To Sir...With Love Conclusion 2
TO SIR......WITH LOVE
(M.Lusei Palian)
...CONCLUSION....
........II........
A beisei ngam tawh loh, a ruka a beisei chuan chuti mai chuan a ti si chu...tu nula in nge mak ti lovang a! Tu biangah nge mittui luang lo bik tehlul ang ni.
" Vanlalhruaia nupui nih ka duh....." a sawi zawm thei lo. Hmui leh hmui chu a inchuktuah a, charh beh ang tlatin a awm a, thalhrit țha mi a char ang mai a ni. An thaw a chham țep a;chawl zawk mahse insi tur chu a insi leh si țhin.
Hmangaihten hmangaihna thu an sawi tluka ngaihthlam nuam hi a awm ngai lo khuavêlah hian, tu bengin nge ngaihthlak hrehawm ti tehlul ang ni!
Chu zungbun chu Mahriati kutah chuan a dah a, a la leh a, a zung țangah chuan a bun tir ta a.
Hun rei lote chauh an awm emaw an ti a, Ruata a rawn țawng thla lauh lauh a....
Hmangaihte kiangah hunrei a awm thei lo a ni. Minute Sawm panga vel daih a lo ni tawh si a.
" Kan awm em! Signor..."
" In laklawh em"
Rooma lo awm te pawh an rawn chhuak a, Hruaia hnungah chuan Mahriati chu a bai phei a.... an zak dun hle na a, a ngaihna dang awm hek lo le...
" Rawn pawm chhuak ta che, a ke a na tih i hrereng si" Ruatsanga'n a lo ti a.
" Ih ....ni e..." MCS val tur meuh pawh a țawng bah nak a, thak lo pui a tukhum a hiat ve tho....
" Kan thlenna tur chu leh, min țhuttir an tum lo a ni maw...Nge hmundang kan zawng dawn...Zatara" Ruata'n Sanga melh pah chuan a ti a.
Harh chhuak thut an awm ta...
"E....thu ru...mu ru.."
" Mut ala hun awzawng lo... Zan emaw in ti elo?" Jenny chuan a ti ve thung a.
An lai a ni. Mahse an fiam lui ve duh hrim hrim a.
Hruaia pa erawh ala rawn chhuk lova, a zia deuh...
JOSEPH chuan Hruaia inchhung a thlir kual a, hmuh hmaih neih a tum lo, a vawihnih luhna a ni tawh. Hruaia mut reng laiin a lut tawh a. Hruaia hian a hre miah lo. A bungrua te uluk taka enkawl saktu an awm tih a hre mai a, a nui sak a.
Count of Monte Cristo bu chu a melh vang vang a, A disc bawm a, Green Rose tih awmna chu a thlek leh a. A insum thei dawn lo hialin a hria a. A ngaihtuah erawh hriat a ni lo!
......
" Ui kha a talh tak tak angem le?" Sanga chuan a ti a.
Ruata chuan, " Talh ang, kha pa kha pa țha tak niin ka hria..."
Choka lamah chuan Ruatsanga leh Jenny an awm thung a. Jenny chuan a chet hun tih a hria a, in zo chiah mahse thingpui chu a lum keh tho a. Nge ni a ni pawhin mark score a ngai ve tho alawm! Thingpui alum so chuan...
" Ka lo siam ang..." Mahriati'n a rawn ti a.
Ruatsanga chuan, " Țhu rawh...tah khan... chini vel awmna kawhhmuh la a tawk...." a thu pe riau lehnghal....
" I hiau....mahni U turte chhan ava na ve le..." Sanga chuan a ti a.
Mahriati lai lutuk chuan,
" In sual...
.ka haw dawn...."
" Eng haw in nge" a la ti zui zat a.
An nui tlang leh rih a.
Mihlim awmkhawm an ni, an chiau chul mai! Mahse a awm a nia.
Pu Zikpuia leh Hruaia pa an rawn lut ve ta a.
" E...Hruaia, hei a nawm phian hi..." a pa chuan a rawn ti a, an ngawi ta țhap a.
Hruaia pa hi awm ve lo mahse pawi an ti lo asin le.
Pu Zika," Ka makpa te ho an lo feh bo zo tlat mai... Ui khu kan talh tlang mai dawn em ni?"
" E tehreng mai...."
An phu ta suau a, thingpui chu Jenny chuan alo siam laklawh vei bawk nen, a siamtui tehreng nen fakna pawh a dawng ta hran lo. An in zo hman ngut lo a ni.
Hruaia pa pawh a tei kual thuak thuak a, a fapa lo han chenna chu a thlir ve duh hrim hrim a ni. Ni e, paten an tih ngei tur a ni. A han tlawh har lutuk hi a rilru chuan a inthiam thei chiah lo bawk a! Hruaia, Mahriati leh Jenny an awm ta a, Hruaia pa chuan,
" Lo inkawm ru, Hriati pa khi ka han ti ti pui zawk a nge" a ti a. A chho leh ta a.
Jenny chuan no a sil a, Hruaia chuan Mahriati ava melh a, Mahriati lah alo lai nasa mai, a sen țan țan a.
Kawngka rawn kik thawm a awm a,
" Lo lut rawh..." an ti rual țhat a.
Rinsangi a rawn lut hlawl.....Mahriati ava lawm em!
.........
K.Lalremmawii zan mu reng a chhing thei lo. A hmangaih...thi chhawnga a awm laia a enkawl chuan changdang a kan ang maw? A lung a dam thei lo! Mahse hlim taka a awm a duhsak hle bawk si! A nu nen chuan an haw chu an la inbe miah lo! A nu kha room ah a luhsan daih kha a ni si a.
Natna hi chu a tihdam mai theih a, inenkawlna te a awm thei. Rilru, thinlungna erawh chu damdawi vang tak a ni. A tinatu in a tuam dam a nih ngawt loh chuan!
Mahse Ramchhana kha la dam se chuan fanau te nei duahin an awm dawn tih a hre ve tho si.
Sawiloh, hlan loh hmangaihna hi hlu viau mahse, hlan an nih miau loh chuan awmzia a awm si lo!
Kar hlat vang te, intawn loh rei avangte hian a chuai hret hret a, thinlungah zan tin bu chhep mahse a awp keu tur a awm loh chuan Darbenthek ri ang mai a ni si!
Hruaia te phena mi awm leh thil tithei tak awm a rilru in a chhui a chhui mai a ni. Mut theih loh nen....Hruaia hliam a tawrh laia a mumang te a hrechhuak a, a muhil thei lo tawlh tawlh mai!
Thinlung khawkheng chuan ruahtui a mamawh a dawng si lo. Nula khawngaihthlak a va ni teh lul em! A ni asin,, midang te pawh hawi miah lova, Vanlalhruaia zawng char char kha a ni si a.
Duhaisam di tawn lehna khua a tlai lua a ni.
Nu Sawmi pawh a awm mai mai bik lo! A fanu thinlungna chu a hrereng a tuarpui hle a. A pasalin a boral san hma lutuk chu a pawi a ti a, a lung a chhe ve hle tho mai!
An nufa chuan an mu tlem ngawt ang le..
............
Ruata chuan ui a talh a, a inti thiam viau a, Ruatsanga te pahnih chuan an thlir a, Pu Zikpuia a țawng char char thung a. Sanga'n meichher alo siam a, JOSEPH chuan a melh vang vang a.
" Ka lo ti ange" a ti ta nge nge a.
Ui chu a thi tawh a, tui so ah ava chiah a, a tuai pilh fai vek a, Hruaia inah a zu lut a, gas cylinder chu a regulator leh pipe nen a rawn keng a. Pipe hmawrah chuan pen hmawr a thun a, rubber in a țawn a...
" Eng tin nge i tih dawn a?" An lo ti ha a,
" Ka rawh dawn" tih ngawtin a chhang a.
Regulator a on a, a lighter in a hal a, pen hmawr ațang chuan a rawn alh pap a, regulator chu a control nan a hmang hlauh a, a hliau zung zung a, an thlir țhap a. Mak an ti hle a, thiam an ti bawk si. Gas chu a hlau lo hle mai an ti rilru țheuh a.
Mahse thil hi a hrechiangtu a piangin hlauhna tel lo thinlung an nei țhin.
Minute thum pawh tling lovah a rawh zo hman a. A motor ah a va lut a, chemte țha zet a rawn la a. A hneh par par hle mai! Pu Zikpuia chuan ka ho hian a en a.
" Mit ava tlai ve le..." tihzawng a sawi!
Phuihnam zawng pawl an awm a, Pu Zika te ina fatu pawl an awm bawk a. A țhen phei chu Vahai chem barh ang nawk nawk an ni.
Kros kawnga kal ngai lo te tan chuan Uaiin tihpun hun lai tak ang kha a ni. Pu Zikpuia hian Hruaia țhiante hi kut ruak chuan an lo kal lovang tih a hre kiau a! A lawmna pawh a kim ngei ang.
..........
Zan riah kil hma hret chuan Bolero dum a rawn thleng leh a, Pu Zikpuia In kawtah a ni thung.
Kawngkhar a rawn inhawng a, Hruaia chuan a rilru in tu nge aw? A ti nauh nauh a. An lo thlir țhap ringawt.
E heu leh.... Mahriati Damdawi-In awm laia, Hruaia titi pui ngei kha a ni. A hmel chu a fai vang a, an mahni pawh en lem lo chuan motor a hel a, driver seat ațanga chhuak a ni a, kawngkhar lehlam chu a hawng a. Mipa naupang duhawm tak, a khabe a khuavang nei kalh naupang kum nga mi vel, kindergarden ( kg ) vel rual hi a rawn chhuak a. Hruaia chuan thil a ngaihtuah zut zut mai! Mahriati damdawi in awm lai a ngaihtuah a, kha pa ngei kha a ni.
JOSEPH chuan alo va chiau au a, an pafa chuan chibai an rawn sem ta a. Rinsangi'n khawdang a hawi thei lo. Chu pa mawlh chu....țhatna a thuam famkim a ni. Kamis dum ve ve hi an pafa chuan an rawn ha a. Mahriati hian a hria, a damloh lai khan vawi 2 a rawn tlawh tlat!
" Tluanga Palian ka ni a" inchibai pah chuan a ti a.
A hnunga mipa naupang hmel fel tak, hmel țha tak khabe a khuavang nei chuan,
" Jacob Palian ka ni e" ti chungin a rawn chibai ve zel a!
Hruaia pa chuan chupa chu a hmuh meuh chuan,
" E heu....Pu Tluang..eng ti zia nge..?"
Chutih lai chuan JOSEPH chuan,
" Tlangnuam BDO a ni a, ka țhianpa a ni. A fapa kha Jacob a nih kha" a rawn ti ta a.
An ngawi țhap, an kut chi lo hawi țhap a,
JOSEPH tho chuan,
" Zanin a palai tura ka sawm a nih hi."
A ti ta tlat mai!
Hruaia pa meuh pawh alawm a ni. Sawi tur mai a hre lo.
Hruaia, " Țhianpa,ka lawm e"
Hruaia pa, " Min va ti phuisui ngai ve le...kan lawm e"
Pu Hmaa,Nu Kimi, Pu Zikpuia leh a nupui meuh pawh an hawihai hle. Beisei loh a ruka innghahna ni si chu an hmachhawn dawn si a. Pu Zikpuia meuh pawn harhfim a hun tih a hai miah lo. An nauva hi mi satliah a ni dawn lo tih a hre nghal a. Pu Hmaa pawh chu ti tho...
Mahriati chu Jacob chuan a pan a.... rei tak in hmu lo,nufa ang maiin an inpawm thei tlat! Nu kimi'n Jacob chu alo pawm thuai a....
" Ka naute duat...kopte...i dam em?"
" A pi, ka dam tawh e, ball pawh ka pet thei" a ti a. Mipa naupang fel leh hmel țha ava ni em! Mahse nu a nei tlat lo.( KIR ZAI I REL LO'NG MAW! Tih thawnthu a a changtute pafa an ni, Tluanga hian nu tel lovin a fapa hi a chawm lian a. Khawnge a nu tih hi a thawnthu tawp lamah chauh a lang ang.Hemi thawnthu ni lo ah hian)
Chaw ei an siam ta, ui sa duh lo tan Arsa an siam bawk a, Ruatsanga te ve ve fatu leader an ni a. An siam thiam bawk a, an eitui tlang ngei mai! Rinsangi hian khawdang ala hawi thei lo, dem lul s'u he hmeichhia hi a duhthusam film star ang mai a hmu a, a luang liam a ni...
.......
Zan hun a thleng ta, Pu Hmaa chuan A fapa Ruatsanga chu an laina hnai a khawm tir zung zung a. Palai turte an țha țhiau a. Pu Hmaa te Inah an lut khawm ta.
Hruaia inluahah thingpui lo lum an awm a, Ruatsanga nupui Mami lah nau paw chungin a lo inti thu ve em em a.
Mahriati chuan Jacob chu a pawm a, thupui an țheh hma in Jacob chu apa chuan a rawn thli thlai a. Jacob hi a țap tur a ni lo, chu chu Tluanga ngaih dan a ni. Hruaia hnenah a nu chanchin tuman zawt lo tur leh lo khap turin a chah thlap a. Nu tel lova fa pawm zawng hmangaihna leh lainatna hian a thlun zawm tlat si.
Thupui an vai dawn ta. ......
Chhunzawm vat a ni ang
(M.Lusei Palian)
...CONCLUSION....
........II........
A beisei ngam tawh loh, a ruka a beisei chuan chuti mai chuan a ti si chu...tu nula in nge mak ti lovang a! Tu biangah nge mittui luang lo bik tehlul ang ni.
" Vanlalhruaia nupui nih ka duh....." a sawi zawm thei lo. Hmui leh hmui chu a inchuktuah a, charh beh ang tlatin a awm a, thalhrit țha mi a char ang mai a ni. An thaw a chham țep a;chawl zawk mahse insi tur chu a insi leh si țhin.
Hmangaihten hmangaihna thu an sawi tluka ngaihthlam nuam hi a awm ngai lo khuavêlah hian, tu bengin nge ngaihthlak hrehawm ti tehlul ang ni!
Chu zungbun chu Mahriati kutah chuan a dah a, a la leh a, a zung țangah chuan a bun tir ta a.
Hun rei lote chauh an awm emaw an ti a, Ruata a rawn țawng thla lauh lauh a....
Hmangaihte kiangah hunrei a awm thei lo a ni. Minute Sawm panga vel daih a lo ni tawh si a.
" Kan awm em! Signor..."
" In laklawh em"
Rooma lo awm te pawh an rawn chhuak a, Hruaia hnungah chuan Mahriati chu a bai phei a.... an zak dun hle na a, a ngaihna dang awm hek lo le...
" Rawn pawm chhuak ta che, a ke a na tih i hrereng si" Ruatsanga'n a lo ti a.
" Ih ....ni e..." MCS val tur meuh pawh a țawng bah nak a, thak lo pui a tukhum a hiat ve tho....
" Kan thlenna tur chu leh, min țhuttir an tum lo a ni maw...Nge hmundang kan zawng dawn...Zatara" Ruata'n Sanga melh pah chuan a ti a.
Harh chhuak thut an awm ta...
"E....thu ru...mu ru.."
" Mut ala hun awzawng lo... Zan emaw in ti elo?" Jenny chuan a ti ve thung a.
An lai a ni. Mahse an fiam lui ve duh hrim hrim a.
Hruaia pa erawh ala rawn chhuk lova, a zia deuh...
JOSEPH chuan Hruaia inchhung a thlir kual a, hmuh hmaih neih a tum lo, a vawihnih luhna a ni tawh. Hruaia mut reng laiin a lut tawh a. Hruaia hian a hre miah lo. A bungrua te uluk taka enkawl saktu an awm tih a hre mai a, a nui sak a.
Count of Monte Cristo bu chu a melh vang vang a, A disc bawm a, Green Rose tih awmna chu a thlek leh a. A insum thei dawn lo hialin a hria a. A ngaihtuah erawh hriat a ni lo!
......
" Ui kha a talh tak tak angem le?" Sanga chuan a ti a.
Ruata chuan, " Talh ang, kha pa kha pa țha tak niin ka hria..."
Choka lamah chuan Ruatsanga leh Jenny an awm thung a. Jenny chuan a chet hun tih a hria a, in zo chiah mahse thingpui chu a lum keh tho a. Nge ni a ni pawhin mark score a ngai ve tho alawm! Thingpui alum so chuan...
" Ka lo siam ang..." Mahriati'n a rawn ti a.
Ruatsanga chuan, " Țhu rawh...tah khan... chini vel awmna kawhhmuh la a tawk...." a thu pe riau lehnghal....
" I hiau....mahni U turte chhan ava na ve le..." Sanga chuan a ti a.
Mahriati lai lutuk chuan,
" In sual...
.ka haw dawn...."
" Eng haw in nge" a la ti zui zat a.
An nui tlang leh rih a.
Mihlim awmkhawm an ni, an chiau chul mai! Mahse a awm a nia.
Pu Zikpuia leh Hruaia pa an rawn lut ve ta a.
" E...Hruaia, hei a nawm phian hi..." a pa chuan a rawn ti a, an ngawi ta țhap a.
Hruaia pa hi awm ve lo mahse pawi an ti lo asin le.
Pu Zika," Ka makpa te ho an lo feh bo zo tlat mai... Ui khu kan talh tlang mai dawn em ni?"
" E tehreng mai...."
An phu ta suau a, thingpui chu Jenny chuan alo siam laklawh vei bawk nen, a siamtui tehreng nen fakna pawh a dawng ta hran lo. An in zo hman ngut lo a ni.
Hruaia pa pawh a tei kual thuak thuak a, a fapa lo han chenna chu a thlir ve duh hrim hrim a ni. Ni e, paten an tih ngei tur a ni. A han tlawh har lutuk hi a rilru chuan a inthiam thei chiah lo bawk a! Hruaia, Mahriati leh Jenny an awm ta a, Hruaia pa chuan,
" Lo inkawm ru, Hriati pa khi ka han ti ti pui zawk a nge" a ti a. A chho leh ta a.
Jenny chuan no a sil a, Hruaia chuan Mahriati ava melh a, Mahriati lah alo lai nasa mai, a sen țan țan a.
Kawngka rawn kik thawm a awm a,
" Lo lut rawh..." an ti rual țhat a.
Rinsangi a rawn lut hlawl.....Mahriati ava lawm em!
.........
K.Lalremmawii zan mu reng a chhing thei lo. A hmangaih...thi chhawnga a awm laia a enkawl chuan changdang a kan ang maw? A lung a dam thei lo! Mahse hlim taka a awm a duhsak hle bawk si! A nu nen chuan an haw chu an la inbe miah lo! A nu kha room ah a luhsan daih kha a ni si a.
Natna hi chu a tihdam mai theih a, inenkawlna te a awm thei. Rilru, thinlungna erawh chu damdawi vang tak a ni. A tinatu in a tuam dam a nih ngawt loh chuan!
Mahse Ramchhana kha la dam se chuan fanau te nei duahin an awm dawn tih a hre ve tho si.
Sawiloh, hlan loh hmangaihna hi hlu viau mahse, hlan an nih miau loh chuan awmzia a awm si lo!
Kar hlat vang te, intawn loh rei avangte hian a chuai hret hret a, thinlungah zan tin bu chhep mahse a awp keu tur a awm loh chuan Darbenthek ri ang mai a ni si!
Hruaia te phena mi awm leh thil tithei tak awm a rilru in a chhui a chhui mai a ni. Mut theih loh nen....Hruaia hliam a tawrh laia a mumang te a hrechhuak a, a muhil thei lo tawlh tawlh mai!
Thinlung khawkheng chuan ruahtui a mamawh a dawng si lo. Nula khawngaihthlak a va ni teh lul em! A ni asin,, midang te pawh hawi miah lova, Vanlalhruaia zawng char char kha a ni si a.
Duhaisam di tawn lehna khua a tlai lua a ni.
Nu Sawmi pawh a awm mai mai bik lo! A fanu thinlungna chu a hrereng a tuarpui hle a. A pasalin a boral san hma lutuk chu a pawi a ti a, a lung a chhe ve hle tho mai!
An nufa chuan an mu tlem ngawt ang le..
............
Ruata chuan ui a talh a, a inti thiam viau a, Ruatsanga te pahnih chuan an thlir a, Pu Zikpuia a țawng char char thung a. Sanga'n meichher alo siam a, JOSEPH chuan a melh vang vang a.
" Ka lo ti ange" a ti ta nge nge a.
Ui chu a thi tawh a, tui so ah ava chiah a, a tuai pilh fai vek a, Hruaia inah a zu lut a, gas cylinder chu a regulator leh pipe nen a rawn keng a. Pipe hmawrah chuan pen hmawr a thun a, rubber in a țawn a...
" Eng tin nge i tih dawn a?" An lo ti ha a,
" Ka rawh dawn" tih ngawtin a chhang a.
Regulator a on a, a lighter in a hal a, pen hmawr ațang chuan a rawn alh pap a, regulator chu a control nan a hmang hlauh a, a hliau zung zung a, an thlir țhap a. Mak an ti hle a, thiam an ti bawk si. Gas chu a hlau lo hle mai an ti rilru țheuh a.
Mahse thil hi a hrechiangtu a piangin hlauhna tel lo thinlung an nei țhin.
Minute thum pawh tling lovah a rawh zo hman a. A motor ah a va lut a, chemte țha zet a rawn la a. A hneh par par hle mai! Pu Zikpuia chuan ka ho hian a en a.
" Mit ava tlai ve le..." tihzawng a sawi!
Phuihnam zawng pawl an awm a, Pu Zika te ina fatu pawl an awm bawk a. A țhen phei chu Vahai chem barh ang nawk nawk an ni.
Kros kawnga kal ngai lo te tan chuan Uaiin tihpun hun lai tak ang kha a ni. Pu Zikpuia hian Hruaia țhiante hi kut ruak chuan an lo kal lovang tih a hre kiau a! A lawmna pawh a kim ngei ang.
..........
Zan riah kil hma hret chuan Bolero dum a rawn thleng leh a, Pu Zikpuia In kawtah a ni thung.
Kawngkhar a rawn inhawng a, Hruaia chuan a rilru in tu nge aw? A ti nauh nauh a. An lo thlir țhap ringawt.
E heu leh.... Mahriati Damdawi-In awm laia, Hruaia titi pui ngei kha a ni. A hmel chu a fai vang a, an mahni pawh en lem lo chuan motor a hel a, driver seat ațanga chhuak a ni a, kawngkhar lehlam chu a hawng a. Mipa naupang duhawm tak, a khabe a khuavang nei kalh naupang kum nga mi vel, kindergarden ( kg ) vel rual hi a rawn chhuak a. Hruaia chuan thil a ngaihtuah zut zut mai! Mahriati damdawi in awm lai a ngaihtuah a, kha pa ngei kha a ni.
JOSEPH chuan alo va chiau au a, an pafa chuan chibai an rawn sem ta a. Rinsangi'n khawdang a hawi thei lo. Chu pa mawlh chu....țhatna a thuam famkim a ni. Kamis dum ve ve hi an pafa chuan an rawn ha a. Mahriati hian a hria, a damloh lai khan vawi 2 a rawn tlawh tlat!
" Tluanga Palian ka ni a" inchibai pah chuan a ti a.
A hnunga mipa naupang hmel fel tak, hmel țha tak khabe a khuavang nei chuan,
" Jacob Palian ka ni e" ti chungin a rawn chibai ve zel a!
Hruaia pa chuan chupa chu a hmuh meuh chuan,
" E heu....Pu Tluang..eng ti zia nge..?"
Chutih lai chuan JOSEPH chuan,
" Tlangnuam BDO a ni a, ka țhianpa a ni. A fapa kha Jacob a nih kha" a rawn ti ta a.
An ngawi țhap, an kut chi lo hawi țhap a,
JOSEPH tho chuan,
" Zanin a palai tura ka sawm a nih hi."
A ti ta tlat mai!
Hruaia pa meuh pawh alawm a ni. Sawi tur mai a hre lo.
Hruaia, " Țhianpa,ka lawm e"
Hruaia pa, " Min va ti phuisui ngai ve le...kan lawm e"
Pu Hmaa,Nu Kimi, Pu Zikpuia leh a nupui meuh pawh an hawihai hle. Beisei loh a ruka innghahna ni si chu an hmachhawn dawn si a. Pu Zikpuia meuh pawn harhfim a hun tih a hai miah lo. An nauva hi mi satliah a ni dawn lo tih a hre nghal a. Pu Hmaa pawh chu ti tho...
Mahriati chu Jacob chuan a pan a.... rei tak in hmu lo,nufa ang maiin an inpawm thei tlat! Nu kimi'n Jacob chu alo pawm thuai a....
" Ka naute duat...kopte...i dam em?"
" A pi, ka dam tawh e, ball pawh ka pet thei" a ti a. Mipa naupang fel leh hmel țha ava ni em! Mahse nu a nei tlat lo.( KIR ZAI I REL LO'NG MAW! Tih thawnthu a a changtute pafa an ni, Tluanga hian nu tel lovin a fapa hi a chawm lian a. Khawnge a nu tih hi a thawnthu tawp lamah chauh a lang ang.Hemi thawnthu ni lo ah hian)
Chaw ei an siam ta, ui sa duh lo tan Arsa an siam bawk a, Ruatsanga te ve ve fatu leader an ni a. An siam thiam bawk a, an eitui tlang ngei mai! Rinsangi hian khawdang ala hawi thei lo, dem lul s'u he hmeichhia hi a duhthusam film star ang mai a hmu a, a luang liam a ni...
.......
Zan hun a thleng ta, Pu Hmaa chuan A fapa Ruatsanga chu an laina hnai a khawm tir zung zung a. Palai turte an țha țhiau a. Pu Hmaa te Inah an lut khawm ta.
Hruaia inluahah thingpui lo lum an awm a, Ruatsanga nupui Mami lah nau paw chungin a lo inti thu ve em em a.
Mahriati chuan Jacob chu a pawm a, thupui an țheh hma in Jacob chu apa chuan a rawn thli thlai a. Jacob hi a țap tur a ni lo, chu chu Tluanga ngaih dan a ni. Hruaia hnenah a nu chanchin tuman zawt lo tur leh lo khap turin a chah thlap a. Nu tel lova fa pawm zawng hmangaihna leh lainatna hian a thlun zawm tlat si.
Thupui an vai dawn ta. ......
Chhunzawm vat a ni ang
Comments
Post a Comment