To Sir....With Love Episode-19
TO SIR.....WITH LOVE
( M.Lusei Palian)
.........XIX........
Nu Kimi hi Sailo nufing ngang hi a ni a, Hruaia hi afala biak a duh tlat a ni. A fanu hmakhua angai ve thova, țanlak a ngai ve tho. A fanu hi amah hian a inhai kaw zo dawn lo tih hi a hrechiang a ni. Dr.Mapuii leh a nu in țan an rawn la thar tih a hria a, thu hlui leh thildang hmangin Hruaia hi an kuai peng anga, a fanu thinlung a hliam ang tih a hlau ve tho a ni. Engtiangin nge an chet ang tih hre lo mahse, an theihtawpin țan an la dawn tih hi a chhuichhuak ve pha tlat a, Hruaia hi a biak ngei angai tlat a ni.
......
Ngurtea te țhian ho pawh Hruaia In luah an thleng thla chu an thawveng huai a. Zirlai thawven hunlai tih takah an ri hluai a. Hruaia inchhung lo phuisui viau te, an han hawi kual a, Music instrument chi hrang hrangte, Air Rifle lo intung țhat te chuan an mit ala hle a. A lehkhabu dahkhawmna a hmuh chuan an phu zawk thei hial a. Lehkhabu a ngahzia leh a inchhiar nasat tur zia an han hmuh chuan an hlim hle a, anmahni pui tur hi mi namai a ni lo tih an hrechiang lehzual a ni. The Adventure of Sherlock Holmes a bu kima lo in tlar țhat te, Robin Hood, Robinson Crusoe te, Les Miserable, Lost Horizon etc...lo intlar tuar chuan an mit ava la em! Sudden bu kim chuan Ngurtea mit a la bik hle a, Commanche, Dusty etc a en chuan alung hi a tileng vei riau a. Mizo Encyclopedia tih bu alo inchhawp tel kher zawng mak an ti takzet a ni.An han inthlir kual zawh hnu chuan an survey dan tur an sawi ho țan ta a. Hruaia chuan a awlsam dan a sawi char char a. A draft sak vek a. Ngurtea leh a țhiante chuan an ngaithla uluk hle... Lecturer thiam tak ai pawhin a thiam zawk a ni. A ni renga, a hnehsawh kher em tak a ni.
Kawngka pawh kik lemlo chuan Mahriati arawn lut a. A hmel chu a thar sar mai a Lasi ni mai awm a,mawi a ni. A sam rawn thlah chuan a tilang nu hnap mai a. Hruaia chuan alo melh zeuh a, Mahriati'n khawdang a hawi hmak a. Ngurtea chuan awmze nei fe hian alo siai zeuh a. Mahriati chuan alo chhiahkhum ringawt. Hmeichhe dan a ni ve alawm!
Ngurtea," Bawihi, thingpui lo lum la"
" Ninawm in in zawh chiah kha...." alo ti ve thunga.
" Keiman ka va lum ang e, lo țhu r'u...E coffee in zawk ang u hmiang" tih leh thawh a rual nghal a. Mahriati chu atau tih a hre tlat a ni.
" U Hruai, a ngai lo, Bawihi hian lum rawh se...inzir hi a mamawh" awmze nei fe hian a ti tlat a!
Ngurtea țhianpa Davida chuan, " Thingpui lum tura lo chhuk na na na lum duh loh te chu a....nula te chu chet zung zung tur" nui chung chuan alo ti a.
An chawlh lai a ni a, an zo khat deuh bawk a, an ti ti chhunzawm ta a. Ngurtea țhianpa Sanga chuan Hruaia lehkhabu ho chu dinchilh meuhin a thlir vang vang a.
" U Hruai, Sherlock Holmes hi i nei kim vek elo...?"
" Aw .... kim ang"
" Lehkhabu hi i va ngah em em ve, i chhiar kim vek tawh tihna em ni?"
" Hunawl hman nan leh mut theih loh chang hian ka chhiar țhin a. Chhiar kim deuh vek...."
" I hiau... Count of Monte Cristo hi an sawi teh chawk a, U Hruai, a ngaihnawm viau em, la chhiar ve tur a ni" Sanga chuan a ti a.
" Ngaihnawm khawp mai...vawi 20 vel chu ka chhiar in ka hria.." Hruaia'n a tih chuan an chek tlak tlak a.
Ngurtea," Kei Sudden hi ngaihnawm ka ti ber mai !Nghah hram hram peihna te hi aw....Sherlock Holmes nen hian a inzul thuak in ka hria" alo ti ve thung a.
Sanga," E khai khai! A inang em ni? The Valley of fear hi chhiar teh...i ngaih dan a dang zar mai ang.." a lo ti let ve thung a.
Pawn lamah chuan ruah a tla cherh cherh a. Boruak a nuam tawk hle a ni. Hruaia Coffee siam a tum a, Mahriati a rawn phei vat a.Kil khata ngawi renga lo țhut chu a ning ve deuh tlat! Lehkhabu lam hlir an sawi lehnghal a!
" Ka lo siam ang" ava ti a.
Ngurtea chuan, " U Hruai, siam tir teh, la ti ti ang u. Engkim awmna pawh a hrevek tawh lawm ni?" Mahriati melh chuan awmze nei fe chuan a ti a. A u Ngurliana misuala hi ava ngei tak em! Ngurtea țhiante erawh zawngin an hrethiam chiah chuang lo va!
Davida chuan țingțang chu ala," Perh mai mai iphal em?"
" E ....phal tehreng e"
Davida chuan an perh a, alo thiam kher tak a. Joe Satriani 'Always with me' a tum raih raih a. Chu music erawh chu Mahriati chuan a hre ve tlat! A thiam ve ngang mai, an ngawi țhap a. Mahriati chuan coffee chu a rawn sem a, an ngawi ta rih a. A coffee ve tur chu fal deuh nalh a țhu chuan a in a.
Davida, " U Hruai, i zai ngai em?" a rawn ti thut a.
Hruaia chuan a phawk a chhuah a," Umnn Vai hla hi ka sa mai zel a! ( A nui a) thluk dik a awl a, tin lam sual deuh nawk nawk mah ila, a hrethiam an tlem deuh a" nui chung chuan a ti a.
Ngurtea chuan, " U Hruai, vai țawng(Hindi) i thiam em ni, saw vai lehkhabu pawh i nei nual mai" alo ti a
" Bo lohna tawk velin aw.... LH Hindi School ah ka kal ve țhin a, college ka kal lai khan " a ti a.
Davida chuan," A țhat hlauh chu Vai hla nalh i tih ber pakhat tal min han sak sak teh . Kei pawh vai hla hi nalh ka ti, a ril tlat( an lo nui a), Kei pawh LH ah khuan Spoken class ka kal ve asin " a lo ti thuai a.
" Ni e, ( an vai chuan...) in bawlna a ni lo aw" thutak fe chuan an ti a.
Davida chuan Hruaia chu țingțang a rawn hmehbel nghal a....alo țang ve nasa viau a.
" E khai aw! Miin kelbe emaw min lo tihsak ange....ka zai thiam loh chuan inbeng in lo hup dawn nia.." a ti a an nui ho ham ham a.
Hruaia chuan * Pyaar kiya to darna kya* tih film hla ...Oh Oh Jane Jana.. tih chu uluk fe chuan a sa ta mai a. A sa thiam kher mai. Bangalore University a azuk kal lai pawh khan vawikhat khawlaiah a sa a. Vai hovin thiam an ti hle a, an thlir in an lo ngaithla țhap nghe nghe a ni. A hla thu lam țhenkhatah chuan Mahriati ava melh leh zeuh țhin. Mahriati pawhin chu hla chu a hre ve tlat! U Hruaia hian hmanah asa tawh. Mut hmun ațangin alo ngaithla tawh a ni.
A sak zo chiah chuan Davida chuan, " Karan Nawani...unplugged aiin i thiam zawk " a ti a. A phone ala chhuak a, You tube ah Karan Nawani a sak chu an ngaithla tlang a. An sa thiam dun em a ni.
Ti ti hrang hrang an vawrh a, Hruaia chuan a hrezau hle a, mahse hreber angin alang miah lo... chu chu an ngaihsanna a ni. Haw chhoh an tum lai tak chuan Nu kimi a rawn lut hlawl a.
" In zo tawh em ni? Vaihla te sa nawk nawk a ka hriat ni?"
Sanga, " Aw zo tawh, kan lo chho dawn chiah a ni, zing ațangin mi ina luh zak zak kan ngai thung" alo ti a.
Davida'n," Zai kan zir pah a, U Hruaia hian thiamloh a neih ka ring lo.... Chinese țawng pawh a thiam ka ring..." thutak fe chuan a ti a.
" In zo tawh maw! In U Hruaia chuan a thiam ngut a maw?"
Ngurtea chuan," Thiam tehreng e, min lo ko dawn em ni?"
" Dawn lem lo, in zawh tho chuan lo han chho ula, Bawihi nen kan rawn chho ang, I pa Zika khian kawm che u a tum a, khi a la tui ngang mai " awmze nei taka a sawi a ni.
"Aw le" an ti a, an lehkhabu leh an paper te chu an khung a, an chho ta a. Chhuah pah chuan, " E ruah a tla a nih hi..." an ti zui a.
An liam fel hnu chuan Nu kimi a rawn țawng chhuak a, " Hruaia, Dr.Mapuii hi pasal nei tawh ang khan i sawi si a. Mi hian nula an la ti a.... eng nge a awmzia le" a ti chang fak a.
Hruaia pawh a buai ve nak tho...
" Nia....a pasal tur kha ....an inneih hma in accident in a boral a ni awm e...kei pawn nichin tlai zanriah ka va ei khan ka hre ve chiah a...."
A sawi dik , a hriatna ala rei bik miah lo a sin! Pasal nei tawh ah a ngai ve tho.
An pathum chuan an ngawi vang vang a. Mahriati chuan a țhi alo khawih leh niap niap a,
" A nih leh.... Hruaia Bawihi hi i ngaina em?" Ati ta thut a.
Hruaia pawhin rilru sawi hun a ni tih a hria a. Zah sawi theih a ni lo. A rilru puanchhuahna hun a ni ve tlat..
" Nu kim, ngaina tih hian a hrilhfiah pha kher lovang..... (a ngawi deuh a..) ka hun kal tawh chu ka hun kal tawh ni se,... rilru thlak mai mai chi ka ni lo.... ka awm a, ka dam ve chhung hi chuan Mahriati nat hi ka phal ngai lovang...."
Mahriati'n a nu in chutiang a rawn sawi mai chu a zak lutuk chu a sen awp awp a, a hmel a ti țha zual sawt a. Choka lamah a phei a, thleng te chu alo rem țha ringawt a. A lai lutuk a ni. Rinsangi ni ta se engtin nge a awm ang le....tih te a ngaihtuah a... a hlim viau lawi a..." a nat hi ka phal ngai lovang...Sir ...oh U Hruaia hian a nat aphal tak tak a ring lo.....A hmangaih a ni.
" Hruaia, Bawihi hi i ngaina tih ka hria a, ka mi rin zawng tak i ni a, mahse ala naupang chhe em a.....ramri lo pelh pui lo hram rawh aw....thianghlim takin awm tum hram hram ang che u aw... mi pangngai thluak fim zawk i ni a, kei leh ipa Hmaa hian kan ring em dm che a ni...."
Nu fingin ngenna ril tak thinlunga ațanga ri chhuak a sawi a ni.
" Tin, Hruai, kan Doctor hi pawh lutuk lo la, Bawihj hrehawm loh nan tih hi ka ngen tel hram duh che a nia..." an ti lehnghal a..... thupek a ni mah mah zawk.
" Ni e, Nu Kim,min ringa ka lawm e. Ka lawm tak tak a ni, Mahriati hi ramri ka pelh pui lovang, a hun a thlen hma chuan ka nghak ang....
Ni e Mapuii te saw maw ...kei pawh ka duh aiin min nel a...ka theihtawpin ka hnar ve a nia
.." a sawi dik ve thlap.
" Kar tharah maw Aizawl kha chhuk i tum kha?"
" Aw .... ka tum ai hma in ka chhuk ang ....School lehkha pawimawh ka buaipui a ngai dawn a. ".
Nu kimi phone alo ri a..." Hello.... aw..ka lo chho ..." ading hluai a.Pawn lamah ruah a sur ta buan buan a....
" I pa Hmaa tak hi chu aw...ka chhoh lawk a ngai...Bawihi hi rawn thlah chho mai rawh aw..." a chhuak nghal daih a. He nu zet hi zawng thil hi ava han rem thiam tak em!
" Ka Choka ah khan i awm reng dawn em ni... Lungrun"
Mahriati hi a nu thusawi te avang khan alai em em a, a chang leh alo ip chawih chawih a. A nu lah chuan ala hawsan zui a! Mahse ala thinrim țun tho....engah nge Dr.Mapuii inah chaw ava ei vel... !
A rawn chhuak phei ta a, lai deuh hian a ding a. Hruaia chu a țhutna ațang chuan a rawn tho thut a, Mahriati mitah tak chuan a en a," Mahriat....ka hmangaih che asin"
Sawi tlai luat hian pawina a nei tih hretu Hruaia chuan Mahriati a en reng a. Mahriati a țawng dawn chiah chuan a hmuiah chuan a fawp ta vawng vawng a. ( Helai a hnuaia thu hi in hrethiam dawn nia) An lei leh lei chu a insual nawk nawk a, thawchham țepin an infawp a. An in thlah chiah chu an thaw dun hlawi hlawi a. An rilru erawh a hlim viau a. Țek a tla phut a, Mahriati chuan Hruaia awm chu apawm bet thlawp a. Ruah lah chu a sur tam telh telh a. Hruaia a insum hlei thei lo. Mahriati chu a pawm nawlh a, a roomah a khum ngeiah chuan a nghat ta a. A fawp leh mawlh mawlh a. A t-shirt a phelh a, Mahriati T- Shirt a phelh dawn chuan....
"IH....sir...." Hruaia chuan a phelh lui a a fawp reng bawk a... a bra thleng chuan a phelh ta...Lalpa leh hetiang em em a mawi hi hmeichhe dang an awm angem le...A naute chaw bawm mawlh te chu pachang nileng thlir tham a......
( Duhtawk rih ang aw! Next ah Joseph Identity a a changtupa a rawn lang hlawl dawn....chuan a hnu zelah Kir zai i rel lawng maw a a changtute an rawn tel ve leh thung ang a.....a ngaihnawm chho telh telh dawn e)
( M.Lusei Palian)
.........XIX........
Nu Kimi hi Sailo nufing ngang hi a ni a, Hruaia hi afala biak a duh tlat a ni. A fanu hmakhua angai ve thova, țanlak a ngai ve tho. A fanu hi amah hian a inhai kaw zo dawn lo tih hi a hrechiang a ni. Dr.Mapuii leh a nu in țan an rawn la thar tih a hria a, thu hlui leh thildang hmangin Hruaia hi an kuai peng anga, a fanu thinlung a hliam ang tih a hlau ve tho a ni. Engtiangin nge an chet ang tih hre lo mahse, an theihtawpin țan an la dawn tih hi a chhuichhuak ve pha tlat a, Hruaia hi a biak ngei angai tlat a ni.
......
Ngurtea te țhian ho pawh Hruaia In luah an thleng thla chu an thawveng huai a. Zirlai thawven hunlai tih takah an ri hluai a. Hruaia inchhung lo phuisui viau te, an han hawi kual a, Music instrument chi hrang hrangte, Air Rifle lo intung țhat te chuan an mit ala hle a. A lehkhabu dahkhawmna a hmuh chuan an phu zawk thei hial a. Lehkhabu a ngahzia leh a inchhiar nasat tur zia an han hmuh chuan an hlim hle a, anmahni pui tur hi mi namai a ni lo tih an hrechiang lehzual a ni. The Adventure of Sherlock Holmes a bu kima lo in tlar țhat te, Robin Hood, Robinson Crusoe te, Les Miserable, Lost Horizon etc...lo intlar tuar chuan an mit ava la em! Sudden bu kim chuan Ngurtea mit a la bik hle a, Commanche, Dusty etc a en chuan alung hi a tileng vei riau a. Mizo Encyclopedia tih bu alo inchhawp tel kher zawng mak an ti takzet a ni.An han inthlir kual zawh hnu chuan an survey dan tur an sawi ho țan ta a. Hruaia chuan a awlsam dan a sawi char char a. A draft sak vek a. Ngurtea leh a țhiante chuan an ngaithla uluk hle... Lecturer thiam tak ai pawhin a thiam zawk a ni. A ni renga, a hnehsawh kher em tak a ni.
Kawngka pawh kik lemlo chuan Mahriati arawn lut a. A hmel chu a thar sar mai a Lasi ni mai awm a,mawi a ni. A sam rawn thlah chuan a tilang nu hnap mai a. Hruaia chuan alo melh zeuh a, Mahriati'n khawdang a hawi hmak a. Ngurtea chuan awmze nei fe hian alo siai zeuh a. Mahriati chuan alo chhiahkhum ringawt. Hmeichhe dan a ni ve alawm!
Ngurtea," Bawihi, thingpui lo lum la"
" Ninawm in in zawh chiah kha...." alo ti ve thunga.
" Keiman ka va lum ang e, lo țhu r'u...E coffee in zawk ang u hmiang" tih leh thawh a rual nghal a. Mahriati chu atau tih a hre tlat a ni.
" U Hruai, a ngai lo, Bawihi hian lum rawh se...inzir hi a mamawh" awmze nei fe hian a ti tlat a!
Ngurtea țhianpa Davida chuan, " Thingpui lum tura lo chhuk na na na lum duh loh te chu a....nula te chu chet zung zung tur" nui chung chuan alo ti a.
An chawlh lai a ni a, an zo khat deuh bawk a, an ti ti chhunzawm ta a. Ngurtea țhianpa Sanga chuan Hruaia lehkhabu ho chu dinchilh meuhin a thlir vang vang a.
" U Hruai, Sherlock Holmes hi i nei kim vek elo...?"
" Aw .... kim ang"
" Lehkhabu hi i va ngah em em ve, i chhiar kim vek tawh tihna em ni?"
" Hunawl hman nan leh mut theih loh chang hian ka chhiar țhin a. Chhiar kim deuh vek...."
" I hiau... Count of Monte Cristo hi an sawi teh chawk a, U Hruai, a ngaihnawm viau em, la chhiar ve tur a ni" Sanga chuan a ti a.
" Ngaihnawm khawp mai...vawi 20 vel chu ka chhiar in ka hria.." Hruaia'n a tih chuan an chek tlak tlak a.
Ngurtea," Kei Sudden hi ngaihnawm ka ti ber mai !Nghah hram hram peihna te hi aw....Sherlock Holmes nen hian a inzul thuak in ka hria" alo ti ve thung a.
Sanga," E khai khai! A inang em ni? The Valley of fear hi chhiar teh...i ngaih dan a dang zar mai ang.." a lo ti let ve thung a.
Pawn lamah chuan ruah a tla cherh cherh a. Boruak a nuam tawk hle a ni. Hruaia Coffee siam a tum a, Mahriati a rawn phei vat a.Kil khata ngawi renga lo țhut chu a ning ve deuh tlat! Lehkhabu lam hlir an sawi lehnghal a!
" Ka lo siam ang" ava ti a.
Ngurtea chuan, " U Hruai, siam tir teh, la ti ti ang u. Engkim awmna pawh a hrevek tawh lawm ni?" Mahriati melh chuan awmze nei fe chuan a ti a. A u Ngurliana misuala hi ava ngei tak em! Ngurtea țhiante erawh zawngin an hrethiam chiah chuang lo va!
Davida chuan țingțang chu ala," Perh mai mai iphal em?"
" E ....phal tehreng e"
Davida chuan an perh a, alo thiam kher tak a. Joe Satriani 'Always with me' a tum raih raih a. Chu music erawh chu Mahriati chuan a hre ve tlat! A thiam ve ngang mai, an ngawi țhap a. Mahriati chuan coffee chu a rawn sem a, an ngawi ta rih a. A coffee ve tur chu fal deuh nalh a țhu chuan a in a.
Davida, " U Hruai, i zai ngai em?" a rawn ti thut a.
Hruaia chuan a phawk a chhuah a," Umnn Vai hla hi ka sa mai zel a! ( A nui a) thluk dik a awl a, tin lam sual deuh nawk nawk mah ila, a hrethiam an tlem deuh a" nui chung chuan a ti a.
Ngurtea chuan, " U Hruai, vai țawng(Hindi) i thiam em ni, saw vai lehkhabu pawh i nei nual mai" alo ti a
" Bo lohna tawk velin aw.... LH Hindi School ah ka kal ve țhin a, college ka kal lai khan " a ti a.
Davida chuan," A țhat hlauh chu Vai hla nalh i tih ber pakhat tal min han sak sak teh . Kei pawh vai hla hi nalh ka ti, a ril tlat( an lo nui a), Kei pawh LH ah khuan Spoken class ka kal ve asin " a lo ti thuai a.
" Ni e, ( an vai chuan...) in bawlna a ni lo aw" thutak fe chuan an ti a.
Davida chuan Hruaia chu țingțang a rawn hmehbel nghal a....alo țang ve nasa viau a.
" E khai aw! Miin kelbe emaw min lo tihsak ange....ka zai thiam loh chuan inbeng in lo hup dawn nia.." a ti a an nui ho ham ham a.
Hruaia chuan * Pyaar kiya to darna kya* tih film hla ...Oh Oh Jane Jana.. tih chu uluk fe chuan a sa ta mai a. A sa thiam kher mai. Bangalore University a azuk kal lai pawh khan vawikhat khawlaiah a sa a. Vai hovin thiam an ti hle a, an thlir in an lo ngaithla țhap nghe nghe a ni. A hla thu lam țhenkhatah chuan Mahriati ava melh leh zeuh țhin. Mahriati pawhin chu hla chu a hre ve tlat! U Hruaia hian hmanah asa tawh. Mut hmun ațangin alo ngaithla tawh a ni.
A sak zo chiah chuan Davida chuan, " Karan Nawani...unplugged aiin i thiam zawk " a ti a. A phone ala chhuak a, You tube ah Karan Nawani a sak chu an ngaithla tlang a. An sa thiam dun em a ni.
Ti ti hrang hrang an vawrh a, Hruaia chuan a hrezau hle a, mahse hreber angin alang miah lo... chu chu an ngaihsanna a ni. Haw chhoh an tum lai tak chuan Nu kimi a rawn lut hlawl a.
" In zo tawh em ni? Vaihla te sa nawk nawk a ka hriat ni?"
Sanga, " Aw zo tawh, kan lo chho dawn chiah a ni, zing ațangin mi ina luh zak zak kan ngai thung" alo ti a.
Davida'n," Zai kan zir pah a, U Hruaia hian thiamloh a neih ka ring lo.... Chinese țawng pawh a thiam ka ring..." thutak fe chuan a ti a.
" In zo tawh maw! In U Hruaia chuan a thiam ngut a maw?"
Ngurtea chuan," Thiam tehreng e, min lo ko dawn em ni?"
" Dawn lem lo, in zawh tho chuan lo han chho ula, Bawihi nen kan rawn chho ang, I pa Zika khian kawm che u a tum a, khi a la tui ngang mai " awmze nei taka a sawi a ni.
"Aw le" an ti a, an lehkhabu leh an paper te chu an khung a, an chho ta a. Chhuah pah chuan, " E ruah a tla a nih hi..." an ti zui a.
An liam fel hnu chuan Nu kimi a rawn țawng chhuak a, " Hruaia, Dr.Mapuii hi pasal nei tawh ang khan i sawi si a. Mi hian nula an la ti a.... eng nge a awmzia le" a ti chang fak a.
Hruaia pawh a buai ve nak tho...
" Nia....a pasal tur kha ....an inneih hma in accident in a boral a ni awm e...kei pawn nichin tlai zanriah ka va ei khan ka hre ve chiah a...."
A sawi dik , a hriatna ala rei bik miah lo a sin! Pasal nei tawh ah a ngai ve tho.
An pathum chuan an ngawi vang vang a. Mahriati chuan a țhi alo khawih leh niap niap a,
" A nih leh.... Hruaia Bawihi hi i ngaina em?" Ati ta thut a.
Hruaia pawhin rilru sawi hun a ni tih a hria a. Zah sawi theih a ni lo. A rilru puanchhuahna hun a ni ve tlat..
" Nu kim, ngaina tih hian a hrilhfiah pha kher lovang..... (a ngawi deuh a..) ka hun kal tawh chu ka hun kal tawh ni se,... rilru thlak mai mai chi ka ni lo.... ka awm a, ka dam ve chhung hi chuan Mahriati nat hi ka phal ngai lovang...."
Mahriati'n a nu in chutiang a rawn sawi mai chu a zak lutuk chu a sen awp awp a, a hmel a ti țha zual sawt a. Choka lamah a phei a, thleng te chu alo rem țha ringawt a. A lai lutuk a ni. Rinsangi ni ta se engtin nge a awm ang le....tih te a ngaihtuah a... a hlim viau lawi a..." a nat hi ka phal ngai lovang...Sir ...oh U Hruaia hian a nat aphal tak tak a ring lo.....A hmangaih a ni.
" Hruaia, Bawihi hi i ngaina tih ka hria a, ka mi rin zawng tak i ni a, mahse ala naupang chhe em a.....ramri lo pelh pui lo hram rawh aw....thianghlim takin awm tum hram hram ang che u aw... mi pangngai thluak fim zawk i ni a, kei leh ipa Hmaa hian kan ring em dm che a ni...."
Nu fingin ngenna ril tak thinlunga ațanga ri chhuak a sawi a ni.
" Tin, Hruai, kan Doctor hi pawh lutuk lo la, Bawihj hrehawm loh nan tih hi ka ngen tel hram duh che a nia..." an ti lehnghal a..... thupek a ni mah mah zawk.
" Ni e, Nu Kim,min ringa ka lawm e. Ka lawm tak tak a ni, Mahriati hi ramri ka pelh pui lovang, a hun a thlen hma chuan ka nghak ang....
Ni e Mapuii te saw maw ...kei pawh ka duh aiin min nel a...ka theihtawpin ka hnar ve a nia
.." a sawi dik ve thlap.
" Kar tharah maw Aizawl kha chhuk i tum kha?"
" Aw .... ka tum ai hma in ka chhuk ang ....School lehkha pawimawh ka buaipui a ngai dawn a. ".
Nu kimi phone alo ri a..." Hello.... aw..ka lo chho ..." ading hluai a.Pawn lamah ruah a sur ta buan buan a....
" I pa Hmaa tak hi chu aw...ka chhoh lawk a ngai...Bawihi hi rawn thlah chho mai rawh aw..." a chhuak nghal daih a. He nu zet hi zawng thil hi ava han rem thiam tak em!
" Ka Choka ah khan i awm reng dawn em ni... Lungrun"
Mahriati hi a nu thusawi te avang khan alai em em a, a chang leh alo ip chawih chawih a. A nu lah chuan ala hawsan zui a! Mahse ala thinrim țun tho....engah nge Dr.Mapuii inah chaw ava ei vel... !
A rawn chhuak phei ta a, lai deuh hian a ding a. Hruaia chu a țhutna ațang chuan a rawn tho thut a, Mahriati mitah tak chuan a en a," Mahriat....ka hmangaih che asin"
Sawi tlai luat hian pawina a nei tih hretu Hruaia chuan Mahriati a en reng a. Mahriati a țawng dawn chiah chuan a hmuiah chuan a fawp ta vawng vawng a. ( Helai a hnuaia thu hi in hrethiam dawn nia) An lei leh lei chu a insual nawk nawk a, thawchham țepin an infawp a. An in thlah chiah chu an thaw dun hlawi hlawi a. An rilru erawh a hlim viau a. Țek a tla phut a, Mahriati chuan Hruaia awm chu apawm bet thlawp a. Ruah lah chu a sur tam telh telh a. Hruaia a insum hlei thei lo. Mahriati chu a pawm nawlh a, a roomah a khum ngeiah chuan a nghat ta a. A fawp leh mawlh mawlh a. A t-shirt a phelh a, Mahriati T- Shirt a phelh dawn chuan....
"IH....sir...." Hruaia chuan a phelh lui a a fawp reng bawk a... a bra thleng chuan a phelh ta...Lalpa leh hetiang em em a mawi hi hmeichhe dang an awm angem le...A naute chaw bawm mawlh te chu pachang nileng thlir tham a......
( Duhtawk rih ang aw! Next ah Joseph Identity a a changtupa a rawn lang hlawl dawn....chuan a hnu zelah Kir zai i rel lawng maw a a changtute an rawn tel ve leh thung ang a.....a ngaihnawm chho telh telh dawn e)
Comments
Post a Comment