To Sir...With Love Episode 30
TO SIR.....WITH LOVE
( M.Lusei Palian)
........XXX.........
( Comment kan dawn hi a tawi thei e, tih a ni a, phone hmanga type kan ni a, a sei har ve khawp mai. A sei ve viau emaw kan tih pawh hi alo sei tawk țhin lo a niang, a sei ve hret hret e. Tin, chhiartu duhtak te u, advertisement kha lo click ve hram zel u la aw... Kan la chhunzawm zel dawn nia. Tin a kara kan thu zeh tel te hi man chhuah, hriat chhuah tel hram i tum țhin ang u...
M.Lusei Palian)
Hruaia thil hmuh chuan a rilru a dek na zar mai a, a tina takzet si a ni. Hun rei lote minute 10 chhung lek a, he pa lo lawr ve hman hi mak a ti em em bawk a. Chumai a la ni lo, A duhlai Mahriati biangah a piai a, a ni lah chuan eng tin mah lo ti lovin a lo dawh ve mai si a. Lo dan ve awm hi a ni a, Mahse amah Mahriati berin a lo dawh tlat a, a piaitu hi a huat hmel vak bawk si lo nen...A mah melh chungin alo dawh ve tlat si!
" U Hruai....ih.." a inthiam chiah lo. Inthiamna chi em ni ni dawn. Mahriati hi Andrewa bula a awm hian eng tin emaw a awm a, a lai tlat zel si a ni! A mah pawhin mak a inti!
" Lo inkawm r'u, ti khan inhlim zawk ang....ka va haw phei ang e" Mahriati melh miah lo chuan a ti a. Kawngkhar chu a duh aia na in a khar hmak a, a ri țhuai a. A kal nghal vang vang a! Mahriati chuan chhan pawh a chhang hman lo! A inthiam thei miah bik lo! Mahse a pawi zo ta! Ti nge Andrewa'n a rawn piai khan alo dan lohva Andrewa kha alo melh let veng veng mai le...
" I bialpa ve chu leh...a thinchhia in a kut pawh a ram hle mai..."
" Eng vang chuan maw?"
" Tuna a chet danah pawh khan a hriatreng alawm.."
" Aaa...i hrechiang lo mai mai a nih kha.."
" A hrechiang zawk pawn i hlauh em hi...!"
" I chhe zawt zawt....kal rawh..."
" Khawiah maw? Hei ka lo kal alawm...I duh vak lova, a zar hneh em vang zawk che a ni ti raw?"
" Kiri....( a țhu uaih a...a ke a na leh si) i sawi tur a awm lo..."
Rc-i thaktu Mali a rawn lut chiah a..
" Ka pi, ka muang em? Ka tihpalh lutuk aw?"
Andrewa chuan alo melh vung vung a.Ti hian alo chhan khalh a..
" Hei...pi chi a nih loh hi...i va ã ve"
Mali chu a hawihai hle a. A zak em em bawk a.
Mahriati chuan a ngei hle a, hepa zet hi chu...a chimawm takzet a ni. A ning țan riau..!
Mali chuan Damdawi chu ala a, Mahriati chu a pe nghal mawlh mawlh a...
" A nih Țhiannu, hei hi Pu Hruaia chu em ni? "
" Ni lo, a teuh lo lutuk...hepa hi chu Lalthawvenga a nih hi..."
Andrewa chu alo nui var var a,
" Țhiannu, kei chu Rising Star ka nih hi..." tih pah chuan Mahriati chu a siai zeuh a. A va han ngei tak em! Mahse eng emaw ti takin a ngaina ru ve viau lawi si!
........
Hruaia chu a rilru a na hle a, a bike awmna a thleng a, khalh ta mai lo chuan a inngaihtuah ta veng veng a. Kha pa kha engtia rawn lang leh ngam nge a nih aw. Mahriati hi a ngaihtuahin a ngaihsak ve tak tak nge, a ngaizawng zawk le...
Aaaa..a ni thei lo. Mahriati hian amah lo chu duhdang a nei lovang.!!! E...mahse Mahriati hian a ngaizawng ve thei tho bawk, a biangah pawh a piai tir alawm... Hmana a lunglai luahtu pawh khan alo hmangaih reng reng lo. Pasal dang neihsan a tum daih alawm... Eng thil hi nge Hruaia hian a rin tak ber ang.
A thinrim thut a, a bike a tinung a, a tlan ta vang vang a.
........
Dr.Mapuii lehkha hmuh chu a hmanhmawh thlak hle a.Aizawla chhuk nghal a, thlawhna ticket tihfel nghal a ngai dawn a ni. Kima chu a khua alo har ru viau thung a.Mapuii zin bo tur chu a huphurh a, a lung aleng lawk hle a, sawi dan chiah a thiam bik si lo. Mahse Aizawl thleng a thlah dawn avangin a rilru pangkhing chu a hlim ru ve viau lawi a.
Mapuii chuan a țhiannu a bia a, thlawhna ticket lo tihfel sak turin a ti a. Nu Sawmi phei chuan a mak hi a ti a.
" Chu ti rum rum tur em ni?" A ti chhuak hial a.
" Ka nu Order a nih hi..." tiin a chhang thung a. Chaw an ei sawk sawk anga, an chhuak dawn a ni. Mapuii chuan a chak lo hle na a,mahse hawi khaw thawn paha zin chu a hreh lem lo, tin kal ngei ngei a ngai bawk si!
Mahse he thil a kalna tur hi khuanu remruat a ni thei angem?
Tu nge hre bik ang le!?
.......
Nu kimi leh Ruatsanga'n Hruaia nau dawr an thlen meuh chuan pui an ti hle a. Te hi an inti chem chem a Govt Approved Supplier an lo ni bawk si. Dawr nghaktu an lo tam khawp a, an lo phe kual ve sek bawk a. Anni chu an thu a, nula pakhat chuan Coffee a rawn pe a, in pahin an thu muang rih a.
Ruatsanga'n an dawr țhin phai lam te foreign lam te thlengin a hrilh a. An thil zawrh chi hrang hrang leh a țhatna te chu a bu ang thlarhin a hrilh a. Sumdawng tura țangkaite leh thil dang tamtak nen...
"My dear, khi lama i thil zawrh ve duh ho te chu va thlir kual rawh le...kan naute kan siamfel tir dawn nia.."
" E khai My name thlan tur ka hre lo reng reng, a tam lutuk a, ka buai vek alawm le...Rawng chi hrang lamte saw..khi lamah zuar an awm lova..." a ti a . An nui ho a.
" I duh duh saw a ni mai! Va enkual rawh..".
" Mama, eng thil nge ni a, eng nge a awmzia.."
" E ...Nu hei ..an dawr bungrua hi khi lamah min zawrh tir ve dawn a."
Nu kimi chuan mak a ti hle a, a ka ho ringawt a.Hruaia te chhung hi an lo va ngelnghet ve le!
Ruatsanga chuan dawr nghak hmeichhe pakhat chu a ko a, thil a hrilh zung zung a, pawisa a pe a, a kalchhuak ta nghal a.
Nu kimi te nufa chuan dawr chhung chu an fang kual mek a, dawr nghak tlangvalin a man a lo hrilh zung zung thung a. An thil zawrh chu a changkang hlawm a, Tv chauh a an hmuh țhin te a ni.
Mahriati U Ruatsanga'n an khaw lama a zawrh tur thil a thlan fel meuh chuan a lo tlai duai tawh a. Damdawi-In lamah an let dawn ta. Ruatsanga chuan,
" Hei Pi Kim, awm hmuna Mahriati nena inhak tur aw" tihpah chuan polythene lian tawk a chhunga thawmhnaw awmna chu a pe a. Mak an ti hle a. A ngai lo ti mahse awmzia a awm lo...
.........
Mahriati chuan Hruaia biak a tum a, alo Switch off daih. Hruaia hian battery a nei tawh lo a ni tih a hre lo. Hrehawm ava ti tak em! Engkim hria ni awm fahran chuan Andrewa chuan,
" Phone ala duh teuh loh....A ni te ang chuan khawpuiah hian a hung țeuh ang" a lo ti hmanhmawh a.
He mihringpa hi a ning lutuk...
" Haw rawh...kal bo teh.."
Mahriati chuan a enkawltu nurse hnenah chuan,
" Țhiannu, tu nge i hming?"
" Malsawmi ka ni a, Mali min ti mai zel..."
" Mali he pa hi haw tir teh... a nih loh pawhin a hmui kha țhui pin sak teh "
Mali chu alo nui a.
" Lalruanga ang maia ka lei min tansak in tum ai chuan ka haw mai a nge....Keini zawng rairah kan riang lua a ni." Andrewa chuan a ti ve ta hmak a, țawngkam a thiam zek mai. A ngainatawm ru riau ve bawk si! Andrewa chu a ding ta hluia, Mahriati chu a melh a, Mahriati'n a lo melh let ve chiah bawk si. An țek dun chhak a. An lai ru viau bawk. Andrewa chu a mittui a tla țepin a hria. A khawngaih leh hnuhnawh hle a.
Khawngaihna ațang hian eng nge lo piang ang le?
Nu kimi te nufa an lo thleng ve chiah a. Andrewa an hmuh chuan a lo ding uaih a. Nu kimi chuan hawihhawm chhuahin,
" E..i rawn kal a ni maw?" a ti hram a.
" Aw..hei ni e, ka thil tihsual hi ngaihdam tik ni a awm dawn lo a nih hi.....ka haw tawh ang e" a ti a. A chhuak zui ta a.
" Bawihi..khawnge i U Hruaia hi? Hei hi tu nge ?"
" Mali a nih hi....ka hre lo. A haw phei a niang."
" Ka hre lo a, enga ti nge?"
" Ka haw phei dawn a ti a nih kha.." Mahriati chu a dul hnak a. Nu kimi hian thil diklo a awm ngei niin a hria a, mahse ala zawt lo.
" E....Va mu hahdam rawh se, nizan khan a tlaivar țhakin ka hria!" A ti ve ta a.
" Bawihi, hei Hruaia nau khan in lo hak tur a ti a" tih pah chuan thawmhnaw chu a phawrh a, mut hmuna hak nuam chi zangkhai tak tak vek a lo ni. A țha phian hlawm a. An lawm nufa hle a ni.
Ruatsanga chuan a nupui Mami a han bia a, a hlim hle a ni.
.......
Pu Hmaa pawh a fanu zia awm deuha a hriat avangin a lawm hle a, Hruaia chungah hian bat ava ngah em tih chu a chhut a. Hruaia hian a fanu chu a ngaina takzetin a hria a.A lawm hle a ni. Mahse a ni thingtlangpa satliah hian eng tin nge a fanu chunga a tih zozai hi a rulh tak ang le? A rilru a hah letling zawk mah a ni. Mahse an dam anga, a la rul ve thei mai ang..ti tein a inngaihtuah a.
Mahse Hruaia hian phutlet leh rulh let beiseiin thil a ti angem le?
.......
Hruaia chu in a thleng a, a pa alo awm lova, a nu chuan alo be lem lo bawk a. A be bik chuang lova. An awmpui nula chuan thingpui alo pe a. A in a, a inzawh hnu chuan a room lamah a chhuk a, a phone a charge a, țhuthleng seia mut pah chuan a en a, missed call a lo awm a, Mahriati a lo ni a, vawi 7 vel alo missed call a. Phone chu ala a, phone let a tum zuau na a, a inngaihtuah țha leh a, a phone leh ta lova.
MCS a exam lai khan a lo mengrei țhang bawk nen, rei lo teah țhuthleng seiah chuan a muhil ta bawrh bawrh a. A mutui hle aniang, a harh leh meuh chuan khua alo thim der tawh a. A inbual fai a, inchung lama a chhoh chuan Chaw ei anlo siam mek a,
Ruatsanga( Mahriati u) chuan, " U Hruai, i mu an ti a, kan lo kai tho lo mai che asin" a lo ti var a.
" E ...mai mai a, min lo kaihthawh tur alawm! In lo haw na a rei tawh em? "
" La rei lo ve le."
Hruaia pa chuan, " Hruaia naktuk chuan em ni i zin dawn tak a.?"
" Aw ni e"
" Eng tik nge i lo haw theih ang, sawrkar meuhin nangni han tirh chu..." a nui suk a.
" Ka pa, kan thang chen tur hi ka hre miah lo..an pawtsei leh thut thei bawk a."
" A va mak awm ve.."
Nu Hruaii chu aran țawng ve teh mial a.
" I damlo enkawl lai saw....eng tin nge niang...I pa leh i nau an buai si a?"
" E...lo lungngai suh. Matea'n a hman chang changin alo buaipui mai ang chu..." a ti ve ngat a.
A pa chuan..." I School naupang satliah a ni lo tih ka hria a, naktukah ka lo va tlawh ang... Hei kan awm a, khi lama i Inpui te an ni bawk nen .... ngaihtuah suh ang che... I nu pawhin a țul chuan alo va awmpui ve mai ang chu..." a ti ve ngat a. Nu Hruaii chu a kham tau hmak a.
Mahriati U Ruatsanga chuan nuam lo alo ti hle a.
Chaw te an eikham chuan Mahriati U leh Hruaia chu Hruaia room ah an lut thla a. Ruatsanga inthlahrung chu a hnem ve mawlh mawlh a.
" U Hruai, Damdawi-In lamah ilo phei dawn em ?"
" Aw phei ang, mahse ka lo tlai deuh ang ... insiam lawk ka ngai a. Tin, naktuka ka kalpui turte nen inhmuh kan ngai a. Ka rawn tlai hret ang.."
Hruaia chuan a phone chu a en a, Mahriati message chu a lo awm a, tihian alo inziak a.
" U Hruai.... enga ti nge, phone i la duh bawk si lo... eng vang nge? Kha ...pa vang kha em ni?" Tih hi alo awm a. Hruaia chuan a chhang ta lem lova, a rilru hi ala na deuh tlat! Mahriati mitmeng khan amah sutu kha a haw lo tlatin a hria a. Tin a hma pawhin ngaidam turin a lo ti tawh vei bawk nen.. Ngawih rih mai hi a țha a ni.
Tin, Andrewa hian Mahriati hi a haw miah lo tih a hria. A hmelah khan a hmu tlang vek. A melh dan leh a chezia ah khan a hmu tlat si a! Tu nge hai thei ang.
Hmangaihna ngauhzawng nunah kan buai nak nak chuan....duh aiin PAKHAT in kan lo tam hman ziah a lo ni...
Mahriati U chuan, " A nih U Hruai, kan lo va phei mai dawn em ni? "
" In thu thu....Matea khi a hman ka ring.." a ti a.
Hruaia chuan a pawhdawh a hawng a, eng emaw hi ala chhuak zeuh a, a pai a.
Inchung lama an chhoh chuan Hruaia nau chu alo insiam peih at tawh a.
" Mate, hei naktuk hi kan zin chhuah hun tur a ni tawh a, i my name te hi lo buaipui la... Mahriati saw lo enkawl uluk rawh u aw... Zanin hian meeting kan nei dawn a, ka rawn tlai dawn" a ti a.
Ruatsanga te pahnih chu an kal ta a...
Hruaia chuan an awmpui nula hnenah chuan, " Ka pa min lo koh sak lawk hman em?" A ti a.
A va koh sak a...
Hruaia chuan a pa hnenah an kalna tur leh an chanchin hrilh a tum a. Chutih rualin Mahriati lo thlahthlam lo turin hrilh a ngen a tum bawk a ni.
.......
Mahriati nilengin a awm a nuam thei lo. Amah leh a mah pawh a inhua. A u Hruaia chuan a phone a la duh lo mai ni lovin, a message pawh a chhang chuang lo. Kha Andrewa vang vek kha a ni. Minute sawm chauh chhunga thil thleng kha a chhut a, inthiam lohna hlirin a khat a. Mahse Andrewa hi a haw vak miah lo hi mak a inti. A rilru hi a va na in a va hrehawm tak em!
.......
Hruaia pa chuan a fapa chu a melh nawn leh a.
" Ka fapa...Vanlalhruai...ram tan chuan i theih tawkin ti ang che..Hei lo hi mizote hian ram kan nei lo. Ka chhuang takzet che... Mahriati chu kan lo buaipui ang a. A lo dam tawh a, a chhuah tawh pawn duhleh hetah awm rih se, a duh lo a nih pawhin an khua thlengin kan han thlah chho vang.." a ti a.
Hruaia chu ava lawm teh lul em! A pa hnenah hian thil a dil ngai zen zen lo! A pa pawhin a hre reng a,a thil dil chhun hi tihhlawhtlin sak ngei a tum ve tlat....
Hruaia chu JOSEPH hmu tur chuan Hotel Royal a pan ta a.
..........
Andrewa pawn zan lamah Mahriati han awmpui a tum ran a, a duh angin thil a kal țanin a hria a, a lawm tak zet a ni.
Zan hun lo thleng har a ti hle a. Mahse a chang chuan Mahriati hian a haw viau in a hria a, a chang leh a duh ve deuhin a hre thung a. ...
Zan hun chu a lo thleng ta ngei mai.
Nalh ve tawkin a inchei a, a putea fapa bike la chhuakin Damdawi-In lam a pan ta a.
...........
Dar 11:00 pm rik hma hret chuan Hruaia chu Damdawi-In a thleng a. Muang changin Cabin lam a pan a, Kawngka chu alo inkalh lova.
A pawt hawng chiah chu........
( Kan la zawm dawn chauh a nia, nghak hram zel ila..)
( M.Lusei Palian)
........XXX.........
( Comment kan dawn hi a tawi thei e, tih a ni a, phone hmanga type kan ni a, a sei har ve khawp mai. A sei ve viau emaw kan tih pawh hi alo sei tawk țhin lo a niang, a sei ve hret hret e. Tin, chhiartu duhtak te u, advertisement kha lo click ve hram zel u la aw... Kan la chhunzawm zel dawn nia. Tin a kara kan thu zeh tel te hi man chhuah, hriat chhuah tel hram i tum țhin ang u...
M.Lusei Palian)
Hruaia thil hmuh chuan a rilru a dek na zar mai a, a tina takzet si a ni. Hun rei lote minute 10 chhung lek a, he pa lo lawr ve hman hi mak a ti em em bawk a. Chumai a la ni lo, A duhlai Mahriati biangah a piai a, a ni lah chuan eng tin mah lo ti lovin a lo dawh ve mai si a. Lo dan ve awm hi a ni a, Mahse amah Mahriati berin a lo dawh tlat a, a piaitu hi a huat hmel vak bawk si lo nen...A mah melh chungin alo dawh ve tlat si!
" U Hruai....ih.." a inthiam chiah lo. Inthiamna chi em ni ni dawn. Mahriati hi Andrewa bula a awm hian eng tin emaw a awm a, a lai tlat zel si a ni! A mah pawhin mak a inti!
" Lo inkawm r'u, ti khan inhlim zawk ang....ka va haw phei ang e" Mahriati melh miah lo chuan a ti a. Kawngkhar chu a duh aia na in a khar hmak a, a ri țhuai a. A kal nghal vang vang a! Mahriati chuan chhan pawh a chhang hman lo! A inthiam thei miah bik lo! Mahse a pawi zo ta! Ti nge Andrewa'n a rawn piai khan alo dan lohva Andrewa kha alo melh let veng veng mai le...
" I bialpa ve chu leh...a thinchhia in a kut pawh a ram hle mai..."
" Eng vang chuan maw?"
" Tuna a chet danah pawh khan a hriatreng alawm.."
" Aaa...i hrechiang lo mai mai a nih kha.."
" A hrechiang zawk pawn i hlauh em hi...!"
" I chhe zawt zawt....kal rawh..."
" Khawiah maw? Hei ka lo kal alawm...I duh vak lova, a zar hneh em vang zawk che a ni ti raw?"
" Kiri....( a țhu uaih a...a ke a na leh si) i sawi tur a awm lo..."
Rc-i thaktu Mali a rawn lut chiah a..
" Ka pi, ka muang em? Ka tihpalh lutuk aw?"
Andrewa chuan alo melh vung vung a.Ti hian alo chhan khalh a..
" Hei...pi chi a nih loh hi...i va ã ve"
Mali chu a hawihai hle a. A zak em em bawk a.
Mahriati chuan a ngei hle a, hepa zet hi chu...a chimawm takzet a ni. A ning țan riau..!
Mali chuan Damdawi chu ala a, Mahriati chu a pe nghal mawlh mawlh a...
" A nih Țhiannu, hei hi Pu Hruaia chu em ni? "
" Ni lo, a teuh lo lutuk...hepa hi chu Lalthawvenga a nih hi..."
Andrewa chu alo nui var var a,
" Țhiannu, kei chu Rising Star ka nih hi..." tih pah chuan Mahriati chu a siai zeuh a. A va han ngei tak em! Mahse eng emaw ti takin a ngaina ru ve viau lawi si!
........
Hruaia chu a rilru a na hle a, a bike awmna a thleng a, khalh ta mai lo chuan a inngaihtuah ta veng veng a. Kha pa kha engtia rawn lang leh ngam nge a nih aw. Mahriati hi a ngaihtuahin a ngaihsak ve tak tak nge, a ngaizawng zawk le...
Aaaa..a ni thei lo. Mahriati hian amah lo chu duhdang a nei lovang.!!! E...mahse Mahriati hian a ngaizawng ve thei tho bawk, a biangah pawh a piai tir alawm... Hmana a lunglai luahtu pawh khan alo hmangaih reng reng lo. Pasal dang neihsan a tum daih alawm... Eng thil hi nge Hruaia hian a rin tak ber ang.
A thinrim thut a, a bike a tinung a, a tlan ta vang vang a.
........
Dr.Mapuii lehkha hmuh chu a hmanhmawh thlak hle a.Aizawla chhuk nghal a, thlawhna ticket tihfel nghal a ngai dawn a ni. Kima chu a khua alo har ru viau thung a.Mapuii zin bo tur chu a huphurh a, a lung aleng lawk hle a, sawi dan chiah a thiam bik si lo. Mahse Aizawl thleng a thlah dawn avangin a rilru pangkhing chu a hlim ru ve viau lawi a.
Mapuii chuan a țhiannu a bia a, thlawhna ticket lo tihfel sak turin a ti a. Nu Sawmi phei chuan a mak hi a ti a.
" Chu ti rum rum tur em ni?" A ti chhuak hial a.
" Ka nu Order a nih hi..." tiin a chhang thung a. Chaw an ei sawk sawk anga, an chhuak dawn a ni. Mapuii chuan a chak lo hle na a,mahse hawi khaw thawn paha zin chu a hreh lem lo, tin kal ngei ngei a ngai bawk si!
Mahse he thil a kalna tur hi khuanu remruat a ni thei angem?
Tu nge hre bik ang le!?
.......
Nu kimi leh Ruatsanga'n Hruaia nau dawr an thlen meuh chuan pui an ti hle a. Te hi an inti chem chem a Govt Approved Supplier an lo ni bawk si. Dawr nghaktu an lo tam khawp a, an lo phe kual ve sek bawk a. Anni chu an thu a, nula pakhat chuan Coffee a rawn pe a, in pahin an thu muang rih a.
Ruatsanga'n an dawr țhin phai lam te foreign lam te thlengin a hrilh a. An thil zawrh chi hrang hrang leh a țhatna te chu a bu ang thlarhin a hrilh a. Sumdawng tura țangkaite leh thil dang tamtak nen...
"My dear, khi lama i thil zawrh ve duh ho te chu va thlir kual rawh le...kan naute kan siamfel tir dawn nia.."
" E khai My name thlan tur ka hre lo reng reng, a tam lutuk a, ka buai vek alawm le...Rawng chi hrang lamte saw..khi lamah zuar an awm lova..." a ti a . An nui ho a.
" I duh duh saw a ni mai! Va enkual rawh..".
" Mama, eng thil nge ni a, eng nge a awmzia.."
" E ...Nu hei ..an dawr bungrua hi khi lamah min zawrh tir ve dawn a."
Nu kimi chuan mak a ti hle a, a ka ho ringawt a.Hruaia te chhung hi an lo va ngelnghet ve le!
Ruatsanga chuan dawr nghak hmeichhe pakhat chu a ko a, thil a hrilh zung zung a, pawisa a pe a, a kalchhuak ta nghal a.
Nu kimi te nufa chuan dawr chhung chu an fang kual mek a, dawr nghak tlangvalin a man a lo hrilh zung zung thung a. An thil zawrh chu a changkang hlawm a, Tv chauh a an hmuh țhin te a ni.
Mahriati U Ruatsanga'n an khaw lama a zawrh tur thil a thlan fel meuh chuan a lo tlai duai tawh a. Damdawi-In lamah an let dawn ta. Ruatsanga chuan,
" Hei Pi Kim, awm hmuna Mahriati nena inhak tur aw" tihpah chuan polythene lian tawk a chhunga thawmhnaw awmna chu a pe a. Mak an ti hle a. A ngai lo ti mahse awmzia a awm lo...
.........
Mahriati chuan Hruaia biak a tum a, alo Switch off daih. Hruaia hian battery a nei tawh lo a ni tih a hre lo. Hrehawm ava ti tak em! Engkim hria ni awm fahran chuan Andrewa chuan,
" Phone ala duh teuh loh....A ni te ang chuan khawpuiah hian a hung țeuh ang" a lo ti hmanhmawh a.
He mihringpa hi a ning lutuk...
" Haw rawh...kal bo teh.."
Mahriati chuan a enkawltu nurse hnenah chuan,
" Țhiannu, tu nge i hming?"
" Malsawmi ka ni a, Mali min ti mai zel..."
" Mali he pa hi haw tir teh... a nih loh pawhin a hmui kha țhui pin sak teh "
Mali chu alo nui a.
" Lalruanga ang maia ka lei min tansak in tum ai chuan ka haw mai a nge....Keini zawng rairah kan riang lua a ni." Andrewa chuan a ti ve ta hmak a, țawngkam a thiam zek mai. A ngainatawm ru riau ve bawk si! Andrewa chu a ding ta hluia, Mahriati chu a melh a, Mahriati'n a lo melh let ve chiah bawk si. An țek dun chhak a. An lai ru viau bawk. Andrewa chu a mittui a tla țepin a hria. A khawngaih leh hnuhnawh hle a.
Khawngaihna ațang hian eng nge lo piang ang le?
Nu kimi te nufa an lo thleng ve chiah a. Andrewa an hmuh chuan a lo ding uaih a. Nu kimi chuan hawihhawm chhuahin,
" E..i rawn kal a ni maw?" a ti hram a.
" Aw..hei ni e, ka thil tihsual hi ngaihdam tik ni a awm dawn lo a nih hi.....ka haw tawh ang e" a ti a. A chhuak zui ta a.
" Bawihi..khawnge i U Hruaia hi? Hei hi tu nge ?"
" Mali a nih hi....ka hre lo. A haw phei a niang."
" Ka hre lo a, enga ti nge?"
" Ka haw phei dawn a ti a nih kha.." Mahriati chu a dul hnak a. Nu kimi hian thil diklo a awm ngei niin a hria a, mahse ala zawt lo.
" E....Va mu hahdam rawh se, nizan khan a tlaivar țhakin ka hria!" A ti ve ta a.
" Bawihi, hei Hruaia nau khan in lo hak tur a ti a" tih pah chuan thawmhnaw chu a phawrh a, mut hmuna hak nuam chi zangkhai tak tak vek a lo ni. A țha phian hlawm a. An lawm nufa hle a ni.
Ruatsanga chuan a nupui Mami a han bia a, a hlim hle a ni.
.......
Pu Hmaa pawh a fanu zia awm deuha a hriat avangin a lawm hle a, Hruaia chungah hian bat ava ngah em tih chu a chhut a. Hruaia hian a fanu chu a ngaina takzetin a hria a.A lawm hle a ni. Mahse a ni thingtlangpa satliah hian eng tin nge a fanu chunga a tih zozai hi a rulh tak ang le? A rilru a hah letling zawk mah a ni. Mahse an dam anga, a la rul ve thei mai ang..ti tein a inngaihtuah a.
Mahse Hruaia hian phutlet leh rulh let beiseiin thil a ti angem le?
.......
Hruaia chu in a thleng a, a pa alo awm lova, a nu chuan alo be lem lo bawk a. A be bik chuang lova. An awmpui nula chuan thingpui alo pe a. A in a, a inzawh hnu chuan a room lamah a chhuk a, a phone a charge a, țhuthleng seia mut pah chuan a en a, missed call a lo awm a, Mahriati a lo ni a, vawi 7 vel alo missed call a. Phone chu ala a, phone let a tum zuau na a, a inngaihtuah țha leh a, a phone leh ta lova.
MCS a exam lai khan a lo mengrei țhang bawk nen, rei lo teah țhuthleng seiah chuan a muhil ta bawrh bawrh a. A mutui hle aniang, a harh leh meuh chuan khua alo thim der tawh a. A inbual fai a, inchung lama a chhoh chuan Chaw ei anlo siam mek a,
Ruatsanga( Mahriati u) chuan, " U Hruai, i mu an ti a, kan lo kai tho lo mai che asin" a lo ti var a.
" E ...mai mai a, min lo kaihthawh tur alawm! In lo haw na a rei tawh em? "
" La rei lo ve le."
Hruaia pa chuan, " Hruaia naktuk chuan em ni i zin dawn tak a.?"
" Aw ni e"
" Eng tik nge i lo haw theih ang, sawrkar meuhin nangni han tirh chu..." a nui suk a.
" Ka pa, kan thang chen tur hi ka hre miah lo..an pawtsei leh thut thei bawk a."
" A va mak awm ve.."
Nu Hruaii chu aran țawng ve teh mial a.
" I damlo enkawl lai saw....eng tin nge niang...I pa leh i nau an buai si a?"
" E...lo lungngai suh. Matea'n a hman chang changin alo buaipui mai ang chu..." a ti ve ngat a.
A pa chuan..." I School naupang satliah a ni lo tih ka hria a, naktukah ka lo va tlawh ang... Hei kan awm a, khi lama i Inpui te an ni bawk nen .... ngaihtuah suh ang che... I nu pawhin a țul chuan alo va awmpui ve mai ang chu..." a ti ve ngat a. Nu Hruaii chu a kham tau hmak a.
Mahriati U Ruatsanga chuan nuam lo alo ti hle a.
Chaw te an eikham chuan Mahriati U leh Hruaia chu Hruaia room ah an lut thla a. Ruatsanga inthlahrung chu a hnem ve mawlh mawlh a.
" U Hruai, Damdawi-In lamah ilo phei dawn em ?"
" Aw phei ang, mahse ka lo tlai deuh ang ... insiam lawk ka ngai a. Tin, naktuka ka kalpui turte nen inhmuh kan ngai a. Ka rawn tlai hret ang.."
Hruaia chuan a phone chu a en a, Mahriati message chu a lo awm a, tihian alo inziak a.
" U Hruai.... enga ti nge, phone i la duh bawk si lo... eng vang nge? Kha ...pa vang kha em ni?" Tih hi alo awm a. Hruaia chuan a chhang ta lem lova, a rilru hi ala na deuh tlat! Mahriati mitmeng khan amah sutu kha a haw lo tlatin a hria a. Tin a hma pawhin ngaidam turin a lo ti tawh vei bawk nen.. Ngawih rih mai hi a țha a ni.
Tin, Andrewa hian Mahriati hi a haw miah lo tih a hria. A hmelah khan a hmu tlang vek. A melh dan leh a chezia ah khan a hmu tlat si a! Tu nge hai thei ang.
Hmangaihna ngauhzawng nunah kan buai nak nak chuan....duh aiin PAKHAT in kan lo tam hman ziah a lo ni...
Mahriati U chuan, " A nih U Hruai, kan lo va phei mai dawn em ni? "
" In thu thu....Matea khi a hman ka ring.." a ti a.
Hruaia chuan a pawhdawh a hawng a, eng emaw hi ala chhuak zeuh a, a pai a.
Inchung lama an chhoh chuan Hruaia nau chu alo insiam peih at tawh a.
" Mate, hei naktuk hi kan zin chhuah hun tur a ni tawh a, i my name te hi lo buaipui la... Mahriati saw lo enkawl uluk rawh u aw... Zanin hian meeting kan nei dawn a, ka rawn tlai dawn" a ti a.
Ruatsanga te pahnih chu an kal ta a...
Hruaia chuan an awmpui nula hnenah chuan, " Ka pa min lo koh sak lawk hman em?" A ti a.
A va koh sak a...
Hruaia chuan a pa hnenah an kalna tur leh an chanchin hrilh a tum a. Chutih rualin Mahriati lo thlahthlam lo turin hrilh a ngen a tum bawk a ni.
.......
Mahriati nilengin a awm a nuam thei lo. Amah leh a mah pawh a inhua. A u Hruaia chuan a phone a la duh lo mai ni lovin, a message pawh a chhang chuang lo. Kha Andrewa vang vek kha a ni. Minute sawm chauh chhunga thil thleng kha a chhut a, inthiam lohna hlirin a khat a. Mahse Andrewa hi a haw vak miah lo hi mak a inti. A rilru hi a va na in a va hrehawm tak em!
.......
Hruaia pa chuan a fapa chu a melh nawn leh a.
" Ka fapa...Vanlalhruai...ram tan chuan i theih tawkin ti ang che..Hei lo hi mizote hian ram kan nei lo. Ka chhuang takzet che... Mahriati chu kan lo buaipui ang a. A lo dam tawh a, a chhuah tawh pawn duhleh hetah awm rih se, a duh lo a nih pawhin an khua thlengin kan han thlah chho vang.." a ti a.
Hruaia chu ava lawm teh lul em! A pa hnenah hian thil a dil ngai zen zen lo! A pa pawhin a hre reng a,a thil dil chhun hi tihhlawhtlin sak ngei a tum ve tlat....
Hruaia chu JOSEPH hmu tur chuan Hotel Royal a pan ta a.
..........
Andrewa pawn zan lamah Mahriati han awmpui a tum ran a, a duh angin thil a kal țanin a hria a, a lawm tak zet a ni.
Zan hun lo thleng har a ti hle a. Mahse a chang chuan Mahriati hian a haw viau in a hria a, a chang leh a duh ve deuhin a hre thung a. ...
Zan hun chu a lo thleng ta ngei mai.
Nalh ve tawkin a inchei a, a putea fapa bike la chhuakin Damdawi-In lam a pan ta a.
...........
Dar 11:00 pm rik hma hret chuan Hruaia chu Damdawi-In a thleng a. Muang changin Cabin lam a pan a, Kawngka chu alo inkalh lova.
A pawt hawng chiah chu........
( Kan la zawm dawn chauh a nia, nghak hram zel ila..)
Comments
Post a Comment