To sir......with love 9&10
TO SIR.......WITH LOVE
(M.Lusei Palian)
.........(IX & X ).........
Mahriati chu a chhing diar diar a, a hmui chu fawh rem em em hian a dawh ta vang a, a heh chu farțuah pâr ang maia sen vam hiam chuan Hruaia mit chu ava la tak em! Mahse Hruaia chuan Mahriati heh chu a chhem zeuh a, a tho ta daih a. Mahriati chu a hawihai ngei mai!
"Lungrun, han inthlak tawh la, hetia awm reng chu a țha lovang" Hruaia chuan awmze nei takin a ti a, Mahriati chuan a hrethiam lo deuh na a, dik a ti bawk si! A beisei hauh loh thil a ni tlat a tin ni! Hmangaih leh duhber te nena a fala awm dun hi chuan ramri pelh hi a awl viau reng a, mi tam takin an pel reng a, an chawrno loh phah țhin! Hruaia hian duh tak leh lungchim taka a en hi ramri pelhpui a tum lo a ni, nakina atana lawmna tur niin a hre si a. Chuvanga kha thu kha sawi a ni reng a ni. Mahriati chu a intuai țha in a thawmhnaw chu a chul neuh neuh a...
" A nih Sir, ka chho aw....Apa alo haw țep ang.."
" Aw le lungrun, i rilru tihah lo hram ang che aw, I rilru na hmel hi khawvêla ka thil hmuh hreh ber a ni.....ka dam ve chhung hi chuan na lo la, tuman tina lo che sela ka duh a ni"
Mahriati chu a tho va, Hruaia bengah chuan a piai zeuh a. An inlamah chuan a chho ta a.
........
Mapuii chu rilru na tak bianga mittui far zawih zawihin Hruaia in ațang khan a chhuak ta a ni a. A inluah ava thlen chuan hrehawm hi ava ti tak em! Thih daih mai hi a duh rum rum a, a nu a hrechhuak a, a dem a, a nu chungah a thinrim takzet a, a nu thiam loh vek kha a ni. Naktukah a rawn chho anga a rawn awmpui dawn zui a! A lung a zingin hrehawm hi ava ti tak em! A hmangaih leh a duh em em țhin Vanlalhruaia lah chuan hre lo ang hmakin alo en tawh bawk si nen...hui ha! A innghahna awmchhun kha a ni asin le. Apasal tur accident avanga a boral khan amah hnem turin Hruaia hi a ngai ngawih ngawih a. Mahse a be ngam tawh si lo! Amah chuan lunglenna leh khawharna chu a tuar a, chhumpui nasa tak angin lungngaihna leh inchhirna chuan a tuam a. A hringnun kawng zet zawng hmeichhe pakhat tuar atan chuan a chhuk chho em a ni! Hmangaihna hi a țahpui reng mai dawn em ni? Nge kir leh ngai tawh lo tur nunhlui thlirin chhunni leh zan khua a hmang liam dawn ta zawk le!!!
.......
Mahriati chhoh hnu chuan Hruaia pawh chuan Album hlui chu a bih vel a, a rilru tak chuan Mapuii chu a ngai ve hle tho va. Kha chen sul ang an lo inzui tawh a, hlim thla an ngah a, thinlai a cham a tam em bawk a ni. Mahse Mapuiin tuma nupui ka ni lo a ti kha mak a ti hle a, eng tizia nge ni le? Pasal nei daih tawh a a ngaih fa pawh nei duah tawh tura a ngaih a ni si a, tun thlengin Nula awm in a awm si! Nge nuthlawi a ni zawk le? Hruaia ngaihtuahna pawh akal thui ve hle tho mai! Mahriati khan mittui tla zawih zawih chungin min ngaidam rawh a ti kha a ni si a. Khang mittui te kha a thlawnin a luang ral mai dawn em ni?
Hruaia chu duhthlanna lamțhuamah chuan a ding teh meuh mai! Mahse amah phatsan tawhtu nge ni a thlan anga nula tuai tir te, rilru thianghlim ,ngaihtuahna pawh la thianghlim si hi....
Chutia a țhut lai chuan a phone a rawn ri a, a pick up a, chu aw chu a hai mawlh lo. A hai ngai lovang..
" Zanah i rawn leng phei lawk hman angem?"
" Ka hre lo le, ka lo inngaihtuah ange.....ka lo tum dawn nia.." Phone chu a dah a. Engtin nge Mapuii khan a number kha a neih mai theih le..!
Hruaia tan pawh Mapuii quarter chu zawn a harsa lovang , thingtlang khaw lian lo tak a ni a. A hmu ngei ang. Mahse va kal chu atan a țha angem le aw...!
Hruaia kawngka chu an rawn kik karh karh a.
" Lo lut rawh"
Pu Hmaa alo lut hlawl a.
" E ....kha i awm maw? Vawiin zet chu inva che țha ve le!..." Hruaia chu alo zak chem chem a, Mapuii chanchin a rawn zawt dawn emaw a ti a.
" Chuti em ni? Engti zawng chuan maw?"
" Bawihi te Sikul hi Parade-ah pakhatna an la ni ngai reng reng hleinem? I rawn awm hnu hian hma an sawn chak riau in ka hria .....hei tunah Pakhatna an ni lehnghal a..."
Hruaia chuan a rin loh lam a rawn sawi daih chu a lawm hle a, a thawveng huai a, mahse a thawveng rei kher angem le?...
" E...kei te chu engmah ka ni hleinem! Ka enpui ve zeuh zeuh a, ka thawhpui te thawhrimna avang zawk alawm."
" Ka rin aiin naupang i phurpui peih a, result țha tak nei ula ka duh hle mai! Ka duh dan phei chuan Topper te hi nei ula, subject hrang hrangah hian Letter hi hmu sup sup se, kan khaw hming te hi a ti țha ve ang a..."
" Ni khawp mai! Naupang lam hi an pawimawh ber zawk asin! An zir țhat peiha thu a ni mai"
A ni khawp mai zirnaah hian naupang lam hi an pawimawh ber a, Higher chinah ngat phei chuan an zir țhat peih leh rah țha a chhuah a ni mai! Zirtirtute hi a kawhhmuh tute chauh an ni zawk a. An titi zel a, khawtlang mamawh thil te an sawi dun ta zel a.
" Taka i Nu Kimi'n chaw rawn ei chho rawh se a ti asin, kan titi ata langin ka lo theihnghilh mai dawn alawm"
" A va lawmawm dawn ve"
" Lo chho har lo la, hei dar 5:00pm a hnai thuak a nia aw" A chhuak chho zui ta a. .Hruaia chu a inbual a, muangchangin Mahriati te in lamah chuan a chho ta a. Kawngka pawh kik lem lo chuan a lut a, chutihlai tak chuan Mahriati inbual zo chu Bathroom-ațangin alo chhuak a, Towel chu a rawn hnubih a, a mal vel chu alang thar sar mai a. Hruaia chuan alo en vang vang a, Mahriati lai lutuk chuan a lei chu a chhuah khum zeuh a..... Hruaia chuan alo siai zeuh thung a....
.............X...........
( Thuhma: Tunlai chu ka va buai em! Volume X naah hian ka thawnthu pakhat zawk 'WHATSAPP" tih hi post tel hman ka tum a. Manuscript chuan ka ziak tawh a. Mahse phone chiah ka nei si a, ka type hman meuh lo a ni. Tin, spelling mistake ka nei nual țhin a, khawngaiha min hrethiam turin ka rawn dil a che u. Sawisel ngai lai a awm chuan a post tu ka țhianpa kaltlangin min hrilh thin dawn nia.Tin, he ka thu ziah ve mai hi min hlutpuitute, a bua chhuahtura min fuihtu in awm nual hian ka lawmna ava tizual tak em!)
Mahriati hian Hruaia lung hi ava dum tak em! Hmel țha vuta han saei tur ni lo mahse, a han inchei hi chuan Phai Vapui ang mai hi a ni lah tak a. Nula pianthian lian lam a ni a, a sa hi la inphut lemlo mahse a mawi tawk zawk emaw tih mai tur a ni. A pian leh a sakruang hi thlir nin har tak a ni ve reng a ni. A chhan chu he nula sakhmel leh ruangam ah hian mipate duhthusam leh suangtuahna hi a kim vek ti ila kan sawi sual tam awm lo ve. Hruaia hian a hmu tirh ațang khan a ngaina nghal em em a. Mahse virpilh leh tihluat a hlauh vang leh a zirlai naupang a nih avang hian insum takin a thir a, a tawk te in annem biahthu a hlan thung a ni. A ni reng alawm, Hruaian atawn tirh ni pawh khan a hla play kha....ngaihtuah chiang se....' Zan tlaiah ka lo leng ang' Lallianmawia hla kha a ni tlat asin! Ni e, sakhming hriat hma pawh hian hmangaihna hi a piang thei reng a ni. Sappui lungfing zawkte pawhin, *Love at first sight* an lo ti hial a ni lawm ni!
Mahriati chuan, " Min en reng suh .....ka zak ve tho a nia.." lai tak chuan a ti a. Chutih lai chuan Pa Hmaa te nupa chu choka lamah an awm daih thung a.
" Tih palh...tih palh... Thil siam mawi lutuk hian min bual â țep alawm Lungrun.." a ti ta hnap.
" Ka inthlak dawn... A nute Choka ah an awm "
" Ka lo inthlakpui dawn che em ni" a nuih leh sak a.
" I duh a thu le" Mahriati mitmeng chu Hruaia tan chuan Potiphera nupui mitmeng te a tehkhin rum rum a. Mahse a la hun lo a ni. An hmalam hunah an la inthlak dun mawlh mawlh mai thei asin. Tu'n nge hria!? Sir Hruaia hian a duhlo chung hi a ni lo zawngin ati lui dawn lo tih hi a hrechiang em a. Khitianga chhang ngam khi a ni reng a.! Mahriati chuan a room lam chu a pan ta a, a luh dawn chuan Hruaia chu a siai zeuh a. Ava han duhawmin ava han lawmawm tak em! Um luh mai pawh a chakawm rum rum reng a ni. Mahse Hruaia chuan choka lam chu a pan ta zawk a.
................
Mapuii chuan eng tih zai mah arel thei lo! Sulhnu nunhlui chhuiin laikhum a bel a, abiangah erawh chuan mittui chuan cham hlen tum ni awm hrimin riahrun a rem thung a! Chunnu duhthlan sual vanga tuara awm mek-i chu ava riang tak em! Hnemtu ngaiin a vai ruai a, a mah hnem theitu leh a nunhlui nghilh tir theitu a tawng leh angem? Engtin nge he a hnathawhna khuaah hian Vanlalhruaia ber kher hi a rawn thawh ve nawlh theih le! Khuanu remruat em ni ni dawn? Nge khuanu remruat tidanglam tura khuanu ruat zawk em ni ni ang le? A tho a, a suitcase a a album hlui a la chhuak a.
Thlir nin har a ti. Pasal neih a tum laia Hruaia a room a a awmlai a an inbiakna chu a thinlungah tuna sawi zawh chiah ang hian a rawn ri nawn tluk tluk a..... hetiang hi an sawi dun chu a ni.
Hruaia," I hmangaihna puitlin ta si lo leh i intiamna tipuitling lo hian thlan khurah min tirh liam i tum ta em ni?"
Mapuii," Engkim kan sawi fel tawh a, kei aia țha leh fel ila tawng dawn alawm, min nghilh zawk rawh.."
" Thinlunga inziak tawhte hi a nawhreh theih dawn em ni? Fa te ila nei anga, ka thisen an kai ve dawn lo asin.."
" Kei pawn ka hmangaih țhin che, mahse a tlai zo ta si... min nghilh zawk rawh"
" I duh vak lo a ni lawm ni? Hei hnate chu ka zawng ve mai anga....kan rethei bik nang..."
" Hruai, a theih tawh loh, i thinlung ațang chuan min nawtreh ang che"
" Vawiin ațang chuan K.Lalremmawii ..........chu hming chu ka thinlung ațangin thai bo ka tum tawh a nge...Dam takin mang țha le.." Hruaia'n a kalsan ta a ni.
Mapuiin chung thu a lo sawi te chu ava inchhir tak em! Mahse sut thei hian hun hian kal zai a rel si lo.!!!
Ei rawngbawl tura a awmpui zirlai Thani chuan Mapuii khuma mu reng chu a va en dek dek a...
" U Mapuii chaw ei ka peih tawh a.."
A chhang lem lova..Thani chu ala ding reng a.
" U Mapui chaw kan ei tawh dawn em ni?" Ring deuh hleka a tih chuan Mapuii chu a rawn hawi chhuak ta a.
" Thani min lo eisan mai teh..... Juice emaw cold drink emaw kha min lo pe zawk la...lo ei mai rawh"
Mapuii chuan a hla duh em em Vanlalsailova hla ' Kir zai i rel lo'ng maw' tih chu cold drink in pahin a ngaithla a. A ngaihtuahna ava han kal thui tak em! A hla thu chuan a hneh em em mai a.Hetiang hian...
' Thinlai rukah dawn a sei ngei e,
Hmanah suihlung rualtea,
Lengdun ve țhinin hlimlai par kan tlan,
Ka dawn ngai lo..tiang em a!
Lunglai min hersan hma hi ..
Mualan a liam ta e, hman a ka chhai lai di,
Thinlai a na ngei e, lunglam ka vai ruai e,
Kha chen ka nghak che itan chauh tiin
Rinawm kan tiam si a...
Lengzawng zingah ka riang rei lua e,
Aw a na asin...
Runsang rawn kai leh la,
Khartung rawn sawn leh la...... ( ziak zo vek lo mai ila hla thu hi chu..A hla hi you tube velah ngaithla ila, Mapuii thinlung chu a hriat thiam theih zawk awm e)
Hruaia lo kal hun chu a nghak dawn ta a ni.....
Inbual a tum ve ta a. Hmel thar leh țha zawk a alan a ngai si a. Mapuii hi hmeichhe tituai nalh tak a ni ve reng reng a. Tlangvalten rim ve țhin mahse a uksak tehchiam ngai lova. Thinlunga khawkheng tuar tawh a ni miau va, thinlung khawkheng tuar tawh tan chuan khawkheng tawrh nawn hi a zuamawm loh hle reng a ni.
" Țang laiah di zun a cham ni chuan,
A tham vel e runin zau ah,
Lung tileng chang zo nunhlui ngaih a na a,
Chunnu lungmawl i dawn tawi lua a ni."
Mapuii beiseina awmchhun chuan Van lam kohna a chhan san ta si! Chumi hnu chuan chul rit tur leh ngaihdam dil ngaia a hriat Hruaia chu tlangval alo la nih tak hlauhin a zawng ru char char a...
Tunah țhal tui ang a nghah chu vawiin ngei khan a tawng ta! Kumsul vei ngaih leh lunglen hian a chhunzawm mai angem le... Fai tak chuan a inbual ta a! A mi nghah chu a lokal a ngem?
.......
" Hruaia zanin chu I pa Hmaa nen hian chhuah lawk kan ngai a, Bawihi hi ilo awmpui hman angem?"
Nu kimi chuan chaw eikham țhut muan lai chuan a ti a. Hruaia meuh pawh a lu a hai ve ta map mai le!
" In rei angem le?"
" Rei deuh mai thei! Bawihi hi lehkha te lo zirtir la...Lo thiam tir vek la...."
Awmze nei tak chuan a ti a.
" I pa Hmaa hi kan lenchhuah tawh hi chuan a ti ti leh chiam zel a... amah avang hian kan rei ziah alawm" nui heu heu chua a ti a.
" A teh daih chuan...mai mai ţhin a, amah zawk hi alawm, a ri leh chiam zel alawm"
" E va leng ru, kan lo zir ange, thu a awih loh chuan ka lo khawng dawn nia" a nui var var a.
" Lal A nu lo haw har su aw..." Mahriati chuan a ti a.
Nu kimi hian chhuanlam a siam a, lenna tur hi a dap chawp a, a pasal hnenah a țul a ti mai mai a ni. A fanu leh Hruaia hian inpawh taka ti ti an mamawh tih a hria a, sawi dun tur an nei tih a hrechiang em a ni. A fanu hi a hmangaiha, hlim taka fanau maltluan chawi pui tur mi țha leh rintlak hei lo liam a tawng tawh lovang tih a hre chiang em atin ni!Dem chi a ni lo,nu in an fate hrehawm hi a hlau vek a, mi țha lo tak pasalah an nei ang tih an hlau em asin!
Pu Hmaa te nupa chuan an lensan ta a. Hruaia chuan Tv alo en a, UFC Replay alo en a.
" Khitiang khi chu ka en duh lo, an thi nasa thei e mai!"
" Eng nge kan en ang Lungrun?"Hruaia chuan a hnaih sauhva... An inhnaih ta kher mai. Chutih lai tak chuan Hruaia phone a rawn ri ta a. Hruaia chuan tu nge a nih a hrechiang kher mai. Phone chu a pick up angem le...
A en vang vang a..
" Tu nge a" Mahriati chuan a ti......
(M.Lusei Palian)
.........(IX & X ).........
Mahriati chu a chhing diar diar a, a hmui chu fawh rem em em hian a dawh ta vang a, a heh chu farțuah pâr ang maia sen vam hiam chuan Hruaia mit chu ava la tak em! Mahse Hruaia chuan Mahriati heh chu a chhem zeuh a, a tho ta daih a. Mahriati chu a hawihai ngei mai!
"Lungrun, han inthlak tawh la, hetia awm reng chu a țha lovang" Hruaia chuan awmze nei takin a ti a, Mahriati chuan a hrethiam lo deuh na a, dik a ti bawk si! A beisei hauh loh thil a ni tlat a tin ni! Hmangaih leh duhber te nena a fala awm dun hi chuan ramri pelh hi a awl viau reng a, mi tam takin an pel reng a, an chawrno loh phah țhin! Hruaia hian duh tak leh lungchim taka a en hi ramri pelhpui a tum lo a ni, nakina atana lawmna tur niin a hre si a. Chuvanga kha thu kha sawi a ni reng a ni. Mahriati chu a intuai țha in a thawmhnaw chu a chul neuh neuh a...
" A nih Sir, ka chho aw....Apa alo haw țep ang.."
" Aw le lungrun, i rilru tihah lo hram ang che aw, I rilru na hmel hi khawvêla ka thil hmuh hreh ber a ni.....ka dam ve chhung hi chuan na lo la, tuman tina lo che sela ka duh a ni"
Mahriati chu a tho va, Hruaia bengah chuan a piai zeuh a. An inlamah chuan a chho ta a.
........
Mapuii chu rilru na tak bianga mittui far zawih zawihin Hruaia in ațang khan a chhuak ta a ni a. A inluah ava thlen chuan hrehawm hi ava ti tak em! Thih daih mai hi a duh rum rum a, a nu a hrechhuak a, a dem a, a nu chungah a thinrim takzet a, a nu thiam loh vek kha a ni. Naktukah a rawn chho anga a rawn awmpui dawn zui a! A lung a zingin hrehawm hi ava ti tak em! A hmangaih leh a duh em em țhin Vanlalhruaia lah chuan hre lo ang hmakin alo en tawh bawk si nen...hui ha! A innghahna awmchhun kha a ni asin le. Apasal tur accident avanga a boral khan amah hnem turin Hruaia hi a ngai ngawih ngawih a. Mahse a be ngam tawh si lo! Amah chuan lunglenna leh khawharna chu a tuar a, chhumpui nasa tak angin lungngaihna leh inchhirna chuan a tuam a. A hringnun kawng zet zawng hmeichhe pakhat tuar atan chuan a chhuk chho em a ni! Hmangaihna hi a țahpui reng mai dawn em ni? Nge kir leh ngai tawh lo tur nunhlui thlirin chhunni leh zan khua a hmang liam dawn ta zawk le!!!
.......
Mahriati chhoh hnu chuan Hruaia pawh chuan Album hlui chu a bih vel a, a rilru tak chuan Mapuii chu a ngai ve hle tho va. Kha chen sul ang an lo inzui tawh a, hlim thla an ngah a, thinlai a cham a tam em bawk a ni. Mahse Mapuiin tuma nupui ka ni lo a ti kha mak a ti hle a, eng tizia nge ni le? Pasal nei daih tawh a a ngaih fa pawh nei duah tawh tura a ngaih a ni si a, tun thlengin Nula awm in a awm si! Nge nuthlawi a ni zawk le? Hruaia ngaihtuahna pawh akal thui ve hle tho mai! Mahriati khan mittui tla zawih zawih chungin min ngaidam rawh a ti kha a ni si a. Khang mittui te kha a thlawnin a luang ral mai dawn em ni?
Hruaia chu duhthlanna lamțhuamah chuan a ding teh meuh mai! Mahse amah phatsan tawhtu nge ni a thlan anga nula tuai tir te, rilru thianghlim ,ngaihtuahna pawh la thianghlim si hi....
Chutia a țhut lai chuan a phone a rawn ri a, a pick up a, chu aw chu a hai mawlh lo. A hai ngai lovang..
" Zanah i rawn leng phei lawk hman angem?"
" Ka hre lo le, ka lo inngaihtuah ange.....ka lo tum dawn nia.." Phone chu a dah a. Engtin nge Mapuii khan a number kha a neih mai theih le..!
Hruaia tan pawh Mapuii quarter chu zawn a harsa lovang , thingtlang khaw lian lo tak a ni a. A hmu ngei ang. Mahse va kal chu atan a țha angem le aw...!
Hruaia kawngka chu an rawn kik karh karh a.
" Lo lut rawh"
Pu Hmaa alo lut hlawl a.
" E ....kha i awm maw? Vawiin zet chu inva che țha ve le!..." Hruaia chu alo zak chem chem a, Mapuii chanchin a rawn zawt dawn emaw a ti a.
" Chuti em ni? Engti zawng chuan maw?"
" Bawihi te Sikul hi Parade-ah pakhatna an la ni ngai reng reng hleinem? I rawn awm hnu hian hma an sawn chak riau in ka hria .....hei tunah Pakhatna an ni lehnghal a..."
Hruaia chuan a rin loh lam a rawn sawi daih chu a lawm hle a, a thawveng huai a, mahse a thawveng rei kher angem le?...
" E...kei te chu engmah ka ni hleinem! Ka enpui ve zeuh zeuh a, ka thawhpui te thawhrimna avang zawk alawm."
" Ka rin aiin naupang i phurpui peih a, result țha tak nei ula ka duh hle mai! Ka duh dan phei chuan Topper te hi nei ula, subject hrang hrangah hian Letter hi hmu sup sup se, kan khaw hming te hi a ti țha ve ang a..."
" Ni khawp mai! Naupang lam hi an pawimawh ber zawk asin! An zir țhat peiha thu a ni mai"
A ni khawp mai zirnaah hian naupang lam hi an pawimawh ber a, Higher chinah ngat phei chuan an zir țhat peih leh rah țha a chhuah a ni mai! Zirtirtute hi a kawhhmuh tute chauh an ni zawk a. An titi zel a, khawtlang mamawh thil te an sawi dun ta zel a.
" Taka i Nu Kimi'n chaw rawn ei chho rawh se a ti asin, kan titi ata langin ka lo theihnghilh mai dawn alawm"
" A va lawmawm dawn ve"
" Lo chho har lo la, hei dar 5:00pm a hnai thuak a nia aw" A chhuak chho zui ta a. .Hruaia chu a inbual a, muangchangin Mahriati te in lamah chuan a chho ta a. Kawngka pawh kik lem lo chuan a lut a, chutihlai tak chuan Mahriati inbual zo chu Bathroom-ațangin alo chhuak a, Towel chu a rawn hnubih a, a mal vel chu alang thar sar mai a. Hruaia chuan alo en vang vang a, Mahriati lai lutuk chuan a lei chu a chhuah khum zeuh a..... Hruaia chuan alo siai zeuh thung a....
.............X...........
( Thuhma: Tunlai chu ka va buai em! Volume X naah hian ka thawnthu pakhat zawk 'WHATSAPP" tih hi post tel hman ka tum a. Manuscript chuan ka ziak tawh a. Mahse phone chiah ka nei si a, ka type hman meuh lo a ni. Tin, spelling mistake ka nei nual țhin a, khawngaiha min hrethiam turin ka rawn dil a che u. Sawisel ngai lai a awm chuan a post tu ka țhianpa kaltlangin min hrilh thin dawn nia.Tin, he ka thu ziah ve mai hi min hlutpuitute, a bua chhuahtura min fuihtu in awm nual hian ka lawmna ava tizual tak em!)
Mahriati hian Hruaia lung hi ava dum tak em! Hmel țha vuta han saei tur ni lo mahse, a han inchei hi chuan Phai Vapui ang mai hi a ni lah tak a. Nula pianthian lian lam a ni a, a sa hi la inphut lemlo mahse a mawi tawk zawk emaw tih mai tur a ni. A pian leh a sakruang hi thlir nin har tak a ni ve reng a ni. A chhan chu he nula sakhmel leh ruangam ah hian mipate duhthusam leh suangtuahna hi a kim vek ti ila kan sawi sual tam awm lo ve. Hruaia hian a hmu tirh ațang khan a ngaina nghal em em a. Mahse virpilh leh tihluat a hlauh vang leh a zirlai naupang a nih avang hian insum takin a thir a, a tawk te in annem biahthu a hlan thung a ni. A ni reng alawm, Hruaian atawn tirh ni pawh khan a hla play kha....ngaihtuah chiang se....' Zan tlaiah ka lo leng ang' Lallianmawia hla kha a ni tlat asin! Ni e, sakhming hriat hma pawh hian hmangaihna hi a piang thei reng a ni. Sappui lungfing zawkte pawhin, *Love at first sight* an lo ti hial a ni lawm ni!
Mahriati chuan, " Min en reng suh .....ka zak ve tho a nia.." lai tak chuan a ti a. Chutih lai chuan Pa Hmaa te nupa chu choka lamah an awm daih thung a.
" Tih palh...tih palh... Thil siam mawi lutuk hian min bual â țep alawm Lungrun.." a ti ta hnap.
" Ka inthlak dawn... A nute Choka ah an awm "
" Ka lo inthlakpui dawn che em ni" a nuih leh sak a.
" I duh a thu le" Mahriati mitmeng chu Hruaia tan chuan Potiphera nupui mitmeng te a tehkhin rum rum a. Mahse a la hun lo a ni. An hmalam hunah an la inthlak dun mawlh mawlh mai thei asin. Tu'n nge hria!? Sir Hruaia hian a duhlo chung hi a ni lo zawngin ati lui dawn lo tih hi a hrechiang em a. Khitianga chhang ngam khi a ni reng a.! Mahriati chuan a room lam chu a pan ta a, a luh dawn chuan Hruaia chu a siai zeuh a. Ava han duhawmin ava han lawmawm tak em! Um luh mai pawh a chakawm rum rum reng a ni. Mahse Hruaia chuan choka lam chu a pan ta zawk a.
................
Mapuii chuan eng tih zai mah arel thei lo! Sulhnu nunhlui chhuiin laikhum a bel a, abiangah erawh chuan mittui chuan cham hlen tum ni awm hrimin riahrun a rem thung a! Chunnu duhthlan sual vanga tuara awm mek-i chu ava riang tak em! Hnemtu ngaiin a vai ruai a, a mah hnem theitu leh a nunhlui nghilh tir theitu a tawng leh angem? Engtin nge he a hnathawhna khuaah hian Vanlalhruaia ber kher hi a rawn thawh ve nawlh theih le! Khuanu remruat em ni ni dawn? Nge khuanu remruat tidanglam tura khuanu ruat zawk em ni ni ang le? A tho a, a suitcase a a album hlui a la chhuak a.
Thlir nin har a ti. Pasal neih a tum laia Hruaia a room a a awmlai a an inbiakna chu a thinlungah tuna sawi zawh chiah ang hian a rawn ri nawn tluk tluk a..... hetiang hi an sawi dun chu a ni.
Hruaia," I hmangaihna puitlin ta si lo leh i intiamna tipuitling lo hian thlan khurah min tirh liam i tum ta em ni?"
Mapuii," Engkim kan sawi fel tawh a, kei aia țha leh fel ila tawng dawn alawm, min nghilh zawk rawh.."
" Thinlunga inziak tawhte hi a nawhreh theih dawn em ni? Fa te ila nei anga, ka thisen an kai ve dawn lo asin.."
" Kei pawn ka hmangaih țhin che, mahse a tlai zo ta si... min nghilh zawk rawh"
" I duh vak lo a ni lawm ni? Hei hnate chu ka zawng ve mai anga....kan rethei bik nang..."
" Hruai, a theih tawh loh, i thinlung ațang chuan min nawtreh ang che"
" Vawiin ațang chuan K.Lalremmawii ..........chu hming chu ka thinlung ațangin thai bo ka tum tawh a nge...Dam takin mang țha le.." Hruaia'n a kalsan ta a ni.
Mapuiin chung thu a lo sawi te chu ava inchhir tak em! Mahse sut thei hian hun hian kal zai a rel si lo.!!!
Ei rawngbawl tura a awmpui zirlai Thani chuan Mapuii khuma mu reng chu a va en dek dek a...
" U Mapuii chaw ei ka peih tawh a.."
A chhang lem lova..Thani chu ala ding reng a.
" U Mapui chaw kan ei tawh dawn em ni?" Ring deuh hleka a tih chuan Mapuii chu a rawn hawi chhuak ta a.
" Thani min lo eisan mai teh..... Juice emaw cold drink emaw kha min lo pe zawk la...lo ei mai rawh"
Mapuii chuan a hla duh em em Vanlalsailova hla ' Kir zai i rel lo'ng maw' tih chu cold drink in pahin a ngaithla a. A ngaihtuahna ava han kal thui tak em! A hla thu chuan a hneh em em mai a.Hetiang hian...
' Thinlai rukah dawn a sei ngei e,
Hmanah suihlung rualtea,
Lengdun ve țhinin hlimlai par kan tlan,
Ka dawn ngai lo..tiang em a!
Lunglai min hersan hma hi ..
Mualan a liam ta e, hman a ka chhai lai di,
Thinlai a na ngei e, lunglam ka vai ruai e,
Kha chen ka nghak che itan chauh tiin
Rinawm kan tiam si a...
Lengzawng zingah ka riang rei lua e,
Aw a na asin...
Runsang rawn kai leh la,
Khartung rawn sawn leh la...... ( ziak zo vek lo mai ila hla thu hi chu..A hla hi you tube velah ngaithla ila, Mapuii thinlung chu a hriat thiam theih zawk awm e)
Hruaia lo kal hun chu a nghak dawn ta a ni.....
Inbual a tum ve ta a. Hmel thar leh țha zawk a alan a ngai si a. Mapuii hi hmeichhe tituai nalh tak a ni ve reng reng a. Tlangvalten rim ve țhin mahse a uksak tehchiam ngai lova. Thinlunga khawkheng tuar tawh a ni miau va, thinlung khawkheng tuar tawh tan chuan khawkheng tawrh nawn hi a zuamawm loh hle reng a ni.
" Țang laiah di zun a cham ni chuan,
A tham vel e runin zau ah,
Lung tileng chang zo nunhlui ngaih a na a,
Chunnu lungmawl i dawn tawi lua a ni."
Mapuii beiseina awmchhun chuan Van lam kohna a chhan san ta si! Chumi hnu chuan chul rit tur leh ngaihdam dil ngaia a hriat Hruaia chu tlangval alo la nih tak hlauhin a zawng ru char char a...
Tunah țhal tui ang a nghah chu vawiin ngei khan a tawng ta! Kumsul vei ngaih leh lunglen hian a chhunzawm mai angem le... Fai tak chuan a inbual ta a! A mi nghah chu a lokal a ngem?
.......
" Hruaia zanin chu I pa Hmaa nen hian chhuah lawk kan ngai a, Bawihi hi ilo awmpui hman angem?"
Nu kimi chuan chaw eikham țhut muan lai chuan a ti a. Hruaia meuh pawh a lu a hai ve ta map mai le!
" In rei angem le?"
" Rei deuh mai thei! Bawihi hi lehkha te lo zirtir la...Lo thiam tir vek la...."
Awmze nei tak chuan a ti a.
" I pa Hmaa hi kan lenchhuah tawh hi chuan a ti ti leh chiam zel a... amah avang hian kan rei ziah alawm" nui heu heu chua a ti a.
" A teh daih chuan...mai mai ţhin a, amah zawk hi alawm, a ri leh chiam zel alawm"
" E va leng ru, kan lo zir ange, thu a awih loh chuan ka lo khawng dawn nia" a nui var var a.
" Lal A nu lo haw har su aw..." Mahriati chuan a ti a.
Nu kimi hian chhuanlam a siam a, lenna tur hi a dap chawp a, a pasal hnenah a țul a ti mai mai a ni. A fanu leh Hruaia hian inpawh taka ti ti an mamawh tih a hria a, sawi dun tur an nei tih a hrechiang em a ni. A fanu hi a hmangaiha, hlim taka fanau maltluan chawi pui tur mi țha leh rintlak hei lo liam a tawng tawh lovang tih a hre chiang em atin ni!Dem chi a ni lo,nu in an fate hrehawm hi a hlau vek a, mi țha lo tak pasalah an nei ang tih an hlau em asin!
Pu Hmaa te nupa chuan an lensan ta a. Hruaia chuan Tv alo en a, UFC Replay alo en a.
" Khitiang khi chu ka en duh lo, an thi nasa thei e mai!"
" Eng nge kan en ang Lungrun?"Hruaia chuan a hnaih sauhva... An inhnaih ta kher mai. Chutih lai tak chuan Hruaia phone a rawn ri ta a. Hruaia chuan tu nge a nih a hrechiang kher mai. Phone chu a pick up angem le...
A en vang vang a..
" Tu nge a" Mahriati chuan a ti......
Comments
Post a Comment