To Sir......With Love Episode 20
TO SIR.......WITH LOVE
(M.Lusei Palian)
..........XX..........
An pahnih chuan an thaw duh halh halh a, lum an tih vang pawh a ni fahran lo! Hmangaihna avanga lungphu rang telh telh an ni. Hruaia chuan Mahriati chu underwear nen chiah a dah ta! Lalpa leh.... A va han țha chiang tak em! A taksa engkim mai la lang lo lai thleng chuan khuanu hian a siam uluk bik hliah hliah em ni! Nge Lasi note zawk!? A sakruang ah chuan mi sawisel peih te tan pawh han sawi leh han sel tur hi a awm thlawt lo a ni.Mahriati pawh chu Hruaia dah ang ang chuan a awm ta mai si! Chutih lai tak chuan țek an rawn tla thut a.... Mahriati chuan Hruaia chu a pawm nawlh a..... Khuanu fa a neih huna a chawmna tur a a duan sa chuan Hruaia taksa chu a si lum thar thar a. An taksa an insi mai ani lo...A lang lai lai chu an infawp mawlh mawlh a.. Rilru fim put har an va ti em! Hruaia pawh chuti tho.... Mahriati kekawrte a sen lehnghal chu an pawt thla dawn a....Chutah tak chuan Mahriati'n alo dang ve ta chat si a!
" Sir, Oh.....U Hruai... ih ....ih...hei chu ita ka nih hunah..."a rawn ťhu chhuak hlawl a,no taka melh chuan a ti a.
" Tunah hian ka ta i ni duh lo em ni?"
" U Hruai..... i thu thu le" a mu leh ta riai riai a.
" A hun hma in ramri pel lo ula..." chu thu chu a hrechhuak zawk a, insum harsa ava ni tehlul em!
Hruaia chuan Mahriati Bra chhuata tla chu la in a pe ta zawk a, lehlam a hawi thung a, a ni lo lam a thlir chuan insum har a ti dawn si.... a țawng chhuak ta..
" Mahriat..... ni e...min ngaidam teh..ka hmangaih lutuk vang zawk che a ni e.."
Mahriati chuan hnunglam ațang chuan a rawn kuah leh ta thlawp a.
" Ka hmangaih che...i ta ka ni e.. mahse min hmangaihna hi ka chhiatna turin i hmang lova.... ka hmangaih che ....ka hmangaih reng ang che..."
A tho a, a puan a bih a, a inha țha mawlh mawlh a! Hruaia pawh a thawmhnaw a inbel țan a! Khumah chuan an țhu dun a, an hmui leh hmui chu a insi reng mai a, a incharbet ang tih hi a hlauhawm hial zawk a.Mahriati chu a rawn țawng chhuak ta a!
" U Hruai, ih...ih....Doctor hi be tawh lo la.....ih ...ka rilru hi alo na tlat zel a!" A dik, a sawi dik, tu nge na lo awm ang ni? Hmangaihten midang an biak te chuan lo nat hi a awl em asin!
Hruaia chuan Mahriati chu a kuah a, a awmah chuan a bei tir a,
" Aw le....ka lo tum ang ....
Ka thinlung hi ngaithla la,nang chauh nangma hming chauh a awm a, tuman an nawt reh thei tawh lo. Nang pawh ka ta i ni a, tumah midang kan karah an awm tur a ni lo"
" Sir....Oh....Ih U Hruai, i tunhma nun ka thik phak loh chu ka thik hauh lo a, mahse i thinlung hliam nawhreh nan leh thawidam nang min hmang ang....che aw"
Mahriati'n chu thu a sawi zo chiah chu Hruaia chu a melh chho ha a, a hmui Vani-an rah ang maia sen mawi tak chuan fawh hi a cho hliah hliah a, chutak chu Hruaia a hai mawlh si lo.
A va han zing mawlh mawlh em! Mahse hmangaihna ah hian zing lua a awm thei lo!
A ngaithlatu thinlung chu ava lawmin ava hlim em!
" Mahriat, ka thinlungah hian i hming hi a inker tawh a ka hrilh tawh che kha, nawhreh theih a ni tawh lo...Ka awm ve a ka dam chuan i nat hi ka phal ngai lovang....."
Mahriati hlim lutuk chuan Hruaia chu a seh hian a seh nawk nawk a.
An karah hmangaihna thu an thlung fel tawh si.
Leng dang tu tan mah chhai an rem tawh lo! Mahse mihring duhthu a ni a, khuanu duansa eng thil nge thleng dawn a hriat si loh...
Hruaia phone chu a rawn khur der der a.
" I hi....I nu a nih hi..."
" Awi ...ka rei tawh e, min hau ngei ngei ang"
Hruaia chuan phone chu a la a, " Aw.... ruah ala tla deuh a, a rawn chho dawn chiah...ala hma em hi....!"
" A hau lovang che..."
" I hre ngawt ngawt em ni?Rawn haw rawh se a ti em ni?"
" Aw ...lo chho tawh sela a ti a..."
" Min lo hau ta se..."
" A lo hauh che chuan ka rawn pu chhuak nawlh ang che... tiang hian..." Mahriati chu a pu nawlh a...
" Hei...hei..... " a nghat leh ta a.
" Ka lo riak ve mai dawn..I bulah hian...aw...U Hruai, eng tikah nge i bulah hian ka awm tak tak theih ang..i ta ni turin.. ."
" I awm vat ang..."
Mahriati chu khum ațang chuan a ding riai riai a, a chhoh hreh hmel hle a... Hruaia chu a rawn ding a, a hmuiah chuan a fawp leh ta vawng vawng a.Thawchham țepin an in fawp a, hmangaihte kalsan hi zawng a har em a ni.
Țhen leh tura tawnna, tawng leh tura țhenna ram khawvêl a ni miau si a! In hmangaihte pawh in mang țha a ngai a, Khuanu remruat a ni si! Ui takin inthlah hlei thei lo chu an inthlah ta a!
Chu zan, khawchhe tak chu an tan chuan theihnghilh rual loh thinlung pahnihte pakhata zawmna zan a ni si! Khuanu duan thil hi amak țhin mang e!
Mahriati chu ruah a tlak deuh avang chuan Hruaia Jumper chu a ha chho va, A U Hruaian a hak tir a ni. Inchhunga alut chu a nu chuan alo melh chiang ngei mai....Mahse a nu hian Hruaia hi a ring em a! Eng tin mah a hau lo. Ngurtea te țhian ho pawh roomah an lo la ri laih laih a...Ruah surin Pu Zikpuia a lo dang ve hi a ni a,
" In hnuai nu chu i rawn leng chho a ni maw?" ( Deuh kher hian aw) awmze nei fe a melh pah hian alo ti a. A hawi kual a, Apa a awm lo hlauh va, a inthiar lai alo ni hlauh a. A va zia em!
" I zak lo...Lal pazik lerh a..i hmelchhe phak...." mahse a thinlung a hlim a, a lawm veng veng a, a haw hran lo.
" Aw eng nge inhnuai ațangin i rawn chho a, inhnuai nu i ni mai lawm ni...?"
" I chhe zawt zawt, Lal...a nu ka mu dawn.." a room-ah chuan a lut ta a!
......
Mapuii chu khumah a mu zal a, a inlet a inlet a, a rilru erawh a chang leh alawm a, a chang leh a lungngai thung a. He Vanlalhruaia hi hmana a hriat HRUAIA kha a ni tawh lo. A puitling riau tawh a, a zahawm a. A dik thlap bawk...Mahse a tlan liam tur khan a rawn lehhawi leh a, ala ngai pawimawh em em a ni. Hruaia khan a hmangaih thu kha a hrilh har em bawk a ni. A hmangaih lova țhianah bak a duh lo emaw a ti a. Mahse a țhian satliah a ni lo tih a inhria.... Aw nunhluia kir a va chak em! A ni lah hian mipa sawi hmaa engkim lo sawi kha a hreh si. An hun hman țhin an nunhlui a chhui kir a.....
Zan khat chu a țhiannu Zopari piancham an lawm a,Zemabawka awm an nih avangin Hruaia nen bike in an kal a, hlim takin hun an hmang a, nuam an va ti em! Hruaia'n țingțang a perh a. A thiam thiamin an lo zawm a..
Chhawrthlapui leh siar zawng te,.
Lungrualten an len chhung chuan van zawlah,
A chuai dawn lo i tawnah mapui,
Ka neih chhun hmangaihna zawng te hi...
I chun leh zua te lo hrangin,
I vullai thliah chak hle mahse...
Khing hla a sak lai khian Mapui...tih lai tak khian a rawn melh kha a ni a.... a thinlungah a cham vang vang a, nimina thil thleng ang mai hian a la hrechiang si a.
Aw ti nge a nu khan pasal nei tura a tih mai le.... Mahse Ramchhana ( Rca) kha tlangval fel tak a ni ve tho si a!
Chu mi zan an inphur haw chu Țhuampui thlen chhoh hma , Sipai ho awmna chhak a reh lai takah khian Bolero var hi kawng laiah alo ding a, zurui tlangval pathum pawr fe fe hi an lo awm a, an nui ring ngang mai! Hruaia'n bika a hel an tum chuan..
" HEIH..." an lo ti vak a, an ding ta a! Hruaia'n hawihhawm taka "Puih in ngai em ni?"a ti chu pakhat hian a helmet chhanah a rawn beng bu lawp a. An buai zui nghal der a, an bike nen chuan an tlu a. Mapuii ke ala delh zui a....
Mapuii chu a kai tho thuai a, "saw laiah sawn lova awm rawh"
Pakhat chuan Hruaia chu a rawn hnek leh a, a hnung lam ațangin a ni a. A thinrim ta kher mai . Mapuii tlanchhe tur an lo dang a, an lo pawt zui. Hruaia chuan a lo hnai ber chu a hnek thal țhuai a. Zan a rei tawh a, mi veivak an awm der si lo.... Mapuii hi a mangang tak zet a, a hnek pa kha alo tho leh țual țual bawk nen....
Chung Mapuii chhaih buaitu chu Hruaia chuan a khing hnek vek dawn si lo, a mang a ang ve tho..Mapuii lah chuan an tlukna ah a phone Nokia 1100 model thar ber kha a thlauh daih si....
Chuta karah Bolero ațang chuan mi pakhat rui ve miah lo hi a rawn chhuak leh ta nghal a. Hruaia chu an rawn hual ta a....pali lai an lo ni...
" Zawnga,I KS phurh kha min rawn pe la, nang chu eng tin mah kan ti lovang che... A nih pawh a duhzat kan lo pe ang.."
Hruaia a thinrim kher mai...
" KS a ni lo! In ngam a nih chuan a malin insual ang u..." a ti ve chhak a.
" A mala insual .....zawngchhe pa.." an nuih zui a.. an rawn hnaih hret hret a.
" Mapui, tlanchhe rawh..." a mangang ve tho mai. Pali lai an ni si a. An boruak ațang hle ta mai...
Chutih lai tak chuan, a thimchin ațang chuan tlangval sang zeih zawih, a dum hlira inthuam, hmaikawr dum vuah hi a rawn chhuak a, rawn chhuah pah chuan,
" Mi Pali in pakhat beihrawn zawng.... Vai film ava ang ve...ka nuih a za hauh lo.." a rawn pen hnai zel a, a rawn kal dan leh a hawikual dan chu a zang vah mai a. An zam lo em em khawp a, chung mi pali chu a ke ringawt pawh hian che thei lovin a siam thei si a.
" I rawn inrawlhna tur a awm lo Zawnga" inti thu ber chuan a ti a.
" Tikhan a awh chiah, uipa hur..." a ti let ve chhak a, tihian a ti leh a..
" Pathum kha, helamah rawn phei ru" a tinawn leh a.
Mi pali te pawn an mahni rawn hlau lo tu chu mak an ti hle, an hawi hau a..chu chu remchangah a la a. Rawn tlan phei pahin pakhat lu chu a ri bur a, pakhat awm chu a ri thlawp a, thawhchhuah an harsat ngawt ta ve ang. ..
Hruaia pawh chuan pakhat chu alo hnek thal tawp a, pakhat chauh ding chu a hmachhawn ran a, chupa rinloh lutuk in a kun hniam a, a khup a a pet vak a. A hmaiah chuan a hnek lehnghal hman a. Hmaituam chuan alo en ran a.
A tlu hnu chu a thinrim em avangin a zuk pet zui a. A kal kual a, midang lawh chu an luah zel a pet a.
"A tawk viau e, nuam tak chuan zing an tho tawh lovang...thianpa in sum teh" hmaituam chuan a rawn ti a.
A rawn phei a, Bolero ah chuan hnehsawh deu deuh chuan a thehlut a. A zo phian a, Hruaia chu alo la thaw hlawi hlawi a. Hmaituam chuan Bolero chu a tinung a, kawng sirah chuan a dah a, a rawn chhuak leh a.
Mapuii chuan, " Kan... va....
lawm tak em! Kan lawm lutuk."
" Lawmthu sawi angai lo." A phone a phawrh a. Message a thawn ta a...!
" Thianpa kan lawm e...."
" Lawmthu sawi angai lo, insual i thiam hle mai.... awm lo pawh ni ila i hneh tho ang..."
" E...hneh lovang..min tam hneh a ni...."
" I huaisen hle mai, dam takin awm rawh u. Saw i țhiannu saw ala khur nasa va hnem rawh...."
Mapuii a rawn khur phei hlak hlak a.Hruaia a rawn kuah a.Hruaia chuan,
" Kan lawm e, Hruaia ka nia, hei hi Mapuii...ka țhiannu a nih hi..."
" A tan thih i huam deuh tho a nih hi... a nui hak a... JOSEPH ka ni e..." a ti a.
A phone ala chhuak a, phone changkang tak a lo ni. Lehlam a hawi a, " DEI GRATIA" a ti zeuh a. Chu thu chu Hruaian a hre hman a,....
A awmze hre lem lo chuan an awm a, mahse Hruaia chuan a hre tlat... A lehkhabu chhiar tawh ah a awm a.
.............
Chu thil thleng chu Mahriatin a ngaihtuah let a, an lawmzia hriat reng nan khan T-Shirt pahnih inang chiah DEI GRATIA tih an siam ta kha a ni a. Khang laite khan A tan khan Hruaia khan thih thleng țhaka insual a huam a ni si. Kha mi zan te khan aw... a hmangaih thu kha lo hrilh se a țha tur...( Tun thleng hian JOSEPH leh Hruaia hi an inbe țhin. An inpui tawn țhin tih a hre lo Mapuii hian, Chapter tir lama Hruaia phone chhan loh chi loh kha JOSEPH hi a ni..)
Mapuii ngaihtuahna ava kal thui tak em!Tunah Hruaia hi beisei ngam tur chi a ni tawh lo! Thinlung inthup, hmangaihna inthup hi ava pawi em! Tlai luat hian pawina a nei si! Mahse RC -a kha nei ta se...! A boral ta si....
Hruaia hi tawng tawh lo law law se a țha tur... mahse nupui ala nei lo. Nupui a neih hma in țanlak a ngai ta.
.......
Nu Sawmi pawh a muhil mai thei lo, a fanu hi Hruaia hian a hawi tawh lo tih kha chetzia leh țawngkam ațangin a hria. A thil tih sual rah a seng mek a ni. Mahse Hruaia hian nupui ala nei lo, a la tlai lovang... Ngaihtuahna thar hman a ngai a ni.
.......
Hruaia pawh zanmu chhin har a ti. A hmangaih Mahriat sakruang a mitthla ah a cham a, a khumah te chuan Mahriati rim chu a la nam chak a. A ta a nih hun tur ava nghakhlel tak em ! Mapuii a ngaihtuah leh a. DEI GRATIA tih uluk takin ala nei tih a hria. Joseph kha a pui țhin tih a hria angem aw. Hre lovang, a hmel pawh ala hmu ve si lo! Joseph kha a ngaihtuah leh a, kha pa ang kha Mizoramah pakhat chiah a awm.... Sawrkar in an rawih tak hnu te angaihtuah kual a....A rilru avak thui kher mai...
Mahriati bawkin a rilru a luah leh țhin!
Tin, Nu Kimi ngenna a bawhchhiat teuh zia kha aw...a nui sak a...
A phone a rawn khur cher cher a.Mahriati a lo ni a.
" Ka hmangaih che.... I kawr tal hi ka mutpui dawn aw...".
A rawn ri leh a,
" I hming hi ka thinlungah a awm reng tawh a, a awmzel ang, ka ring che a, ka ring reng ang che..
" tih alo ni leh a.
Hruaia chuan a type ve ta a.....
(M.Lusei Palian)
..........XX..........
An pahnih chuan an thaw duh halh halh a, lum an tih vang pawh a ni fahran lo! Hmangaihna avanga lungphu rang telh telh an ni. Hruaia chuan Mahriati chu underwear nen chiah a dah ta! Lalpa leh.... A va han țha chiang tak em! A taksa engkim mai la lang lo lai thleng chuan khuanu hian a siam uluk bik hliah hliah em ni! Nge Lasi note zawk!? A sakruang ah chuan mi sawisel peih te tan pawh han sawi leh han sel tur hi a awm thlawt lo a ni.Mahriati pawh chu Hruaia dah ang ang chuan a awm ta mai si! Chutih lai tak chuan țek an rawn tla thut a.... Mahriati chuan Hruaia chu a pawm nawlh a..... Khuanu fa a neih huna a chawmna tur a a duan sa chuan Hruaia taksa chu a si lum thar thar a. An taksa an insi mai ani lo...A lang lai lai chu an infawp mawlh mawlh a.. Rilru fim put har an va ti em! Hruaia pawh chuti tho.... Mahriati kekawrte a sen lehnghal chu an pawt thla dawn a....Chutah tak chuan Mahriati'n alo dang ve ta chat si a!
" Sir, Oh.....U Hruai... ih ....ih...hei chu ita ka nih hunah..."a rawn ťhu chhuak hlawl a,no taka melh chuan a ti a.
" Tunah hian ka ta i ni duh lo em ni?"
" U Hruai..... i thu thu le" a mu leh ta riai riai a.
" A hun hma in ramri pel lo ula..." chu thu chu a hrechhuak zawk a, insum harsa ava ni tehlul em!
Hruaia chuan Mahriati Bra chhuata tla chu la in a pe ta zawk a, lehlam a hawi thung a, a ni lo lam a thlir chuan insum har a ti dawn si.... a țawng chhuak ta..
" Mahriat..... ni e...min ngaidam teh..ka hmangaih lutuk vang zawk che a ni e.."
Mahriati chuan hnunglam ațang chuan a rawn kuah leh ta thlawp a.
" Ka hmangaih che...i ta ka ni e.. mahse min hmangaihna hi ka chhiatna turin i hmang lova.... ka hmangaih che ....ka hmangaih reng ang che..."
A tho a, a puan a bih a, a inha țha mawlh mawlh a! Hruaia pawh a thawmhnaw a inbel țan a! Khumah chuan an țhu dun a, an hmui leh hmui chu a insi reng mai a, a incharbet ang tih hi a hlauhawm hial zawk a.Mahriati chu a rawn țawng chhuak ta a!
" U Hruai, ih...ih....Doctor hi be tawh lo la.....ih ...ka rilru hi alo na tlat zel a!" A dik, a sawi dik, tu nge na lo awm ang ni? Hmangaihten midang an biak te chuan lo nat hi a awl em asin!
Hruaia chuan Mahriati chu a kuah a, a awmah chuan a bei tir a,
" Aw le....ka lo tum ang ....
Ka thinlung hi ngaithla la,nang chauh nangma hming chauh a awm a, tuman an nawt reh thei tawh lo. Nang pawh ka ta i ni a, tumah midang kan karah an awm tur a ni lo"
" Sir....Oh....Ih U Hruai, i tunhma nun ka thik phak loh chu ka thik hauh lo a, mahse i thinlung hliam nawhreh nan leh thawidam nang min hmang ang....che aw"
Mahriati'n chu thu a sawi zo chiah chu Hruaia chu a melh chho ha a, a hmui Vani-an rah ang maia sen mawi tak chuan fawh hi a cho hliah hliah a, chutak chu Hruaia a hai mawlh si lo.
A va han zing mawlh mawlh em! Mahse hmangaihna ah hian zing lua a awm thei lo!
A ngaithlatu thinlung chu ava lawmin ava hlim em!
" Mahriat, ka thinlungah hian i hming hi a inker tawh a ka hrilh tawh che kha, nawhreh theih a ni tawh lo...Ka awm ve a ka dam chuan i nat hi ka phal ngai lovang....."
Mahriati hlim lutuk chuan Hruaia chu a seh hian a seh nawk nawk a.
An karah hmangaihna thu an thlung fel tawh si.
Leng dang tu tan mah chhai an rem tawh lo! Mahse mihring duhthu a ni a, khuanu duansa eng thil nge thleng dawn a hriat si loh...
Hruaia phone chu a rawn khur der der a.
" I hi....I nu a nih hi..."
" Awi ...ka rei tawh e, min hau ngei ngei ang"
Hruaia chuan phone chu a la a, " Aw.... ruah ala tla deuh a, a rawn chho dawn chiah...ala hma em hi....!"
" A hau lovang che..."
" I hre ngawt ngawt em ni?Rawn haw rawh se a ti em ni?"
" Aw ...lo chho tawh sela a ti a..."
" Min lo hau ta se..."
" A lo hauh che chuan ka rawn pu chhuak nawlh ang che... tiang hian..." Mahriati chu a pu nawlh a...
" Hei...hei..... " a nghat leh ta a.
" Ka lo riak ve mai dawn..I bulah hian...aw...U Hruai, eng tikah nge i bulah hian ka awm tak tak theih ang..i ta ni turin.. ."
" I awm vat ang..."
Mahriati chu khum ațang chuan a ding riai riai a, a chhoh hreh hmel hle a... Hruaia chu a rawn ding a, a hmuiah chuan a fawp leh ta vawng vawng a.Thawchham țepin an in fawp a, hmangaihte kalsan hi zawng a har em a ni.
Țhen leh tura tawnna, tawng leh tura țhenna ram khawvêl a ni miau si a! In hmangaihte pawh in mang țha a ngai a, Khuanu remruat a ni si! Ui takin inthlah hlei thei lo chu an inthlah ta a!
Chu zan, khawchhe tak chu an tan chuan theihnghilh rual loh thinlung pahnihte pakhata zawmna zan a ni si! Khuanu duan thil hi amak țhin mang e!
Mahriati chu ruah a tlak deuh avang chuan Hruaia Jumper chu a ha chho va, A U Hruaian a hak tir a ni. Inchhunga alut chu a nu chuan alo melh chiang ngei mai....Mahse a nu hian Hruaia hi a ring em a! Eng tin mah a hau lo. Ngurtea te țhian ho pawh roomah an lo la ri laih laih a...Ruah surin Pu Zikpuia a lo dang ve hi a ni a,
" In hnuai nu chu i rawn leng chho a ni maw?" ( Deuh kher hian aw) awmze nei fe a melh pah hian alo ti a. A hawi kual a, Apa a awm lo hlauh va, a inthiar lai alo ni hlauh a. A va zia em!
" I zak lo...Lal pazik lerh a..i hmelchhe phak...." mahse a thinlung a hlim a, a lawm veng veng a, a haw hran lo.
" Aw eng nge inhnuai ațangin i rawn chho a, inhnuai nu i ni mai lawm ni...?"
" I chhe zawt zawt, Lal...a nu ka mu dawn.." a room-ah chuan a lut ta a!
......
Mapuii chu khumah a mu zal a, a inlet a inlet a, a rilru erawh a chang leh alawm a, a chang leh a lungngai thung a. He Vanlalhruaia hi hmana a hriat HRUAIA kha a ni tawh lo. A puitling riau tawh a, a zahawm a. A dik thlap bawk...Mahse a tlan liam tur khan a rawn lehhawi leh a, ala ngai pawimawh em em a ni. Hruaia khan a hmangaih thu kha a hrilh har em bawk a ni. A hmangaih lova țhianah bak a duh lo emaw a ti a. Mahse a țhian satliah a ni lo tih a inhria.... Aw nunhluia kir a va chak em! A ni lah hian mipa sawi hmaa engkim lo sawi kha a hreh si. An hun hman țhin an nunhlui a chhui kir a.....
Zan khat chu a țhiannu Zopari piancham an lawm a,Zemabawka awm an nih avangin Hruaia nen bike in an kal a, hlim takin hun an hmang a, nuam an va ti em! Hruaia'n țingțang a perh a. A thiam thiamin an lo zawm a..
Chhawrthlapui leh siar zawng te,.
Lungrualten an len chhung chuan van zawlah,
A chuai dawn lo i tawnah mapui,
Ka neih chhun hmangaihna zawng te hi...
I chun leh zua te lo hrangin,
I vullai thliah chak hle mahse...
Khing hla a sak lai khian Mapui...tih lai tak khian a rawn melh kha a ni a.... a thinlungah a cham vang vang a, nimina thil thleng ang mai hian a la hrechiang si a.
Aw ti nge a nu khan pasal nei tura a tih mai le.... Mahse Ramchhana ( Rca) kha tlangval fel tak a ni ve tho si a!
Chu mi zan an inphur haw chu Țhuampui thlen chhoh hma , Sipai ho awmna chhak a reh lai takah khian Bolero var hi kawng laiah alo ding a, zurui tlangval pathum pawr fe fe hi an lo awm a, an nui ring ngang mai! Hruaia'n bika a hel an tum chuan..
" HEIH..." an lo ti vak a, an ding ta a! Hruaia'n hawihhawm taka "Puih in ngai em ni?"a ti chu pakhat hian a helmet chhanah a rawn beng bu lawp a. An buai zui nghal der a, an bike nen chuan an tlu a. Mapuii ke ala delh zui a....
Mapuii chu a kai tho thuai a, "saw laiah sawn lova awm rawh"
Pakhat chuan Hruaia chu a rawn hnek leh a, a hnung lam ațangin a ni a. A thinrim ta kher mai . Mapuii tlanchhe tur an lo dang a, an lo pawt zui. Hruaia chuan a lo hnai ber chu a hnek thal țhuai a. Zan a rei tawh a, mi veivak an awm der si lo.... Mapuii hi a mangang tak zet a, a hnek pa kha alo tho leh țual țual bawk nen....
Chung Mapuii chhaih buaitu chu Hruaia chuan a khing hnek vek dawn si lo, a mang a ang ve tho..Mapuii lah chuan an tlukna ah a phone Nokia 1100 model thar ber kha a thlauh daih si....
Chuta karah Bolero ațang chuan mi pakhat rui ve miah lo hi a rawn chhuak leh ta nghal a. Hruaia chu an rawn hual ta a....pali lai an lo ni...
" Zawnga,I KS phurh kha min rawn pe la, nang chu eng tin mah kan ti lovang che... A nih pawh a duhzat kan lo pe ang.."
Hruaia a thinrim kher mai...
" KS a ni lo! In ngam a nih chuan a malin insual ang u..." a ti ve chhak a.
" A mala insual .....zawngchhe pa.." an nuih zui a.. an rawn hnaih hret hret a.
" Mapui, tlanchhe rawh..." a mangang ve tho mai. Pali lai an ni si a. An boruak ațang hle ta mai...
Chutih lai tak chuan, a thimchin ațang chuan tlangval sang zeih zawih, a dum hlira inthuam, hmaikawr dum vuah hi a rawn chhuak a, rawn chhuah pah chuan,
" Mi Pali in pakhat beihrawn zawng.... Vai film ava ang ve...ka nuih a za hauh lo.." a rawn pen hnai zel a, a rawn kal dan leh a hawikual dan chu a zang vah mai a. An zam lo em em khawp a, chung mi pali chu a ke ringawt pawh hian che thei lovin a siam thei si a.
" I rawn inrawlhna tur a awm lo Zawnga" inti thu ber chuan a ti a.
" Tikhan a awh chiah, uipa hur..." a ti let ve chhak a, tihian a ti leh a..
" Pathum kha, helamah rawn phei ru" a tinawn leh a.
Mi pali te pawn an mahni rawn hlau lo tu chu mak an ti hle, an hawi hau a..chu chu remchangah a la a. Rawn tlan phei pahin pakhat lu chu a ri bur a, pakhat awm chu a ri thlawp a, thawhchhuah an harsat ngawt ta ve ang. ..
Hruaia pawh chuan pakhat chu alo hnek thal tawp a, pakhat chauh ding chu a hmachhawn ran a, chupa rinloh lutuk in a kun hniam a, a khup a a pet vak a. A hmaiah chuan a hnek lehnghal hman a. Hmaituam chuan alo en ran a.
A tlu hnu chu a thinrim em avangin a zuk pet zui a. A kal kual a, midang lawh chu an luah zel a pet a.
"A tawk viau e, nuam tak chuan zing an tho tawh lovang...thianpa in sum teh" hmaituam chuan a rawn ti a.
A rawn phei a, Bolero ah chuan hnehsawh deu deuh chuan a thehlut a. A zo phian a, Hruaia chu alo la thaw hlawi hlawi a. Hmaituam chuan Bolero chu a tinung a, kawng sirah chuan a dah a, a rawn chhuak leh a.
Mapuii chuan, " Kan... va....
lawm tak em! Kan lawm lutuk."
" Lawmthu sawi angai lo." A phone a phawrh a. Message a thawn ta a...!
" Thianpa kan lawm e...."
" Lawmthu sawi angai lo, insual i thiam hle mai.... awm lo pawh ni ila i hneh tho ang..."
" E...hneh lovang..min tam hneh a ni...."
" I huaisen hle mai, dam takin awm rawh u. Saw i țhiannu saw ala khur nasa va hnem rawh...."
Mapuii a rawn khur phei hlak hlak a.Hruaia a rawn kuah a.Hruaia chuan,
" Kan lawm e, Hruaia ka nia, hei hi Mapuii...ka țhiannu a nih hi..."
" A tan thih i huam deuh tho a nih hi... a nui hak a... JOSEPH ka ni e..." a ti a.
A phone ala chhuak a, phone changkang tak a lo ni. Lehlam a hawi a, " DEI GRATIA" a ti zeuh a. Chu thu chu Hruaian a hre hman a,....
A awmze hre lem lo chuan an awm a, mahse Hruaia chuan a hre tlat... A lehkhabu chhiar tawh ah a awm a.
.............
Chu thil thleng chu Mahriatin a ngaihtuah let a, an lawmzia hriat reng nan khan T-Shirt pahnih inang chiah DEI GRATIA tih an siam ta kha a ni a. Khang laite khan A tan khan Hruaia khan thih thleng țhaka insual a huam a ni si. Kha mi zan te khan aw... a hmangaih thu kha lo hrilh se a țha tur...( Tun thleng hian JOSEPH leh Hruaia hi an inbe țhin. An inpui tawn țhin tih a hre lo Mapuii hian, Chapter tir lama Hruaia phone chhan loh chi loh kha JOSEPH hi a ni..)
Mapuii ngaihtuahna ava kal thui tak em!Tunah Hruaia hi beisei ngam tur chi a ni tawh lo! Thinlung inthup, hmangaihna inthup hi ava pawi em! Tlai luat hian pawina a nei si! Mahse RC -a kha nei ta se...! A boral ta si....
Hruaia hi tawng tawh lo law law se a țha tur... mahse nupui ala nei lo. Nupui a neih hma in țanlak a ngai ta.
.......
Nu Sawmi pawh a muhil mai thei lo, a fanu hi Hruaia hian a hawi tawh lo tih kha chetzia leh țawngkam ațangin a hria. A thil tih sual rah a seng mek a ni. Mahse Hruaia hian nupui ala nei lo, a la tlai lovang... Ngaihtuahna thar hman a ngai a ni.
.......
Hruaia pawh zanmu chhin har a ti. A hmangaih Mahriat sakruang a mitthla ah a cham a, a khumah te chuan Mahriati rim chu a la nam chak a. A ta a nih hun tur ava nghakhlel tak em ! Mapuii a ngaihtuah leh a. DEI GRATIA tih uluk takin ala nei tih a hria. Joseph kha a pui țhin tih a hria angem aw. Hre lovang, a hmel pawh ala hmu ve si lo! Joseph kha a ngaihtuah leh a, kha pa ang kha Mizoramah pakhat chiah a awm.... Sawrkar in an rawih tak hnu te angaihtuah kual a....A rilru avak thui kher mai...
Mahriati bawkin a rilru a luah leh țhin!
Tin, Nu Kimi ngenna a bawhchhiat teuh zia kha aw...a nui sak a...
A phone a rawn khur cher cher a.Mahriati a lo ni a.
" Ka hmangaih che.... I kawr tal hi ka mutpui dawn aw...".
A rawn ri leh a,
" I hming hi ka thinlungah a awm reng tawh a, a awmzel ang, ka ring che a, ka ring reng ang che..
" tih alo ni leh a.Hruaia chuan a type ve ta a.....
Comments
Post a Comment