To Sir...With Love Episode 26
TO SIR......WITH LOVE
( M.Lusei Palian)
........XXVI.........
( M.Lusei Palian hi hre thawi an awm a, a buaithlak a ti takzet a ni. JOSEPH IDENTITY tal hi zo hman se a inti a, mahse a hmai kawr hi a vuah reng thei angem? A contact no min dil sek a, amah hian thu hma a nei ziah a, thu hma kan neih khalh a ni. Tin, tunlai chu ' Kir zai i rel lo'ng maw! Tih hi kan rem dun a, a ngaihnawm a nia. Kei pawh hian chhiar chhuah dap ka chak viau na a, ala phal lo bawk si! He thawnthu ngat hi chuan a thleng thui ang ka ring...)
Hruaia leh Ngurtea te ho chuan Mahriati chu Operation Theatre ah chuan an zawn chho ta a. Mahriati chuan Hruaia kut chu a chelh a, zawi sap hian,
" Ngaidam rawh aw....ngaidam rawh.." a rawn ti a.
Mahriati chu a chau tawh takzet a, nikhata nachhawkna sang a vawi 4/5 injection zawng a chauh tham ve hrim hrim a, hmangaihna leh beiseina in a chelh a. A ding hram hram a, kea ding ni lovin, a rin aiin a ke chu a na bawk a, a chau a ni. Tu hmeichhia hian nge tlin reng bik ang.
Hruaia chu a bu nghut ringawt a, khatia Andrewa tih tum kha a ni bik miah lo, mahse a chhan dan khan a zir lo ve em bawk a ni!
Nurse Duty te chuan inzaina kawr ha leh hmai tuamin Mahriati chu Operation theatre ah chuan an nawr lut ta a! Hruaia chu a rawn nuih lui sak a..... A nu leh a nuța te meuh pawh a zah zo tawh bik lo. Dem chi a ni lova, tu'n nge dem thei ang. Dem lul s'u he nula hi, hmangaihtu hnenah lo chuan tun nge hetiang hian ti bik ang! Hmangaihte aia hlu khawvêlah hian thildang eng nge awm chuang a, a awm lo... a awm thei ngai lovang!
Hruaia pawn a uipui tui lian thlir vang vang ringawt a, tih theih a nei tlem a, thlir liam ngawt chu a ni mai! A Walk To Remember film kha a hrechhuak zawk a. A thinlung hi a na takzet a ni! Na tih hian a sawifiah zo lo! Chu tlangval chu a mitah mittui a luang ve tlat! A hmangaih hi eng tin nge a awm ang! A dam leh ngei ngei a ngai! A kal leh ang, ama ke in a kal leh em em ang! Mahriati hi hmeichhe tawrhchhel tak a ni. A tuar thei tur a ni.
Nu Kimi chuan Hruaia darah chuan a rawn vuan a,
" Hruaia, a țha leh ang ti raw? Bawihi hi ke in...a ma ke in a kal leh ang ti raw?" A nu meuh pawh a mangang ta!
Hruaia pawh chu a țawngchhuak thei mai lo, a melh ngai a melh vawng vawng ringawt a!
Ruatsanga( Hruaia nau, an bula ding ve reng), " E.....! Eng tin mah a awm lovang.... eng emaw ti a a țhat loh leh Damdawi-In dangah pawh kan kal mai ang... A țul a nih chuan Phai thleng pawhin kan kal ang" a lo ti a. Ruatsanga hian a U Hruaia hmangaih em em tu chu thlahthlam pui a tum lo. A U hian a naupan lai leh tun thlengin a tawrh ai a tawrhsak a, a ei ai a pe phal țhin. Engkim zirtirtu a ni a, a U tana mi țha chu mi țha an ni mai! A U hian a rilru a pe tih leh a hmangaih tih a chiang si. Mahriati tan hian an rin ai daihin an unau hian an inhuam thui si a! Hruaia tan a va lawmawm tak em!
Hruaia pawh a thawveng deuh huai a!
Davida," Khatiang deuh khan kan țhenawm tlangval pawh a awm tawh a, ala rei vak lo, tunah chuan Football a pet a, a khel leh daih tawh, a dam mai ang" a lo ti ve thuai a. An zavai mai chuan an ngaih chu a ngam ta deuh a!
" Khawnge Sanga leh Ruata kha?" Hruaia chuan a ti a.
" Police khan an la daih"
" E khai aw! Ka zuk lam a nge" a inher vut a, a rawn let leh a.
" Mate, ( Ruatsanga) Nu kimi te hian chaw pawh an ei ka la ring lo, Jenny... lo ngaihsak rawh u aw... Ei tur kha lo chah mai u la, ka țhiante chu ka zuk lam a nge.." a ti a, a kal ta a.
Hruaia chu akal ta a. A țhiante chu eng nge chanchin ti a, zuk kal tum a ni. Tin, lakchhuah ngei a tum bawk. A țul chuan JOSEPH a be mai ang. A theih loh chuan apa pawh a be mai ang. A pa hi a be zen zen lo na a, mi thil tithei tak a ni. A sawi lang ngai miah lo thung a. Eng ti tiha JOSEPH kha lo awm ve ngawt nge ni ang le? Police lah khan an hlau em em lehnghal a. A thinrim a insum zo lo kha hrehawm a ti hle a, chutia kal paha a inngaihtuah lai chuan Millenium Centre a lo thleng phei țep a.
" Hruai, he tah.." JOSEPH a aw a ni tlat! Hruaia chuan Bolero dum aw lo chhuahna lam chu a pan ta a, a seat ah chuan a țhu lut ta a.
( Helai inbiakna hi chu Joseph a thawnthu ah alang thung ang)
.......
Minutes 20 hnu velah chuan Hruaia te pawh a țhiante nen an lokir leh tawh a, Andrewa leh a nu pawh an rawn tel ve ta bawk a, an ți ta dek a.
Operatin Theatre kawtah chuan an awmkhawm laih a, Ruatsanga chuan ei leh in tur te a lo chah a. Ruatsanga ve tho chuan a lo sem kual thung a. Nu kimi phone a rawn ri a, Mahriati pa Pu Hmaa alo ni a... Pu Hmaa chuan Hruaia a be ve duh tlat mai..!
" Aw..Pa Hma....hei aw...țha em em ang...naktuk tuk leh hi a ni ang...E ...aw le, nangni berin ngaihdam in duh chuan ngaidam e ....aw le.." phone chu a dah ta a. Andrewa te lam chu a pan phei a, a nu nen chuan ți dekin an lo țhu a, a nu țhiante ho an lo thleng ve chiah bawk a...
" Min ngaidam teh u, ka insum zo lo a ni" Hruaia chuan a ti a. Nu Mawii chu a nuța te ho leh a țhiante an lo thleng ta a, a pawr thar leh hle a, mei nei zet zet hian a țawng a.Ruata leh Sanga an rawn phei ve vat a,
" Signor, a thiam zawkin a thiam lo zawk hnenah ngaihdam an dil ngai lo.." an rawn ti a. Nu mawii chuan a lo melh no lo hle a. A n hmu lo der thung a. A piah deuhah chuan an pheisan ta a.
" Zatara, Mahriati chu an nawr luhna a rei tawh em?"
" Aw... darkar hial a tling tawh in ka hria, a phone a en a, e...minute sawmnga vel a ni tawh a nih hi..."
Nghaktu tan chuan hun hi a rei duh a, a kalmuang si țhin. Rei tak emaw kan tih pawh hi alo rei ngai hauh lo...
......
Pu Hmaa chu a awm hle hle thei lova, a vei kual sek a!A rilru hi a na in a hah takzet a ni, a fanu neih chhun Bike in na takin a su hi a ngaithiam thei lo a ni! Mami nu leh pa an rawn phei thuai a, rawn hnem a, chanchin rawn ngaihchan an tum a ni. Pu Zikpuia, eng lai maha Pu Hmaa te chhung thlahthlam ngai lo, a pachuau pui chu chanchin ngaihchan pui a,hnem turin zanriah ei kham ațangin a chho nghal a. An rilru a hah tlang a ni.
Pu Rina chuan ngaihdam dil turin phungbawmah VCP leh an thawhpui kohhran upa te nen an rawn leng ve a. Mami pawh thingpui sem reng rengin a buai a, mawng pawh a hung hman meuh lo a ni. Chu mi zan ber kher chuan a nau lah chu a chiau hiar em em mai si! Thupui fun tawkin Upa Siama chuan Pu Hmaa bulah chuan ngaihdam an ngaihthu a sawi a, Pu Rina rawn hruai te an ni si a. Pu Zikpuia chuan inrawlh hun tak niin a hria a," Bawihi pa, Bawihi pawh eng em a ti nang, miin ngaihdam min dil ngawih ngawih te chuan kan ngaidam mai dawn lo'm ni?" An tih meuh chuan Pu Hmaa pawh a harh chhuak ve ta zawk a..
" E khai! Ni e le...ngaihdam min dil na na na chu kan ngaidam mai a niang chu..! " Pu Hmaa chuan a ti ban charh a.
Pu Rina khan a nupui chu sum fai eng emaw zat a pai tir na a, Cheng singkhat an rawn ken chu Upa Siama chu pektir a tum a, Upa Siama chuan,
" Hei hian....in in enkawlna sen so chu a phu hru chiah lovang a, mahse tuna damdawi leinan leh veivah nan lo hmang ula, a dang in enkawlna sen so pawh kan tum vek ang" a ti a.
" Pu Siam, Pu Rin....a ngai love, ka la thei lovang" Pu Hmaa chuan a ti tlat thung a, a la duh tlat lo!
" Nghawng neia mi kan ngaihdam chuan ngaidam kan ni thei dawn em ni"
A va han țha kher em! Pathian țih mi, Pathiana innghah te țawngkam a ni. Ngaihdamna thinlung dik tak chuan phut let, beisei let a nei ngai lo! A la duh chuang lo..!An nin dah luih phet an tum a, a nin ala duh lova, a nupui chu a phone ta daih a, a fanu chu tunah an zai mek thu te, Hruaia leh a țhiante pawh tunah a awm kim thute a rawn sawi a, chutah chuan Hruaia chu a be ve ta a..
........
Andrewa tlangval rilru lian tawk chuan Hruaia chu a ngaidam ve hauh lo!
A haw tlat, kha tleirawl khan a hming alam zing fahran em a! A thik tlat bawk a, a rilru a insual nasa em em thung a, Mahriati laka mark score chu ala tum ran a. Eng tin tin emaw a hneh theih a ring a, chu lovah a mitmeng ațang khan a haw bik vak lo tih a ring a, a rilru a hnehsak a beisei tlat thung! Hruaia hi a hrechiang lo a ni.Nichin lawk a a hneh loh zia te pawh kha a nghilh hman si! A ring rawlh lohna turah a rawlh a ni . Mahriati lak ațanga Hruaia hnawh bo dan tur mawlh chu a suangtuah a. Hruaia phena awm mihring hi a hre lo lehzual si a, mi vanduai ala ni mai angem? Hruaia phen a mi hian mi tumah thlei bik a nei hauh si lova.
........
Hruaia rin aiin Mahriati chu an zai rei daih a, a vei sek a, a piah deuhah chuan nula pakhat țhu ve hi a hmu a, a melh ngai hlir a melh tihzawng a hria a. A piah leh deuhah chuan amah aia u hret tur tlangval pian dik thlarh mai a ding a, van lam hlir a thlir thung a. Eng boruak in nge chim phei zawng a hre hauh lo! Rin dan a nei ringawt a ni.
A tawpah a tawpah zawng Doctor te an lo chhuak a, nurse duty ten an rawn zui chhuak a, Ngurtea leh Hruaia, Ruatsanga te pahnih leh midang zawng pawh an ding suau a, Doctor rawn chhuak Jenny-i U chu thil awmzia zawh an tum vek a ni.
Hruaia, " Eng nge chanchin....ka pi?"
Doctor," Kan zai hlawhtling viau a....mahse....
( Lo nghak hram zel la, a lehpekah a aia thui aw..)
( M.Lusei Palian)
........XXVI.........
( M.Lusei Palian hi hre thawi an awm a, a buaithlak a ti takzet a ni. JOSEPH IDENTITY tal hi zo hman se a inti a, mahse a hmai kawr hi a vuah reng thei angem? A contact no min dil sek a, amah hian thu hma a nei ziah a, thu hma kan neih khalh a ni. Tin, tunlai chu ' Kir zai i rel lo'ng maw! Tih hi kan rem dun a, a ngaihnawm a nia. Kei pawh hian chhiar chhuah dap ka chak viau na a, ala phal lo bawk si! He thawnthu ngat hi chuan a thleng thui ang ka ring...)
Hruaia leh Ngurtea te ho chuan Mahriati chu Operation Theatre ah chuan an zawn chho ta a. Mahriati chuan Hruaia kut chu a chelh a, zawi sap hian,
" Ngaidam rawh aw....ngaidam rawh.." a rawn ti a.
Mahriati chu a chau tawh takzet a, nikhata nachhawkna sang a vawi 4/5 injection zawng a chauh tham ve hrim hrim a, hmangaihna leh beiseina in a chelh a. A ding hram hram a, kea ding ni lovin, a rin aiin a ke chu a na bawk a, a chau a ni. Tu hmeichhia hian nge tlin reng bik ang.
Hruaia chu a bu nghut ringawt a, khatia Andrewa tih tum kha a ni bik miah lo, mahse a chhan dan khan a zir lo ve em bawk a ni!
Nurse Duty te chuan inzaina kawr ha leh hmai tuamin Mahriati chu Operation theatre ah chuan an nawr lut ta a! Hruaia chu a rawn nuih lui sak a..... A nu leh a nuța te meuh pawh a zah zo tawh bik lo. Dem chi a ni lova, tu'n nge dem thei ang. Dem lul s'u he nula hi, hmangaihtu hnenah lo chuan tun nge hetiang hian ti bik ang! Hmangaihte aia hlu khawvêlah hian thildang eng nge awm chuang a, a awm lo... a awm thei ngai lovang!
Hruaia pawn a uipui tui lian thlir vang vang ringawt a, tih theih a nei tlem a, thlir liam ngawt chu a ni mai! A Walk To Remember film kha a hrechhuak zawk a. A thinlung hi a na takzet a ni! Na tih hian a sawifiah zo lo! Chu tlangval chu a mitah mittui a luang ve tlat! A hmangaih hi eng tin nge a awm ang! A dam leh ngei ngei a ngai! A kal leh ang, ama ke in a kal leh em em ang! Mahriati hi hmeichhe tawrhchhel tak a ni. A tuar thei tur a ni.
Nu Kimi chuan Hruaia darah chuan a rawn vuan a,
" Hruaia, a țha leh ang ti raw? Bawihi hi ke in...a ma ke in a kal leh ang ti raw?" A nu meuh pawh a mangang ta!
Hruaia pawh chu a țawngchhuak thei mai lo, a melh ngai a melh vawng vawng ringawt a!
Ruatsanga( Hruaia nau, an bula ding ve reng), " E.....! Eng tin mah a awm lovang.... eng emaw ti a a țhat loh leh Damdawi-In dangah pawh kan kal mai ang... A țul a nih chuan Phai thleng pawhin kan kal ang" a lo ti a. Ruatsanga hian a U Hruaia hmangaih em em tu chu thlahthlam pui a tum lo. A U hian a naupan lai leh tun thlengin a tawrh ai a tawrhsak a, a ei ai a pe phal țhin. Engkim zirtirtu a ni a, a U tana mi țha chu mi țha an ni mai! A U hian a rilru a pe tih leh a hmangaih tih a chiang si. Mahriati tan hian an rin ai daihin an unau hian an inhuam thui si a! Hruaia tan a va lawmawm tak em!
Hruaia pawh a thawveng deuh huai a!
Davida," Khatiang deuh khan kan țhenawm tlangval pawh a awm tawh a, ala rei vak lo, tunah chuan Football a pet a, a khel leh daih tawh, a dam mai ang" a lo ti ve thuai a. An zavai mai chuan an ngaih chu a ngam ta deuh a!
" Khawnge Sanga leh Ruata kha?" Hruaia chuan a ti a.
" Police khan an la daih"
" E khai aw! Ka zuk lam a nge" a inher vut a, a rawn let leh a.
" Mate, ( Ruatsanga) Nu kimi te hian chaw pawh an ei ka la ring lo, Jenny... lo ngaihsak rawh u aw... Ei tur kha lo chah mai u la, ka țhiante chu ka zuk lam a nge.." a ti a, a kal ta a.
Hruaia chu akal ta a. A țhiante chu eng nge chanchin ti a, zuk kal tum a ni. Tin, lakchhuah ngei a tum bawk. A țul chuan JOSEPH a be mai ang. A theih loh chuan apa pawh a be mai ang. A pa hi a be zen zen lo na a, mi thil tithei tak a ni. A sawi lang ngai miah lo thung a. Eng ti tiha JOSEPH kha lo awm ve ngawt nge ni ang le? Police lah khan an hlau em em lehnghal a. A thinrim a insum zo lo kha hrehawm a ti hle a, chutia kal paha a inngaihtuah lai chuan Millenium Centre a lo thleng phei țep a.
" Hruai, he tah.." JOSEPH a aw a ni tlat! Hruaia chuan Bolero dum aw lo chhuahna lam chu a pan ta a, a seat ah chuan a țhu lut ta a.
( Helai inbiakna hi chu Joseph a thawnthu ah alang thung ang)
.......
Minutes 20 hnu velah chuan Hruaia te pawh a țhiante nen an lokir leh tawh a, Andrewa leh a nu pawh an rawn tel ve ta bawk a, an ți ta dek a.
Operatin Theatre kawtah chuan an awmkhawm laih a, Ruatsanga chuan ei leh in tur te a lo chah a. Ruatsanga ve tho chuan a lo sem kual thung a. Nu kimi phone a rawn ri a, Mahriati pa Pu Hmaa alo ni a... Pu Hmaa chuan Hruaia a be ve duh tlat mai..!
" Aw..Pa Hma....hei aw...țha em em ang...naktuk tuk leh hi a ni ang...E ...aw le, nangni berin ngaihdam in duh chuan ngaidam e ....aw le.." phone chu a dah ta a. Andrewa te lam chu a pan phei a, a nu nen chuan ți dekin an lo țhu a, a nu țhiante ho an lo thleng ve chiah bawk a...
" Min ngaidam teh u, ka insum zo lo a ni" Hruaia chuan a ti a. Nu Mawii chu a nuța te ho leh a țhiante an lo thleng ta a, a pawr thar leh hle a, mei nei zet zet hian a țawng a.Ruata leh Sanga an rawn phei ve vat a,
" Signor, a thiam zawkin a thiam lo zawk hnenah ngaihdam an dil ngai lo.." an rawn ti a. Nu mawii chuan a lo melh no lo hle a. A n hmu lo der thung a. A piah deuhah chuan an pheisan ta a.
" Zatara, Mahriati chu an nawr luhna a rei tawh em?"
" Aw... darkar hial a tling tawh in ka hria, a phone a en a, e...minute sawmnga vel a ni tawh a nih hi..."
Nghaktu tan chuan hun hi a rei duh a, a kalmuang si țhin. Rei tak emaw kan tih pawh hi alo rei ngai hauh lo...
......
Pu Hmaa chu a awm hle hle thei lova, a vei kual sek a!A rilru hi a na in a hah takzet a ni, a fanu neih chhun Bike in na takin a su hi a ngaithiam thei lo a ni! Mami nu leh pa an rawn phei thuai a, rawn hnem a, chanchin rawn ngaihchan an tum a ni. Pu Zikpuia, eng lai maha Pu Hmaa te chhung thlahthlam ngai lo, a pachuau pui chu chanchin ngaihchan pui a,hnem turin zanriah ei kham ațangin a chho nghal a. An rilru a hah tlang a ni.
Pu Rina chuan ngaihdam dil turin phungbawmah VCP leh an thawhpui kohhran upa te nen an rawn leng ve a. Mami pawh thingpui sem reng rengin a buai a, mawng pawh a hung hman meuh lo a ni. Chu mi zan ber kher chuan a nau lah chu a chiau hiar em em mai si! Thupui fun tawkin Upa Siama chuan Pu Hmaa bulah chuan ngaihdam an ngaihthu a sawi a, Pu Rina rawn hruai te an ni si a. Pu Zikpuia chuan inrawlh hun tak niin a hria a," Bawihi pa, Bawihi pawh eng em a ti nang, miin ngaihdam min dil ngawih ngawih te chuan kan ngaidam mai dawn lo'm ni?" An tih meuh chuan Pu Hmaa pawh a harh chhuak ve ta zawk a..
" E khai! Ni e le...ngaihdam min dil na na na chu kan ngaidam mai a niang chu..! " Pu Hmaa chuan a ti ban charh a.
Pu Rina khan a nupui chu sum fai eng emaw zat a pai tir na a, Cheng singkhat an rawn ken chu Upa Siama chu pektir a tum a, Upa Siama chuan,
" Hei hian....in in enkawlna sen so chu a phu hru chiah lovang a, mahse tuna damdawi leinan leh veivah nan lo hmang ula, a dang in enkawlna sen so pawh kan tum vek ang" a ti a.
" Pu Siam, Pu Rin....a ngai love, ka la thei lovang" Pu Hmaa chuan a ti tlat thung a, a la duh tlat lo!
" Nghawng neia mi kan ngaihdam chuan ngaidam kan ni thei dawn em ni"
A va han țha kher em! Pathian țih mi, Pathiana innghah te țawngkam a ni. Ngaihdamna thinlung dik tak chuan phut let, beisei let a nei ngai lo! A la duh chuang lo..!An nin dah luih phet an tum a, a nin ala duh lova, a nupui chu a phone ta daih a, a fanu chu tunah an zai mek thu te, Hruaia leh a țhiante pawh tunah a awm kim thute a rawn sawi a, chutah chuan Hruaia chu a be ve ta a..
........
Andrewa tlangval rilru lian tawk chuan Hruaia chu a ngaidam ve hauh lo!
A haw tlat, kha tleirawl khan a hming alam zing fahran em a! A thik tlat bawk a, a rilru a insual nasa em em thung a, Mahriati laka mark score chu ala tum ran a. Eng tin tin emaw a hneh theih a ring a, chu lovah a mitmeng ațang khan a haw bik vak lo tih a ring a, a rilru a hnehsak a beisei tlat thung! Hruaia hi a hrechiang lo a ni.Nichin lawk a a hneh loh zia te pawh kha a nghilh hman si! A ring rawlh lohna turah a rawlh a ni . Mahriati lak ațanga Hruaia hnawh bo dan tur mawlh chu a suangtuah a. Hruaia phena awm mihring hi a hre lo lehzual si a, mi vanduai ala ni mai angem? Hruaia phen a mi hian mi tumah thlei bik a nei hauh si lova.
........
Hruaia rin aiin Mahriati chu an zai rei daih a, a vei sek a, a piah deuhah chuan nula pakhat țhu ve hi a hmu a, a melh ngai hlir a melh tihzawng a hria a. A piah leh deuhah chuan amah aia u hret tur tlangval pian dik thlarh mai a ding a, van lam hlir a thlir thung a. Eng boruak in nge chim phei zawng a hre hauh lo! Rin dan a nei ringawt a ni.
A tawpah a tawpah zawng Doctor te an lo chhuak a, nurse duty ten an rawn zui chhuak a, Ngurtea leh Hruaia, Ruatsanga te pahnih leh midang zawng pawh an ding suau a, Doctor rawn chhuak Jenny-i U chu thil awmzia zawh an tum vek a ni.
Hruaia, " Eng nge chanchin....ka pi?"
Doctor," Kan zai hlawhtling viau a....mahse....
( Lo nghak hram zel la, a lehpekah a aia thui aw..)
Comments
Post a Comment