dan hi a danglam daih zel...."
Mahriati chuan awm ngaihna ava hre lo tak em! Mahse Hruaia thusawi chu a dikna chen a awm si a. Mittui hian a chhan zo angem le?
"Chutiang a ni lo....U.Hru..." a sawi zo hman lo..
" A nih leh an zai dawn che a, ngaidam tura min ngenna chhan kha eng vangnge? Han sawi teh...eng vangnge?"
Chu zawhna tak mai chu damlo natna khuma mu mek Mahriati tan chuan chhan ava harsa tak em! A insawi fihlim fai zo angem le? A ni ngei a, ' ngaidam rawh' a ti hram hram si a. Chu nula thianghlim.....mahse Andrewa haw ta miah lotu ngei mai chuan chhan ngaihna reng a hre ta lo! A ngawi a, a biang ațang chuan dan rualloh in mittui chu a far zawih zawih a, mahse chu chuan Hruaia thinlung a ti nem thei mawlh rih si lo a ni.
" I duhzawng a ni...ti raw?...chuan kei hi nangmah enkawltu mai mai che ka ni a....."
Thinlungna in a thinlung natna a sawi a ni.
" U Hruai,,.... chutiang a ni lo.."
"Mahriat.... thinlung na, thinlung khawkheng hi min tuar nawn tir tawh suh ...khawngaih takin... aw...khawngaih takin..."
Mahriati chu a țap chhuak hial a, a hmai a hup a, mahse Hruaia chuan va khawih a va hnem chu a tum hauh lo. A thusawi chu a chhunzawm lehnghal a, chuti lo chu a rilru a nem zo ang tih a hlau a ni. Hmeichhe lakah hian tlawm zawk a, nem zawka țan a a tawpa nat nawn hi a duh tawh lo a ni.
" Naktukah hian Officialin Sawrkar tirhin ka zinchhuak tawh dawn a, Ruata kha a lokal țhin anga, Ruatsanga pawh alo kal țhin ang....i mamawh apiang i lo hrilh ang a.... an lo buaipui ang che.....Lo dam zel ang che aw...Lungrun.."
A tawp lam khi chu a richhuak zo lo țep a ni. Hruaia chuan a thinlungna tawpkhawkin chu thu chu a sawi a ni. A ni chu thu chu a sawi zo ta. A sawi tur ang ang chu a sawi zo tawh ngei si a. A inher a,
" Mang țha le.....Lungrun" a ti a, a hawi let lo, chu a hmangaih em em awmna, a thinlung lehlam luahtu awmna Cabin chu a chhuah san ta.
.........
Dr.Mapuii pawh Kima chuan a zuk thlah a, kawng tluan chuan zai an ngaithla a, Kima chhangte hla chu a play char char a, ' Thinlai luahtu...' tih chu a ni. A pi Doctor chuan chu a hla play chhan chu a hrethiam angem le? Mapuii te nufa chuan Kima chu riak nghal a, zing a chho leh mai turin an ti a, a ni lah chuan alo chak sakhai mai si a.
Mapuii te ho hi mi pasarih kal turin an thlang a, Sawrkar lam hian a tir dawn a, an senso pawh a tum vek dawn a ni.
Zan dar 7 ah Tourist Lodge ah an guide te ho nen an inhmukhawm dawn a, kima bawk chuan hruai a chuh nghal chat reng a ni. A hmun an han thlen chuan a kalpui turte an lo awmkim țhap tawh a, inhmelhriattirna an nei a, an hlim tlang hle a. An tour programme chu an sawi ho ta a ni.An zawh ho meuh chuan alo tlai tawh hle a. Mapuii hian a thinlunga thi thei lo mipa hi Aizawlah a awm tih a hria a. A hmu chak em em a, a be chak bawk a. Mahse thinlung khawkheng siam sak tawhtu chuan a phone ngam ngang lo a ni. Lungkim lo tak chuan laikhum chu a bel ta a!
Kima chuan a pi chu a hmangaih thu leh a ngainat thu hrilh ava chak țhin tak em! Mahse sawichhuak ta lem lo hian a thamral leh si țhin a ni.Hmangaih thu sawi ngam lo a, hmangaihte zui reng aia hrehawm hi a awm angem le?
Kima tan hian khua a tlai mai ang nge hun țha zawk a nei ang. Dr Mapuii te mikhual roomah chuan a mu a, a ngaihtuahna a kal thui ve hle a. A tuk a Lengpui thlenga thlah chu a chak takzet na a,Sawrkar motor duh duh a lek kual a thiang si lo! A inlet a inlet mai a ni.
........
Ruatsanga pawh an khawlam a thleng chho tawh a, Hruaia motor chuan an dawr bungrua tur a trip chho țun a. A rilru ava hlim em!
A nupui nen an hlang thla an han enkual chu hlimna kan tih ai hian an hlim zawk mah a. Mami pawh alo hlim hle a ni. A pasal lo haw dawn avang chuan fai tawk takin a lo inbual a,!!!
A pa te in lamah riah phei chu a hreh angreng hle..nah nge a hreh lovang,pasal te zin bo lo haw te chu tu nupuiin nge nghakhlel lo teh lul ang ni!
.........
Mahriati rilru chu ava hrehawm teh lul em! A thinlung innghahna chuan chuti chuan a ti si a maw! Thih daih te hi a duh rum rum a, A nu te pawh chu an lo va let har tehlul em!
A inngaihtuah chianga, ama thiam loh hmasa chu a ni ngei a ni. Andrewa kha a ngaina a ni. A ni renga, a ngainatna kha mak a ti hle? A mah pawh chu thiam a inchan tir lo.... Aw... a va pawi tak em..
Nu kimi leh Rc-i te an lo let chuan Hruaia chu alo awm tawh hauh lova, Nu kimi chuan mak a ti hle na a, mahse a fanu hian a pal baw zo tih a hrethiam nghal a. Pawi hi ava ti vawng vawng tak em?
........
Hruaia chu hmanhmawh lem lo takin inlam a pan a, a bike chuan muang changin a tlan a. A thil tawn hi mak a ti hle a. Mahse JOSEPH a zui dawn a, thih hial pawh pawi a ti lo! Ram tan a nih phawt chuan, engtia hlauhawm pawh a chungah thleng se tawn darh a, phih darh a huam a. Chu tak chu a nun khawchhuahna tur a ni tih lam erawh a dawn pha lo thung a ni. A ruk chuan JOSEPH chu a haw lek lek a ni. Kha Andrewa kha che lova siam a tum asin le...
.....
JOSEPH chuan Andrewa hi a rukin a thli thlai tir a, a reh hmakna tur thil a awhtir a tum ran a ni. Chu a thil chan chu a hmu ta...
Chu zanah tak chuan Hruaia nen an inhmuh zawh hnu chuan Hruaia hmel awm dan khan vei a nei tih a hriat avangin azui ru a. Damdawi-In stepa a awmlai chu..chu Andrewa chuan a rawn su chawrh a.
A sutu zawk chuan,
" I pawr em ni?" Ala ti zui.
" Ngaihdam min dil dawn zawk lo em ni tlangval?" A chang rat mai..
" Kha....." tih pahin a hnek ringawt a. Andrewa hian a bitum hi a hre hlawl lo. Second khat aia rei lo ah a thal nghal der a. Police Thana lamah a hnuk phei nghal....
Damdawi-In lamah rei tak a awm a ngai tawh ang...he Andrewa hi...
Tin kut a thlak hmasak hi tu nge a nih a hre lo, JOSEPH lah chuan Camera alo kam lawk diam a. Evidence a țha bawk a. A hma lam hun a thim viau ang le....
........
Mahriati chu mut har a va ti em! Mu reng chung si in a hil thei hauh lo...
A huaisenna zawng zawng a sawmkhawm a, U Hruaia chu message ava thawn ta a.
" Khawngaihin min ngaidam rawh..Nang lo chu hmangaih ka nei lo asin"
Tih hi ava țhawn a, mahse Hruaia chuan a chhang lo. A seen ringawt a. Mahse Mahriati chu a thawveng deuh huai a. Hruaia hian a thlauh thla hlen angem le?
.....
Hruaia chuan message chu hmu reng mahse a chhang chuang lo. A nau Ruatsanga bulah chuan a kal a, a nau roomah chuan a va ti ti pui a. A nau chuan eng kim alo tihsak tur thu a sawi a.
" U...eng thil chiah nge in tih dawn?"
" Mate,Sawrkar tirh kan ni tihbak hriattir kan ni lo"
" A va mak ve...i thang chen tur pawh an hrilh lo che em ni?"
" Mate, hrilh lo, lehkha hi en la( Hruaia chuan Sawrkar ațanga a lehkha hmuh chu a entir a) ..."
" I lo haw leh chuan MCS nupui tur pawh alo damvar tawh ang. Ka lo duat ang....Mahse ka U dawn miah lo a nia.. ka lo duat loh chuan nakinah DC te ila ni anga, min duhsak lo palh ang.."
An nui dun a...
" Mate...mai mai a... Ka tling zo angem le."
" U...I tlin loh chuan tling tur an awm lo.."
A sawi dik. Hruaia hi a tling em em ang. Unau inhrethiam tak te chu an in mang țha ta a.
.........
Lengpui chu alo vawt deuh raih a. Mapuii chu a hawi kual ruai ruai a, a nu chuan a thlah a. Kawngka a lut chiah Coat dum ha chu hnung lam ațangin a hmu a, a hriat hnu a ni chiang lutuk...
A lut phei ve ta a...
Thlawhna chhungah chuan an țhu țhap a.Sawrkar mi tirhte chu hmunkhatah( Mizo țawngin a nuam ber laiah an dah a) Mapuii chu a chhing vang vang a. A bulah chuan mipa khat hi a rawn țhu a. Ala meng lo. Mahse a rim a hria, a hrechiang chu pa rim chu....
A meng chiah a..A bula țhu chu an enchiang a...
Ui...ui...ui..Lalpa...leh.....a hmangaih ber mai leh a innghahna chu, a ni chu mihring....a thinlung a hliam sak tawh ngei chu......
( A ngaihnawm telh telh dawn a ni...)
- Get link
- X
- Other Apps
Comments
Post a Comment