To Sir....With Love Episode 29
TO SIR......WITH LOVE
( M.Lusei Palian)
.........XXIX........
Hruaia hian JOSEPH hnenah hian a intiam tawh si a...a țhulh mai dawn em ni? A hmangaih ber lah natna khumah a mu bawk si..
A phone ala chhuak a ... No pakhat chu a hmet a, a dial ta a....
Phone lehlam a mi chuan, " Naktuk zan Dar 9:30 ah, Hotel Royal ah Room no 07" chu zawng chu a rawn sawi a. Hruaia chuan țawngna hun pawh a nei ve hman miah lova. A ngaihtuahna chu a phir țan hle, Mapuii hian Fimkhur turin a hrilh ngai zen zen lo! A hrilh tawh chuan eng emaw thil thleng a awm ziah ţhin! Țhulh hni hne ta se....
A theih loh țhulh thiang a ni lo, mipa a ni a, a intiam tawh. Mizoram tan a nih phawt chuan eng nge hlauh tur awm. Ram tana feh chhuahte chu mipa in a tih ngei ngei tur a ni.
.........
Mahriati chu a thaw ri sak sak a, Hruaia chuan a thlir reng a, a rilru chuan .... Duhlai dam takin ka rawn kir leh anga, eng tia rei pawh ni se, lo nghak hram rawh aw... a ti a. A sawi ri lo, thinlunga sawi a ni a. Ri thiang a ni hek lo!
Hunbi khawngtute chuan an khawng a, kir rel lovin an kal zel si, khawfing chah pawh a hla vak tawh lo! Hruaia chu inti harh turin pawnah a chhuak a. A rilru ipik deuh pawh a reh mahna!
Hospital compound ah chuan a tei kual pah a, boruak pawh a ti vak tawh a. Mapuii a ngaihtuah chhuak a. Pasal a nei tawh emaw a tih laia a rilru natzia te a ngaihtuah a. Mahse khang a natna te kha a thlawnin a liam tir hauh lo! Tumruhnan leh tawrhchhel nan a hmang ta zawk si. Hmalam hun atan a inbuatsaih a, kawng tam tak a insial sak si a.
Zial zu pah chuan a hawi mai mai a. A piah lawkah chuan nizana a hmuh amah aia u vel, inkhai thli zarh mai khan mei alo zu ve mek a. A va pan ta ngawt a.
" E...i va hma ve? Nge i tlaivar zawk?"
" Nia, ka țhiannu bike in a su a, hei ka awm ka awm a, ka tlaivar ta a ni, Nang zawk.."
" Ni e...hei ka fapa nimin a School bang motor in a su a, nimin tlai khan an zai a. Ka mut a chhuak mawlh lo a ni"
" A va zia lo ve, kum engzat vel nge"
" Kum nga...chu a ni ve tawh a, a ngal ruh a tliak a ni. A mut phei chu a muhil thei viau a..."
" A nu nen em ni, in awmpui a?"
" Aih ni love.....,Nu a nei lo..."a ti ban charh a, chu pa hmel chu a dur khuih a! Natna, rilru hliam a pai tih a hai theih mawlh lo a ni.
" Ka tih palh...ka tih palh tak zet a ni. Zawhna awm ang lo deuh ka lo zawt che a ni." Hruaia chuan thupha chawi aw takin a ti a.
" A pawi love... khaw nge a nu tih hi ni tin zawhna ka dawng țhin! Ka fapa pawh hian a nu a hre lo.."
Chu a mi biakpa chu mi mak tak niin a hria a! Nu nei lovin fapa a nei thung si!
" Lo dam zel rawh se,,, kei ni pawh țhat lam kan pan dawnin ka hria..."
" E ...dam zel r'u. Damdawi-In ah meuh chuan kan thla hi a muang tur alawm" a ti na a. A thinlung a sawi chhuak lo tih Hruaia chuan a hrechiang tlat! Thinlung hahna leh natna eng emaw tak chu a nei a ni. Khaw var chian hma chuan an ințhen ta a.
Hruaia chuan Zing hma deuh a Dawr inhawng țhin kha a hrechhuak a. Tah chuan a kal a, ei leh intur leh Mahriati mamawh tur chu alam a. A let lehnghal nal nal a.
Mahriati chu tui tak chuan alo la mu a, tumah anla harh lo.
Ngawi reng chuan a țhu a, a chau ve deuh nen a lo chhing sek a...
" U Hruai..." a harh zawk a.
" Welcome.... a new day...Lungrun"
Hruaia chu a nui sak a.
" I lo tlaivar elo?"
" Umnnn"
" Lo mu ve rawh ka tih che kha..."
" Duhlai a la hma, nakinah chuan....hnar ring thei si...min ti muhil thei lo min ti anga" tiin fiamthu a thawh lui a.
" I sual.... e mai... Ka ning ngai lovang che..."
Hruaia chu a tho a, a thil lei thil hit thlir thler tak chuan Mahriati hmai chu a hruk fai sak a.
" Puak ah...nui nui ti rawh le" an tih meuh chuan Mahriati chu a nui a, Hruaia banah chuan a chum a. A chum tak na a, na turin a chum miah lo.
" Hetiang hian min duat reng rawh aw.." no tak leh ngenngawl taka Hruaia melh pah chuan Mahriati chuan a ti a.
" A theih lovang, Pangchang te...I pangchang dawn tlat..."
" Mawh....A nih... Suala...I sual. ...ka pangchang em ni...ka damlo ve em em a.." Mahriati chu a men deuh pur a. ..
" Ka bulah hi chuan i pangchang reng thei, thinlung zau tak ka nei a, i rilru hah chang pawhin..he ka thinlungah hian duhtawkin ila tlankual dawn nia" tih pahin Mahriati chu a siai zeuh a.
Mahriati thinlung hi ava hlim tak em! Eng thil mah hian a thleng phal miah lovang.
Khua pawh avar chho țan a, Rc-i a rawn harh a, Damdawi a rawn pe a. Hruaia chuan a lo eitir thung a.
" Rc, Coffee leh chhang i zuk lam dawn em ni, hei a ril țam viau tawh ang" Hruaia chuan a ti a..
Nu Kimi pawh a rawn harh ta a.
" E heu, Hruaia i mu miah na nge?"
" Nu Kim, ka țha e..ka lo hnar bawrh bawrh alawm..."
Rc-i a rawn let a. Coffee an in ho ta a!
......
Pu Hmaa pawh tui lem lo tak chuan a mu a, a mu naa a hil thei lo a ni. A ngaihtuahna a kal thui em em a. A fanu a ngaihtuah em em a. Zing lamah chuan Aizawl lama an party hotu te a be ve nual a, a fanu chanchin te pawh a hrilh nual a..
Chu mi hnu chuan a nupui chu a zuk bia a, thingpui an lo in mek a. Zan lam an mut țhat thu te, Hruaia a awm tlaivar thu te a sawi tel a. Pu Hmaa pawh a rilru a dam deuh huai a. A monu Mami chu ala tho lova, thingpui a inlum a, a inzawh chuan a leng chhuak ta a...
..........
Andrewa zan mu chhing lo pawh a tlai lam um pawng pãr a, zing lamah chuan a mu ta ngheng ringawt a. Zan khua khan a inngaihtuah nasa ve em a ni.
A tawnmang ram lamah chuan Mahriati chu alo hmu a, A mittui alo tla a, hruk fai sak a tum a, mahse a lo duh miah lo thung a..
A harh hlawla, mak hi a ti em em mai a. Mahse Andrewa hi beidawng mai mai chi a ni lo. Mahriati hi a nei ngei ngei tur a ni.
...........
An coffee in chu an hlim hle a. Hruaia chuan Mahriati chu chhang barh a tum a, a an ve leh ala lehzel a. A tau bar tawh a. Mahse a titau hmel vel chu Hruaia tan chuan a hmuhnawm a ni satliah lova, a duhawm zawk a ni.
Mahriati chuan a ke chu tihchet a tum a, a la thei chuang lo, mahse a la tiche ve ngei ang.
" Hruai, va haw phei la, va mu hahdam rawh..Mama te pawh kha rawn phei thung se..."
" Nu kim, hah pawh ka la inti lo asin! Mahse ni e, inbual fai chu ka duh ve tho mai... Matea te chu lo la mu hahdam se, nakin deuhah kan phone dawn nia"
A ni reng a, thinlunga awm reng te, hmangaihte bulah chuan hah kan sawi thei lova,kan dam sawng sawng țhin a lo ni! Chutiang chia chuan Hruaia pawh a awm a ni. Mahriati bulah hian a hahdam tlat si...
Hahdamna famkim chu ni chiah lo mahse, rilru hlimna hi hahdamna chu alo ni.
Doctor a lo kal a, Jenny-i u kha a lo ni a,
" In mu thei em? Eng nge in an a
?"
" E hei kan țha e..."
Doctor chuan Mahriati ke chu an check vel a, nurse enkawltu RC-I chu damdawi pek dan tur leh enkawl dan tur a hrilh mawlh mawlh a.
Chutih lai tak chuan Pu Hmaa țhiante, party lama a thawhpui te an lo lut nak nak ta a. Doctor leh midangte chuan an damlo enkawl chu an en dan a dang ta daih mai!
..........
Andrewa pawh chaw eikhamah chuan a thinlung luahtu, lairil lungdumtu chu han awm a, han buaipui ngei a tum tlat a!A hmel hmu lova awm chu harsa a ti hle a, tunah pawh hian a rukin a khua a har veng veng si! A inbuatsaih nasa ve hle mai.... Eng tiang takin nge Mahriati rilru hi a hneh theih ang le...? Mahse a hmeichhe melh a, a buaipui tawh pakhat mah kherh thluk loh ala nei lo!
Chu chuan thlamuanna a pe angem le?
............
Ruatsanga te pahnih an rawn thleng phei a, chaw an rawn keng bawk a, sa chi tin, sangha leh eitur chi hrang hrang an rawn keng a. Nu kimi thla hi a va muang tak em!
A fanu hi khuanu hian a duhsak bik riau hian a hria a! Vannei hi a ti em a ni.!
...........
Zing karah Kima alo kal a, Dr.Mapuii chu lehkha a rawn pe a,
" Tunlai chu i mizia ava dang ve? Kha nizan lam i mu meuh na nge?"
" Kim, ka țha e, eng lam lehkha nge ni?"
" Ka hre miah lo.... han chhiar la.."
Dr. Mapuii chuan lehkha chu a chhiar a, trainning tura kohna a ni. Calcut ah Seminar an nei dawn bawk a lo ni...
E khai aw! Hruaia nen hian an zuk intawng leh mai angem le?
..........
Hruaia phone a lo ri a, lakloh theih loh a ni. A la ta a! Pawnah a chhuah pui a...
Ruatsanga te pahnih chu Dawr lamah an kal dun dawn a, an chhuak lawk dawn a ni. Nu kimi pawh kal ve ah an sawm a. A ni lah chuan alo chak viau si... An kal ho dawn ta a!
Hruaia a rawn lut a, Nu Kimi te ho chu kal chhuah an lo tum mek a.
" U mam, hei dawr lamah My name a te nufa te nen hian kan kal dawn a, hei lo awmpui mai ta che, kan rei lovang.."
" E...aw le... " a ti a, Ruatsanga chu a hrilh ru zeuh a...
A nui sang a, an kal ta a..
Rc-i pawh a țhiannu nen an inthlak a hun dawn a, a kal chhuak ve lawk dawn a ni.
" Lungrun, hei thil pawimawhah ka chhuah ve lawk a ngai a, minute 10 ah chiah ka zo ang...i lo awm thei ang ti raw?"
" Ka hre lo le...."
" Lungrun, thil pawimawhah ka hming sign lawk a ngai si a...lo awm hram hram rawh.."
" Ti nge...min chhuahsan zel in tum a..?"
" Lungrun minute 10 chiah aw..." Hruaia chuan a nuih sak a...
" Hmnnp...tlangval dang in min lo awmpui se aw...." a ti lui ve ngat a..
" Ka rei dawn lo tak tak..." a biangah chuan ava fawp zeuh a, a kal ta a..
........
Andrewa chu uluk tawk leh rimtui tawkin a insiamin a inchei a!Mahriati a hmu chak tawh em a ni.Dem chi a ni lo!
Andrewa chu inthlahrung deuh tak..... mahse Mahriati hmuchak tak chuan Damdawi-In lam chu a pan ta a! Inthiam lo deuh tak chuan Cabin lam chu a pan a. Kawngka chu a kik kauh kauh a,
" Lo lut rawh..."
Inthlahrung tak chuan a lut a. Mahriati'n Andrewa a hmuh chuan eng tin emaw tak a awm a! Andrewa chu an hawi kual a..
" Tu man an awmpui lo che elo?"
" An chhuak lawk"
" Ih.... min ngaidam rawh aw.. keima...thian loh kha a ni a,..."
" Ninawm..sawi tawh suh..." Mahriati chuan a phone chu ban a tum a, a la phak si lo..Chu chu Andrewa chuan a hmu a, a rawn pui a, a phone a pek pah chuan Mahriati biangah chuan a piai zeuh a.....
Kawngka a inhawng tawh tihreng an hre si lo, Mahriati lah chuan alo dawh ve mai si....
Hruaia chu Kawngka bulah chuan a ding reng a, a thil hmuh chuan a va deng na teh lul em! Minute sawm.... minute sawm chiah chiah a thang si..
Chu mi hun chhung lek pawh chu Mahriati hian alo nghak thei lo si a maw..
Chhuah leh mai a tum a... Mahriati chuan a hmu hman leh tlat....!
( Kan la zawm zel ang)
( M.Lusei Palian)
.........XXIX........
Hruaia hian JOSEPH hnenah hian a intiam tawh si a...a țhulh mai dawn em ni? A hmangaih ber lah natna khumah a mu bawk si..
A phone ala chhuak a ... No pakhat chu a hmet a, a dial ta a....
Phone lehlam a mi chuan, " Naktuk zan Dar 9:30 ah, Hotel Royal ah Room no 07" chu zawng chu a rawn sawi a. Hruaia chuan țawngna hun pawh a nei ve hman miah lova. A ngaihtuahna chu a phir țan hle, Mapuii hian Fimkhur turin a hrilh ngai zen zen lo! A hrilh tawh chuan eng emaw thil thleng a awm ziah ţhin! Țhulh hni hne ta se....
A theih loh țhulh thiang a ni lo, mipa a ni a, a intiam tawh. Mizoram tan a nih phawt chuan eng nge hlauh tur awm. Ram tana feh chhuahte chu mipa in a tih ngei ngei tur a ni.
.........
Mahriati chu a thaw ri sak sak a, Hruaia chuan a thlir reng a, a rilru chuan .... Duhlai dam takin ka rawn kir leh anga, eng tia rei pawh ni se, lo nghak hram rawh aw... a ti a. A sawi ri lo, thinlunga sawi a ni a. Ri thiang a ni hek lo!
Hunbi khawngtute chuan an khawng a, kir rel lovin an kal zel si, khawfing chah pawh a hla vak tawh lo! Hruaia chu inti harh turin pawnah a chhuak a. A rilru ipik deuh pawh a reh mahna!
Hospital compound ah chuan a tei kual pah a, boruak pawh a ti vak tawh a. Mapuii a ngaihtuah chhuak a. Pasal a nei tawh emaw a tih laia a rilru natzia te a ngaihtuah a. Mahse khang a natna te kha a thlawnin a liam tir hauh lo! Tumruhnan leh tawrhchhel nan a hmang ta zawk si. Hmalam hun atan a inbuatsaih a, kawng tam tak a insial sak si a.
Zial zu pah chuan a hawi mai mai a. A piah lawkah chuan nizana a hmuh amah aia u vel, inkhai thli zarh mai khan mei alo zu ve mek a. A va pan ta ngawt a.
" E...i va hma ve? Nge i tlaivar zawk?"
" Nia, ka țhiannu bike in a su a, hei ka awm ka awm a, ka tlaivar ta a ni, Nang zawk.."
" Ni e...hei ka fapa nimin a School bang motor in a su a, nimin tlai khan an zai a. Ka mut a chhuak mawlh lo a ni"
" A va zia lo ve, kum engzat vel nge"
" Kum nga...chu a ni ve tawh a, a ngal ruh a tliak a ni. A mut phei chu a muhil thei viau a..."
" A nu nen em ni, in awmpui a?"
" Aih ni love.....,Nu a nei lo..."a ti ban charh a, chu pa hmel chu a dur khuih a! Natna, rilru hliam a pai tih a hai theih mawlh lo a ni.
" Ka tih palh...ka tih palh tak zet a ni. Zawhna awm ang lo deuh ka lo zawt che a ni." Hruaia chuan thupha chawi aw takin a ti a.
" A pawi love... khaw nge a nu tih hi ni tin zawhna ka dawng țhin! Ka fapa pawh hian a nu a hre lo.."
Chu a mi biakpa chu mi mak tak niin a hria a! Nu nei lovin fapa a nei thung si!
" Lo dam zel rawh se,,, kei ni pawh țhat lam kan pan dawnin ka hria..."
" E ...dam zel r'u. Damdawi-In ah meuh chuan kan thla hi a muang tur alawm" a ti na a. A thinlung a sawi chhuak lo tih Hruaia chuan a hrechiang tlat! Thinlung hahna leh natna eng emaw tak chu a nei a ni. Khaw var chian hma chuan an ințhen ta a.
Hruaia chuan Zing hma deuh a Dawr inhawng țhin kha a hrechhuak a. Tah chuan a kal a, ei leh intur leh Mahriati mamawh tur chu alam a. A let lehnghal nal nal a.
Mahriati chu tui tak chuan alo la mu a, tumah anla harh lo.
Ngawi reng chuan a țhu a, a chau ve deuh nen a lo chhing sek a...
" U Hruai..." a harh zawk a.
" Welcome.... a new day...Lungrun"
Hruaia chu a nui sak a.
" I lo tlaivar elo?"
" Umnnn"
" Lo mu ve rawh ka tih che kha..."
" Duhlai a la hma, nakinah chuan....hnar ring thei si...min ti muhil thei lo min ti anga" tiin fiamthu a thawh lui a.
" I sual.... e mai... Ka ning ngai lovang che..."
Hruaia chu a tho a, a thil lei thil hit thlir thler tak chuan Mahriati hmai chu a hruk fai sak a.
" Puak ah...nui nui ti rawh le" an tih meuh chuan Mahriati chu a nui a, Hruaia banah chuan a chum a. A chum tak na a, na turin a chum miah lo.
" Hetiang hian min duat reng rawh aw.." no tak leh ngenngawl taka Hruaia melh pah chuan Mahriati chuan a ti a.
" A theih lovang, Pangchang te...I pangchang dawn tlat..."
" Mawh....A nih... Suala...I sual. ...ka pangchang em ni...ka damlo ve em em a.." Mahriati chu a men deuh pur a. ..
" Ka bulah hi chuan i pangchang reng thei, thinlung zau tak ka nei a, i rilru hah chang pawhin..he ka thinlungah hian duhtawkin ila tlankual dawn nia" tih pahin Mahriati chu a siai zeuh a.
Mahriati thinlung hi ava hlim tak em! Eng thil mah hian a thleng phal miah lovang.
Khua pawh avar chho țan a, Rc-i a rawn harh a, Damdawi a rawn pe a. Hruaia chuan a lo eitir thung a.
" Rc, Coffee leh chhang i zuk lam dawn em ni, hei a ril țam viau tawh ang" Hruaia chuan a ti a..
Nu Kimi pawh a rawn harh ta a.
" E heu, Hruaia i mu miah na nge?"
" Nu Kim, ka țha e..ka lo hnar bawrh bawrh alawm..."
Rc-i a rawn let a. Coffee an in ho ta a!
......
Pu Hmaa pawh tui lem lo tak chuan a mu a, a mu naa a hil thei lo a ni. A ngaihtuahna a kal thui em em a. A fanu a ngaihtuah em em a. Zing lamah chuan Aizawl lama an party hotu te a be ve nual a, a fanu chanchin te pawh a hrilh nual a..
Chu mi hnu chuan a nupui chu a zuk bia a, thingpui an lo in mek a. Zan lam an mut țhat thu te, Hruaia a awm tlaivar thu te a sawi tel a. Pu Hmaa pawh a rilru a dam deuh huai a. A monu Mami chu ala tho lova, thingpui a inlum a, a inzawh chuan a leng chhuak ta a...
..........
Andrewa zan mu chhing lo pawh a tlai lam um pawng pãr a, zing lamah chuan a mu ta ngheng ringawt a. Zan khua khan a inngaihtuah nasa ve em a ni.
A tawnmang ram lamah chuan Mahriati chu alo hmu a, A mittui alo tla a, hruk fai sak a tum a, mahse a lo duh miah lo thung a..
A harh hlawla, mak hi a ti em em mai a. Mahse Andrewa hi beidawng mai mai chi a ni lo. Mahriati hi a nei ngei ngei tur a ni.
...........
An coffee in chu an hlim hle a. Hruaia chuan Mahriati chu chhang barh a tum a, a an ve leh ala lehzel a. A tau bar tawh a. Mahse a titau hmel vel chu Hruaia tan chuan a hmuhnawm a ni satliah lova, a duhawm zawk a ni.
Mahriati chuan a ke chu tihchet a tum a, a la thei chuang lo, mahse a la tiche ve ngei ang.
" Hruai, va haw phei la, va mu hahdam rawh..Mama te pawh kha rawn phei thung se..."
" Nu kim, hah pawh ka la inti lo asin! Mahse ni e, inbual fai chu ka duh ve tho mai... Matea te chu lo la mu hahdam se, nakin deuhah kan phone dawn nia"
A ni reng a, thinlunga awm reng te, hmangaihte bulah chuan hah kan sawi thei lova,kan dam sawng sawng țhin a lo ni! Chutiang chia chuan Hruaia pawh a awm a ni. Mahriati bulah hian a hahdam tlat si...
Hahdamna famkim chu ni chiah lo mahse, rilru hlimna hi hahdamna chu alo ni.
Doctor a lo kal a, Jenny-i u kha a lo ni a,
" In mu thei em? Eng nge in an a
?"
" E hei kan țha e..."
Doctor chuan Mahriati ke chu an check vel a, nurse enkawltu RC-I chu damdawi pek dan tur leh enkawl dan tur a hrilh mawlh mawlh a.
Chutih lai tak chuan Pu Hmaa țhiante, party lama a thawhpui te an lo lut nak nak ta a. Doctor leh midangte chuan an damlo enkawl chu an en dan a dang ta daih mai!
..........
Andrewa pawh chaw eikhamah chuan a thinlung luahtu, lairil lungdumtu chu han awm a, han buaipui ngei a tum tlat a!A hmel hmu lova awm chu harsa a ti hle a, tunah pawh hian a rukin a khua a har veng veng si! A inbuatsaih nasa ve hle mai.... Eng tiang takin nge Mahriati rilru hi a hneh theih ang le...? Mahse a hmeichhe melh a, a buaipui tawh pakhat mah kherh thluk loh ala nei lo!
Chu chuan thlamuanna a pe angem le?
............
Ruatsanga te pahnih an rawn thleng phei a, chaw an rawn keng bawk a, sa chi tin, sangha leh eitur chi hrang hrang an rawn keng a. Nu kimi thla hi a va muang tak em!
A fanu hi khuanu hian a duhsak bik riau hian a hria a! Vannei hi a ti em a ni.!
...........
Zing karah Kima alo kal a, Dr.Mapuii chu lehkha a rawn pe a,
" Tunlai chu i mizia ava dang ve? Kha nizan lam i mu meuh na nge?"
" Kim, ka țha e, eng lam lehkha nge ni?"
" Ka hre miah lo.... han chhiar la.."
Dr. Mapuii chuan lehkha chu a chhiar a, trainning tura kohna a ni. Calcut ah Seminar an nei dawn bawk a lo ni...
E khai aw! Hruaia nen hian an zuk intawng leh mai angem le?
..........
Hruaia phone a lo ri a, lakloh theih loh a ni. A la ta a! Pawnah a chhuah pui a...
Ruatsanga te pahnih chu Dawr lamah an kal dun dawn a, an chhuak lawk dawn a ni. Nu kimi pawh kal ve ah an sawm a. A ni lah chuan alo chak viau si... An kal ho dawn ta a!
Hruaia a rawn lut a, Nu Kimi te ho chu kal chhuah an lo tum mek a.
" U mam, hei dawr lamah My name a te nufa te nen hian kan kal dawn a, hei lo awmpui mai ta che, kan rei lovang.."
" E...aw le... " a ti a, Ruatsanga chu a hrilh ru zeuh a...
A nui sang a, an kal ta a..
Rc-i pawh a țhiannu nen an inthlak a hun dawn a, a kal chhuak ve lawk dawn a ni.
" Lungrun, hei thil pawimawhah ka chhuah ve lawk a ngai a, minute 10 ah chiah ka zo ang...i lo awm thei ang ti raw?"
" Ka hre lo le...."
" Lungrun, thil pawimawhah ka hming sign lawk a ngai si a...lo awm hram hram rawh.."
" Ti nge...min chhuahsan zel in tum a..?"
" Lungrun minute 10 chiah aw..." Hruaia chuan a nuih sak a...
" Hmnnp...tlangval dang in min lo awmpui se aw...." a ti lui ve ngat a..
" Ka rei dawn lo tak tak..." a biangah chuan ava fawp zeuh a, a kal ta a..
........
Andrewa chu uluk tawk leh rimtui tawkin a insiamin a inchei a!Mahriati a hmu chak tawh em a ni.Dem chi a ni lo!
Andrewa chu inthlahrung deuh tak..... mahse Mahriati hmuchak tak chuan Damdawi-In lam chu a pan ta a! Inthiam lo deuh tak chuan Cabin lam chu a pan a. Kawngka chu a kik kauh kauh a,
" Lo lut rawh..."
Inthlahrung tak chuan a lut a. Mahriati'n Andrewa a hmuh chuan eng tin emaw tak a awm a! Andrewa chu an hawi kual a..
" Tu man an awmpui lo che elo?"
" An chhuak lawk"
" Ih.... min ngaidam rawh aw.. keima...thian loh kha a ni a,..."
" Ninawm..sawi tawh suh..." Mahriati chuan a phone chu ban a tum a, a la phak si lo..Chu chu Andrewa chuan a hmu a, a rawn pui a, a phone a pek pah chuan Mahriati biangah chuan a piai zeuh a.....
Kawngka a inhawng tawh tihreng an hre si lo, Mahriati lah chuan alo dawh ve mai si....
Hruaia chu Kawngka bulah chuan a ding reng a, a thil hmuh chuan a va deng na teh lul em! Minute sawm.... minute sawm chiah chiah a thang si..
Chu mi hun chhung lek pawh chu Mahriati hian alo nghak thei lo si a maw..
Chhuah leh mai a tum a... Mahriati chuan a hmu hman leh tlat....!
( Kan la zawm zel ang)
Comments
Post a Comment