To Sir.....With Love Episode 17&18
TO SIR .......WITH LOVE*
(M.Lusei Palian)
*.........(XVII & XVIII)......*
( Chhiartu duhtak te u, a tawi țhin in ti a, a dik khawp mai! Ka rawn tithui hret hret zel a. Mahse phone a type a nih avang hian a thui em em thei țhin lo a ni. Keia kutchhuak mai mai hi min hlutsak a, ka lawm hle a ni. Hemi dawta mi tur *Kir zai i rel long maw* tih hi inchhiar hunah chuan khawdang hawi lovin in bih ngar ngar a. A mood a inchen veng veng ka ring.!.. Lo chang ngei ang che.
M.Lusei Palian)
An inneih hma karin a boral maw!? Accident vangin maw! Ava lo mak ngai ve.... Khuanu ruat thil kal dan chu ava mak ve le...
Hruaia hian Mahriati hi nuthlawi emaw a ti asin! A chanchin kha a ngaihven sak tawh miah lo hrim hrim bawk atin ni...! Mahse a demawm miah loh, tu'n nge dem thei bik ang. Hruaia pawh chu a țhu ngawi vang vang a, han sawi mai tur a haihchham ve em a ni. Mapuii chu room-a va luhchilh a, va thlem chu a mawi viauin hre mahse duhai thui akal a hlau ve tho a. Va thlem chu a duh ting lo a ni! Tuibur hmuamda awm velah chuan Nu Sawmi chu a rawn haw ta a. Hruaia chuan rawn haw har a ti khawp a! A hrilhhai hman lek lek a ni.
" E....Hruaia, khaw nge Mapuii?"
" Room-ah khan a awm"
" Mapui, chawhmeh tihlum a va hun tawh ve le..." an boruak chu ala hre miah lo!
Mapuii rawn chhuak chuan towel a awrh a, Bath room chu apan ding nghal a! Mak tih hmel fe in Nu Sawmi chuan a lo thlir heu a...a fanu awm dan hi a dik miah lo tih a hre thiam țan ta! A hrethiam ta ngei mai! A thangkam a per fuh lo a ni, engtia hmalak leh chi nge ni ta! Hruaia lah chu ngaihtuah muk tih hriat tak hian a țhu bawk si... Boruak thlak a ngai tih a hria! A hre takzet,chuti a nih loh chuan an boruak hi a ipik dawn lutuk a ni.
" Hruaia, nang i rilțam viau tawh em? Chawhmeh ka lo va ti lum a nge. Mapui, chaw ei i hnaih ang u hmiang..." a ti lang lang a.
Mapuii chu a rawn chhuak ve chiah bawk a, a la ţawng miah lo, room-ah a lut tlang nghal a. Rei lo teah a rawn chhuak a, a hmai chu fai takin a phih a, phih fai viau mahse mittui aseng hnem tih chu a bula mite pahnih chuan an hai miah lo! Thup theih ni miau hek lo le....
" Mapui, engti zia nge ni a, Hruaia hian alo hau che em ni?" Ngaih țha lo fea Hruaia melh pah chuan a ti a.
" Hau lo.... ve...! Ka mitah thil a lut alawm maw le...ka țha e, chawhmeh chu i tilum em ni? Hei Mr.Renthlei hi a hmanhmawh viau tawh ang, nghakhlel taka thlirtu an awm a nia, a phone pawh a ri sek tawh a nia" ngeiawm leh awmze nei fe chuan a ti a!
Hruaia chuan, " Hmanhmawh lutuk hran lo ve,"
A ti tak naa, chaw ei lova haw mai pawh a duh rum rum kha a ni.
Nu Siami chu a ner nung nghal a, " E...heu..zanin chu i leng rih anga, kan titi ho ang chu ka lo ti asin, a tu chuan nge maw lo nghakhlel em em mai che le..." a aw chu a ngeiawm hliah hliah in a hriat a.
Mapuiin chuan chokaah chaw ei asiam a, tunhma angreng kha ala ni, ala che zei thlarh mai... Hmanah te kha chuan Hruaia nen khan artui an inkan siak țhin kha a nia... A T-Shirt hak mawlh chu aw... T-Shirt var a hma a DEI GRATIA tih inziak kha a ni. Hruaia ngaihtuahna chu a ngaihtuahna ah acheng veng veng.....
Hruaia chuan, "Ni e Pi Sawm , University zirlai ten Survey an rawn nei dawn a, kei ve mai mai hi ka puihna an mamawh ve alawm maw le.... chuvang zawk chu a ni..."
" A nih chu maw le! A hrim hrim thu in Mapuii hi lo tlawh deuh reng la, Hmeichhe pahnih an ni si a, thlamuanpui turin lo awm țhin rawh aw... hei Mapuii hi a lo vui viau asin..."
Nu Sawmin a fanu in thil tamtak a sawi ang tih ring ranin chu thu chu a sawi a ni.
" Ni e Pi Sawm, hei hetah a awm tih ka hriatna ala rei lo em a ni, ... tehreng mai ka lo tum dawn nia..."
" Hmana Nu Sawm tia min koh ang khan Nu Sawm ti zel in min ko la....mihrang ang hrim a Pi Sawm in tih te chu a ni lo deuh lo maw Hruaia..."
" Lo phei r'u hei chaw ei ka siam zo a nia" Mapuii chuan a rawn ti a. Chaw eitur chuan an phei ta a. A țhut fel chuan Nu Sawmi chu a țawngțai thlap a, aw ava han chham kim thiam tak tehreng tak em! Nu naran chu a ni lo reng a ni. A fanu tan leh Hruaia tan an dil mai chu naktuk maia innei tur ang mai hian zuk ngaih theih hial a!
An han ei țan chiah a, Sangha lu chu Mapuii chuan Hruaia thlengah chuan a suahsak nghal hmiah a... Hruaia hian Sangha lu a duh tih hi a hrechiang em a ni!
"E hems... iau...khati bik tur em ni? A lu te chu upa sa a ni ngai asin " nui chung chuan Nu Sawmi chuan a ti a. An nui ho ta a. Tlem chuan boruak pawh a zia țan ta deuh a!
" Engtikah nge Hruaia i In-ah kan ei ve ang.."
" E...in duh hun hunah a ni mai...! Mahse ka buai ve khawp a, rawngbawltu ka nei lo nen....."
" E.... Eirawngbawl tur te chu hei an awm alawm..."
Nu Sawmi hian a ruahman ang leh a awlsam zawngin thil a kal lo tih a hrechiang hle a! Hma lak dan tur thar a ngaihtuah a ngai ta! A ngaihtuah chhuah ngei a ngai tih a hria.
" Ka nu, ei rawngbawl sak tur chu a nei țha viau ang..." awmze nei fe a Hruaia melh pah chuan a ti a. Hruaia chu a tho nalh a,
" Ka puar hle mai, sangha ei hi chuan duhaitam ka ei leh țhin " a ti a.
" Khai aw! Hruaia, kan ei dawn țan chauh alawm le...Mapuii khan a khawng deuh che nge? A rap deuh che em ni".... a nui a.
Mapuii chuan tunhmaa ngen ngawl tak mitmeng chu a la paih lo, Hruaia melh leh pah chuan,
" Ka nu, ei nawnna tur a nei mai thei asin...." Ta deuh kher chuan aw..
.......
Mahriati School bang chuan a U Ngurtea a hmuh chuan alawm in a hlim hle a, inchhang bung chiah an ni nen, an in ngaina em em a ni..
" A U...."
Ngurtea chuan a pawm nawlh a, a vir kual pui a...
" Ka naute, Bawihi iva lian tawh ve.... i rit ta hle mai...tah belh te..."
" Lalngurlian....mi sualpa...! Eng nge min lo hawn .... mawh..."
" E.... Bawihi, Keimah hi..."
" Hmnmm.... thil min lo hawn rawh ka tih kha..." a aw chu a pangchang aw raih a...a tau a! Ngurtea nuih za lutuk chu a insum zo lova, a nui chhuak a. A nau hi alo va lianin alo va nula tawh em! Pathlawi bum rual zet a ni tawh a nih hi...
" Bawihi, kei aia hlu an awm em ni? " a thil hawn chu a phawrh a, T-Shirt a lo ni a, a lawm hle mai...
" Lal a U misual pa"
" Ka sual em ni... Bawihte ....kei I u aia hlu hi an awm em ni?"
Chutihlai chuan Ngurtea țhian te chu an leng chhuak a.
Nu kimi chuan, " Nang aia hlu an awm mai thei asin! A țhi awrh te kha..." alo ti ta zeuh a.
" I hiau le....Bawihi ... class XII pawh ila passed si lova.... Mahni u te aia hlu an lo awm ta a ni maw.... mahse nang chu tuman an duh lovang che... i naupan lai chanchin ka hrilh anga...."
An nufa thum chuan an nui ho a...
" Ih maw U....Lal A nu in, nang chu college kal lo mai rawh min ti a, " men pur chuan a ti a.
" Enga ti nge ka nu?"
" A....Ngurte kan harsa tawh em a ni, tin e, Bawihi lehzel a awm loh chuan kan khawsa thei nang..."
Ngurtea chuan," Kan khuaah hian College awm ve se aw...! "
" Kei chu College ka kal ve dawn ta lo a nih hi.....
E...Lal a nu, Sir Hruaia'n college i kal chhung chu ka lo chawm mai dawn che em ni, min ti asin..."
Ngurtea, "Iau! E hems....an passed zo lo mai anga(h)"
Nu kimi, " Uai! chutia law? A va țha ve le, inchawm tir teh tak khai..." a nui a.
" Lal... A nu I ....zak lo! I duh leh nangmah in chawmtir la"
" E ....mai maia kei tr chu min chawm duh nang Lungruni ka ni ve si lova..."
" Het...Lal A nu ka phone i en elo?" A sen țan țan a!
" Bawihi i U bik bik chu alo va haw har ve le...han phone mai teh" Ngurtea'n a tih chuan an nufa chuan an in en ha a...an rilru ah thildang a awm tlat!
" Aih ka duh lo..."
" Aw chu in inbe fo a ni lawm ni...Lungrun" an ti ve kher a. A u chuan a bianga piai zeuh pah chuan a ti a.
Nu kimi chuan, " Bawihi phone sak rawh " a ti a. Hreh deuh chuan a phone ta a.
...........
Hruaia chuan hun hi kalmuang a ti hle a, bet lo zet chuan a țhu a. Mahse a kuang pawh awm lova han haw ngawt chu a ni thei si lo! Mapuii te zirlai awmpui chu alo haw a, thleng vel chu a rawn seng ve nghal a.
" Mapui, thingpui hang han lum teh, Hruaia hmanhmawh viau mahla, ila in hman em em ang....a kawm pawh kan la inkawm ve hleinem le"
" Ka nu buk rit zawktu leh nghakhlel em em tu a nei a, a hmanhmawh tawh ang.... mahse kan chhuang tho ang e".
( Sei tak dah ka tum naa, ka type lai hian ka phone a ri zing deuh a, a mood ah ka lut thei lo. Next kan tisei mai dawn nia aw...
..........XVIII........
( Min hlutsaka min chhiarsak tute inchungah hian ka lawmna hi a luangliam a. Dam reng ang che u. Tin, hei kan thawnthu hi a zawh hunah KIR ZAI I REL LO'NG MAW! tih hi dah chho leh kan tum anga, hei zet hi chu khawdang in hawisan phal ka ring lo! Tin, advertisement hi min click sak hram țhin dawn nia....)
" Buk rittu zawk a, Hruaia eng nge a awmzia?"
" A...Nu Sawm, a țawngvai a nih kha. .. lo nei pawh ni ila tu han huat theih em ni ni dawn a..." Hruaia chuan a ti ve leh ngat a.
" Eng tin a .... E..Hruaia chutiang mai mai te chuan in ințhian țhatna a nawtreh thei ngai dawn em ni....? A reng reng thuah ka mi hriatchian leh rin zawng tak i ni a. Hei Mapuii lah heti mai hi a ni a, nunzia leh duhzawng inhre sa in lo ni tawh nen... nunhlui nghilh a ... nunthara bul țan lam te hi rel thei ula.... " Nu fing leh remhria a che leh ta....a sawi zo hman lo..
Mapuii," Ka nu, Hmana Hruaia kha a ni tawh lo..." chuai hnap chuan a rawn ti a....
Mapuii chu a rilru ngaihtuahna thinlung sawi a ni bawk a. A hnuk a ulh tlat! Hruaia hi a hnawl a ni hleinem! A hmangaih ru em em țhin asin! Mahse a sawi bawk si lo. Chutih laiin a nu in MCS val a rawn lentir tlut tlut a. Sawichhuah loh hmangaihna chuan lungngaihna ruamah hnuk lutin thinlung khawkheng a siam ta si a.
Nu sawmi hian rilru fing taka a chet a ring ruk avangin Hruaia pawh hi a inring ru ve ran tho a ni.
" Tin...ih..e ka nu ...Hruaia hian a school naupang hmeichhe pakhat leh MCS nih bak chu a rilruah awm an awm lo.MCS prelims Exam turin karleh hian Aizawlah a chhuk dawn ...He lamah buaipui ngai leh melh nin theih loh a nei a ni mahna..." Hruaia melh ralh chuan Mapuii chuan a ti a.
Nu Sawmi nufing che buai ngai lo pawh chu thu a hriat rual chuan a nghing lawih a. Mit sulh hian a inhria a. A sen țawn țawn a, Hruaia MCS nih a tum chhan hi a hria! A hrechiang ve tho.... A thinlung inchhirna chuan ala nghawng dawn chauh a ni. A fanu duhthlang tura dah lova, a thuhnuaia a dah lutuk avanga a tawrhna leh a lungngaihna hi a hmuh hmaih si lo. Hmuam țun hian a dang ta der a.
Thani chuan thingpui chu a rawn chawi a, a rawn sem a, Mapuii leh a nu chu an țhu dun a. An thinlung ve ve chu ava buai si em! Hruaia hmaah chuan an zak ru chem chem a....
Nu sawmi ala dang mai lo...
" MCS ....a...Hruaia...MCS maw? A chhan a awm ti raw?" A ti leh ngat a.
Hruaia pawh chuan insum leh inthup buai a hun lo tih a hria a, a thingpui chu alem khalh a..
" Aw...awm ve tho mai! Hei Doctor Mapuii hnenah hian a chepa kai in ka lo hrilh tawh a, Nu sawm...engkim a hrilh thei ang che..
"
Hruaia phone chu a rawn khur cher cher a, a la chhuak a, a en nghal a...Mahriati message a lo ni a.
*Chaw ei reipa....! I riak nghal dawn em ni* tih alo ni a.
" Lungrun ka lo haw dawn mek" tiin a reply a.
Mapuii, " Ava pawimawh awm ve...Hruai, min koh dan hi.... Doctor min ti kher suh...Mapui min ti rawh.... Hmana Mapuii tho kha ka la ni asin ..." a ti hnap a..A nu chuan lainat tak hian a hnungah alo chul ringawt a, awmzia erawh a awm lem lo!
" A nih engtik nge chaw kan lo ei ve ang, min sawm ve dasn lom ni?" Nu Sawmi chuan a ti a.
" Ka hre lo le.... karleh lamah chhuk ka tum si...ka lo chhoh leh hunah kan ti mai dawn em ni? "
" A va rei awm ve... tunkar chho chawlhni tlai vel hian tum ve la...kan la sawi țha leh dawn em ni?" a la ti hram a.
" Ni e, Nu Sawm, kan inbe țha dawn nia...hei thingpui kan inzo chiahna a, ka phei a ngai tlat " a ti a. A ding ta hluai a.
" A nih i hmanhmawh tehkher em a, ni e va phei mai teh.... E..Mapui va thlah la.." a la tizui hram a. Awmze nei taka sawi a ni. Mapuii pawh a ding a, Hruaia chu a zui chhuak ve nghal a.
August ( thițin thla ala ni a) ruah chu alo tla cherh cherh a. Sappui thawnthu chu ni se romantic riau hian a lang ang! A tla nasa em em lova..chung ruah tla seng sengte chuan Mapuii thinlung chu a rawn tithar a, lungchhirna leh lunglenna chuan a thinlungah bu khuar tum ni mai hian a hria a!
" Ruah ala tla si a, la leng rih mai la...." Hmangaihna a tihsual tawh vanga hnual deuh beiseina nei si hian Hruaia chu no zet hian a melh leh lawi a.
" Mipa nih chuan ruah leh ral te chu kan do tur alawm pi leh puten an lo tih kha maw! Ka lo damloh phah a nih leh min enkawl hreh loh ka beisei a nia Doctor....awh ...Mapui"
" I tan chuan eng hunah pawh, engtikah pawh.... Enkawl che hi ka chak em em che asin" a lo ti a. Mapuii chuan lawmna tur hmu chiah lo mahse a hlim leh ta deuh a...
" A nih ka phei ange...aw....mang țha le" Bike a tinung a, a seat a hru hul mawlh mawlh a, ...
" Ui viau che mah ila, i tih tlat chuan mut tui le" a ti no hnap a.
Hruaia chuan Bike a khalh a, a tlan ta a, a liam hma chuan arawn hawi let a. Mapuii chuan alo la thlir reng a.
Mapuii rilru erawh a hlim leh ta deuh a! Mahse a hlim rei angem!
.......
Mahriati chuan Bike lo tlan thawm chu a hria a, tu bike nge tih pawh a hrechiang khawp mai! A hai lo, a hai ngai lovang....thleng a sil mek a mahse bike thawm chu a hre kar lawi si...inchhung lam an bengchhen tehreng nen... Bike chu a ri a tawpa a din fel hnu chuan zawn nei fe leh titau deuh nung hian kawngka lam chu a melh a ...
Tu emaw chu ala rawn lut chuang lova...
Kawngka a rawn inkik ta a. Mahriati chuan rawn kik har a ti hle a.
" Lo lut rawh.... E Hruaia..ilo thleng phei ta maw? Eng nge an lo hmehpui che a! I ei puar meuh maw? " Pu Hmaa chuan alo ti thuai a. Anni chuan chaw an lo eikham ve chiah bawk a. Ruatsanga te chhungin chaw an rawn eiphei bawk a, an lo awm nual a.
" E ...puar tehreng e...Sangha ...Dil sangha kan va hmeh alawm maw le"..
Nu kimi chuan, " Hruaia ei nawn leh ta che...hei sa lah ala tam si a, tlem tal bar leh la...".
" Nu kim, ka lawm lutuk e...ka puarin ka fan e" hawi kual ruai chuan a ti a. Mahriati thleng sil zo kut hru mek nen chuan an mit leh mit chu a intawng ta chat a. Mahriati chuan alo melh rum ringawt a....
Pu Hmaa chuan, " Ngurte, hei i țhiante nen khan lo kal teh u le...hei I U Hruaia chu a nih hi...lo inchibai teh u"
An inchibai nak nak a... chutihlai tak chuan Pu Zikpuia alo tei lut hlawl mai a," Eng kan ti nge ni Bawihi pa, mo kan lawm dawn nge kan thlah dawn zawk, hei hmelthar hlir lah zu ni hlawm a!" Mahriati melh pah kher chuan a ti a.
Mahriati chuan an ngei khawp a .... lei ava chhuah khum vak ringawt a.
" E..e..e...Ka nau Ngurte, engtik nge i rawn chhoh a, kha i țha maw? I țhiante em ni zawk a hei..." a ti zui zat a.
Ngurtea chuan, " E...ka pa Zik ...i dam zawk a maw? Kha i hmel ava țha ve le .? Nuthlawi khawhar deuh rim tur i hre leh tawh em?" A ti zui ve zat a.
" E he he! ... kan nauva țawngkam chu le Bawihi pa... ava ril ta ve...nupui neih ngena rawn haw em ni..? tiin Pu Zika chuan a fiam hlut a.
" Nu-i thingpui hang kha han thli la, Pu Zika ho hian kan lo in ange..chuan Ngurte, I U Hruaia thingpui in zawhah in țan mai dawn em ni" Pa Hmaa chuan a ti a.
" Ngurte, Ka Inah zuk buaipui zawk ang u hmiang.."
Pu Zikpuia," Uai ...Bawihi pa englam biahthu nge ni ta a"
" Hei Ngurtea te hi an zirlai thilah an rasn survey dawn a. Hruaia puih an rawn dil a nih ber hi..." tiin a sawi fiah a.
Ngurtea, " Ni e U Hruaia in chu a nuam zawk ang.... mahse Bawihi lo chhuk ve rawh...thil min ziahpui kan ngai țeuh a nia" a tizui a. Mahriati chu a lo lawm rilru veng veng a.
" Kan Ngurtea zawng a u a khum dawn e, a ropui dawn mang e" Pu zika chuan alo ti a. Ruatsanga hian B.A a zawh hma hian nupui a nei a, a nu leh pate hian zir zel se an tih tehreng nen....chu thu mu hnu chu a rawn phuhchhuak leh kher a.
Pu Zika chu Ruatsanga nupui mami chuan a nau hnute pek pah chuan alo melh rum ve em em ringawt a.
" Bawihi ...i pate ho chu thingpui han thlit mai teh... Mahse bawnghnute kha chu sem rual deuh tawh la aw... I U Mama te sa hawn tur hi kan siam a nge" Nu kimi chuan a ti a.
" Lal a nu... bawnghnute....e he...sawi veh ziah suh " sen țawn tawn in alo ti a.
" Aw...tu emaw ta turah i telh tam țhin si a" an nufa hriat tawk lek chuan a ti a.
Thingpui in zawh chuan Hruaia inah chuan sn chhuk dawn a...
" Bawihi...I Ute chu zuk pui rawh....mahse i hmai te kha han tuaifai deuh la.... Thingpui te lo zuk lum la. I u Hruaia kha ka be duh a nia, a hman hunah aw..."
Nu kimi hi chu aw
..Sailo nufing ava ni chiang em....
( Duhtawk leh phawt ang aw...kan la zawm zel dawn nia.)
(M.Lusei Palian)
*.........(XVII & XVIII)......*
( Chhiartu duhtak te u, a tawi țhin in ti a, a dik khawp mai! Ka rawn tithui hret hret zel a. Mahse phone a type a nih avang hian a thui em em thei țhin lo a ni. Keia kutchhuak mai mai hi min hlutsak a, ka lawm hle a ni. Hemi dawta mi tur *Kir zai i rel long maw* tih hi inchhiar hunah chuan khawdang hawi lovin in bih ngar ngar a. A mood a inchen veng veng ka ring.!.. Lo chang ngei ang che.
M.Lusei Palian)
An inneih hma karin a boral maw!? Accident vangin maw! Ava lo mak ngai ve.... Khuanu ruat thil kal dan chu ava mak ve le...
Hruaia hian Mahriati hi nuthlawi emaw a ti asin! A chanchin kha a ngaihven sak tawh miah lo hrim hrim bawk atin ni...! Mahse a demawm miah loh, tu'n nge dem thei bik ang. Hruaia pawh chu a țhu ngawi vang vang a, han sawi mai tur a haihchham ve em a ni. Mapuii chu room-a va luhchilh a, va thlem chu a mawi viauin hre mahse duhai thui akal a hlau ve tho a. Va thlem chu a duh ting lo a ni! Tuibur hmuamda awm velah chuan Nu Sawmi chu a rawn haw ta a. Hruaia chuan rawn haw har a ti khawp a! A hrilhhai hman lek lek a ni.
" E....Hruaia, khaw nge Mapuii?"
" Room-ah khan a awm"
" Mapui, chawhmeh tihlum a va hun tawh ve le..." an boruak chu ala hre miah lo!
Mapuii rawn chhuak chuan towel a awrh a, Bath room chu apan ding nghal a! Mak tih hmel fe in Nu Sawmi chuan a lo thlir heu a...a fanu awm dan hi a dik miah lo tih a hre thiam țan ta! A hrethiam ta ngei mai! A thangkam a per fuh lo a ni, engtia hmalak leh chi nge ni ta! Hruaia lah chu ngaihtuah muk tih hriat tak hian a țhu bawk si... Boruak thlak a ngai tih a hria! A hre takzet,chuti a nih loh chuan an boruak hi a ipik dawn lutuk a ni.
" Hruaia, nang i rilțam viau tawh em? Chawhmeh ka lo va ti lum a nge. Mapui, chaw ei i hnaih ang u hmiang..." a ti lang lang a.
Mapuii chu a rawn chhuak ve chiah bawk a, a la ţawng miah lo, room-ah a lut tlang nghal a. Rei lo teah a rawn chhuak a, a hmai chu fai takin a phih a, phih fai viau mahse mittui aseng hnem tih chu a bula mite pahnih chuan an hai miah lo! Thup theih ni miau hek lo le....
" Mapui, engti zia nge ni a, Hruaia hian alo hau che em ni?" Ngaih țha lo fea Hruaia melh pah chuan a ti a.
" Hau lo.... ve...! Ka mitah thil a lut alawm maw le...ka țha e, chawhmeh chu i tilum em ni? Hei Mr.Renthlei hi a hmanhmawh viau tawh ang, nghakhlel taka thlirtu an awm a nia, a phone pawh a ri sek tawh a nia" ngeiawm leh awmze nei fe chuan a ti a!
Hruaia chuan, " Hmanhmawh lutuk hran lo ve,"
A ti tak naa, chaw ei lova haw mai pawh a duh rum rum kha a ni.
Nu Siami chu a ner nung nghal a, " E...heu..zanin chu i leng rih anga, kan titi ho ang chu ka lo ti asin, a tu chuan nge maw lo nghakhlel em em mai che le..." a aw chu a ngeiawm hliah hliah in a hriat a.
Mapuiin chuan chokaah chaw ei asiam a, tunhma angreng kha ala ni, ala che zei thlarh mai... Hmanah te kha chuan Hruaia nen khan artui an inkan siak țhin kha a nia... A T-Shirt hak mawlh chu aw... T-Shirt var a hma a DEI GRATIA tih inziak kha a ni. Hruaia ngaihtuahna chu a ngaihtuahna ah acheng veng veng.....
Hruaia chuan, "Ni e Pi Sawm , University zirlai ten Survey an rawn nei dawn a, kei ve mai mai hi ka puihna an mamawh ve alawm maw le.... chuvang zawk chu a ni..."
" A nih chu maw le! A hrim hrim thu in Mapuii hi lo tlawh deuh reng la, Hmeichhe pahnih an ni si a, thlamuanpui turin lo awm țhin rawh aw... hei Mapuii hi a lo vui viau asin..."
Nu Sawmin a fanu in thil tamtak a sawi ang tih ring ranin chu thu chu a sawi a ni.
" Ni e Pi Sawm, hei hetah a awm tih ka hriatna ala rei lo em a ni, ... tehreng mai ka lo tum dawn nia..."
" Hmana Nu Sawm tia min koh ang khan Nu Sawm ti zel in min ko la....mihrang ang hrim a Pi Sawm in tih te chu a ni lo deuh lo maw Hruaia..."
" Lo phei r'u hei chaw ei ka siam zo a nia" Mapuii chuan a rawn ti a. Chaw eitur chuan an phei ta a. A țhut fel chuan Nu Sawmi chu a țawngțai thlap a, aw ava han chham kim thiam tak tehreng tak em! Nu naran chu a ni lo reng a ni. A fanu tan leh Hruaia tan an dil mai chu naktuk maia innei tur ang mai hian zuk ngaih theih hial a!
An han ei țan chiah a, Sangha lu chu Mapuii chuan Hruaia thlengah chuan a suahsak nghal hmiah a... Hruaia hian Sangha lu a duh tih hi a hrechiang em a ni!
"E hems... iau...khati bik tur em ni? A lu te chu upa sa a ni ngai asin " nui chung chuan Nu Sawmi chuan a ti a. An nui ho ta a. Tlem chuan boruak pawh a zia țan ta deuh a!
" Engtikah nge Hruaia i In-ah kan ei ve ang.."
" E...in duh hun hunah a ni mai...! Mahse ka buai ve khawp a, rawngbawltu ka nei lo nen....."
" E.... Eirawngbawl tur te chu hei an awm alawm..."
Nu Sawmi hian a ruahman ang leh a awlsam zawngin thil a kal lo tih a hrechiang hle a! Hma lak dan tur thar a ngaihtuah a ngai ta! A ngaihtuah chhuah ngei a ngai tih a hria.
" Ka nu, ei rawngbawl sak tur chu a nei țha viau ang..." awmze nei fe a Hruaia melh pah chuan a ti a. Hruaia chu a tho nalh a,
" Ka puar hle mai, sangha ei hi chuan duhaitam ka ei leh țhin " a ti a.
" Khai aw! Hruaia, kan ei dawn țan chauh alawm le...Mapuii khan a khawng deuh che nge? A rap deuh che em ni".... a nui a.
Mapuii chuan tunhmaa ngen ngawl tak mitmeng chu a la paih lo, Hruaia melh leh pah chuan,
" Ka nu, ei nawnna tur a nei mai thei asin...." Ta deuh kher chuan aw..
.......
Mahriati School bang chuan a U Ngurtea a hmuh chuan alawm in a hlim hle a, inchhang bung chiah an ni nen, an in ngaina em em a ni..
" A U...."
Ngurtea chuan a pawm nawlh a, a vir kual pui a...
" Ka naute, Bawihi iva lian tawh ve.... i rit ta hle mai...tah belh te..."
" Lalngurlian....mi sualpa...! Eng nge min lo hawn .... mawh..."
" E.... Bawihi, Keimah hi..."
" Hmnmm.... thil min lo hawn rawh ka tih kha..." a aw chu a pangchang aw raih a...a tau a! Ngurtea nuih za lutuk chu a insum zo lova, a nui chhuak a. A nau hi alo va lianin alo va nula tawh em! Pathlawi bum rual zet a ni tawh a nih hi...
" Bawihi, kei aia hlu an awm em ni? " a thil hawn chu a phawrh a, T-Shirt a lo ni a, a lawm hle mai...
" Lal a U misual pa"
" Ka sual em ni... Bawihte ....kei I u aia hlu hi an awm em ni?"
Chutihlai chuan Ngurtea țhian te chu an leng chhuak a.
Nu kimi chuan, " Nang aia hlu an awm mai thei asin! A țhi awrh te kha..." alo ti ta zeuh a.
" I hiau le....Bawihi ... class XII pawh ila passed si lova.... Mahni u te aia hlu an lo awm ta a ni maw.... mahse nang chu tuman an duh lovang che... i naupan lai chanchin ka hrilh anga...."
An nufa thum chuan an nui ho a...
" Ih maw U....Lal A nu in, nang chu college kal lo mai rawh min ti a, " men pur chuan a ti a.
" Enga ti nge ka nu?"
" A....Ngurte kan harsa tawh em a ni, tin e, Bawihi lehzel a awm loh chuan kan khawsa thei nang..."
Ngurtea chuan," Kan khuaah hian College awm ve se aw...! "
" Kei chu College ka kal ve dawn ta lo a nih hi.....
E...Lal a nu, Sir Hruaia'n college i kal chhung chu ka lo chawm mai dawn che em ni, min ti asin..."
Ngurtea, "Iau! E hems....an passed zo lo mai anga(h)"
Nu kimi, " Uai! chutia law? A va țha ve le, inchawm tir teh tak khai..." a nui a.
" Lal... A nu I ....zak lo! I duh leh nangmah in chawmtir la"
" E ....mai maia kei tr chu min chawm duh nang Lungruni ka ni ve si lova..."
" Het...Lal A nu ka phone i en elo?" A sen țan țan a!
" Bawihi i U bik bik chu alo va haw har ve le...han phone mai teh" Ngurtea'n a tih chuan an nufa chuan an in en ha a...an rilru ah thildang a awm tlat!
" Aih ka duh lo..."
" Aw chu in inbe fo a ni lawm ni...Lungrun" an ti ve kher a. A u chuan a bianga piai zeuh pah chuan a ti a.
Nu kimi chuan, " Bawihi phone sak rawh " a ti a. Hreh deuh chuan a phone ta a.
...........
Hruaia chuan hun hi kalmuang a ti hle a, bet lo zet chuan a țhu a. Mahse a kuang pawh awm lova han haw ngawt chu a ni thei si lo! Mapuii te zirlai awmpui chu alo haw a, thleng vel chu a rawn seng ve nghal a.
" Mapui, thingpui hang han lum teh, Hruaia hmanhmawh viau mahla, ila in hman em em ang....a kawm pawh kan la inkawm ve hleinem le"
" Ka nu buk rit zawktu leh nghakhlel em em tu a nei a, a hmanhmawh tawh ang.... mahse kan chhuang tho ang e".
( Sei tak dah ka tum naa, ka type lai hian ka phone a ri zing deuh a, a mood ah ka lut thei lo. Next kan tisei mai dawn nia aw...
..........XVIII........
( Min hlutsaka min chhiarsak tute inchungah hian ka lawmna hi a luangliam a. Dam reng ang che u. Tin, hei kan thawnthu hi a zawh hunah KIR ZAI I REL LO'NG MAW! tih hi dah chho leh kan tum anga, hei zet hi chu khawdang in hawisan phal ka ring lo! Tin, advertisement hi min click sak hram țhin dawn nia....)
" Buk rittu zawk a, Hruaia eng nge a awmzia?"
" A...Nu Sawm, a țawngvai a nih kha. .. lo nei pawh ni ila tu han huat theih em ni ni dawn a..." Hruaia chuan a ti ve leh ngat a.
" Eng tin a .... E..Hruaia chutiang mai mai te chuan in ințhian țhatna a nawtreh thei ngai dawn em ni....? A reng reng thuah ka mi hriatchian leh rin zawng tak i ni a. Hei Mapuii lah heti mai hi a ni a, nunzia leh duhzawng inhre sa in lo ni tawh nen... nunhlui nghilh a ... nunthara bul țan lam te hi rel thei ula.... " Nu fing leh remhria a che leh ta....a sawi zo hman lo..
Mapuii," Ka nu, Hmana Hruaia kha a ni tawh lo..." chuai hnap chuan a rawn ti a....
Mapuii chu a rilru ngaihtuahna thinlung sawi a ni bawk a. A hnuk a ulh tlat! Hruaia hi a hnawl a ni hleinem! A hmangaih ru em em țhin asin! Mahse a sawi bawk si lo. Chutih laiin a nu in MCS val a rawn lentir tlut tlut a. Sawichhuah loh hmangaihna chuan lungngaihna ruamah hnuk lutin thinlung khawkheng a siam ta si a.
Nu sawmi hian rilru fing taka a chet a ring ruk avangin Hruaia pawh hi a inring ru ve ran tho a ni.
" Tin...ih..e ka nu ...Hruaia hian a school naupang hmeichhe pakhat leh MCS nih bak chu a rilruah awm an awm lo.MCS prelims Exam turin karleh hian Aizawlah a chhuk dawn ...He lamah buaipui ngai leh melh nin theih loh a nei a ni mahna..." Hruaia melh ralh chuan Mapuii chuan a ti a.
Nu Sawmi nufing che buai ngai lo pawh chu thu a hriat rual chuan a nghing lawih a. Mit sulh hian a inhria a. A sen țawn țawn a, Hruaia MCS nih a tum chhan hi a hria! A hrechiang ve tho.... A thinlung inchhirna chuan ala nghawng dawn chauh a ni. A fanu duhthlang tura dah lova, a thuhnuaia a dah lutuk avanga a tawrhna leh a lungngaihna hi a hmuh hmaih si lo. Hmuam țun hian a dang ta der a.
Thani chuan thingpui chu a rawn chawi a, a rawn sem a, Mapuii leh a nu chu an țhu dun a. An thinlung ve ve chu ava buai si em! Hruaia hmaah chuan an zak ru chem chem a....
Nu sawmi ala dang mai lo...
" MCS ....a...Hruaia...MCS maw? A chhan a awm ti raw?" A ti leh ngat a.
Hruaia pawh chuan insum leh inthup buai a hun lo tih a hria a, a thingpui chu alem khalh a..
" Aw...awm ve tho mai! Hei Doctor Mapuii hnenah hian a chepa kai in ka lo hrilh tawh a, Nu sawm...engkim a hrilh thei ang che..
"
Hruaia phone chu a rawn khur cher cher a, a la chhuak a, a en nghal a...Mahriati message a lo ni a.
*Chaw ei reipa....! I riak nghal dawn em ni* tih alo ni a.
" Lungrun ka lo haw dawn mek" tiin a reply a.
Mapuii, " Ava pawimawh awm ve...Hruai, min koh dan hi.... Doctor min ti kher suh...Mapui min ti rawh.... Hmana Mapuii tho kha ka la ni asin ..." a ti hnap a..A nu chuan lainat tak hian a hnungah alo chul ringawt a, awmzia erawh a awm lem lo!
" A nih engtik nge chaw kan lo ei ve ang, min sawm ve dasn lom ni?" Nu Sawmi chuan a ti a.
" Ka hre lo le.... karleh lamah chhuk ka tum si...ka lo chhoh leh hunah kan ti mai dawn em ni? "
" A va rei awm ve... tunkar chho chawlhni tlai vel hian tum ve la...kan la sawi țha leh dawn em ni?" a la ti hram a.
" Ni e, Nu Sawm, kan inbe țha dawn nia...hei thingpui kan inzo chiahna a, ka phei a ngai tlat " a ti a. A ding ta hluai a.
" A nih i hmanhmawh tehkher em a, ni e va phei mai teh.... E..Mapui va thlah la.." a la tizui hram a. Awmze nei taka sawi a ni. Mapuii pawh a ding a, Hruaia chu a zui chhuak ve nghal a.
August ( thițin thla ala ni a) ruah chu alo tla cherh cherh a. Sappui thawnthu chu ni se romantic riau hian a lang ang! A tla nasa em em lova..chung ruah tla seng sengte chuan Mapuii thinlung chu a rawn tithar a, lungchhirna leh lunglenna chuan a thinlungah bu khuar tum ni mai hian a hria a!
" Ruah ala tla si a, la leng rih mai la...." Hmangaihna a tihsual tawh vanga hnual deuh beiseina nei si hian Hruaia chu no zet hian a melh leh lawi a.
" Mipa nih chuan ruah leh ral te chu kan do tur alawm pi leh puten an lo tih kha maw! Ka lo damloh phah a nih leh min enkawl hreh loh ka beisei a nia Doctor....awh ...Mapui"
" I tan chuan eng hunah pawh, engtikah pawh.... Enkawl che hi ka chak em em che asin" a lo ti a. Mapuii chuan lawmna tur hmu chiah lo mahse a hlim leh ta deuh a...
" A nih ka phei ange...aw....mang țha le" Bike a tinung a, a seat a hru hul mawlh mawlh a, ...
" Ui viau che mah ila, i tih tlat chuan mut tui le" a ti no hnap a.
Hruaia chuan Bike a khalh a, a tlan ta a, a liam hma chuan arawn hawi let a. Mapuii chuan alo la thlir reng a.
Mapuii rilru erawh a hlim leh ta deuh a! Mahse a hlim rei angem!
.......
Mahriati chuan Bike lo tlan thawm chu a hria a, tu bike nge tih pawh a hrechiang khawp mai! A hai lo, a hai ngai lovang....thleng a sil mek a mahse bike thawm chu a hre kar lawi si...inchhung lam an bengchhen tehreng nen... Bike chu a ri a tawpa a din fel hnu chuan zawn nei fe leh titau deuh nung hian kawngka lam chu a melh a ...
Tu emaw chu ala rawn lut chuang lova...
Kawngka a rawn inkik ta a. Mahriati chuan rawn kik har a ti hle a.
" Lo lut rawh.... E Hruaia..ilo thleng phei ta maw? Eng nge an lo hmehpui che a! I ei puar meuh maw? " Pu Hmaa chuan alo ti thuai a. Anni chuan chaw an lo eikham ve chiah bawk a. Ruatsanga te chhungin chaw an rawn eiphei bawk a, an lo awm nual a.
" E ...puar tehreng e...Sangha ...Dil sangha kan va hmeh alawm maw le"..
Nu kimi chuan, " Hruaia ei nawn leh ta che...hei sa lah ala tam si a, tlem tal bar leh la...".
" Nu kim, ka lawm lutuk e...ka puarin ka fan e" hawi kual ruai chuan a ti a. Mahriati thleng sil zo kut hru mek nen chuan an mit leh mit chu a intawng ta chat a. Mahriati chuan alo melh rum ringawt a....
Pu Hmaa chuan, " Ngurte, hei i țhiante nen khan lo kal teh u le...hei I U Hruaia chu a nih hi...lo inchibai teh u"
An inchibai nak nak a... chutihlai tak chuan Pu Zikpuia alo tei lut hlawl mai a," Eng kan ti nge ni Bawihi pa, mo kan lawm dawn nge kan thlah dawn zawk, hei hmelthar hlir lah zu ni hlawm a!" Mahriati melh pah kher chuan a ti a.
Mahriati chuan an ngei khawp a .... lei ava chhuah khum vak ringawt a.
" E..e..e...Ka nau Ngurte, engtik nge i rawn chhoh a, kha i țha maw? I țhiante em ni zawk a hei..." a ti zui zat a.
Ngurtea chuan, " E...ka pa Zik ...i dam zawk a maw? Kha i hmel ava țha ve le .? Nuthlawi khawhar deuh rim tur i hre leh tawh em?" A ti zui ve zat a.
" E he he! ... kan nauva țawngkam chu le Bawihi pa... ava ril ta ve...nupui neih ngena rawn haw em ni..? tiin Pu Zika chuan a fiam hlut a.
" Nu-i thingpui hang kha han thli la, Pu Zika ho hian kan lo in ange..chuan Ngurte, I U Hruaia thingpui in zawhah in țan mai dawn em ni" Pa Hmaa chuan a ti a.
" Ngurte, Ka Inah zuk buaipui zawk ang u hmiang.."
Pu Zikpuia," Uai ...Bawihi pa englam biahthu nge ni ta a"
" Hei Ngurtea te hi an zirlai thilah an rasn survey dawn a. Hruaia puih an rawn dil a nih ber hi..." tiin a sawi fiah a.
Ngurtea, " Ni e U Hruaia in chu a nuam zawk ang.... mahse Bawihi lo chhuk ve rawh...thil min ziahpui kan ngai țeuh a nia" a tizui a. Mahriati chu a lo lawm rilru veng veng a.
" Kan Ngurtea zawng a u a khum dawn e, a ropui dawn mang e" Pu zika chuan alo ti a. Ruatsanga hian B.A a zawh hma hian nupui a nei a, a nu leh pate hian zir zel se an tih tehreng nen....chu thu mu hnu chu a rawn phuhchhuak leh kher a.
Pu Zika chu Ruatsanga nupui mami chuan a nau hnute pek pah chuan alo melh rum ve em em ringawt a.
" Bawihi ...i pate ho chu thingpui han thlit mai teh... Mahse bawnghnute kha chu sem rual deuh tawh la aw... I U Mama te sa hawn tur hi kan siam a nge" Nu kimi chuan a ti a.
" Lal a nu... bawnghnute....e he...sawi veh ziah suh " sen țawn tawn in alo ti a.
" Aw...tu emaw ta turah i telh tam țhin si a" an nufa hriat tawk lek chuan a ti a.
Thingpui in zawh chuan Hruaia inah chuan sn chhuk dawn a...
" Bawihi...I Ute chu zuk pui rawh....mahse i hmai te kha han tuaifai deuh la.... Thingpui te lo zuk lum la. I u Hruaia kha ka be duh a nia, a hman hunah aw..."
Nu kimi hi chu aw
..Sailo nufing ava ni chiang em....
( Duhtawk leh phawt ang aw...kan la zawm zel dawn nia.)
Comments
Post a Comment