To Sir....With Love Episode -25
TO SIR......WITH LOVE
(M.Lusei Palian)
.........XXV.........
( Kan ti nek nek a, kan thawnthu hi kan sawi lawk ang khan Chapter 27 vela tawp tura tih a ni na a. A theih mai hmel loh hle mai! A aia tam dah belh a ngai dawn a ni. Kan kutchhuak min hlutsak a, min tuipui tute, thurawn min pe hram hram țhin te, in chungah ka va lawm em! A bu hial chhuah tura min nawr tute, kei ve mai hi ka lawm a ni. A chhiartu zawng zawng chungah lawmthu ka sawi a...
Tin, dawhthei taka lo nghak tute in chungah ka lawm a ni. Ngal fimin dam ang che u... M.Lusei Palian)
" Khaw nge i awm daih a?.....mawh...nga ti nge? " ( a hnuk a ulh tlat, a mittui a far zung zung a, a tawp lam phei chu a ri chhuak mang lo hial a ni.)
Phone lehlam a mi thinlung chu ava na tak em!
Mahriati hian Hruaia'n a rawn phone let a beisei na a rei tawh, chuvanga kawng tluan a, muhil miah lo a ni. A rin aiin a rawn phone har si a! A insum zo lo a ni.Hmangaih tute kiangah lo hi chuan kan pangchang ngam lo, hmangaihna a kan beiseite kan beiseina hi a thuk țhin em asin!
" Mahriat, eng tin mah i awm lovang... Damdawi-In kawtah ka lo awm reng tawh a nia... ka bulah....( a sawi lai mek in, phone leh lama insut thawm a hria a)
Nu Kimi chuan phone chu a lo laksak ta a..." Hruaia....a...hei ngaihtuahawm lutuk pawh a ni lovang..... aw le... "
Phone chu an dah ta a.
" Bawihi, i u Hruaia te chu Damdawi-In kawtah an awm tawh e..."
Mahriati chu ala ngawi reng. Ti nge rei tak a biak theih loh... chutih lai chuan a phone a dap a, Nu Kimi chuan alo pe a. Zing lama Hruaia message chu a hmu ta a! A thaw deuh huai a, mahse a lunglawm a la kim chiah lo....!
Hruaia chu a awm hle hle thei lo, Ruata leh Sanga chuan an lo hnem ve tak na a, a vei kual thuak thuak a.
Ruata( Tlem in ala kai deuh a)," Tu chuan nge maw lo su reng reng a...A melh pawh lo melh tur an ni lo a sin.." A kuttum chu a hum ruh a..
Sanga," Ni ngawt mai...Piai hlak tur a ni. Rawn thleng se la, phuba la turin kan thawk chho nghal mai dawn em ni?" An thu a rum dun hle tawh mai a. An la kai deuh nen...Hruaia lah chu a awmna ngaiah a awm rei thei miah lo..! A ngaihtuah țhin a, Mahriati ke/ khup vel chu eng tin nge a awm ang le? Aizawl hial an rawn pan chuan a na lo chu a ni hauh lo. Khi lama an Doctor kha a țhat tehreng nen...
Mahriati hi sut luih a ni thei angem? Enga tinge a Sikul bang ber kher! A mah chauh a akal lai lehnghal in maw? Tu emaw remruatna a ni thei angem???
Ngurtea leh Davida an rawn thleng chho ve a, Hruaia an hmu a, an pan nghal chat a..An chanchin hriat ang ang te an inhrilh tawn a. Ngurtea chuan a phone a, Aizawl an rawn luh țan thu a sawi a. Zan lam a ni a, an rawn thang rei an ring lo!
Ruatsanga leh Jenny pawh an rawn thleng ve chiah a, Jenny-i chuan a u chu alo be lawk a. An lo thlen chin ava hrilh ve leh chhawng a.....
Tu emaw tan chuan hunbi hi ava kal muang tak em! Nghah neih chuan kan mi nghahte hi an rei em em a, hmangaihte nghah phei chu rei tak a ni. Chuta karah damlo tih hriatsa nghah phei chu thinlung hi a lungmuang mawlh lo...........
K.Lalremmawii(Mapuii) pawh a inngaihtuah nasa hle a. Hruaia khan MCS a Exam zo tawh a ngem le. A message thawn zozai pawh a reply der si lo! Hruaia nu hi( a nuhrawn) hi Pi Hruaimawii a ni a, a nu țhiannu a ni. Eng emaw tichang hian a nu nen an inbe fo tih chu a hre ngei a, tunhma chuan an lo inkawm ve tawh țhin a ni. Mahse, Nu Hruaii zuk biak ve ngawt chu a hreh bawk si! Chutih laiin Hruaia ngainat em em hmeichhia, nula tuai tir kha Hmunpui lamah an refer tih a hria a. Hruaia chuan alo buaipui ngeiin a ring bawk si a. Zuk tihbuai a tum chiah pawh ni lo chuan Hruaia chu thlalak chu a thawn ta a. Hei hian a su palh a, tih a tum lai tak in a phone a rawn ri a, a lo send hman si a. Phone ala ta a....
..........
Mahriati te an la rawn thleng phei lo deuh a, khawchhungah an awm tawh a. Hruaia phone a rawn khur a. Mapuii a lo ni a. En loh a tum na a. A thil rawn thawn chu a download thung a.
Chhei le... Mahriati mi pakhat in a pawmlai a ni. Uniform nen a ni a. A rilru a țek nghal chhawk...Chutih rual chuan Mapuii nu remruatna a ni thei angem tih chu a ngaihtuah daih thung a.Hruaia rilru a insual nasa. Mapuii chu han biak a tum a, mahse Waiting ah a awm leh si...!
.......
Hruaia chuan ama motor chu a zuk hmu ta! An rawn tlan chho zel a, Civil Hospital Casualty kawtah chuan a ding ta. Ngurtea te, Sanga leh Ruata te ho chuan an lo bial a, Hruaia chuan a hnunga chuang Nu kimi a lo chhuah chiah chuan zah leh ih a dawn zo lo! Dawn hman leh dawn theih a ni lo! Mahriati chu zo takin a pawm chhuak nawlh a! Mahriati'n a ngaih em em a hmu ta! Chutah a mah chu a rawn pawm nawlh a, a lung a muang suai suai a! Hruaia chuan Casualty lamah a pawm lut nghal a, Jenny-i chuan a zui a, Nu kimi leh Ngurtea'n an rawn zui ve nghal thuai a! Doctor leh Duty nurse ten an lo buaipui thuai a, Ngurtea'n Lehkha alo thehlut thung a.
" Lo va chhuak țhen teh u"
Tumah phei chu chhuah an tum mai lo!
Duty te chuan," Lo va chhuak țhen teh u" an ti leh a, Nu Kimi leh Hruaia tih loh chu pawnah an chhuak ta hlawm a. Hruaia chuan kalsan a tum lo bur, tin, Mahriati'n a chelh tlat!
Doctor chuan an en a, a ke artui a dik tlat lo! A vung nasa tawh bawk a, a duk ruih tawh mai a.
" Kan zai nghal a ngai ang..."
Hruaia chuan Nu Kimi chhan hma hma in, " A țul a nih chuan zai nghal rawh u, in mamawh ang zawng zawng chu ziak ula...lam ngai a awm chuan kan lam nghal ang."
" Aw le... Vawiin chu ke lampang hlir mai! Chawhnu her khan naupang ke kan zai tawh bawk a..... Naupang duhawm tak a ni, BDO fapa a nia, mak em em chu.... nu a nei miah lo.." Doctor nula chuan kha naupang kha a vei em a tin ni! ( Helai tak hi Kir zai i rel lo'ng maw! tih thawnthu a mi tur a ni, naupang nu nei miah lo, pa enkawlna hnuaia seilian chu khawnge a nu a awm ang le...?)
Doctor chu a kal leh a, nurse chuan an rawn jection leh ta a!
" U Hruai, ti nge tlaiah khan i biak theih miah loh..." aw chau deuh tak hian a ti a.
" Mahriat, huanah Exam zawh khan kan kal a, chaw kan ei nghal a...Signal a awm lo alawm maw le....pawi ka ti takzet..."
Nu Kimi, " Kha ka tihreng kha...Bawihi, I U Hruaia signal awm lohna ah a awm a niang ka tih kha..." a lo ti thuai a.
" U Hruaia, ke in ka kal leh thei angem le?" A aw chu a chau țan a.
" Kal thei ang, i kal thei em em ang..I kal thei lo a nih chuan ka pawm ni tin ang che" a bianga a chul pah chuan a ti a. Mahriati chuan a ke chu na a ti tawh hle na a, a rawn nui lui a, Hruaia chuan a va lainat teh lul em!
Mahriati chu a thawmhnaw an rawn thlak dawn a, loh theih lovin Hruaia chu a chhuah a ngai a, Nu Kimi alo awm thung a. .....
....
Hruaia te inpawm luh chuan Nu Mawii chu inti thei phar phar deuh hian a țawng zarh zarh a. Sanga leh Ruata hian Ruatsanga hi an hre tawh a, an lo inchibai in chanchin an lo in hrilh tawn a. Ruatsanga( Mahriati U Leh Ruatsanga Hruaia nau pawh an inchibai lawp lawp a...)
Hruaia nau hi Sumdawng mi tih takah a phawk ru riau a," My name" an ti nghal a. An nui dun ta ngawt a.
A sutu lam reng anla sawi lo.
Andrewa chuan Mahriati, Hruaia pawm luh chu a theih ang angin a thlir zui a, va luh pui a duh hle na a. A ngam tawh chiah si lo. Hruaia hi tu nge ni ang le? Mahriati lam zin ber chu...? A ngaihtuah nasa ngei mai!
Ruata chuan, " Sawta nu țawng thei deuh, inlak hmel deuh in rawn phurh tel ve saw tu nge a?" Ruatsanga chu a zawt a.
" Saw nu fapa saw ta țhu sawn alawm Bawihi hi su, an rawn kal ve zel alawm maw le"
" Sawpa saw maw....( Ruata chuan a kawk a, Ruatsanga a lo bu nghat a) Ka va beng teh ang..." kal nghal a rual a, Ngurtea te chuan an lo dang a,......
Chutih lai tak chuan Hruaia pawh alo chhuak a, an lo indawm laih laih a hmu a, a phei nghal a...
" Eng tizia nge?"
Ruata chuan, " Sawpa saw, a sutu chu...! A kawk a..."
Hruaia chu a inher a a phei nghal a, Andrewa bul a thlen chuan a ding a, a phih tho lawp a, a insum thei tawh lo!A awmah a țham a,
" I su lui ti raw?" A aw chu a chang fak mai....
Pi Mawii chu alo țe chul a....mi pawh an rawn hawi țhap a.
Hruaia hi a insum thei lo....A rilru ana em asin! A mi phih kan mek nena an thalak hi a hmu lehnghal kha a ni a.
" I su lui em...sawi rawh" Andrewa chu a zam lutuk bik lo..
" Tu nge mi su lui duh a nga.."
A chhan dan hian a zir tehchiam lo bawk a, a inrin hma in a thal tawp a. Ban tha chak tak chuan țham ding lehnghalin...
" Han sawi țha leh teh..." a ti a.
Police hi khawi ațanga rawn kal nge! Pi Mawii chu alo au chel chul thung a! An so tlang tawh bawk nen... Nu Kimi a rawn tlanchhuak bawk a. Ruata leh Sanga an pawr țan viau tawh a. Ngurtea te pahnih chuan an lo dang ve thung a. Police chuan an rawn dang nghal a, midang an chah belh a...
" Țhelh suh u..." thupe aw chuan a rawn ti ve tlat! Police ho an ding țhap a.
Police ASI chuan,
" Man vek rawh u.."
" Man vek lovang" A sir ațang chuan a rawn ti leh a. Chu aw chu Hruaia a hrechiang khawp mai! Rawn țawng lai mek chu a rawn chhuak a, inkhai thli zarh a dum hlira inthuam a ni. Police lamin an hmuh chian chuan an ding khawng reng a. Chu pa chu Hruaia lakah chuan a mikhual lo tlat!
" A su palh a nih ka ring, duhtawk rawh...I buaipui lai kha va buaipui la, helam ka lo ching fel ang." A rawn ti a.
Hruaia țhian te leh a awm ho chu an hawi ha ha hlawm a, Hruaia chuan hriat chhuah thut nei ni awm tak chuan a inher vut a, Casualty lamah chuan a tlan phei ta nghal a.....
Mahriati chu an lo thlak fel tawh a.O/T Room lamah zawn chhoh tur a ni. A chau ve țan hle a. Pawn lam boruak kha a hre ve nel nual si.... Hruaia chuan pawn lama a țhiante a au nghal a...
..........
Doctor chuan thil awm dan teh nuai chu mak a ti hle a. Nichin tlai a mi naupang motor in a sut kha a rilru ah a awm bawk nen! A pa rilru na lutuk insum si hmel kha a mitthla ah a cham a, a rim kha a hriat tawh hnu a ni chiang mai! A hre tawh a ni. Amah țanpuitu kha niin a hria a ni.
Tunah a nau Jenny te hmelhriat? hi Bike sut palh in Zokhua lam ațangin an rawn phur thla leh a. Jenny țhianpa U hmel chu a khawngaih riau a, chu pa hmelah chuan Khawngaihna,lainatna, hmangaihna eng kim hi a tel vekin a hria a ni. Chuvang tak chuan a khawngaih let a, a lainat a ni. Doctor nih pawh hi a ning țan ta...! Mi khawngaiha, lainat țhintu a ni miau si a!
.......
Mapuii chuan phone a hman zawh chuan Hruaia thil a thawn tih a hrechhuak a, a pawi a ti lutuk! Mahse a lo seen hman si! A rilru a zuk tihnat sak ang tih chu a ring viau na a. A mah anga thinlung khawkheng tuar ve lo tur chuan Mahriati kha a duh takzet si! Mapuii chuan inthiam lo chung chung chuan message chu a type ta a," Kha kha a sutu a ni a, a pawi ka ti khawp mai... Electric SDO fapa an ti" tih zawng khi a zuk send a. Mahse a lo en lem si lova.
A rilru tak hi chuan Hruaia hi neih ngei a tum a, a duh a ni. Tunhma a a rilru a tihnat sakna zawng zawngte kha thawidam sak a, ama tana inpumpek a duh tak meuh meuh a ni. Mahse, hringmi te hian kan duhthusam zawng zawng kan nei thei bik si lo a ni.
Sulhnu ngaih lunglenna chuan a chenchilh a, thinlung na in a rum a, a chau a ni.
(M.Lusei Palian)
.........XXV.........
( Kan ti nek nek a, kan thawnthu hi kan sawi lawk ang khan Chapter 27 vela tawp tura tih a ni na a. A theih mai hmel loh hle mai! A aia tam dah belh a ngai dawn a ni. Kan kutchhuak min hlutsak a, min tuipui tute, thurawn min pe hram hram țhin te, in chungah ka va lawm em! A bu hial chhuah tura min nawr tute, kei ve mai hi ka lawm a ni. A chhiartu zawng zawng chungah lawmthu ka sawi a...
Tin, dawhthei taka lo nghak tute in chungah ka lawm a ni. Ngal fimin dam ang che u... M.Lusei Palian)
" Khaw nge i awm daih a?.....mawh...nga ti nge? " ( a hnuk a ulh tlat, a mittui a far zung zung a, a tawp lam phei chu a ri chhuak mang lo hial a ni.)
Phone lehlam a mi thinlung chu ava na tak em!
Mahriati hian Hruaia'n a rawn phone let a beisei na a rei tawh, chuvanga kawng tluan a, muhil miah lo a ni. A rin aiin a rawn phone har si a! A insum zo lo a ni.Hmangaih tute kiangah lo hi chuan kan pangchang ngam lo, hmangaihna a kan beiseite kan beiseina hi a thuk țhin em asin!
" Mahriat, eng tin mah i awm lovang... Damdawi-In kawtah ka lo awm reng tawh a nia... ka bulah....( a sawi lai mek in, phone leh lama insut thawm a hria a)
Nu Kimi chuan phone chu a lo laksak ta a..." Hruaia....a...hei ngaihtuahawm lutuk pawh a ni lovang..... aw le... "
Phone chu an dah ta a.
" Bawihi, i u Hruaia te chu Damdawi-In kawtah an awm tawh e..."
Mahriati chu ala ngawi reng. Ti nge rei tak a biak theih loh... chutih lai chuan a phone a dap a, Nu Kimi chuan alo pe a. Zing lama Hruaia message chu a hmu ta a! A thaw deuh huai a, mahse a lunglawm a la kim chiah lo....!
Hruaia chu a awm hle hle thei lo, Ruata leh Sanga chuan an lo hnem ve tak na a, a vei kual thuak thuak a.
Ruata( Tlem in ala kai deuh a)," Tu chuan nge maw lo su reng reng a...A melh pawh lo melh tur an ni lo a sin.." A kuttum chu a hum ruh a..
Sanga," Ni ngawt mai...Piai hlak tur a ni. Rawn thleng se la, phuba la turin kan thawk chho nghal mai dawn em ni?" An thu a rum dun hle tawh mai a. An la kai deuh nen...Hruaia lah chu a awmna ngaiah a awm rei thei miah lo..! A ngaihtuah țhin a, Mahriati ke/ khup vel chu eng tin nge a awm ang le? Aizawl hial an rawn pan chuan a na lo chu a ni hauh lo. Khi lama an Doctor kha a țhat tehreng nen...
Mahriati hi sut luih a ni thei angem? Enga tinge a Sikul bang ber kher! A mah chauh a akal lai lehnghal in maw? Tu emaw remruatna a ni thei angem???
Ngurtea leh Davida an rawn thleng chho ve a, Hruaia an hmu a, an pan nghal chat a..An chanchin hriat ang ang te an inhrilh tawn a. Ngurtea chuan a phone a, Aizawl an rawn luh țan thu a sawi a. Zan lam a ni a, an rawn thang rei an ring lo!
Ruatsanga leh Jenny pawh an rawn thleng ve chiah a, Jenny-i chuan a u chu alo be lawk a. An lo thlen chin ava hrilh ve leh chhawng a.....
Tu emaw tan chuan hunbi hi ava kal muang tak em! Nghah neih chuan kan mi nghahte hi an rei em em a, hmangaihte nghah phei chu rei tak a ni. Chuta karah damlo tih hriatsa nghah phei chu thinlung hi a lungmuang mawlh lo...........
K.Lalremmawii(Mapuii) pawh a inngaihtuah nasa hle a. Hruaia khan MCS a Exam zo tawh a ngem le. A message thawn zozai pawh a reply der si lo! Hruaia nu hi( a nuhrawn) hi Pi Hruaimawii a ni a, a nu țhiannu a ni. Eng emaw tichang hian a nu nen an inbe fo tih chu a hre ngei a, tunhma chuan an lo inkawm ve tawh țhin a ni. Mahse, Nu Hruaii zuk biak ve ngawt chu a hreh bawk si! Chutih laiin Hruaia ngainat em em hmeichhia, nula tuai tir kha Hmunpui lamah an refer tih a hria a. Hruaia chuan alo buaipui ngeiin a ring bawk si a. Zuk tihbuai a tum chiah pawh ni lo chuan Hruaia chu thlalak chu a thawn ta a. Hei hian a su palh a, tih a tum lai tak in a phone a rawn ri a, a lo send hman si a. Phone ala ta a....
..........
Mahriati te an la rawn thleng phei lo deuh a, khawchhungah an awm tawh a. Hruaia phone a rawn khur a. Mapuii a lo ni a. En loh a tum na a. A thil rawn thawn chu a download thung a.
Chhei le... Mahriati mi pakhat in a pawmlai a ni. Uniform nen a ni a. A rilru a țek nghal chhawk...Chutih rual chuan Mapuii nu remruatna a ni thei angem tih chu a ngaihtuah daih thung a.Hruaia rilru a insual nasa. Mapuii chu han biak a tum a, mahse Waiting ah a awm leh si...!
.......
Hruaia chuan ama motor chu a zuk hmu ta! An rawn tlan chho zel a, Civil Hospital Casualty kawtah chuan a ding ta. Ngurtea te, Sanga leh Ruata te ho chuan an lo bial a, Hruaia chuan a hnunga chuang Nu kimi a lo chhuah chiah chuan zah leh ih a dawn zo lo! Dawn hman leh dawn theih a ni lo! Mahriati chu zo takin a pawm chhuak nawlh a! Mahriati'n a ngaih em em a hmu ta! Chutah a mah chu a rawn pawm nawlh a, a lung a muang suai suai a! Hruaia chuan Casualty lamah a pawm lut nghal a, Jenny-i chuan a zui a, Nu kimi leh Ngurtea'n an rawn zui ve nghal thuai a! Doctor leh Duty nurse ten an lo buaipui thuai a, Ngurtea'n Lehkha alo thehlut thung a.
" Lo va chhuak țhen teh u"
Tumah phei chu chhuah an tum mai lo!
Duty te chuan," Lo va chhuak țhen teh u" an ti leh a, Nu Kimi leh Hruaia tih loh chu pawnah an chhuak ta hlawm a. Hruaia chuan kalsan a tum lo bur, tin, Mahriati'n a chelh tlat!
Doctor chuan an en a, a ke artui a dik tlat lo! A vung nasa tawh bawk a, a duk ruih tawh mai a.
" Kan zai nghal a ngai ang..."
Hruaia chuan Nu Kimi chhan hma hma in, " A țul a nih chuan zai nghal rawh u, in mamawh ang zawng zawng chu ziak ula...lam ngai a awm chuan kan lam nghal ang."
" Aw le... Vawiin chu ke lampang hlir mai! Chawhnu her khan naupang ke kan zai tawh bawk a..... Naupang duhawm tak a ni, BDO fapa a nia, mak em em chu.... nu a nei miah lo.." Doctor nula chuan kha naupang kha a vei em a tin ni! ( Helai tak hi Kir zai i rel lo'ng maw! tih thawnthu a mi tur a ni, naupang nu nei miah lo, pa enkawlna hnuaia seilian chu khawnge a nu a awm ang le...?)
Doctor chu a kal leh a, nurse chuan an rawn jection leh ta a!
" U Hruai, ti nge tlaiah khan i biak theih miah loh..." aw chau deuh tak hian a ti a.
" Mahriat, huanah Exam zawh khan kan kal a, chaw kan ei nghal a...Signal a awm lo alawm maw le....pawi ka ti takzet..."
Nu Kimi, " Kha ka tihreng kha...Bawihi, I U Hruaia signal awm lohna ah a awm a niang ka tih kha..." a lo ti thuai a.
" U Hruaia, ke in ka kal leh thei angem le?" A aw chu a chau țan a.
" Kal thei ang, i kal thei em em ang..I kal thei lo a nih chuan ka pawm ni tin ang che" a bianga a chul pah chuan a ti a. Mahriati chuan a ke chu na a ti tawh hle na a, a rawn nui lui a, Hruaia chuan a va lainat teh lul em!
Mahriati chu a thawmhnaw an rawn thlak dawn a, loh theih lovin Hruaia chu a chhuah a ngai a, Nu Kimi alo awm thung a. .....
....
Hruaia te inpawm luh chuan Nu Mawii chu inti thei phar phar deuh hian a țawng zarh zarh a. Sanga leh Ruata hian Ruatsanga hi an hre tawh a, an lo inchibai in chanchin an lo in hrilh tawn a. Ruatsanga( Mahriati U Leh Ruatsanga Hruaia nau pawh an inchibai lawp lawp a...)
Hruaia nau hi Sumdawng mi tih takah a phawk ru riau a," My name" an ti nghal a. An nui dun ta ngawt a.
A sutu lam reng anla sawi lo.
Andrewa chuan Mahriati, Hruaia pawm luh chu a theih ang angin a thlir zui a, va luh pui a duh hle na a. A ngam tawh chiah si lo. Hruaia hi tu nge ni ang le? Mahriati lam zin ber chu...? A ngaihtuah nasa ngei mai!
Ruata chuan, " Sawta nu țawng thei deuh, inlak hmel deuh in rawn phurh tel ve saw tu nge a?" Ruatsanga chu a zawt a.
" Saw nu fapa saw ta țhu sawn alawm Bawihi hi su, an rawn kal ve zel alawm maw le"
" Sawpa saw maw....( Ruata chuan a kawk a, Ruatsanga a lo bu nghat a) Ka va beng teh ang..." kal nghal a rual a, Ngurtea te chuan an lo dang a,......
Chutih lai tak chuan Hruaia pawh alo chhuak a, an lo indawm laih laih a hmu a, a phei nghal a...
" Eng tizia nge?"
Ruata chuan, " Sawpa saw, a sutu chu...! A kawk a..."
Hruaia chu a inher a a phei nghal a, Andrewa bul a thlen chuan a ding a, a phih tho lawp a, a insum thei tawh lo!A awmah a țham a,
" I su lui ti raw?" A aw chu a chang fak mai....
Pi Mawii chu alo țe chul a....mi pawh an rawn hawi țhap a.
Hruaia hi a insum thei lo....A rilru ana em asin! A mi phih kan mek nena an thalak hi a hmu lehnghal kha a ni a.
" I su lui em...sawi rawh" Andrewa chu a zam lutuk bik lo..
" Tu nge mi su lui duh a nga.."
A chhan dan hian a zir tehchiam lo bawk a, a inrin hma in a thal tawp a. Ban tha chak tak chuan țham ding lehnghalin...
" Han sawi țha leh teh..." a ti a.
Police hi khawi ațanga rawn kal nge! Pi Mawii chu alo au chel chul thung a! An so tlang tawh bawk nen... Nu Kimi a rawn tlanchhuak bawk a. Ruata leh Sanga an pawr țan viau tawh a. Ngurtea te pahnih chuan an lo dang ve thung a. Police chuan an rawn dang nghal a, midang an chah belh a...
" Țhelh suh u..." thupe aw chuan a rawn ti ve tlat! Police ho an ding țhap a.
Police ASI chuan,
" Man vek rawh u.."
" Man vek lovang" A sir ațang chuan a rawn ti leh a. Chu aw chu Hruaia a hrechiang khawp mai! Rawn țawng lai mek chu a rawn chhuak a, inkhai thli zarh a dum hlira inthuam a ni. Police lamin an hmuh chian chuan an ding khawng reng a. Chu pa chu Hruaia lakah chuan a mikhual lo tlat!
" A su palh a nih ka ring, duhtawk rawh...I buaipui lai kha va buaipui la, helam ka lo ching fel ang." A rawn ti a.
Hruaia țhian te leh a awm ho chu an hawi ha ha hlawm a, Hruaia chuan hriat chhuah thut nei ni awm tak chuan a inher vut a, Casualty lamah chuan a tlan phei ta nghal a.....
Mahriati chu an lo thlak fel tawh a.O/T Room lamah zawn chhoh tur a ni. A chau ve țan hle a. Pawn lam boruak kha a hre ve nel nual si.... Hruaia chuan pawn lama a țhiante a au nghal a...
..........
Doctor chuan thil awm dan teh nuai chu mak a ti hle a. Nichin tlai a mi naupang motor in a sut kha a rilru ah a awm bawk nen! A pa rilru na lutuk insum si hmel kha a mitthla ah a cham a, a rim kha a hriat tawh hnu a ni chiang mai! A hre tawh a ni. Amah țanpuitu kha niin a hria a ni.
Tunah a nau Jenny te hmelhriat? hi Bike sut palh in Zokhua lam ațangin an rawn phur thla leh a. Jenny țhianpa U hmel chu a khawngaih riau a, chu pa hmelah chuan Khawngaihna,lainatna, hmangaihna eng kim hi a tel vekin a hria a ni. Chuvang tak chuan a khawngaih let a, a lainat a ni. Doctor nih pawh hi a ning țan ta...! Mi khawngaiha, lainat țhintu a ni miau si a!
.......
Mapuii chuan phone a hman zawh chuan Hruaia thil a thawn tih a hrechhuak a, a pawi a ti lutuk! Mahse a lo seen hman si! A rilru a zuk tihnat sak ang tih chu a ring viau na a. A mah anga thinlung khawkheng tuar ve lo tur chuan Mahriati kha a duh takzet si! Mapuii chuan inthiam lo chung chung chuan message chu a type ta a," Kha kha a sutu a ni a, a pawi ka ti khawp mai... Electric SDO fapa an ti" tih zawng khi a zuk send a. Mahse a lo en lem si lova.
A rilru tak hi chuan Hruaia hi neih ngei a tum a, a duh a ni. Tunhma a a rilru a tihnat sakna zawng zawngte kha thawidam sak a, ama tana inpumpek a duh tak meuh meuh a ni. Mahse, hringmi te hian kan duhthusam zawng zawng kan nei thei bik si lo a ni.
Sulhnu ngaih lunglenna chuan a chenchilh a, thinlung na in a rum a, a chau a ni.
Comments
Post a Comment